عضة بعوضة ..!ا
06-29-2011 02:20 PM

حديث المدينة

عضة بعوضة ..!!

عثمان ميرغني

هل تابعتم جلسة البرلمان أمس الأول.. يا للإحباط.. يا لهذا الوطن المثقل بالأسى.. نحن نتقن صناعة (توطين الفشل بالداخل).. سآخذ لكم مثالاً.. مؤلماً. في جلسة عقدها البرلمان أمس الأول.. وتداول حول العلاقات السودانية – الأمريكية.. تحدث بعض الذين لهم علاقة بالملف. د. غازي صلاح الدين.. الفريق أول صلاح عبدالله (قوش).. ثم د. مصطفى عثمان إسماعيل.. مصطفى عثمان.. شغل منصب وزير الخارجية لفترة طويلة.. وبالضرورة يجدر أن يكون الأقرب إلى فهم خفايا الملف الأمريكي والشيطان الذي يسكن تفاصيله.. ويشغل حالياً مستشار رئيس الجمهورية.. وستكون مصيبة كبرى إذا اتضح أن السيد الرئيس يستشيره في الشؤون الخارجية.. فالواضح أن د.مصطفى يقدم الاستشارة على مقاسات ما يطلبه المستشير. مصطفى عثمان قال في جلسة البرلمان: إن سياساتنا تجاه أمريكا يجب أن تتغير.. كيف؟؟ انتهاج مبدأ المعاملة بالمثل.. كيف؟؟ من عندي ربما أقدم تفسيراً.. صفعة بصفعة.. ركلة بركلة.. عضة بعضة.. والبادئ أظلم.. إذا زارنا في الخرطوم مساعد وزير الخارجية الأمريكية لشؤون أفريقيا.. لا يجب أن يقابله في الخرطوم إلا موظف وزارة الخارجية المختص بالشؤون الأمريكية.. على سبيل المثال لا أكثر.. أو إذا أرسلت أمريكا صواريخ كروز لتدك مصنع الشفاء.. نرسل لواشنطون صواريخ (كرري-2) التي تطلق من غواصاتنا المنتشرة في المحيط الأطلسي. أين المثل ؟ في العلاقة بين السودان وأمريكا؟ نصيحة د. مصطفى للبرلمان ذكرتني وقائع في التسعينات.. كنت أكتب بصورة متواصلة في عمود \"حديث المدينة\" أطالب بحلّ ما عرف بـ(المؤتمر الشعبي العربي والإسلامي).. ومنع اجتماعه العام الذي كان على وشك أن ينعقد في الخرطوم.. باعتبار أنه يكرس ازدواجية في سياستنا الخارجية.. ودافعت بشدة أن تكون لوزارة الخارجية وحدها الهيمنة على ملف العلاقات الخارجية.. دعينا إلى لقاء في مقر المؤتمر الشعبي العربي والإسلامي.. ولا زلت أذكر بالنص ما قيل لنا: (وزير الخارجية مصطفى عثمان بنفسه موافق.. فلماذا تعترض).. كان يحيرني للغاية كيف يوافق وزير الخارجية على عقد المؤتمر الشعبي العربي والإسلامي في الخرطوم وهو يعلم أن هذا المؤتمر يدمر علاقتنا الخارحية تدميراً.. حتى تطوع مسؤول كبير وشرح لي الأمر.. عندما قابلني خارج المكان وهمس في أذني: ( كلنا نؤيد وجهة نظرك.. لكن رفضنا يعني طردنا).. بعبارة أخرى أن (الرأي) يقدم دائماً.. على طبق جميل يناسب (رأي) السيد الأعلى.. كنت أود أن أنقل لكم ما قاله الفريق قوش في نفس الجلسة فصفق له البرلمان.. لكن أخشى أن يتسبب ذلك- أيضاً- في طرده من البرلمان.. الفرق بين ما قاله مصطفى عثمان وقوش.. أن الأول –مصطفى- قال كل ما تصور أن الحكومة تحب وترغب أن تسمعه.. والثاني –قوش- قال ما تصور أنه رأيه والحقيقة فحسب.. فهذا مستشار مقيم.. وذاك مستشار مقال.. أعرفتم إذن.. لماذا (يدوم) عزّ مستشار.. ولماذا يقال مستشار؟


التيار


تعليقات 26 | إهداء 1 | زيارات 3982

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#169895 [الخجلانة ]
0.00/5 (0 صوت)

06-30-2011 08:08 PM
بصراحة كدا انا خجلانة من الانقاذ واهلها وكذبهم وكنت معهم والان وانا اتبرا منهم اجمعيم بما فيهم انت يا عثمان لسبب واحد كلكم كذابين ومنافقين
مصطفى دا هو السبب فى قبول القرار 1593 الذى وضع السودان فى البند السابع وتامر مع عمر سليمان والفاتح عروة والمخابرات الامريكية ورغم دا الرئيس عملوا مستشار وهو لا يعلم انه راس المؤامرة ..
مصطفى لم يعمل يوما واحدا من اجل الانقاذ انه يعمل من اجل الترابى ومصر وامريكا مع شريكه عمر سليمان وعمر موسى


#169552 [wahied]
0.00/5 (0 صوت)

06-30-2011 10:46 AM
مصطفى عثمان يا سيدى عبارة عن ببغاء يردد ما يقوله سيده الرئيس لا يقدم ولا يؤخر وللا يقول رايا الا ان يضمن ان الرئيس موافق على رأيه مصطفى عثمان يقرأ فى عيون الرئيس ويترجم ذلك حرفيا على الملأ . الرئيس ليس فى حوجة لاستشارة فى خلع ضرس او سن يا دكتور ولا ادرى اى استشارة يستشيرك فيها الرئيس غير ألم يلم بضرسه او اسنانه واسنان حرمه الصغيرة . يا ناس ما تختشو وتبطلوا اللعب الفارغ دا كل واحد عاطل عملوه مستشار بالكذب هذا اكل لأموال هذا الشعب بالباطل يا فرعون السودان الشرير .


#169502 [shahhumaida]
0.00/5 (0 صوت)

06-30-2011 09:16 AM
يا باشمهندس البتكتب فيه ده كله خليه شوية وعليك الله ...عليك الله... كان تعز الله ....تتم لينا قصة سيد الكشك واولادو الطشو وصاحبك ود الخدري. الله يرضى عليك.



#169473 [ممو]
0.00/5 (0 صوت)

06-30-2011 07:06 AM
اته يا عثمان مالك بقيت مشاتر كده بقيت حركه ولا شنو الحاصل ما كنته زمان منبر سلام عادل ومن اوائل المؤسسين طردوك ولا شنو بقيت مشاتر كده وبقيت بتاع رواكيب كمان ياااااااااااحليلك


#169471 [واحد]
0.00/5 (0 صوت)

06-30-2011 07:01 AM
عثمان
ركز علي الكشك احسن وخلينا من الشفون


#169418 [abuamin]
0.00/5 (0 صوت)

06-30-2011 12:20 AM
ارى انك صرت لا تجد ما تعرضو من سلعة بائره لتسويقو لذا اراك مرة تكبر مسألة قلع كاميرتكم رجاله وحمرة عين , و مره تبكى مطالبة شقيقك صالح بتاع البيض بالعوائد زيو زى الاخرين !!! ( الغريبه دى ليه فصلتها من حملة محلية الكاملين القفلو فييها المصانع و جبتها لينا كأنها حاجه مختلفه؟؟؟ ) و أمس استغربتا طشة عمر البشير و اليوم نطيت لموضوع الــ لا موضوع و كأنك عايز معلقى الراكوبه يبستفو الراجل ( كتسوية حساب بيناتكم !!!) فى شى فى غاية البساطه!!!! شنو الغلط فى كلام الـتـفـل الـمـعـجـزه ((مصطفى عثمان قال في جلسة البرلمان: إن سياساتنا تجاه أمريكا يجب أن تتغير.. )) دا ما كلام صاح !!!! ليه انت فهمتها ان نتعامل مع امريكا بحماقه ؟؟؟ ليه ما بمبدأ تهدئة اللعب و بالسردبه لتعليماتا بدل الجعلنه و العنتريات الما قتلت ذبابه !!!! وبعدين هو البرلمان دا المكان الامثل بصورتو الحالية الناس يهتمو بما يطرح فيه و متداول عند اعضاء نحن مستنكرين طريقة دخولهم فيه!! ديل مش الناس سموهو برلمان الخج !!!!

يا عثمان كم اتمنى انك تتناول قضايا تهم الناس بدل من ما وصفتو بعضة الباعوضه و انا ما فهمت الدخل عضة الباعوضه البرلمان و عمايلو شنو؟؟؟ لو قصدت الـتـفـل الـمـعـجـزة بعضة الباعوضه أأكد ليك بانو مستر عثمان داهو يمكن يقدر يفتح خشم الباعوضه دى و يقلع ليها ضرس العقل بتاعها و لو ما متخيل دى كيف أمشى اسأل صاحبك الوالى ود الخدر........ المابنظلم عندو احد ........والما رجع للزول الما انتحر...... كشكو........ و........ اولادو......... الطشو



#169398 [علي]
0.00/5 (0 صوت)

06-29-2011 11:00 PM
الطفل المعجزة هو افضل تفسير لمستشارك!!! وهو لا يخشي الطرد بل يخشي ان تكسد تجارة الاسمنت عبر الحدود!!! وقوش قال ماقال عندما طرد وبعد نيف وعشرون عاما!!!
فماذا يفيد حديثه في ميت!!!
اذ عدد ماثره!!
وثكل حتي سالت مناخره!
! خاصة اذا كان هو من سدد له طعنات في صدره وادابره!!
وعبث فيه اشباح وشركات ومصالح الي اخره الي اخره!!
ليس الخير فيه ولا في ماسح الاحذية!!
طبال الرئيس مستشاره الذي وضع الحبل علي عنقه اذ عددنا ماثره!!
وجعل الجنايات تطارده صباحا ومن الليل ادابره!!


#169356 [واحد من الناس]
0.00/5 (0 صوت)

06-29-2011 09:10 PM
والله ياعثمااااااااااااااااان عامودك مابنقرأهو ا\\علا عشان التعليقات التحته ياخى والله بضحك لما بخجل يجى زول داخل على ويلقانى بضحك وانا قاعد براى فى الشغل ياخى شوف قصة سيد الكشل واولادو الطشو وصاحبك ود الخدر نجاشى زمانة(الذى لايظلم عنده احد)


#169353 [مندي]
0.00/5 (0 صوت)

06-29-2011 09:05 PM
يا باشمهندس واضح من خلال هجوم الخال الرئاسى عليك واشادتك بقوش وانتقادك للطفل المعجزة واضح انك تابع لجناح شيخ علي مش كده؟ يعني الحكاية وما فيها انو مصالحك مع الجناح التاني عشان كده مركب ماكينة معارضة...... بس صاحبك ود الخضر تابع لياتو جناح؟


#169324 [إمام]
0.00/5 (0 صوت)

06-29-2011 07:47 PM
مسكين هذا الشعب الذى وهبته الانقاذ كل أسباب ومقومات الفناء والهلاك ولم تترفق به وهو يلج في سلسلة من المآسي لا تنتهي وأعتقد أنها معجزة أن نظل باقيين حتى الأن بعد كل تلك المؤامرات والسرقات الكبرى والتنكر للفقراء,
لم أدهش للتباين بين المستشارين فهو كالأرض والسماء وهو يعكس فلسفة ومواقف رجال الانقاذ فهناك أقوياء نافذون يفعلون ما يريدون ولا يعترض أحد أبدا من النظام وهنلك التابعون المتنطعون الذين يرضون السلطان ويجنون المكاسب وهم الفاشلون والمتبطلون والذين يكنزون الذهب والفضة بخدمة وإرضاء السلطان.ز اما الشرفاء والذين لم ينساقوا وراء مواكب الضلال فلهم شظف العيش والمعاناة. السودان اليوم يسود فية الضعفاء المتسربلين بمظاهر القوة وهم اللصوص والذين يورطون الجميع وأقولها بإسم عموم الشعب الصابر والذي فضل حتى الأن بمعجزة لا توصف أن وجد مسئول لم يسرق هو أو أهله فليتقدم ويؤدي القسم وأعتقد انهم أندر من لبن العصفور.زـامل حكامنا تجد جلهم زادات أوزانهم وفاضوا شحوما وملابس أنميقة نظيفة وسيارات ومخصصات والثلروات تتكدس والفساد استشرىوحتى موضية الفساد لم نرى منها شيئا وهو اعتراف صريح بالفساد المستشري.
أما المجلس الوطني الذى أتت به إنتخابات جانبت النزاهة والشفافية فهومجلس الحكومة ولم نرى له موقفا مع الجماهير التي يفترض أنه يمثلها وليس يمثل بها.. فالمجلس المصفق أسبه يرواد الشعب في السينما ويصفقون للبطل .ز
وأعجب لحكامنا لا يعتبرون فالشعي يريد التغيير ويتمناه سلميا فهل تتعظ الحكومة وحزبها الأوحد وموسساتها ومجلسها الوطني ان ننتظر الطوفان والذي حتما آتالسنما


#169317 [haj abbakar]
0.00/5 (0 صوت)

06-29-2011 07:33 PM
السودان فى بداية القرن المنصرم كان يحكمه الحاكم العام وثلاثة سكرتيرين اى وزراء
ومفتش عام ومدير صحة ومدير تعليم وعلى المديريات التسعة مديرين ومفتشى مراكز ومامير عددهم جميعا اقل من عدد الولاة اليوم
عدد المستشارين لدى رئاسة الجمهورية يفوق العدد اعلاه ناهيك عن مستشارى الولاة
كل مستشار بدرجة وزير ولو كان فيهم خيرا لما كان راس الدولة مطاردا ولما تمزقت البلاد فهولاء الهامانيون يزينون لرئيسهم سوء عمله ويشكلون عبئا على اقتصادنا المتهالك
اما المستشار المعتوه فتصريحاته للصحف تغنينا عن رجاحة عقله
وقديما قالو ماخاب من استشار ولكن يبدو ان الخيبة بفضل هؤلاء صارت كالزواج الكاثوليكى


#169306 [عبدو]
0.00/5 (0 صوت)

06-29-2011 07:01 PM
زمان كان عندنا فريق ناشئن وكان بدربنا واحد اسمو ود الجيران وماعندوا فكره عن كرة القدم ولا خطط كرة القدم وبعد ما اتكلم عن مين البيلعب ومين الاحتياطى سألناهوا اها يا كوتش الخطه كيف انتوا عارفين قال لينا شنوا قال اذا لعبوا ليكم بتحت العبوا بفوق واذا لعبوا بفوق العبوا بتحت وده زكرتى مصطفى عثمان اسماعيل ده والله اخير منو ود الجيران مدربنا


#169295 [مندي]
0.00/5 (0 صوت)

06-29-2011 06:18 PM
يا جماعة بالراحة علي امريكا..... شنو الافترا ده عايزين تدمروا امريكا عشان لقيتوها دولة مسكينة ولا شنو؟ حقارتكم دي ما كان تعملوها مع اثيوبيا الاحتلت الفشقة او مصر الاحتلت حلايب ..... لكن صاحبك ود الخضر الذي لا يظلم عنده احد موافق علي موضوع المعاملة بالمثل ولا هو بس فالح ياخد الكشك من الزول الكان داير ينتحر ولسة ما انتحر والاولادو طشوا ولسة ما رجعوا


#169272 [سليمان قش]
0.00/5 (0 صوت)

06-29-2011 05:13 PM
يا شيخ عثمان انت عرفت السر نحن هينين !!!!!!!المدرسة خبره شنو العتالة خبرم شنو المصانع بالباقير خبره شنو .......وصاحبك ودالخضر الما رجع للزول الما انتحر كشكو واولادو الطشو برضو خبرو شنو (كشك ضايع وفيلا مليارية)


#169265 [الفرعوني ]
0.00/5 (0 صوت)

06-29-2011 05:01 PM
ولماذا انتظرت منذ اوائل التسعيات لتكتب الآن عن رائك في مصطفى عثمان
لموالاتك لقوش ،،، قوش لوما كان في البرلمان كان اليوم طي النسيان لكن دورة البرلمان قريبه .
ما هو قوش ده عمل عمائل ما يعلم بها إلا الله بتعاونه وانبطاحه للمخابرات الامريكية
كنت وين لم الانقاذ في قيادة قوش وغيره كانت بتقول
امريكيا قد دنى عذابها
الانقاذ كان حينها تمتلك النووي والآن ضاع منها ولا شنو


#169264 [عبدالواحد المستغرب جدا!!]
0.00/5 (0 صوت)

06-29-2011 05:00 PM
يخيبك يا هندسة -- أتاريك الانت وراء خراب البيوت ومن الزمن داك ؟ وبإقتراح منك شخصيا الجماعة الهلمة بتاعين (المؤتمر الاسلامى العربى الاشتراكى الارهابى )نفضوا هدومهم من (ورا ) وفرتقوا -- والله انا برضو قلت الناس ديل ما مشوا من نفسهم كده !! لازمن فى واحد كده من ابو (المفهوميات والعبقريات بتاعين الانقاذ) من أمثال (المهندس/عثمان ميرغنى ) بتاع التيار لاحقا ومش بتاع الشرق الاوسط الدولية والمعروف فى اوساط قراء الراكوبة بعثمان ميرغنى الاصل --كانت له كلمة من أمثال (قابلنى وقابلتو واتصل بى وقلت ليه ونصحتوا واستنجدوا بى وكان قاعد فى محلك ده والخواجة والبفلاوة )وقد اداهم بعد ما نصحهم (عين نظرة مكربة من ورا النظاره شى حمراء وشى فوق الحمراء وشى تحت البنفسجية وأيضا فوق البنفسجية وما بينهماوخلاهم كل واحد يلزم جحرو!! كان فى تورا بورا ولا قندهار ،ولان الباشمهندس لم يحيط الامريكان علما بأنه (كرش) الجماعة ديل بمقالة ) راحو فكو ليهم عدد سبعة (توما هوك ) ودكوا مصنع الشفاء دكا دكا-- يا حرام كانوا مفتكرنوا (قاعة الصداقة) ومن اين لهم أمثال ابو المفهومية ؟ بكلمة يطير مية!! وكانوا على الاقل وفروا (المصارى تبع التوما هوك) ليوم كان مزاجه كافورا (تبع بحرى) -


#169262 [سودانى وبس]
0.00/5 (0 صوت)

06-29-2011 04:59 PM
عرفنا ان مشكلتك معاهم بسبب اخوك التاجر ولم يرعوا انك منهم واليهم


#169260 [صلاح دابو]
0.00/5 (0 صوت)

06-29-2011 04:55 PM
دا برضوا قال علينا شحاتين قبل الإنقاذ عشان يرضى سادة الإنقاذ والله مما شفته بيتكلم من أول أيام الإنقاذ شعرت أنه لن يخدم السودان كمسئول سياسي.


#169237 [شاشمني]
0.00/5 (0 صوت)

06-29-2011 04:26 PM
شكرا لك الاخ عثمان على هذا المقال الرائع ولكن هناك اسئله اهم تؤرق مضجع الشعب السوداني ولا يمتلك الاجابه عليها غير شخصكم الكريم وهي:
1 الكاميرا بتاعة مصور التيار حقكم لقيتوها ولا لسه ؟ومن ابن الذين الذي سرقها؟ ونوعها شنو ؟وهل هي كرت كرتونه ولا مستعمله؟
2 الزول بتاع الكشك وما ادراك بالزول بتاع الكشك انتحر ولا مات كمد؟واولاده الفي زهرة شبابم لقوهم ولا لسه طاشين؟ ومواصفاتتهم شنو لاننو انا امبارح لقيت اتنين ساكين كيس وممكن يكونو اولاد الزول ده!
اواخيرا عندي اقتراح كدي بانشاء خط ساخن يقوم بالاشراف عليهو اخونا الزول الكان سمح جزاه الله خير ا للتواصل والتشاور حول اي مستجدات في خصوص هذه المواضيع وبالتنسيق مع صاحبك ود الخذر الذي لا يظلم عنده احد ودمتم ذخرا لهذ الوطن


ردود على شاشمني
Germany [salman] 06-29-2011 07:35 PM
shashamandi enta a7la zol... shaklak ´7ashe lek fe shashamandya goyyyyaaa.... tslm walahe


#169235 [ودهارون]
0.00/5 (0 صوت)

06-29-2011 04:25 PM
الاستاذ عثمان لماذا باعتقادك تفشت رزيلة النفاق عندنا بعد ان كنا نوصف باننا شعب صادق ويقدم النصحيحة المجردة ويقول الحقيقة ولو علي حساب مصلحته الخاصة وكنا نسخر من بعض الشعوب التي كانت تعرف بالنفاق والميل مع المصلحة اينما ما وجدت فاصبحنا العن من هذه الشعوب في النفاق والميل مع المصلحة الخاصة واصبح الواحد منا يبذل كل جهده لمعرفة ما يريد المسئول ليتبناه ويصبح هو الحق الذي لا ياتيه الباطل مما يخلق مجموعة من المسؤلين يرون ان ما يقولونه هو الحق ورائهم هو الراي السديد وهذا هو المناخ الذي يفرخ الفراعنة المغرورين ولهذا نحن في مؤخرة الشعوب 0


#169224 [الزول الكان سمح]
0.00/5 (0 صوت)

06-29-2011 04:09 PM

ياعثمان ميرغنى

تصدق ...أول مرة فى حياتى أشعر بإنك بديت تتغير!!!بس دى ما بتعفيك عن السؤال المستدام عن صاحبك ود الخدر الما رجع للراجل الما إنتحر ..كشكو....وأولادو الطشو

وأنا مازلت عند وعدى الذى قطعته بالأمس ..وكل ناس الراكوبة يشهدوا لو وريتنا قصة الراجل وصلت وين بأن أعوضك الكاميرا الإتقلعت من المصور بتاع التيار بأى مواصفات كاميرا ترغبها....وكلام رجـــــــــال.

نخش فى حكاية شعور حضرتنا بإنك بديت تتغير:

عثمان مصطفى سماعين ده...طبيب أسنان فاشل ...والحمد لله إنو ما عمل عيادة يلقط منها أموال الناس لأنو حسب أطباء كانو دفعتو قالوا مابعرف السن من الناب.خليك من إنو يشغل منصب كان قد شغله..فى زمن الديبلوماسية...أمثال عبدالله خليل...و مبارك زروق..و سر الختم الخليفة....ومحمد أحمد المحجوب ومنصور خالد...ناس شاربين وماكلين الديبلوماسية والعلاقات الدولية.

أمثال طبيب الأسنان المستشار الرئاسى...والمتعافى...وكرتى ....ووالى الجزيرة ..وود الخدر...وقائمة طويلة تعرفهم أنت ديل بتاعين ( جربعة )ساكت.

والجربعة معناها عند شلل القعدات زمااااان هى أن يأتى أحدهم زي ما بقولوا بى شلاليفو..يعنى ما ببز فى الشيرنق وكدة..ودى لو سألت منها ساخر سبيل ممكن يوضحا ليك أكتر.

الخلانى ضربت المثل دا تعقيباً على رد الطفل المعجزة( ردنا يعنى طردنا) ودى بتثبت مقولة الجربعة فى مؤسسات دولة كان إسمها السودان ولا أدرى أى مسمى سيطلق عليها بعد ( التاسع من السابع ) حسب رأى البروف البونى

وسلملي على الوالى


#169212 [عبدالمنعم ]
0.00/5 (0 صوت)

06-29-2011 03:57 PM
كل الذي قلته معروف للناس وليس فيه جديد

الجديد ::::: شنو خبر المدرسة المكسرة وكمرتك السرقوها الحرامية المرخصين ؟؟؟؟

والقديم ::: المابننساهو داااااااااااااااااااااااااااااااااااااااااااااااااااااااااااااااك اااايييي

ود الخدر الذي لايظلم عنده احد المار جع للزول الما انتحر كشكو واولادو الطششششووو؟


اقتراح : امشي لي ود الخدر واضرب عصفورين بحجر واحد , اسألوا عن المدرسة والكاميرا وفرد مرة شوف اخبار زولنا الما انتحر !!!!

الزول الكان سمح ... سلامات يظهر ان الكشك الكان عثمان ميرغني بيكسر فيهو التلج لي ود الخدر وباقي الجماعة برضو شالوهو الجماعة مع الكاميرا وطشو !!!
رايك شنو نعمل جمعية باسم جمعية مفقودات عثمان ميرغني ونعلن عن هذه المفقودات :
كشك .... زول ماانتحر ... اولاد طشو ... مدرسة مكسرة .... كاميرا غالية الثمن ... تلج ما مكسر بي صمتو !!!

جائزة ثمينة لمن يدل ويرشد الي هذه المفقودات على ان يكون الاتصال على مكتب السيد ود الخدر الذي لا يظلم عنده احد وطبعا العنوان معروف للجميع !!!!!



#169186 [أبو أحمد]
0.00/5 (0 صوت)

06-29-2011 03:30 PM
المشكلة يا عثمان إنه مصطفى عثمان إسماعيل عنده رسالة دكتوراه عن المعاملة بالمثل في الدبلوماسية مع دراسة حالة (العلاقات الأمريكية - السودانية) يعني إن المسألة لم تقفز إلى رأسه خبط عشواء إنما وقرت في قلبه وصدقتها رسالته وقطعاً الواقع لن يصدقها لأن بينها وبينه بعد المشرقين... وهو يستند في ذلك على حادثة صغيرة ذكرها حينما حدت الحكومة الأمريكية من تحركات السفير السوداني هناك فوجه هو للمعاملة بالمثل هنا فتراجعت الحكومة الأمريكية على حد زعمه!!! يعني دراسة وقناعة بنيت على صغائر الأمور واللم الذي وتركت أمهات الإمور التي لم تجدي فيها مثل هذه الترهات.....الغريبة في ناس صفقت للرسالة وربما يقنع المستشار الرئيس بتبني نتائجها كسياسة رسمية للدولة (كله ممكن يا عثمان فالواقع فاق الخيال جموحاً)


#169161 [su]
0.00/5 (0 صوت)

06-29-2011 02:57 PM
كنت أود أن أنقل لكم ما قاله الفريق قوش في نفس الجلسة فصفق له البرلمان.. لكن أخشى أن يتسبب ذلك- أيضاً- في طرده من البرلمان)

هذه حركات (جنصصة) لا داعي لها فالسيد قوش قال ما أراد أن يقوله و هناك شهود من البرلمان وذلك كان كافيا لطرده - فقط حرمتنا مما قاله.



#169155 [صديق حمدتو ]
0.00/5 (0 صوت)

06-29-2011 02:52 PM
الأخ عثمان ميرغني
مقال أصاب كبد الحقيقة وهذا والله رأينا في مصطفى اسماعيل منذ التخريفات التي كان يقولها في اللقاءات التلفزيزنية مع أحمد البلال الطي حين كان وزيرا للخارجية ولو رجعنا إليها لأدركتم أن الرجل لا هم له سواء إرضاء الرئيس وأنا على يقين بأن الرجل لم يعمل يوما بنصيحة أسمع كلام الببكيك مع الرئيس ويمكن عايز يعمل عمارة ثالثة قبل الرئيس يروح.


#169151 [العجب]
0.00/5 (0 صوت)

06-29-2011 02:46 PM
يا شيخ عتمان - هل نسيت نكتة ود الزبير لمن اجاب بأن الفيل يطير - والاستاذ اجاب بنعم يطير الفيل - وكان ما طار الفيل الاستاذ حيطير !! والسيد المستشار كان ما طير طيارة الرئيس للصين كان طيارته طارت !!


عثمان ميرغني
 عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة