الأخبار
أخبار إقليمية
مقترح بتعديل ومعالجة المواقف بولاية الخرطوم
مقترح بتعديل ومعالجة المواقف بولاية الخرطوم



05-29-2013 06:51 AM

الخرطوم: smc

أعلنت لجنة مراجعة التقييم والتعديل عن تقديم مقترح لتعديل ومعالجة المواقف بولاية الخرطوم يرفع إلى مجلس وزراء حكومة الولاية بعد أن وقفت اللجنة ميدانياً على الوضع بمواقف الاستاد وشروني والسكة حديد.
وطالب المهندس صديق محمد علي الشيخ نائب والي الخرطوم وزير المالية والاقتصاد وشؤون المستهلك خلال اجتماعه بلجنة مراجعة التقييم والتعديل بالإسراع في تقديم الخدمات الضرورية والتهيئة البيئية بموقف شروني وزيادة عدد البصات الدائرية داخل الولاية، مشدداً على ضرورة الإسراع بمعالجة قضايا المواقف والبصات الدائرية التي تعمل على نقل المواطنين من موقف الاستاد والسكة حديد وشروني وفك الاختناقات المرورية في الطرق الرئيسية.
حيث أمن الاجتماع على أهمية الإرشاد والإعلام الداخلي بموقف شروني للمواطنين، مشددة على ضرورة تواجد وسائل النقل والمواصلات في المواقف ومعالجة الاخفاقات التي صاحبت تحويل المواقف.

السوداني


تعليقات 7 | إهداء 0 | زيارات 2206

التعليقات
#681950 [جلطة]
0.00/5 (0 صوت)

05-29-2013 08:47 PM
هو طبعا فكرة القطارات دي تعتبر الحل الجزري للمعطلة دي لكن ممكن تبقي ؟ ابدا ببساطة لانها حتخرب بيوت ناس استسماراتم قايمة علي الاختناق ده. وبما انو منطقة وسط الخرطوم تعتبر منطقة تجارية في المقام الأول وبما انو التجارة الحقيقية فيها محتاجة لروئوس اموال ضخمة (لااتحدث عن تجارة الرصيف) وبما انو الاموال محتكرة لناس بعينم يبقي كل جديد لابد يمر بيهم اولا . وفي الغالب هم اصحاب القرار في المؤسسات الحكومية اومن المؤسرين في اتخاذ القرار . وبالتالي كل الخطط يجب ان لاتضر بمصالحهم ويصدف انها خطط مابتشكل حلول بالنسبة لينا (الشعب المقهور). علي العموم حل ازمة المواصلات هم عندهم ليها الحل لوعايزين يحلوها بكرة بحلوها لكن حيكونو كيزان كيف لوحلوها .
نتوكل علي الله ونقدم ليكم بعض الأقتراحات . مثلا مافي اي موقف في وسط الخرطوم اذا الحافلة اوالبص داخل من الخرطوم من كبري ادرمان يعبر مباشرة الي سوبا مثلا . الكاكلة اللفة الكدرو مرورا بوسط الخرطوم وهكذا ده واحد . بعض المؤسسات الحكومية بتشكل عائق حقيقي امرقوها في الأطراف مثلا الضرائب والقضائية
وأخذ ادارة الجمارك بالتحديد مستعمرة ليها شارعين كان ممكن يكونن منفذ للعربات مع الزحام الزائد اليوميين ديل مع ملاحظة انو اغلب الموسسات الحكومية عندها ترحيل فمافارقة معاهم لوودهم جبل اوليا ولا الكدرو ولا سوق ليبيا اهو تحسسو سكان الأطراف بالاهتمام وكدة والجمارك تتصرف في المبني حقها انشاءاللة تقلبو فندق اهو واقع في منطقة كلها فنادق . عودة الدفارات مرة تانية بدل قعدتم اليوم كلو في السجانة وغيرها عشان في اليوم يرفع ليهو مشوار ولا مشوارين سيخ واسمنت ويحاول يعوض يومو ينتقم من سيد البضاعة يرفعا ليهو بنص سعر البضاعة الاشتراها . اها يرجعو لخدمة نقل المواطنيين مرة تانية خاصة انها مشهورة بالسرعة؟ جهات مفروض انها تعمل بدوام اربعة وعشرين ساعة وهي مرتبطة باجرائات المواطنيين السجل الدني والجوازات والهجرة والاراضي والمحاكم والتوثيق والقبول العام وغيرها . اخيرا للمرطبيين اصاحاب السيارات الخاصة الفاره في حاجة اسما فضل الظهر باالله رجائا لوشفتونانص النهار ومواصلات مافي والشمس منجضانا ارفعونا معاكم . اي نعم نحنا بالنسبة ليكم بكتريا ضارة لكن بعد ماننزل عقمو عرباتكم بمبيد ضد الفقر ؟وشكرا


#681475 [حزين جداً]
0.00/5 (0 صوت)

05-29-2013 02:48 PM
بدون لف ودوران كل ما يجري الآن من مواقف علط في غلط . وربما لمصالح شخصيات معينة . وهذا ما يضر بالمواطن الأغبش الكادح . وبهدلة لأمهاتنا وأخواتنا والبحث عن مركبة في عز الهجير ولفحات الشمس الحارقة اللاذعة . إتقوا الله في المواطن السوداني المغلوب على أمره .
* أولاً تدمير السكة الحديد بهذا الحال وتغييرها لمواقف شئ بالجد يضحك .
الحل : إعادة السكة الحديد لما كانت عليه أولاً . وفي الدول المتقدمة السكة الحديد تساعد في الحل الجذري لمواصلات المواطن وتساعد في راحته . وليس في معاناته وزيادة شقاوته .
* نقل كل المواصلات لغابة السنط . نعم لغابة السنط وتقسيمها تقسيم عادل للمدن الثلاث . والإستثمار يجب أن يكون لمصلحة المواطن ويصب في خزينة الدولة وبإيصالات . يجب أن تكون كل المحلات التجارية لمصلحة المواطن فقط وليس لشخص بعينه .
* ربط غبة السنط بمواصلات راقية منظمة وحتي المحطة الوسطي ...كما يحصل بالمطارات العالمية . ومجاناً لمصلحة المواطن المغلوب على أمره .
* والسؤال متي تخدمنا هذه الدولة . وكل شئ محسوب وبالفلوس .التعليم + العلاج ... اين خدماتنا ؟؟؟
* أرجو إبعاد جميع التجار من مواقف المواطنين .
* أرجو النظر وبصورة جادة في تطوير السكة الحديد وبطريقة متطورة وراقية . راحة ...جلوس مريح ..تكييف ..خدمات .
وأتمني للسودان التقدم ...وما يهمنا هو راحة الشعب السوداني المظلوم . والمظلوم جداً وليس شقاوته وتعبه أما نستحي من دول الخليج والتي قفزت بالزانة وتركتنا نجر في أذيالنا أزيال الخيبة وعيب الشؤم . كل مسئول بالحكومة وحلف قسم ، نسأله أمام الله ويوم الوقف العظيم ماذا قدم لنا وماذا سرق ونهب منا ؟؟؟؟.


#681366 [سانتو]
0.00/5 (0 صوت)

05-29-2013 01:13 PM
الفكرة انهم ناس تجار والموقف فيهو دكاين والقطعة الاتعمل فيهو الموقف استثمار لواحد منهم فلذالك لا تحلمو بافضل طالما هناك مصالح تجارية لهم
لكم الله


#681332 [قلام]
1.00/5 (1 صوت)

05-29-2013 12:50 PM
الحل وااااضح الغوا موقف شروني الغبي و اعيدوا مواصلات بحري و جبل اولياء للاستاد


#681037 [نزار مهدي]
0.00/5 (0 صوت)

05-29-2013 10:12 AM
يعنى اللفة الطويلة ده كلووووووووها مالقيتو منها الا تقولوا الغلط بس انو مافى بيئة بينية فى موقف شرونى ؟ يعنى لا لقيتوا غلط ولا الفنان العبقرى الفكر فى الموضوع طلع غلطان ولا حاجة !! ولا انو كان مافى تخطيط من اساسو والمفروض يلغوا شرونى وكده او حتى تلومووو بالخشم ساى كده زول واحد ! . المختصر المفيد يا ناس السودان خموا وصروا الناس ديل لاهماهم تعبكم وجريكم فى الشمس ولا اخطائهم المتكررة الغبية وبرضو بيصروا عليها لكن انتو الغلطانيين لكن كانوا شافوا منكم حمرة عين ما كانوا لعبوا بيكم كده ودقلوا بيكم يا شعبا ماتت ثوريتك


#680836 [ِAli Algarabandi]
5.00/5 (1 صوت)

05-29-2013 08:42 AM
جس بعد الضبح



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة