الأخبار
أخبار إقليمية
حركة العدل و المساواة السودانية توجه رسالة للقوات المسلحة السودانية
حركة العدل و المساواة السودانية توجه رسالة للقوات المسلحة السودانية
حركة العدل و المساواة السودانية توجه رسالة للقوات المسلحة السودانية


05-29-2013 08:56 PM
- الحركة تدعو الوطنيين في القوات المسلحة السودانية الوصول إلي تفاهمات سريعة مع الجبهة الثورية لإنهاء حكم البشير.
- تستنكر توظيف المؤتمر الوطني لإسم الجيش السوداني في إنتصارات وهمية في أبكرشولا و الجيش يعلم لا معركة وقعت و لا رصاصة أطلقت و السيارة الوحيدة التي عرضت في التلفزيون هي رفعت من أم روابة و تتبع لأحد ميلشيات رجال السلطة.
- هذا الإنتصار الوهمي قراءته بالنسبة لنا يشير بأن النظام فقد السيطرة و التحكم و هذا يفيدنا جدا في تنفيذ الخطة "ب"

إستنكرت حركة العدل و المساواة السودانية توظيف المؤتمر الوطني لإسم القوات المسلحة السودانية في إنتصارات وهمية و تعبئة صورية ليست موجودة علي الأرض و ذلك بالإستمرار في خداع الشعب السوداني و القوات المسلحة السودانية في عملية مونتاج فاضحة و ناشدت القيادات الوطنية في القوات المسلحة السودانية إلي الدخول في تفاهمات سريعة مع الجبهة الثورية لإنهاء حكم البشير و وقف الحرب و الإقتتال في السودان و إعادة بناء القوات المسلحة الوطنية و فك الإرتباط مع لوبي المؤتمر الوطني الذي ظل يتلاعب و يوظف القوات المسلحة بشعارات لا تخدم الوطن و لا الدولة و لا الشعب كما حيت الحركة عدد قيادات من الجيش السوداني التي رفضت هذا العبث ، و قال القيادي في الجبهة الثورية ، مستشار رئيس حركة العدل و المساواة للشؤون الإعلامية محجوب حسين " إننا نستنكر سيناريو المونتاج الإعلامي الفاضح الذي يمارسه المؤتمر الوطني و ذلك بتوظيف القوات المسلحة في إنتصارات لم يدخلها الجيش لمعالجة خلل إنهياره الواضح و الجيش السوداني يعلم أن لا معركة و لا رصاصة أطلقت في أبكرشولا و دلائل الكذب واضحة من خلال الصور التلفزيونية و المداخلات الخجولة فضلا عن التناقضات في حديث قيادات المؤتمر الوطني و بعض عناصر الميلشات التي عرفت بإسم المنتصر بالله 2 ، ضابط يقول المعركة بعد صلاة الجمعة و آخر يقول الصباح و آخر يأتي ليقول مساءا و أن المعركة إستمرت خمسة ساعات و بدأت الساعة كذا و آخر يقول دخلنا الساعة كذا و أثناء نقوم بعملية حسابية لعدد الساعات نجدها عشرة ساعات ، إنها فضحية سياسية للمؤتمر الوطني و مؤشر جيد لنا في الجبهة لتنفيذ الخطة "ب" بعدما وضح الإرتباك و الخلل و فقدان السيطرة و التحكم " و أضاف حسين " آن الآوان علي القوات المسلحة و خصوصا الوطنيين فيها الدخول في تفاهمات سريعة مع الجبهة الثورية لإنهاء حكم البشير و وقف التلاعب بإسم القوات المسلحة في هتافات و عبث ليس موجودا فيه خداع للنفس و حتي لله رب العالمين، و الجبهة ليست لها عداء مع الجيش السوداني و تسعي للعمل معا لإنهاء حكم البشير الذي لا يحترم الجيش و يسيء إليه رغم أنه أحد خريجها ، كما أن الجبهة الثورية سوف تفند و تدحض هذا الإنتصار الوهمي عمليا و إسقاط البشير مسألة وقت فقط معه تسقط منظومة الكذب كلها "


تعليقات 27 | إهداء 1 | زيارات 18117

التعليقات
#683678 [ود السودان]
0.00/5 (0 صوت)

05-31-2013 12:46 PM
ههههههههههههههههههههههههههههههههههههههههههههههههههههههههههههههههاي وين الزعيم الحلو البتتكلم عنو دا مرقنو كرعيييييييييييو هو في جوبا مع اسيادو هناك يا ناس مدو لحافكم على قدر كرعيكم حقيقة انتم لا تستحقوا ان يرد عليكم سسسسسسسسسسسسسسسسسسسسسسسسسسسسسسسسسسسلا م كان فضلت ليكم رجاله تعالو نتقابل في كاودا وبرضوا حتقولوا انسحبنا منها حفظنا اسطوانتكم دي خلاص هههههههههههههههههههههييايا حشر


#683410 [محمد]
0.00/5 (0 صوت)

05-31-2013 03:24 AM
هارون: الجيش يحاصر قوات جبريل التي كانت تسعي لنجدة المتمردون بأبو كرشولا. الله اكبر والعلة للسودان.


#683350 [جاكم]
0.00/5 (0 صوت)

05-31-2013 12:43 AM
مجالس الخرطوم ـ بل كل مجالس السودان ـ تتحّدث الآن عن ضعف روايه النظام في ما حدث بابوكرشولا و سوء اخراج المسرحيه بتلفزيونهم البائس ،
لقد كانت تصريحات قاده المليشيات والمسؤلين متناقضه وتبدو (ملتّقه) وكأنها (مُعّده) مسبقاً .
ماعادت الأكاذيب (تمّر) كالسابق حتى عند (الرجرجه) .
والتظاهرات القالوا عليها خرجت ((عفويه)) اتضّح انها كانت (منظمه) منذ ايام ومدفوعه الأجر والبصات كانت متراصه للإنطلاق .


#683228 [احمد]
0.00/5 (0 صوت)

05-30-2013 08:37 PM
how the sudanese make peace


#682997 [dddd]
5.00/5 (1 صوت)

05-30-2013 04:19 PM
yes for srf...


#682992 [sun]
0.00/5 (0 صوت)

05-30-2013 04:16 PM
no


#682950 [SEBAK]
5.00/5 (1 صوت)

05-30-2013 03:36 PM
الخطة (أ) كانت كيف؟


#682855 [ال جاكسون]
5.00/5 (3 صوت)

05-30-2013 02:17 PM
نحن جموع السودانيون في كل مكان نقف قلبا وقالبا مع الثورة السودانية شبابا وطلابا وضباط وموظفين ومحاميين وقضاة احرار اكرر احررررررار من التبعية لهذا النظام البائد الذي سمي نفسه اعتطباطا الانقاذ - نحن هنا ننادي جماهير الشعب السودان للعمل سويا لازالة واقتلاع هذا النظام سيئ الذكر فلنعمل في كل مواقعنا بكافة الطرق ونحنا لنا افكار ودراية بالخطة (الف ) + (باء) + ( جيم )ان مستوي التنسيق مابين مكونات الثوار السودانيين الاحرار متوفرة وجيدة لان القيادات الشبابية والعسكرية والمدينة والحقوقية علي قدر كبير من التاهيل العلمي والتقني وهم سوف يكونون روح ثورتنا العظيمة القادمة ضد نظام الموتمر البطني الفاسد المفسد قاطع ارزاق الشعب السوداني العظيم . (((( دامت ثورة الشباب السوداني العظيمة ))))


#682667 [ود الجاك]
1.50/5 (4 صوت)

05-30-2013 12:01 PM
و الجبهة ليست لها عداء مع الجيش السوداني و تسعي للعمل معا لإنهاء حكم البشير الذي لا يحترم الجيش

نعلم تماما ليس لكم عداء مع الجيش السوداني ولا المؤتمر الوطني الزي هو مثلكم تماما وانما عداءكم مع المواطن السوداني الجبهة الثورية دخلت امروابة وضربت محطات الكهرباء والمياه وفي ابوكرشولا قتلت الاطفال والنساء والشيوخ وطلاب الخلاوي وعندما جاء الجيش انسحبو او انهزمو لا يهم المهم الهدف كان ترويع المواطنين الامنين في ديارهم يا اخي واجهو الجيش وتحاربو في بعضكم وموتو جميعا لكن اتركو الوطن بشموخة وكبرئاية وكرامتة وانا متأكد غدا سوف توقعون اتفاقية وتأتو الينا نائب ريئس وكبير مساعدين ومستشارين وتسكنو القصور وبعضكم الفنادق وعندما يطرد الواحد منكم من منصبة يأتي الينا بأنة مع المهمشين والمظلومين ودونكم مناوي وجبريل ابراهيم وعقار والحلو

اختونــــــــــــــــــــــــــــا قاتلكم الله انتم والجبهة الثورية والمؤتمر الوطني
وعـــــــــــــاشت قوات شعبنا المسلحة وعاش المواطن السوداني حرا ابيا في شرقة وجنوبة وغربة ووسطة وشمالة .


ردود على ود الجاك
[الطريفي زول النصيحة] 05-30-2013 12:44 PM
والله يا اخي كلامك عين الحقيقة كلهم طلاب سلطه المواطن لا يهمهم في اي شىء فهو دائما الخاسر في صراعاتهم حولها بالله عليك شوف ليهم كلهم سمان زي الكدايس العايشه في المطاعم و تخان و شبعانين و كروشوم ما بتفتر من البلع بانواعه المختلفة و يقولوا ليك نحن جايين عشان المواطن ياخ المواطن و الله برىء منكم وما داير منكم كان حكومة و لا معارضه الا تدوه عرض اكتافكم و حوه والده .


#682633 [مجهول]
4.00/5 (4 صوت)

05-30-2013 11:48 AM
الحل الوحيد هو ان تعملوا تلفزيون بالفجر الجديد يكون هذا كشف عن مكذوبة المؤتمر الوطني و دخول الخرطوم لمرحلتين هما
التلفزيون (الفجر الجديد )
ثانيا دخول الخرطوم في رمضان وتحريرها والإعدامات القيادات المؤتمر الوثني اول يوم في العيد الفطر
وقيام دولة جديدة اسمها السودان الجديد وانضمام دولة جنوب السودان ويكون هناك حرية في تنقل



الله أكبر
الله أكبر

النصر قادم لا محاله


ردود على مجهول
European Union [مسلم] 05-30-2013 11:19 PM
قبح الله وجهك أيها المجهول ....
سودان العلمانية ليه ...
هل سيكون هنالك شعب غير الموجود...
شعب وثني؟؟؟
أو مسيحي؟؟؟
أو بوذي؟؟
اللهم لا تجعل مصيبتنا في ديننا ولا تجعل الدنيا أكبر همنا ولا مبلغ علمنا ولا تسلط علينا ما لا يعبدك ولا يخافك يا رب العالمين..


#682572 [حرية]
5.00/5 (2 صوت)

05-30-2013 11:24 AM
لماذا نحارب ؟ لماذا نقاتل ؟ نريد سحق الظلم


#682554 [جاكوما]
5.00/5 (1 صوت)

05-30-2013 11:19 AM
الا الجيش السودانى انتقلو للخطه ب وبلاش جرسه


#682497 [حمد صالح]
5.00/5 (2 صوت)

05-30-2013 10:51 AM
لعمرك ماضاقت بلاد" باهلها لكن اخلاق الرجال تضيق!!!!!!!!!!!!!!!!!!


#682335 [الفنجري]
4.50/5 (2 صوت)

05-30-2013 09:07 AM
عمر البشير .صاحبي مقولة الدفاع بالنظر وبالبظر .المانافع .صيف عبد العاطي .بتاع تطوير الكسره والتموت تخلي ...!!!!ديل اشخاص بي طريقتكم معاهم لكن الجيش دا كيان وخط أحمر ..الاالجيش!!!!!!!!!اعملو حسابكم.


#682197 [حسين حسن الحسين]
4.00/5 (4 صوت)

05-30-2013 03:33 AM
اعلمو ان الجيش السوداني لم يهزم ابدا طيله حرب الجنوب والجنوب لم يحرر اي بقعه وانما اتفاقيات سياسيه والجيش السوداني من اقوي الجيوش في افريقيا خليكم من السياسه انا والله والله لي 20 سنه في اوربا ابعدو عن الجيش جيشنا جيش الهناء ود الشلاق


ردود على حسين حسن الحسين
European Union [عطوى] 05-30-2013 11:20 AM
اية اية اية يا اخوى جيشنا لم يهزم طيلة حرب الجنوب ؟؟؟

طيب لعلمك زمن نميرى اقصى حتة وصلها جيش الحركة بيقايدة جون قرنق كانت ضواحى نمولى ...

هى الهزيمة دى كيف يعنى الجيش حاليا مسيطر على المدن الكبيرة وشوارع الذلط ولعلمك لو الجبهة الثورية عايزة تتعامل بطريقة بربرية ذى قوات المؤتمر الوطنى حتخش الابيض وتخش كادقلى وكوستى على طريقة الانتقام والحروب الغاضبة لكن لان قادة وجيش الحركة جيش وطنى وفااااهم وناس وطنيين وبفرقو بين المواطن المغشوش والخايف والبريىء عشان كدا خشو امروابة وابوكرشولا وطلعو منها لكن تاكد لو انهم يريدون ان يحابو من اجل الحرب فقط مثل الكيزان والله قريبا ستتدفق منظمات الاغاثة حتى حلفا لكنهم ابطال الجبهة الثورية الوطنيين الاحرار ابناء السودان المخلصين فد تركو كل شيىء ورهنو حتى ارواحهم حتى يحررالشعب السودانى المستعمر من قبل عصابة البشير ونافع وابو ساطور ولصوص العمالة الامريكية مذدوجى الجوازات ربائب الصهيونية العالمية بمايسى المتمثلة فى تنظيم الحركة الاسلامية الصهيونية لتفتييت وضرب المنطقة العربية والافريقية من العمق ياغااااافل ..

[abu adm abu] 05-30-2013 10:32 AM
اخي حسين الحيش السوداتي لم يخض حربا مع اي دولة منذ الاستقلال وتحرع الهزيمة تكرارا ومرارا من الحركة الشعبية واعلم ان الحنوب انفصل بفضل العنصرية البغيضىة وقوة السلاح هذا خبر لا ينكره الا مكابر وكذاب ؟واذا كان للحيش كرامة فلم لا يحارب في حلايب والفشقة؟مع العلم ان الجيش هزم من قبل بنات الجيش الاثيوبي واسالوا اهل الشرق؟ يا اخي الجيش اصبح مرتزقة ومنتفخي جيوب


#682142 [ABODLY]
5.00/5 (1 صوت)

05-30-2013 01:25 AM
آن الاوان للشعب ان يحتكم لصوت العقل ويرجع لذاكرة الماضي يستحضر ماسطره التاريخ لنعبر بها دون اخطاء للمستقبل الاتي


#682089 [معاوية]
4.75/5 (3 صوت)

05-30-2013 12:13 AM
نظام ميت ومتهالك تهالك اهله ابورياله الا عاملين ليهو خرطوش عديل عشان يوصل ليهو ريالتو من خشمو للواطة ده وزير الدفاع ابو جعبات البشير طبعا حيلو مهدود وحلقو مقفول نسال الله ان يصيبه بامسلك كمان عشان يتم الباقى ليهو ويكتم كلو كلو يبقى زى الخروف المذبوح ..........
قال تحرير ابكرشولا تحرره من منو انت ليش ما حررت كاودا وليش ما حررت المحرر فى دارفور كذاب منافق
رعديد التقول البلد حقت ابوكم لكن ليكم يوم انتظرو بس


#682069 [nagatabuzaid]
2.87/5 (10 صوت)

05-29-2013 11:45 PM
حركة العدل والمساواة فى ماوجهته للجيش انه لا معركة وقعت ولا رصاصة اطلقت يعنى الحكومة

كذابة نعم الحكومة بلغت مرحلة اكذب الكاذبين واستحقت لعنة الله عليها لكن انتم ايضا كذابين ولا تقلون كذبا والدليل قبل ايام كان هناك شهداء والان وفى هذه اللحظة بلغنى ان هناك عرس شهيد فى الحارة 34 بعد الثورات وكان تعليقى لمن ابلغونى انى حتى الان لم اسمع بشهيد من كافورى او الطائف او المنشية ولا الرياض ولا العمارات كل الشهداء من ابناء الغبش لسه بتكلم وابرطم من سالت عنها لامر ما قالوا لى فى شهيد وذهبت طيب يا عدل ومساواة لماما فى دواس ومافى رصاصة انطلقت الشهيد ده انتحر ؟ والاخرين ايضا انتحروا والله نحن مساكين بين قوسين انتم بطرف والحكومة بطرف لعنة الله على الكاذبين اينما كانوا


ردود على nagatabuzaid
[مركوب نمر] 05-30-2013 12:11 PM
هوي ها .. قولي بسم الله!!!

الفطايس حقين عرس الشهيد ديل ماتو في المعركة الأولى المسمياها الحكومة "متحرك المنتصر بالله 1" .. كلام ناس الجبهة الثورية واضح وبيتكلم عن المعركة (الوهمية) بتاعة تحرير أبوكرشولا (بعد ما الجبهة الثورية مرقت) .. اللولوة لزومها شنو؟

حاجة تانية .. إنو نص (الشهداء) المزعومين أيام حرب الجنوب ماتوا بالملاريا والكوليرا .. فعادي يعني مسألة عرس الشهيد بدون حرب ده :)

European Union [كرري] 05-30-2013 04:24 AM
دا كلام في الصميم لقد اصبحنا ما بين المطرقة والسندان لا خير في هذا
ولا ذاك يا اخت nagatabuzaid] ولكن ما يسمي بالعدل والمساواة
طلعت ماسورة مصدية وتتفنن في الكذب اكثر من اخوها وحبيب قلبها
المؤتمر الوطني وبعد دا انحنا زاتو دايرين حقنا ومن هذة الراكوبة
نطالب بمنصب وزاري (شتات خالي محطاط)


#682049 [chiengan]
5.00/5 (4 صوت)

05-29-2013 11:14 PM
الليلة جوكم واخير ليكم تنضموا للقوات الجبهة الثورية بكل مكوناتها ﻻنهم أصحاب حق وسيبكم من ناس الكذب والضﻻل والنفاق وساعدوا الشعب السوداني الذى يحق له ان يرتاح أخيرا من ناس المشروع الحضاري ديل.


#682046 [من المركز]
5.00/5 (1 صوت)

05-29-2013 11:08 PM
البقاء لله علي السودان. لا خير في هذا ولا ذاك. المكنكشين لن يتنازلوا عن مواقعهم لانهم يعلمون انها نهايتهم وانهم يحسنون صنعا. والسائحون لن يقاتلوا المكنكشين ستكون هناك اتفاقيه رتوش لانهم قد يقبلوا بالقليل من التغير. الجبهه الثوريه بعد الانتصار ان قدر الله لن تسمع لرآي الشعب كما يدعون الان وسوف يطالبون بالمراكز القياديه وسوف تستمر المآساة ربع قرن اخر حتي يآتي من يخلعهم من الحكم وهم سيكونون مكنكشين المستقبل. الحركه الاسلاميه لن تقبل بالتغير لانهم يظنون انهم اولياء الله في ارضه مع ان الله رب العزه اعطي بني ادم حرية الفكر والتعبير وحتي الحق في الكفر به. بقية الاحزاب لن تقبل ببعضها البعض ان كانت هناك ديمقراطيه لانهم هم ورثوا رئاسة الاحزاب جد عن اب ولن يرضوا بالتغير في نمط الاحزاب ولن يسمحوا ان تكون هناك احزاب ديمقراطية التكوين . الجيش السوداني مفروض يرجع لسكناته وتكون هناك ديمقراطيه حقيقيه ولكن ان رجع الان سوف يكون هناك من حلمه ان يحكم السودان مثل عمر الشئوم والنميري. الشعب السوداني لا يفهم الديمقراطيه وممارستها يمكن ان يمر الف عام حتي يفهموا الديمقراطيه ويطبقوها ان سمحت لهم اجهزة الامن القمعيه التي حكمت السودان منذ الاستقلال. وانا اقول الحمد لله الذي جعل لي طيبة العيش في بلاد الكفر في هذه الزائله ؛ مع انهم منعوتون بالكفر فاعطونا حرية الايمان وحرية العباده وذكر الله وحتي حرية الدعوه للاسلام وهذا ما هو مهم في هذه الزائله. الحمد لله الذي لم يجعلني اعيش تحت حكم مايسمي بالكيزان وتسلطهم علي عباد الله لكنت كرهت الاسلام وانا الان احب الاسلام واحب الله ولا يضايقني احد ولم يسرق ارضي وومالكاتي احد كما فعلوا باغتصاب ارضي في الخرطوم، بل اعامل كمواطن من الدرجة الاولي. البقاء لله علي مايسمي السودان ولعنة الله علي الظالمين ذو مايسمي بالتوجه الحضاري ولا حول ولا قوة الا بالله العلي العظيم


ردود على من المركز
[nagatabuzaid] 05-30-2013 04:58 PM
تعليقك جميل ومنطقى وسليم ولكننا لن نقبل العزاء فى السودان ان شاء الله عملية جراحية

مع غرفة انعاش يرجع السودان بعد فترة نقاهة طالت ام قصرت بس اهم حاجة العملية الجراحية

بايدى نطاسين مهرة يستاصلون الغرغرينة الوصلت حد العفن وايضاء الاجسام السرطانية مع

علاج كيماوى تقيل

اراك اخى تتحدث عن الديموقراطية لا فى السودان ولا فى اى دولة من الدول المكعكعة المسماة

بالنامية تنفع الديمقراطية كل يوم انقلابات واضطرابات واتمنى ان يحكمنا شرفاء عشت

11سنة فى دولة خليجية متقدمة بالنسبة للدول الخليجية الاخرى بنت نهضتها بايدى وخبرات

سودانية شعبها والاجانب يعيشون فى امن وسلام الانسان فيها محترم وهى كل يوم فى تقدم

فارقتها منذ سنوات طويلة واتابع تطورها من بعيد وجهودها فى اسعاد انسانها لم تكذب

وتتظاهر بالديمقراطية والانتخابات والهيلمانة الكاذبة وخج الصناديق ديموقراطية ايه
يا اخى او يا ابنى الديمقراطية دى بتاعتكم فى الغرب سمة من سمات الدولة بتاعينا

ديل بعملوا الانتخابات علشان يطلعوا ميزانية الاجازات ياريت لو علشان حلة الملاح

كنا عفيناها ليهم وقلنا ليهم اكلوا واكلونا وامنياتى بحياة طيبة فى بلاد الديمقراطية

وان شاء الله ترجع لك ارضك المنزوعة بعد خلع السودان من بين ايديهم المكنكشة فى الحكم


ودمت ودام السودان نظيفا من الخونة والخوارج والمارقين الانقاذيين


#682045 [ود سوري]
5.00/5 (5 صوت)

05-29-2013 11:06 PM
قوة قوة قوة الخرطوم (جوه)
نحن منتظرين (الحلو)
أين انت؟ (يا زعيم)


ردود على ود سوري
United States [ود الشمال] 05-30-2013 08:54 PM
يا آخي شكلك من مشجعين الكوره ، الذين يرقصون فريقهم مغلوب ولا فايز ، أي قوة تتحدث عنه وأي خرطوم جو ، أنت ما عندك خبر الجيش الحكومي دخل أبو كرشولا ، وآي زعيم أنت منتظرو ده مرقا في جوبا اصح شوي اخوي .


#682038 [الجيش السوداني]
4.75/5 (4 صوت)

05-29-2013 10:54 PM
نحن مجموعه من الضباط الاحرار نعلن وقفتنا معكم للاخلاص من هذا الكابووت ونحن في جيت دوره قاده كتائب وسرايا


ردود على الجيش السوداني
[ود الشمال] 05-30-2013 04:17 PM
إخواني في صحيفة الراكوبة الموقرة السلام عليكم في أدناه ليس لدي أي علاقة ونشر تحت اسمي (( ود الشمال )) هل هنالك لبس ام هنالك قرصنة للأسم ؟ وهذا الرد الذي نزل تحت مسمي (( ود الشمال ))
((ود الشمال] 05-29-2013 10:25 PM
الخونة من العسكريين بيقولوا وين مكانن؟ يحددو جبيت بالاسم ... هذه لعبة مفهومة داير ناس الاستخبارات يعتقلوا كل ضباط جبيت ... تلقاها عند الغافل يا مغفل .. ويا ادارة الراكوبة يا الطابور الخامس ليه ما نشرتو تعليقي السابق؟6))وانا ود الشمال منذو 4 اعوام وليس لي أي علاقة في هذا الرد ، ولكم مني الف تحية . وافيدون ولكم التحية .

[ود الشمال] 05-30-2013 04:05 PM
إخواني في صحيفة الراكبة ، لكم التحية الظاهر واحد استولى علي الإسمى والآن يدخل به او في خلط والرجاء من الإخوة في الراكبة مراجعة بريد الشخص الذي يستعمل اسمي (( ود الشمال )) (( ولي أكثر من أربعة أعوام استخدم هذا الاسم ، ولكم مني التحية (( ود الشمال ))

European Union [معقوله] 05-30-2013 12:44 AM
دا جداده الكترونيه ومن جبيت كمان

United States [بشير] 05-30-2013 12:08 AM
مصيرك تقع ياخاين 0ياجبان
لو راجل أكتب أسمك

United States [ود البلد] 05-29-2013 11:52 PM
ههههههههههههههه
والله عليكم غباء

European Union [كرري] 05-29-2013 11:34 PM
اول حاجة راجع الكتبتو دا لانو 90% غلط غلط غلط يا عدوي

[nagatabuzaid] 05-29-2013 11:28 PM
ها انت كذاب سطورك بتوضح انك كذاب انت لاضابط لا حر شماشى ساكت قال نحن فى جبيت قادة كتائب وسرايا يصرك فى بعرة معقول يعلنوا عن نفسهم وموقعهم علشان يبيدوهم يا بليد لعنة الله على الكاذبين

United States [ود الشمال] 05-29-2013 11:25 PM
الخونة من العسكريين بيقولوا وين مكانن؟ يحددو جبيت بالاسم ... هذه لعبة مفهومة داير ناس الاستخبارات يعتقلوا كل ضباط جبيت ... تلقاها عند الغافل يا مغفل .. ويا ادارة الراكوبة يا الطابور الخامس ليه ما نشرتو تعليقي السابق؟6


#682033 [whatsapp]
4.75/5 (5 صوت)

05-29-2013 10:46 PM
شكرا للجبهه الثوريه وماتقومون به من تضحيات من اجل المواطن والوطن


#682032 [ود سودري]
4.75/5 (5 صوت)

05-29-2013 10:46 PM
قوة قوة الخرطوم (جوه)
نحن منتظرين (الحلو) بفارغ الصبر
اين أنت؟


#682000 [عنقالي]
0.00/5 (0 صوت)

05-29-2013 10:03 PM
لم يوضح السيد محجوب ما هي التفاهمات السريعة التي يريد عقدها مع القوات المسلحة لانهاء حكم البشير؟ وكأن المشكل السوداني انحصر في شخص عمر البشير


#681979 [isic]
4.88/5 (4 صوت)

05-29-2013 09:28 PM
إنتو ماتجيبو اﻷسرى يحكوا مآسيهم وتنشروا لينا في الراكوبة عشان يفضحوهم.


#681968 [ميل]
5.00/5 (4 صوت)

05-29-2013 09:17 PM
الكل يعلم يقيناً بان ليست هناك اي معركة دارت بين مليشيات البشير وقوات الجبهة الثورية في ابو كرشولا للاستعادتها وانما انسحاب الجبهة كانت واضحة تماماً لا تحتاج الى تاويل والفرعنة وعودة مليشيات البشير من المنطقة تثبت ذلك وإلا لمكثوا فيها استعداداً للمواجهة عشكرية اخرى لان الجبهة كانت ستنظم صفوفها ثم الهجوم كما هو معروف عسكرياً ولكن بسبب خلو المنطقة الجبهة فلا داعي لوجود المليشيات فيها -- وما يحدث من الخزعبلات والعنجيات بالانتصار ما هو إلا فرفرات المزبوح ليوهم الناس بانه مازال على قيد الحياة


ردود على ميل
United States [هدهد] 05-30-2013 06:54 AM
انسحبت الثوار من ابوكرشولا بطريقة ذكية حيث اوهموا الكيزان انهم سيقاومونهم واستعدت قوات الكيزان وحشدت الجموع وانفقت العديد من الاموال للتجهيز للمعركة وم ثم التحرك الى ابكرشولا ولكنها تفجأت بعد ان وجدت المنطقة خالية من كتائب الثوار وبدأت تصور فى افلام وهمية وصور مفبركة تدل على انهم قاموا بتحرير المنطقة يصيحون ويكبون وهم كاذبون !!!!؟

United States [أسامة] 05-30-2013 05:26 AM
يا الدومابي خليك من تعليق الأخ ميل والرجاء إعادة قراءة رسالة حركة العدل و المساواة السودانية الموجهة للقوات المسلحة السودانية. وإذا لم تفهم محتواها إنتظر حتى الإنتهاء من الخطوة ( ب ) القدمة قريبا بأذن الله .

United States [الدومابي] 05-30-2013 03:02 AM
ولماذا انسحبت الجبهة الثورية .....؟!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة