الأخبار
أخبار إقليمية
صديق محمد على الشيخ يخاطب النفرة الجهادية لعمال وزارة المالية
صديق محمد على الشيخ يخاطب النفرة الجهادية لعمال وزارة المالية
صديق محمد على الشيخ يخاطب النفرة الجهادية لعمال وزارة المالية


05-27-2013 07:43 AM
(سونا) خاطب المهندس صديق محمد علي الشيخ وزير المالية والإقتصاد وشئون المستهلك بولاية الخرطوم النفرة الجهادية الكبرى التي أقامتها الهيئة النقابية لعمال وزارة المالية والإقتصاد وشئون المستهلك بحضور نائب منسق الدفاع الشعبي رئيس وأمين عام النقابة العامة لعمال المصارف والأعمال المالية والمحاسبية والتجارة والتأمين وذلك بحديقة وزارة المالية .
واشار السيد وزير المالية إلى ان نفرة العاملين بالوزارة تعتبر أحد أسهامات ولاية الخرطوم لطمأنة المواطنين بالولايات المتأثرة .
وقال الوزير بأننا وجدنا اهل شمال كردفان مستعدون لمواجهة العدو الذي ليس لديه هدف سوى ترويع المواطنين الآمنين معتبراً أن مثل هذه النفرات تعني بتطهير البلاد من دنس التمرد وان كل من تسول له نفسه ستكون مثل هذه النفرات وبالاً عليه .
ودعا العاملين بضرورة تأمين واجبات الدولة وأن يكون العاملون قدوة ونموذجا بتفعيل الأداء والخدمات المدنية .
وجدد وزير المالية ثقة حكومة الولاية في القوات المسلحة مشيراً إلى تداعي المواطنين بالولاية لنداء الجبهة الشعبية التي بادرت بها قيادة المجلس التشريعي بالولاية مثمناً تداعي المرأة العاملة لنفرة الجبهة الشعبية واعداد زاد المجاهد مبيناً أن الولاية على مستوى وزارة المالية استنفرت كل دولاب الدولة للاتفاق على الأولويات والغايات والعمل في مجالات التنمية .


تعليقات 9 | إهداء 0 | زيارات 2271

التعليقات
#678726 [JOHN]
0.00/5 (0 صوت)

05-27-2013 08:13 PM
حمار أفندي دا نكتوه من وين كمان؟؟؟

الناس ما صدقت إنها سكتت المسيلمات الكبيرة، جيت إنتا طاير فيها.....

قال مهندس وزير مالية.....أو فني أسنان وضروس وزير إستثمار.....كأنما البلد ماسمعت أصلو بتخصص إسمو إقتصاد.....

لعنة اللـه تغشاكم فردا فردا، يا عفن.


#678669 [ناديه فضل المولي ادريس]
0.00/5 (0 صوت)

05-27-2013 07:23 PM
انت ياوزير الماليه ماعندك شغله كنا نتوقع منك تقديم حلول لرفع معاناة المواطنين المعيشيه
وتقديم حلول لكبح جماح الاسواق المنفلته كنا نتوقع منك ان تطلع علينا لتقرر شىء ينفع ملح الارض من الغلابه والمطحونين وآخر حاجه كنا نتوقعها منك أنك تكسر تلج بالطريقة المزريه دى رغم انك حسب علمنا ود ناس ومتربي ومتعلم يعني مابتشبه اولاد المايقوما والفاقد التربوى الحاكمننا ديل .
أما اذا كان غرضك التخلص من موظفينك المشاغبين اللسانم طويل والكاشفين وعارفين كل بؤر الفساد واللغفي في وزارتك بارسالم الي المحرقه فاعلم ان دماءهم ستكون في رقبتك يوم القيامه لأنك تعلم أنهم جميعا تعدو سن الفتوه والشباب ومعظمهم بصلع تلمع في الضل وكروش معتبره يعني ملحوسين ملحوسين في الحرب .
ياصديق أخوى خليك في ماليتك دى رغم انك مهندس وبس واتقي الله.
دا كل العندى.


#678560 [AburishA]
0.00/5 (0 صوت)

05-27-2013 05:16 PM
والله يا جماعة الخير موضوع ابكرشولا دا وهمة!!! لا تستحق الكلام الفاضي ده كلو!!! طيب اذا الجماعة ديل مسكو مدني موقفنا يكون شنو؟ قال ابكرشولا قال!!! كاروشة تمسكم!!!!!!


#678557 [بتاع بتيخ]
0.00/5 (0 صوت)

05-27-2013 05:15 PM
زاد المجاهد :
ودعا الى توفير 7 اطنان من زاد المجاهد .
زاد المجاهد دا طبعا التمباك


#678511 [مجوك]
0.00/5 (0 صوت)

05-27-2013 04:15 PM
هل الجهاد مكتوب ومفروض على العمال؟ لماذا العمال دون غيرهم؟؟؟ انت ما تمشى تجاهد لمن مقتنع بالجهاد وخلى البشير يمشى معاك مش هو عسكرى ومحلو ميدان الحرب قاعد يعمل شنو فى الخرطوم؟؟؟


#677839 [اهالى ودهاشم وشاشينا]
0.00/5 (0 صوت)

05-27-2013 08:33 AM
معليش اضافه الجماعه حلفونى الا اوصلك الكلام ده
__ قالو ليك سويتلك فقره++++ ممكن تستعين بي
مستر قوقل وعشانت ثقافتك تنمية افريقى هندىgoogle


#677834 [اهالى ودهاشم وشاشينا]
0.00/5 (0 صوت)

05-27-2013 08:25 AM
خلاص اكلت الطعم يا ود ابودليق ما كانت المحريه فيك يا ود الشيخ الكيزان يوسخوك
لكن اهالى ود هاشم والتريرات لسه عندهم عشم انك تصد ترجع وتغسل ايدك من الدم
والله الشيخ على شافك فى الحلم كم مره انك ماسك قرعه مليانه دم وانت تقرطع تشرب
احسنلك تصد ترجع قبل الفاس تجى فى الراس وانت كان معروف زول حوبات مالك الناقصك شنو
عشان تدخل تلهط معاهم دم الغلابه انت زول اكاديميا مؤهل ممكن كان تكون ف اى دوله عربيه
وعلى قمة اعلى المؤسسات لكن ده يسوقنا انك كنت خادعنا كل السنين دى وانك واحد من مرافعين النظام نتوقع تصحيح الاوضاع قبل ان نقول يا ريت الجرى ما كان : العنوان تريره مدنى والبساطه


#677827 [المتجهجه بسبب الانفصال]
5.00/5 (1 صوت)

05-27-2013 08:19 AM
ودعا العاملين بضرورة تأمين واجبات الدولة وأن يكون العاملون قدوة ونموذجا بتفعيل الأداء والخدمات المدنية .


ده خط رجعة ولا شنو ... المهندس وزير مالية ،،، والدكتور طبيب وزير أشغال وسياسة العكس بالعكس هو غير الصحيح،،،،


#677820 [مفجوع]
5.00/5 (1 صوت)

05-27-2013 08:00 AM
زاد المجاهد لي منو ...؟
والمجاهد ماشي يجاهد وين ...؟ من يسمع كلامك يعتقد إنهم رايحين يحرروا القدس ...!
كلو عشان كراسيكم ياحرامية وعشان تستمروا في النهب ..!
مافي جهاد ضد مسلمين وحفظة قرآن ياجحش ...
زمان قلنا أسطوانة الجهاد ماعادت تنطلي علي سوداني ..
نحن ماعندنا قنابير ألعب غيرها ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة