الأخبار
أخبار إقليمية
ياسر عرمان : مقاتلو الجبهة الثورية تحصلوا علي أسلحة نوعية من معاركهم ضد الجيش الحكومي.
ياسر عرمان : مقاتلو الجبهة الثورية تحصلوا علي أسلحة نوعية من معاركهم ضد الجيش الحكومي.
ياسر عرمان : مقاتلو الجبهة الثورية تحصلوا  علي أسلحة نوعية من معاركهم ضد الجيش الحكومي.


الجبهة تستعد للقيام بعملية عسكرية واسعة النطاق في ولايات شمال وجنوب كردفان
05-28-2013 05:31 AM
الوطن العربى

قال الأمين العام للحركة الشعبية قطاع الشمال والقيادي في الجبهة الثورية السودانية ياسر عرمان إن الجبهة تستعد للقيام بعملية عسكرية واسعة النطاق في ولايات شمال وجنوب كردفان.

وأضاف عرمان في تصريحات لسكاي نيوز "أن قوات كبيرة للجبهة تحتشد في ولاية شمال كردفان تم تجميعها من الجبهات المختلفة مؤكدا أن العمليات العسكرية ستستمر بعد حصول المقاتلين علي أسلحة نوعية من معاركهم السابقة ضد الجيش النظامي".

ونفي عرمان وجود دعوة للحوار مع الحكومة في الوقت الراهن مضيفا أن الحكومة السودانية ليست جادة في إيجاد حلول جذرية للأوضاع في جنوب كردفان والنيل الأزرق ودارفور.

والجبهة الثورية هي تحالف يضم اربعة حركات متمردة في إقليم دارفور (العدل والمساواة وحركة تحرير السودان جناح مني مناوي وحركة تحرير السودان جناح عبد الواحد نور، إضافة إلى الحركة الشعبية- شمال السودان التي تقاتل الحكومة في ولايتي جنوب كردفان والنيل الأزرق).

وتهدف الجبهة إلى إسقاط حكومة البشير، الذي يسيطر على السلطة في الخرطوم منذ عام 1989 وإقامة نظام حكم ديمقراطي يحترم التعدد الإثني في السودان.

والشهر الماضي قامت الجبهة الثورية بمهاجمة مدينة أم روابه بشمال كردفان في عملية تعتبر الأكثر جرأة منذ مهاجمة العدل والمساواة للعاصمة السودانية العام 2008، إذ أعلنت أن هجومها على شمال كردفان هو جزء من استراتيجيتها للزحف نحو الخرطوم وإسقاط النظام.


تعليقات 39 | إهداء 0 | زيارات 23899

التعليقات
#680760 [ابن البادية]
4.00/5 (1 صوت)

05-29-2013 05:56 AM
ياسر عرمان عمرابي أصيل يدافع عن الحق السودانى ولا التكبير المزيف ونقول لابن الشمال نحن الميرباب ونسكن كردفان ولا نعرف خيانة الشعوب السودانية مذ عهدنا الاول واما الدخلاء الذين اتوا الى مناطق الميرباب لا يعبروا عن حزب الشيطان وليس الاسلام كما يدعوا في خطبهم نحن مع أبناء الجبال ودارفور في خندق واحد كما حدث بقدير وام دبيكرات واما الزبد فليذهب جفاء من حيث أتوا من غرب افريقيا او غيرها


#680741 [ناجي]
4.00/5 (1 صوت)

05-29-2013 04:18 AM
شايل هموم الناس طول عمرك يا عرمان ينصر دينك ودين زملاءك


#680688 [عامر]
3.00/5 (5 صوت)

05-29-2013 12:59 AM
المؤتمر الوطني لن يسقط وقد يستمر في خكم السودان مائة عام او يزيد ذلك لانه يطبق كل النظريات الحاكمة في كل العصور وهي: النظرية الراسمالية الحاكمةفي الغرب والتي ملخصها:من يملك راس المال يخكم ثم النظرية الشيوعية والتي ملخصها:من يملك وسائل الانتاج يحكم ثم النظرية الجاهلية والتي ملخصها:جوع كلبك يتبعك ثم النظرية الفرعونية والتي ملخصها الاعتماد علي السحر ثم النظرية الصهيونية والتي ملخصها:عن طريق الخداع ثم النظرية الاستعماريةوالتي ملخصها:فرق تسد ثم النظريةالكبري نظرية الجن والتي ملخصها :اللدد والفجور في الخصومةثم النظرية المييكافلية والني تقول الغاية تبرر الوسيلة ونظرية اخري لا اعرف مصدرها تقول احني راسك للعاصفة حتي تمر وهناك نظرية واحدة غير مطبقة ولايمكن تطبيقها لتعارضها الكامل مع بروتوكولات النظام وهي النظرية الاسلامية والتي ملخصها: العدل اساس الملك.


ردود على عامر
United States [مهند] 05-29-2013 04:20 AM
بعد التحية....
عبترات اجمل من رائعة وتحليل منطقي لانسلن مثقف . اسمح لي ان اقتبس تعليقك مع حقوق الملكية الفكرية ...نعم المعاناة تولد الابداع وهذا حقيقة مايحدث

United States [علي دينار] 05-29-2013 03:06 AM
المؤتمر الوطني لن يسقط وقد يستمر في خكم السودان مائة عام او يزيد, زيارة نافع علي نافع لي امريكا هل يكون الرئس القاديم للسودان ولا اميان و مسك العصاء؟

[omar] 05-29-2013 02:32 AM
أعجبني

United States [هاشم صديق] 05-29-2013 01:43 AM
ان الحكم بيد الله يوتيه من يشاء .انشاءالله هذه الحكومة زايله لا محاله وهذه من سنن الله في الارض بس نساله تعالي ما يكون البديل عرمان ومناوي بل رجال ذي عبد الفضيل الماظ وصحبه


#680645 [TRUTH WHICH WE HATE TO HEAR!!1]
3.50/5 (2 صوت)

05-28-2013 11:50 PM
LORD OF WAR!!!IDONT THINK HE IS THEIR FIGHTING AND NEVER DID!!! HES ALSO RACIST USING POOR SUDANESE REBELS FROM NUBA TO SERVE HIS MASTERS!!11


#680577 [البعاتي]
2.00/5 (4 صوت)

05-28-2013 10:29 PM
لابـــــد من ســــــــــــــــــــودان جديــــــــــــــــد
لامكــــان فيه للإقصـــائيين و العنصـــــــــريين .


#680428 [malla]
0.00/5 (0 صوت)

05-28-2013 07:31 PM
يا القاضي انت زي قاضي نظام الموءتمر وطني قتا لي 0 الوساخة الفي البطون دي والنفايات دي منو الزرعها في سهول ووديان دارفور وكردفان والمهمشين 0 وبالله قتا لي انتم من عمرتم الشمالية بعرقكم والله ضحكتني يا صحاف زمانك 0 شندي قبل البجاعورة فيها شارع ظلط ولا شاليهات ياخي حقنا بناخدوا على دايرة المليم والرهيفة اتنقد لانكم قديوها من زمان


#680381 [عابد مختار المختار]
3.00/5 (2 صوت)

05-28-2013 06:43 PM
وينتهى الغزاء بمراسم الدفن ولا عزاء للسيدات


#680328 [ود الشمال]
3.00/5 (6 صوت)

05-28-2013 06:01 PM
يا إخواني ، عرفنا ان القيادة السياسيه في الخرطوم يكذبون وكان أملنا ان قادة الجبهة الثورية لا يكذبون علي الشعب السوداني ، الآن عرمان يكذب و يعلم ان الشعب السوداني يعلم انهُ يكذب ، بعد هزيمة قوات الجبهة وتقهقرهم من ابو كرشولا عرمان جاء يقول أن قوات كبيرة للجبهة تحتشد في ولاية شمال كردفان تم تجميعها من الجبهات المختلفة . لماذا ؟ لقيام بعملية كبيرة !!!!!! بعد ماذا حصول المقاتلين علي أسلحة نوعية من معاركهم السابقة ضد الجيش النظامي ، اولاً إن حصل المقاتلين علي الأسلحة النوعية من الجيش في المعارك ما قبل معركة ابو كرشولا ، لماذا لم يستخدموا هذه الأسلحة النوعية في معركة ابو كرشولا ، وإن حصلوا علي هذه الأسلحة في معركة ابو كرشولا من الجيش ، لماذا خرج قوات الجبهة الثورية من أبو كرشولا ؟؟؟ ، وهل اخذ الأسلحة من الجيش النظام ثم خرج ؟؟؟ كفا كذباً علي الشعب السوداني يا عرمان ،ولا تعيشوا الشعب السوداني احلام لن يتحقق ، وكفا كذباً ووعودات ياعرمان ،وإنك تعلم يا عرمان ليس لهذا الحرب نهاية احتكموا الي عقولكم والي طاولة المفاوضات ، لحقن دماء المواطنين السودانيين الأبرياء .


ردود على ود الشمال
United States [العابد] 05-28-2013 10:33 PM
(احتكموا الي عقولكم والي طاولة المفاوضات) يعني عند الكيزان (الإنضمام) للنظام (التوزير) زي بلال والدقير وتاتينا ومسار وحمار ..

United States [sudani] 05-28-2013 07:45 PM
مع مين يتفاوضوا يا ود الشمال وبالامس رايت الثور الهائج يثور وينبح امام الكاميرات كانه ضارب زجاجة ويسكي في فنادق اديس ابابا وجاء يجعر ويوصد الابواب امام كل الخيارات يازول افتح عينيك النضال مستمر

United States [معاوية] 05-28-2013 06:33 PM
ياود الشمال انت نحن ذتنا اولاد شمال ومن اقصى الشمال النوبى ونعرف جيدا ان ياسر عرمان لايكذب كما يكذب المتعفنون من اعضاء جهاز وتنظيم الاخوان العاهرين ومن من هم فى سدة الحكم اليوم ومن قبل من كانو رفقاء لهم فرقتهم المصالح التى جمعتهم لكن قدرة الله هى التى شتت شملهم ونساله القدير العلى ان يزيد فى تشتيتهم ...
هل يكذب ياسر عرمان ام عمر البشير الذى اعلن ونصب نفسه رئيسا للبلاد عبر انقلاب خططت له الجبهة الاسلامية وقال له الزنديق الترابى اذهب للقصر رئيسا وانا الى السجن حبيسا فاتمر بما قاله له سيده
وهنا يكون الحنث العظيم الذى لا كفارة له
هل يكذب ياسر عرمان ام عمر البشير عندما اقسم بالله وبالطلاق انه لن تدخل قوات دولية الى السودان
والان زهاء الثلاثون الف من القوات الدولية داخل السودان وتامر وتنهى فى بعض المناطق
هل يكذب ياسر عرمان ام عمر البشير عندا قال لن نجلس مع الحركة الشعبية واخيرا عندما شعر بالهزيمه جلس معها وفصل الجنوب حتى يامن جلوسه على الكرسى لمرات قادمات
اخى انا لا اعرف انت تتكلم من اى منظر وحال البلد لايريد تفسيرا من احد اين الدين واين الشريعة التةى من اجلها يقول البشير نحن اتينا الشعب السودانى اليوم يضوق الامرين ووزراء البشير والمنافقين والمنتفعين وابواق النظام كلهم بطونهم مليئة وجيوبهم منتفخة من اموال الشعب السودانى المسكين الذى افقروه واذلو انظر كيف يتحصل زبانية وعصابات النظام على التمويل من البنوك وكيف تم نهب المال العام وكيف بنيت القصور وهم ينسون سكن القبور يا اخى تورمت وازكمت انوفنا من كذب هذه العصابة التى مزقت البلد اربا اربا نحن اليوم ممكن ان نوالى الشيطان على هؤلاء لانهم اخطر من الشياطين فلا تكسر التلج بانو عرمان كذاب والبشير والله الترابى صادقين حتى المسمى بالصادق اصبح كذابا
عجبى ان ارى اناسا يرون الفيل ويطعنون فى ظله ..............................................


#680322 [نوركيى]
0.00/5 (0 صوت)

05-28-2013 05:57 PM
رجعلك قليبى المهضلم.. يراحع صنوف الغناوى العصيبة

يراجع معاك الكلام القبيل إستباك

الكلام المبهرج وفاضى الكلام المزين

ولافيه غير إحتلام وإنفصام

تموت الحروف يوم تقوم القصايد مقام الطبول و البخور

بشوفك جرايد شواكر حوامد ولا هامى فيها

عليها المصائب تمام التمام

مغائص بتفرم حشاها .. وقبائن بتنفخ بطون البسفوا التراب


#680151 [عبدالله محمد عثمان]
3.44/5 (7 صوت)

05-28-2013 03:38 PM
يا ياسر والله الحرب القادمة نحن مستعدون لها اما النصر واما الشهادة


ردود على عبدالله محمد عثمان
United States [تشي جيفارا بالعِمامة السودانية] 05-28-2013 10:09 PM
نهنئك بالشهادة من اجل رفاهية الكيزان يا (الشهيد عبدالله محمد عثمان)

ونهنيء السودان بانتصار الجبهة الثورية
الذي نراه قريبا جدا

المجد والخلود للشعب السوداني


#680091 [مطر الرشاش]
4.00/5 (3 صوت)

05-28-2013 02:58 PM
الحرب في كل مكان ، وزمان ترمي بظلالها على طرفي النزاع ، والبقاء فيها للأقوى والمصداقية تتراوح
مكانها لأن كل واحد يصرح : نحن كبدنا العدو خسائر في الأرواح ، والعتاد ... ومعلوم كذلك أن الحرب كر ، وفر ... الله وحده العالم ببواطن الأمور ... بدون شك تداعيات الانفصال هي وراء ما يجري ..


#679991 [علي سليمان البرجو]
4.00/5 (8 صوت)

05-28-2013 01:47 PM
حسبت بأن هيلمانة النفرة والترويج ودق النحاس وزغاريد الارزقيات وتهليل وتكبير أئمة النفاق الديني والكسب التمكيني والطفيلية لرفع وتيرة الاستعداد لحاجة في نفس يعقوب أي عنصر المباغتة لتحرير إحدى مثلثاتنا المحتلة شرقاً وجنوباً وغرباً إذ لم يعد موضوع أبوكرشولا كونه شأن داخلي سوداني انتفاضي وثوري ولكن هل دخولهامن ملبشيات النظام سوف يحل مشاكل السودان المتفرخة والمتعاظمة أم يؤدي بهلاك الجبهة الثورية؟
من باب أولى مثل هذه النفرة تؤطر للسلام وتدعم موائد التحاور بمصداقية والاصلاح بنزاهة والتغيير الايجابي المدني لصالح الخط القومي دولة الهوية والمواطنة والمدنية والديمقراطية لاسترداد السلم والأمن وكريم العيش لكل بلدات السودان، قوموا لانتفاضتكم من أجل إعلاء قيم العدل والمساواة ووقف الافساد يرحمكم الله


#679916 [بت الحلة]
3.94/5 (7 صوت)

05-28-2013 01:03 PM
الجبهة تستعد للقيام بعملية عسكرية واسعة النطاق في ولايات شمال وجنوب كردفان!!!!! والشهر الماضي قامت الجبهة الثورية بمهاجمة مدينة أم روابه!!!!!!!!
وتهدف الجبهة إلى إسقاط حكومة البشير، الذي يسيطر على السلطة في الخرطوم!!!!!!
يبدو اننا في كردفان ودارفور سنظل أذيالا حتى قيام الساعه لأن أبناء كردفان ودارفور في المؤتمر الوطني باتوا ابواقا للنظام يأتمرون بأمر علي عثمان ونافع وقبلهم الترابي والمعارضين يأتمرون بأمر ياسر عرمان وقبله الصادق المهدي وعند إنقلاب البشير كان مهدي بابو وبرمه ناصر على رأس القوات المسلحة وفي كل الأحوال المحصله النهائيه أن القتلى والجرحى والأرامل والثكالى واليتامى والنازحين والمشردين والدمار لنا نحن والسلطة والقيادة لهم !!!!! ؟؟؟؟ لماذا لا تقوم الجبهة بعمليات عسكرية واسعة النطاق في ولايات الجزيرة والشمالية ونهر النيل؟؟؟؟؟؟؟ لماذا لا تهاجم مدني وشندي ودنقلا؟؟؟؟ أتدرون لماذا ؟ لأن لا حرائر في السودان سوى الجعليات والشايقيات!!!!!! حتى متى هذه التبعية وعقدة الدونيه ؟؟؟ حتى متى يعبر الآخرين على أكتافنا وجثثنا ؟؟؟؟ حتى متى نكتفي بالعظمة بعد تجريدها من اللحم؟؟؟؟؟ حتى متى نظل أداة في أيدي الآخرين ؟؟؟ حتى متى يسلطنا الآخرين على شيوخنا وأمهاتنا؟؟؟؟؟؟؟حتى متى نظل في رحلة البحث عن سيد نحمل له جوالات الملح على أكتافنا؟؟؟؟؟؟؟ أيعقل أن تسقط الخرطوم من أبوكرشولا وأمروابة والدندور وكاودقلي؟؟؟؟ حتى متى هذه السذاجة ؟؟؟؟ حتى متى نسكن أمبدة والحاج يوسف ومايو بالرغم من أننا في الخرطوم منذ مقتل غردون بسيوفنا؟؟؟؟؟؟؟؟؟ وحينما وصلتم العاصمه عجزتم عن بحري والخرطوم واكتفيتم بأمدرمان حيث تجمعات كردفان ودارفور!!!!! قد ينعتني البعض بالعنصرية ولكني لست سوى سودانية كردفانيه موجوعة ومقهوره لا أجرؤ على الصراخ وااااااااا معتصماه لأنه سيلقن للرد في اليوم التاني منكس الرأس جاحظ العينين بأننا كنا نرصد تحركاتهم منذ خمسة أيام.


ردود على بت الحلة
European Union [وأي خلونا براي] 05-29-2013 01:19 AM
يا بت ود الحلة. أوع تكون الحلة دي الجنب ابو كرشولا
ويا ود الرشاش ولا رشوشة دة. ويا ود البرجو
تستعد الجبهة الثورية لهجوم كبير ولا الشرود الأخير ؟
يا جماعة من الشجاعة الاعتراف بالهزيمة ،، وقالوا الاعتراف بي الذنب فضيلة. ،، لماذا لا تعترف بعض قيادات الجبهة الثورية أنها أخطأت في التقدير وهذا شئ عادي. الأمريكان اخطاوا في
حساباتهم التقديرية بخصوص العراق ومنطقة آسيا
القال لي ناس الجبهة الثورية ينسحبوا. ويدو الفرصة لي الحكومة تسوي في البتسوي في دي شنو؟
الحركة تقول انسحاب والحكومة تغني وترقص وتزغرت واحتفالات في مل السودان وتقول استعادة بالقوة و هسع قروش النفرة. اللموها قاعدين يضبحوا بيها في التيران والشية مدورة
دة كلوا لزوموا شنو يا ود الرشاش وبرجو وبت الحلة ،، والكلام لي ياسر عرمان كمان
والله لا فايدة في حكومة لا معارضة ولا حركات مسلحة. كلو ود عم اللبن صابون

United States [كاظم الغيظ] 05-28-2013 10:06 PM
أول حاجة أنت لست ببنت الحلة وأنما أنت ود الحلة.
ثانيا يا أخي وادعك من هذه العنصرية التي تنخر في قلبك وعقلك إذا لم تكن جدادة مدسوسة قصدها زرع الفتن بين أهل الغرب والوسط والشمال.
يا ناس الراكوبة وقراءها خليكم واعين وصاحين.

United States [ali] 05-28-2013 08:25 PM
طيب وقت مافي حراير غير الجعليات والشايقيات انتي حتموتب مغسسة ساااااااي

[مسامح] 05-28-2013 07:30 PM
اختي بنت الحلة انا مثلك من دارفور لكن ما عندي مشكلةمع شخص او قبيلة او عرق او منطقة معينة..انا مشكلتي محددة وهيي ان هناك عصابة مسميةنفسها حكومة وسرقت ونهبت ثورات البلد باسم الدين ,لذلك انا احارب هذه العصابة الي ان تسقط بغض النظر عن اعراق وقبائل وجهات افرادها,لكن بتفكيرك هذا بتخدمي خط عصابة الحكومة الساعية الي زرع القبلية والعنصرية والجهوية الكريهة بين الناس...اللهم امتنا وانت راضي عننا

[مخلصة] 05-28-2013 05:37 PM
والله هذه عين العنصرية يا اختي .انت انسانة متعلمة اذا كنت بتحبي هذا البلد بالجد لا تصبي الزيت على النار لعن الله الموقظ والمؤجج للفتن . والله انا بعرف انه الخرطوم دي مافيها احياء مخصصة لناس معينين ! امبد فيها ناس من الغرب وفيها شايقية وفيها جعليين وفيها انا ما بذكر قبيلتي لانه انا السودان دمي خليط من القبائل .وكمان الحاج يوسف فيها جميع قبائل السودان .والله لو سمعوك ناس امبده او الحاج يوسف لقالوا لك مالها امبدة؟ انتي ما تتعقدي من سكنك يا اختي اسكني امبده !ااعملي !كدي !اجتهدي انا اعرف ناس كانوا يسكنون مناطق نائية من قرى الجزيرة حتى الموية مافيها . صبروا واتعلموا واغتربوا وجابوا الفلوس .الان هم في المعمورة! يعز من يشاء ويزل من يشاء دا ما منطق بغير حكومة يا نااااااااا س . واعلمي دوام الحال من المحال المال الجاه السلطة كلها ايلة للزوال والرسول بحب المسكين ويدعوا الله دائما ان يحشره مع المساكين . اللهم امتنا مساكين واحينا مساكين واحشرنا معهم يوم الدين يا رب العالمين

[جاكوما] 05-28-2013 05:35 PM
معاكى حق والف حق دى السياسه الماشى بيها البلد دى

United States [القاضي] 05-28-2013 04:25 PM
الأخت بنت الحلة أولا الشمالية ونهر النيل وغيرها هي مناطق مستقرة وأهلها لم يعرفوا تمرد عسكري رغم ما يعانون من تأخر في التنمية وتهجير محلي وخارجي لكنهم بدلا من حمل السلاج تكاتفوا وبالدارجي قنعوا من خيرا في الحكومة فقامت المدارس والمراكز الصحية بالمجهود الخاص وبدعم ابناءهم في الداخل والخارج ,أهل الشمال لم يلتفتوا لدعاوي التهميش واللعب ع وتر العنصرية البغيضة بل سعوا بالعلم والاجتهاد ولعلمك التنمية الفي دارفور وكردفان ولا شيء اذا قورنت بالشمال بل ان ابناء الشمال ذهبوا لتلك المناطق العزيزة من ارض الوطن طلبا للرزق من تجارة وزراعة أهل الشمال اهتموا بالتعليم وركزوا جهودهم ع البناء وليس الهدم والحرب الكل مغبون ومظلوم من حكم الانقاذ لكن التعامل ليس بهذه الطريقة الهمجية من ترويع للأمنين وتعطيل للتنمية وحرب وسلب ونهب كما تقوم به الجبه الثورية لا بارك الله فيها إنما بالعمل والإخلاص والاهتمام بالنشء وهذا لا يتأتى الا بالاستقرار ولعلمك الخيرات الفي الشمال ولا شيء بالمقارنة مع خيرات كردفان ودارفور لكن الاستقرار جعلها محط الانظار فكل المستثمرين يبحثون لموطئ قدمهم في نهر النيل والشمالية والكل يشهد بنجاح الاستثمار فيها في الزراعة ومصانع الاسمنت والسبب الاول والرئيسي هو الاستقرار وهذا ليس منطبق ع السودان فقط بل حتى في اسبانيا اقليم كتلونيا يطالب بالانفصال كمثال ويحس بالظلم لكنه لم يرفع سلاح او يعطل تنمية فأضحت برشلونة عاصمته رمزا من رموز التقدم في شتى المجالات بل ربما تطغى ع مدريد العاصمة والعكس ينطبق ع اقليم الباسك الذي آثر الخيار العنيف فكانت النتيجة انه اكثر اقاليم اسبانيا تخلفا بإختصار الحرب ولاحساس بالدونية كما وصفته لا يقدم شيئا بل سيؤدي لدمار شامل ولا احد ينتصر وستظل مثل الحرب البسوس تستنزف الموارد ولا احد مستفيد سوى تجار الحرب الذين يسكنون الفنادق ويتلقون المال باسم الضعفاء والمهمشين انظري الى بورتسودان التي اقول اصبخت تفوق الخرطوم نظافة وبهاء بالعمل وليس بالجعجعة والهتافات الفارغة او الخطب الرنانة ما الذي ينقص السودان ليكون دولة عظمى انه اخلاص النية وغسل الافكار الهدامة ومحاربة الفساد والمفسدين بشتى الاشكال واحب ان اقول لك الاحساس بالدونية شيء يينبع من داخل النفس والفي البطون ما بغسلوا الصابون وزي ما بقولوا العارف عزو مستريح لذلك الاحترام انت من يفرضه بسلوكك وبعلمك ومعرفتك واما القبلية التي بدأت تطفو ع السطح فهي نتاج طبيعي للتخلف والتقهقر والحروب وستزول بالبناء والتنمية والاستقرار الحقيقي وان طال الزمن وقبل هذا وذاك بالايمان والتقوى فكلنا مسلمون والولاء هو لله وليس لدم اوعرق اون نسب والميزان بيننا بالتقوى.

European Union [Sudanese only] 05-28-2013 03:23 PM
Thank you for the message that you have delived. I'll devliver your message sister for all the Darfuris and Kordufanis whose I know.

Thank you again.


#679883 [aaaaaaaa]
4.75/5 (3 صوت)

05-28-2013 12:44 PM
رسالتك وصلت


#679862 [حماة الإقليم الأوسط]
3.46/5 (9 صوت)

05-28-2013 12:35 PM
بيان هام
حماة الإقليم الأوسط/ الجزيرة
نحن حماة الإقليم الأوسط نعلن عن إنضمامنا للجبهة الثورية وإسقاط النظام بقوة السلاح وإنشاء الله نوعد جماهيرنا الأبية في كل أرجاء السودان بأننا سوف نعمل من هنا من الإقليم الأوسط / الجزيرة على إسقاط النظام بقوة السلاح وإن كل مقرات الحزب الوطني ومليشياته تعتبر هدفاً عسكرياً لنا إلا إذا استسلموا وإنضموا إلى خيار الشعب وعندها سيكون لكل حدث حديث...
ثورة حتى النصر
والعزة والكبرياء والشموخ لوطننا الغالي السودان
حماة الإقليم الأوسط


ردود على حماة الإقليم الأوسط
United States [ابو محمد] 05-28-2013 10:57 PM
الماصع الماخائب نحن رجال اليوم وليس من الذين نائمون علي احلام اليقظة ,كان جدودنا زمان,جدودك الله يرحمهم ولكن ماذا قدمتم انتم الان للوطن.البيان بالعمل فعاوزين نسمع ازيز رصاصكم قريبا والا سوف اظل علي راي فيكم.

United States [الماصع] 05-28-2013 05:12 PM
بطل خيابة يا ابومحمد***قل خير او اصمت***معركة كرري التي يتغني بها كل الشعب السوداني كان جدودنا من الجزيرة احد مكوناتها الاساسية***لا اريد ان اذكر القبايل لكن احيلك لكتاب المرحوم عصمت زلفو***وحينها كان جدود من يتبجحون الان تحت امرة الكافر ويلزى*** يحاربون الحكومة الوطنية التي اسسها المجاهد الاكبر الامام المهدي

[ابو محمد] 05-28-2013 01:15 PM
انتم ناس مديدة حرقتني ساي لانو السواي مو حداث ولا مو كده.


#679852 [اقبضو على السفاح]
2.49/5 (10 صوت)

05-28-2013 12:31 PM
التحية للمناضل الجسور ياسر عرمان ورفاقه الى الامام والنصر حليفكم باذن الله


#679807 [العووووود]
3.94/5 (7 صوت)

05-28-2013 12:04 PM
الاخوة فى الراكوبة نصييييييييييييييييييحة
لاتنشرو كتابات مؤيدي النظام المجرم
الناس ديل امتلكو الفضاء كلو كل القنوات تطبل للبشير وتمثل بوقا اعلاميا للنظام ما ممكن كمان يجدوا متفسح فى راكوبة الشرفء
فى حين انهم يقطعو اى صوت للحق فى اعلامهم
ارجوا ان لا نكون متسامحين
والحرب هذه الايام اعلامية
حاربوهم بنفس طريقتهم القزرة
ولاتكونوا افضل منهم ديل مابينفع فيهم
بينفع معاهم الضرب فقط ولغة السلاح
ديموقراطية كاكا


ردود على العووووود
United States [الفادني] 05-28-2013 07:19 PM
الشرفء - القزرة !!!! ياخوي أنصحك تكتب بالإنجليزي لأنوا العربي حقك عاوز ليه دروس تقوية ،، ممكن بعدين تطلع منسق اعلامي للجبهة الثورية حاتفضحنا بعربيتك دي ، وخاصة أنت من دعاة تكميم الأفواه ، ياخوي انت كنت من سدنة النظام سابقا وشالوك ،، عشان كده بتفكر بنفس الاسلوب .. قال ديمقراطية قال الله يرحم أهل الرأي والرأي الآخر !!!!

United States [مصطفي] 05-28-2013 03:29 PM
العووووود انكسر وتشتت الرصاص ونكررر انها القياده العامه بكل وحداتها بر وجو انتباه

[سوداني حر] 05-28-2013 01:33 PM
العوووووووووود انت كده اثبت هزيمتك وكفى

United States [الحقاني] 05-28-2013 12:57 PM
دعاة الحرية والدمقراطية يضيق صدرهم للراي الاخر


#679749 [SAEED AL SAEED]
4.88/5 (7 صوت)

05-28-2013 11:34 AM
ياسر عرمان البطل الحقيقى والمعبر عن هموم الشعب المغلوب على امره - ربنا يقويك وينصرك على

الحرامية تجار الدين


#679732 [lion]
4.00/5 (2 صوت)

05-28-2013 11:21 AM
والله كلكم مانافعين لاحكومة لاجبهة ثورية وكان لقيت لي طريقة اغبر جنسيتي من السواد أأأن ومن الوطن العربي كلو


ردود على lion
European Union [abo assir] 05-28-2013 03:55 PM
والقال انت عربي منو اصلا .اطلع بره و شوف حيتعامل معاك كيف .و انا لو عندي سلطه حاسحب منك الجنسيه لانك انسان ما جدير بيها عشان كده الجبهجيه قعدوا 25 سنه عشان امثالك ديل .ودا منبر بتاع سودانيين يعني ما مفروض تشارك معانا فيهو و لا شنو يا ادمن.......

[osman] 05-28-2013 01:12 PM
استلحلفك بالله كان لقيت طريقة كلمني انا برضو قاعد افتش لي جنسيه ووطن يضمني بعد ان لفظني سودان البشير


#679706 [قرفان]
4.00/5 (3 صوت)

05-28-2013 11:11 AM
انتوا غير ولايات كردفان ما عندكم حاجة تاني كرهتونا التصريحات الكتيرة دي .. ماتتقدموا امشوا لقدام حبة عندكم ولايات النيل الابيض والخرطوم ما تحسسونا انكم قاعدين ومندسين بين الجبال .. يا اما تتقدموا يا اما تستسلموا وما دايرين كلام كتير


#679692 [MAHMOUDJADEED]
3.50/5 (4 صوت)

05-28-2013 11:01 AM
المنتصر هو من يحصل على العتاد .. وما دمتم منتصرين فلماذا الانسحاب ؟!!!!.


#679668 [احمد]
4.50/5 (6 صوت)

05-28-2013 10:48 AM
لو كان عرمان والحلو بحملوا همك تكون بتنتظر سراب , او خيال ديل بحملوا هم اجنده خارجية والله ما فيهم خير لك ولا للوطن


ردود على احمد
[سودانية] 05-28-2013 04:19 PM
اجندة خارجية اكثر من بيع السودان للمستثمرين الاجانب اظن الواحد يوم يصحي الصباح ويلقي نفسو واولادو مبيوعين لاجنبي من ناس المؤتمر الوطني

[nagatabuzaid] 05-28-2013 03:40 PM
ما قلت الا الحق تسلم

United States [ود عمك احمد يا] 05-28-2013 01:13 PM
مالو الكلام وجعك يا ابو انس هل انت ناسي ناس الجنوب في اول ملف رموكم زي الكلاب

United States [مبارك] 05-28-2013 01:06 PM
وما هي الاجندة الخارجية التي يحملونها يا بوق؟؟؟

United States [ابو انس] 05-28-2013 11:53 AM
حملنا الانقاذ (الكيزان) اكثر من ربع قرن ماذا قدموا لنا .. ؟؟؟؟!!!!!!!!!!!!!!!

United States [SAEED AL SAEED] 05-28-2013 11:27 AM
ممكن تبصرنا للبيحملوا هم الوطن؟؟؟ عن اى أجندة تتحدث ؟؟ الواحد مايكون زى الببغاء يردد كلام

النظام -- قال اجندة خارجية قال !!!!! ده الفهم المضيع السودان ياابوحميد


#679654 [رمل وزبد]
4.00/5 (10 صوت)

05-28-2013 10:43 AM
حرب العصابات حرب متحركة , ومنذ الإنسحاب من ام روابة , كان الجميع ينتظر الإنسحاب من أم كرشولا , بل كان غريبا أن تبقى قوات الثورية كل هذه المدة , خاصة وأنها تقدمت في مناطق شمال كردفان بعتاد ثقيل يحتاج لوقت حتى يكتمل سحبه , ربما حدث إنسحاب أساسي , ثم تمركزت قوات خفيفية في ابكرشولا , إمعانا في أضعاف الحكومة التي من شدة أضطرابها لجأت إلى الحشد والصرف على العتاد وتحريك قوات كثيفة كأنها تدخل حر ب عالمية , وفي أثناء ذلك قويت الجبهات المعارضة وأستطاعت تمرير الكثير من الخطط والأفكار وقويت القطاعات المعارضة في الجيش بل إن جماعة ( سائحون ) أصبحت تعارض وتحتشد ضد الحكومة علنا ووصلت الحكومة نفسها إلى حقيقة إنتهاء زمن الحروب وان الشعب السوداني مل وكره هذا الإتجاه وأن الشباب يفر من التجنيد والقتال ولا يذهب إلا مرغما ووجدت الحكومة صعوبة في إيجاد مقاتلين .
عملية ام روابه و أبكرشولا أسقطت الحكومة ووضعت المجتمع كله في مرحلة السقوط الفعلي للإنقاذ ونقلت المعارك حقيقة إلى الخرطوم ولم تثر عملية الإضطراب والهلع وتكشف عن ضعف الحيلة وتفكك الإنقاذ قياديا وحزبيا مثل عملية ( امروابة + ابكرشولا )ومن جهة أخرى أقنعت المجتمع الدولي بوجودها بعدالة قضيتها وهي قضية كل السودان


ردود على رمل وزبد
United States [nagatabuzaid] 05-28-2013 04:00 PM
اسمها ابو كرشولا وليس ام كرشولا ما سمعت النكتة ظ اتنين ما سمعن بابو كرشولا ولا ام روابة

احداهن سالت اختها انت يا اخى ام روابة وابو كرشولا ديل منو ردت التانية اجى ما سمعتى ابو كرشولا اتقدم يتزوج ام روابة ولمن بقوا على العرس قاام عرمان فرتق العرس ( نكتة بايخة مش كدة؟) بس انت ذكرتنى ليها بام كرشولا


#679650 [احد ضحايا الالغاذ]
3.50/5 (5 صوت)

05-28-2013 10:41 AM
الاعلام القناة الفضائية للمعارضة اهم وسائل اسقاط النظام


#679645 [خالد ابوخلود الخالدي]
3.00/5 (2 صوت)

05-28-2013 10:40 AM
سؤال برئ (الكلام في الصورة لغاندي لكن الصورة كأنو البرادعي المصري )هل من مؤيد؟


ردود على خالد ابوخلود الخالدي
European Union [The Observer] 05-28-2013 08:06 PM
Khalid ... You are so funny and cute... With such an eagle eye... You gave me a very very good laugh..!! Ah

European Union [ابو علي] 05-28-2013 12:34 PM
صدقت يا ابا خلود كأنه هو , وصافا التقول رباطابي .


#679570 [شوك كتاد]
4.50/5 (4 صوت)

05-28-2013 10:02 AM
عشان سيادتك تحكم لازم تقتل العزل وتشرد الابرياءوتدمر المنشات الحيوية وتطرد العرب والمسلمين وتسميهم بقايا الاندلس . كل التاييد الذى بنيته سابقا فقدته فى حربك العبثية هذه

اتق الله يا رجل ما هكذا تورد الابل


ردود على شوك كتاد
European Union [مع العدالة] 05-28-2013 11:19 AM
ذات الامر ينسحب على غيره من البشير وعبدالرحيم وكل زمرة الانقاذ كلهم يقتلون باسم الله والحق والتمرد السودانيين فى ارضهم ....ثم دعك من افكار الانتباهة وطرد العرب والاندلس وغيرها من العبارات التى تشوه وجة الحقيقة التى هى اننا سودانين نتقاتل من اجل الاستعلاء وبفقه ونشرب ان وردنا الماء وهل انا الا من غزية ان غوت وان رشدت...ولعلك لا تذكر ان عرمان ايضا يدعى نسبةً الى بنى العباس ويتشهد ويصلى على النبى ويحلف على المصحف الشريف ويحمل اسما عربيا وشهادة ميلاد مثلك تدل على انه مسلم وان خرج عن الملة فى نظركم ...فاليتقى الله كل من يظلم باسمة ويشتم ويقتل


#679545 [محمد المختار]
4.00/5 (3 صوت)

05-28-2013 09:52 AM
بعد معركة هجليج ولانى اصلا كنت اشك دائما فى اعلام الكيزان استغربت لتصريحات الكيزان بتحرير هجليج رغم تصريج الجنوبيين بانهم انسحبوا ولكن هذه المرة علمت ان الانسحاب هى اسم دلع للهزيمة وكيف تريدننى ان اصدق الانسحاب بعد 3 اسابيع لدواعى انسانية وموش عهارف ايه ؟


#679540 [Ibrahim Ahmed Adam Yahya]
0.00/5 (0 صوت)

05-28-2013 09:50 AM
ينتابني شك في هذا الخبر الذي ازاعه عرمان ، هو قيادي مخضرم يجيد فنون القتال و يعلم ان الحرب خدعة فكيف يكشف خططه الحربية ويشهر ترتيباته وعتاده الحربية!؟؟


#679514 [hassan alamin]
3.00/5 (2 صوت)

05-28-2013 09:40 AM
هل اسقاط النظام ساهل كده يا جماعة . النظام ده لايسقط بالسلاح ، الذي يسفط هذا النظام هو المظاهرات والاحتجاجات الشعبية والتي يخافها النظام اكثر من خوفه من السلاح . لذلك ارجو من مناضلي الكيبورد ان يتحولوا الي مناضلين حقيقيين في الشارع وده هو الطريق العملي الوحيد ( 500 مناضل جسور )يكونوا نواة للمد الشعبي وهيا لنبدأ بدلا من احلام ظلوط .


ردود على hassan alamin
European Union [TIGERSHARK] 05-28-2013 12:56 PM
ونظام منقستو والقذافي سقطو بشنو!... بالذبحه الصدريه وله كيف!

United States [SAEED AL SAEED] 05-28-2013 11:30 AM
أؤيدك وبشدة - لكن وين الناس البتطلع مظاهرات ؟؟؟


#679503 [mansour]
5.00/5 (5 صوت)

05-28-2013 09:36 AM
يلا كل القوه الخرطوم جوه


#679501 [الراوي]
0.00/5 (0 صوت)

05-28-2013 09:35 AM
ونفي عرمان وجود دعوة للحوار مع الحكومة في الوقت الراهن مضيفا أن الحكومة السودانية ليست جادة في إيجاد حلول جذرية للأوضاع في جنوب كردفان والنيل الأزرق ودارفور.

والجبهة الثورية هي تحالف يضم اربعة حركات متمردة في إقليم دارفور (العدل والمساواة وحركة تحرير السودان جناح مني مناوي وحركة تحرير السودان جناح عبد الواحد نور، إضافة إلى الحركة الشعبية- شمال السودان التي تقاتل الحكومة في ولايتي جنوب كردفان والنيل الأزرق).


#679486 [دارفوري ثائر]
5.00/5 (3 صوت)

05-28-2013 09:27 AM
إن غداً لناظره قريب - الى الامام والنصر آت لا محالة


#679457 [امجد النور]
5.00/5 (7 صوت)

05-28-2013 09:14 AM
استغرب كثيرا" من ان بعض قراء الراكوبة يستعملون اسلوب الدونية لوصف الجبهة الثورية اليس هؤلاء مواطنين سودانيون اليس هم الاكثر تهميشا" في السودان هل هم الوحيدون الذين تسبب رفعهم للسلاح في مقتل ابرياء اليس رفعهم للسلاح يعود لتسلط الكيزان في السلطة ومن باب اولى مسببات ونتائج هذا الصراع تتحمل مسؤوليتها الانقاذ وحدها. الغريب في الامر ان الانقاذ جاءت على اساس انها ثورة مهمشين وهذا يفسر سبب تصفيتهم العرقية لأبناء امدرمان داخل الخدمة المدنية والجيش ناهيك عن مؤسسات الدولة المختلفة. وكان هذا تحاملا" كبيرا" على امدرمان فقد كان عدد القصور داخل الخرطوم عامة تعد بعدد اليد الواحدة لم يدرك هؤلاء ان تميز امدرمان يرجع الى انها وجه حضاري وفكري لكل ابناء السودان فكان اسمها الدرة لالتقاء كل ربوع السودان في مكان واحد. أحب ان اؤكد الى كل مشكك في ان الجبهة الثورية هي شرارة حقيقية لثورة مسلحة سوف تقضى على الانقاذ طال الزمن ام قصر والمؤسف في هذا المنحى ان التغيير المدني غير ممكن لأنه لا توجد معطيات حقيقية لهذا التغيير في المجتمع السوداني اليوم الذي أصبح كتل متفرقة ليس لها رداء قومي بل اخذت القبلية والمصالح المحلية والشخصية تمذق في هذا الرداء. وفى الختام يجب ان اذكر هؤلاء بأن الشرارة الحقيقية لانتفاضة ابريل بدأت في سوق امدرمان عندما أحرق الباعة المتجولون وما يعرف بالشماسة كشك الكتيابى الضابط الإداري ومن ثم خرج اتحاد الطلاب الكيزان في جامعة امدرمان الاسلامية واصبحوا ينسبون اليهم الشرارة الاولى وهذا دابهم تزييف الحقائق والتاريخ اما سرقتهم للشعب السوداني بداءة مع شراكتهم الاسلامية حيث كانت الارباح التي يكسبونها مبالغا" فيها وذلك عن طريق احتكار السلعة والتحكم في السوق وقد كانوا يبررون ذلك بانه ضرورة لأسقاط النميري وما اكثر الضرورات التي قاموا بها بعد ذلك لأجل شياطينهم التي يخلون اليها. هناك مرجعية هامة ان الكيزان ليس هم الاخوان المسلمين تحية لأستاذنا الفاضل الصادق عبد الله عبد الماجد لقد كنت شاهدا عندما خرج عليه الترابى بفكر التمكين فرفضه وقد كنت شاهد عندما تململ ابناءالترابى من تمكنه الشديد فانقلبو عيه ليمارسو التمكين باوسع صوره لذا قالوها في أكثر من مناسبة لن نخرج الا بقوة السلاح


ردود على امجد النور
United States [SAEED AL SAEED] 05-28-2013 11:31 AM
والله كلنا مستغربين لمستوى الفهم العجيب لبعض القراء وكأن الامر لايعنيهم


#679436 [الكوشى]
3.97/5 (7 صوت)

05-28-2013 08:57 AM
لك التحيه ياسر عرمان


#679388 [alsudani]
5.00/5 (3 صوت)

05-28-2013 08:14 AM
قد تكون كمية الأسلحة التى تحصلت عليها الجبهة أكثر من
عدد مقاتليها ،،، ولكن يظل السؤال الى متى يقف الشعب متفرجا ؟؟؟
وكذلك الى متى تحمى القوات المسلحة مليشيات
تصرف 70 % من ميزانية البلد ؟؟؟؟
والى متى تُحرس القوات بمليشيات
تقتل المنسحب من القتال ؟؟؟


ردود على alsudani
United States [nagatabuzaid] 05-28-2013 04:17 PM
الى ان تتحرك انت وتقود الانتفاضة ؟؟ثم تجيب على اسئلتك


#679383 [isic]
5.00/5 (5 صوت)

05-28-2013 08:11 AM
أضربوا الحديد وهو حاوي عشان تمثيلية إنتصارهم في أبكرشولا تظهر للشعب ويعرف الحقيقة.


ردود على isic
European Union [كرري] 05-28-2013 05:10 PM
(((((((((((أضربوا الحديد وهو حاوي عشان تمثيلية إنتصارهم
في أبكرشولا تظهر للشعب ويعرف الحقيقة.))))))))))))))))))
دي غلوطية ولا شنو .انا بقول ليك اضرب الحاوي بي حديدة
ديدة ديدة .............اية يا شعبولة اية جرالك ما كنت كويس
لية كدة بس زعلتني منك يا راجل,
بعدين اسمها ابوكرشولا وليس أبكرشولا لان الاخيرة هي اكلة
تنزانية ركز معانا شوية


#679330 [alamin]
5.00/5 (4 صوت)

05-28-2013 06:53 AM
تصديقا لكلام عرمان لقد شوهد متحرك كبير به أكثر من 150 عربة وبعض الشاحنات لحركة العدل والمساواة قبل يومين حيث دخل منطقة أم قرن جاك في محلية الأضية بشمال كردفان في طريقها الي جنوب كردفان وكانت تتبعها قوات تشادية ، وحتي وصولها الي مناطق أم عدارة وكليلك البحيرة لم يتصدي لها الجيش السوداني إلا في أطراف بابنوسة وفيها أنهزم الجيش ولزم داخل مدينة بابنوسة ووصل هذا المتحرك الي داخل جنوب كردفان . فعلا هناك تجميع قوة فهل تكون كادوقلي هي الهدف ؟.


ردود على alamin
United States [مراقب] 05-28-2013 03:06 PM
أولا أؤكد على صحة مشاهداتك .. ثانيا ألم تسأل نفسك عن القوات التشادية التي تتبعها .. هي أولا ليست قوات تشادية إنما هي القوات المشتركة السودانية التشادية وقد أخرجتهم من وادي هور وهم الأن يبحثون عن ملاذ أخر لهم .. وأبشرك بأنهم قد وضعوا في كماشة ما بين الجيش السوداني والقوات المشتركة وقوات العدل والمساوة ـ جناح محمد بشر ـ وغدا لناظره قريب


#679328 [more al mansouree]
5.00/5 (7 صوت)

05-28-2013 06:48 AM
الاستاذ الفاضل ياسر عرمان والاخ الفاضل الاستاذ مالك عقار والاخرين من ابناء السودان الاحرار ااقائد عيد العزيز الحلو..القائد مني القائد عبدالواحد...الخ انتم من تحملون همي وهم الشعب السوداني ربناء معاكم علي الخونة والمرتشين بسم الدين


ردود على more al mansouree
[سنكيت] 05-28-2013 05:52 PM
ياسوداني حر السودانااولا دي مادولة المدينة ،اول افهم العلمانية هي شنو بعدين اتكلم،ولعلمك السودان دا غير العلمانية ما في منهج بتناسب معاهو (ولمن اتكلم كدا بتكلم عن السودان مش عن الاسرة او العائلة او القبيلة.
وماتقول لي ان نظام تاني بعد الشفناهو في الالعقود الماضية ؟؟!!والبلد اتدمرت و انتهت بعد نظامك الكريه هذا.

[سوداني حر] 05-28-2013 02:55 PM
انتظرالعلمانيين لكن ح تنتظرطويل

United States [SAEED AL SAEED] 05-28-2013 11:32 AM
برافو - الله يكثر امثالك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة