المقالات
السياسة
ارشيف مقالات سياسية
فى يوم إنقسام السودان ... عليك الله ماترقص
فى يوم إنقسام السودان ... عليك الله ماترقص
07-08-2011 11:46 AM

فى يوم إنقسام السودان ... عليك الله ماترقص
صوفيا حسن
[email protected]


ورد فى علم النفاق أنه ستأتى فى آخر الزمان زمرة مارقة من الأشقياء لتحكم قطر يسمى السودان . تقتل فيه من تشاء من أبناء الوطن وتجلد من تشاء من النساء ! وستعمل الزمرة على تفتيت البلاد بعد أن تفرغه من العباد ! وستكون الزمرة متبلدة الإحساس وسيقودها رئيس رقاص ! لن تترك الحكم حتى توصل السودان إلى غرفة الإنعاش التى لن يكون فيها درب ، ولا قطن ولا شاش !وعلى شاكلة الصحة عليك أن تقيس طالما أن الرئيس مشغولا بالرقيص !
فى يوم السبت الموافق التاسع من يوليو 2011 ، سيحتفل الجنوب بالإستقلال وسيعبر أهله عن فرحتهم بالطبل والزمر والتهليل والرقيص. عندها ماذا سيفعل الرئيس ؟! نعلم انه بما تشربه من علم النفاق ، سيرقص ! وليتنا نعرف كيف تكون للمذبوح شهية تحفزه للرقص على جثة وطن تفتت وقارب أن يموت ! والشاهد بيوت واقفة فى العراء أصحابها فاتوا ، ماتوا . أو قتلوا فى مسيرة النفاق . المشكل أن الرئيس لن يقاوم الرقيص ، لاشك أنها ستكون رقصة مذبوح ! وهل رقصته الأخيرة ستكون حقيقة أم نفاق ؟! أم ستكون كما رقصة البجعة عند لحظات خروج الروح ؟! وكيف للرئيس العودة للشمال بعد وداع جزء كان بعض من وطن؟! موقف لايحسد عليه ! سيعود يحمل بقايا وطن ،وأعجب كيف سيتعايش مع مافعلت يداه؟! أهو بشر مثله مثل بقية الناس ؟!!! أم خلق بلا ضمير ولا إحساس ؟! أم فقط خلق ليكون رقاص ؟!!
خبرنا أيها الرئيس كيف يكون الرقص بلا إحساس ؟!! وكيف يكون الرقص على جثث الشباب الذين راحوا فى حرب جهادية لتقوم الدولة الرسالية؟!! خبرنا شفاهة ، لا ترقص على أنقاض وطن بعته بثمن بخس ، وطن حرمت الأجيال القادمة من العيش فيه ! نعم بعت إنسانه وغاباته وحيوانه ومافى باطن أرضه وماعليها ! وأرى أنه ان كان لابد من الرقيص فمن الأفضل لك ان ترقص كما البجعة وتفارقنا غير مأسوف عليك ولاتنسى أن تصطحب معك كل جواريك وحواريك وأهل حوشكم الذين هجروا مسقط الرأس ليتخذوا من كافورى مقر جديد !! لا ترقص فيوم الإنفصال هو يوم مأتم فى معظم أنحاء السودان ، هو يوم نحيب ويوم دعاء عليكم وعلى نظامكم عل الله يستجيب ، انه سميع مجيب .
سنرى فى التاسع من يوليو ، هل سترقص\" صولو\" أم \" تانجو\" مع الحلو أو منقو ؟! أم ستمتنع عن الرقيص أيها الرئيس الهمام ، أموت وأعرف كيف فى تلك الليلة ستذهب إلى فراشك وتنام ؟! بعد ان تكون قد قسمت السودان ! فعلة لو إرتكبها جان ، لطلب للتو أن يقيض روحه الرحمن !
لك الله ياسودان !!!


تعليقات 8 | إهداء 1 | زيارات 2065

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#175124 [حمزه]
0.00/5 (0 صوت)

07-09-2011 04:18 PM
هسع يااخوانا الواحد داير يتمشي في شوارع القاهره يغطي وشو بكيس نايلون وله شنو؟؟؟اي زول بيعرفني من المصريين بيقول لي هو جري ايه يااستاذ حمزه ليه سيبتم بلدكم تضيع كده والمصريين طبعا عندهم حتة الشمشره الشينه بيذكروني بتمثيليه مصريه بتقول عرفان باع ارضو يارجاله قربو يقولوها لي


#174826 [M16]
0.00/5 (0 صوت)

07-09-2011 03:45 AM
He won\'t sleep because there will be
SOP ..HEEA


#174659 [ودالدكيم]
0.00/5 (0 صوت)

07-08-2011 08:11 PM
تقصدى ياأستاذة صوفيا الولد رئيس السودان المدعو عمر البشير يعتبر أستاذاً في الرقص (لفيفي عبدو) بالله عليك ياأستاذة صوفيا هل هذا الرجل يحمل المؤهلات والصفات التي تجعله رئيساً لأمة السودان لك الله ياشعب السودان طيب ياأستاذة كيف الخلاص من هذا النبت الشيطانى متى يتحرك الشعب السودانى للقضاء على هذا السرطان الذى يحكم البلد


#174610 [العركى]
0.00/5 (0 صوت)

07-08-2011 06:42 PM
خليهو ياعديلة الرقصة بتريحو شوية.


#174606 [العركى]
0.00/5 (0 صوت)

07-08-2011 06:29 PM
يااختى خلى الزول اضرب الهم بالفرح ,و زى ماقال الفنان الرقيص فن ياجميلة ,وارقص وميل وخلى الجنوب يميل عن الشمال.هههههههههههههه.


#174580 [مدحت عروة]
0.00/5 (0 صوت)

07-08-2011 05:49 PM
حاسبوهم حسب ما جاء فى بيانهم الاول الملىء بالاكاذيب و بين وضع البلد الان!!! الا يكون هذا البيان كتبوه اعداء الانقاذ او الجماعة الحاكمننا من 30/6/1989 هم قوى المعارضة وانه ناس الانقاذ لسه لما جو؟؟؟!!! انه مسرح اللا معقول!!!!! الرجالة هى الاعتراف بالخطا و عدم الرجالة هى المكابرة و عدم الاعتراف بالخطا!!! والله الحركة الاسلاموية جسم غريب فى السودان و الدليل على ذلك ان كل القوى السودانية الاصيلة اتفقوا قبل الانقاذ و عملوا حكومة وحدة وطنية و الوحيدين الخالفوا كانت هى الحركة الاسلاموية و هذه هى كانت غلطة حكومة الصادق المهدى التى لم تراقبهم مراقبة شديدة و كان راعى الضان فى الخلاء يتوقع انقلاب!!!!! الاستخبارات و المباحث فى الديمقراطية مفروض تكون اقوى و اكثر كفاءة من زمن الديكتاتورية و تحت سيادة القانون!!! انتو السودان ده ما فيه زول بيعرف سياسة ولا الاهتمام بالشان العام معدوم و الشان او المصلحة الخاصة هى المهمة فقط؟؟؟!!! بلد عملاق لكن سياسيه اقل من اقزام و ما يستاهلوا بلد زى ده!!!! الله يلعن ابو البريطانيين الطلعوا قبل ما يعلموا الناس اصول الحكم الصحيح و ارساء المؤسسات الديمقراطية التى تسير حكم البلاد!!! و اهم شىء ان الجيش هو لحماية الوطن و الشعب و ليس عمل الانقلابات العسكرية و حمايتها!!! بعد داك ممكن يطلعوا مكرمين مععزين انشاء الله فىالسبعينات او حتى الثمانينات!!! يا هو دا الاستقلال يا ها دى الحرية؟؟


#174578 [الركابي]
0.00/5 (0 صوت)

07-08-2011 05:42 PM
اوتدرين مصيبتنا شنو؟ عايشين في وهم كبير اسمو السودان والجنوب حيطة مايله من زمن الاستعمار ومن بعدهم الاحزاب ذات القيادات المعتقة لاقدمت ولا حلت ولكن اسكرت.
ولمن راحت السكرة وجات الفكرة لطمنا الخدود وشقينا الجيوب .

تمرد المدعو قرنق (وما قبله) في الدرجة الاولى حق تقرير المصير - المربع الاول - ودقست حركته احزاب الغفله - التجمع الوطني - وتم الاتفاق وتم حق تقرير المصير وافتى الجنوبيون بالانفصال ( بنسبه اكتر من 97%) .

فليذهبو لدولتهم هداهم الله .


#174402 [حمزه]
0.00/5 (0 صوت)

07-08-2011 12:03 PM
الاستاذه الغاليه صوفيا حسن
جمعه مباركه وطيبه عليك وعلي من تحبين
فعلا نحن في قمة التعاسه والاكتئاب فقدنا ربع التراب الوطني والواحد شايل هم مقابلة الاباء والاجداد يوم البعث لانهم حيلومونا علي اننا فرطنا في وطن حدادي مدادي مليون ميل مربع تركوها لنا كامله ونحنا بخيابتنا ضيعناها ولسه الجاي في الطريق احتمال كمان ناس الغرب يقولوا عايزين ينفصلوا كمان عشان تكمل وتتم الناقصه
مفروض الرئيس ما يمشي فما بالك بان يرقص كيف يمشي يحتفل مع الجنوبيين بانه ضيع البلد
انتي عارفه يااستاذه صوفيا مفروض نكون بادرماينهوف سودانيه تقوم باغتيال الكيزان وناس الحركه الشعبيه لانهم سبب كل المصايب عليهم اللعنه جميعا
معذره الواحد طلع من طوره واخلاقه بقت في راس مناخيره من البيحصل فينا ده


صوفيا حسن
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة