الأخبار
أخبار إقليمية
محللون : تهديدات البشير " بندق في بحر"
محللون : تهديدات البشير " بندق في بحر"
محللون : تهديدات البشير


05-29-2013 04:53 AM
آراء حول تهديدات البشير للمتمردين

الرئيس السوداني يحتفل مع قادة عسكريين باستعادة أبو كرشولا (الفرنسية)

عماد عبد الهادي-الخرطوم
هدد الرئيس السوداني عمر البشير بقفل أنابيب النفط في وجه بترول دولة جنوب السودان، ووقف التفاوض مع متمردي الجبهة الثورية، ليفتح الباب أمام الكثير من التساؤلات حول رغبة حكومته بالمضي قدما في الحلول العسكرية.

ولم يتضح بعد ما إذا كانت هذه التهديدات هي بالأساس قرارات سودانية كانت تنتظر الساعة المواتية، أم هي وليدة لحظة تنتهي بانتهاء الحدث.

وكان الرئيس البشير أعلن مساء أمس الاول عدم اعتراف حكومته بكل فصائل التمرد، وقفل الباب أمام أي تفاوض مع من أسماهم بالخونة والمأجورين والمرتزقة والإرهابيين، بجانب تهديد جوبا بمنع البترول الجنوبي من عبور الأرض السودانية، إذا ما استمرت في دعم المتمردين السودانيين.


ومع ذلك يرى متابعون، أن ما صدر يشكل انتكاسة جديدة إذا ما تعامل معه المهددون برد فعل مماثل، بينما يقلل آخرون من أثر التهديدات، "كون السودان تعود على مثيلاتها من قبل".

فالكاتب والمحلل السياسي محجوب محمد صالح، عدها رد فعل غاضبا حملته أجواء الاحتفال باستعادة أبو كرشولا.

ويستبعد بدوره مقاطعة الحكومة السودانية للمفاوضات المقبلة مع الحركة الشعبية قطاع الشمال أو أي قوة متمردة أخرى، ويتوقع تعديلا طفيفا على موعد بداية المفاوضات، بين الحكومة السودانية وقطاع الشمال منتصف يونيو/حزيران المقبل.

ويرى أن الحكومة السودانية "تستشعر الخطر"، ولكن لا تدري كيفية التعامل معه، لافتا إلي وجود فريقين في الحكومة، أحدهما لا يرى بغير الحلول العسكرية لكل قضايا البلاد، وآخر ينادي بحلول سلمية شاملة دون تجزئة.

ويقول محمد صالح إن المؤتمر الوطني الحاكم غير مهيأ للتعامل مع الفريق الثاني على الأقل في الوقت الراهن، مشيرا إلى وصول السودان إلى مرحلة الخطر، بتصاعد الأزمات في ظل حل غير واضح.

أما الناشط السياسي صالح محمود فيرى أن الرأي العام ظل يتفاجأ من حين لآخر بخطابات لا تسير في الاتجاه الصحيح، مشيرا إلى أن مجريات الأحداث، ظلت تؤثر على مواقف الدولة في كثير من الأحيان.


واعتبر التهديد رد فعل لحدث، أكثر من كونه خطا منسجما مع تعهدات والتزامات السودان أمام المجتمع الدولي والإقليمي، مستبعدا في الوقت نفسه تراجع البلاد عن اتفاقياتها مع دولة الجنوب، مهما كانت الخلافات بين الطرفين.

وقال إن تراجع السودان عن الحوار واتفاقياته مع جوبا، سيجعله بمواجهة كل المؤسسات الدولية والإقليمية، بل سيفتح الباب أمام الكثير من التكهنات.

ولم يختلف المحلل السياسي فيصل محمد صالح مع من سبقوه، إذ وصف التهديد برد الفعل اللحظي، ودعا لعدم أخذه بمحمله، واستبعد أن يشكل مواقف ثابتة، تمنع مبدأ الحوار مع المتمردين "لأنها حدثت في عدة مناسبات سابقة".

ويضيف المحلل فيصل، "طالما لم تتفق الحكومة والمتمردون على وقف إطلاق النار، فإن من المنطق أن تكون هناك هجمات على بعض المناطق ثم يتم استعادتها".

ويتساءل في تصريحه للجزيرة نت "لم يدفع استيلاء المتمردين على أبو كرشولا الحكومة لإعلان وقف التفاوض "فكيف تعلن ذلك بعد استعادتها".
المصدر:الجزيرة


تعليقات 48 | إهداء 0 | زيارات 18205

التعليقات
#682202 [الشايب]
0.00/5 (0 صوت)

05-30-2013 03:55 AM
التعليقات تدل دلالة واضحة على أننا شعب لا يجب أن يحكمه شخص أو حزب واحد له عقول ومفكرين!!
العاقل يجب أن يفضل ترك الأمر مثلما فعل البشير!!
الجيش السوداني يدخل ابي كرشولا بعد أن دخلها الجيش الثوري واحتلها لمدة شهر
الجيشان سودانيان والموتى سودانيون
الأرض سودانية والاسلحة اسرائيلية ؟!!!!!!
نحن لا نتنازل ولا نقبل ببعضنا البهض
النتيجة تشتت السودان إلى ملايين الدول ، كل من يحمل الجنسية السودانية سيرفع علماً في بيته ويحارب جاره. المعادلة تصبح عدم قبول بعضنا البعض = 36 مليون علم
عموما ، احسن لجماعة المؤتمر الوطني يلملموا حالهم ويذهبوا لاسوان
وجماعة المؤتمر الشعبي يجهزوا حالهم للسجون (اذهب إلى القصر رئيساً وأذهب أنا للسجن حبيساً)
وجماعة حزب الأمة يلملموا حالهم ويذهبوا إلى قبر السيد عبد الرحمن (رائد الاستقلال) وينتحروا لعدم الالتزامب بتعاليمه (لا شيع ولا طوائف ولا احزاب ديننا الاسلام ووطننا السودان)
أما الاتحاديون فعليهم الذهاب إلى قصر عابدين وتكوين حزبهم في مصر.
من يتبقى من الشعب (56 حزب) يرجعوا لقواعدهم ليرفعوا الاعلام ويحاربوا بعضهم
الحقيقة نحن لا نستحق دولة طالما لا ننظر إلى هذه الأرض السمراء العزيزة مثلما تفعل الأمم الكبرى. نحن لا نملك الحس الوطني الذي يجعلنا ندرك أن قتل السوداني أين ما كان هو خصم على تشدقنابالوطنية وحب الوطن. الاقتتال بسبب الحكم هو الطريق إلى تلك المعادلة!!


#682098 [علي دينار]
0.00/5 (0 صوت)

05-30-2013 12:41 AM
عماد عبد الهادي دا كوز طبال بتاع الجزيرة بعدي ما كسح اسلام صالح جاي يطبلي فوق راسنا في الراكوبتنا كمان you are under attack in this time


#682025 [بتاع الطبلية]
0.00/5 (0 صوت)

05-29-2013 10:35 PM
يعني طلعتوا كلام شفع سااااااي


#681811 [قسم الصدق]
0.00/5 (0 صوت)

05-29-2013 06:18 PM
نجد أن الوحيد الذي يبدو عليه أنه يحترق وأنه ينفعل ويثور في كل سوداننا الحبيب هو الرئيس عمر البشير قلت ذلك للكاتب غير المجيد ابراهيم الراشد لما قال ان البشير ينبغي عليه ان يكفر عن قسمه وأن يقبل بما تقوله محكمة الجنايات .. وكان أن الله نصر البشير.. أقول لكم الان ان الغضب في الحق لن يكون سبة ابدا في يوم من الأيام وان البرود لن يكون ميزة .. نحن أهل السوان معروفون في كل الدنيا بأن أكثر الناس حلما ولكننا للحق ومن أجل الحق نغضب ونثور وننتصر باذن الله


#681704 [العربي]
0.00/5 (0 صوت)

05-29-2013 05:00 PM
والله كلام البشكير البقو احللو


#681662 [عيني عينك]
0.00/5 (0 صوت)

05-29-2013 04:36 PM
ما عندي تعليق
وراسيي فاضي


#681605 [amal]
0.00/5 (0 صوت)

05-29-2013 04:06 PM
اعتقد انه الحاصل ده عبارة عن بداية الحرب الاهلية بجد و لن تكون كاخواتها كما حرب الجنوب و دار فور لك الله يا سودان


#681590 [خالد لبوشي]
5.00/5 (6 صوت)

05-29-2013 03:54 PM
من المفجع حقا ان اكثر مايثير حفيظتي ويدعوني الى الدهشة والاستغراب ان المدعو المطلوب للعدالة بصفته مجرم حرب السفاح عمر البشير اقول مجددا ان اكثر مايدهشني انه يتكلم عن قفل انابيب البترول والمصالح الوطنية الاقتصادية مع دولة الجنوب ومناطق العمليات وكان موارد السودان ملكا له ورثها من ابيه او من جدوده ..اليس شر البلية مايضحك ام ان شر البلية مايبكي..فلا هي ارضك وحدك ايها المغمور ولا ثرواتك وحدك حتى تنصب نفسك بانك الامر والناهي في الامر السوداني وان كانت اوامرك الغبية هذه تقف حاجزا ضد خط المنفعة القومية ممايؤثر سلبيا في الاقتصاد السوداني وبالتالي يرمي بظلاله على المواطن السوداني ..دع عنك هذه السفسطة والهرطقة ايها المعتوه وتذكر ان الارض ملك لله في المقام الاول وترابها ومواردها لابناء الشعب السوداني قاطبة.وليست ملكا حرا لال البشير وامبراطور كافوري...


#681488 [زول سوداني]
5.00/5 (11 صوت)

05-29-2013 02:56 PM
هاهاهاها .. والله المحللين ديل ماعندهم شغلة .... هو البشير ده قاعد يقول كلام عشان يحللوهو؟؟ الزول ده بتكلم على حسب " الدلوكة " وقدر ماكانت مسخنة الكضب بكتر وبتنفخ العوير ....


ردود على زول سوداني
[ahmed] 05-30-2013 03:03 AM
معجب شديد يا زول بتعليقك والعجبني أكثر إنو سعد الهلاللي ممغص شديد من تعليقك ومفتر بجد إنو أبو جاعوره رئيس السودان ولو جيت للتنظير يا سعد إنت عايز تقنعني إنو لو جاء لص وسرق عربتك تقوم إنت تعترف له إن العربة ملكه هو ...اها البشكير سرق السلطة تقوم إنت تسويه رئيس ؟ عجبي

[سعد هلاللي] 05-30-2013 01:18 AM
مهما كان دى رئيسك ورمز بلدك مافي داعي للاساءه دى عيب السودانيين التنظييييييير بس


#681466 [ابو زينب]
0.00/5 (0 صوت)

05-29-2013 02:40 PM
المدعو ودالجمرى ما عاوزين نقول ليك انت طابور خامس لانو المصطلح درج عليه اولئك الطغمةالفاسدةالغبيةسياسة شنو البتعرفهاانت والبشيرالكضاب ممكن يعرف يرقص ويحلف بالطلاق عشان كده غسلوا دماغكم الكيزان ان مافى زول يجىء يحكم البلد غيرهم وانهم بحكموا باسم الاسلام انت رجل بسيط استحى على نفسك


#681453 [ابوعديلة]
5.00/5 (3 صوت)

05-29-2013 02:31 PM
أتحدى عمر البشير أن يتجرأ ويقطع مفاوضات أديس أبابا مع قطاع الشمال .


#681446 [mansour]
5.00/5 (1 صوت)

05-29-2013 02:25 PM
الزول ده الفالقو منو اظنوا الحلو


#681383 [عنيد جداً]
5.00/5 (1 صوت)

05-29-2013 01:29 PM
خلى تمسح راسك لوبيلتو برضو مابنفع الجماعة جايييييييييين جايييييييييييين انشاء الله يارب العالمين


#681349 [U S A]
5.00/5 (3 صوت)

05-29-2013 01:02 PM
عصر الخطب والخطابات أظنه قد إنتهى ، مصر أضاعت سيناء بسبب خطابات عبد الناصر الهوجاء ولم تتحق شيئاً من أحلامه الكثيرة ولم نرى أن إسرائيل وقدأصبحت في قاع البحر المتوسط وهكذا يطل البشير مرة تلو أخري بخطابات عنترية وبطولات زائفة ويتبعه في ذلك الغاوون واصحاب المصالح ف يالحرب والسلم إنفصل الجنوب الحبيب بسبب هذه العقلية التى تدير أمر الوطن غدا سنفقد أجزاء من غرب السودان وبعد غد سنفقد شرق السودان ، في النهاية طالما العصابة التي تحكم فلا يهمها تمزيق وطن بكامله ، قدر السودان أن الله قد إبتلاه بطغمة فاسدة ومفسدة في الارض.


#681323 [مدحت عروة]
5.00/5 (4 صوت)

05-29-2013 12:44 PM
يعنى نقنع من حلايب والفشقة لان محتلنها عندهم اسلحة مدفعية ومدرعات وطيران ومشاة ميكانيكيين وبحرية وهلم جرا!!!!!!!
يعنى جيوش محترفة ومدججة بالسلاح!!!!!
اذا كانت حركات متمردة سودانية تقوم نفس الجيش بكل قياداته فكيف بالجيوش المحترفة؟؟؟؟؟
ده كله من الحكم الديكتاتورى البيضعف الانتاج فى البلد البيقوى الجيش ليقوم بمهامه فى حماية ارض الوطن من الاعتداءات الاجنبية وليس بمحاربة المعارضة الداخلية!!!!!!
مافى حوار وطنى ومؤتمر قومى دستورى باشراف حكومة قومية انتقالية مافى جيش ولا وطن قوى فى وجه اعداء الخارج والكلام ده راعى الضان فى الخلا عارفه!!!!!


#681306 [عربي وبضع افريقي]
0.00/5 (0 صوت)

05-29-2013 12:33 PM
الناس بتقول البشير دائماً لمن يشوف الناس بهوش وبفلت ، لكن انا عندي فهم تاني صحي عند تحرير هجليج هاش ووصم الحركة الشعبية بالحشرة ودا غلط لكن المره دي دا تكتيك بتاع مفاوضات حيث ترفع سقفك لأعلى مستوى وتخلي الوسطاء بدل ما يعملوا على تنازلك من أشياء حساسه وقد تضر بك كثير تجعلهم يحنسونك بأن توافق على التفاوض في الأصل اليست استراتيجية مدروسة والله أعلم .


#681264 [حسكنيت]
5.00/5 (3 صوت)

05-29-2013 12:14 PM
الول دا زول عوقة ساكت ما تتعبوا نفسكم وبصراحة ينفع كموسنجى ( كوستى بى جاى ..سنار بى هنا ..مدنى بى غادى)


ردود على حسكنيت
European Union [كرامة] 05-30-2013 01:18 AM
وانت فرقك شنو من البتلومهم....مالهم الكمسنجية....كلام عنصرى رخيص


#681258 [طارق الباز]
5.00/5 (2 صوت)

05-29-2013 12:10 PM
تصرفات مطابقه لحالة الطفولة المتأخره late childhood بعدين بهدد الجنوب بسد انبوب البترول بكرة الصين بتمشى تعمل ليهم واحد احسن من العندك وتانى شوف ليك ليك تهديد تانى


#681174 [AburishA]
5.00/5 (3 صوت)

05-29-2013 11:22 AM
هناك خيط رفيع بين الشجاعة والرجولة وبين الحماقة!!!!
في كابينة القيادة هناك تجار حرب لايريدون للسودان خيرا!!! احسن ثم احسن ان تقعدوا مع الجماعة ديل وتحلوا المشلكة قبل ان تتطور وتقضى على المجرم وجيرانه!! من واقع التجارب ان الثورات لأبدا لن تموت ولا تقمع بالسلاح انما الحكومات تسقط بالسلاح!! ودونكم مشكلة دارفور التي ذكرتكم بامكانية القضاء عليها في 24 ساعة لفرض هيبة الدولة!!والليلة تمت عشر سنوات ولسه مااااشة وجابت ليها محكمة جنايات دولية كمان!! دائما اخشى عندما تشيلك الهاشمية والجعلية المزعومة!! في افتتاح ميناء بشائر شالتكم الهاشمية قلتو ما بتتفاوضوا الا مع من يحمل السلاح!!! شالتكم الهاشمية الغيتو الاتفاق الاطاري نافع - عقار!! وجريتو وراهو لامن النعلين اتقطعت!! شالتكم الهاشمية ايام هجيليج ووصفتم الجماعة ديلك بالحشرات وجريتو وراهم ووصلتوهم في عقر دارهم للمصحلة والتماس العذر!!! مشاكل الوطن تعالج بالحكمة وليس بالهاشمية! وهم الجماعة ديل زاتهم قالوا انهم انسحبوا من ابكرشولا قبل دخولها ولم تتم أي معركة تاني الهاشمية دي لزومها شنو!!!!
انحنا محتاجين لعلاج من الهاشمية وهي بالطبع تعني الحماقة وكفى!!


#681157 [الارباب]
3.00/5 (3 صوت)

05-29-2013 11:11 AM
وأنا أشاهد الاحتفال بدخول ابةكرشولا رأيت والي ولاية الجزيرة الزبير لابساً ذي الدفاع الشعبي بعد مشاركته في دخول المدينة يتحدث لتلفزيون السودان للمرة العاشرة خلال الأسبوعين الماضيين من ولاية جنوب كردفان ....
خطر في ذهني سؤال ذو أبعاد مهمه...
هل معركة اب كرشولا اهم من القيام بإدارة شؤون مواطني الجزيرة؟
هل وصلت الي درجة ترك الولاه ولايتهم ....والنواب عملهم لدعم النفرة...
ام ان هناك نقص في القيادة والرجال ؟.
أنهم في ازمه حقيقية...


ردود على الارباب
United States [ابو ايمن ودالضو] 05-29-2013 04:24 PM
طلاق ثلاثه لو لبس جبة انصار المهدى برضوا تابع !! واهو الجزيره من يوم جاها قول لى عمل ليهو حاجه!!دا وقته كله فى خلاوى ودالفادنى يعنى مسئول درويش :: والمصيبه الناس ديل عاوزين استاذ جغرافياحتى يعرفوا السودان وماتبقى من مساحه!!!! ومن سيربح المليون(كم تبلغ مساحة السودان اليوم؟) وممكن حذف وزبرين؛الاستعانه بكليات المساحه؛ والاستعانه بالسيد بشبش ::::

[واحد تفتيحة] 05-29-2013 03:00 PM
الارباب ياخي الزبير بشير طه مشي كردفان وله قعد في الجزيرة سيان الامر هو اصلا لا يستطيع ادارة وحدة ادارية صغيرة في الولاية واقول لك صدقا كثير جدا من سكاني قري ولاية الجزيرة لا يعرفون اسم والي ولاية الجزيرة . فاحسن امشي كردفان بالمرة يغير جو من القاعد في مدني .


#681142 [اللهم ألعن الانقاذ لعنا كبيرا]
5.00/5 (5 صوت)

05-29-2013 11:01 AM
الاواني الفارغه تحدث ضجيجا عاليا...

اللهم ألعن الانقاذ لعنا كبيرا.....


#681016 [انا سوداني]
5.00/5 (2 صوت)

05-29-2013 10:06 AM
نقول كفى حكومة الفساد كفى حكومة تقسيم السودان الزعيم الازهري انتزع السودان من فك الاستعمار واليوم حكومة الدمار تقسم الكعكه وبكل بساطه كفايه ايتها الراقصة


#681010 [صلاح ميرغني]
4.00/5 (2 صوت)

05-29-2013 10:02 AM
قصة تحرير أبو كرشولا

دخول أولى الوحدات المقاتلة في عمق مدينة أبوكرشولا مصحوبة بغطاء جوي كثيف
05-28-2013 05:56 PM
في تمام الساعة الخامسة من مساء الاثنين كانت القوات المسلحة السودانية تكمل معركتها التي بدأتها بصبر ونفس متلاحق بدخول أول وحداتها المقاتلة في عمق مدينة أبوكرشولا مصحوبة بغطاء جوي كثيف وقوة نيران جعلت خروج قوات الجبهة الثورية بالغ الصعوبة خاصة وأن استراتيجية الإحاطة كانت قد بلغت أعلا درجتها حيث كانت القوات المسلحة تدير المعركة وبحسب مصدر عسكري رفيع تحدث لـ(السوداني) عن طريقة الوثبات المتلاحقة وبحساب 3 كلم على كل مرحلة وبالأمس اكتمل بالوصول للكيلو 12 وهو داخل عمق مدينة أبوكرشولا حيث تم تدمير كافة الآليات والمعدات العسكرية وسقط عدد كبير من القتلى من قوات الحركة الشعبية بجانب أعداد أخرى سقطت في الأسر.
وظلت غرفة العمليات في مدينة الأبيض التي وصل إليها قادة من هيئة الأركان أمس الأول في حالة ربط مباشر بالقيادة العامة بالخرطوم تعد الخطط النهائية للاقتحام والدخول لعمق المنطقة ووقتها بدأ الصندوق القتالي لقوات الجبهة الثورية في التفكك والتشتت والانسحاب بشكل عشوائي في الجزء الجنوبي من أبوكرشولا ولكن كانت معركة "كسر العظم" تدار بخطة محكمة خاصة بعد الاستفادة من الدخول الأول للمنطقة والانسحاب منها بعد أن نفذت قوات الجبهة الثورية عملية التفاف واسعة.
المقاتلات تصنع الفارق
نقطة التفوق التي أديرت بها معركة أبوكرشولا هي سلاح الطيران وكان عاملاً حاسماً في المعارك ومنع أي عمليات تسلل وضرب الأهداف المتحركة خلال انسحاب قوات الجبهة الثورية التي تشتت واتجهت أجزاء منها في اتجاة منطقة كاودا وأخرى اتجهت في طريق بابنوسة وبليلة.
المعلومات الاستخباراتية التي كانت تخرج من أبوكرشولا تقول إن هنالك حالة شد وجذب بين قوات الجبهة الثورية وحاول قادتها تثبيت الجنود وإبلاغهم بأن القوات الحكومية ليس لديها رغبة في الدخول في المعركة وأن فصل الخريف سيحيل دون من أي معركة لاستعادة المدينة وهي محاولة لرفع الروح المعنوية التي بدأت في الانهيار خاصة بعد النقص في المواد الغذائية والوقود وعدم وجود آليات لإخلاء الجرحى بجانب الإجهاد حيث لم تسكت مدفعية القوات المسلحة في ضرب سواتر قوات الجبهة الثورية طوال الأيام الماضية مما أرهق القوات المدافعة عن المدينة وجعلها تتكسر أمام الضربات المتتالية إلي أن دخلت وحدات القوات المسلحة للمدينة وأدت فيها صلاة الشكر بعد أن تم تأمين المنطقة بشكل كامل وتمشيط كتيبة من المهندسين للمنطقة حتي لا يكون هنالك الغام أرضية مزروعة وبعدها بدأ التمشيط يتعدي أبوكرشولا إلى المناطق المحيطة بها حيث تجري عمليات مطاردة للقوات المنسحبة التي تحاول الدخول لمناطق في دارفور بالقرب من وادي هور.


ردود على صلاح ميرغني
United States [جيفارا الثائر] 05-29-2013 11:56 PM
اول مرة يا صلاح ميرغني اعرف انه في طريق من ابو كرشولا الى بابنوسةوبليلة..!!!

[خالد ابكر] 05-29-2013 06:59 PM
يا ابو الدليب وادي هور دي بالقرب من الحدود الليبية التشادية وابو كرشولا ووين ياكذاب يا منافق .

United States [ابو ايمن ودالضو] 05-29-2013 04:31 PM
شنو ياود ميرغنى! انت حاسبنا قبور ولاشنو؟؟ داهيه تاخدك وتاخد سواترك والغامك وضرب طيرانك!! يازول انت قايلها حرب اكتوبر ولاشنو ؟؟ اها كان رجال امشوا كاودا وخليكم متوضيين والرجال القالوابصلوا فيها خليهم يؤموكم وتعال اكتب لى وانا بكتب ليك....

European Union [المشتهى السخينه] 05-29-2013 02:16 PM
انسحبت قوات الجبهة الثورية واصدرت بيان قبل يوم تم توزيعه ..اما معركتم المتوهمه وغطاء الطيران اعتقدنا انها حرب حزيران يونيو 67مع اسرائيل .. ياصلاح يااسلامى .. طبعااسلامى دى شتيمه .. قوات الجبهة حركوا لاندكرورزات كانت مملوكه لجيش البشير ومشوا .. بعدين صلاة الشكر دى صليتوا لوحدكم ؟ ام كانت الملائكة معكم ؟ وصليتو كم ركعه ؟

United States [Ali] 05-29-2013 01:42 PM
يعنى بعد الفلم الامريكى والاكشن دا كلو اعترفت فى نهاية قصتك بان قوات الجبهة الثورية انسحبت ......المرة الجاية اظبت الدليبة

European Union [TIGERSHARK] 05-29-2013 01:11 PM
اليوم وعلي المسرح القومي بامدرمان نقدم لكم مسرحيه (ابوكرشولا الحلو زولا) يبدا العرض في تمام الساعه السابعه(صباح او مساء...علي كيفك) والدخول مجان..ممنوع اصطحاب الاطفال.!!

United States [ود الريس] 05-29-2013 12:24 PM
أقترح عليك ياصلاح وأن تترك كتيبة الجراد الإلكتروني

وأن تبدأ بكتابة أفلام حربية (خيال غير علمي) بطولة اللمبي

وممكن برضوا تكتب السيناريو بس أبعد عن الإخراج لأن الإخراج سيكون سيىء جداً

أسوأ من إخراج حشد الإحتفال بتحرير أبو كرشولا

كسرة ثابتة:

أخبار القناة الفضائية المعارضة شنو ووو ووو


#680993 [عقل]
4.86/5 (8 صوت)

05-29-2013 09:56 AM
اقسم بالله ثلاث لقد انسحبت الجبهة من اب كرشولة قبل ايام من دخول الجيش


#680976 [ابووليد]
5.00/5 (4 صوت)

05-29-2013 09:50 AM
اقول لمن يطالبون بتمديد ترشيح البشير لفترة اخري اعيدو النظر مرة اخري لهذا الخطاب هل يستحق هذا الرجل ان يحكمنا حتي عاموالله لن يكون للسودان وجودهذا الرجل فاقد للاهلية بالكامل ‏


#680970 [تان]
5.00/5 (1 صوت)

05-29-2013 09:48 AM
السيد البشير وأعوانه عودونا دائما علي الأندفاع والضجيج والتهديد الأجوف في ملتقياتهم الكيزانيه النتنه تجده يهزئ ويعوي كأنه في حلقة زار وبعد أن ينفض جمعهم وفي اليوم التالي يهرول أعوانه الي أثيوبيا للتفاوض والأنبطاح للغرب خوفا من بطشهم به وتقديمه لمحكمة لاهاي وهي كما وضح لنا كرت ضغط لينفذ مايطلبه الغرب .. لذلك حديثه الأن ولاحقا عباره عن هواء خارج من حلقومه فقط


#680947 [لاهاى]
5.00/5 (2 صوت)

05-29-2013 09:36 AM
عايزين نشوف صور للجيش السودانى من داخل ابو كرشولا ان كانو صادقين.


#680932 [شوك كتاد]
5.00/5 (5 صوت)

05-29-2013 09:32 AM
انسحبت قوات الجبهة الثورية من ابو كرشولا او طردت الامر سيان.هذه حرب عبثية يدفع ثمنها الشعب السودانى.

الحلول كما نرى:-
1- ان يوقف الرئيس اى خطبة مرتجلة حتى لا تحسب عليه
2- توحيد حركات دارفور كيانا وهدفا ورئيسا
3- تفعيل بروتوكول نافع/ عقار
4- جلوس كل الوان الطيف السياسي ووضع دستور يعتمد على المواطنةبغض النظر عن اللون او الجنس او الدين
5- فترة انتقالية تتبعها انتخابات حرة ونزيهة برعاية اممية


ردود على شوك كتاد
United States [saad] 05-29-2013 05:28 PM
الكلمه كداد ما كتاد ماسمعت بأسد الكداك ولا شنو؟

United States [دليل] 05-29-2013 12:47 PM
لابد من حل سلمى وان طال النزاع


#680923 [عبده]
5.00/5 (2 صوت)

05-29-2013 09:29 AM
لو كان ما قاله مخطط له من قبل فتلك مصيبة لانه تخطيط نحو السير في الطريق الخطأ اما إذا كان وليد لحظة فتلك مصيبة أكبر ، و لكن قد يوجد تحليل ثالث و هو في الغالب أنه صحيح و ذلك كون أن هذا التصريح لإشعال هماسة هذا الشعب المضلل في لا شئ و لكن هيهات فقد هجم النمر هجم النمر ، أم ترى انه لا يتذكر ذلك الدرس في مقرر المطالعة في المرحلة الاولية ؟؟؟


#680883 [mansour]
5.00/5 (1 صوت)

05-29-2013 09:08 AM
نتفرج


#680869 [mada1966]
5.00/5 (2 صوت)

05-29-2013 09:04 AM
كﻻم البشير .ينتهي العزاء بمراسم الدفن
ودي هوشه عساكر من الطبيعي.
ان يفعل البشير ذالك .
حسب نفسيات السودانيون .
وهاذه الكﻻم لبقا اطالت الكيزان.
وسوفاء يمر نفط الجنوب وسوفا يتفاوض.
مع الجبها الثوريه وسوفا يتفاوض.
مع الحركه الشعبيه قطاع الشمال.
وماغريب علي الشعب كﻻم البشير.
علي الطﻻق والله وحرم
داطلع كﻻم طير في باقير
والشعب المسكين الفقيرالمغلوب
علي امره.بفل السياسه الهوجاء
والشعرات المضلله طيلت 24 عاما.


#680861 [احد ضحايا الالغاذ]
5.00/5 (3 صوت)

05-29-2013 08:58 AM
المفاجات الجايات اكثر من الرايحات ياكيزان يا بلطجية


#680848 [Fato]
5.00/5 (3 صوت)

05-29-2013 08:52 AM
رجعت تانى عشان أسأل الأخوة بالراكوبة صورة بشبش دى مالها كده,بالع ليمونة ولا قايم من النوم وماخد ليه شوية هرشة من ودوده.


#680844 [Fato]
5.00/5 (1 صوت)

05-29-2013 08:49 AM
ماذا تتوقعون على من أرضع كذبا ولم يكن لبنا.أنه قد كتب عندالله كذابا والله أعلم.


#680816 [تفاحة]
5.00/5 (3 صوت)

05-29-2013 08:19 AM
ياجماعة لما اشوف رواساء الدول التانية اعرف الورطة النحن فيها شوفوا كيف الروساء من اتذان وموضوعية ونقاش هادي رصين وخطب لها معاني مش زي البشير كواريك وهرجلة وكلام لا معروف راسه من قعره وحلفان بالطلاق ( بالمناسبة كم مرة حلق بالطلاق واتراجع الطلاقانة منو وداد ولا التانية النسينا اسمها ممكن يسال عبدالحي يوسف بلقي ليه مخرج) وكمان دخل حاجة جديدة الرقيص العمرنا ما سمعنا بيه ولا شفانه وجد ياجماعة لو قلتوا لي السودان ماله ادهور كده واي زول عايز يهرب منه اقول ليكم شوفوا حاكمكم منو.


#680814 [Abu]
5.00/5 (1 صوت)

05-29-2013 08:17 AM
I do wonder, and after all these years; why do we have to listen to this “IDIOT”? and all the nonsense pesky which he keeps saying? All the garbage which surrounds him, none of them have summoning to silence him so we could eschew all this! Pathogen has infected that land for so long; that sure no cure is expected in the very near future, and we keep still listening to this dimwit!!!


#680811 [osama dai elnaiem]
5.00/5 (1 صوت)

05-29-2013 08:15 AM
نظرات البشير لا تتوحي الا بالياس والقنوط وغلبة الرجال والزمان وحال لا يسر عليه وهذه ارادة الله جزاء علي ( التنمر) و( الفرعنة) التي ابتدعها البشير في حكم عباد الله وبدلا من مسح ( عرق) الفاخورة بعد اطلاق التهديد والوعيد كان من الافضل الحديث كرجل دولة مسؤول يطيب الخواطر ويفتح المنافذ لحل جميع المشاكل مع ايا كان من السودانيين الصامتون قهرا واحتسابا عند الله والملبون لدعواتك السابقة لهم بحمل السلاح وايقاف هذه( الرجة والرجفة) في خطاب الحكم السوداني الذي تتناقله اصقاع الدنيا شماته وتندرا برئيس يطلق القول علي عواهنة كما( الفسو)!


#680804 [ود الجمري]
5.00/5 (1 صوت)

05-29-2013 08:03 AM
إنها السياسة يا اخوان والكل يعلم انها اقذر لعبة وان ما يقال ليس هو ما يريدة السياسي بالضبط وينبغي ان لا يسمعه او يفهمه المواطن العادي كما يقال لكن لا تكونوا بسطاء ..لأن اول ما يتخلي عنه السياسي هو انسانيته؟؟؟


#680792 [واحد مسطول ثائر]
5.00/5 (2 صوت)

05-29-2013 07:45 AM
يا اخوانا هلي تذكرون ضجة هجليج.. كانت اكذوبة ضحك منها الشعب فيما بعد.. وكون الجبهة الثورية استطاعت دخول ابو كرشولا والبقاء والصمود فيها 31 يوما.. فان دخول القوات والميلشيات الحكومية اليها لايعني شيئا.. فقد حققت الجبهة الثورية اهدافها باجتياح ام روابة ودخول اب كرشولا.. فمن جهة استطاعت الجبهة خلق حالة جديدة من التمرد الساخط علي النظام وابلغ دليل علي ذلك تظاهر المواطنين في ام روابة وطرد الوالي وتحطيم سيارته وحرق مقار حكومية اهمها مقر رئاسة المحلية.. ومن جهة ثانية فان المعارك العسكرية الاخيرة في شمال كردفان وضعت النظام في حالة دفاع مستميت علي نفسه حتي انه لايزال يعمل علي وضع مزيد من المساحيق علي وجهه واستخدام كل الياته الاعلامية لاثبات ان دخوله اب كرشولا يشكل نصرا جديدا يمد في عمره الذي بدأ يتناقص.. وفمن جهة ثالثة فان حالة الفتور الشعبي في التفاعل مع الاحداث الاخيرة سوأ احتلال او تحرير اب كرشولا.. حسب زعم النظام.. اظهر ان المؤتمر الوطني بات يخوض حروبه لوحده وان اضعف من الصمود طويلا في وجه ضربات الجبهة الثورية وحركات الاحتجاج التي انتظمت الكثير من مدن السودان للمطالبة بالحقوق الاساسية واسقاط النظام.. الجماعة بقوا فطايس خلاص والبقاء انو الشعب يشيل الفطيسة دي ويرميها في خلاء التاريخ الفسيح حيث المذابل (المعتبرة).. عاش نضال الشعب


#680777 [koko]
5.00/5 (2 صوت)

05-29-2013 07:04 AM
يااخوة معقول لا يوجد بالسودان حكماء نحن نؤيد ظهور اجاويد وحكماء يحلو مشاكل السودان وانا برى ان حكماء السودان موجودين ويمكن حل كل المشاكل كما يجب لناس المؤتمر والجبهة مراجعة انفسهم والى هنا نقول كفى


#680765 [mohamed Ahmed]
5.00/5 (4 صوت)

05-29-2013 06:11 AM
الحبيب عماد انالحكومة لم تستعد أبوكرشولا بل وجدتها خاليه بعد انسحاب قوات الجبهة الثوريه فكفي الشعب السوداني تضليلا


#680759 [من المركز]
4.50/5 (4 صوت)

05-29-2013 05:50 AM
لن تجدي كل التصريحات مهما كان الهدف منها ولن يجدي التحليل لان للاسف الوضع غير مبشر نحن لسنا مع رفع السلاح ولا التقاتل بين السودانين. لكن الحلل ليس في انتظار بشير الشؤم واصحابه بان يطلقوا الحريات التي وهبنا لها رب العزة وهم قفلوا كل ابواب الحريات باسم التوجه الاسلامي علي حسب فهمهم الضيق للاسلام. لن يكون هناك سودان او تقدم او توجه حضاري من غير اطلاق الحريات كامله وقفل باب الفساد الذي خلقوه مايسمون انفسهم بالاسلاميين وهم يلبسون ثوب الوقار وما يخدعون الا انفسهم. بس للاسف الثمن كان غاليا وما زال الشعب في السودانين سيدفعون الكثير نسال الله اللطف ودعوتنا دائما الا لعنة الله علي الظالمين


ردود على من المركز
United States [غربة وحرقة] 05-29-2013 09:42 AM
دي حقيقة واضيف لي كلامك نبذ العنصرية والقبلية دي اصلا اذا ماانتهت السودان ماحايتقدم شبر حتى لو ذهبت الانقاذ بل سيزداد الامر سوء لو كان لي سلطة في السودان لكرست كل ميزانية وزارة الدفاع لمحاربة هذا الداء العضال الذي لامحل هالكنا ان ظللنا نؤسس له كما هو الحال الان اخيرا نقول اللهم الطف بشعب السودان


#680757 [هدهد]
5.00/5 (8 صوت)

05-29-2013 05:38 AM
تصريحات البشير ليست غريبة ولا مستغربة وهى نتيجة لحظات حماسية وانفعالات وجدانية لا تخدم السياسة بشيىء . البشير أقسم وحلف الا تتدخل قوات اممية السودان ودخلتها . البشير أقسم وحلف ألا يكون هنتالك حرب فى دارفور بعد زعمه انه قضى على الحركات المسلحة وهاهى الان تحارب بجسارة وقوة اكثر من الاول . البشير يقسم بالليل ويتراجع بالنهار فكلامه لا يؤخذ به وتصريحاته عبارة عن ( ظراط حمير ) كما يقولون .


ردود على هدهد
United States [ود الجمري] 05-29-2013 08:14 AM
يا هدهد إنها السياسة وهي كما نعلم اقذر لعبة والكل يعلم ان اول ما يتخلي عنه السياسي هو ( إنسانيته) وليس كل يقوله السياسي هو الحقيقة او يشير الي توجه جهة ما... الرئيس يرتدي لبس عسكري ويتحدث عن حدث عسكري شئ طبيعي يقول هذا الكلام وفي نفس الوقت تجد الساسة يتحدثون بصورة اخري يا اخوان لا تكونوا بسطاء وتنفعلوا مع كلام ساسة او عسكريين


#680753 [الممغوص]
5.00/5 (3 صوت)

05-29-2013 05:27 AM
مهرجل والله مهرجل.ما بيعرف الانضباط ابدا.ياخي احترم سنك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة