الأخبار
أخبار إقليمية
جهاز الأمن يعتقل ثلاثة مواطنين بأمدرمان زاعماً إرتباطهم بالهجوم على أبوكرشولا
جهاز الأمن يعتقل ثلاثة مواطنين بأمدرمان زاعماً إرتباطهم بالهجوم على أبوكرشولا



05-29-2013 03:11 PM
إعتقل جهاز الأمن والمخابرات الوطني ثلاثة مواطنين بزعم ارتباطهم باحتلال الجبهة الثورة لمنطقة أبوكرشولا في 27 أبريل الماضي،، وبحسب صحيفة سودان تربيون ذكرت منظمة التنمية الاجتماعية السودانية ومقرها المملكة المتحدة أن الثلاثة تم اعتقالهم من أحد المساجد بحي مرزوق بأم درمان واقتيادهم إلى جهة غير معلومة ولم يسمح لهم بالوصول الى محامي، وتخشى المنظمة من تعريضهم للتعذيب وسوء المعاملة. وقالت المنظمة أن المعتقلين الثلاثة هم دفع الله عبدالرحيم رشاش (60 سنة)، وهاشم عبدالرحيم رشاش (55 سنة)، وعبدالله الجديل( 35 سنة)، وهم من أبناء النوبة تقلي بجنوب كردفان.


تعليقات 8 | إهداء 0 | زيارات 6512

التعليقات
#681956 [مراقب]
0.00/5 (0 صوت)

05-29-2013 08:55 PM
إننت ذاتك ما عندك دين


#681793 [عمرو]
5.00/5 (1 صوت)

05-29-2013 06:07 PM
ابناء جبال النوبة مواطنين سودانين ..هم منا وفينا واخوتنا في هذا الوطن الضائع..انا مواطن سوداني (شمالي) وسئمت من هذه العنصرية والظلم..يكفي جراح وحروب..


#681785 [Fato]
5.00/5 (1 صوت)

05-29-2013 05:58 PM
طيب ما البشكير ده ماقال فى خطابه وبعظمة لسانه أنه النوبة أتظلموا ولا ده بس أرضاءا (لتابيتا)وبعد خطابه أب جاعورة يعتقلوا أبناء من أعتبروهم مظلومين وفى الحقيقة أب جاعورة كذب وماقال السودان كله أتظلم منى الله يجعله يتبوأ مقعده فى جهنم مع الظالمين.


#681714 [ناجي]
5.00/5 (1 صوت)

05-29-2013 05:05 PM
يا جماعة ما قلنا لكيم ابعدوا من اولاد النوبة ديل واستعدائهم ،،،انهم يتفوقون علي سيدنا ابوب صبراً وفي صدرهم قلب اسيد فاحذرو قضبهم فالحلهم حدود ،، يخافون الله في خلقه ،، يخافون دمعة المظلوم ،، يخافون زعل الصديق ،، يخافون ظلم الضعيف ،، يخافون كل شيء الا الموت ،، انهم ثروة السودان ليوم الدواس الاعظم


#681621 [سودانى منفرج الأسارير]
4.50/5 (3 صوت)

05-29-2013 04:13 PM
على غرار القصه الشهيره: سأل احدهم عن سبب الوفاة المفاجئه لأحد جيرانو فابلغه ابن المتوفى :: " والله يا عمى ...ابوى دا طبعن اسغر منكن كتير .. كان فى شدّو وعدّو ما شكى ابدا .. كنا كلنا بنعاين فى التلفزيون فى برنامج سهره كانت زى ما قال البقدما ...البقدما.. البقدما على ما اظن اسمو ياسين كانت عن السغاله والسغلا فى المجتمع .. اها ما اطوّل عليك .. والله كان الكلام من اولو لأخرو وأسئله مقدم السهره ومداخلات المشاركين زى دق العصى فى الركب واسغل من كدا مافى .. وألأجوبه اللى كانت مستمره كووولنا ما عجبتنا .. قمنا من قدام التلفزيون خليناهو قاعد .. بعد دقايق قام قفل التلفزيون وعلى بال ما وضل عنقريبو صاحب الوداعه احد وداعتو ...
العم اللى اكبر من المتوفى وبحكى ليه الولد عن اسباب الوفا رد على طول : هو ابوك دا الوداااهو يقفل التلفزيون شنو!!! اها انّسالكم انا كمان يا ناس اللأ هم اولاد عبدالرحيم رشاش الخلاهم يمشو مع ود الجديّل لجامع ناس مرزوق شنو .. يعنى من قل الجوامع فى البلد .. ما لن من مشوا جامع كافورى دا ؟؟ موش كان احسن ليهم يمشو يصلو هناك ويدخلو الموول بعد الصلا.. ود الجديل دا كان لاقاهن هناك برضو؟؟ ؟!!!!


ردود على سودانى منفرج الأسارير
United States [Jimi] 05-29-2013 09:36 PM
والله قطعت مصاريني بالضحك ،،، الله يلعن شيطانك


#681602 [ود كرشولا]
0.00/5 (0 صوت)

05-29-2013 04:05 PM
قوووووووووووووووووووووووووووووول عندهم علاقة باحتلال ابو كرشولا !!!! مش خلاص حررتوها؟


#681587 [د محمد ابراهيم ابوجبيهه]
5.00/5 (1 صوت)

05-29-2013 03:49 PM
ابناء و عائلة رشاش من منطقة طاسي هم من اهل التقوى و الاحسان و معروفين في كل المنطقة بالتدين ووالدهم و جدهم رشاش من الذين علموا القرآن في المنطقة و استبعد اسى تعاون لهؤلاء مع الذين هاجموا ابوكرشولا. اتقو الله في تخريب النسيج الاجتماعي.


ردود على د محمد ابراهيم ابوجبيهه
United States [هحمود] 05-29-2013 06:17 PM
والدهم و جدهم معروفين بالتدين عشان كده تستبعد تعاونهم مع مهاجمي آب كرشولا يا دكتور السجم مهاجمي آب كرشولا ديل كفرة ما عندهم دين ولا شنو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة