الأخبار
أخبار إقليمية
نظام البشير يقول إنه جاهز للتفاوض مع الحركة الشعبية بشروط
نظام البشير يقول إنه جاهز للتفاوض مع الحركة الشعبية بشروط
نظام البشير يقول إنه جاهز للتفاوض مع الحركة الشعبية بشروط


05-26-2013 07:43 AM

رهن رئيس وفد التفاوض الحكومي مع الحركة الشعبية قطاع الشمال؛ إبراهيم غندور، مواصلة الحوار حول المنطقتين، بقبول الحركة، ببنود التفاوض الأساسية؛ وهي الترتيبات الأمنية والسياسية، بجانب الشؤون الإنسانية. وأكد جاهزيتهم لمواصلة التفاوض مع القطاع.


وقال غندور في الندوة السياسية لتنوير قيادات وفعاليات جنوب كردفان بالوضع السياسي الراهن، إن وفد الحكومة طرح في التفاوض حلاً شاملاً لقضايا المنطقتين، ووقف إطلاق النار، الأمر الذي لم يجد القبول من الحركة الشعبية، والتي تمسكت بالحوار في الشؤون الإنسانية فقط، وإبداء رغبتها في شراكة سياسية مع المؤتمر الوطني.


وأضاف غندور أن الوفد جاهز لمواصلة التفاوض متى ما حددت الآلية الوسيطة موعداً للتفاوض وفقاً للبنود الأساسية المتعلقة بالمنطقيتن.


من جانبه أكد الأمين السياسي للمؤتمر الوطني؛ حسبو محمد عبد الرحمن، التزام الحزب بمواصلة الحوار مع الحركات المسلحة، والأحزاب المعارضة، باعتبار الحوار هدفاً استراتيجياً، ووسيلة لخلق سلام شامل يعم أرجاء السودان .


ودعا عبد الرحمن، أبناء السودان للالتفاف حول الثوابت الوطنية، وبناء دستوار توافقي مرتكز على التداول السلمي للسلطة وعدم الاستنصار بالأجنبي.


شبكة الشروق


تعليقات 28 | إهداء 0 | زيارات 5440

التعليقات
#677713 [الكلس]
0.00/5 (0 صوت)

05-27-2013 02:08 AM
ما فيش مشكلة سيتواصل الحوار والبلي مدور ما في اتركونا للتطعيم او استراحة محارب


#677710 [adil a omer]
0.00/5 (0 صوت)

05-27-2013 02:04 AM
لا تفاوض لا شروط لا تنازل .. القصاص القصاص القصاص

معا لاسقاط مملكة قوم لوط .. دماء السودانيين ليست مجالا للمساومه


#677686 [حريف ما لاقي خانة]
0.00/5 (0 صوت)

05-27-2013 12:53 AM
عقار - الحلو - عرمان - مني كلكم ضقتوا المناصب مع المؤتمر الوطني وتخبروه اكثر مننا يبقي الموضوع باين ديل لمن يشتد بهم الحر بقولوا الروب ... وبعدين الجبهة الثورية لن تخسر من الحرب التي شارفت علي الانتهاء ان شاء الله كثيرا... المؤتمر الوطني هو الخسران لان الشعب فهم الدرس والوضع الاقتصادي لم يعد يساعد ... لا تفاوض ولا انهزام حتي ولو سلموكم كردفان ودارفور والنيل الازرق والجزيرة كمان ... كل القوة الخرطوم جوه ... اصمدوا قليلا وسترون النتيجة .. بس قبل البشير عايزين رؤوس الشياب الخرد (المهدي - الميرغني - الترابي)


#677590 [Almo3lim]
0.00/5 (0 صوت)

05-26-2013 09:52 PM
[[وقال غندور :
إن وفد الحكومة طرح في التفاوض حلاً شاملاً لقضايا المنطقتين، ووقف إطلاق النار،

((الأمر الذي لم يجد القبول من الحركة الشعبية، والتي تمسكت بالحوار في الشؤون الإنسانية فقط،) و
(إبداء رغبتها في شراكة سياسية مع المؤتمر الوطني)). !!!!

يا أخي أنت كذاب و تعتقد أن الشعب يعيش في غيبوبة و الحقيقة هي عكس ما قلت تماما فالحركة هى التي أصرت على حل مشكلة المنطقتين عبر حل مشكلة السودان ككل و تم سحبكم من المفاوضات و صرح نافع قائلا و بتهكم : ياسر عرمان عايز يناقش مشاكل السودان !!!

و في ذات الوقت صرح ياسر عرمان بأنكم قدمتم لهم (رشوة) بأن يدخلوا معكم في شراكة سياسية و أنهم رفضوا المصالح الذاتية الضيقة مفضلين المصلحة العليا للوطن و وحدته ..

و هذا آخر تصريح أدلي به عرمان بخصوص الأزمة:

أن المؤتمر الوطني لديه طريقين لحل الأزمة في السودان، وهما موافقته المؤتمر على تقديم حل شامل للأزمة في السودان وبمشاركة الجميع، وهو الخيار المفضل لدى حركته، والخيار الآخر هو الضعظ العسكري والإنتفاضة السلمية عبر تكامل الجهود أو وضع الجبهة الثورية نهاية عسكرية لحكم المؤتمر الوطني- على حد قوله.


#677473 [الفنجري]
0.00/5 (0 صوت)

05-26-2013 06:31 PM
والله كل ما يقولوا في تفاوض الواحد بخاف يقطعوا من (لحمو) أقصد من بلدو حته . الله يستر ..!


#677213 [JOHN]
0.00/5 (0 صوت)

05-26-2013 02:17 PM
ما قلتو نوبه.......هههههههههههههههههههههاي.......

زمنكم فات وغنايكم مات.......

ماعاد القرار بيدكم.......


#677162 [صالح]
0.00/5 (0 صوت)

05-26-2013 01:35 PM
هو المفروض الحركة الشعبية تفاوض معكم بشروط و ليس العكس


#677144 [radona]
5.00/5 (1 صوت)

05-26-2013 01:20 PM
الشروط واضحة جدا
اولا .. وضع السلاحوتسليمه للجيش السوداني
ثانيا .. الاعتذار عن جميع الجرائم التي اقترفت منذ بداية التمرد
ثالثا .. الاعتراف بالجهات التي امدتهم بالسلاح والاموال
رابعا .. الاعتراف بانهم عملاء لجهات اجنبية لتنفيذ اجندتها ضد الوطن وحكومته
خامسا .. لايتم استيعاب اي منهم في مناصب بل يتم القبض عليهم ومحاكمتهم محاكمة عادلة وشفافة
سادسا .. الاعتذار للشعب السوداني عن كل كافترفوه


ردود على radona
[الحساني التاني] 05-26-2013 10:11 PM
المفروض تووت تووت.... هو منو البيفرض انت قايل الفرض دا كلام في الهواء، ياهم الجماعة قريبين جنب الرهد هنا امشي ليهم..

European Union [كرري] 05-26-2013 05:01 PM
تصدق دا المفروض يحصل عشان المسلسل دا ينتهي

United States [خال البنيات] 05-26-2013 04:11 PM
طالما انت رجل حاسم للدرجه دي رايك شنو تجي و تنفذ كلامك ده علي ارض الواقع ؟ و بدل ما ناسكم يقعدو احنسو الشباب عشان امشو معاهم و يجاهدو ، ما تمشي انت و تجيب معاك كم واحد من طالبي الحور العين و انا اضمن ليك تحقيق امنياتكم علي وجه السرعه ؟ اما لو انت واحد جبان ساكت من ناس الجداد الكرتوني فالافضل تنتظرنا و بنجيك انحنا

United States [Elmansoor] 05-26-2013 02:57 PM
انت قايل حكومتك دي الناتو ولا شنو؟ وين لها المقدرة لفرض هذه الشروط. بعدين دي شروط تفاوض ولا مقررات نتجت عن التفاوض؟ والله انت متفائل حد العبط


#677075 [انصاري]
0.00/5 (0 صوت)

05-26-2013 12:30 PM
علي العموم شروط ما شوط نحن منتظرين،، الحلو!!


#677040 [سن ألفيل]
0.00/5 (0 صوت)

05-26-2013 12:09 PM
ليس هنالك شي يدعى الحركة الشعبية انما هي الجبهة الثورية وان شرط التفاوض الوحيد لديها اين يتمني الكيزان دفنهم هل في ابوكرشولا ام في العاصمة الخرطوم .


#676983 [القادمون الجدد]
0.00/5 (0 صوت)

05-26-2013 11:35 AM
ابيتوها مملحه والليلا كايسنها قروض


#676940 [جركان فاضى]
0.00/5 (0 صوت)

05-26-2013 11:11 AM
شرط الحركة الشعبية للتفاوض معكم ان تقدموا استرحام ينظر فيه


#676937 [ali alfred]
0.00/5 (0 صوت)

05-26-2013 11:09 AM
ياغندور الجبهة الثورية تقاتل لتخلص السودان ممن دمر مدن السودان وشرد وقتل اهلها واطفالها,معليش ياغندور الحقيقة توجع والصراخ على قدر الألم، هذه هي الحقيقة وأنت الغائب عنها.


#676932 [كاره الكيزان]
0.00/5 (0 صوت)

05-26-2013 11:06 AM
إن اأبلغ ما يصور حال عصابة الجبهة الاجرامية اليوم هو كلام الله الحق:

(فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ)
(لَوْ تَرَىٰ إِذِ الْمُجْرِمُونَ نَاكِسُو رُءُوسِهِمْ عِندَ رَبِّهِمْ رَبَّنَا أَبْصَرْنَا وَسَمِعْنَا فَارْجِعْنَا نَعْمَلْ صَالِحًا إِنَّا مُوقِنُونَ)
(وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ ۚ أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَاءَكُمُ النَّذِيرُ ۖ فَذُوقُوا فَمَا لِلظَّالِمِينَ مِن نَّصِيرٍ)
(رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ)

ولكن بإذنه تعالى سوف يتركهم الطوفان إن كان بالشعب أو الجبهة الثورية.


ردود على كاره الكيزان
United States [كاره الكيزان] 05-26-2013 12:00 PM
آسف على الخطأ الإملائي في كلمة يدركهم فأن ليس من يتمنى لهم الإفلات من الطوفان حتى أكتب يتركهم، سوف يددددددركهم الطوفان.


#676929 [منديل جميل]
0.00/5 (0 صوت)

05-26-2013 11:05 AM
قالوا الرووووووووووووب. كلك ... كلك .. يا حلو ..بيقت الي الامام .. الي الامام زنقه .. زنقه . طلقه .. طلقه . وطلقه تعر ف وين مكانها . حتي يستبين الخيط الابيض من الاسود. الخرطوم ليس ببعيد عنكم يا رجال تعالوا اخرجونا منها جميعا.


#676906 [motwekel haje]
0.00/5 (0 صوت)

05-26-2013 10:54 AM
تتعامل الحكومة بسزاجة وغباء مع الشعب السوداني وكأن الشعب لا يري ولا يسمع ولا يفهم . بقول تصريحات وقتية ,, لن نفاوض ولن ولن مع الحركات المسلحة وفي اليوم الثاني ينبطحون .. ودة سسبب نكستنا... كرهتوووووووووووووووووونا...نفاق×نفاق×نفاق .....


#676896 [مدحت عروة]
0.00/5 (0 صوت)

05-26-2013 10:51 AM
يا جماعة دى فرصة لمحاربة الفقر فى السودان وهى ان اى زول عايز يرطب يعمل ليه مجموعة مسلحة والحكومة ممكن تتفاوض معه وتديه منصب دستورى وقروش وهلم جرا وبالطريقة دى تحل مشكلة الفقر اما الزراعة والتجارة والصناعة وهلم جرا ممكن نجيب اجانب يشتغلوا ونحن نقعد فى المناصب والانقاذ تكون ماسكة الجيش والشرطة والامن حتى لو السودان بقى يتكون من الوسط والشمال فقط!!!!
ما الحكاية رزق ومعيشة وخلاص بلا وطن حدادى مدادى بلا ديمقراطية بلا وجع دماغ !!!
ما اهو واضح ان الانقاذ ما عايزه الحل القومى الشامل هى عايزه الحل بتاع الرشاوى السياسية والمالية واهو الكل يستفيد حتى دول الجوار اكان عايزه اراضى ممكن تشيل ما السودان كبير ونحن لا نستحق مثل هذا الوطن الكبير علينا!!!!!!
فعلا الانقاذ او الحركة الاسلاموية فهمها كبير وعندها رؤية!!!!!!!!!!!!!!!!!!!!!!!!!!!!!!!!!!!!!!!!


ردود على مدحت عروة
United States [هدهد] 05-26-2013 02:23 PM
الوطن يا عروة اصبح غير حدادى ومدادى الوطن اتقسم وجارى تقسيم الباقى . من الجنوب انفصل الجزء الاكبر من الوطن وهذه جريمة العصر ومن الشمال احتل المصريون حلايب وشلاتين ورئيسك الهمام يرقص ويتلاعب بمؤخرته ويديه ووزير دفاعه ريالتو سايلة حتى وصلت بطنه ومن الشرق احتل الاثيوبيون والارتريون الاف الهكتارات من الاراضى الزراعية وطردوا المواطنين بدون رحمة ورئيسنا لا زال يرقص ويطمن فى نفسو البلد بخير !!!! مشغول بالجبايات ونهب الثروات وبناء القصور والمزارع الكبيرة .


#676856 [بشاشا]
0.00/5 (0 صوت)

05-26-2013 10:35 AM
راح لاحس الكوع اياهو! اكيد "حلو"!


#676825 [ابو امين]
0.00/5 (0 صوت)

05-26-2013 10:12 AM
عندما أقال البشير مالك عقار وين كانت روح التفاوض وعندما فرضتم فوز مجرم الحرب والمطلوب دوليا في جنوب كردفان وين كان التفاوض الحل زوال نظامكم الجهوي المشئوم


#676805 [صالح عام]
0.00/5 (0 صوت)

05-26-2013 10:02 AM
يا غندور يا حسبو مالكم انبرشتو الحلو جاكم


#676796 [Fato]
0.00/5 (0 صوت)

05-26-2013 09:54 AM
المؤتمر الوطنى الان فى زنقة لم تحدث له قبل ذلك وأدرك أن مركبه الهالك على وشك الغرق فاخر التصريحات من كبار مسئوليه أغلظوا فى الحلف بأنهم لن يجلسوا مع الحركة الشعبية والان بعد ماعرفوا أن الموت قد دنا منهم كثيرا وأن الحركات المسلحة صارت توجه لها الضربات الموجعة والهزائم التى منوا بها فى الميدان صاروا يتهافتون للجلوس معهم للتفاوض. أنا من رأى أن لا تركن الجبهة الثورية لتصريحاتهم ويواصلوا تقدمهم نحو الخرطوم فعرش الكيزان نخرت فيه الأرضة وقريبا سيهوى فلا تعطوهم الأمل للبقاء مرة أخرى.


#676769 [ابو ايمن ودالضو]
0.00/5 (0 صوت)

05-26-2013 09:35 AM
ياجماعه بلاش لولوه وجرجره ومضيعة زمن ؛ الحكومه والطين الوطنى ماشين ماشين ولو عندكم باقى كرامه احسن ليكم تقعدوا معاهم واخير ليكم تنكسرو وترضو بالواقع الاليم الوصلتونا ليهو ؛ ويمين الله يامناوى انك ود بلد اصيل وذو عزه وكرامه يوم تركت الترطيبه الوطنيه الخداعه ولم تنسى اهلك الغلابه . والحياة الكريمه لابد لها من تضحيات وانتم مااتيتم الا بمبادىء وقضيه جوهريه ومطالب عادله ؛ ومن طلب العلا سهر الليالى ؛ والله يولى من يصلح !!!!!


#676733 [أسامة]
0.00/5 (0 صوت)

05-26-2013 09:07 AM
جاهزين للتفاوض ؟
بعدين بعدين نشوف الموضوع دا ، الآن جهزوا أنفسكم للحساب واسترداد أموال الشعب ودفع ثمن لانفصال وتعذيب واغتصاب وقتل الأبرياء وتدمير الوطن ،


#676720 [د محمد]
0.00/5 (0 صوت)

05-26-2013 08:56 AM
متشكرين جدا مادايرين تفاوض


#676679 [هاشم صديق]
0.00/5 (0 صوت)

05-26-2013 08:31 AM
ابو كدوم لازم يكون مع المفاوضات عشان يظهر شوية يمكن يلمعوه للرئاسة اصلو السودان هامل وما تنسي السفر طالع ونازل


#676664 [دارفوري]
0.00/5 (0 صوت)

05-26-2013 08:16 AM
خلاص عصروكم ........



اللهم ألعن الانقاذ لعنا كبيرا


#676663 [اللهم ألعن الانقاذ لعنا كبيرا]
0.00/5 (0 صوت)

05-26-2013 08:15 AM
لا تفاوض مع الحركة الشعبيه... سنلاحق عقار والحلو جنائيا ..هههههه لا تفاوض قبل تحرير كل المناطق المحتله ... ياخ انتو اجبن واكذب وافجر من مشى علي ارض السودان



اللهم ألعن الانقاذ لعنا كبيرا


#676651 [karlos]
0.00/5 (0 صوت)

05-26-2013 08:04 AM
كفاية حوار كاذب لا حوار مع المؤتمر الوطنى 25 سنة كذب و تفتيت للسودان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة