الأخبار
أخبار إقليمية
جبهة شرق السودان للتحرير والعدالة تقرر رفع السلاح والتعاون مع الجبهة الثورية لاسقاط النظام
جبهة شرق السودان للتحرير والعدالة تقرر رفع السلاح والتعاون مع الجبهة الثورية لاسقاط النظام
جبهة شرق السودان للتحرير والعدالة تقرر رفع السلاح والتعاون مع الجبهة الثورية لاسقاط النظام


05-27-2013 11:12 PM
اعلنت الجبهة الشعبية للتحرير والعدالة لشرق السودان بانها قررت رفع السلاح في وجهه حكومة المؤتمر الوطني بالتعاون مع الجبهة الثورية لاسقاط حكومة المؤتمر الوطني بالخرطوم ، واتهمت الجبهة الحكومة بتغييب شرق السودان ومواطنيه في كافة المجالات واكدت الجبهة الشعبية للتحرير والعدالة لشرق السودان ، ان حكومة الوطني لم تقدم شئ لانسان شرق السودان . وقال محمد علي طاهر امين شئون الرئاسة بالجبهة الشعبية للتحرير والعدالة لشرق السودان لراديو دبنقا ، ان الجبهة بكل مكوناتها من شرق السودان اتفقت على اسقاط النظام بالسلاح ، وذلك بالتعاون مع الجبهة الثورية . وقال محمد على لراديو دبنقا ، ان الشرق يعاني من انعدام التنمية والعدالة ، واضاف قائلا (منذ الاستقالا هناك مجموعة وطبقة معينة تحكم السودان الامر الذي يتطلب اسقاطه ) . وناشد محمد علي طاهر عبر راديو دبنقا كل اهل شرق السودان بعدم دعم حكومة المؤتمر الوطني ، واكد ان الجبهة الشعبية للتحرير والعدالة لشرق السودان اتفقت وعلى قلب رجل واحد علي حمل السلاح لاسقاط الحكومة.


راديو دبنقا


تعليقات 61 | إهداء 0 | زيارات 23531

التعليقات
#681561 [ود الشرق]
2.00/5 (1 صوت)

05-29-2013 03:33 PM
انت ياصالح حسب الله المقعدك هنا شنو لهط امنه ضرار وكرشتك وطردتك وجاي داير تلهط تاني اكلتوا باسم شعب وقضايا الشرق مافيه الكفاية .... كفاية متجارة بقضايانا الحقيقة يجب الخروج عليكم انتم اولاً ومن ثم المؤتمر الوطني ... انت ياصالح حسب الله وين تصاديق 10 الف جوال ذرة دعم جنوب طوكر بعتها ومعاك امنه ضرار واشتريتوا بفلوسها بيوت في الصافية وغيرها .... الويل لكم من عذاب الله ولعنة اهل الشرق


#680708 [محمد سليمان]
0.00/5 (0 صوت)

05-29-2013 01:37 AM
عمركم ما حتمشو لي قدام طالما عندكم العنصريه القبليه اخونا ود العوض هل تعلم بان معلوماتك السياسيه صفر اذا عايزين سودان جديد خارج حكم المؤتمرجيه ديل انضفو من جواكم وخلو لغه القبليه دا من الشمال ودا من الشرق ودا من الغرب في النهايه كلهم سودانين نحن نتحدث عن قضيه دوله ليس قضيه قبيله وايضا في بيان الاخوه لشرق السودان الحبيب يتحدثون بعنصريه قبيله بحته يتحدثون عن الشرق فقط فاين السودان واين قضياه طالما العنصريه القبليه في دواخلكم لن تتقدمو خطوه الي الامام تتحدث انت يا ودالعوض عن الشماليه وانا من ابناء السكوت المحس نحن في عام 2013 لايوجد شئ قدمته حكومت السودان لنا لاكهرباء لامياه لا صحه شيدنا المدارس بالمجهود الشخصي والمستشفيات بمجهودنا الشخصي ولم نجد مثقال زره من حكومت السودان تم عمل شارع الظلط في في اوخر عام 2009 وللان الكهرباء تاتي الابراج من خلف منزلنا لتذهب الي مصر ونحن لاحياه لم تنادي فاي تهميش هذا نحن نعاني نقص في كل شئ لان المناطق النوبيه مهمشه من زمن بعيد فبرائيكم الشخصي هل توجد حضاره اقدم من الحضاره النوبيه حضرتنا قبل الاسلام فلها الاف السنين ونحن للان ليس لدينا اي شئ من اساسيات الحياه لا تعليم لاعلاج لاكهرباء ولا اي شئ هل يوجد تهميش اكثر من هذا ..........
لذلك لا تتحدث وتكتب وانت لاتدري حقيقه الموقف .
نحن لانتحدث عن مطالنا الشخصيه او القبله نحنا نتحدث عن السودان ومستقبل ابناءنا وقرت اعيننا لذلك ايها الاخوه انبزو الطائفيه القبله ودعون نتحدث عن سودان جديد لايوجد فيه الطائفيه ولا القبليه نعمل من اجل وطن يسع الجميع
ولكم التحيه ...........


#680694 [محمد سليمان]
3.00/5 (2 صوت)

05-29-2013 01:16 AM
عمركم ما حتمشو لي قدام طالما عندكم العنصريه القبليه اخونا ود العوض هل تعلم بان معلوماتك السياسيه صفر اذا عايزين سودان جديد خارج حكم المؤتمرجيه ديل انضفو من جواكم وخلو لغه القبليه دا من الشمال ودا من الشرق ودا من الغرب في النهايه كلهم سودانين نحن نتحدث عن قضيه دوله ليس قضيه قبيله وايضا في بيان الاخوه لشرق السودان الحبيب يتحدثون بعنصريه قبيله بحته يتحدثون عن الشرق فقط فاين السودان واين قضياه طالما العنصريه القبليه في دواخلكم لن تتقدمو خطوه الي الامام تتحدث انت يا ودالعوض عن الشماليه وانا من ابناء السكوت المحس نحن في عام 2013 لايوجد شئ قدمته حكومت السودان لنا لاكهرباء لامياه لا صحه شيدنا المدارس بالمجهود الشخصي والمستشفيات بمجهودنا الشخصي ولم نجد مثقال زره من حكومت السودان تم عمل شارع الظلط في في اوخر عام 2009 وللان الكهرباء تاتي الابراج من خلف منزلنا لتذهب الي مصر ونحن لاحياه لم تنادي فاي تهميش هذا نحن نعاني نقص في كل شئ لان المناطق النوبيه مهمشه من زمن بعيد فبرائيكم الشخصي هل توجد حضاره اقدم من الحضاره النوبيه حضرتنا قبل الاسلام فلها الاف السنين ونحن للان ليس لدينا اي شئ من اساسيات الحياه لا تعليم لاعلاج لاكهرباء ولا اي شئ هل يوجد تهميش اكثر من هذا ..........
لذلك لا تتحدث وتكتب وانت لاتدري حقيقه الموقف .
نحن لانتحدث عن مطالنا الشخصيه او القبله نحنا نتحدث عن السودان ومستقبل ابناءنا وقرت اعيننا لذلك ايها الاخوه انبزو الطائفيه القبله ودعون نتحدث عن سودان جديد لايوجد فيه الطائفيه ولا القبليه نعمل من اجل وطن يسع الجميع
ولكم التحيه ...........


#680654 [mohamed Ahmed]
0.00/5 (0 صوت)

05-29-2013 12:00 AM
الي الكاتب باسم أهل العوض ان البشير وعلي غثمان واللمبي لا يمثلون الشمالية التي باهوا أراضيها وهجروا أهاليها وقدمت عشرات الشهداء فأتركوا الكلام العنصؤي وتأكدوا أن مقاتلي الشمالية في الميدان


#680627 [محمد الطيب]
0.00/5 (0 صوت)

05-28-2013 11:34 PM
أهل العوض عندك رأي ؟؟؟انت من وين ؟؟؟بطل التعالي بتاعك ده !!!علي شنوياشيخ .انت نسيت أخونا والحصل ليهو شنو؟؟داير حاجة زي دي ؟؟بطل عنصرية .


#680625 [وليد ذو الفقار]
0.00/5 (0 صوت)

05-28-2013 11:33 PM
واضح من تعليقاتكم ان الموضوع كلو عنصريه في عنصريه واحد يقوليك ده الكلام والتاني يقول قربنا نعرس من الخرطوم صدقوني انتو جهلا وبتخلقو حرب اهليه
بين الشمال والغرب والشرق منذ متي حققت الحرب النجاحات اسقاط النظام بالبندقيه سيقود البلاد هي النهايه والصومله ولا عاجباكم سوريا وليبيا ونحن بلد ضعيف اقل
حرب داخل المدن ممكن ترجع الناس للعصر الحجري وتضيع البلد بعدها اسقاط النظام يجب ان يكون عبر الانتخابات النضال يكون في الانتخابات اننا نعمل نضال وطني
نجعل منو انتخابات نزيها نحرسها نحن بوطنيتنا والهتاف في الشارع حته ولو نموت ونرشح من هو قادر علي اداره البلاد وبعدين بعد ما نفوز بالشرعيه نجيبم نحاكمهم
انشا الله نقطعهم حته حته ونرميهم للكلاب لكن تقعدو تعملوها حرب اهليه والبلد تدمر ده كلام فاضي وانتو بتحلمو لانكم حته ولو دخلتو الخرطوم الشعب السوداني كلو حيكون ضدكم
رقم الكره الذي يكنه للنظام الحاكم رقم كرههم للكيزان بس لو شافو اي قوه حتدخل الخرطو م بالسلاح حيتصدو ليها ارجل الرجال وحتبقي حرب اهليه لان الناس في الشمال عمرهم ما ينسو
ما فعلوه انصار المهدي وده كان بيحارب الانجليز لما دخل الشمال عاس فيه فساد لن ينساه اهل الشمال مدي الحياه فخليكم اوعي من كده وبعدين معظم المتمردين او الثوار فاقد تربوي
ومستوي اجتماعي متدني جدا وديل لما يدخلو الخرطوم حيعملو فيها شنو غير الفساد وقله الادب وده بعدهم وبعد كل اهبل من حكومه المؤتمر او الجبه الثوريه بيفكر بلغه الحرب
وعاش السودان حر ابي ولا نامت عين الجبناء من يحملون السلاح ويقلون ابنا الوطن الواحد سواء كانو جبه ثوريه او مليشات المؤتمر


#680553 [sudani harib]
5.00/5 (2 صوت)

05-28-2013 09:53 PM
ايوة دا الكلام الصاح من زمان نحن راجيين الكلام دا والله العظيم نحن ناش الشرق وبالاخص رطانة الشرق اكثر ناس مظلوميين ولا يوجد لنا اى تمثيل فى السلطة ولا الثروة من الاستقلال البلد يتحكم فيها قلة معينة من الناس كان الله سبحانه وتعالى خلقهم هم وحدهم ليحكموا السودان لكن نقول لهم تانى مافى ذل وهوان ومافى حاجة اسمها ناس معين تحكم السودان والذى يمثلنا الان فى الحكومة وزير الداخلية ليس بسودانى ولا عنده وزن هو شوية كمريرة وصورة فقط ولا يملك اى سلطة او قرار وهو فقط بشيل الاوامر والتعليمات من اسياده البشير ونافع لذلك رفع السلاح ذد هذا المؤتمر الوثنى اكبر انجاز للشرق الى الان فما معقولة يتحكم فى مصيرنا ومصير البلد شوية نعاج وبهائم من حجر العسل وحجر الطير وحوش بانقا لذلك نقول ليهم بعد دا مافى كلام الكتوف تساوت مافى زول ارجل من زول الخرطوم داخلينها رجالة وكل بهيمة يمشى يرعى فى قريته


#680516 [ودالبصير]
3.00/5 (2 صوت)

05-28-2013 09:09 PM
دائرة مقاومه وإسقاط نظام الإباده الجماعية اتسّعت ..
اليوم انسحبت الجبهه الثوريه من ابوكرشولا و إدعى النظام بأنه (حررهّا) كما فعل في (هجليج) لرفع معنويات الموالين الذين باتوا ينفضون من حوله .
غداً يمكن للجبهه دخول (بابنوسه) وبكرة (تندلتي) وهكذا .. تنسحب من هذه وتدخل تلك ..
إلى متى ؟؟؟؟
وهاهم ثوار الشرق انضموا اليوم للجبهه الثوريه ، اين سيذهب النظام ومليشياته ومن سيحارب ؟؟؟


#680505 [الكحلاوي]
3.00/5 (2 صوت)

05-28-2013 08:57 PM
لابــد من ســـودان جــــديد .


#680502 [اهل العوض]
5.00/5 (1 صوت)

05-28-2013 08:54 PM
الغرب أتى والشرق أتى... يلا باقي ناس الجزيرة فقط ويكون هناك تحالف سوداني عريض ضد عنصرية ناس الشمالية المهيمنين على البلد والحكومات منذ دخولهم غزاة مع جيش كتشنر الاستعماري


ردود على اهل العوض
United States [من ناس الشماليه] 05-29-2013 12:48 AM
ضد عنصريه (الإنقاذ) وليست عنصرية ناس الشماليه المتضررين ايضاً كالآخرين ..
سد مروي مثلاً تضرر منه المناصير اكثر من غيرهم وحتى الآن كهرباء هذا السد لم تصل للكثيرن من ابناء الشماليه
مطار مروي ، مطار اقيم لهروب النظام عندما (تنقلب) عليهم .. وغيرها كثير .
بيوت اشباح هذا النظام وتمكينه وتشريد موظفي الخدمه المدنيه
الأكفاء لم تستثني ابناء الشماليه او ولايه النيل ، انها قبيله (الكيزان) ، لاتظلموا قبائل الشايقيه والجعليه والدناقله وغيرهم .
نحن ناس الشماليه والنيل لسنا بتايعين لنظام الإباده الجماعيه هذا
لقد علّق احد ابناء حجر العسل الاسبوع الماضي في موضوع مشابه مؤكداً ان معظم ابناء منطقته ان لم يكونوا جميعا (ضد النظام) .


#680477 [mada1966]
5.00/5 (2 صوت)

05-28-2013 08:19 PM
ﻻﻻ الكلام دخل الحوش
والمثل بقول لو قلبك سدها وسع قدها
خزراكم من الشرق واهل الشرق
طريق واحد يقفلو وخﻻص الموضوع انتها
وﻻ دولة جنوب وﻻدولة شمال.بمويه وكملت
.خلي الكيزان .والدينكه ياكلو ق
.غرض ويحلو بلنيم


#680367 [nagatabuzaid]
4.00/5 (3 صوت)

05-28-2013 06:34 PM
( كلنا فى الهم شرق ) لو كنت مكان عمر البشير والشر برة وبعيد كنت رميت ليكم اوراقكم

ومفاتيحكم وتفتشونى ما تلقونى الافى صراصر ومن صرار اطش حدى صحراء العتمور ومن شدة وكثرة

البكاء والنحيب يااما الصحراء ارتوت واتقلبت خضراء وارفة الظلال عدييييييييل من غزارة

الدموع وجبت امى وحرومى والتف حولى التائبون الباكون المنتحبون وسميناها روضة التائبون

اللى ربهم راجعون بدلا من كافورى التى تذكرنا بانا كدنا ان نكون كافرون يا اما بلعتنى رمال

الصحراء فارحت وارتحت كلهاخبر يذاع مرة مرتين فى نشرتى اخبار الصباح والمساء وفى الصحف

المعنية بالمر انتباهة القوادة والعنصرية راى عام الكذبة البروكسلية والصحيفة الحسن

بخيتية ما بعرف اسمه شنو؟؟؟؟ يفتشوا بالهيلوكوبتر يلقوا رمال الصحراء تحولت الى لهيب وبما

اننا شعب طيب جدا لدرجة اللحسة ( ما بقصد اللحسة الكوعية )اقصد (اللحسة العقلية والقلبية )

بما اننا كذلك فنتمنى الحالة الاولى الاخضرار من كثرة البكاء والنحيب

يا احبابنا فى الشرق السودان حبيبنا ده حالة واحدة يختلف سكانه من حيث الاشكال والسحن

والسمات تبعا لخصائصه الجغرافية فهو شبه قارة لكن يتشابه فى اشياء كثيرة مهمة هى شنو؟؟

اول بالتبادى جميع الحركات المعارضة فى كل اقاليم السودان كوادرها مدعية المعارضة تمركزت

وتمحورت خارج السودان دارفورية شرقاوية نوباوية شمالية بمختلف عناصرها

ثانيا بعضها خان العهود والحكومة شققتهم وشرحتهم ( قسمتهم شرائح) فوهنوا وضعفوا ولانو

واستكانواوتصالحوا ودخلوا القصر واستراحوا ونسوا القضية الخرجوا من اجلها وهذا ينطبق على الجميع

ثالثا من بقوا على المبداء والعهد .حملوا السلاح ولكى يحصلوا على السلاح المتطور

لدعك نخرة الحكومة بكل اسف واقولها بمرارة اتجهوا نحو الدول الاجنبية بعضها بلا خجلة ارتمى

تحت اقدام اسرائيل وهذه حقيقة جعلت الحكومة صاحية تهضرب نائمة تهضرب الواحد فيهم كان بحلق

فى دقنه وشاف فى المرايا خيال يقول اسرائيل كان بياكل خنقه عظم من شرفته يقول اسرائيل

كان شرب عصير بااااااااارد وشرق يقول اسرائيل

كمواطنة احب بلدى ووطنى السودان ارى ان تتكاتف المجموعات بدون حركات مسلحة التى فى النهاية

قاتلة لمواطنيها الابرياء طيب تحكموا منوا الجماجم ؟ وتراصوا كالبنيان اسود وابيض واسمر

واحمر ولون زينب كتلة واحدة وازحفوا متماسكين فاتحى صدوركم وجميعكم شجعان وستهدموا جدار

المؤتمرجية وحكومتهم وان كان خيرسان كونوا جدارا من رصاص وسترموهم خارج مذبلة التاريخ

حمل السلاح يكون من المركز من الجيش الحر وارموا من خانوكم ودخلوا القصر فى مذبلة التاريخ وا

وانسوهم اتركوهم خلفكم وتقدموا للامام وليلحقوا القصرجية فى صحراء العتمور


#680153 [محمد البلة]
5.00/5 (3 صوت)

05-28-2013 03:40 PM
الله اكبر الشرق ينضم الى الغرب انصحك يا عمر بشكير ان تهرب بعيدا و يا ابنا السودان انضموا الئ هذا ولا تتركوا كوزا حيا


#680123 [الجندى المجهول]
4.94/5 (7 صوت)

05-28-2013 03:17 PM
ياخى من زمان الناس ديل بيضحكو علينا وبيقولو لينا انتو ما عندكم بحر فى جبال النوبة ودارفور والنيل الازرق والجنوب لو انفصلتو حتمشو وين وبترولكم حتصدروها فين طيب انتو هسى لو ناس الشرق ديل انفصلو حتى حلفا القديمة او قطعو ليكم طريق بورسودان انتو بترولكم دا حتشربوها ولا حتخطوها سفة


#680049 [KALAS.]
4.50/5 (4 صوت)

05-28-2013 02:30 PM
قرف يقرفكم جميعا ، قرفتوا حياتنا الله يقرف دنياكم و اخرتكم .


#679981 [دكتور واتسون]
5.00/5 (1 صوت)

05-28-2013 01:41 PM
نعيب زماننا والعيب فينا وما لزمنا عيب سوانا
بمعني نعيب الكيزان وما للكيزان عيب سوانا ... البفهم يفهم
خلونا من جوتطكم دي عندي كم سؤال كده عاوز أطرحوا عليكم
أولا : أنا داير ترتبوا لي الحكومات المتعاقبة علي حكم السودان من الاستقلال حتي اليوم وحسب الافضلية عباً بسيدوا ولا حرا مجحجح ..
ثانيا : هل أنت أفضل من أبيك ؟
ثالثا : نفر ثلاث كلهم في مرتبة واحدة من حيث الخبرة والحنكة والدراسة والاقدمية هل يمكن أن ترضي اي منهم بولاية الآخر ( بمعني أنا ما رضيت بعرمان عرمان برضى بي ) .؟
أخير : ربنا هو البدي الملك ما الكيزان ولا الجبهة الثورية ولا التاني ولا التالت
لو ربنا قدر أنو عرمان أو الحلو او ... يكون رئيس بيكون لو البشير رضي أم أبي ..
أنتو معاي في دي ياناس .
منو العارف ممكن ربنا ينزع الحكم من الكيزان ويديهو لاي حزب ولا لمواطن ساااااي حتي ...
بس ربنا يطيب النفوس
وربنا يولي من يصلح

في عون الله


#679949 [دكتور واتسون]
0.00/5 (0 صوت)

05-28-2013 01:22 PM
الكلام كتير


#679941 [ADAM]
5.00/5 (1 صوت)

05-28-2013 01:18 PM
GOOD NEWS


#679939 [lawlawa]
4.00/5 (2 صوت)

05-28-2013 01:16 PM
لقد هرمنا وسئمنا من كثرة التصريحات والمؤتمرات ...!!..اكثروا الفعل وقللوا القول .أو ألحِقوا القول بالفعل، ولا تكونو كالذين يقولون مالا يفعلون.


#679933 [على كرار]
4.00/5 (4 صوت)

05-28-2013 01:12 PM
نعم للتحرير و العدالة, التحرير من أكبر ضلالة فى التاريخ ألإسلامى - المؤتمر اللاوطنى - الذى بانت عورته مركزيا و ولائيا و محليا للإنس و الجن, و العدالة فى الحكم و الثروة و التنمية ألإجتماعية و ألإقتصادية و الحرية فى ألإعتقاد و الثقافة, نعم للعدل و المساواة فى السودان الجديد الكونفدرالى و إلى ألأمام كل القوة الخرطوم جوة, العدو شرس و خبيث و لئيم و جبان و الحذر كل الحذر من الغواصات و ما أكثرهم وسط أهلنا البجة الطيبين, ليس عن خيانة وضعف و لكن نتيجة للبؤس و الفقر و التضليل و يجب معالجة هذه النقطة بالتوعية و بالتعريف من هو العدو الحقيقى لهم ويا جبهة الشرق إياكم من رفع السلاح فى وجه اخاكم البجاوى إلا فى وجه من أراد منهم أن يكون تحت راية المؤتمر الوطنى و يقدم أمه و أخته و زوجته لكى يطئها خنيثى المؤتمر اللاوطنى.


#679926 [بجاوي]
4.50/5 (5 صوت)

05-28-2013 01:07 PM
عمر البشير الدلاهة قال نحن جينا بالقوة والعايز يقلعها منناينزل يلاقينا في الشارع يعني بالواضخ والفم المليان مافي تغيير الا بالبندقية والذخيرة واهو الناس سمعت تحريض الرئيس الانقلابي وحملت السلاح لاحداث التغيير والخلاص من حكم حرامية الخرطوم وبعدين مايجي يقول نحن عملاء او مارقين لا نحن شيلنا السلاح بعد انت قلت مافي تغيير الا بقوة السلاح ، وفي حاجة تانية انت اول من حمل السلاح واسقطت حكومة ديمقراطية منتخبة ودخلت القصر الجمهوري بالدبابة شوف المتمرد منو والمارق منو وايامك قربت.


ردود على بجاوي
[nagatabuzaid] 05-28-2013 05:23 PM
يعنى التسوى بايدك يغلب اجاويدك صح يا بجاوى


#679890 [mutasim]
4.50/5 (5 صوت)

05-28-2013 12:49 PM
" ان حكومة الوطني لم تقدم شئ لانسان شرق السودان" " منذ الاستقالا هناك مجموعة وطبقة معينة تحكم السودان الامر الذي يتطلب اسقاطه " ....
الحقيقة ناطحات السحاب الفي كريمه و نوري و و الشوارح و الاستراحات و المدارس و المستشفيات الخمس نجوم في شندي و الباوقه تشهد ..
ما تفتحو يا بجم مرات الواحد بحس انه الكيزان ديل احنا نستاهلم


#679889 [ادروب]
0.00/5 (0 صوت)

05-28-2013 12:49 PM
رسالتك وصلت


#679858 [محمد علي]
3.00/5 (2 صوت)

05-28-2013 12:34 PM
هل اصبح السلاح هو المطلب .. ليه الناس ماتتفق على شي واحد يخرج البلاد من الحاله السيئه النحن فيها .. للاسف الناس بقت تفرح للحرب ... الله يعينك يابلادي على كل المنتفعين ويارب ولي خيارك امر بلادي


#679791 [ادروب]
5.00/5 (5 صوت)

05-28-2013 11:58 AM
ان تأتي متأخر خير من ان لاتأتي في هذة المرة المطلوب بداية صحيحة من دون اخطاء وقبل كل شيئ تعبئة قبائل الشرق وتعريفها بأهداف هذاالمشروع التحرري وهو لا يقل عما قام بة الاجداد حين قاتلو الاتراك وانا واثق سيجد ذلك استجابة كبيرة بعد ان تأكد للجميع خدعة المؤتمر الوطني وعدم وفائة للعهود ومرور57عام منز الاستقلال الزي لم نشعربة يوما ولم تتحقق اي من حقوق المواطنة في العدالة والمساواة ولابد قبل كل شيئ التوقيع على وثيقة الفجرالجديد وهي تخاطب مطالب انسان الشرق التاريخية وهي الوحدة الطوعية ويعني ذلك تقرير المصير في حال فشلت الوحدة وايضاالتحالف مع الجبهة الثورية والاستفادة من امكاناتها وعلاقاتهاالخارجية من اجل الحصول على الاسلحة النوعية والدعم اللوجستي وفتح قنوات تواصل مع المنظمات الدولية والدول الاروبية والمشجع في هذة المرة هنالك رغبة امريكية تصب في هذا الاتجاة وذلك على حسب استراتيجتها المحددة كل الظروف الان مهيئة لعمل مسلح ضخم وهذا استناداّ على القبن الزي يشعر بة انسان الشرق وقوة تماسك النسيج الاجتماعي الزي فشلت كل محاولات المؤتمر الوطني في تفكيكة وزرع الفتنة بين مكوناتة لاتهدرو الفرصة يا ابناء الشرق هذة المرة اتحدو في سبيل استعادة كرامة انسان الشرق المهدورة وحقوقة المنهوبة يجب على قيادات الجبهة الجديدة في الشرق فتح المعسكرات وتعبئة الجماهير ونزول الى ارض الدواس بعيدا من الخطب الرنانة والقاعات المكيفة ان كنتم جادين ستجدون جيوش من الغبش تزحف الى معسكراتكم


ردود على ادروب
[التاج الصافي خليل] 05-28-2013 01:50 PM
57عامامنذالاستغلال ولم تشعر به >الوحده الطوعية < حقوق المواطنة > تقرير المصير > هنالك رغبة امريكية < مافاهمين حاجة رغم اننا من ابنا الشرق متين وين حاول الموتمر الوطني تمزيق النسيج الاجتماعي < والله انا ليس مؤتمر وطني< مين الاهدر كرامة إنسان الشرق جيوش الغبش تزحف لتوصيلهم للسلطة ليس إلا متاجرة رخيصة باسم إنسان الشرق وباسم الوطن


#679734 [AMJAD]
5.00/5 (6 صوت)

05-28-2013 11:22 AM
تذكرت كلام عمنا ود الملك لما كنا و نحن طلاب فى الوسطى نطلع مظاهرات قولته الشهيرة الله يرحم السودان و انتو يا اولادى تعبانين فى الفاضى البلد دى مفروض يضعو ليها حجر شاهد واحد فى حلفا و الثانى فى نمولى و يكتبو عليه هذا قبر المرحوم السودان , الناس طلعت القمر و نحن لحد الان ما قادرين نعرف راسنا من قعرنا , لانو دخلت علينا ايدلوجيات و لم نكن لها جاهزين , فكر ماركسى , اخوان مسلمين , بعثيين , انصار سنه و نحن شعب متصوف بسيط نؤمن بخرافات الاولياء كان صاح او كذب و المهدى كان راجل عاقل رغم اختلافه مع شيخه شريف عندما عملوا المريسه فى ختان ابنه وهى عادة سودانيه كانت سايدة لا يستطيع الشيخ شريف ان يمنعها , و لما المهدى فكر فى ثورته رجع ليه و اتفق لانو يدرك بحسه البسيط ان ثورته لن تنجح اذا كان له اعداء من الداخل و هذا مربط الفرس كل الاحزاب عندنا فشلت لانو لا ترضى بالاخر و حتى لو رضيت بيكون تكتيك مرحلى و كبرى و لا نعرف الحياه الحزبيه و البرلمانيه زى ما طبقها الاوربيين و هذه ازمتنا الحقيقيه , كل الاحزاب السودانيه حصان طرواده يستخدم فقط للوصول الى المنصب , منذو الاستقلال اى حزب كانت له بصمات فى تنمية البلد؟ كل البرامج وضعتها امريكا فى عهد عبود عندما دعاه جون كنيدى و ارسل له طائره خاصه و كان هدف امريكا عندما عبدالناصر تحالف مع الروس ان تاخذ السودان و تعمل منه كوريا الجنوبيه و فعلا بدات فى المشروع و اول شئ المدارس الصناعيه و معهد الكليات و الطرق و و و لكن الاقدار جعلت الاحزاب تطلع الشارع لانو البساط سوف يسحب منها اذا واصل عبود برامجه مع امريكا فى التنميه و لما عرف عبود ان هنالك ناس طلعت الشارع سال ماذا يريدون اجابوه ان هؤلاء طلعوا ضدك و قال قولته الشهيره اذا ديل ما عاوزنى انا ما عاوزهم و قدم استقالته و ظهرت لنا ما يسمى بثورة اكتوبر الاكذوبه و ماسوره كبييييييييييييييره فى السودان , المشكله ليس فى العسكريين و انما فى انصاف المتعلمين و الطابور الخامس فى الا ستخبارات الاجنبيه المزروعه و هى التى توجه القرارات الان و اذا غدا حصل انقلاب نص الحكومه سوف يغادرون السودان الى دولهم بحماية سفاراتهم فى الخرطوم و الباقى من ناس قريعتى راحت لا يعرف الحاصل ليه شنو لانو كان مغيب من وضع القرار, نحن السودانيين عندنا مشكله فى الفهم و دائما بنحلل الحدث بعد فتره من وقوعه , لو قارنا الاحداث دوله زى السودان حاليا لا يمكن حكمها الا بمجلس عسكرى وطنى مدرب يختار من العسكريين الوطنيين و مختصين كل له برناجه الذى يجب ان ينفذه و مجلس شعب مختار من كل السودان و القبائل لفترة تمهيديه محددة اذا لم تنتهى مسالة الترضيات فى الوزارات لن تقوم قائمه للسودان و استقلال القضاء , فى عهد سيدنا عمر كان الصحابه يسالونه حتى من جلبابه من اين له , هل نحن اليوم نستطيع ان نسال عمر البشير من اين بنى بيوت كافورى؟ افتكر اى سودانى مسلم عاوز شرع الله الحقيقى و ليس الشعارات و كلهم كذابين من الصادق الى الترابى خايفين من شرع الله لانو عارفين لو طبق بيكونو خارج الدائره لانو القوانين واضحه و بالفطره الذى خلق الله الانسان عليها


ردود على AMJAD
[Arkamani] 05-28-2013 09:18 PM
يسلم لسانك يا سوداني يا راقي ....دا كلام اولاد بلد اصيلين سودانيين "وبس"
فليس هناك اي ضمانات من ان نسمع عن زراعة الله للحكومات على الارض واقتلاعها اكثر من ان نسمع عن زراعة السمسم في سوداني الحبيب..


#679583 [الجنتل]
2.63/5 (4 صوت)

05-28-2013 10:09 AM
الهرجلة والهترشة ماتودينا لقدام وناس الشرق شوية قريشات بريلو ةيجو للجماعة


ردود على الجنتل
[محمد أدروب] 05-29-2013 11:19 AM
كل ينظر بعين طبعه...نعذرك يا جنتر

[حسين البلوي] 05-28-2013 08:54 PM
ياسد وطنى غيور ان مهمة محاسبة ولاة الشرق الفاسدون الذين انت اعلم بهم من اهل الشرق وملم بادق تفاصيل فساد ولاة الشرق ايلى ويوسف ادم فهذه مهمتكم انتم كحكومة وليست من اختصاص انسان الشرق االذى فرض عليه هولاءالولاة .

United States [abuadam] 05-28-2013 10:50 AM
ده كلامك؟ شكلك تجهل التاريخ

[وطني غيور] 05-28-2013 10:49 AM
ادروب لا يمكن الاعتماد عليه
فنجان جبيه يجيب راسه حسب معلوماتي
ولكنى احترمهم و احبهم كثيرا
يا اهل الشرق هل تعلمون ان اكبر فساد مالي في السودان هو في الشرق
الوالي محمد ط ايلاه نهب ثرواتكم لماذا لا تثوروا عليه
فالحين في الكلام
بعدين خطابكم تعبان جدا يدعوا للقبلية لماذا لا تكون قضيتكم هي السودان وليس الشرق
لان كل اقاليم السودان تعاني مما تعانون

ارجو دوما ان تتحدثوا بلغة القويمة لا بلغة القبلية حتى ننشئ جيل نظيف من وسخ الجهوية والقبلية التى غرسها كلاب المؤتمر الوطني.

United States [الكاهلية] 05-28-2013 10:47 AM
سقطت ورقة التوت يا انقاذ
وسقطت مزاعم العنصرية
فالشرق اتى والغرب اتى
وترنح البشير براً وسفينة
الله اكبر عاصفة على الحرامية ناسفة
يا ود ابراهيم الثورة اكبر من التصحيح
ولكني احترم وجهة نظرك


#679553 [تان]
5.00/5 (3 صوت)

05-28-2013 09:54 AM
كتمت وضاقت .... بتجرو بي وين ياكيزان


#679522 [عبده]
5.00/5 (1 صوت)

05-28-2013 09:43 AM
واضاف قائلا (منذ الاستقالا هناك مجموعة وطبقة معينة تحكم السودان الامر الذي يتطلب اسقاطه ) .
يا له من برنامج للتغير ، حسبنا الله و نعم الوكيل ( من حفرة إلى دحديرة )


#679491 [mansour]
4.88/5 (4 صوت)

05-28-2013 09:30 AM
كل القوه الخرطوم جوه


#679462 [امجد النور]
5.00/5 (2 صوت)

05-28-2013 09:17 AM
استغرب كثيرا" من ان بعض قراء الراكوبة يستعملون اسلوب الدونية لوصف الجبهة الثورية اليس هؤلاء مواطنين سودانيون اليس هم الاكثر تهميشا" في السودان هل هم الوحيدون الذين تسبب رفعهم للسلاح في مقتل ابرياء اليس رفعهم للسلاح يعود لتسلط الكيزان في السلطة ومن باب اولى مسببات ونتائج هذا الصراع تتحمل مسؤوليتها الانقاذ وحدها. الغريب في الامر ان الانقاذ جاءت على اساس انها ثورة مهمشين وهذا يفسر سبب تصفيتهم العرقية لأبناء امدرمان داخل الخدمة المدنية والجيش ناهيك عن مؤسسات الدولة المختلفة. وكان هذا تحاملا" كبيرا" على امدرمان فقد كان عدد القصور داخل الخرطوم عامة تعد بعدد اليد الواحدة لم يدرك هؤلاء ان تميز امدرمان يرجع الى انها وجه حضاري وفكري لكل ابناء السودان فكان اسمها الدرة لالتقاء كل ربوع السودان في مكان واحد. أحب ان اؤكد الى كل مشكك في ان الجبهة الثورية هي شرارة حقيقية لثورة مسلحة سوف تقضى على الانقاذ طال الزمن ام قصر والمؤسف في هذا المنحى ان التغيير المدني غير ممكن لأنه لا توجد معطيات حقيقية لهذا التغيير في المجتمع السوداني اليوم الذي أصبح كتل متفرقة ليس لها رداء قومي بل اخذت القبلية والمصالح المحلية والشخصية تمذق في هذا الرداء. وفى الختام يجب ان اذكر هؤلاء بأن الشرارة الحقيقية لانتفاضة ابريل بدأت في سوق امدرمان عندما أحرق الباعة المتجولون وما يعرف بالشماسة كشك الكتيابى الضابط الإداري ومن ثم خرج اتحاد الطلاب الكيزان في جامعة امدرمان الاسلامية واصبحوا ينسبون اليهم الشرارة الاولى وهذا دابهم تزييف الحقائق والتاريخ اما سرقتهم للشعب السوداني بداءة مع شراكتهم الاسلامية حيث كانت الارباح التي يكسبونها مبالغا" فيها وذلك عن طريق احتكار السلعة والتحكم في السوق وقد كانوا يبررون ذلك بانه ضرورة لأسقاط النميري وما اكثر الضرورات التي قاموا بها بعد ذلك لأجل شياطينهم التي يخلون اليها. هناك مرجعية هامة ان الكيزان ليس هم الاخوان المسلمين تحية لأستاذنا الفاضل الصادق عبد الله عبد الماجد لقد كنت شاهدا عندما خرج عليه الترابى بفكر التمكين فرفضه وقد كنت شاهد عندما تململ ابناءالترابى من تمكنه الشديد فانقلبو عيه ليمارسو التمكين باوسع صوره لذا قالوها في أكثر من مناسبة لن نخرج الا بقوة السلاح


#679453 [tagwaalsafi]
0.00/5 (0 صوت)

05-28-2013 09:10 AM
الله يهديكم حروب ودمار ووتحريش لمتين نحن كدى والعالم اتطوروا يصنعو لينا في السلاح ويحرشو فينا وواقفين يستمتعو بمصارعة التيران الله ليك ياوطن


#679426 [ود ام هبج]
5.00/5 (1 صوت)

05-28-2013 08:48 AM
مالا يعلمه الجميع ان نهاية الموتمر الوثنى هى فى الشرق لعدة اسباب
1-%90 من ميزانيه المؤتمر الوثنى تاتى عبر ميناء بورتسودان تصدير (بترول -محاصيل زراعيه-ثروة حيوانية)استيراد سلاح .
2-تعودة قوات الحكومه على القتال فى الغابات والصحراء لكن لاتعرف قتال الجبال .
3- صبر وقوة تحمل رجل الشرق .
4-الحقد الذى يحمله رجل الشرق لحكومه مثلث ابو حمد تنمية الولايات ..(الشمالية ونهر النيل )طرق ...سدود...استخفاف واستهتار بقبائل اهل الشرق الاصليه اكرر اكرر اكرر قبائل اهل الشرق الاصليه.
5-الحدود الشرقيه حدود مفتوحه .
6- .....
7-.....
8-.......
بقية اسباب لا داعى لذكرها يعلمها ابناء الشرق.


#679352 [شيخ الدناقلة]
0.00/5 (0 صوت)

05-28-2013 07:39 AM
هل زرتم مدينة جدة بالسعودية ثم ماهو اوجه الجمال بينها وبورسودان


#679344 [aderyab]
5.00/5 (2 صوت)

05-28-2013 07:30 AM
This is the best news I have ever read please all Eastren Peaple be united against the dictatorship of Kahrtoum & go for your right never give up.


#679268 [Joe!]
3.00/5 (6 صوت)

05-28-2013 01:53 AM
الجبهة الشعبية للتحرير والعدالة لشرق السودان .. أسم رنان لكن أي شرق تتحدثون عنه
اذا كان شرق السودان فأنه تخطى مرحلة الأقتتال و التخريب و سفك دماء الأبرياء و كل من
يدعوا لحمل السلاح لأسقاط النظام بدماء أهل الشرق فهو مخطئ فاالنظام معروف من أين يحكم
و أين يسقط .. علينا باسقاط الجهل و الفقر و المرض فى ربوع شرقنا اولا ثم نفكر فى اسقاط
النظام و لكن فقط ان نكون مع ( الخيل يا شقراء )مثل الأقاليم الأخرى التى قتلت و شردت
و سفكت دماء اهلها و أهل النظام نائمين ملئ جغونهم و فى أمان و نعمة فهذا عين الجهل و الغباء


ردود على Joe!
United States [مان] 05-28-2013 10:11 AM
يا لك من حكيم

United States [مدني الحبيبة] 05-28-2013 09:32 AM
باي وسيلة يمكن لك ان تحارب الجهل طالما توجد جماعات مسيطرة على الامور وتساعد في تكريس الجهل ، اخي الفاضل ليس الكلام عن محاربة الجهل وازالة الفقر بالتمني واصدار النصائح لجماعات مجرمة ومغتصبة لثرواتنا وارادتنا ، ولاتوجد اي وسيلة لتغير النظام غير هذا الضغط ، لااحد سوي يحبذ حمل السلاح ضد مواطنيه ولكن حكومة الانقاذ اوصدت كل ابواب السلام ، تغير الديكتاتوريات يحتاج لمزيد من التضحيات والضحايا بكل اسف ، لو لك خيار منطقي وعملي فمرحبا به ،،،،ن


#679260 [ابو حازم]
5.00/5 (2 صوت)

05-28-2013 01:42 AM
كان يا ماكان
كان هناك بلد اسمه السودان


#679258 [المهمــــــــــــــش]
5.00/5 (2 صوت)

05-28-2013 01:39 AM
هيا يا شعب الجزيرة انتم مظلومين من عام 1989 لكن لماذا كنتم صامتين ؟


#679250 [الخرطومي]
5.00/5 (2 صوت)

05-28-2013 01:29 AM
وين يا ناس الشرق من زمان احسن شي اتجاه العقبة موقيع استرتيجي جدا


#679241 [Rebel]
5.00/5 (11 صوت)

05-28-2013 01:20 AM
* بإنضمام الجبهه الشعبيه للتحرير و العداله لشرق السودان للمعارضه المسلحه يكون قد تاكد سقوط نظام عصابة المؤتمر الوثنى.

* لا بد من تحرك قوى تحالف المعارضه بالعاصمه القوميه لدعم الجبهه الثوريه و جبهة الشرق المسلحتين، الآن.. ألآن.. ألآن.

* ماذا ينتظر سكان العاصمه اكثر من ذلك، و عصابة اللصوص محاصره بالكامل من ثلاث جهات رئيسيه؟


#679232 [radona]
3.00/5 (3 صوت)

05-28-2013 01:09 AM
ديل كمان طلعوا من وين ودايرين شنو ما اخدوا وظائف واقتسموا المال
شنو كمان ديل ما الاسود الحرة ولا كمان دايرين يعملوا حركات تجرير ومساواة وعداله
ده كلام ياناس هي ناقصة
الحكومة دي تلحق لمنو ولا منو
اوقفوا هذا العبث فورا


ردود على radona
[محمد أدروب] 05-29-2013 01:25 AM
يا زول انت في زول طلب منك حاجة....اسودحرة بتاعة شنو ديل وافدين جدد و الان يعملوا في ابشع جريمة في هذا العصر وهي الاتجار بالبشر مع اباطرة النظام و كيف امتلأت جبال الشرق بجثث منزوعة الأحشاء...اموال صندوق اعمار الشرق أكلها مصطفى عثمان و نافع و المؤتمر الوطني...ياريت الواحد قبل ما ينتقد أو يعلق يعرف الحاصل بعدين ينظر.
الولاة يتباروا في مهرجانات السياحة و السل يفتك بأهلنا في القاش و امراضسوء التغذية و حتى شلل الاطفال منتشر في مناطق جنوب طوكر و النظام يتحدث عن مناطق محددة وكأنما باقي الهامش جنة...توجد ابادة لسكان الشرق بالتجويع و الاهمال و الآن في تناقص مستمر....من يزور الشرق يرى المعاناة الحقيقية و خاصة مناطق البحر الاحمر شحيحة المياه....ما يجي زول يلف في كرنيش ايلا و يقول لي الشرق تمام ..الشرق ما اسفلت و انترلوك ايلا من يزور الكرنيش عليه ان يكلف نفسه و يزور هامش و الاأحياء الطرفية بالمدينة و سيرى الفارق الكبير.
البحر التحمر صار حديقة خلفية لنافع و اخوان الرئيس و طبعا لصوص الانغاذ تقاسموا السودان فصار اقطاعية لهم....الحقوق تنتزع

United States [nagatabuzaid] 05-28-2013 05:36 PM
ديل احفاد البطل عثمان دقنة ديل التاريخ من جهة الشرق ما تستفزوهم ديل كان قفلوا

بوابتهم شرقا بتكتم كونوا مؤدبين فى حديثكم عن اى مجموعة والما مؤدب ما عنده مكان

بيننا فى الراكوبة اسال الله ان ينفذوا بدون اراقة دماء بس يكتموكم شرقا تموتون اختناقا

United States [ود الشرق] 05-28-2013 10:50 AM
انت العابث بمقدرات الامة كيف تصفه بالعبث والبلاد قسمت وتباع علناً والفساد من بيت البشير ازكم الانوف

[كاره الكيزان] 05-28-2013 10:04 AM
هذا ليس عبث أيها المرتزق على فتات الشعب السوداني الجبان.


#679219 [بومدين]
5.00/5 (10 صوت)

05-28-2013 01:04 AM
الـشـرق أتـي .. شــكـرا اســود الشــرق ..
كـعـهـدكــم .. تمـامـا فــي الـمـوعــد ..
نحــن اهــل الشــرق مجبرون عــلي مقاتلة الظــلـم ، والشــرك ، والجــوع ..
مــاذا كــانت الـنتيجــه حينما خـانت الـقيادات الـرخيصـه .. موســي ، وضــرار ، وبراكــوين ..
حينمـا تنكــروا لــدمـاء ، أكــرمـنا وأفـضــلنا ، وأشــجـعـنا ..
تجــرعــنا الـزل والهــوان ..
ولــم تتوقف الـمــذابــح ، والمحــارق .. وكانت مـذبحــة بوســودان الشـهـيرة .
مـاذا تـغـير فـي واقــع الشــرق ..
هــل تـغـير الـفقـر ، هــل تراجــع الجــوع ..
لـقـد إســتوطـن التـخـلـف ، والجـهـل ، والـفقـر ، والمـرض ، والجــوع ، والـزل والهــوان .
يا إنســان الـشــرق .. أيهـا الـهـيكل الـعـظمـي الـبائس .
دقــت ســاعــة الـعـمـل ..
فـلـنضــع أيـدينا فـي أيــد أشـقائنا .. ولـنـوقــع بالــدم ميثاق الـفـجــر الجــديد .. فـجـر الـحـريه .. فـجــر الـخـلاص .
مـكاننا الـطـبيـعـي .. صــدر الـعـالـمـين .. أو الـقــبر .
ولانـامــت أعــين الـجــبناء ..
لــن نشــاهــد بـعـد اليوم .. الـقـطـارات .. والـسـفـن .. وهــي محـمـلـة بخــيرات بلادنا .. بينمــا نتضــور جــوع .. ولـحـم الـضـان تنهــبه الـكــلاب .
لــن يمـــر أنبوب الـنفـط إلا عـلـي جـثثنا .. بينمـا تتـلـوث أرض آبائنا ، وأجــدادنا .. ينهــب عــائده اللـصــوص ..
لــن يمــر الــنفــط بأرضــنا .. إلا بإراده ســودانويه شــامـلـه ..
لــن يخــدعــنا موســي آخــر .. وبراكــوين .. وضــرار آخــر ..
لــن نـلـقــي بنادقــنا .. إلا بقــيام وطــن يســعـنا جميـعـا ..
وطــن لامـظـلـوم .. ولامـغـبون .. ولامـهمـش ..
الـمـواطنه الـعـادلـه .. أســاس الـحــقـوق ، والـواجــبات ..
إلــي الأمــام .. لـنصــنـع بأيدينا .. غـدنا الـمشــرق .. ونحــقق تطلـعـاتنا ، وآمالنا .. وأمـانينا ..
رفــعـت الأقـــلام .. جــفــت الـصــحـف .


#679215 [التــــــــــــــــــــــــــــــــــــائــــــــه]
5.00/5 (3 صوت)

05-28-2013 01:00 AM
ونناشد كل ابناء الاقليم الذين تم الزج بهم فى الامن حتى تتمكن العصابه من تدمير الاقليم
وتدمير المشروع وكل جميل بالاقليم تم تدميره .. نناشدكم ياابناء الغلابه ياابناء المزارعين
ان تكون لكم كلمه لن ينفعكم الامن ولن تنفعكم الوظيفه .. الا تستحون الا ترون ماوصلت اليه
الجزيرة وعاصمتها مدنى ؟؟ لا تجعلوا الاقزام يضحكون عليكم وعلى فقر اهلكم .. الوطن اسمى واغلى
مما تتصورون ..


#679202 [علي دينار]
5.00/5 (3 صوت)

05-28-2013 12:49 AM
الله اكبر و العزء للسودان , الله اكبر و العزء للسودان’ الله اكبر و العزء للسودان, ادربو حقك ما تخلي مليون ميل مربع


ردود على علي دينار
[nagatabuzaid] 05-28-2013 05:41 PM
عربى مافى؟؟ ما قلنا ليك اخد درس عصر لغة عربية شنوانازل فينا العزء للسودان قلنا خطاء كتابى كررتها عدة مرات وادروبو هى ادروب وعندها معنى فى اللغة البيجاوية ذكرتنى ب(محر ) بدلا من مهر و(كفيل ) بدلا من وكيل


#679201 [إبن السودان البار ***]
5.00/5 (5 صوت)

05-28-2013 12:49 AM
التحية الحارة لكم جميعاً يا أبطال الشرق الأمجاد ومرحباً بكم في طريق النضال من أجل التخلص من تجار الدين القدامي ألأسر أسياد الطوائف الدينية الذين كونهم وقواهم الإستعمار وحلفائهم تجار الدين الجدد الكيزان اللصوص القتلة الخونة الذين دون خجل ينبطحون للدولة التي تحتل بقوة السلاح جزء عزيز من وطننا ( حلايب وشلاتين وما حول بحيرة السد ) ويمدوها بالغذاء والهدايا والمال للعيبة كورتها وأطفال الشرق ينخر صدورهم السل ويلفحهم البرد ويحصدهم المرض والجوع وأبناء الكيزان يصيفون ويتبضعون في الخارج؟؟؟ توحدوا وأضربوا بيد واحدة مع المهمشين في جميع أنحاء السودان لرمي حثالة المؤتمر اللاوطني في مزبلة التاريخ ؟؟؟ أن خبر رفعكم للسلاح وإنضمامكم للجبهة الثورية لخبر يفرح كل سوداني أصيل ووطني يحب تراب أرضه ولا يرضي أن يري وطنه تحكمه عصابة لصوص فاسدة ويباع برخص التراب ويستباح من كل لصوص العالم وبنوك الأفراد الفاسدة ؟؟؟ ثورة ثورة حتي النصر ؟؟؟


#679197 [حركه نهر النيل الحره]
4.00/5 (4 صوت)

05-28-2013 12:47 AM
حركه نهر النيل الحره


تم تكوين حركه نهر النيل الحره بقياده ابناء نهر النيل والشماليه لاسقاط هذا النظام الفاسد الزايل الي مزبله التاريخ
ونحن من اليوم نعلن رفعنا السلاح ضد هولاء المتمرجيه
وسوف نقوم بي تنظيم انفسنا واعدد العده لي محاربه هذا النظام الفاسد


عاش شعب السودان البطل ولا نامت اعين الجبنا


المكتب التاسيسي حركه نهر النيل والشماليه الحره


ردود على حركه نهر النيل الحره
European Union [mansour] 05-28-2013 09:33 AM
ورينا كيف نلتحق بيكم وين مكاتبكم وين معسكركم


#679196 [Rebel]
5.00/5 (2 صوت)

05-28-2013 12:47 AM
* الآن فقط تاكدت تماما من الخطه و ماذا تعنى.

*الويل لصوص المؤتمر الوثنى.


#679175 [سودانى]
0.00/5 (0 صوت)

05-28-2013 12:35 AM
عليكم الله انتو كان ما شعب بجم وغنم ده حطاب زول يحكمكم 24 سنة وفشل فى فشل


#679166 [محمد ادم احمد]
5.00/5 (3 صوت)

05-28-2013 12:26 AM
داكلام جميل جد ونتمني لكم المزيد من التقدم والازدهار نحو اسقاط النظام الجائر الظالم الساحق الماحق


وشكرا





جامعة زالنجي49


#679158 [ميل]
5.00/5 (3 صوت)

05-28-2013 12:23 AM
اسقطوا هذا النظام الفاسد المتخلف بسرعة لو سمحتوا --- كرهتونا التصريحات دائماً دون اي فعل على الارض -- وجزء عزيز من الوطن تحت الاحتلال اولاد بمبة المصريين الوسخانيين بينما يعيش المسئولينا في الكندشة طالما اسيادهم المصريين راضين عنهم


#679142 [kordofani]
5.00/5 (2 صوت)

05-28-2013 12:13 AM
I told you this joyfull moment will be cut short .
well done .this is the only way to over throw the big devil Omer Albasheer .


#679135 [DR SAMI ALI]
0.00/5 (0 صوت)

05-28-2013 12:06 AM
بيان هام
نحن ابناء السودان باالمهجر ننعي السودان ونحتسب عند الله وطنا المنهوب من قبل تجار الدين صعاليق الموتمر اللاوطني والشكية لله لانوا اي سوداني حايجي حاينحر بلدنا صدقوني حسبنا الله ونعم الوكيل


#679122 [الاشعري]
0.00/5 (0 صوت)

05-28-2013 12:01 AM
اللة اكبر


#679090 [عزابي]
4.00/5 (3 صوت)

05-27-2013 11:42 PM
ما قلنا ليكم قربنا نعرس في الخرطوم
ولسع التقيل ورا


#679080 [حماة الإقليم الأوسط]
5.00/5 (12 صوت)

05-27-2013 11:36 PM
بيان هام
حماة الإقليم الأوسط/ الجزيرة
نحن حماة الإقليم الأوسط عن إنضمامنا للجبهة الثورية وإسقاط النظام بقوة السلاح وإنشاء الله نوعد جماهيرنا الأبية في كل أرجاء السودان بأننا سوف نعمل من هنا من الإقليم الأوسط / الجزيرة على إسقاط النظام بقوة السلاح وإن كل مقرات الحزب الوطني ومليشياته تعتبر هدفاً عسكرياً لنا إلا إذا استسلموا وإنضموا إلى خيار الشعب وعندها سيكون لكل حدث حديث...
ثورة حتى النصر
والعزة والكبرياء والشموخ لوطننا الغالي السودان
حماة الإقليم الأوسط


ردود على حماة الإقليم الأوسط
United States [ود كترينا] 05-28-2013 06:48 PM
=### الرد على (المزارع : خير السيد فضل الله )


* خير السيد قال :...( كنتوا. وين يا حماة الخيبة من سنين لمن ود بدر حرق حواشاتنا وعطشنا وباع المشروع؟)....!!

* أول مرة أعرف انو (خط هيثرو)! بيمر بالجزيرة!!!!!!

United States [ناجى] 05-28-2013 12:03 PM
اتمنى الا يكون تنظيم وهمى وهش.عشان نصدقكم اعملوا حركة حركتين كدا بيان بالعمل.

European Union [تفاحة] 05-28-2013 08:25 AM
اتمني يكون تنظيمكم موجود بحق وحقيقة بس احرسوا لينا مشروع الجزيرة من هجمة الرسمالية الطقيلية اتمني يكون عندكم العتدة والعتاد وايكون تنظيم من اربعة اشخاص بيصدر بيانات واهو عمنا خير السيد شكك فيكم وقال ليكم شوفوا ليكم شغلة اقضوها.

European Union [المزارع : خير السيد فضل الله] 05-28-2013 01:02 AM
حماة شنو يا زول. إمش شوف ليك شغلة. القاليك تعال احمينا في ناس الجزيرة منو؟
خلي الناس في حالها. الناس دي عائشة علي ضراعها وقدر حالها ما ناقصها هم. بكفي صابرة علي المر
كنتوا. وين يا حماة الخيبة من سنين لمن ود بدر حرق حواشاتنا وعطشنا وباع المشروع؟
ما عملتوا حماة لمشروع الحزيرة مما حصل ليهو مالكن؟
من وين آت في للإقليم الأوسط؟
إذا عندك حواشة امش ازرعها اكل رقبتك وأهلك بطل الصياعة والهيافة والصعلقة و شوف شغلتك
ما ناقصها هم فوق الهم النحنا فيهو
فال يضرب مقرات؟. هديك ياها قدامكن ورونا رجالتكن عشان تمرق معاكن
بطلنا نصدق كلام وجعجعة،، وبنسمعها في الكلام دة من كل زول يتذكر مزارعي ومشروع الحزيرة المعارضة والجبهة وناس الحكومة وكمان من الزييك. وكلكم علي الطلاق كضابين من الغفير لي البشير
بالله خلونا في حالنا وامشوا بولوا أحسن

خير السيد فضل الله
مزارع. - قسم الجاموسي - مكتب 77 الدشينات


#679075 [عبد الله عبد الله]
5.00/5 (15 صوت)

05-27-2013 11:32 PM
ما يفعله عمر البشير من الوعيد والتهديد وإلغاء كل الاتفاقيات السابقة مع الحركات التي تكافح من أجل حقوقها يفتح الباب واسعاً لكل الحركات قديمها وحديثها للتوحد في خندق واحد والعمل على اسقاط حكومة المؤتمر الوطني،،
شكراً لك عمر البشير فتصريحاتك توحدنا شرقاً وغرباً، شمالاً وجنوباً،،،،



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة