وراء كل رئيس فاشل.اا
06-13-2011 01:36 AM

حديث المدينة

وراء كل رئيس فاشل..!!

عثمان ميرغني

مسكين علي عبد الله صالح.. الذين حوله أقنعوه – أكثر من مرة – أن الشعب يحبه ولا داعي للتوقيع على المبادرة الخليجية.. وقالوا له: (اضرب بيد من حديد) دون أن يذكروه أن شعبه من أكثر شعوب الأرض مدججاً بالحديد.. فأوغل فيهم قتلاً وضرباً .. فماذا كانت النتيجة؟؟ في ظهر الجمعة قبل الماضية.. شخص ما أو جهة ما. تعلم جيداً برنامج تحركه.. فهو سيخاطب التجمع الجماهيري في ميدان السبعين ليرد على مظاهرات المعارضة . مظاهرة بمظاهرة.. ويفترض أن يلتقي بكل رموز الدولة لينطلقوا معاً فإلى اللقاء الجماهيري.. في اللحظة التي كانوا فيها شبه متلاصقين.. انفجرت وسطهم قذيفة سددت بدقة كبيرة.. وفي أقل من دقيقة تحول الموقف إلى صدارة نشرات الأخبار.. الرئيس أصيب إصابة مباشرة.. وبجواره كل الدولة.. رئيس مجلس النواب ورئيس مجلس الوزراء ونائبه.. وثلة أخرى من الكبار المهمين حتى الحرس.. الأمر لم يكن في حاجة لذكاء، لأي رئيس عاقل راشد أن يدرك أن الشعب اليمني مدجج بالسلاح إلى أذنيه.. وأن أي بيت يمني قادر في لحظة على إغراق شوارع اليمن في الدماء.. وكان أكثر ما بهر العالم في ثورة شباب اليمن. أنهم رغم كل هذا.. أضمروا الثورة السلمية حتى آخر قطرة من دمهم. لم يحاولوا أبدا مجاراة الحكومة والانزلاق إلى مجرى الدم.. لكن الرئيس علي عبد الله صالح .. استهل نصائح حاشيته المقربين.. كلما قالوا له اضرب .. ضرب بكلتا يديه.. قبل يومين فقط من الحادث الذي تعرض له.. ارتكبت قواته الأمنية مجزرة كبرى في مدينة تعزز بدم بارد أمطرت الثوار في الميدان بالنيران والرصاص وقتلت بأشهى ما تيسر للبنادق أن تصطاد.. ما الذي كان ينتظره الرئيس اليمني بعد كل هذا.. من السهل افترض أن رجلاً ما في ساعة ما سيقرر إنهاء اللعبة القذرة الدموية. وما أسهل أن يعتلي أي مرتفع أو بناية عالية .. ويصطاد كل الحكومة.. وعلى رأسها الرئيس نفسه.. الآن الرئيس صالح يرقد بين الحياة والموت في المستشفى العسكري بالرياض.. حتى ولو تنفس عافية الجسد .. فإن عافية الروح ذهبت.. لن يستطيع حكم اليمن حتى ولو رجع إلى اليمن.. ألم يكن للرئيس مستشار واحد عاقل ليقول له (لا).. ألم يكن له صديق واحد مخلص يخاف عليه من نفسه.. ألم يكن في كل مجالسه ناصح أمين. طبعاً لا .. ليس لقلة وشح النصحاء في اليمن.. والحكمة يمانية .بل لأن وراء كل رئيس فاشل.. قلب يأبى النصيحة.. الرئيس صالح لم يكن قادراً على الاستماع إلا للنصحية التي تفصل على مقاس هواه ومزاجه.. فأخلص له الناصحون على قدر مناه ومراده.. هوى الرئيس .. ولا عزاء للحاشية..!! وستظل القصة تتكرر مع التاريخ أبد الدهر. كلما توفر نصحاء لا ينصحون.. ورؤساء لا يسمعون.. إلا ما يحبون سماعه..

التيار


تعليقات 34 | إهداء 0 | زيارات 6136

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#160009 [ابو عثمان ]
0.00/5 (0 صوت)

06-14-2011 04:33 PM
غلبان .. هههههههههههههههههههه صبقطني .. الصفقة الصفقة


#159572 [غلبان وما قنعان]
0.00/5 (0 صوت)

06-14-2011 12:43 AM
وراء كل رئيس فاشل واحد بتاع كشك ما انتحر واولادو طفشو


#159555 [roosh]
0.00/5 (0 صوت)

06-13-2011 11:54 PM
ياحليلك وحليل دريم لاند مالك ما كملتها سكتوك


#159457 [الفالح]
0.00/5 (0 صوت)

06-13-2011 07:58 PM
ارجو من بعض المعلقين ان يكونو اكثرجدية لان الامرامر جد وليس هزل وارجو من العض الاخران يحاول القرأة مابين السطور ولايكونوا سطحيين بهذا المستوى الغير لائق بمجرد الفرد قضى بعض الوقت امام الجهاز يجب ان يستفيد ويستغل هذا الوقت بماهو مفيد له وللجميع


ردود على الفالح
Sudan [Moh.Khair] 06-14-2011 12:44 AM
يافالح عصمان ده يهزؤ بنا, لا يقراء ويعتقد الجميع اجهل منه الضربة كانت فى المسجد يعنى ما يتلاصقوا والامام بيقول ليهم سدوا الفرج (بضم الفاء) عشان الشيطان ما يدخل وكدا.
عشان ما تقول سطحى, يجب قبول الموضوع شكلاً و من ثم موضوعاً الموضوع شكلاً مرفوض لاستخفاف الكاتب بنا ك قراء.

اما يا عصمان اقراء فى القران الكريم رد سيدنا موسي على من اتهموه (بالهزؤ) لتحدد مكانك ومكان صاحب الكشك الماانتحر واولادو الطفشو وصاحبك الذى لا يطلم عنده احد عشان نعرف نحن كمان موقعنا الجغرافى


#159445 [mohamed]
0.00/5 (0 صوت)

06-13-2011 07:24 PM
خلينا من على عبدالله صالح

اه انت قلت للبشير شنو ان شاءالله يكون سمع كلامك


بعدين الكشك والراجل الحصل فيهم شنو


#159353 [محمد احمد السودانى]
0.00/5 (0 صوت)

06-13-2011 04:42 PM
دة بخصوص صالح ماتعرفنا شوية عن بشبش بتاعكم


#159343 [mazin]
0.00/5 (0 صوت)

06-13-2011 04:34 PM
وين الكشك يا صاحب الوالى الزى لايظلم عندهو احد !! ورينى حصل شنو لى الزول الما انتحر واولادو الطشو ;( ;( ;( ;( ;(


#159280 [الزول الكان سمح]
0.00/5 (0 صوت)

06-13-2011 02:41 PM

يا محى الدين

هو... مادكان بتاع الراجل....الكشك...الكشك....الكشك....الكشك ...الكشك...الكشك

الكشوووووووووووووووووووووووووووووك...الكشك

ود الخدر....ود الخدر...ود الخدر ....ود الخدر...ود الخدر....ود الخدر....ود الخدر..ود الخدر

ود الخدررررررررررررررررررررررررررررررررر..ود الخدر


ردود على الزول الكان سمح
Saudi Arabia [nubian] 06-15-2011 03:44 AM
قلت شنووووووووووووو الكررررروش ود الحبررررررررررررر


#159260 [مندى]
0.00/5 (0 صوت)

06-13-2011 02:16 PM
اطمئن يا باشمهندس...فحكومتنا هنا اسلامية ورئيسنا ولله الحمد محاط بمستشارين مؤهلين يحكمون ضمائرهم ويقدمون مصلحة الشعب علي كل ما سواه وعلي راسهم ابو العفين وصديقك الوالي الذي لا يظلم عنده احد الما رجع الكشك للزول الكان داير ينتحر ولسة ما انتحر الاولادو طشوا ولسة ما رجعوا
كسرة_ سمعت تحت تحت كده انو الزول الكان داير ينتحر مقدم لعضوية نقابة المنتحرين بس مطلعين عينو برسوم العضوية والاشتراكات


#159249 [abubakr]
0.00/5 (0 صوت)

06-13-2011 02:03 PM
والله العظيم كل ما أقرأ التعليقات عن ودالخدر صاحبك وصاحب الكشك تكاد روحي تخرج من الضحك وكدت أشرق من القهوة حتى خرجت من أنفى. كفاية أرحمونا منها


#159238 [محمد احمد]
0.00/5 (0 صوت)

06-13-2011 01:44 PM
الاخ عثمان كيف يكون السيناريو اذا انفجر الوضع في السودان واين تكون يا عثمان............ ماذا تكتب..... سير سير سير سير يا بشير


#159219 [ابو عماد]
0.00/5 (0 صوت)

06-13-2011 01:13 PM
الحالة عندنا في السودان مقلوبة .... فرئيسك يا عثمان ميرغني كنائب رئيس اليمن لا يقدم ولا يؤخر ..... ((((( وان اخر فلا يعني انه يفعل شيئ وانما بسبب سلبيته ووهنه ))))) فالجميع يعلم ان الخيوط التي تحرك الدمية بيد نافع (((المكروه داخليا وخارجيا )))) و (((( المهووس بحب السلطة ))))) (((المتطلع للرئاسة على اشلاء الشعب السوداني المنهكة بسنوات الانقاذ العجاف )))) حسبنا الله فيكم


#159207 [عادل عبدالحق]
0.00/5 (0 صوت)

06-13-2011 12:53 PM
هذه كتابة على وزن
(الكلام ليك يالمنطط عينيك)
(وأياك أعنى فأسمعى ياجارة)
شكرا، وأهلنا قالوا (الكحة ولا صمة الخشم)
تبرا إنت من الكحة وأمراض القولون ولئامة زملائك الكيزان
وخلاص دا كلامى العايز أقوله وقلته
ولكن شكلك كدا متوقع أن أسأل السؤال داك
أطمن خالص أخوى عثمان فليس في نيتى لا من قريب أو بعيد أن أسألك
عن صاحب الكشك الما أنتحر وعياله الطشو
ولا الوالى الذي (أتضح أنك كنت مغشوش فيه ساكت فهو يظلم عنده كل أحد). وكمان الراجل الوالى دا لا صحبك ولا حاجة (وأنت زول غشيم ساكت)، ولو كان صديقك (فالصديق وقت الضيق)، وأنت كل يوم في ضيق من سؤال الناس عن الراجل الماإنتحر وعيالو الطشو ولا ما طشو ما عارف
وتكونت جمعيات للموضوع وفتحت صفحات على الفيس بوك للمتابعة وعيال صغيره كدا تجى من وراك وتعمل حركات غريبة (على رأي عادل إمام)، وجاء المحافظ والعالم، إلا صاحبك الوالى ما سترك مع الناس (وبرضو تقول لى صحبك، والله دا أنت غشيم غشامه)


#159198 [عبدالحق]
0.00/5 (0 صوت)

06-13-2011 12:29 PM
اليشير يختلف لانه معين من السما وتباركه العنايه الالهيه وملائكة السماء ... هذا ليس كلامى بل حديثكم انتم ايام صيف العبور المهزوم ... كانت الملائكه تقاتل مع المجاهدين وسحائب المزن تغطيهم من حرارة الشمس والقرود تدلهم على اماكن دفن الالغام والشجر والحجر يكبر ..و بعد الهزيمه المدويه لخنازير الجبهة الاسلاميه فى غزوة نيفاشا تبينت كل الحقائق .. وصارت المسيره القاصده للدولار على مشارف النهايه .. اللعنه على الكهنوت الدينى الظلامى المرتشى والملتحى بثياب النفاق الرخيص ..


#159197 [hamid abdeen]
0.00/5 (0 صوت)

06-13-2011 12:29 PM
يا عثمان ميرغني والله الناس ديل حا يجننوك يا خوي ،اخونا الزول الكان سمح وقرفان جدا وبقية العقد الفريد.
انا عندي ليك نصيحة احسن ما تتجاهلهم وتوريهم الحاصل شنو لي الزول الكان داير ينتحر وقصته مع ود الخدر الذي لن يظلم عنده احد حسب زعمك ، واولاد الراجل الطشو.
لانك بديت ليهم الموضوع وما تميتو
والناس من حقها تعرف مصير مواطن سوداني من باب المسؤلية المجتمعية
اين هذا المواطن
هل انتحر فعلا
هل حلت مشكلته
هل اولاده موجودين ام ساحوا في البرية هائمين على وجوههم
هل ود الخدر قام بواجبه نحو والدهم ونحوهم باعتباره واليا عليهم
فالاحسن ياخوي تجاوب الناس ديل بدل ما يعملو ليك وجع راس


#159193 [متابع]
0.00/5 (0 صوت)

06-13-2011 12:15 PM

ألم يكن للرئيس مستشار واحد عاقل ليقول له (لا).. ألم يكن له صديق واحد مخلص يخاف عليه من نفسه.. ألم يكن في كل مجالسه ناصح أمين. طبعاً لا .. ليس لقلة وشح النصحاء في اليمن.. والحكمة يمانية .بل لأن وراء كل رئيس فاشل.. قلب يأبى النصيحة.. الرئيس صالح لم يكن قادراً على الاستماع إلا للنصحية التي تفصل على مقاس هواه ومزاجه.. فأخلص له الناصحون على قدر مناه ومراده.. هوى الرئيس .. ولا عزاء للحاشية..!! وستظل القصة تتكرر مع التاريخ أبد الدهر. كلما توفر نصحاء لا ينصحون.. ورؤساء لا يسمعون.. إلا ما يحبون سماعه..


أراك تعني ربعك بمفهوم إياك أعني فاسمعي يا جارة، أو التلميح لا التصريح، نسألك بالله لو كان السلطان تيراب أو عمارة دنقس أوعبدالله جماع أوبادي ابو شلوخ أو سلاطين الفور ورثوث الشلك الما حضروا العالم المتقدم ولا حملوا شهادات دكتوراة زي العند جماعتك لو كان واحد منهم قام من قبروا وقالوا لي مشكلة السودان سببه شنو مش حا يعرفا بي بساطة وممكن يحلها بدون وسيط افريقي وتسليم ملفات للسي آي إيه ودخول قوات هجين وغير هجين،،، السودان ماش بالمقلوب في كل شيء ماضيهو أحسن من مستقبلوا ....


#159184 [wedhamid]
0.00/5 (0 صوت)

06-13-2011 12:01 PM
مـرة تـانـيـة يا عثمان افـنـدى قـمـت تـخـربـت و تـغـرق لـيـنـا فى شـبـر مـويه !!!!

تـتـسـاأل و بـكـل سـذاجـة لـو الـرئـيـس مـا عـنـدو نـاصح ؟؟؟ دا كـلامك ........((ألم يكن للرئيس مستشار واحد عاقل ليقول له (لا).. ألم يكن له صديق واحد مخلص يخاف عليه من نفسه.. ألم يكن في كل مجالسه ناصح أمين.) ؟؟؟؟؟؟
طــبـعـاً لا .....انـت شـايـف الـكم و تـسـعـيـن ممن يـسـمـون مـسـتـشــاريـن حـول الـرئـيـس ديـل نـصحـاء ؟؟؟ كدى اعمل لـيـنا قـائمه باسمائهم !!!! سـنـرى الـعجب .....ما حـأكون إتـجـنـيـت عـلى احـد لـو قـلتت لا مـؤاخـذه ديـل وظـيـفـتهم قــواديـــن !!!! الرئيس زاتـو قـبـل كـم يتوم اسـتـغـرب ضـخـامـة عـددهم و قـال متهكما ....ديل مرتبات عدد 4 مستشارين فى اى ولاية ممكن تعيّن 20 طبيب اختصاصى !!!!

و الله لو كان اى واحد فى من يسمّـوا بالمستشارين ذرة كرامة كان طالب الرئيس بالاعتذار العلنى او راح فى داهيتو ( اقصد ماليزيا او دبى او سلطنة عمان حيث استثماراتو !!!!)

طيب يا عثمان افندى انت رئيس او مدير تحرير ما عارف!!! يعنى مقامك فى الصحافة كبير ( دى بقيسك على مقاس محمد حسنين هيكل مثلا) و كلنا عارفين انو الصحافه من واجباتها تقديم النصح و توضيح الصاح من الخطاء للحاكم......عملت شنو ؟؟؟ ما كنت قاعد تـطـبـل لـيهم ليل نهار !!!!!! طيب ممكن نقول كنتو غلطانين او مخدوعين !! مـش مـفـروض دى تـعـتـرف بـيـها عـلنا فى الاول و تـعــتـذر للناس الكنت بـتـضـلل فيهم كل الزمن دا؟؟؟ هل فى الاعتذار أى خطيئة؟؟؟ انت اعتذر و نحن حنقبل منك يا اخى ... و سـيـبـك من صاحبك الوالى.... ود الخدر...... المابنظلم عندو احد...... و..... الما رجع للزول الما انتحر..... كشكو......... و,,,, اولادو......... الطشو


#159174 [الساير]
0.00/5 (0 صوت)

06-13-2011 11:45 AM
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

كان يا ما كان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واحد عنده كشك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مشي يدفع الضرايب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولما رجع ما لقي الكشك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أخد تاكسي وطفش . ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الكشك يا عصمان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرسول تقول لينا حصلو شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


#159164 [سلايمان قش]
0.00/5 (0 صوت)

06-13-2011 11:33 AM
الزول الكان سمح تحياتي انت بتاع مشاكل !!!! انت ياخي مالك ومال الفيلا المليارية؟ ياخي ما قالو بئر معطلة وقصر مشيد يعني كشك معطل وفيلا مليارية


#159143 [محي الدين]
0.00/5 (0 صوت)

06-13-2011 11:00 AM
كان أولى تقديم النصح للطيره البشير لأنو صالح خلاص فاتو القطار

بعدين ما عاوزين نهاتر بموضوع الدكان والراجل خلينا في المهم دا لو بتقرأ التعليقات

وبعدين جايز يكون ربنا هداك وبقيت من الشرفاء أو ربما في مقدمتهم لأن الله يهدي من يشاء نسأل لك الله الهداية ومن معك من الكيزان الحؤيصين على العودة الى جادة الحق لأنهم منا وفينا


#159139 [ابو حسان]
0.00/5 (0 صوت)

06-13-2011 10:52 AM
صباح الخير ايها المستشاروون اسف السودانيون ههههه هسع الاساذ ده قاصد الكلام القاصدنو ده ولاعايزين تجيبو للزول ده كفوه ساااااى!!!!
بالله هم المستشاريين ديل بعينوهم عشان يقولو لا؟ ولاترضيات ووراها قصص ! سبحان الله طيب انحنا عندنا 79 مستشار لى مافيه راجل ولاراجله ساااااااااى يقولولا!!!! والله انتو عايزين تجيبو هواء للاستاذ ده ماكفايه قبل شهر صادرو ليهو نسختين وخسروه خساره العدوو برضو ماكفاكم !
تحياتى لك مستشارى ....... اسف استاذى عثمان مرغنى ..


#159132 [عبدالواحد المستغرب جدا!!]
0.00/5 (0 صوت)

06-13-2011 10:44 AM
والله بصراحة انا ما كملت قراية مقالة الزول ده ،فعفاريت التعليق بقت تنطط قدامى وما اداونى فرصة أكمل القراية للنهاية !!وأعتقد الهندسة مما قال ياواحد وقعد لكتابة هذا الموضوع (الخطير والفطير فى آن) إما دخل عليه شخص يحمل كيس نايلون شفاف به اموال ،فتشتت افكاره !! وإما دخل عليه واحد برفقة شرطى وفى يده أمر قبض وكان هو المعنى بالقبض عليه ولم يستطع ان يركز فيما كان ينتوى كتابته مما أدى الى أن تتحول المقالة الى (طشاش) وكلمات اقرب الى كلمات الدجالين والسحرة كامثال (شمهور ،شمهرير !!) ده شنو ياعثمان البقيت تعمل فيهو ده ؟ إنت خليت زولنا ده ونطيت لبيوت الجيران ؟ وكده ابقى راجل وحدد لينا من هم وراء الفشل البعانى منه زولنا ده ؟ ولا فالح تطبل لود الخدر المابيظلم عنده أحد ؟ والاولادوا طفشوا !! وهب تقفذ لما وراء البحار لتعطى دروس فى (كيفية متى يكون الرئيس فاشلا والمصير الذى ينتظره ؟!!) - رايك شنو ياعثمان فى أكوام الفشل المعبين بيهم القصر الجمهورى ؟ وإذا اعدت لى السؤال فأقول لك بكل صراحة الصحفيون امثالك هم وراء (الفشل الرئاسى والفشل الكلوى و الكبدى والطحالى والقولونى والبنكرياسى --نقول شنو ونخلى شنو من أنواع الفشل الذى تسببتم فيه يا (كترلات!!) -


#159130 [الزول الكان سمح]
0.00/5 (0 صوت)

06-13-2011 10:39 AM

ياعثمان ميرغنى

عيبك إنك دايماً بتقنطر لينا الموضوع ...ونحنا بمنتهى السهولة ..نقتبس التعليقات

( وراء كل رئيس فاشل إعلام متدنى الحِرفية والمِهنية ) أمثال ربيع عبد العاطى والطيب دلوكة وما داير أقول عثمان ميرغنى لأنى شايفك اليومين ديل عامل بى نهج ( بعِد تعال ماتقترب ). ودى يمكن تشفع ليك لى قدام.

وبعدين عندى سؤال مضاف لسؤالى المعتاد بتاع الراجل الما إنتحر وصاحبك ود الخدر الما رجع ليهو كشكو...وأولادو الطشو..

قصة الفيللا المليارية البتبنى فيها دى صحيحة؟؟؟ وجبتا قروشا من وين؟؟؟

الخلانى أطرح السؤال ده إنو فى صحفيين كتار فى البلد دى مؤجرين.


#159128 [سيد إبراهيم محجوب]
0.00/5 (0 صوت)

06-13-2011 10:36 AM

يا عثمان إنت ما تنصح البشير ، قبل ما يقع الفأس في الرأس

المطبلين الهللو لإحتلال أبيي وطبعاً إنت ما عندك مانع تتطبل معاهم ، ديل هم الحيودي البشير والسودان في ستين داهية .


#159098 [malik al7zeen]
0.00/5 (0 صوت)

06-13-2011 09:39 AM
سيبك من بتاع اليمن ,,,,,, اخبار صاحبك ود الخدر شنو ؟ مع صاحبنا بتاع الكشك ؟


#159095 [Talab aldaw]
0.00/5 (0 صوت)

06-13-2011 09:35 AM
إنشاء الله عقبال البشير والوالي صاحبك.
نفرح بي ضربتوم يارب.


#159076 [AlHalfawi]
0.00/5 (0 صوت)

06-13-2011 08:53 AM
يا جماعة الدعوة موجهة لأنشاء قروب بالفيسبوك حتى يرد عثمان الأسم المقترح \"الزول الما انتحر والكشك\"...رجاءاً مزيد من الأراء!!


#159068 [والعصر]
0.00/5 (0 صوت)

06-13-2011 08:33 AM
المعنى واضح يا عثمان .. والواضح ما فاضح
فشلت الانقاذ ووزر فشلها يتوزعه قادتها جميعا واولهم البشير
فشل من كانو يسمون بالاسلاميين في اقامة نموذج للدولة الاسلامية لانهم ببساطة فشلوا في ايجاد رئيس يجسد معاني وقيم الدين في واقع الحكم مثلما فشلوا في تطبيق شعار (ربط قيم السماء بالارض) الذي كانوا يرفعونه في الجامعات. الآن السماء وقيمها في جهة والارض والفساد المنتشر فيها في جهة. اما سورة العصر فنصيبها من التطبيق انها تختتم بها الاجتماعات والقاءات فقط ... سبحان الله...!!!
البشير لا ناصح له .. والاسباب كثيرة منها ما يتعلق به ومنها ما يتعلق بمن حوله .. وفي كل لا تهم الاسباب بقدر ما تهم النتيجة...!
سيناريو علي عبدالله صالح يمكن ان يتكرر .. بل هو اقرب لان صراع مراكز القوى وصراع المصالح داخل حوش المؤتمر الوطني سيكون له القدح المعلى في التغيير الذي سيحدث ولا عزاء للمعارضة التي ستشتري مثل اي شخص اخر تذاكر الفرجة على ما سيحدث ولا يهم تجلس في اللوج ام في الشعبي....!


#159059 [واحد]
0.00/5 (0 صوت)

06-13-2011 07:41 AM
وراء كل رئيس فاشل عثمان ميرغنى واشباهه


#159056 [AlHalfawi]
0.00/5 (0 صوت)

06-13-2011 07:25 AM
شكراً على التورية...كما نسأل الله أن يكون هناك عاقل يأتى من أقصى المدينة ليشرح مقالك هذا لبشيرنا لما حدث لصالحهم...تعّددت وسلمت الأسماء ولكن الشخوص واحدة!!


#159052 [سلايمان قش]
0.00/5 (0 صوت)

06-13-2011 07:11 AM
تاني ياشيخ عثمان قمت علي حركات دي انت في مقال امس ماقلت القادة في الصف الاول هنا عندنا ماعندهم راي اويضمروه !!!!البخلي قادة اليمن اوناس الصف الاول يجاهرو برايهم شنو ؟ما نفس الحكاية وكان ما مصدق اسال صاحبك ود الخضر الما بنظلم عندو احد والما رجع للزول الكان داير انتحر كشكو واولادو الطشو


#159051 [أبو علي أبو]
0.00/5 (0 صوت)

06-13-2011 07:04 AM
إياك أعني واسمعي يا جارة ! مش ولا ما مش ؟ يا أستاذ ! ليتنا نتعظ ( علمني موت هذا الذئب ! ) كما جاء في القصة المأثورة .. نحب بلدنا .. نحب نيللا .. نحب ليلا .. نحب ناسا ( مش الأمريكية ) لا تحرمونا من كل ذلك - يرحمكم الله . ولن نرضي أن يمس أحد قادتنا وعلماءنا والخيرين من أبناء بلدنا - بلدنا الواحد الموحد ، بحدوده المعروفة والمألوفة . لن نوافق أن تصبح مسرحا لتصفية الضغائن والأحقاد والحسابات الشخصية . انتبهوا حتي لا تلتفتوا فلا تجدوا السودان ذاته !! والله يقول الحق وهو يهدي السبيل .


#159016 [ali]
0.00/5 (0 صوت)

06-13-2011 02:03 AM
WHO WILL ADVICE OURS??1 BEFORE NOT BEING SHOT BUT ALL THE COUNTRY COLLAPSE DAWN!!1HIS HALF EDUCATED WIVES OR HIS BUSINESS MEN!! WHO CLAIMMED TO BE ADVISORS!!1


#159015 [sarkozi]
0.00/5 (0 صوت)

06-13-2011 02:02 AM
نعم زي سجمك القاعد 22 سنة وحوله 35 مستشار وعينة من الصحفيين امثالك الله يطرلاقها في راسكم اجمعين


عثمان ميرغني
 عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة