الأخبار
أخبار إقليمية
دعوه الي بدء الاعتصامات و المسيرات السلميه من اليوم29-05-2013 و حتي اسقاط النظام
دعوه الي بدء الاعتصامات و المسيرات السلميه من اليوم29-05-2013 و حتي اسقاط النظام
   دعوه الي بدء الاعتصامات و المسيرات السلميه من اليوم29-05-2013 و حتي اسقاط النظام


05-29-2013 07:07 AM
بسم الله الرحمن الرحيم



ايها الشعب السوداني الصابر

دعوه الي بدء الاعتصامات و المسيرات السلميه من اليوم29-05-2013 و حتي اسقاط النظام



فشلت الانقاذ خلال 24 سنه الماضيه بالايفاء بواجباتها تجاه الوطن و لم تحافظ علي وحدة اراضيه ولا سلامة مواطنه و مكتسباته .

التدهور الاقتصادي و الحروب الداخليه و الفساد الخلقي و المالي من قبل اركان النظام بداية من راس الدوله (العميد عمر البشير).

الذي حول ما تبقي من السودان الي اقطاعيه عاثوا فيها فسادا هو واركان دولته المشئومه من نهب لموارد الدوله و تدمير
للتعليم و القطاع الصحي و الاقتصادي و زرع النعرات بين مكونات الشعب السوداني و هدم النسيج الاجتماعي و تهجير الشباب و تشريد مئات الالوف من من مصادر رزقهم و التسبب في عزلة السودان دوليا واستباحة الاعراض و ارتكاب جرائم حرب في دارقور و جبال النوبه وقتل الابرياء من ابناء المناصير و العمل علي فصل اقاليم جديده من السودان لضمان بقائهم في السلطه.




ايها الشعب السوداني


النظام في اوهن حالاته و هو يحاول رسم بطولات زائفه يخفي بها ضعفه وهشاشة عصبته الامنيه من خلال الهزائم المتكرره له في كردفان ومحاولا استدرار العطف الشعبي من خلال الاعلام بعد مهزلة ابوكرشولا وهو يعرف تماما انه دخل المدينه بعد انسحاب الجبهه الثوريه .

ان مستقبل السودان بين يديكم انتم و تلك الاسطوانه المشروخه التي بثها منتفعي النظام بين الناس اتي تتحدث عن البديل .ما هي الا وسيله رخيصه لزرغ اليأس بين الناس و احباطهم.

البديل دستور عادل يكفل في الأول كرامة الانسان السوداني الذي بعثرت في الاقسام وبيوت الاشباح تحت غطاء الدين الذي هو برئ منهم و من افعالهم .

هنالك رجال قلوبهم علي الوطن مشهود لهم بالعفه حاول النظام استمالتهم طوال فترة حكمه هم سيقودون الفتره الانتقاليه المقبله بأذن الله بعد ان اثبتت القيادات و الرموزالحزبيه المعارضه فشلها في تحريك و استنفار الشارع لمواقفهم الغير مفهومه تجاه النظام.

كوادر الاحزاب الشابه ناقمه علي القيادات و علي مواقفهم المخزيه تجاه الشعب السوداني و تجاه قواعدهم فهي دعوه للكوادر الشابه في الجامعات و الكليات و المعاهد العليا وو الشباب و جميع مكونات الشعب السوداني في كل مدن السودان قاطبة الي الخروج و الاعتصام و الدعوه للتغيير.


كنا نؤمل ان تقود المؤسسه العسكريه التغيير لكن النظام قام في اول عهده بتصفية و احالة كل الضباط المميزين الي الصالح العام و استبدالهم بمنسوبي النظام ففقد السودان هيبته العسكريه .


_الاماكن المحدده للاعتصام

الجامعات والكليات

ميدان الخليفه امدرمان

ميدان المولد الخرطوم

ميدان جاكسون


الميادين الفرعيه داخل الاحياء بالنسبه لامهاتنا و اخواتنا لانهم جزء اصيل من حركة التغيير


خروجكم يجنب السودان الكثير من الدم و وما احوج الوطن لهذه الدماء الشابه لبناءه و تعميره وعودة هيبة الانسان السوداني الذي اضاعها البشير و اعوانه وسط الامم .





الله الوطن




تنسيقة شباب الثوره السودانيه

المكتب الاعلامي

الخرطوم


تعليقات 30 | إهداء 0 | زيارات 7154

التعليقات
#681991 [مجنون]
0.00/5 (0 صوت)

05-29-2013 09:43 PM
انحنا من على البعد نشد من ازركم ياريت تمضوا الناس على استمارة سحب الثقة من الرئيس البشير
سيرو بالتوفيق


#681870 [JOHN]
0.00/5 (0 صوت)

05-29-2013 07:15 PM
ليذهب كل الكيزان ومن شايعهم الي الجحيم، غير مأسوف عليهم.....ولينهض الوطن الغالي من كبوته بتضحيات كل ابنائه الشرفاء.....

وطن الجدود نفديك بالأرواح نزود
وطنننننننننننننننننننننننننني

وطن الجدود نعم الوطن.....خيراتو كم يتدفقــــن
آن الأوان أن نُمتحـــن.....في سبيلـو لا نطلب تمن

وطنننننننننننننننننننننننننننننننننننننننننني

وطن الجدود نحنا الفدا....من المكـــاره والعدا
نتمني ليك دايما تسـود....بدمانا نكتب ليك خلود
هيا ياشباب هيا ياجنود....هيا حطموا هذي القيود

وطننننننننننننننننننننننننننننننننننننننننني


قسما عظما لن نتواني أبدا، لأنو طفح الكيل، وزمان حذرناكم من غضبة الشعب الحليم.......

(يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ)......

اللهم عجِل بالنصر وبالفرج......


#681732 [mansour]
0.00/5 (0 صوت)

05-29-2013 05:17 PM
انا جاهز وماشي جامع الخليفه ومن اراد ان تثكله امه وترمل زوجته ويؤتمز ولده من دجاج الامن فاليلحقني


ردود على mansour
United States [we] 05-29-2013 08:14 PM
هاهاهاهاههههههه لاكدي وينا حتعمل شنو يعني (هولك علي غفله)


#681615 [الشعب الفضل]
0.00/5 (0 صوت)

05-29-2013 04:10 PM
غندما يدع داع الناس الى الخروج تجد جماعة الجهاد الالكتروني بدأوا تثبيط الناس بالبديل ووووووو
لكن اقول اخرجوا وسيبارك الله في سعيكم ويذهب زبد الكيزان جفاء وما النصر الا صبر ساعة


#681607 [قلام]
0.00/5 (0 صوت)

05-29-2013 04:07 PM
الايامات دي الجو متحالف مع الكيزان الحرارة حصلت 50 عديل


ردود على قلام
United States [sd] 05-29-2013 08:16 PM
هو نوعك دا المخلي البلد في وضع انتكاس


#681582 [blu]
0.00/5 (0 صوت)

05-29-2013 03:44 PM
خلي بالك حكومة المؤتمرالوطني اتحرك بالخطوةالسريعة واجمع باعظم قوةمادايريين اي كوزداخل الحكومةدي تعليمات من الشعب السوداني.


#681499 [على كرار]
1.50/5 (2 صوت)

05-29-2013 03:00 PM
يا شباب السودان أسمعوا كلام عقل و تجربة من عمكم,زمان لما كنا نخرج الى الشارع كانت الحكاية كلها بوليس و بمبان و بندقية ابو ترباس للتخويف فقط و ليس لضرب النار و كان ألإنضباط كبير بين أفراد البوليس, أما اليوم النظام محشور فى ركن ضيق المحكمة الجنائية الدولية بالخارج و الجبهة الثورية بالداخل و مستعد لقتل ثلاثة أرباع سكان الخرطوم بحجة الدفاع عن العقيدة و الوطن لكى ينجو برقبته و لذلك انصحكم بالخروج فقط عندما تسمعون ان الجبهة الثورية على اعتاب العاصمة و عندها اخرجوا للقبض على المجرمين المؤتمرجية ليس للتشفى و ألإنتقام و لكن لتقديمهم للعدالة و الكل سياخذ حقه بقوانين الشريعة من هؤلاء السفلة.


ردود على على كرار
United States [muna altaj] 05-30-2013 08:47 AM
قسما" أنت جدادة إلكترونية "وكمان دجاج ضكر


#681469 [الشحمان مغسة]
0.00/5 (0 صوت)

05-29-2013 02:41 PM
انتو عارفين في مشكلة حقيقية سكان الخرطوم الحاليين ديل ما بطلعوا مظاهرة ولا بغيرو النظام ده ديل يا اما مغيبين يا اما مسحورين!... سلبيين تجاه أقوى المشاكل والقضايا وعن تجربة وتعامل حياتي يومي (وعبارة نسوي شنو دي) بتملاني مغس اكتر مما انا ممغوس ويجو للهايفة ويتسدرو (خصوصاً لو كمساري شاكل ليهو بت في باقي قروش)... ياهو ده السودان الحالي... والله الا تستوردو ناس من بره والشفووت الكانو بطلعو مظاهرات عشان الكهربا قطعت بس ديل بقو مافي انقرضو يا هاجرو... انا اكتر واحد بكره النظام ده وحاولت من خلال مواقف عديدة احرك الناس لكن لقيت نفسي بنفخ في قربة مقدودة... والله صحي ... دعوتكم دي بكل بساطة مصيرها مع الاسف الفشل لانها صرخة في مقابر أو في وادي غير ذي زرع... والله من وراء القصد


#681465 [مهمش]
1.00/5 (1 صوت)

05-29-2013 02:40 PM
وراكم وراكم حتي النصر ياتجار الدين والوطن


#681444 [أصحو]
0.00/5 (0 صوت)

05-29-2013 02:24 PM
يا جماعة أحسبوها بالعقل,,ثورة شنو وجوطة شنو معاكم!!استفيدو من الحاصل حولينكم, و خليكم واعيين..حددوا زول بعينو,و حددوا معاو حكومتو,,و اتأكدوا من كفاءتم قبل أي خطوة.. اعرفو انتو دارين شنو أول شى,, و حددوا المطالب الأساسية سواء اقتصادية صحية تعليمية, وادرسو الخطط الممكن ترفع البلد,, ما ساااااااااي كدا تقولوا يللا نطلع ثورة,ثورة شنو انتو سوط عنج وااحد يخليكم تجروا زي الغنم..بالله عليك الله كدى,,شباكتونا لحس الكوع و شنو ما عارف و ضحكتو علينا العالم


ردود على أصحو
United States [muna altaj] 05-30-2013 08:49 AM
كر كر كر كر ..يا دجاج عمر

United States [we] 05-29-2013 08:22 PM
كلامك عديل يا اخوي ديل ما ساعين لي اهداف ومنافع للشعب والوطن ديل ناس بسعو لي زعزعة هذه البلاد بي اي شكل كان بي العربي طابـــــــور

European Union [abo assir] 05-29-2013 03:42 PM
المأساه انو نوعيتك دي عباره عن غواصات و منتفعي النظام .والحاجه الحاصله من حولك دي السبب فيها الاسلامين برضو لانهم حاولوا يطبقو النموذج السوداني في دولهم . الانتافضه لما قامت 85 ما كان عندها او ملهم زي ما النظام كان بيروج انو ديل كوادر الحركه الاسلاميه الحركت الشارع بدليل انهم حصلوا علي اقل مقاعد في البرلمان .و عشان كدا قاموا بالانقلاب مع ديك العده2 البشير .وبطلو تحبطوا الشباب .و الثوره ما محتاج الي ملهم او قائد لان الشعب السوداني من اكثر شعوب العالم تسامحا و عندوا قيم و احترام للنفس و الغير .و حكاية الفوضي البروج ليها النظام دا خوف علي نفسو و منسوبيه لان الشعب السوداني ما حيرحم اي واحد من الكلاب ديل و انت معاهم انشاءالله

United States [أبوفاطمة] 05-29-2013 03:33 PM
ياحبيب الفيك اتعرفت ... ارعي جدادك وقوم لف ... جاينك جايينك أبقوا رقاق


#681428 [ود ريس]
1.00/5 (1 صوت)

05-29-2013 02:02 PM
الله اكبر مجرد الدعوه لاسقاط النظام شعرت بفرح كبير اللهم زلزل حكومة البشير بقاء حكومة البشير
يعني هلاك الشعب السوداني ياخوانا الاقتصاد في الحضيض والامن منهار والشعب من كترة الهموم والاحباط
اصبح في دوامه ماذا ننتظر حلاص يكفي والله نحن نموت كل يوم وكل ساعه نظام الكيزان فاقد للاهليه والكيزان نفسهم اصبحوا يتنصلو لكن نحن لكم بالمرصاد بعد رحيل الراقص صحيح نحن شعب متسامح لكن هذه المره لا والف لا لاصحاب المشروع التدميري زواج عرفي وزنا وفجور وسرقه وكذب قتلتم حتي القيم
اتمني ان نخرج جميعا والله هم اجبن النساء


#681421 [لاهاى]
0.00/5 (0 صوت)

05-29-2013 01:58 PM
جايينكم.


#681392 [nagatabuzaid]
5.00/5 (2 صوت)

05-29-2013 01:40 PM
معكم بكل وجداننا وبالتوفيق البعض شكك فى مصداقيتكم ولكن اجد نفسى ميالة لتصديقكم


الامر يحتاج طول نفس اعتمدوا على الرجال والذين تعرفونهم وابعدوا عن المتخاذلين وان كانوا

منكم الشعب جبان ولا تهتموا باى جبان استمروا استمروا مهما طال الوقت واصمدوا ستنتصروا

ولو بعد حين باذن الله نصيحتى لكم ابعدوا عن الاحزاب وابعدوهم عنكم ديل يسيروا فى الارض بالف

وجه يخونوكم ويغدروا بيكم وان نصركم الله يتسابقون للهيمنة والمناصب كل الاحزاب بلا فرق واولها

حزبى الصادق والترابى ابعدوا الحركات لا عرمان ولا ***** ولا ابناء فرنسا واسرائيل نريدها

ثورة نظيفة خالصة وانتبهوا لجداد نافع لا تغفلوا اقبضوهم وليكن فى جيب كل منكم موس حادة

وسموهم بشلوخ نافع وفى جبهة كل منهم اكتبوا بقر كافورى واحشوا الجروح بالسكن لكى لا تزول
باكبر عملية تجميل فى مستشيات ماليزيا لن تزيلها ( ده كان اهتموا بيهم وسفروم للعلاج )

علشان يتعلموا يكونوا رجال وما يبيعوا انفسهم للرعاع اوصيكم كونوا مسلحين بشتى انواع

الاسلحة وكونوا مستعدين لا تستعملوها الا ان كانوا هم البادين حينها لقنوهم درس لن ينسوه

على اخواتنا وبناتنا المشاركة ولو بتزويد المعتصمين بالمعينات واعتصمن النساء

شقائق الرجال وامهات الابطال واخوات الرجال نرجو ان ينجح الاعتصام وحينذاك يجب ان يرجع

كل بعيد عن الوطن للسودان للمؤازرة الميدانية يا جماعة (نحن معكم ونؤاذركم ) ناس

النضال عن بعد عايزنكم سودان جوة جميعنا وعليكم ابتكار اساليب لمواجهة القنابل المسيلة

للدموع وغاز الاعصاب وكل الوسائل الاجرامية ركزوا على الاعلام اطردوا من بينكم قناة الجزيرة

بالتعاون مع اخوتكم فى الخارج لن يعجزكم التوصل لسبل توصيل ثورتكم

الله اكبر الله معكم ونحن خلفكم وايدينا على ايديكم امدرمان الجهاد امدرمان البقعة

امدرمان التاريخ يا ام جميع السودان وكل من بالسودان بداخلك وسطك واطرافك قودى الثورة

امدرمان يا محتوية شرفاء الجزيرة ودارفو ر و الشرق وكردفان والشمالية انت السودان العظيم لبى

النداء وشاركى بالاعتصام وشرق النيل العظيمة دم محمد عبد الباقى لم يجف بحرى بامتداداتها

واطرفها كلهم رجال لبوا النداء وخرطوم الحكم والادارة قد عانيتى اشد المعاناة دماء عوضية

عجبنايسالك يا خرطوم باطرافك لبى النداء اعتصام يعقبه اضراب سياسى ومن يحضر من طرف الحكومة

لكسر الاضراب السياسى فليضرب بلا قتل مع تكسير الاسنان فقط وكسر الكيعان والضرعات ونحن عكم

ادارة الراكوبة باللعليكم نزلوا هذا التضامن


ردود على nagatabuzaid
United States [Almo3lim] 05-30-2013 02:11 AM
لايك كبير .. و لي قدام ..

الامل ما يبنقطع من الشرفاء و الاحرار ..

الهدف واحد و العدو واحد ...

المجد و الخلود لشعب السودان ..


#681355 [بيجاوي]
3.50/5 (3 صوت)

05-29-2013 01:06 PM
ياشباب الثورة السودانية يا اشواس يا اسود نقدر نحني لكم لمجهوداتكم ولكن هل يعقل ان تعلن اماكن التجمع للكل وتكشف نقاط الالتقاء في دولة فمعية ارهابية ، لذا ارجو الاستفادة من تجربة الثورة المصرية والتي قام فيها شباب الثورة باخفاء اماكن التجمع وجعلها سرية وتم اختيار اماكن ذات طبيعة خاصة ( كثافة عددية+ بعدها من مراكز الشرطة والامن) ومن هناك بداء التحريض للجماهير والتي كانت قد تمت تعبيتها من ايام سابقة من خلال الملصقات والكتابة علي الحوائط والانترنت ومسجات الموبايل بان يوم 28 يناير سوف يكون بداية الحركة الاحتجاجية والنتيجة انفجار ثورة شعبية عارمة اطاحة بطاغية كتم انفاس مصر ثلاثين عام.
ارجو مراجعة خطط التعبيئة والتجمع وسوف تنجح الثورة السودانية لانه لا يوجد مبرر واحد يسمح باستمرار نظام الانقاذ المجرم الفاسد.


#681315 [كابو]
5.00/5 (1 صوت)

05-29-2013 12:38 PM
نعتصم ونتظاهر عشان يجي يحكمنا منوا ؟؟؟؟؟,,,,,,, النظام دا عسل معنا وممشي لينا امورنا والحمدلله ماكلين شاربين,,,,


ردود على كابو
United States [سطلنجي] 05-29-2013 03:04 PM
تاكل السم يا كابو

United States [هيثم] 05-29-2013 02:10 PM
تف عليك حقير


#681260 [واحد سودانى]
5.00/5 (2 صوت)

05-29-2013 12:11 PM
بعد فشل الخطه (أ) عايزين تجربوا الخطه (ب) لاخير فيكم كما لا خير فى الجماعه بتاعين الوطنى .....


ردود على واحد سودانى
[سوداني ثوري] 05-29-2013 03:13 PM
مهما حاولت ان تتجمل ايها الكوز الصدئ فلن تستطيع
وستنتصر ارادة الشعوب مهما طغى جلادوها
و ان غدا لناظره لقريب
والتحية لاسود الجبهة الثورية
وعاش الوطن
عاش الكفاح


#681125 [تان]
3.00/5 (2 صوت)

05-29-2013 10:51 AM
سيرو وعين الله ترعاكم ولاتلتفتو لهطرقات الكيزان .. تراصو فهم الأن أضعف من أي وقت مضي ولازال أملنا في شرفاء قواتنا المسلحه والشرطه والأمن


#681110 [سودانى اصيل]
0.00/5 (0 صوت)

05-29-2013 10:43 AM
يا السجم يا اوباش ارجو الويل الجيش وراكم وكاودة مقبرتكم الاخيرة انشاء اللة


ردود على سودانى اصيل
[سوداني ثوري] 05-29-2013 03:15 PM
ياايها السوداني العميل الجهلول
الجبهة الثورية من اجل السودان
ولكم الويل مما تصفون ايها الكاذبون المنافقون
الخائنون لله والوطن

European Union [abo assir] 05-29-2013 02:40 PM
ما بحلكم يا كلاب الانقاذ الشعب اتحرك خلاص


#681018 [مصطفي]
5.00/5 (1 صوت)

05-29-2013 10:07 AM
وللحرية الحمراء باب*بكل يد مضرجة يدق


#681008 [عدو الكيزان]
5.00/5 (1 صوت)

05-29-2013 10:02 AM
الخروج لإسقاط هذا النظام الفاشل واجب تمليه ضمائنا عليه ،،، الخروج لإسقاط هذا النظام يعني أن هذا الشعب لازال موجود وهو صاحب الأحقية في هذا الوطن ،،، على الشرفاء من قوات الشعب المسلحة الإنحياز التام للشعب ،،، الخروج لإسقاط هذا النظام يعني أن للظلم للنهاية ولكل ظالم أيضاً نهاية ،،، الخروج لإسقاط هذا النظام من أجل مستقبل زاهر للأجيال اللاحقة ،،، التحية لتنسقية الثورة وهي تحفر في الجدار دون إستسلام ولا نكوص من أجل قضية كبيرة وشريفة .

معكم في خندق واحد حتى كنس هذه الأشكال القبيحة والمملة والفاشلة .


#680972 [المتفائل]
5.00/5 (1 صوت)

05-29-2013 09:49 AM
من اجل سودان جديد


#680961 [احمد خالد]
0.00/5 (0 صوت)

05-29-2013 09:44 AM
لو فشل النظام عاوزين تحكمونا انتو يبقى سجم السودان يا سجم


ردود على احمد خالد
United States [مهمش] 05-29-2013 02:57 PM
والمانع شنو نحكم نحنا او غيرنا بس يكون حكم رشيد ما زي حكم العفن ديل .

United States [هيثم] 05-29-2013 02:13 PM
إنت أكبر سجم يا زباله


#680913 [سايكو]
4.00/5 (2 صوت)

05-29-2013 09:23 AM
ايوه دا الكلام الصاح
كفايه خنوع
كفايه مزله
يا خرطوم جوطي جوطي جوطي
لن يحكمنا الجنرأل ال.........


#680873 [khalidal m Ali]
5.00/5 (1 صوت)

05-29-2013 09:05 AM
نؤيدكم ونبارك الخطوه كفنا من حكم المعقدين فى اصولهم ومن بيوتهم التى اتوا منها جوعى حفاه لابد ان يوضعوا فى الاقفاص وكوبر المصحه التى لابد من توسعه زنانزين المعتوهين الخطرين والتيوس الكبيره لاهاى.


#680860 [حنكوش]
0.00/5 (0 صوت)

05-29-2013 08:57 AM
انت عبيط ولا بتسطعبط


#680828 [wad mokwar]
0.00/5 (0 صوت)

05-29-2013 08:33 AM
والله انتو كذابين ذي ناس النظام كدي نشوف اليوم بداء معاكم حتي الساعه يوم 30 انشاء الله تصدقوا عندها نحن في الاغتراب بنجيكم


ردود على wad mokwar
United States [nagatabuzaid] 05-29-2013 01:00 PM
ما اعتقد انهم كذابين لكن الشعب هو الجبان كان شافوا درويش لابس اخضر يفكوا البيرق

ويولوا ياروح ما بعدك روح


#680801 [خالد العثماني]
5.00/5 (1 صوت)

05-29-2013 07:57 AM
كثفوا من البيانات والتوعية السياسية والعمل المباشر وسط الجماهير.. واقترح تكوين فرق امنية لحماية القيادات الشبابية ولمواجهة عنف السلطات الامنية حتي لو ادي ذلك للمعاملة بالمثل.. يعني اذا اعتقل جهاز كلاب الامن مواطن تقوم الفرق الامنية باعتقال بعض كلاب الامن ولا تتصوروا ان المسالة صعبة فالنظام لن يستسلم بسهولة وسيظل يقوم ويقتل ويعذب حتي يسقط ولاختصار الكطريق ينبغي ان تفعل الفرق الامنية الخاصة التي يمكن تكوينها من ضباط وضباط صف سابقين عملوا في الاجهزة.. ثورة جتي النصر لغسل السودان من عار الكيزان وسخ الانسان


#680800 [p]
0.00/5 (0 صوت)

05-29-2013 07:56 AM
الظاهر دى الخطة ب بعد فرار كل المقاتلين طيب ماتجى يامناوى وعرمان تقود الاعتصام يامناضلين والله طواقيككم حلوة


ردود على p
United States [هيثم] 05-29-2013 02:16 PM
مافي داعي يجو هم الموجودين كفايه ويسدو عين الشمس إنتظر وحتشوف وكل الخيارات مطروحه ابقى راجل وأقيف

United States [nagatabuzaid] 05-29-2013 01:02 PM
ليه يجى مناوى وعرمان شباب منسية الثورة ما عاجبك البلد امانة مافيه رجال

[سايكو] 05-29-2013 12:05 PM
نظأمك دا حيمشي احسن تشغل مخك و تبطل عبط . انت حرف p دا اختصار لكلمه براز ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة