الأخبار
أخبار إقليمية
خبير مصري : «سد النهضة» بداية لحرب إقليمية بين مصر والسودان
خبير مصري : «سد النهضة» بداية لحرب إقليمية بين مصر والسودان
خبير مصري : «سد النهضة» بداية لحرب إقليمية بين مصر والسودان


قال : النيل الأزرق سيتحول الى ترعة
05-29-2013 04:00 PM

قال هاني رسلان مدير وحدة السودان وحوض النيل بمركز الأهرام للدراسات الإستراتيجية أن موقف الحكومة المصرية من قرار أثيوبيا بتحويل مجرى النيل الأزرق والذي أكدوا فيه عن عدم تأثر حصة مصر من المياه، يدل على جهل تام، لأنهم انخدعوا بأن الآثار السلبية لن تتضح بشكل فوري، مشدداً على أنه بعد مرور عامين من بناء السد واكتمال النمط التخزيني له ستبدأ الآثار المدمرة على البلاد.

وأكد رسلان في حوار مع برنامج «صباحك يا مصر» أن أثيوبيا تجاهلت قاعدتين هامتين في بناء السدود، أولها عدم إخطار الجهات المعنية من دول حوض النيل، وثانيها أنها ضربت بعرض الحائط مبدأ عدم إلحاق الضرر بالغير، الأمر الذي يدل على أن حكومة أديس أبابا سوف تقوم ببناء 4 سدود بسعة تخزينية تصل إلى 200مليار على النيل الأزرق لتتحكم بعدها لوحدها في نسبة ضخ المياه.

وحذر الخبير المائي من أن أثيوبيا إذا أكملت خطتها ببناء الثلاث السدود الأخرى سوف تصدر لمصر ترعة لا يجوز الشرب منها، منوهاً في ذات الوقت أن كوارث قرار أثيوبيا لن تقف عند هذا الحد فقط لأنها قد تدخل البلاد في صراع مع السودان لأن المتعارف عليه أن دولتي المنابع تقسم حصة المياه فيما بينهم، وهو ما قد ينبأ بحروب مستقبلية.

محيط


تعليقات 71 | إهداء 1 | زيارات 17826

صفحة 1 من 212>
التعليقات
#683403 [ابن السودان]
0.00/5 (0 صوت)

05-31-2013 02:58 AM
يا حلب يا وهم ، علا نردملكم بحر ابيض ، اها شن قولكم ....


#683371 [احمد يس]
0.00/5 (0 صوت)

05-31-2013 01:19 AM
تحاربوا السودان يا عواليق يا عفن يامابتعرفو تتسوكوا وخشومكم رمة .. نحنا نستحق لأننا خليناكم تلعبوا علينا كده" وقفنا معاكم في حروباتكم و اديناكم العروس حلفا بدون مهر و شلتوا حلايب وشلاتين وسكتنا وعرقلتو كل مشاريعنا وسكتنا و بتسبونا كل يوم في اعلامكم وبرضو ما قلنا شي .. دعمتوا الحركة و سامحناكم أها عاوزين تحاربونا .. تعالوا يا عفن يا اولاد فرعون الملعون طز فيكم .. نحنا مع الحبش واسرائيل ذاتا ..


#683103 [الجقر]
0.00/5 (0 صوت)

05-30-2013 05:57 PM
الله يرحمك يا قرنق والله لو كان مسك السودان من الكيزان العفن ديل كان رجعنا لامجاد بعانخي وترهاقا وكنا غزيناكم بجيوش بتقفل وجه الشمس فقط عشان واحد مصري ود بمبة ضرب ليهو كلب والخبر وصل لدكتور جون مش عشان حلايب


ردود على الجقر
United States [من الجذور إلى البذور] 05-31-2013 05:45 PM
01- والله يا [الجقر] ... إنت أظرف سوداني .... لكن يا أخوي مسعول من الخير ... دحين زولك الأعرج دا ما قال : ما بيسلّم كديس .... ناس حلايب والفشقة وأليمي ديل جقور يعني .... ولاّ الجقر دا أقلّ من الكديس ... و لاّ المسألة مسألة خيار وفقّوس يعني ... ؟؟؟

02- لكن إنت عارف يا أبو الجقور ... [ابن السودان] ... دا طلع أرجل منّي ومنّك ... يا أخي دا قال بيردم بحر أبيض .... ؟؟؟


03- إنت عارف بحر أبيض دا أكان إتردم .... الموية البيضاء دي .... ما (الموية الزرقاء ) ... ولا ( الموية السوداء ) حتمشي غرباً عشان تتحكّم لينا في مستوى مياه بحيرة دارفور ... وتخليّها قريبة من سطح الأرض ... يعني على مسافة رأسيّة لا تتجاوز الثمانية أمتار .... عشان ثلاثة أشياء ... الأولى هي أن نحفظ مويتنا هناك تحت الأرض من التلوّث السطي ... يعني زي الوضعناها في حافظة أو ثلاّجة أو زير وغطّيناهو ... والثانية هي أنّ الطلمبات المركزيّة لا تضخ المياه وهي على سطح الأرض ... لمسافة رأسيّة أكثر من ثمانية أمتار ... ( الضغط الجوّي يعادل 10 أمتار - مترين بتاعة الإحتكاك ) ... قول اللهمّ زدنا علماً ... والثالثة هي أن ننقل الحاجز الصحراوي من موقعه الحالي إلى الشمال .. وننتج أعلاف وماشية ودواجن وأسماء وعيش وأرز وضمغ عربي وقرض وقنقليس وقضّيم ... وبتّيخ وشمّام ووتسالي وفول وسمسم ودخن ... تكفّي العالم مجّاناً .... ؟؟؟

04- لكن أنا عارف إنّو الحاجات دي ممكن نسوّيها بدل ردم البحر ...؟؟؟


#682948 [عبد الرحمن عكاشة]
0.00/5 (0 صوت)

05-30-2013 03:35 PM
مصر هبة النيل والنيل ذاتو حاجة قريبة من هبة السودان.يا إخوانٌاإنتو والله مشروعكم الكبير ده جوُة جبركتنا.


#682940 [عبدالله]
0.00/5 (0 صوت)

05-30-2013 03:23 PM
والسودان زنبه شنو يا مصريين ( عينك في الفيل و تطعن في ضلو )!!! عشان عارفين اثيوبيا واقفه معاها امريكا واسرائيل عايزين تقبلوا علينا ؟؟؟!!!


#682400 [فؤاد شباكا النوبى]
0.00/5 (0 صوت)

05-30-2013 09:52 AM
مشكلة المصريين هى فى الشتيمة ولعن الاخرين، مع السب فى اللون الاسود والعرق الافريقى، علما مصر محطوطة فى خريطة القارة السوداء! رغم كده يدعى المصرى انه من فصيلة العرب، وعرب شبةالجزيرة يقول عليه فرعونى! ومش معترف بيه كعربى . عشان كده اقول للاخوة بتوع مصر بالهداوة تتقسم المية مع اشقائنا الافارقة، مش بالعصبية والاستعلاء والهيمنه وقول الزور، والاستكبار عن قبول الحق . السياسة الحلوة وقوة المنطق لا تعرف الشتائم واللعن والسباب . أما حدوتة دقات طبول الحرب لن تجدي نفعا لانها من ذكريات الماضى، لكونها فقدت سحرها! ده رأيى الخاص كونى نوبى افريقى من بلاد النوبة التى ضحت بالغالى والنفيس .للاسف بدون مقابل من المصريين! غير نكران الجميل ./ فؤاد شباكا النوبى


#682238 [الاضينة دقوا واعتذرلو]
0.00/5 (0 صوت)

05-30-2013 06:41 AM
وقال ليك مصر حتبقى من مصر هبة النيل الى مصر هبة الترعة


#682186 [هنويه]
0.00/5 (0 صوت)

05-30-2013 02:35 AM
ما يحيرنى انى سمعت مرة فى التلفزيون احد الاشخاص نقلا عن وزير مالية سابق يقول ان ملفات وزارة الماليه لا تحوى اى مستندات تفيد بأن مصر قد دفعت ما تعهدت به جراء قيام السد وهو مبلغ 45 مليون دولار على ما اعتقد لذلك اعتقد ان وقت الدفع قد حان اولا قبل اى نقاش
سد الالفيه فكره ليست جديده وقد اخبرنى احد قدامى المهندسين ان المشروع قد تمت مناقشته فى السبعينات وبعد دراسه مستفيضه بين الدول الافريقيه تم اختيار اثيوبيا والكنغو لقيام مشاريع طاقه مشتركه تساهم فيها الدول الافريقيه مجتمعه لمدها بالطاقه لكن الخلافات السياسيه حالت دون ذلك
المضحك ايضا ان ذلك الاجتماع ناقش عدم جدوى قيام سدود أخرى لتوليد الطاقه على مجرى النيل مما يجعلنا نتساءل عن الدراسه التى تمت عن جدوى سد مروى الذى بالمقارنه مع سد الالفيه الذى يقام على انحدار شديد اقيم على ارض مستويه نسبيا وكان من الافضل للسودان استثمار اموال اقل مع اثيوبيا ودون الدخول فى ديون مرهقه للوطن
اتمنى ان تقوم دولتا لسودان ومصر بترك العويل و التعاون للاسستفاده من هذا الصرح فاثيوبيا بالقطع لا تحتاج لكل هذه المياه ولكن مصر تعلم ان السودان ليس بتلك الحاجه للمياه كما ان اثيوبيا لا تملك موانئ على البحر الاحمر وتعتمد على بورسودان فالخوف اذا ان يتم التعاون بينهما وتترك مصر وحيده
حان الوقت لمصر ان تتواضع وتتعلم احترام الدول وتحمد الله ان اثيوبيا دوله تسير فى علاقاتها الخارجيه بحكمه عاليه ولا تعتمد على ردود الافعال و العواطف


#682174 [Sudani]
0.00/5 (0 صوت)

05-30-2013 02:17 AM
اولاً فى ظل وجود حكومة عصابات فى الخرطوم يمكن لك ان تهدد السودان...ولكن حكومة العصابات تنهار تحت ضربات احرار الجبهة الثورية السودانية..والتغيير في السودان ووضع بوصلة السودان فى الاتجاه الصحيح على الابواب..وبعد ذالك مصر ستكون فى صدارة الدول كمطلب شعبى سياسي لاعادة النظر فى العلاقات المصرية السودانية.واعادة فتح جميع الملفات...وكل المشاكل تحل عن طريق المفاوضات بدون تهديد..يجب قفل الحدود اولا مع مصر مؤقتا الى حين تسوية كل القضايا العالقة..والغاء الحريات الأ٤ التى يتمتع بها المصريين والعكس للشعب السودانى الاصيل..هانى رسلان هذه مطالب شعبية وانا واحد منهم..اعتقد رسالة واضحة للسيد هانى رسلان..(قفل الحدود/الغاء بما يسمي بالحريات الأ٤ مؤقتا.فتح جميع الملفات العالقة وحلها عبر التفاوض بدون تهديد) دعك من تهديد السودان.الشعب السودانى فى المستقبل القريب لن يسمح لمصر تهديد اي من الدول الافريقية.دعك من دول حوض النيل. لهم الحق الاصيل في التمتع والاستفادة بالمياه التى تجري فى اراضيهم.ولذلك لا بد من تعديل الاتفاقية الاستعمارية. والجلوس فى طاولة واحدة مع جميع الدول ذات السيادة (دول حوض النيل) والوصول الى اتفاقية مُرضية لكل الاطراف المعنية من خلال التفاوض فقط التفاوض بدون تهديد


#682172 [ودالعوض]
0.00/5 (0 صوت)

05-30-2013 02:13 AM
والسودان وين من الأحجية دي؟ المصاري منذ زمن بعيد يأخذوا فوق حصتهم ونحنا السودانيين لأننا طيبين والرجالة عندنا اذا يسرقك واحد امام عينك وبصرك ويستغفلك ويضحك عليك ويقول لك يابواب ياغبي تسكت وننشغل فقط بقتل بعضنا البعض ونقسم البلد ونصر ان نكون في اسفل قائمة الشعوب الواعية العاقلة التي تحب اوطانها وطبعا المصاري اولاد بمبه يصرون علي ان يظل الحال كما هو يموت اخوتنا في الدم والعرق الأثيوبيون من الجوع والفقر وكذلك السودانيون وهم يتمتعون بأضعاف حصتهم المقررة والحاصل اثيوبيا شعب ودولة تتطور وتعمل علي ازاحة البؤس والفقر بكل السبل من سدود وغيرها اما نحن فسنظل ارضا بورا شعبها نايم يحب الي درجة الهبل ضحك المصاري عليه وعاشت اثيوبيا


#682157 [الجقر]
4.00/5 (1 صوت)

05-30-2013 01:49 AM
خلي اثيوبيا تقفل النيل وحقنا ناخدا والترعة الناشفة دي نفتح فيها الصرف الصحي للخرطوم وامدرمان وشندي وكل المدن علي النيل وانتو انتصرفوا .. اها قصرنا معاكم ؟ لقيتوا السودان حماركم القصير قال حرب مع السودان قال واثيوبيا مالها ما قدرها؟


ردود على الجقر
[aderyab] 05-30-2013 04:12 AM
To the people of Sudan & Egypt belem your self & not Ethiopia because the Muslem peaple in Eritrea & Ethiopia have been sufered & no support no help from their brothers in Sudan & Egypt and you paying the hi price of your stubedity by not looking forward & help the Muslim community in both country


#682144 [إبن السودان البار ***]
4.00/5 (3 صوت)

05-30-2013 01:29 AM
إثيوبيا دولة حرة لها حكومة وطنية تهتم بتنمية دولتها ورفاهية شعبها ولها كل الحق في بناء سد الألفية العظيم ولا يستطيع أي كان من إيقافها علماً بأنها تنتج 80% من مياه نهر النيل فلا يستقيم عقلاً أن لا تستفيد منها وهي بها مناطق فقيرة وتضربها مجاعات بفعل التغيرات المناخية في تلك المناطق ؟؟ لقد أكد مسؤليها لمصر والسودان بأنها لا تحتاج للمياه للزراعة وأنما هذا السد فقط لإنتاج الكهرباء وعليه فأنها لن تضر بحقوق مصر والسودان في كمية المياه المنسابة اليهم ؟؟؟إثيوبيا بها حوالي 10 خزانات لأنتاج الكهرباء وتبني الآن في سد الألفية الذي سينتج ما يعادل 5 مرات ما ينتجه سد مروي ومرتين ما ينتجه السد العالي ؟؟؟ وهنالك اتفاقية مع إثيوبيا لتصدير الكهربا لعدد 5 دول أفريقية من ضمنها السودان ودولة جنوب السودان ؟؟؟ أثيوبيا بها أرخص فاتورة كهرباء لشعبها في أفريقيا أن لم تكن في العالم ؟؟؟ إثيوبيا تمنع البنوك الأجنبية وتحارب السوق السوداء في العملات الصعبة والتعامل فقط عن طريق البنوك الوطنية وتتحكم في العملات الصعبة لأنها تحتاج بشدة لهذه العملات لصرفها في التنمية ؟؟؟أثيوبيا لها قانون إستثمار واضح لمصلحة الطرفين ولا مجال لأعاقته من قبل المرتشين ولذلك جذبت مستثمريين جادين حتي من السودان نفسه حيث الفساد الذي يعيق أي مستثنمر محلي أو أجنبي ؟؟؟ اثيوبيا تعاقدت مع المانيا لتحويل 70% من جامعاتها الي معاهد تكنولوجية تدرس باللغة الإنجليزية لأنها تحتاج الي متعلمين فنيين منتجين وليس حملة شهادات مزيفة حاملها لا يفقه أبجديات تخصصه ولا يجيد لغة العلم وهي اللغة الإنجليزية ليطور نفسه ؟؟؟ شركة طيران أثيوبيا تتطور بسرعة فائقة وهي ثاني دولة بعد اليابان تستعمل أحدث طائرة منتجة من شركة بوينق الأميريكية وهي دريملاينر 787 العملاقة وخطوطها كل يوم في إزدياد والتي وصلت الي جميع غارات العالم وسودانأير حدث ولا حرج ؟؟؟ السودان يستورد حتي البصل من اثيوبيا ناهيك عن الألبان وغيرها ولا يختشي مسؤليه الفاسدين من ترديد السودان سلة غذاء العالم ؟؟؟ معرفة السودانيين عن إقتصاد ونمو أثيوبيا مغلوط لأن فقراء الريف من بعض المناطق القاحلة بأثيوبيا يأتون للعمل مع أغنياء الخرطوم فيعتقد الكثيرين ان السودان متقدم علي اثيوبا ؟؟ وبمقياس أحد بيوت الخبرة العالمية إن أثيوبيا تتطور بنسبة13% والسودان بناقص 3.5- % والأدهي وأمر ان السودان يستورد عمال لكنس أوساخه ؟؟؟ دمار السودان نتيجة لعبقرية حكومة الكيزان اللصوص القتلة مغتصبي الرجال والإناث وحلفائهم الكهنوتية تجار الدين القدامي ومفكريهم العظام والذي فكرهم لا يخرج عن فقه الحيض والنفاس وأين تقف المرأة في الصلاة وكذلك إقتصادييهم اللصوص وعلي رأسهم عبد الرحيم حمدي قاتلهم الله جميعاً؟؟؟


ردود على إبن السودان البار ***
United States [ABO ALKALAM] 05-30-2013 03:08 AM
صدقت يابن كثير من السودانيين يعتقدون انهم احسن من الحبش وافضل الشعوب الأفريقية والعربية وهذا كله كلام فارغ لايعتمد الا علي عنصرية فيها غباء
اما كاتب المقال فهو رسلان فذه اغبي كتابة شوفتها في حياتي وانا اؤكد كلام الحبشة
ان مصر والسودان لن يتاثرا ببناء هذا السد علي الأطلاق وان السد لن يوقف جريان النيل الأزرق حتي يتحول الي ترعة في السودان ومصر كما هو مكتوب تخيل هذا الموضوع لو نشر في جريدة اوربية وكان يتناول الشان الأوربي فهل ستكون الردود مثل الردود ادناه


#682112 [من الجذور إلى البذور]
0.00/5 (0 صوت)

05-30-2013 12:56 AM
01- المُشاكل أو الفتن المُحتملة ... بل القائمة الآن .. بين دول حوض النيل ... حول الإستفادة من مياه النيل ... وتوزيعها بطريقة عادلة .... و حول الإقتسامان الأطيانيّة الآيديولوجيّة ( حالة إثيوبيا وإريتريا ... وحالة السودان وجنوب السودان ... وغيرها من الحالات ) ... وحول الإراضي الحدوديّة ( حلايب ، شلاتين ، الفشقة ، أليمي وغيرها .. جبل عوينات ، أرض السد العالي ) ... وغيرها من المشاكل التي يعرفها المعنيّون بها .... لها حل واحد .... وهو الوحدة بين دول حوض النيل ... بالطريقة التي يبتكرها أذكياء وخبراء منطقة حوض النيل ... ؟؟؟


02- لن تكون الوحدة مفيدة في هذا الصدد ... إلاّ إذا ما كانت مبنيّة على أنّ حوصض النيل للجميع ... وساحل البحر الأحمر للجميع ... وساحل البحر الأبيض المُتوسّط للجميع ... بعيداُ عن التقسيمات والحدود التي وضعها الأذكياء الآخرون ... وبعيداً عن الإتّفاقات التي هندسها الأذكياء الآخرون ... الذين رجعوا إلى أهلهم و بلدانهم و ماتوا من زمان .... وتركونا نحن هنا في حوض نيلنا ... نتلظّى بنيران الفتنة التي صنعوها ... ؟؟؟


03- هذه الحدود والإتّفاقات التي هندسها الأذكياء الآخرون .... بإمكاكننا أن نتجاوزها ... بأن تكون مصادر الطاقة الهايدرومائيّة على النيل وفروعه للجميع .... والمشاريع الزراعيّة الرعويّة السياحيّة المرويّة إنسيابيّاً التابعة لها للجميع ... ؟؟؟

04- وأن تكون موارد الطاقة الأحفوريّة في حوض النيل وفي البحر الأحمر وفي البحر الأبيض المُتوسّط ... الناضبة المعين للجميع ... و موارد الصناعة الأحفوريّة ( المعادن وغيرها ) الموجودة هناك أيضاً للجميع ... ؟؟؟

05- أن تكون الأقاليم المناخيّة المُختلفة ... والمناطق السياحيّة والغابات والمراعي الطبيعيّة ... والتجمّعات الحضريّة الإنتاجيّة المربوطة بالأسواق المحلّيّة والإقليميّة والعالميّة ... للجميع ... ؟؟؟

06- أن تكون بطاقة حوض النيل للجميع ... وأن تكون هي أعظم بطاقة .... وجودها يتجاوز البطاقات الأخرى ... ويتجاوز أيّ هويّة أخرى .... في كلّ المعاملات .... تلزم حاملها بأن يرتقي بأخلاقه إلى مُستوى إنسان النيل العظيم ... الغني بثرواته ... الذي لا حاجة له في أن يتسوّل أو يسرق أو يقتل أو ينهب ... أو يختلس أموال أجيال وادي النيل ... الموجودة حاليّاً ... والتي لم تولد بعد ... وتلزم صاحبها أيضاً ... أن يحترم النظام الإداري الإقتصادي الإنتاجي الترحيلي التسويقي ... الذي يبتكره أذكياء وخبراء وحكماء وادي النيل .... وأن يحترم النظام العالمي الحديث ... ولا يتمرّد عليه على الإطلاق ... ؟؟؟

07- أن تسحب البطاقة من الذين يشرطون عين مواطن وادي النيل ... بالإنتماء إلى الحركات الغلوائيّة الفاشيّة التكفيريّة التقتيليّة الحراميّة الغبيّة ... أو بتدبير وتنفيذ الإنقلابات العسكريّة الشموليّة الغبيّة الأونطجيّة البلاطجيّة الفهلوانيّة الزلنطحيّة الأمنيّة التقتيليّة الفاسدة الإفساديّة الضالّة الضلاليّة ... أو بالتمرّدات العنصريّة الشموليّة الفاشيّة التقتيليّة التأميميّة الإجراميّة الحراميّة ... عديمة البدائل الإقتصاديّة ... ؟؟؟

08- التحيّة للجميع ... مع إحترامنا للجميع ... ؟؟؟


#682102 [احمد العربي]
5.00/5 (1 صوت)

05-30-2013 12:43 AM
تدخل البلاد في صراع مع السودان لأن المتعارف عليه أن دولتي المنابع تقسم حصة المياه فيما بينهم، وهو ما قد ينبأ بحروب مستقبلية.
دايريين يضحكوا تاني وتالت ورابع لان المتعارف عليه دولتي المنابع تقسم حصه المياه فيما بينهما طول عمركم 55 مليار متر مكعب والسودان 18 ونص متر تف تف عليك يالبشير المنبطح للمصريين والله العظيم انا لو رئيس السودان اقفل السفاره المصريه في السودان


#682101 [JOHN]
0.00/5 (0 صوت)

05-30-2013 12:41 AM
نحنا ماعندنا مشكلة مع سد النهضة، لأنو بتنزل علينا أمطار كثيرة والحمد للـه.......أما إنتو فما عندكم حل غير تسيبو الرقيص وتكثروا من صلاة الإستسقاء......


#682099 [Sudani]
0.00/5 (0 صوت)

05-30-2013 12:41 AM
اولاً فى ظل وجود حكومة عصابات فى الخرطوم يمكن لك ان تهدد السودان...ولكن حكومة العصابات تنهار تحت ضربات احرار الجبهة الثورية السودانية..والتغيير في السودان ووضع بوصلة السودان فى الاتجاه الصحيح على الابواب..وبعد ذالك مصر ستكون فى صدارة الدول كمطلب شعبى سياسي لاعادة النظر فى العلاقات المصرية السودانية.واعادة فتح جميع الملفات...وكل المشاكل تحل عن طريق المفاوضات بدون تهديد..يجب قفل الحدود اولا مع مصر مؤقتا الى حين تسوية كل القضايا العالقة..والغاء الحريات الأ٤ التى يتمتع بها المصريين والعكس للشعب السودانى الاصيل..هانى رسلان هذه مطالب شعبية وانا واحد منهم..اعتقد رسالة واضحة للسيد هانى رسلان..(قفل الحدود/الغاء بما يسمي بالحريات الأ٤ مؤقتا.فتح جميع الملفات العالقة وحلها عبر التفاوض بدون تهديد) دعك من تهديد السودان.الشعب السودانى فى المستقبل القريب لن يسمح لمصر تهديد اي من الدول الافريقية.دعك من دول حوض النيل. لهم الحق الاصيل في التمتع والاستفادة بالمياه التى تجري فى اراضيهم.ولذلك لا بد من تعديل الاتفاقية الاستعمارية. والجلوس فى طاولة واحدة مع جميع الدول ذات السيادة (دول حوض النيل) والوصول الى اتفاقية مُرضية لكل الاطراف المعنية من خلال التفاوض فقط التفاوض بدون تهديد


#682073 [Sudani]
0.00/5 (0 صوت)

05-29-2013 11:48 PM
اولاً فى ظل وجود حكومة عصابات فى الخرطوم يمكن لك ان تهدد السودان...ولكن حكومة العصابات تنهار تحت ضربات احرار الجبهة الثورية السودانية..والتغيير في السودان ووضع بوصلة السودان فى الاتجاه الصحيح على الابواب..وبعد ذالك مصر ستكون فى صدارة الدول كمطلب شعبى سياسي لاعادة النظر فى العلاقات المصرية السودانية.واعادة فتح جميع الملفات...وكل المشاكل تحل عن طريق المفاوضات بدون تهديد..يجب قفل الحدود اولا مع مصر مؤقتا الى حين تسوية كل القضايا العالقة..والغاء الحريات الأ٤ التى يتمتع بها المصريين والعكس للشعب السودانى الاصيل..هانى رسلان هذه مطالب شعبية وانا واحد منهم..اعتقد رسالة واضحة للسيد هانى رسلان..(قفل الحدود/الغاء بما يسمي بالحريات الأ٤ مؤقتا.فتح جميع الملفات العالقة وحلها عبر التفاوض بدون تهديد) دعك من تهديد السودان.الشعب السودانى فى المستقبل القريب لن يسمح لمصر تهديد اي من الدول الافريقية.دعك من دول حوض النيل. لهم الحق الاصيل في التمتع والاستفادة بالمياه التى تجري فى اراضيهم.ولذلك لا بد من تعديل الاتفاقية الاستعمارية. والجلوس فى طاولة واحدة مع جميع الدول ذات السيادة (دول حوض النيل) والوصول الى اتفاقية مُرضية لكل الاطراف المعنية من خلال التفاوض فقط التفاوض بدون تهديد


#682057 [اورو]
0.00/5 (0 صوت)

05-29-2013 11:29 PM
خبير مصري في الرقيص وهذ الوسط بصدقو غير كدا مابصدق كلامو


#682039 [جوك]
5.00/5 (1 صوت)

05-29-2013 10:54 PM
والله أنا الحاجة الحارقاني والمطلعة صليبي هي السدود العملوها المصريين في السودان عشان تمسك ليهم الطمي وأعشاب النيل لخاطر عيون السد العالي البشتن حلفا العظيمة بشتنة القرع.. وبالمناسبة سد مروي نفسه خاشي في اللعبة والدليل الطوربينات التي إمتلأت بالطين وتوقف توليد الكهرباء والذي سكت المصريين عن انشائه لأنه في صالحهم. ويأرسلان إن شالله الحبش يلحسوا النيل الأزرق بي ضبانتو.. ما عندنا مشكلة.. ونشوفكم ح تسووا شنو.


#682031 [elamin]
4.00/5 (2 صوت)

05-29-2013 10:42 PM
- نهر النيل يجرى من الحنوب الى الشمال, فى حاله بناء سد النهضه فإن المياه ستتجمع خلف السد و سيكون من الاستحاله المساس بالسد, حتى اذا تم توجيه ضربات جويه للسد و هدمه فإن ذلك معناه بمنتهى بساطه عدم تأثر اثيوبيا و دمار ساحق لدولتى السودان و مصر. حيث ان المياه المتجمعه خلف السد ستتجه شمالا فى اتجاه السودان و مصر و مبتعده عن اثيوبيا.
2- فى حاله المساس بسد النهضه الاثيوبى أو انهياره لأى سبب كان سيعنى ذلك فناء مصر, فبالإضافه للمياه الهائله التى ستدفق على السودان و مصر و تحصد فى طريقها الاخضر و اليابس فإن انهيار سد النهضه الاثيوبى يعنى ببساطه انهيار السد العالى بالتالى, فجسد السد العالى لن يتحمل ضغط المياه المفاجئ الناتج عن انهيار سد النهضه, فتصبح الكارثه بالنسبه لمصر كارثتين, و بأجراء حسابات دقيقه فإن انهيار سد النهضه و السد العالى فى آن واحد يعنى غرق الكتله السكانيه فى صعيد و دلتا مصر بالكامل و فناء 70 مليون مواطن مصر.
3- اى ضربه عسكريه لسد النهضه بعد اتمام بنائه هو منتهى الغباء فهو تدمير ذاتى لمصر.
4- اذا قدر و تم بناء سد النهضه فلن تكون مشكله ندره المياه و الجفاف بشئ يذكر بجانب الترتيبات الامنيه اللازم اتخاذها, فمصر ستجد نفسها مضطره لحمايه سد النهضه كما تحمى السد العالى تماما.
5-اذا كان من الصعوبه ان تقوم دوله معاديه كاسرائيل مثلا بضرب السد العالى, لقوه الجيش المصرى و مناعته و دفاعاته الجويه, فبإمكانها الان ضرب سد النهضه بمنتهى السهوله و اليسر, و انهيار سد النهضه سيتكفل بتدمير السد العالى


ردود على elamin
United States [هدهد] 05-30-2013 07:17 AM
انت مالك ومال السد العالى الذذى يبعد الاف الكيلومترات من اثيوبيا وهل يهمك السد العالى اكثر من الخرطوم ؟؟ اذا حصل ما كنت تتوقعه وكانت قوة الياه بنفس الشيىء الذى تخيلته فعلى الخرطوم ودنى وكل المدن والقرة على ضفاف النيل السلام يعنى غرق السودان وتدميره بأكمله . اما المصريين قادرون على حماية وطنهم سدهم العالى المصيبة فينا والكارثة ستحل بنا قبل مصر . الشيىء المحير ان المصريين يصرون ان ياخذوا حقهم كاملا من الماء ولو ادى ذلك لحرب مع السودان !!!!! وما ذنب السودان فى تشييد اثيوبيا بهذا السد العملاق يعنى مصر حقارتها علينا نحن فقط . والله فعلا قالوا المتعلم بركوبك ما بخليك . من يهن يسهل الهوان عليه فقد اصبح البشير العوبة فى وجه الحكام المصريين احتلوا حلايب شلاتين وسكت ضربوا عمال التعدين وسرقوا عرباتهم وسكت وكل ذلك خوفا من المحكمة الجنائية حيث ان مصر تقف معه ضد المحكمة وكلما رفع رأسه طلعت له كرت المحكمة الجنائية واخافته به ز طيب نحن نبنا شنو ؟؟؟؟

[زكريا أبو يحيى] 05-30-2013 01:38 AM
الاخ الأمين تدمير السد بعد انشاءه بفترة معقولة لا يشكل اي خطر على مصر او السودان ببساطة لان إمتلاء السد يأخذ عدة سنوات ولا يمكن ان يمتلئ بين ليلة وضحاها ولكن المشكلة ان ينهار السد بعد ان يمتلئ تماما بالماء فنكون نحن السودانيين اول الضحايا .


#682029 [صقر الجو]
0.00/5 (0 صوت)

05-29-2013 10:40 PM
يومتا الخبير في مراجعات قال السودان من سنة59 بسلف مصر
من حصته اسي بعد الحبش ابنو سدهم نشيل حصتنا ونخلص سلفيتنا السابقة
طول السنين الفاتت بعداك نفك الباقي الزمن داك اكون مجري النيل اتردم
عشان الموية تمش علي ليبيا
حلب مواهيم
ياريت لو حكومتنا حكومة عليها القيمة كان بعد مسكتكم من بيضكم ادتكم قرصة


#681996 [ابوالبشر]
0.00/5 (0 صوت)

05-29-2013 09:53 PM
خلو الممثل احمد ادم (بني ادم شو)يحلها ليكم زي ما كلن بتفاصح في حلايب


ردود على ابوالبشر
European Union [كركبه شديده] 05-30-2013 12:39 AM
أحمد ادم و توفيق عكاشة .. رموز لإعلام مصري ساقط ومنحط


#681977 [ميل]
5.00/5 (1 صوت)

05-29-2013 09:25 PM
والله العظيم - هاني رسلان بقى خبير بلاي ؟ انا كنتُ عرفه منذ زمن كعميل لمؤتمر الوطني وجاسوس مصر في السودان وهو ضابط في المخابرات المصرية -- ولكن المحيرني ايه اعلاقة السودان بسد النهضة الاثيوبي ام ان كون السودان حيطة مائلة كما قال الاخوة هو السبب بما ان الحلايب تم نهبها دون ان تحرك السودان ساكناً فعرفوا بان باستطعتهم اخذ السودان واحتلالها في اي لحظة يريدونها ؟ ههههههههه ولكن هيات فنحن في جنوب السودان بنكره هولاء المصريين الاوباش اولاد الرقاصات اكثر من اي شئ بسبب عنصريتهم البغيضة تجاه الافارقة والسودان وحتماً سنقف الى جانب اثيوبيا


#681972 [المخابرات العامة المصرية]
0.00/5 (0 صوت)

05-29-2013 09:22 PM
قال رسول الله(ص) جند مصر هم خير أجناد الارض،، فالجيش المصري هو أقوي جيش في العالم العربي و أفريقيا و نحن نحترم الجيران و الأشقاء بالسودان. النهاردة مستعدين لإزالة أديس إببا لو أصرت علي الأضرار بمصالح مصر المائية ، أما السودان دة حتة مننا و لا حرب معه.


ردود على المخابرات العامة المصرية
United States [abu aya] 05-30-2013 10:20 AM
اصلا لاتستطيع مصر ان تفعل شئ ومن قال لك ان جند مصر خير اجناد الارض ياحبيبي المسمي نفسك المخابرات العامة المصرية اولا روح فك الرهن بتاع سيناء هل تصدقوا ان الجيش المصري لايستطيع ان يدخل سيناء الا بأذن من ماما اسرائيل وبعدين نحن نعرف جيدا اذا كنتم خير جند ولا لا في مصري همه في الدنيا ان يملأ كرشة وينام ان يكون خير مقاتل سيبوا الوهم والنفخة الكذابة يا اولاد بمبه

United States [عبد الرحمن عكاشة] 05-30-2013 08:30 AM
والله إحنا موية المطرة محيراناوماقادرين نسوى بيهاشنووماقادرين نخش منها وين يعنى غرقانين من دون النيل.(أما السودان دة حتة مننا)!!ده إستعمارعديل كدة بس المرة دى معاكم ياتو؟؟؟

European Union [كركبه شديده] 05-30-2013 03:57 AM
روح يا عمي أسمع بالاول ماذا يقول احمد ادم و الجاهل الاخر توفيق عكاشة في الاعلام المصري ..عن السودان ..بعدين تعال إتكلم عن ( السودان دة حتة مننا ).
نحن لن نحترم من لا يحترمنا.. نحن شعب لنا تاريخ و حضارة و قيم .
و لن نسمح لاي اعلام ساقط وجاهل ان يتناول الشأن السوداني بإستخفاف و إزدراء وسخرية
حيث يصور اعلامكم و كأن السودان محافظة من محافظات مصر , وتصور الدراما المصرية السودانيين بأنهم بوابين سذج ...
لدينا ملفات كثيرة سنقتحها و سنأخذ حقنا بالكامل . ولا تقحموننا في حرب مع اثيوبيا ...هذا المشكل يخصكم ... النيل الابيض لوحده يكفينا..
زمان خدعتم عبود و بنيتم السد العالي ونحنا طلعنا بالخسارة ...
لو عندكم كلام أمشوا اعملوهو لوحدكم مع اثيوبيا ...

[deng abyei] 05-30-2013 02:48 AM
ههههههههههه طز فيكم ولو انت رجال صحيح حركوا طائرتكم

[isic] 05-30-2013 01:35 AM
ههههههه أمشوا عليهم ولا رسلوا ليهم طائرة بنات كما أرسلتوا للجيش اﻷمريكي في حرب العراق مع الكويت عشان ما يبنوا باقي الثلاثة سدود.

United States [مندكورو] 05-29-2013 11:42 PM
فعلا والدليل هزائمكم المتتالية امام جيش الدفاع الإسرائيلي في 48 و56 و67 وحتي 73 ...خير اجناد الأرض يهربون ويولون الدبر امام فتيات جيش اسرائيل!!!! بلاش فصاحة.


#681971 [fadeil]
5.00/5 (1 صوت)

05-29-2013 09:22 PM
رأيي أن لا داعي لهذه التعليقات التي لا فائده من ورائها لأن السد المزمع اقامته في اثيوبيا شبء يخصها وكان الأجدى بالمعلقين تناول محنتنا التي نعانيها ولا داعي لهذا الكم الهائل من تعليقات لا تحص شأننا .


#681953 [بكرة مصر و اسرائيل]
5.00/5 (2 صوت)

05-29-2013 08:52 PM
عليكم اللة في وقت احسن من دة عشان السودان يسترد السيطرة علي حﻻيب و شﻻين من مصر و القفشة من اثيوبيا .نكون مع الحبش نستام القفشة . نلوح باعطاء مصر قواعد عسكرية علي الحدود التثيوبية ناخد حﻻيب ..البلد دي عوزة ليها ريس شفت يلعب بالبيضة و الحجر عشان يحقق مصالح السودان بﻻ مصر بﻻ حبشة ..السودان و بس


#681932 [الارباب]
1.00/5 (1 صوت)

05-29-2013 08:28 PM
الحرب ضد مصر وانشاء نعطش .....وشوف الحقارة بخوفنا من حرب معاهم...........تعاين فى الفيل وتطعن ظلوا ام ادركتم ان الاحباش امة عظيمة بتاريخ حقيقى وغير مزيف ومابتقدروا عليهم وبتخوفونا حيطتكم القصير نحن السودان ده زات حنضموا للحبشة حتعملوا شنو؟


#681926 [مندكورو]
0.00/5 (0 صوت)

05-29-2013 08:22 PM
اهلنا في دارفور يقولون (دبره في وو قال جيبو همار أكوو) سد النهضة في اثيوبيا والمصريين عايزين يحاربو السودان!!!


#681920 [قنقر]
3.00/5 (4 صوت)

05-29-2013 08:16 PM
تخيلوا لو مصر جغرافيا فى مكان اثيوبياو اثيوبيا مكان مصر و السودان فى نفس المكان ماذا سوف يفعل المصريين


#681909 [ابووليد]
5.00/5 (2 صوت)

05-29-2013 07:57 PM
ده كلام خطير جدا يعني لونقصت حصة مصر حتعوضها من حصة السودان يالقوة وتكون حرب (الحيطة القصيرة) لانها ماحتقدرعلي اثيوبيا معاها اسرائيل وامريكا ‏.‏ اصحوا يانايمين وكفاية رقص ونطيط ‏..


#681885 [مسلم]
5.00/5 (1 صوت)

05-29-2013 07:30 PM
إن كنتم تملكون الشجاعة الكافية يا رسلان فعليكم إقامة الحرب مع أثيوبيا التي تريد أن تحبس عنكم المياه عنوة وإقتدارا وليس مع السودان فما هو ذنب السودان يا هاني حتي تشنون عليه الحرب بسبب المياه ؟؟؟؟ والله دي مهزلة غريبة وتحليل غبي ينم عن جهل وتحامل غريب علي السودان وشعبه الطيب الأصيل الذي وقف مع مصر في كل إشكالياتها تاريخيا وحديثا ولم يجد منها غير الإحتقار والإزدراء يلا يا رسلان إحمل السلاح أنت وحكومتك الهزيلة التي يقودها الرئيس الضعيف الملطشة مرسي الذي خذل جماهير الأمة العربية والإسلامية في حلمهم بإقامة حكم واعي ورشيد بجمهورية مصر هيا إحمل السلاح وحرك الطيران لثني أثيوبيا عن إقامة هذه السدود ودع السودان وشأنه فلا دخل للسودان بهذه الإشكاليات ولن نفرط إن شاء الله في لتر واحد من مياه النيل ولن نتنازل عن قطرة واحدة من حقوقنا التاريخية الأصيلة في مياه النيل لجمهورية مصر ونقول لك يا رسلان ومن وراءك من أعضاء حكومتك الجبانة التي لم تستطع أن تواجه الحبش وتريد أن تحول المعركة مع السودان إن حقنا من مياه النيل دونه الدماء ودونه خرط القتاد


#681868 [كاظم الغيظ]
5.00/5 (1 صوت)

05-29-2013 07:11 PM
يا أخوان عشان الكلام بتاعنا ما يكون كلام عوام ودهماء ساكت نرجو توثيق الخبر من مصدره وهاني رسلان قال الكلام ده وين ومتين ولمين ولو في تسجيل يوتيوب يكون أحسن. الخطوة التالية نطالب نحن من حكومة الإنبراشة والإنبطاحة ارسال موفد للحكومة المصرية أو استدعاء السفير المصري في الخرطوم لإستجلاء الأمر منه إما أن يؤكد ذلك أو ينفيه باعتبار أن رسلان ده قال الكلام وهو سكران في شارع الهرم وفي كلا الحالتين ينبغي على حكومة الهوان إجراء تتخذه.


#681854 [الكوز الفى الزير التحت الراكوبه]
5.00/5 (1 صوت)

05-29-2013 07:00 PM
يا هانى يا رسلان السد عملتو اثيوبيا وانته عايز تحارب السودان , وما بتقدر تحارب اثيوبيا لأنها مسنوده بأسرائيل وطبعا اسرائيل يعنى امريكا وامريكا يعنى المعونه والمعونه يعنى القمح والخبز لذلك لا مفر من الحرب على السودان للحصول على الترعه المتبقيه , وترعه + خبز افضل من نيل بدون خبز .


#681826 [مواطن من جنوب السودان]
4.87/5 (13 صوت)

05-29-2013 06:27 PM
إخوتي في شمال السودان عليكم ان تدركوا جيدا ان المصريين انانيين جداً يحبون انفسهم ووطنهم فقط . السدود الإثيوبية لن تؤثر علي شمال السودان لان السودان دولة ممر وجزء كبير من السودان الشمالي لا يعتمد علي مياه النيل الأزرق . المصريين انفسهم لو كانو جغرافيا في موقع إثيوبيا لما طلبوا أزن من أي دولة للقيام بمشاريعهم علي النيل . هاني رسلان من بقايا نظام مبارك . مع شكري


ردود على مواطن من جنوب السودان
[nimir hassan] 05-29-2013 11:33 PM
انا اشكرك والله ديل كلاب وما بعرفوا الا مصالحهم لكن لقوا العواليق الفي الكراسي ديل وبقوا يلعبوا بالسودان


#681821 [بديوي]
5.00/5 (6 صوت)

05-29-2013 06:23 PM
حسبتها غلط يا خبير: السودان ياخذ حقة من الحصة كاملة (18.5) مليارمتر مكعب ويترك الباقي اذا كان للامر بقية ومثلنا بقول الاكل لو ما كفى البيت بيحرم على الباقين , زمان كان السودان ومصر وليبيا تسمى بالجمهوريات الثلاثة لا لشيء اخر سوى الترابط والتعاون وانتم الان بمخطط اسرائيلي استوليتم على حلايب و اسرائيل تعلم تماما بوجودكم في حلايب والصراع المؤجج بالسودان حاليا, لن تستطيع السودان الوقوف معكم و سابقا كنتم تقدمون الدعم للحركة الشعبية الى ان تم الانفصال وانتم لاتحركون ساكنا و المخطط المستهدف هو مصر وذلك بان تتولى دولة الجنوب السيطرة على النيل الابيض وتتولى اثيوبيا السيطرة على النيل الازرق : اذا الحل هو ان تنسحب مصر من حلايب بلا شروط وحالا وتقدم الدعم العسكري والسياسي اللازم لاستقرار السودان ويمكن انشاء قاعدة جوية مشتركة داخل السودان لمواجهة المخطط . لان السد استهداف امني قومي لدولتي المصب . اللهم الا هل بلغت اللهم فاشهد.


ردود على بديوي
[صخر] 05-29-2013 09:24 PM
مصر بتأخذ 55 مليون م م وال 18.50 مليون متر مكعب نصيب السودان وطبعا نصيبنا بيروح منه لمصر 4.5 م م لاننا لا نستغل كل حصتنا - يا زول انت ماك نصيح قاعدة شنو وبلاوى شنو؟ مصر سوف تخرج من حلايب وشلاتين وابو رماد غصبا بس انتظروا حكومة الانبراشة دى تسقط - بعدين القال ليك انو السودان دولة مصب منو ؟ نحن دولة مرور انشاء الله عسكرى مرور يقبضك -


#681820 [3Atel]
4.88/5 (9 صوت)

05-29-2013 06:23 PM
يا هانى رسلان انتو كلو ما اثيوبيا تغرف ليها جردل تقعدو تكوركو زى الولايا كدة....ياخرابى يا لهويتى ياما... انت مش مشجع كويس وانت جوعان خد لك سنيكرز لا توقف...


#681818 [ممغتربة]
5.00/5 (2 صوت)

05-29-2013 06:21 PM
مصرية قالت لي ان السد العالي اتعمل عشان يحمي السودان من الغرق ولو ما السد العالي كان السودان غرق وانتهي من زمااان !!!!!!! بالله عليكم الناس ديل هبل ولا بستهبلو ولا اغبياء ولا بستغبوا


ردود على ممغتربة
[nimir hassan] 05-29-2013 11:35 PM
ديل اجهل من مشي علي وجه الارض والله معانا في دول الخليج يضحكوا حلب بهائم


#681798 [سوداني والسلام]
0.00/5 (0 صوت)

05-29-2013 06:12 PM
لا اخير المويه نحرسا ليكم ولا نقطة مافي مواطن يقرب منها، انسى يا خبير الماء سر الحياه كان حرب كان اي حاجة !!!!!!


#681788 [جركان فاضى]
4.50/5 (2 صوت)

05-29-2013 05:59 PM
مافى حلايب مافى ليكم موية -السودان ماسك مصر من اليد البتوجعها - بعدين تعرف مصر جيدا ان السدود فى اثيوبيا هى ملك لاسرائيل بحكم انها استثمار اسرائيلى الغرض منه بيع مياه النيل لمصر والسودان - تدفع تاخذ موية ما تدفع تاكل بعينك -ثم ان من شروط بيع المياه لمصر مد ترعة من مصر لاسرائيل والا المصريين الله قال بقولهم


#681775 [عبدالله]
5.00/5 (3 صوت)

05-29-2013 05:50 PM
حلايب حلايب ياااااااا حبايب بعد داك يممممكن نتفاهم بى شروطنا نحن وليس شروطكم انتم .


#681774 [هباش]
5.00/5 (2 صوت)

05-29-2013 05:49 PM
نحن السودانين شعب وحكومه مع قيام السد الاثيوبى قال نشرب ترعه قال يعنى نحنا من سنون مضت نشرب فى الترعه حكمتك يالله قولو الروب يا جلافيط


#681770 [هباش]
5.00/5 (2 صوت)

05-29-2013 05:47 PM
نحنا السودانين حكومه وشعب نحن مع السد الاثيوبى .قال نشرب ترعه قال يعنى نحنا شاربين الترعه من سنون مضت حكمتك يالله قولو الروب يا جلافيط


#681753 [hussein]
0.00/5 (0 صوت)

05-29-2013 05:40 PM
المصريين دائماً يمسكو العصع من النص وهذة سياسة جبانة


#681745 [MAHMOUDJADEED]
5.00/5 (1 صوت)

05-29-2013 05:29 PM
تحدث بعض الخبراء المصريين وكان تحليلهم عكس هذا الرسلان . وبعدين ايه حكاية الحرب مع السودان ؟!!. على أي حال شيلوا شيلتكم مع اثيوبيا نحنا ما مستفيدين من حصتا نمشي نحارب عشان حصتكم ؟!!


#681741 [على المصرى]
0.00/5 (0 صوت)

05-29-2013 05:25 PM
يا انا مصرى ولم اكن اعرف رد الفعل هذا من السودانين مع العلم لو سالت اى مصرى ماريك فى الشعب السودانى سيكون الرد شعب السودان ومصر شعب واحد والمصريين ليس مركزين معكم اصلا ولكن الطبيعى عند المصرين ان السودان ومصر تربطهم علاق وطيد وتاريخية ومع العلم سد الالفية هذا تموين اسرائيلة ولو تم انشاء هذا السد يمكن تدميره بايد اسرائيل ايضا وسيت اغراق الخرطوم يريت نكون موضعين اكثر


ردود على على المصرى
European Union [كركبه شديده] 05-30-2013 04:22 AM
يا استاذ عالجوا أخطائكم معنا أولاً , و أفسح المجال لإعلامكم الساقط بأن يعتذر عندما يتناول السودان يإستخفاف ...كالساقط الحقير والجاهل توفيق عكاشة .. الذي يقول : أساساً لا يوجد بلد اسمه السودان ولا شعب اسمه السودان ..

راجع اليوتيوب ... ( توفيق عكاشة لا يوجد شعب اسمه السودان )
اي علاقة تاريخية تتحدث عنها ؟؟؟؟ إذا كان إعلامكم بهذه الدرجة من السقوط و الوضاعة ...فأرجو
أن لا تتكلم عن أي علاقات تربطنا بكم .
لماذ يدفع اعلامكم بعجلة الكراهية بين الشعبين و يسعى لإفساد تلك العلاقة ...
نحن شعب طيب و مسالم ...و السودان ليس قرية او ضيعة تابعة لمصر ...

United States [isic] 05-30-2013 01:54 AM
إنتو غشيتوا جدودنا زمان لكن نحن جيل بنفهم مابننجرف وراء العواطف عشان كده دقتكم القديمة دي خلوها نحن معركتنا معاكم جاي في حلايب وشلاتين ولعلمك حتى النظام الحالي بسؤاته ده ماحيقيف معاكم ﻷنهم كانو بفتشوا ليهم في يدا" بتوجع وحدي إتلقت ، أما لو سألتونا نحن الشباب كان علينا حنعمل سد الموية ماتصلكم حتى وبعدين السد يبنيه إسرائيل ولا كمبوديا في شنو إسرائيل عندها سفاره عندكم ومصالحكم معاها مائة المائة حلال على بلابلة الدوح وحرام على الطير من كل جنس؟

United States [الضباب] 05-29-2013 10:48 PM
دعك من الدبلوماسية يا صديقي فالحكم بالافعال وليس الاقول

هل كنتم تعتقدون اغراق وادي حلفا أجمل مدن افريقيا في زمانها والتنكر لها بعد بناء السد
هل كنتم تعتقدون بأن دماء النساء والاطفال بميدان مصطفى محمود سيكون مجاناً
هل كنتم تعتقدون بأن الاسأة في اعلامكم بعد مباراة الجزائر سوف تنسى ،، ربما ينسى الجزائريين اما نحن فلا.
هل كنتم تعتقدون احتلال حلايب وشلاتين سوف يمر مرور الكرام
هل كنتم تعتقدون التأمر بعمل الانقلابات ومساندتها ضد الحكومات الديمقراطية سوف ينساها السودانيين
للاسف ياصديقي ما يفرقنا اكثر من ما يجمعنا ،،، وعليك الذهاب لاديس ابابا لترى كيف يعامل السوداني بحب لانستحقه وكيف يعامل السوداني بمصر بكراهية لانستحقها ايضاً

لو كانت السدود تغرق المدن لغرقت القاهرة قبل خمسين عاماً

European Union [نزار مهدي] 05-29-2013 09:03 PM
الاخ المصرى احترامي وتحياتى وحبى لك صحيح ان هنالك الكثير من القواسم المشتركة بين الشعبين والكثير من الحب كذلك لكن تبقى هنالك شوائب تهدد العلاقات بين الشعبين مثلا تعامل الاعلام المصرى مع القضايا السودانية بمنتهى الصلف والغرور وتعمد الكثير منهم الاقلال من شان السودانيين دائما واكبر دليل على ذلك ادخل على اليوتيوب وشاهد مايبثه الاعلام المصرى من اساءات للشعب السوداني ومواقف الحكومات المصرية المتعاقبة ابتداءا من عبد الناصر وحتى حكم الاخوان المسلمين من تبخيس لقدر السودان وابسط دليل على ذلك اتفاقية الحريات الاربعة المنفذة من السودان بالكامل ومعطلة تماما من الجانب المصرى وابعد هذا تستغرب مواقف السودانيين من مصر ؟ المصريين لايتذكرون السودانيين وعبارات الاخوة الا اذا كانت لديهم مصلحة من ورائها اتمنى ان تراجع الحكومة المصرية نفسها وتوحد مواقفها مع السودان لمصلحة الطرفين

[ابو العينيين] 05-29-2013 08:46 PM
(وسيت اغراق الخرطوم يريت نكون موضعين اكثر) انت تعرف يا علي المصري نحن قررنا ننقل العاصمة الي الابيض قصة انو الجرطوم بتغرق ما بتقسم معانا

European Union [ashrf] 05-29-2013 08:40 PM
طول عمركم انانيين حتى فى سياساتكم وتفكيركم عندما تتحدثون عن الداخل الافريقى تقولون الافارقة وكانكم من عالم اخر من قارة اخرى ارنى مرة واحدة كنتم على قدر الاخوة التى تدعونها
هذه العلاقة كانت دوما حب من طرف واحد كما النيل من الجنوب الى الشمال قدم لى موقفا واحدا حتى عندما كان يقاتل السودانين على اطول جبهة فى افريقيا من قرورة الى ليريا اقتحمتم حلايب حتى تنفسوا عن اليوغندين فى امطارهم الغزيرة قتلتم جنودنا من الشرطة فى ابورماد منعتم تغيير جنودنا داخل المثلث ثمانى سنوات وهم فى الحصار منعتم حقن الانسولين والمياه عنهم وكانو هم على قدر هذه الارض التى عرفت بانها ارض المقاتلين العظام من لدن ترهاقا الى دقنةو المهدى

هل اذكرك باستبسال السودانيين فى الدفاع عن القنال وراس العش شاهدة فى 67 وتنازلنا عن حلفا وعن اول القوات العربية وصولا الى الجبهة فى 73وعن وعن وعن تديمير شلالاتنا لاجل مصر ماذا فعلتم حتى نتباكى على الاخوة

[الصابر] 05-29-2013 08:33 PM
خلي الخرطوم تغرق ...انت مالك ومال الخرطوم......اتو لسة فاكرين انو انحنا شعب اهبل وعبيط...
انحنا اقرب للحبش منكم انتم.......عندما لجاالمك نمر للحبشة لم يفكر فيكم انتم ...لكن المهدي
عليه السلام فكر في انقاذ عرابي بتاعكم .....

[موجاف] 05-29-2013 07:11 PM
يا ابن المصرية
لسنا شعب واحد
لماذا تحتلون حلايب؟
ولماذا تغرق إسرائيل الخرطوم؟
نتمنى أن تنجز اثيوبيا عشرة سدود بدل واحد
ما انتو كمان كل عمركم تموين اسرائيلي


#681725 [سن ألفيل]
0.00/5 (0 صوت)

05-29-2013 05:13 PM
والله لو رئيس السودان قطرة مويه ما تمشي للمصاري زي ما بنتظروا اعانة الامريكان من القمح ينتظروا اعانة السودان من الماء مصاري اولاد .......


#681721 [المتجهجه بسبب الانفصال]
5.00/5 (4 صوت)

05-29-2013 05:10 PM
ولماذا الحرب مع السودان وليس مع اثيوبيا صاحبة المشكلة،،، ده آخر الجزاء ،،، وده تحريش للحكومة السودانية انو لو ما تدخلتو بالنيابة عننا وعرقلتو الحاصل نحن حا نشيل حصتكم زي ما شلنا حلائب ،،، لكت قسما عظما نحن في الجبهة الثورية وتحالف كاودا بعد ما نطرد كلاب المؤتمر الوطني حا نضع سياسة بتي كلب ترجعكم لي أيام الاشوريين ،،،


#681713 [بديوي]
0.00/5 (0 صوت)

05-29-2013 05:04 PM
حسبتها غلط السودان ياخذ خقة من الحصة كاملة (18و5مليارمتر مكعب) ويترك الباقي اذا كان للامر بقية ومثلنا بقول الاكل لو ما كفى البيت بيحرم على الباقين , زمان كان السودان ومصر وليبيا تسمى بالجمهوريات الثلاثة لا لشيء اخر سوى الترابط والتعاون وانتم الان بمخطط اسرائيلي استوليتم على حلايب و اسرائيل تعلم تماما بوجودكم في حلايب والصراع المؤجج السودان لن تستطيع السودان الوقوف معكم و سابقا كنتم تقدمون الدعم للحركة الشعبية الى ان تم الانفصال وانتم لاتحركون ساكنا و المخطط هو مصر ان تتولى دولة الجنوب السيطرة على النيل الابيض وتتولى اثيوبيا الازرق : اذا الحل هو ان تنسحب مصر من حلايب بلا شروط وحالا وتقدم الدعم العسكري والسياسي اللازم لاستقرار السودان ويمكن انشاء قاعدة جوية مشتركة داخل السودان لمواجهة المخطط. لان السد استهداف امني قومي لدولتي المصب . اللهم الا هل بلغت فاشهد.


#681708 [حسكنيت]
3.50/5 (4 صوت)

05-29-2013 05:03 PM
نحنا ذاتنا ، بعد الإنقاذ تقطع وشها ، عندنا سدود عايزين نبنيها ونحجز فائض مويتنا فيها


#681705 [yousif bashir]
5.00/5 (1 صوت)

05-29-2013 05:00 PM
هو ليس خبير مائ هو خبير في التخطيط التخريبي بين الدول و c.i.a


#681692 [الشعب الفضل]
4.99/5 (7 صوت)

05-29-2013 04:52 PM
هذا خرا مصري وليس خبير
شوف دائما التهديد للسودان لانه بالنسبة ليهم السودان هو الحيطة القصيرة بسبب سياسات الكيزان المنبطحة
لماذا لم يقول سيسبب حرب بين مصر واثيوبيا؟
اذا لم يفهم الشعب السوداني هذه الرسالة فانه لا يستحق الحياة وعليه ان لا يلوم الا نفسه
كفاية مهازل


ردود على الشعب الفضل
United States [تقاطع] 05-29-2013 05:55 PM
أخونا الشعب الفضل ،، زي ماقلت المشكلةفي الشعب الدايش و حكوماته المرتشية القذرة منذ الإستقلال ،، في النهاية المصريين أغبياء ،، ما عندنا حكومة بتحارب ليهم و إن شاء الله إثيوبيا لو بتقدر تقفل النيل دة كلو كلو عشان أنحن زاتنا نرتاح منو ،، و كفانا الأمطار , و قدر البصلنا من النيل الأبيض


#681690 [sami ahmed]
4.75/5 (3 صوت)

05-29-2013 04:50 PM
عدم صدقية قول هانى رسلان لان السودان يعتمد على المياه الجوفيه ما حنخوض حروب بالنيابه عنكم عندكم مشكله مع اثيوبيا حلوها براكم وحتى حصة السودان الكامله لم نستغلها بعد يعنى ما خسرانيين شى بعدين نحن بيمر علينا نيلين


#681683 [samara simsim]
3.50/5 (3 صوت)

05-29-2013 04:48 PM
مين الخبير ده يام مخبولين ؟ مافي مصري موضوعي عشان تقولو عليهو خبير ديل عبدة حاجه اسمها مصر علي حساب الاخرين وبفتكروالنيل ربنا خلقو ليهم هم بس. بعدين قادين راسناباسرائيل منو العندو علاقه مع اسائيل امتر من مصر؟ دايرين الاجابه؟ هم دولتين بس الاولي امريكا والثانيه قطر


#681667 [عبدالرحمن الشيخ]
4.85/5 (6 صوت)

05-29-2013 04:40 PM
نحن بنشيل حصتنا من المويه ولو في باقي بنديهو المصريين لو مافي خليهم امشوا يحاربوا اثيوبيا


#681665 [بلدى ياحبوب]
4.75/5 (4 صوت)

05-29-2013 04:37 PM
صراع مع السودان ايوه مانحن الحيطة المايلة بتاعتكم


#681664 [كتاحة]
5.00/5 (13 صوت)

05-29-2013 04:37 PM
نحنا حصتنا معظمها ما بنستفيد منها و بتمشي لي مصر اضافة الى انو المطر عندنا على مدار العام
فما تربطونا معاكم يا المصريين اتصرفوا بي طريقتكم ان شاء الله تشربوا موية الصرف الصحي

نحن في اشد الحاجة للكهرباء التي ستنتجها اثيوبيا و ستصدرها لنا و نحمد الله كثيرا انه لم يجعل مصر هي دولة المنبع لانو لو كانت كدا كانت باعت لينا موية النيل بالجردل

انا لو محل حكومة السودان السجمانة كان بنيت لي سد مليونية في حلفا القديمة عشان تعرفوا ان الله حق
و الموية دي الا تقدموا ليها خطاب مستوفي الدمغات عشان نصرف ليكم كباية


ردود على كتاحة
United States [ركابي] 05-29-2013 06:00 PM
لاحولاااااااااااااااا انته باين عليك شامي المصريين جنس شمه ههههههههههه الجماعة دييل عددهم المعلن 90مليون والحقيقي يمكن يصل 150مليون ولو عطشوا بيجونا شايلين شوم وعكاكيز ياخي


#681656 [الشاعر]
1.50/5 (3 صوت)

05-29-2013 04:32 PM
فورا يقوم الطيران المصرى والسودانى الحربى بضرب السد وانا واخوى على ود عمى واناوودعمى على الغريب ديه كمان استهتار والله ده مصير شعوب وامم وهذه كلها مخططات اسرائيليه بقصد تدمير الامه العربيه الاسلاميه...يا مرسى اصحى.


ردود على الشاعر
United States [عبد الرحمن عكاشة] 05-30-2013 08:45 AM
إنت شاعر بى شنو وبعدين عمك فرعون؟؟العياز بالله والله موضوع السد ده إنحنا لاعندنا فيه ناقة ولاجمل ولاكديس ساى ماعندنا.بلاش هبالة ياخى.مسخرة.

[الي الشاعر] 05-29-2013 10:17 PM
المصريين ديل بيعتبروك عبد بواب سفرجي , كيف يكونوا ولاد عمك وهم احفاد اتراك وفرنسيين ما بتشوف شكلك في المرايه يا مغفل , ولاد عمنا هم الافارقه

[مسامح] 05-29-2013 08:23 PM
هههههههههههههههههههه....خايب وخيبان

[J h m] 05-29-2013 07:23 PM
قبلي ماتضربو سد النهضة.يا اولا د البمبو يا مصرين الطيران الهربي السوداني والإثيوبية سي يقوماني بضرب سد العالي كلكم تكونو هايمين في الموية زي كورة الأطفال

United States [deng abyei] 05-29-2013 07:16 PM
وبعده بدقائق ستقوم الطيران الحربي الكيني والاوغندي والاثيوبي والجنوب سوداني والروندي والبورندي والجنوب افريقي والزمبي والغاني والنيجري والكمروني و الزمبابوي بضرب السودان ومصر في ان واحد...شوفتى كلام انا وود عمي ياسوداني يامغفل ممكن تنتهي من حاجة اسمو مصر نهائيالان كل افريقيا لن تقبل باستفزازات مصر او حتى البشير نهائيا سد النهضة سيبني شرب مصر او لم يشرب سيبنى سد النهضة لانه فخر لنا كأفارقة وسنحميه من أي مخرب سوداني كان او مصري او غيرهم.

United States [حواتي] 05-29-2013 06:12 PM
ههههههههههههههههههههههههههههههههههههههه والله ضحكتني ياابو الكدس

United States [ود يعقوب] 05-29-2013 05:47 PM
ولو دمرت السد حتغرق انت اولا يا ناصح

United States [كردفاني اصلي] 05-29-2013 05:34 PM
لا مخططات ولا بطيخ نحن نحتاج الي اثيوبيا اكثر من المصارية الذين يحتلون حلايب بعدين مين قال ليك ان المصريين ابناء عمومتنا بالعكس ابناء عمومتنا الاحباش والمصريين فراعنة ياكلوا نيم ويحلوا برسيم مسقي من مياه الصرف الصحي

United States [أبو الكدس] 05-29-2013 05:16 PM
أشان يا شاعر يا ما عندك مشاعر يقوم الطيران الأثيوبي طوالي يدك السد العالي ويخليكم تسبحو في العلالي


#681654 [Petro]
5.00/5 (2 صوت)

05-29-2013 04:30 PM
يعني قصر الكيزان المسمي زورا (القصر الجمهوري) حيفتح علي ترعة !!


ردود على Petro
United States [الكوز الفى الزير التحت الراكوبه] 05-29-2013 06:39 PM
والشقق فى مصر حترخص وبدل تشترى شقه على النيل تشترى شقه على ترعه .


#681644 [الهلالي]
5.00/5 (2 صوت)

05-29-2013 04:26 PM
معاهدة اقتسام مياه النيل تم في عام 1929م بينما كانت دول حوض النيل دول مستعمرة وليست دول ذات سيادة فلذا تعتبر هذه المعاهدة باطلة وكأن لم تكن هذه واحدة وثانيا:
انها كانت قسمة ضيزى ... فعلى اي اساس تاخذ مصر نسبة 55 مليار متر مكعب سنويا من الاجمالي الذي يبلغ 85 مليار متر مكعب .. فيجب اقتسام المياه إما على حسب الكثافة السكانية لدول الحوض كل على حده أو حسب مساحة كل دولة من دول الحوض ... فعلى دول الحوض ان تقف وقفة ثابتة لانها على حق...


#681643 [خالد حسن]
5.00/5 (2 صوت)

05-29-2013 04:26 PM
السودان مادولة مصب بل مجري وايضا منبع لامطاره الغزيره
ماتاكلوا بعقلنا حلاوة يانفعيه .. اكلوا ناركم براكم
بما ان السودان لن يتأثر حتي لو جف النيل الازرق
وكان خشينا معاكم في حرب ماحتكون بسبب المويه لكن بسبب حلايب
بس او نتحرر من استعمار الكيزان والعسكر


ردود على خالد حسن
[تقاطع] 05-29-2013 05:57 PM
يسلم كيبوردك ، أيوة كدة ، إن شاء الله يقفلوهو النيل دة كلو كلو ، إحنا مالنا ، خليهم يشربو حلايب وشلاتين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة