الأخبار
أخبار إقليمية
السفير السوداني بالقاهرة: "حلايب" لن تصبح مجالا للقطيعة مع مصر.. ونرفض الانفلات الإعلامي ضد حكومة "الخرطوم"
السفير السوداني بالقاهرة: "حلايب" لن تصبح مجالا للقطيعة مع مصر.. ونرفض الانفلات الإعلامي ضد حكومة "الخرطوم"
السفير السوداني بالقاهرة:


قال : القنوات الفضائة المصرية وعدت بعدم التعرض للسودان مرة أخرى في قضية حلايب أو غيرها.
05-26-2013 07:07 AM
صدى البلد

أكد السودان سعيه الجاد لجعل منطقة حلايب مجالا للتكامل بين الشعبين المصري والسوداني، وألا تصبح مجالا للقطيعة، بل تلعب المنطقة دورا كبيرا في تعظيم المصالح المشتركة باعتبار أن العلاقات الثنائية أكبر من حصرها في قضية بعينها.

وقال سفير السودان بالقاهرة الدكتور كمال حسن علي في برنامج لقاءات الذي بثته فضائية "الشروق" السودانية "السبت"، إنه ليس من المصلحة إثارة هذه القضية في الإعلام دوما وكأن العلاقات السودانية المصرية تنحصر فقط في قضية حلايب.

وأشار إلى حرص السودان ومصر على عدم تضخيم القضية بحيث تصبح المنطقة ذات تأثير على العلاقات السودانية المصرية.

وأوضح أن المشهد السياسي المصري يحمل أحيانا أجواء ليست صحية لحل المشاكل لأن الحلول دائما تحتاج إلى أجواء أفضل من أجواء المزايدات السياسية بين القوى السياسية إذا كان ذلك في السودان أو مصر.

وذكر سفير السودان بالقاهرة أن السودان يحرص تماما على إبعاد العلاقات السودانية المصرية من الملفات الداخلية ولا يتعامل مع الملف الداخلي المصري بالانحياز إلى جهة ضد جهة أخرى.

وأضاف "نحن ننحاز إلى مصر الرسمية والشعب والقوى الحية، وبنفس القدر نريد من القوى السياسية المصرية أن تتعامل مع السودان في هذا الإطار الكلي".

وكشف كمال عن اتصالات عديدة أجرتها سفارة السودان بالقاهرة ببعض مالكي القنوات والفضائيات بمصر الذين وعدوا بدورهم ألا يتعرضوا للسودان مرة أخرى في قضية حلايب أو غيرها.

وقال إننا لا نسعى للتهويل وتضخيم القضايا، أو نجاري بعض الانفلاتات الإعلامية، بل ندافع عن السودان، ولا نعتبر أن ما يصدر عن بعض وسائل الإعلام يعبر عن مصر الرسمية علي حد قوله.


تعليقات 15 | إهداء 0 | زيارات 1974

التعليقات
#677629 [gogo]
0.00/5 (0 صوت)

05-26-2013 10:56 PM
شوفو الانكسار والتدني والجبن الحاصل دا هذة الحكومه لايجب ان نتشرف بها بس فالحه في ضرب المواطنين العذل والله العظيم لاتوجد حكومه في الكون اوطي وارزل من هذه الحكومه اصلو ما فيش اختيشاء بتاتا


#677476 [العربي]
5.00/5 (1 صوت)

05-26-2013 06:37 PM
ياخوانا انتو زعلانيين من المصاروة ليه ديل اصلا ناس بتاع مصالح وبعدين ما تتعقدوامن المصريين وما تنسوا اول رئيس مصري بعد الثورة محمد نجيب اصلوا سوداني ثم اتي عبد الناصر وبعده انور السادات سوداني ثم مبارك وبعده طنطاوي واصلوا سوداني قم مرسي وننتظر نشوف اللي بعدوا من


#677412 [jasser]
0.00/5 (0 صوت)

05-26-2013 05:23 PM
انا مندهش من الذى اعطى هولاء ان يقرروا في تاريخ السودان؟ان تقتطع الارض في الجنوب؟ وان نتنازل عن حلايب او نجعلها للتكامل- افيدونى من الذى يقرر في طمس السودان واستلاب اراضيةوما هى مصلحتهم في خراب السودان؟ولماذا يتحدوث باسمنا؟ نحن لا نريدها للتكامل نحن نريد ارضنا حلايب - ترابنا ورمز كرامتنا؟كفاية هوان وذل لليسوى والمايسوى- والله ماساءة ان يحدد مستقبل السودان هولاء؟
عملنا شنو في حياتنا ومصيبتنا شنو؟


#677384 [um ahmed]
0.00/5 (0 صوت)

05-26-2013 04:49 PM
صدقوا يا اخوانى حضرت هذه الحلقه يوم امس فى قناة الشروق وزعلت جدا من ردود السفير للمذيع . كان السفير فى اغلب الاحيان يتهرب من الاجابات وكلامه غير مقنع ابدا وكل شويه يقول قصة الاعلام دى من افراد وليس موقف مصر الرسمى وحتى عندما قال نريد حلايب منطقة تكامل ساله المذيع لكن هذه الكلمه فضفاضه وليست مفهومه اخذ يلف ويدور يعنى فى النهايه فهمت من حديثه انهم لا يريدون ان يعكروا علاقتهم بمصر بسبب اشياء هو يراها بسيطه


#677367 [مندكورو]
0.00/5 (0 صوت)

05-26-2013 04:23 PM
فعلا العلاقة تنحصر في موضوع حلايب..ولا انت شايف غير كداّّّ!!!!! تفووو عليكم..


#677304 [عصمتووف]
0.00/5 (0 صوت)

05-26-2013 03:33 PM
ويا آبلة حكمت هانم عرفنا القنوات كيفن الحال مع القنوات الورقية


#677177 [احمد]
5.00/5 (2 صوت)

05-26-2013 01:48 PM
انت يا سفير السودان علاقتك بالدبلوماسيه شنو ؟ قريته وين ؟ مؤهلاتك شنو ؟ بتفهم شو في دنيتك دي علشان تبقى سفير ؟ حلايب بترجع بعد ذهاب الانقاذ ، وبعدين بنحاسبك على بيع مبنى السفاره والعمولات


#677165 [عثمان الحلفاوي]
5.00/5 (2 صوت)

05-26-2013 01:39 PM
يعني بي العربي البسيط كده ...... يامصرييين شيلوا حلايب من سكات وبلاش حكاية القنوات الفضائيه دي ..... وبدوون خجل البني ادم ده بقووول انو اتصل علي بعض القنوات وطلب منهم عدم اثارة الموضوع ...... والله شاطر وانجزت ..... والله انت عااااااار علي الدبلوماسيه السودانيه واللتي طالها الخرررراب والدماااار في عهد الغررررررراب البشييير


#677153 [radona]
5.00/5 (1 صوت)

05-26-2013 01:27 PM
والله دي قوة عين عديل كده
تحتلوا حلايب وما عايزين الناس يطالبوا بيها والله دي قوة عين عديل كده
يبدوا انه المصريين ديل عايزين حمرة عين
وعليهم ان يحذروا غضب الحليم


#676846 [omer ali]
5.00/5 (2 صوت)

05-26-2013 10:28 AM
سفير السودان لدي مصر جزار العيلفون يمارس سياسة الدبلوماسيه الانقاذيه المفنقسه والتي ابتدعها المملوكي مصطفي اسماعيل من اجل ارضاء المحروسه وتحقيق مطامعها في السودان ,,,

لم نقراء او نسمع في التاريخ الدولي ان دوله مستقله ذات سياده تحاول بمختلف الطرق تبرير وتقنين احتلال دوله اخري لارضها بالقوه الا في زمن الهوان الانقاذي

هكذا حدثنا حكام الانقاذ عن الاحتلال المصري لحلايب :

حلايب ارض سودانيه ولكن لن تكون سبب في تعطيل مسيرة التكامل بين مصر والسودان ونحن نسعي لازالة الحدود بين مصر والسودان

حلايب ستكون منطقه تكامل بين دولتي الخلافه

سنغير اسم حلايب الي حبايب
وعند زيارة مرسي العياط للسودان كافاْه اهل انقاذ علي احتلال حلايب بمنح مصر مزيدا من الاراضي في شمال السودان وصرح شيخ الانقاذ المعتوه الكاروري ان علي حكومة الانقاذ التنازل عن ارض السافل لتوطين المصريين تطبيقا لدبلوماسيه سفلة الانقاذ المفنقسه تجاه مصر!!!

واليوم يأتينا البغل الانقاذي كمال حسن علي بانجاز دبلوماسي ضخم هو تمكنه من اقناع الفضائيات المصريه بعدم اثارة موضوع حلايب !!! وما هو المقابل لذلك؟؟ انا لا اشك ان كمال حسن علي اكد لهم اعتراف حكومة الانقاذ بتبعيه حلايب لمصر وعما قريب سنسمع الخبر اليقين


#676828 [مدحت عروة]
5.00/5 (1 صوت)

05-26-2013 10:14 AM
انه كلام الضعفاء والمفرطين فى حق وكرامة الوطن!!!
من احتل ارض من اليس اولاد الرقاصات احتلوا ارضنا؟؟؟؟
ولماذا اذا هم بيقدروا العلاقة لا يستجيبوا للتحكيم الدولى حتى ياخذ كل ذى حق حقه وياخذوها عنوة؟؟؟؟
اى دولة فى العالم تحترم نفسها وشعبها لا تسكت على احتلال لاراضيها!!!!!
اتخيلوا ثاتشر قالت انها تريد الفوكلاند جزيرة تكامل مع الارجنتين؟؟؟؟
او ان المكسيك احتلت جزء من تكساس او نيو مكسيكو بالقوة والحكومة الامريكية تقول مافى مشكلة مع الجيران ونريدها منطقة تكامل؟؟؟؟؟؟؟
هل الانقاذ حكومة وطنية يهمها عزة وكرامة الوطن حتى تستجدى من المعتدين والمحتلين على اسكات قنواتهم الفضائية حتى لا تشتم السودان وهو الضحية والمعتدى عليه والمحتل ارضه؟؟؟؟؟؟
اقسم بالله ان الانقاذ عار على الوطن!!!!!


#676746 [Mohd]
5.00/5 (1 صوت)

05-26-2013 09:17 AM
يا جبان

ليك يوم


وراجيك اشر انتقام من اهالي ابناء معسكر العيلفون

والطاردتهم وعذبتهم في مصر

حسابك عسير يا حقير

واقترب
تف عليك وعلى وجهك


#676635 [samdan]
5.00/5 (1 صوت)

05-26-2013 07:37 AM
أكد السودان سعيه الجاد لجعل منطقة حلايب مجالا للتكامل بين الشعبين المصري والسوداني)))))
اولا اثبتوا سودانية حلايب وبعد ذلك اجعلوها منطقة تكامل يا وهم


#676633 [ممكون وصابر]
5.00/5 (2 صوت)

05-26-2013 07:31 AM
يعني يا مصرين شيلو حلائب بس ما تكلمو زول ... يعني حسي المحتاجة لتحرير أبو كرشولا الماسكنها سودانيين ولا حلائب الماسكنها اجانب يا جيشنا يا جيش الهنا


#676623 [محمد دهب حسنين]
5.00/5 (1 صوت)

05-26-2013 07:16 AM
كلام وااهن ضعيف متراخي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة