المقالات
السياسة
ارشيف مقالات سياسية
نافع خيّب ... ظن الاثنين !ا
نافع خيّب ... ظن الاثنين !ا
07-01-2011 01:44 PM

نافع خيّب ... ظن الاثنين !

محمد لطيف

من قبل كتبنا عن (شيطان الوطني) وهي عبارة أطلقها نقد في حوار له مع الأخبار ... وكان تفسيرنا أن الحال ينطبق على رافضي الحوار ... و دعاة الحرب...(محاربي السلام)...وقدمنا بضع نماذج من ساسة..وكتّاب...!وظننا- وبعض الظن إثم- أن الأمر قد انتهى..!
ولكن..وما أن تم التوقيع على اتفاقية أديس ابابا الجديدة..حتى انفتح باب جهنم جديد فى وجه الوفد المفاوض هناك من جانب الحكومة..وفي وجه صاحب التوقيع الدكتور نافع علي نافع .. بدءاً مِن مَن عيّرها بأنها نيفاشا 2، وكأن نيفاشا الأولى كانت جريمة يستحق فاعلوها العقاب .. مرورا بمن رأى فيها شرا مستطيرا يحدق بالشمال العربى المسلم، بعد أن تحرر من الـزنوج والملاحدة ..!! إنتهاء بقائل: إنها تنازل..!
ولنبدأ بالأخيرة...نعم تنازل المؤتمر الوطنى عن كثير من مواقفه المتعنتة...وراجع الكثير من مواقفه المعلنة...فما العيب فى ذلك ؟ وهل كان هذا التنازل لصالح قوة أجنبية ؟..ألم يكن هذا التنازل لصالح مجموعة من أبناء السودان...لهم ذات الحق الذى لهؤلاء وأولئك...؟ ثم ماذا كان الهدف من هذا التنازل ؟ ألم يكن هو حقن الدماء وجلب الاستقرار ..وإشاعة السلام ...؟ فهل من عاقل يرفض هكذا خيار..؟
ثم ماذا قالت الاتفاقية أصلا ... اعترفت بحق مجموعة من الناس في أن يكون لهم تنظيم سياسي يعبر عنهم، طالما كان هؤلاء الناس يتمتعون بحقوق المواطنة التى يفترض أنه يتساوى فيها الجميع ... ثم تحدثت الاتفاقية عن استمرار الشراكة السياسية بين طرفي الاتفاق...وهذا شأن يخص الطرفين...ثم للآخرين أن يحاسبوهم بقدر انعكاس هذه الشراكة وتأثيرها على عموم الوطن .. ومجمل الهم العام ... فما القضية إذن ..!
بالطبع .. للبعض قضية أخرى ... وهم من كانوا يحلمون بأن تشرق شمس التاسع من يوليو؛ وليس فى السودان شيء اسمه الحركة الشعبية .. حتى ولو كانت شمالية...! يذكرنا هذا بصديقنا ( ع.ع. ر) الذي كان يردد فى بواكير (الإنقاذ) أن أمنيته الوحيدة أن يذيع الراديو بيانا يقول ( وقعت أحداث عنف مؤسفة قتل جراءها أعضاء الجبهة الإسلامية القومية) ... يبدو أن نافع قد خيب ظن الاثنين ..!

الاخبار


تعليقات 6 | إهداء 0 | زيارات 3964

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#170536 [الجعلى البعدى يوموكلو خنق]
0.00/5 (0 صوت)

07-02-2011 07:28 AM
مقال جرىء من صحفى متميز وضع فيه نقاط للحروف لأن الوضع داخل التنظيم الحاكم فيه ربكه وارتباك وتضارب واضح فما صرح به البشير الجمعه بمسجد النور ينسف كل مفاوضات نافع وتوقيعه لاتفاق أبرمه والشعب السودانى لا يفرح ولايغضب لأختلاف الجماعة أو اتفاقها لكن التناقض والتضارب شىء مزعج ومربك للمراقب للشأن العام نناشد ونتمنى (للجماعه) أن (يتفقوا على أن يتفقوا) أو (يتفقوا على الأ يتفقوا) المهم (الاتفاق) الصدقيه والمصداقية ضرورية والبلد بتمر بمنعطف خطير فاليتركوا التصريحات للمؤتمرات الصحافية واليجعلوا المساجد للعباده ولكنه هوس الثرثره الفارغه لتغطية كارثية رحلة الصين العجيبة والتى ستدخل موسوعة جينيس لغرابتها وفوضويتها بينما البشير فى (رحلة بين طيات السحاب) فأذا (بنافع) يوقع اتفاق جعل طائرة الرئيس تتأرجح مابين باكستان وتركمانستان وما أن حط الطيار الروسى العجوز بمدرج مطار الخرطوم (الطائر الرئاسى) وفتحت بوابات مسجد النور (أول مره فى تاريخ السودان أشوف مسجد فيه حواجز خاصه للدستوريين ولرجالات الامن) وجاءنا (عصام) يُلعلع كعادته ومن ثم قال البشير ماقال ناسفاً وأدرك الجميع أن البلد جاتها محنه جديدة والنيجة مزيد من الضحايا ومن الجرحى والثكلى والمشردين وحبر نافع المانافع لم يجف بعد ليته يخرج علينا للتوضيح للرأى العام وانفصال الجنوب بقى ليهو ساعات بس أللهم ألطف بنا وبعبادك البسطاء الابرياء الذين لا ذنب لهم ولعن الله الفتنه ومن أيقظها .. (الجعلى البعدى يومو كلو خنق مدينة الدندر القويسى) الماطرة ذات الجو الربيعى الطيب النسام أللهم أرحم برحمتك مواطن ج كردفان البسيط وهيىء له من أمره رشدا ...


#170442 [مدحت عروة]
0.00/5 (0 صوت)

07-01-2011 11:51 PM
تانى اتفاق بين المؤتمر الوطنى و الحركة الشعبية؟ ما كفاية اتفاق نيفاشا و انفصال الجنوب!! يعنى نبشر بانفصال جنوب كردفان و بعدها النيل الازرق؟ يعنى اى ولاية عايزه تنفصل بس تكون ليها حركة شعبية و يجى المؤتمر الوطنى يتفق معاها و بعد داك انفصال مضمون!!! انتوا المؤتمر الوطنى و الحركة الشعبية ليه ما دايرين مؤتمر قومى دستورى و اطلاق الحريات و سيادة القانون و فصل السلطات؟؟ عشان الحكم ما يروح منهم و ما ضرورى لو السودان راح ولا شنو؟؟؟ ولا باقى السودانيين الغير منتمين لاحدهما رعايا او ضيوف اجانب و ما عندهم حق فى السودان؟؟؟ كدى جاوبوا على الاسئلة دى بدون دغمسة و لولوة و فذلكة!!! و لو قلتوا انه الناس ديل اقوى ناس فى السودان مش اقوياء سياسيا و لكن قوة مادية اقول نعم ولكن اذا قلتوا انهم افهم ناس فى السودان كده بتكونوا بتحتقروا عقولنا!!!!


#170384 [حامد ابوعبدالمجيد ]
0.00/5 (0 صوت)

07-01-2011 08:45 PM
مساء الخير ومشتاقين يعلم الله
زمان قتا ليكم الحركة والمؤتمر شبهينا واتلاقينا ماصدقتوني احزاب عنصرية تتاجر باسم الدين بس هنا اسلامي وهناك مسيحي وكلهم ساقطين فيما يخص الوطن القاعد يتفرتق وبيموت العزل المساكين الاصلن محتاجين للرعاية والتطبيب وماء صالح للشرب والتعليم وهم قاعدين يوقعو فوق الجثث ربي ينتقم منكم الاتنين
متين حيجونا رجال يعرفوا الوطن فوق الحزب واجنداتو ويرتفع الحس الوطني بدل الدهنسة والتمسح معقولة البيحصل ده في السودان الكان القاضي ماسائل في رئيس الجمهورية وماشي مسطرة وقانون
الشمال مالاقي موية الشراب والجنوبيين ماشين لمناطقهم متخيلين الجنة بهناك وبقت علينا نكتة ارجع وراء ولا امشي قدام قاليو وراء كلو زوي ده والاغرب السلاح في ايدينم هبطرش وحطبم جاهز للجنديه
تصبحوا علي وطن


#170257 [wedhamid]
0.00/5 (0 صوت)

07-01-2011 03:53 PM

يا محمد لطيف
أقتبس : الاتفاقية أصلا ... اعترفت بحق مجموعة من الناس في أن يكون لهم تنظيم سياسي يعبر عنهم، طالما كان هؤلاء الناس يتمتعون بحقوق المواطنة التى يفترض أنه يتساوى فيها الجميع ... ثم تحدثت الاتفاقية عن استمرار الشراكة السياسية بين طرفي الاتفاق...وهذا شأن يخص الطرفين...ثم للآخرين أن يحاسبوهم بقدر انعكاس هذه الشراكة وتأثيرها على عموم الوطن .. ومجمل الهم العام ... فما القضية إذن ..!

يا استاذ لما السيد نقد قال الشيطان فى المؤتمر الوطنى ما كان قاصد الرجرجة و الدهماء ديل !!!!!!

وانا واثق د. نافع حيسحقهم جنس سحقة لو بقو رجال و ما لبدوا و لانهم ديل ( خليك ناصح )ما جماعة صلاح قوش الكان ملبدم عشان فى 3 ساعات يستلم بيهم السلطه زى ما قال مره !!!!!!

بس انت مش الرئيس قريبك ؟؟؟ افتكر ود خالتك ؟؟؟؟ و كدة مصطفى ود الدلوكه برضو خالك مش ؟؟؟؟؟ عشان كده قريبك لو جا بالسلامه انصحو يروّق المنقه وانت اشرح ليهو الحصل فى اديس عشان ما يقوم يتهوّر كعادتو !!! و كمان لو عندك صلاحيه قول لخالك ابقى شويه عاقل !!!!!!
يا لطيف !!!!


#170243 [مغبون]
0.00/5 (0 صوت)

07-01-2011 03:26 PM
مقال عقلاني كان الاجدر ان تقوم بتوجيهه للحكومة وهي التي نست او تناست ان هؤلاء مواطنون لهم الحق في التمتع بحق المواطنه وأعجبني انهم كانوا اقوياء وأجبروا الحكومة علي احترامهم والتمتع بحقوق مواطنتهم عكس الموجودين بالشمال الذين ينتظرون زعامات شاخت لاخذ حقوقهم


#170232 [واحد]
0.00/5 (0 صوت)

07-01-2011 02:53 PM
امنية صاحبك صارت امنيه سودانيه شماليه وجنوبيه الله يحفظو صاحبك ده


محمد لطيف
محمد لطيف

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة