الأخبار
أخبار إقليمية
إتحاد طلاب جنوب السودان بجمهورية مصر العربية : بيان حول أحداث جامعة القاهرة
إتحاد طلاب جنوب السودان بجمهورية مصر العربية : بيان حول أحداث جامعة القاهرة



05-29-2013 07:05 AM
بيان مهم للرأي العام
من الإتحاد العام لطلاب جنوب السودان بمصر حول أحداث جامعة القاهرة
شهدت المدينة الجامعة لطالبات جامعة القاهرة بالجيزة يومي الجمعة 24 مايو والإثنين 27 مايو 2013م أحداث مؤسفة تمثلت في إعتداءات عنصرية على طالبات من جمهورية جنوب السودان من قبل بعض الطالبات من جمهورية مصر العربية، ويود الإتحاد العام لطلاب جنوب السودان بجمهورية مصر العربية أن يوضح الحقائق التالية :
• في يوم الجمعة الموافق 24 مايو 2013 دخلت إحدى الطالبات من دولة مالي في نوبة (صرعة) فهرعت زميلاتها لإنقاذها وقامت طالبة مصرية بتصوير المشهد عبر الموبايل فتدخلت طالبة من جنوب السودان وطلبت منها وقف التصوير، إلا أن الطالبة المصرية رفضت ووجهت إساءات عنصرية وإلفاظ أخرى غير محترمة للطالبة من جنوب السودان مما أدى الى حدوث مشاجرة إنتهت بإخراج إثنين من طالبات جنوب السودان من المدينة الجامعية بعد حضور ممثلين لسفارة جنوب السودان بالقاهرة.
• وفي يوم الإثنين الموافق 27 مايو 2013 وصل وفد من السفارة الى الجامعة مع الطالبات وأتحاد الطلاب في محاولة لحل الأزمة، وفوجئ الوفد بإدخالهم في قاعة إحتشد فيها عدد كبير من الطالبات المصريات وسط هتافات ضد الطالبات الجنوب سودانيات، وطلب من الطالبات الإعتذار أمام هذا الجمع الأمر الذي رفضه الوفد، وتكرر الإعتداء على الطالبات ووفد السفارة من بعض الطالبات المصريات اللاتي طالبن بإخراج طالبات جنوب السودان من المدينة الجامعية وتمت محاصرتهن داخل سكنهن والإعتداء عليهن بالضرب والألفاظ العنصرية والنابية.
من ما سبق يعلن الإتحاد العام لطلاب جنوب السودان بجمهورية مصر العربية الآتي :
• إدانة وإستنكار الإعتداءات العنصرية على منسوبيه من طالبات جنوب السودان في المدينة الجامعية لجامعة القاهرة.
• مطالبة إدارة المدينة الجامعية بإجراء تحقيق عادل وشفاف.
• تحميل السلطات المصرية مسؤولية الحفاظ على أرواح طلاب جنوب السودان.
• الإشادة بموقف سفارة جمهورية جنوب السودان بالقاهرة ودعوتها لمواصلة جهودها للحفاظ على حقوق طلابها.
• الإشادة بموقف السلطات الأمنية المصرية وإتحاد طلاب جامعة القاهرة.
إتحاد طلاب جنوب السودان بجمهورية مصر العربية
الثلاثاء الموافق 28 مايو 2013


تعليقات 13 | إهداء 0 | زيارات 9725

التعليقات
#681824 [حسن سليمان]
5.00/5 (5 صوت)

05-29-2013 06:25 PM
اعملوا حسابكم يا حلب هوي ،، لا تصدقوا الكيزان وكذبة الدولتين ،، ديل اولاد وبنات قرنق اعز علينا من انفسنا


#681802 [ناجي]
5.00/5 (4 صوت)

05-29-2013 06:13 PM
والله يا اولاد بمبا جون قرنق عمل فيكم عملية لايعلم بها غير الله فقس ليكم اولاد في الشمال والجنوب الحقارة ببلعوها ليكم ناشف ،، نصيحة لوجه الله اعملوا حسابكم من واحد اسمه باقان اموم لو قبل عليكم يخلي ريحتكم كيزان كيزان وكان زودوها والله الموية ببيعه ليكم بالجالون


#681736 [ابراهيم]
1.00/5 (1 صوت)

05-29-2013 05:20 PM
يااخونا استهدوا بالله وتزكروا كلنا اخوان والبمس الشعب الجنوبي بيمسنا وزي مابنقول مافي جنوب بد ون شمال ومافي شمال بدون جنوب كلنا ايكوان


#681479 [ابوكباس]
5.00/5 (3 صوت)

05-29-2013 02:51 PM
اناذاتى ما كنت مصدق بناتنا ديل فاضيات لينا من التجلبط بالكريمات وبلع حبوب التسمين اتاريهم ديل بنات الجنوب عفيت منكم ترا الانفصال جاب نتيجة


ردود على ابوكباس
United States [صابر] 05-29-2013 06:26 PM
ياخي موقف شجاع من تحاد طلاب دولةجنوب السودان وشكرأ لتقدير السفارة ولوقف مع المواطن الجنوبي في مشاكله خارج الوطن.
مازي سفارات السودان بالخارج بس همهم جمع المال ورسيل الحاويات الملانه.


#681308 [لؤي العبيد]
0.00/5 (0 صوت)

05-29-2013 12:34 PM
راكوبة يا راكوبة يا

نقلها كله تلفيق لأن كتابها كلهم يساريين ونسأل الله أن يعطيهم كتابهم بسارهم إلا من تاب

نقل الخبر على أنهم من السودان وكان المغزى هو طلب السفير


ردود على لؤي العبيد
[نصر الدين] 05-29-2013 06:03 PM
يا لؤي عليك الله البلد دي فيها رجال غير ناس عرمان والحلو ،، ماياهم تربية اليسار كان هم كان ابوهم قرنق


#681276 [ابو محمد]
5.00/5 (3 صوت)

05-29-2013 12:21 PM
والله كبرتم ايها الجنونيون فى نظرى شوف موفق سفارة جمهورية جنوب السودان وموفق حكومتنا من ىاحتلال حلايب وميدان مصطفى محمود والطبيبة السودانية بالله قارن بين الموقفين وايهما يستحق بأن تكون دولة


#681275 [ارنب]
5.00/5 (4 صوت)

05-29-2013 12:20 PM
يعني انا دمي فاير لي ثﻻثة ايام بشتم في الرقاصات بنات الهرمة .القضية خاصة ببنات دولة اجنبية ..يعني كانت معركة في غير معترك .بالله ناس الركوبة تحروا الدقة حتي ﻻ تطيعوا مجهودنا الحربي في مواضيع ما بنخصنا .بنات جنوب السودان بتحرقوا بجاز و معاهم سلفا كير و البومة بقوم امان .احنا مالنا و مال بنات جنوب السودان .يعني لو في بنات من بوركينافاسو حصلت ليهم مشكلة في مصر نقوم نحنا ندافع عنهم ..والله حاجة عجيبة


ردود على ارنب
United States [زياد من مصر] 05-29-2013 04:05 PM
مجهودكم الحربي ، يا عم اتنيل ، خدوا نص البلد و كل الثروات النفطية و بتتكلم عن الراقصات و مجهودكم الحربي ، والله العظيم كلام في كلام انتم السودانيين وﻻ تقدروا تعملوا أى حاجة في الدنيا

شعوب ألقت نفسها في النار من أجل الحرية والكرامة و انتم تدفعوا كل اللى معاكو عشان قعدة في حتة ضلة بعيد عن الشمس

ياعم خليك مرتاح ، نص بلدك راح

United States [abo celine] 05-29-2013 03:08 PM
يا ارنب لمعلوميتك المصرين لى الان لم يفهمو باننا بقينا شعبين المصرى فى الشارع لا يفرز بين الشمالى والجنوبى فقط دا سودانى والله العظيم انا شمالى ولم اجد جنوبى يرضى الاهانه لى السودانى وثانى شى المصرين ليسى كلهم سيين ولعن الله العنصريه دا شنو شمالى وجنوبى وغرابى والبلد ماشه على الصومله اتقو الله ياحكومة السجم ويامعارضة القرف ويا صحافة الفتن


#681064 [شوك كتاد]
5.00/5 (2 صوت)

05-29-2013 10:24 AM
والله يا اولادى ضحكت منكثرة ما كتب .


#680941 [ابو ايمن ودالضو]
5.00/5 (1 صوت)

05-29-2013 09:34 AM
ياايها الاحباب بقينا اى كلام ومن امس نفشنا ريشناوبرمنا الشنب وقلنا اهو بناتنا رفعن راسنا وناس اعلامنا مااصدقوا اى كلام هايف وصايع اركبوا عليهو وعناوين بارزه لزوم البيع!!! والقضيه مش بنات مهيره هى لبنات من دولة ج السودان المجاوره للسودان من ناحية الجنوب وكلو جنوب فى جنوب ؛؛؛ ونحن الدوله الاوجدت شمال بدون جنوب ؛؛ وبالمناسبه وين العشرين جامعه الفى البلد؟؟؟؟


ردود على ابو ايمن ودالضو
[nagatabuzaid] 05-29-2013 01:47 PM
وكونهن من جنوب السودان هل هذا يعنى ان لا ندافع عنهن اونعجب ببسالتهن انهن بناتنا وسيكونن بناتنا مهما كانت نظرة البعض الضيقة


#680919 [سايكو]
5.00/5 (4 صوت)

05-29-2013 09:27 AM
بنات الجنوب اخواتنا برضو و عفينا منهم خليهم يربوا الرقاصات المصريات ديل عشأن تاني ما يتطاولوا علي بناتنا في الجنوب و لا الشمال و الجنوبيين اخوانا و قريب انشأء الله نرجع بلد واحد .


#680876 [واحد]
5.00/5 (3 صوت)

05-29-2013 09:07 AM
اهو ده الكلام 100% يا جنوب السودان خلو جماعة مرسي يعرفو حدودهم


#680820 [ياسر محمد طيب الاسماء]
0.00/5 (0 صوت)

05-29-2013 08:25 AM
بسم الله الرحمن الرحيم
تنوية ارجو عدم الخلط بين طالبات من جمهورة جنوب السودان وبين طالبات من جنوب السودان كل دولة لها طالبات مختلفات وكذلك سفارات .


ردود على ياسر محمد طيب الاسماء
[ناجي] 05-29-2013 06:19 PM
الله يكسرك يا اوسخ الاسماء والظاهر عليك من اتباع القواد الطيب مصطفى

[nagatabuzaid] 05-29-2013 02:04 PM
نخلط وسنخلط وسيكون مخلوط دائما بنات جنوب السودان بناتنا والدولة واحدة وستعود بعد زوال حكمكم ومعكم سلفاكير وحتى ان لم تعد رغم انك تحمل اسم اسرة لا اظنك منها قد تكون تشابه اسماء او قد تكون من الرماد الذى تلده النار اما السفارات نعم مختلفات لانه ان كانت سفارة دولتنا سفارة الامنجية البلطجية ما كانوا سيمتنعون ويمنعون الطالبات عن الاعتذار كما فعلت سفارة دولة الجنوب كانوا ناس سفارتنا اعتذروا وركعوا ولحسوا جزم المصريات اتحداك قل غير كده اليست سقارة بلدنا هى التى تسببت فى وفاة د رحاب بتخاذلها وضعفها وشطارتها فى بيع ممتلكات السودان ومطاردة السودانيين وخطفهم وتحريض الامن المصرى عليهم وترك بعض السودانيات الساقطات الداعرات يعشن مع الخواجات فى الشقق الفاخرة تحت سمع وبصر ومباركة سفارتنا الفاشلة وما بعيد يكونوا يلبوا دعوات السهر والله فخر لجنوب السودان سفارتها وعار علينا سفارتنا ياياسر ولا اريد ان اكمل بقية اسمك لانه اسم كبير لا تستحقه ولا اصدق ان يكون لهذه الاسرة الكريمة جدادة لنافع وارجو ان يكون تشابه اسماء فقط وعشمى فيه سبحانه ان لاتكون هذه الاسرة تلوثت يللا اجرى القط الحب مبروك عليك سفارة جمهورية السودان العربية الما افريقية الرئيسها كان قبل ايام يتحزلق للافارقة ويسترضاهم وينافقهم سجم


#680803 [محمد]
5.00/5 (5 صوت)

05-29-2013 08:01 AM
والله انا فاكرهم من شمال السودان لكن برضو الدم واحد لو فصلتنا السياسة ما يفصلنا التاريخ


ردود على محمد
[ناجي] 05-29-2013 06:16 PM
الحقد عندكم يا علي والحياكل باقي السودان كان ما لحقوا ناس ياسر عرمان

United States [dfhdfgh] 05-29-2013 02:50 PM
علي انت كوز حقير

[nagatabuzaid] 05-29-2013 02:05 PM
جدع يا محمد يمين انت راجل ابن راجل

United States [علي ابو ضراع] 05-29-2013 12:13 PM
تاريخ شنو تاريخ الدم والحقد الاعمي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة