الأخبار
أخبار إقليمية
حتي تتبع ملتهم...
حتي تتبع ملتهم...
حتي تتبع ملتهم...


بعد أن نزع بيعته للبشير، أسامة سراج يعقب على قراء الراكوبة
05-30-2013 12:14 AM
التعقيب التالي كتبة الأستاذ اسامه سراج رداً على الخبر (المصحوب بملف فيديو) ينزع في محتواه بيعته لعمر البشير:

تداولت عدد من المواقع الالكترونيه لاسيما المعارضه جزء من مخاطبتي لجماهير حجر العسل في معيه ودابراهيم وهم يكرمون ابنهم الباسل الشيخ عثمان الشيخ وقد جاء بعضها او اكثرها بعنوان (الرقيب سراج ينزع بيعته لعمر البشير) ورغم اني لم اتشرف بالانتماء لاي من القوات النظاميه وبالتالي ليس لي رتبه عسكريه فانا محاضر للاعلام واري ان رتبه الرقيب رتبه شرف واعزاز لاوليك الاشاوس من الابطال الذين ينافحون عن شرف وكرامه السودان وهي رتبه يتشرف بها من هم خير مني ومن ضمنهم عمرعبدالفتاح شقيق الشهيد علي عبدالفتاح ولقد كان غايبا فقمت بالانابه عنه باستلام شهاده تكريمه ويبدو ان الامر استشكل علي البعض فجاءت( الرقيب سراج )علي كل لاباس بذلك فالمدلول اللغوي يجعل من الامه كلها شاهده علي الناس اي رقيبه عليهم فان كنت رقيبا فارجو ان اكون علي نفسي الاماره قبل ان اكون رقيبا علي الناس ايا كانو حكاما او محكومين وان حديثنا عن الاصلاح مستمر لن يتوقف ورغبتنا في التغيير اكيده وتلك سنه الله في الكون ...الا ان الذي استوقفني حقا ان العديد من تلك المواقع وجهت لي الاساءات الشخصيه (استاهل طبعا) واصفين حديثي حديث نفاق علي اعتبار اني جزء من الانقاذ طوال تلكم السنوات ولم يعلم هولا المساكين اني وبكل فخر ماتلوثت بمال حرام ولا توليت منصبا حيث ضنو عليا بذلك مثلما استاثرو دوننا بالمال والسلطه الا اننا قدنا خط الاصلاح منذ عام 93 ودفعنا الثمن في التهميش ان صح التعبير ودخلنا نتيجه ذلك السجون قبل ان يعرفوها هم او يدخلوها وان تعجب فان بعضا منهم نعتنا بالعنصريه التي هم غارقون فيها ذلك لان حديثنا كان من منطقه حجرالعسل ناسين او متناسين ان قبلها كنا في شمال كردفان ام سياله وقبلها النيل الابيض ود النوره وهي المره الاولي التي ازور فيها حجرالعسل والتحمت بجماهيرها الغفيره التي احتفت بنا كما يحتفي الرجال بالرجال وهولا الذين وصمونا بعلتهم يتوارون خلف الاسماء المستعاره في الراكوبه ورصد وغيرها من المواقع بينما نحن اسماءنا معروفه ومواقعنا وكذلك مواجعنا ولقد خرجت بنتيجه واحده ان هولا القوم مهما وقفت مدافعا عن المستضعفين وصدقت نيتك في الاصلاح والتغيير وجازفت بحياتك وماتملك من اجل اسقاط هذا النظام الذي دفعنا من ضمن جماهير شعبنا فاتوره طغيانه وجبروته واكتوينا علي الصعيد الشخصي بظلمه لن يرضو ولن يقبلو بك لان الاجنده التي تحكمهم لاتمت لاخلاق وقيم شعب السودان في التسامح والتواصل ان اجندتهم الخارجيه لاتمت لاجنده المناضلين الشرفاء ولاتمت للصادعين بالحق في وجه السلطان لاصلاح الحال وان وجدت بعض عزر لبعضهم علي اعتبار غبش التصورات التي تحكم حياتهم او تطاول عهد الانقاذ او المظالم التي حاقت بالبعض منهم او مناطقهم وهو شي ندينه ونعمل علي رفع هذا الظلم بما اوتينا من قوه الا ان الغالبيه منهم تعاني من اختلاال واضح ضمن مشروع صهيوني معلوم اهدافه ومخططاته ولست بحاجه لان ارد علي الاساءت الشخصيه والتجريح رغم مقدرتي علي ذلك ولكن سلام عليكم لانبتغي الجاهلين(والذين اذا خاطبهم الجاهلون قالو سلاما)....وسنستمر في خطنا الداعي للاصلاح وللتغيير بمختلف الوسايل المشروعه ولن نشارك في اراقه الدم الحرام او ندعو لعنف او عصبيه فاننا قد تحررنا منذ قرون طويله من هذه العقد ومنذ ان وقف نبينا عليه الصلاه والسلام وقال كلكم لادم وادم من تراب...ومنذ ان قرانا في كتاب الله (ان اكرمكم عند الله اتقاكم) نحن ساده الدنيا واساتذه البشريه في احترام الانسان نوع الانسان الذي كرمه الله وسخر له الكون والكاينات ...وددت لو اتمثل قول الشاعر الا فلا يجهلن احد علينا فنجهل فوق جهل الجاهلينا....ولكني خشيت ان يكون في ذلك انتصارا لنفسي وقد خرجت للعمل العام وتحدثت عن حق شعبنا في الحريه وفي الحياه الكريمه فاحتمل الاذي لاضير في ذلك والان ادعو هذه الحركات التي تحمل السلاح وتتوهم نصرا لن يكون مهما تلقو من دعم خارجي من اعداء السودان لقد ذدتم من معاناه اهلكم وشعبكم وخربتم بيوتكم بايديكم ارجعو الي الحق واجنحو للسلام ذلك خير لكم ويمكن ان تدركو بالسلم مالن تدركوه بالحرب والدمار ولكم في الجنوب عبره لقد نال بالسلام مالم يحقق عشره بالحرب التي امتدت لسنوات طوال واعتبرو بتجارب الشعوب الاخري فيكفي البلاد مافيها بوسعكم ان تعيشو احرارا كراما في بلادكم التي حباها الله بالخير والثروات وبوسعكم ايضا تغيير النظام بالوسايل السلميه وهي انجع وادعي لان يشكر لكم الشعب ذلك ... وساظل وفيا لشعبي منحازا اليه ولو كره الكارهون او شكك المتشككون وساعمل مع كل الشرفاء والمخلصين من اجل وطن عزيز كريم حر مستقل مسالم يتم التداول السلمي فيه للسلطه وفق ما يتعاهد عليه الناس ويتراضي عليه الشعب واعلن كذلك بان الموتمر الوطني لايمثلني ولايعبر عني هذا النظام بتركيبته الحاليه غير اني اقف بصلابه ودون تردد ضد استهداف جيش البلاد واستنزافه واحي القوات المسلحه وجنودها البواسل وهم يذودون عن حمي السودان كعهدهم وهي الصخره التي طالما تحطمت عليها امال المستكبرين والخونه والمارقين..... والله اكبر والعزه للسودان


[email protected]

---------------


للأطلاع للخبر القديم اضغط هنا..
ود سراج أحد قادة المحاولة الانقلابية ينزع بيعته للبشير... ويقول أن حكومة البشير ظالمة وزراؤها مشغولون بسرقة ونهب شعب السودان


تعليقات 50 | إهداء 0 | زيارات 12268

التعليقات
#683270 [nagatabuzaid]
3.00/5 (2 صوت)

05-30-2013 10:14 PM
المخلوق ده منو ؟ وبقول فى شنوا ؟


#683069 [JOHN]
3.00/5 (3 صوت)

05-30-2013 05:29 PM
دي هترشة من يُكتب لهم التخرج من بيوت الأشباح.......يعني ألبني آدم دا بعد مانزع بيعته عن أمير المعفنين، تمت إستضافتو في جناح خاص من بيوت الأشباح، وقضي أسبوع كامل في غرفة نوم مع النملة...

لما فكوه، ما قدر يردد بالضبط ما طُلب منه أن يردد نسبة للضرر الذي أصاب عقله، وعشان كدا كانت هذه الهرطقات.......

أنا عندي أحسن تلحق نفسك وتشوف ليك زول يوصلك التيجاني الماحي، أُكرر التيجاني الماحي عشان يطقوك بكهرباء 220 فولت ويريحونا منك، يا ضهب.......

أخيراً، حذاري، حذاري من التعرض للراكوبة وأهلها.......


#683056 [ود عويضة]
3.00/5 (3 صوت)

05-30-2013 05:12 PM
ماذا يقصد هذا الرجل عندما يقول (ولقد خرجت بنتيجه واحده ان هولا القوم مهما وقفت مدافعا عن المستضعفين وصدقت نيتك في الاصلاح والتغيير وجازفت بحياتك وماتملك من اجل اسقاط هذا النظام الذي دفعنا من ضمن جماهير شعبنا فاتوره طغيانه وجبروته واكتوينا علي الصعيد الشخصي بظلمه لن يرضو ولن يقبلو بك لان الاجنده التي تحكمهم لاتمت لاخلاق وقيم شعب السودان في التسامح والتواصل ان اجندتهم الخارجيه لاتمت لاجنده المناضلين الشرفاء ولاتمت للصادعين بالحق في وجه السلطان لاصلاح الحال وان وجدت بعض عزر لبعضهم علي اعتبار غبش التصورات التي تحكم حياتهم او تطاول عهد الانقاذ او المظالم التي حاقت بالبعض منهم او مناطقهم وهو شي ندينه ونعمل علي رفع هذا الظلم بما اوتينا من قوه الا ان الغالبيه منهم تعاني من اختلاال واضح ضمن مشروع صهيوني معلوم اهدافه ومخططاته)

- وكما ذكرت انهم لا تمت اخلاقهم لقيم الشعب السوداني - ولذلك تساءل البعض من اين جاء هؤلاء - الاجابة هي في قولك ( انهم جزء من مشروع صهيوني معلوم اهدافه ومخططاته)- اذن يجب ان نقف جميعا ضدهم - وبالتالي دعوتك لوضع السلاح دعوة غير موفقة - لان الحكومة جزء من مشروع ماسوني تقوده قطر - وضرب اسرائيل المتكرر هو بهدف ذر الرماد


#682850 [alnasdail]
3.00/5 (2 صوت)

05-30-2013 02:15 PM
يا جماعة نحنا دايرنكم تصبروا معانا شوية ...دى كلها ابتلاءات ومجاهدات لاهل هذه الارض الطيبة المباركة ودة كلو من الحصار المفروض علينا من امريكا واسرائيل ...وانتو زى ما عارفين انو السودان مستهدف من قوى البغى والاستكبار والامبريالية الغاشمة عشان نحن طبقنا الشريعة الاسلامية ...عشان كدة يا جماعة دايرنكم تصوتوا لينا تانى عشان نواصل مشروعنا الحضارى ونواصل مسيرتنا القاصدة الى الله...هى لله هى لله ...الله اكبر الله اكبر ...

عشان رفضو ادوك نصيبك فى الكيكة جاى تفتش ليها اسى بعد الدولارات قطت ...اكان تكورك قوى هى لله هى لله ..ولا مافى حماس ؟؟؟؟ كلو يوم تغيرو فى جلدكم زى الدبايب لكن ما بحلكم برضو معروفين.


#682712 [انين الصمت]
5.00/5 (2 صوت)

05-30-2013 12:25 PM
لو كنت صادقحقا فيما تقول ليست مسرحية سخيفة الاخراج بينك وبين الحكومه لماذالم تعتقل ........ نحن من نكتب اونعلق باسماء وهميه ... خوف الاعتقال والتصفيات والاغتصاب ولكننا ناخد حقنا في الرد عليك يا مدعي


#682603 [النالنانلاالاا]
0.00/5 (0 صوت)

05-30-2013 11:35 AM
الالالا


#682589 [ابوشنب]
5.00/5 (1 صوت)

05-30-2013 11:30 AM
(والان ادعو هذه الحركات التي تحمل السلاح وتتوهم نصرا لن يكون مهما تلقو من دعم خارجي من اعداء السودان لقد ذدتم من معاناه اهلكم وشعبكم وخربتم بيوتكم بايديكم ارجعو الي الحق واجنحو للسلام ذلك خير لكم ويمكن ان تدركو بالسلم مالن تدركوه بالحرب والدمار ولكم في الجنوب عبره لقد نال بالسلام مالم يحقق عشره بالحرب)

هل معنى ذلك أن على أبناء الجبهة الثورية أن يفاوضوا النظام (ليدركو بالسلم) انفصال دارفور والنيل الازرق و جبال النوبة ؟ (و لهم في الجنوب عبره).

هؤلاء الناس عندهم مشكلة فى أدمغتهم............لذلك من المهم اراحتهم منها.


#682564 [ود الكوتش]
5.00/5 (2 صوت)

05-30-2013 11:22 AM
غايته يا أخ أسامه سراج ما أظن في زول عارفك أو سمع بيك أو جايب خبرك ,,براك أديت نفسك أهميه وقومه وقعده ، يمكن على حسب كلامك في ناس غلطو فيك في المقال الفات لكن على ما أظن كان أكثر من ود ابراهيم,, بعدين بمناسبة علي عبدالفتاح الله يرحمه (طلعو دينا بيهو) في الاسلام والغزوات الحصلت قبل 1400 سنه ماسمعنا في صحابي أو تابعي رمى نفسه للتهلكه زي ما عمل شهيدكم علي عبدالفتاح !!! في غزوه زمن الرسول عليه أفضل الصلاة والسلام واحد من الصحابه بعد ما جاهد باستبسال وضربات السيوف ما خلت ليهو شئ قام طعن نفسه ومات ،وذكر ابن إسحاق والواقدي قصته وأنه كان عزيزاً في بني ظفر وكان لايُدرى من أين أصله . قال الواقدي : وكان حافظاً لبني ظفر ومحباً لهم وكان مقلاً لاولد له ولا زوجة وكان شجاعاً يعرف بذلك في حروبهم التي كانت بين الأوس والخزرج فلما كان يوم أحد قاتل قتالاً شديداً فقتل ستة أو سبعة حتى أصابته الجراحة ، فقيل له : هنيئا لك بالجنة يا أبا الغيداق !

قال : جنة من حرمل والله ماقاتلنا إلا على الأحساب ، وقيل : إنه قتل نفسه ، وقيل: بل مات من الجراح ولم يقتل نفسه . وفي صحيح البخاري من رواية أبي حازم عن سهل بن سعد أن النبي صلى الله عليه وآله وسلم التقى هو والمشركون فذكر الحديث وفيه : وفي أصحاب رسول الله صلى الله عليه وآله وسلم رجل لايدع شاذة ولافاذة الا اتبعها يضربها بسيفه فقالوا ما أجزأ عنا أحد كما أجزأ فلان فقال النبي صلى الله عليه وآله وسلم : أما إنه من أهل النار . فقال رجل من القوم : أنا أصاحبه ، فخرج معه قال : فجرح جرحاً شديداً فاستعجل الموت فوضع نصل سيفه بالأرض ثم تحامل على سيفه فقتل نفسه . الحديث .. وفي آخره ( إن الرجل ليعمل بعمل أهل الجنة فيما يبدو للناس وهو من أهل النار ). الله أعلم بمصير علي عبدالفتاح وربنا يتقبله قبول حسن .


#682422 [kog]
4.50/5 (2 صوت)

05-30-2013 10:07 AM
اقول ليك النصيحة ارجع و امسك في ناسك ديل لانو نحن جايين و ما حيكون في فرق بينك و بينهم
كلم حتلقوا جزاكم
خمسة و عشرين سنة ساكت و جاي تجعجع يادوب
في كوز نضيف؟ الما بياكل حق الناس بتكون ايدو ملوثة بدماء الابرياء
خليك جاهز يا قريبي و بطل البطبطة.ارجل


ردود على kog
United States [Magdi] 05-30-2013 11:14 AM
اضافة لكلامك الكوز لو ما اكل مال حرام ما يقدر ينوم....!


#682373 [khalidal m Ali]
5.00/5 (1 صوت)

05-30-2013 09:34 AM
ونعرف كيييييييف انت ماماكل حرام برضوا نسال خالك ؟


ردود على khalidal m Ali
United States [مستثقل الهندي عز الدين و أمثاله] 05-30-2013 11:42 AM
هاهاههههه حلوة و ملعوبة يا خالد و قول ليهو ممكن نستعين بصديق؟ ممكن نسأل خال أمين حسن عمر بالعدم؟؟


#682329 [ود امبعلو]
0.00/5 (0 صوت)

05-30-2013 09:03 AM
اين انت من قبل 20 سنة يا خسيس !!!
جائي تتحدث الان !!
حاول انقذ نفسك الشعب ما محتاج ليك؟؟؟


#682313 [علي خميس]
3.00/5 (2 صوت)

05-30-2013 08:47 AM
كثير من التعليقات الواردة أعلاه وأدناه إنما هي لأعضاء في المؤتمر الوطني يريدون أن يوجهوا رسالة للأخ سراج ورفاقه حتى يثنوهم من الوقوف مع الحق ... نحن في السودان اليوم أحوج ما نكون لكلمة حق في وجه سلطان جائر وإن لم نتكاتف جميعا فعلى السودان السلام. كما إنني أعيب على محرري الركوبة نشرهم كل غث يجنح إلى الإساءة الشخصية ولا يخدم بأي حال من الأحوال قضيتنا الكبرى وهو أن يكون السودان أو لا يكون


ردود على علي خميس
United States [مستثقل الهندي عز الدين و أمثاله] 05-30-2013 11:45 AM
الأخ عامل فيها حريف ولا تكون من شعبة الجداد الألكتروني و غايظاك التعليقات الحانقة على كل الكيزان حكومة و سايحين على حد سواء؟ ألعب غيرها يا خسيس


#682240 [هدهد]
0.00/5 (0 صوت)

05-30-2013 06:43 AM
تلاطمت الامواج وسفينة الانقاذ آلت الى الغرق قبدأ ركاب الانقا ذ بالقفز خارج السفينة خوفا من الغرق . لتعلم تماما يا سراج ان الجنوب لم يأخذ استقلاله او حقوقه بالحوار ولا منة من ناس الانقاذ إنما اخذها بقوة السلاح وعظمة الجندى الجنوبى فهو يمسك الزناد بيد وورقة التفاوض بيده الاخرى دون خوف فسلام الجنوبيين لم يأت بالتفاوض فقط كما تزعم انما جاء بدماء غزيرة اريقت وجنود يحاربون فى الاحراش والصحارى . اتفاقية نيفاشا لم تأت نتيجة تفاوض بالكلمة وانما تفاوض بالسلاح تعززه الكلمة فانصاع الكيزان لكل طلبات الحركة الشعبية وقد طلبت اكثر مما تستحق ووافق عليها الطرف المهزوم قسرا وذلا وليس عن رضى او قناعة لكنه الخوف على زوال كرسى العرش . السلام يا شيخنا اذذا لم يأت بالتفاوض يأت بفوهة البندقية كما حصل فى الجنوب فقد قتلت الحكومة مئات الألاف من الشباب وصرفت مليارات الدولارات فى حرب عنصرية وبعد ان قتلت الشباب ودمرت المدن خضعت للسلام بعد خراب سوبا !!!!!! مذلولة مكسورة ودخل دكتور قرنق القصر الجمهورى وشرب قهوته بمزاج ناهيك عن المتمة وتلك الرواية المختلقة التى صورتموها للشعب . لماذا لم يقم البشير بعملة السلام منذ بداية الحرب فى التسعينيات !!!؟؟ بعد ان دمر الاقتصاد وهلك العباد جنح للسلم خوفا لا اقتناعا بقضية وانما خوفا على زوال الملك !!!!! فكلامك يا شيخنا ان الحركات الثورية لا تخدم غرضا هذا رأيك وقولك أنت لكن البيان بالعمل وللحركات تجارب ويفهمون لغة الكيزان هذه فلا تستغرب اذا رأيت البشير غدا يصالحهم ويعطيهم اكثر مما اعطى الجنوبيين .


#682232 [ست انداية خريجة الهند دفعة اسامه]
5.00/5 (1 صوت)

05-30-2013 06:10 AM
الجمرة بتحرق الواطيها يا عميل يا منافق حرب الكراسي بدات وعاوز تطلع لينا في الكفر جايينا بعد ربع قرن تقول حكومه سيك ميك كلكم سجم ورماد ودابراهيم علي البشير


ردود على ست انداية خريجة الهند دفعة اسامه
United States [nagatabuzaid] 05-30-2013 09:34 PM
يعنى بنابركم فى الانداية كانت جنب بعض ؟؟ طيب نافع ده اتخرج من ياتوا انداية ؟


#682226 [هنويه]
0.00/5 (0 صوت)

05-30-2013 05:58 AM
دخلنا نتيجه ذلك السجون قبل ان يعرفوها هم او يدخلوها

ياما عرفناها ودخلناها نحنا اهلنا كانوا فى السجون منذ 1989 ومعهم الالاف ومنهم من تم اعدامه فى تلك الفتره لاسباب مختلفه منها محاولة الانقلاب انتا كنتا وين الزمن داك


ان تدركو بالسلم مالن تدركوه بالحرب والدمار ولكم في الجنوب عبره

دى دعوه للانفصال؟ ما ح استغرب


#682206 [الفكى الصينى]
0.00/5 (0 صوت)

05-30-2013 04:18 AM
https://www.facebook.com/photo.php?v=451677358259233&set=vb.348146975227080&type=2&theater

شوف فظائع الكيزان


#682204 [Ali]
1.00/5 (1 صوت)

05-30-2013 04:08 AM
اجيك من الآخر ياودالخرة غصباً عنك وعن راجلكم البشير مستقبل السودان الآن فى يد الجبهة الثورية وسيكون مصيركم أسوأ مماتتصور .


#682200 [واحد غبي على رأي الانقاذ في الشعب]
5.00/5 (1 صوت)

05-30-2013 03:44 AM
(ضمن مشروع صهيوني معلوم اهدافه ومخططاته)

(ولن نشارك في اراقه الدم الحرام او ندعو لعنف او عصبيه فاننا قد تحررنا منذ قرون طويله )

(وتحدثت عن حق شعبنا في الحريه وفي الحياه الكريمه فاحتمل الاذي لاضير في ذلك)

(والان ادعو هذه الحركات التي تحمل السلاح وتتوهم نصرا لن يكون مهما تلقو من دعم خارجي من اعداء السودان لقد ذدتم من معاناه اهلكم وشعبكم وخربتم بيوتكم بايديكم ارجعو الي الحق)

(وبوسعكم ايضا تغيير النظام بالوسايل السلميه وهي انجع وادعي لان يشكر لكم الشعب ذلك)

(وساظل وفيا لشعبي منحازا اليه ولو كره الكارهون او شكك المتشككون وساعمل مع كل الشرفاء والمخلصين من اجل وطن عزيز كريم حر مستقل مسالم يتم التداول السلمي فيه للسلطه)

(غير اني اقف بصلابه ودون تردد ضد استهداف جيش البلاد واستنزافه واحي القوات المسلحه وجنودها البواسل وهم يذودون عن حمي السودان كعهدهم وهي الصخره التي طالما تحطمت عليها امال المستكبرين والخونه والمارقين)

أولاً :أي مشروع صهيوني ومن اوصل اهل دارفور الى اسرائيل سوى سياساتكم الرعناء والعنصرية؟
ثانيا: اذا كنت لم تشارك في الدم الحرام فلماذا سككتم طيلة الاربعة وعشرين عماء الجدباء على بيوت الاشباح وقتل خيرة ابناء البلد ؟ وابادة الفور ؟ فسكوتكم على ذلك في حد ذاته مشاركة لانها تعني الرضا .
ثالثا : اي وسائل سلمية وانت تعلم جيدا ان زوال النظام يعني اعدامات وسجن وملاحقات دولية فهؤلاء لن يسلموها بالحسنى الا على جثثهم لانهم اغبياء مكابرون وخدعهم وخدعكم الغرب بفصل الجنوب وهو في حد ذاته ذل واستخفاف لهم ولن يرضوا بان يذلوا في محاكم لاهاي مرة اخرى.

رابعاً : الجيش استهدف من اول يوم وبالفصل التعسفي لا لسبب سوى لميولهم الحزبية الاخرى رغم انهم انقى واطهر من اطول دقن فيكم (ليس فيهم حرامي ولا لص ولا مختلس مثلكم)
والموجود الان ليس هو الجيش انما مليشياتكم الحاقدة الهمجية الرعناء
امال الطامعين في السودان لم تتحقق الا في عهد الانقاذ والموالين لها امثالك ولم تطمع مصر في حلايب وارقين وغيرها ولم تطمع اثيوبيا في الفشقة الا في عهد الانقاذ المنكسرة الحقيرة الذليلة
ومازالت اطماعهم تتوسع وتزداد بفضل خنوع وزير خارجيتك التافهة الحقير وسفيركم كمال المجرم

اذا تغير الحكم لن تقوم قائمة اخرى لأي منافق حرامي يخدع الشعب مرة اخرى باللحى المزيفة والدين
واعلموا ان مصيركم هو مصير حزب البعث في العراق


#682198 [omer]
0.00/5 (0 صوت)

05-30-2013 03:34 AM
إقتباس ( أنا محاضر للإعلام .... ) يا سجم الرماد أى إعلام هذا الذى تحاضره أنت ؟؟ و من أين تخرجت ؟؟ و ما هى مؤهلك الأكاديمى ؟؟؟ و أين كنت خلال ربع قرن لم نقرأ لك مقال واحد أو أى عمل إعلامى يفيد الشعب ؟؟ إذا كان هذا هو مستواك يا ( محاضر ) ربنا يرحم تلاميذك الذين تحاضرهم .... قوم لف أو امشى شوف لك بصل أفرش يا مدعى يا هحتال ... قال محاضر قال ...............


#682195 [مستغرب]
5.00/5 (1 صوت)

05-30-2013 03:22 AM
ياراجل ما تختشي قال كلمة حق هو اصلا وينو الحق الرجال بستقبلو الرصاص بصدور عارية ويهتفو بحياة الوطن لكن ليس بالاسترحامات والاختباء خلف دموع النساء يا اشباه الرجال هل كنت تعتقد انا النظام كان ليترك احد الشرفاء ليقول ماقلته بدون حساب طبعا لا النظام يخشي من الشرفاء فقط اما انت وامثالك كلاب من دون اسنان لا تنفعو ليش سوي النباح وتططؤن رؤسكم لولي نعكتكم عندما يرفع لكم العصا .


#682189 [كوكو اربجى]
5.00/5 (3 صوت)

05-30-2013 02:50 AM
"فأسامة سراج خريج الهند جبلبور اقتصاد وكان يلقب بالحسم الثوري كان بعثيا وانضم للاتجاه الاسلاموي وكان كلاما ومتأثرا بكتابات ولغة سيد قطب وكما قال فهو لم يعمل في أي منصب رسمي في عهد الانقاذ ،،"


وكمان قارى فى الهند يافارة يعنى ال24 سنة دى كلها مرطب بره وجاى تتفلهم وتتفلسف علينا
حرم عرفنا محل ساكن ومحل مابتمشى وتجى
مابنكتلك ولا بنعذبك لانو ما من طبعنا لكن حرم حرم الا نشغلك مع الهندى عزالدين واسحق فضل والضو بلال ومصفر الاست ود مصطفى دلوكة والرزيقى والكوكو كمال حسن بخيت عمال قمامة

كوكو اربجى
خريج جامعة الخرطوم 70


#682187 [Almo3lim]
4.63/5 (5 صوت)

05-30-2013 02:45 AM
أخونا في المواطنة .. سراج
لن تجد من يتعاطف مع دعوتك طالما كانت هذه فكرتك عن الآخر (العمالة - الإرتزاق- الصهيونية) ..

يا أخي أول شي غير الأفكار دي و طلعها من رأسك و سيبك من حكاية (الذين إذا خاطبهم الجاهلون قالوا سلاما) طبعا تصريحك الأخير هذا ( دق بيك الواطة) كان بتفهم و أنت بتقول عن نفسك (إعلامي) طيب ما درسوك أنه حتى تصل الرسالة للآخر يجب أن لا يكون الخطاب(مستفزا) ؟؟؟

رحم الله والديك راجع نفسك و بلاش (تعالي) و كونك مصر على الإصلاح من الداخل فهذا شأنك أما رفضنا لعرضتك و ( ما دايرنك ياخ ما دايرنك ياخ ) فقد حسمتها أنت شخصيا بقولك (لو ما شلناها نحنا ح يشيلوها الأعداء) !!! من هم الأعداء يا ( سراج) ؟؟؟

تعلم تمام العلم أن 80% من الشعب ضد الحكومة و يتمنون زوالها اليوم قبل غدا هؤلاء هم الأعداء الذين لا تراهم لكنك مثل بقية الكيزان (هناك عدو وهمي في مخيلاتكم) و هناك مؤامرة و هناك حملة شرسة ضد الإسلام و أنه بدونكم (سيمحى) الإسلام من على وجه الكرة الأرضية !!!!

ألف مليون عله تكتنف تفكيركم و نظرتكم للأمور و بدون زوالها فلن يكون هناك جديد ..

كن كما أنت في موقفك و سنكون نحن كما نحن في موقفنا من النظام الهمجي و ثق تماما أنه لا توجد أجندات صهيونية بل أجندات وطنية عجزت عقولكم عن تقبلها ..

أما عن الإسلام فقد كان قبل مجيئكم (بخير) و سيكون (بخير ) أكثر عند ذهابكم ...

حين يرفع الظلم و ينتفي الفساد و أكل مال السحت و إهدار أرواح الشباب و إزهاقها في سجون و معتقلات النظام أو تحت مسميات الأمن القومي بإرتكاب مجازر التطهير العرقي أو بإسم الجهاد في قضايا ليس لها علاقة بالجهاد ..

أحسن ما أقدره لك هو نقضك لبيعتك للبشير .. و عدا ذلك فلا أمل قبل أن تتغير فكرتكم عن المواطنة و الدولة المدنية و معالجة (ضلالات التوهم) فيما يختص بربط كل من قال لا لحكم الظلم و القهر بالدوائر الإمبريالية و الصهيونية العالمية و انتم تمثلون الماسونية في أبشع صورها ..

قال تعالى :

(قُل هل نُنَبِئكم بالأخسرين أعملاً , الذين ضل سعيهم فى الحيوة الدنيا وهم يحسبون أنهم يحسنون صنعاً)


ردود على Almo3lim
United States [abdu] 05-30-2013 12:39 PM
معلم ونص وخمسة يا معلم ... ده الكلآم ....

United States [راكوبابي] 05-30-2013 10:51 AM
و الله ما خليت لي حاجة اقولها يا مُعلِم


#682185 [Kunta Kinte]
5.00/5 (1 صوت)

05-30-2013 02:35 AM
قدتم خط الاصلاح منذ عام 1993 ولم نسمع لكم صوتاً ..؟ ولا إعتراضاً على ما كان يحدث ؟ وكل اللذين قتلوا منذ 1989 الى الآن لم تقولوا كلمة حق عند امام جائر تجاههم ؟

والآن تطالبون الرئيس بتغيير الحكومة ولا تستطيعون مطالبته بما نهبه إخوانه وزوجته ..؟؟

الاصلاح عندكم


#682182 [Kunta Kinte]
5.00/5 (3 صوت)

05-30-2013 02:30 AM
سبحان الله ، حسب كلامك بتقول انت خارج للعمل العام وبتبدا بإتهام الآخرين بالعمالة والتآمر ...؟؟
اسألك بس ، كيف عرفت انو البعلقو فى الراكوبة معظمهم من الحركات المسلحة ، وحسب معرفتى بمعظم المعلقين المداومين والذين لم التقى بهم إلا فى الراكوبة منذ اكثر من 4 سنوات ، الغالبية العظمى منهم من تم تشريدهم قسراً من السودان بمختلف الاسباب والاساليب
يا عمنا الجماعة اغلبهم مغتربين وذوو كفاءآت عالية فى مختلف المجالات واعتقد ان اكثر المعلقين من السعودية
الاسماء المستعارة ليست بسبب الجبن كما تعتقد ويعتقد كثيرون منكم ، وانتم يجب ان لا تتحدثوا عن الجبن والشجاعة ، يامن اقدمتم على الانقلاب ولم تتحملوا عواقب فشلكم فيه فقدمتم الاسترحامات او إذا قُدمت عنكم لماذا لا تخبروا الشعب انكم لم تقدموا استرحامات ، ولماذا لم تصمدموا كما صمد قبلكم رجال فى نفس الموقف..؟؟


#682179 [اولاد جبال النوبة]
5.00/5 (3 صوت)

05-30-2013 02:27 AM
بنركب الكركابة الله هوى بنركب الكركابة
بنركب الكركابة ندلا فى امروابة
مادوامة الله هوى الدنيا مادوامة

بنقول لابو شلوخا تى ضار على ضار وغلى غصمان : من هسى اربطو صلوبكم مع ابوجاعورة للاهاى
المره دى مافى عفا الله عما سلف يامشانق فى ميدان ابوجنزير يالاهاى ياولاد الحرام
مادوامة الله هوى


#682177 [Rebel]
0.00/5 (0 صوت)

05-30-2013 02:23 AM
* المستضعفين! من هم؟ لتجئ بعد 24 عاما حسوما لتدافع عنهم يا سراج. انت جزء من النظام الذى افقرهم و شردهم و إستبد بهم و اذلهم كل هذا الوقت يا سراج.
* الجنوب إنفصل لا عن طريق السلام كما تدعى يا سراج، و إنما عن طريق العنصريه و التآمر و الخيانه و الإقصاء التي برع في ممارستها النظام الإسلاموى البغيض، و انت تعلم ذلكّ يا اخى!
* ارجوك الآ تنهى عن شئ و تاتى بمثله يا اخى: فأنت رفقة ود ابراهيم المحتفى به لقيامه بمحاولة إنقلاب عسكرى !! يعنى رفع السلاح لتغيير الحكم. لماذا _إذا"_ تستكثر هذا السلوك على الجبهه الثوريه، و هذا إسمها، و ليس الحركات المسلحه!!
*انت محاضر فى الإعلام كما تقول، فماذا كنت تفعل فى ود النوره و ام سياله و ليست بهما كليات اعلام كما نعلم؟ ما لم تكن فى مهام اخرى تنظيميه دعما لهذا النظام الفاسد؟!
* انت تدعو لحل القضايا بالسلم و التداول السلمى للسلطه وفق ما يتفق عليه الشعب!! اليس ذلك قول غريب و مدهش يا سراج، اانت تعنى ما تقول؟ وقد إنقلبتم بليل على نظام ديمقراطى حر كنتم جزء منه؟ و بتآمر واضح مستخدمين مليشياتكم تحت غطاء الجيش؟!!
* الجبهه الثوريه المسلحه( و ليس الحركات ) لا "تتوهم نصرا لن يكون" كما تقول به انت يا اخى سراج، على العكس، الجبهه الثوريه المسلحه و معها الشرفاء من جماهير الشعب السودانى سوف تنتصر و قريبا جدا بإذن الله، الواقع و المعطيات و التاريخ يقول بذلك. و عندها، فالشعب السودانى سيزيل
كل الروث الذى تراكم على عهدكم و عهدهم.
* و اخيرا، ارجوك رجاء" خاصا: لا تتحدث عن قوات مسلحه، فهي غير موجودة اصلا". يمكنك التحدث عن دبابين و مليشيات، مثلا". فلو كان لدينا القوات المسلحه السودانيه التى نعرفها و يعرفها جماعتكم، لما إستمر نظام الهوس الدينى و الضلال و الفساد و الإجرام طيلة هذه المده.

و لك ودي


#682175 [dldom]
0.00/5 (0 صوت)

05-30-2013 02:21 AM
سبحان الله يوميا ينط علينا واحد من ناس الفاقد التربوي ويعمل فيها مصلح ووطني ,, غلبني اكمل المقال لما فيه من ركاكه اسلوب واخطاء املائيه .. بعدين مش كنتو قبل كده جزء من النظام ولامن حسيتو بالمركب داير يغرق حبيتو تنطوا بس هيهات ما بنقبل اي اعزار كشعب سوداني ونحاسبكم علي كل جريمه ي مرتزقه .


#682161 [kadisfar]
5.00/5 (3 صوت)

05-30-2013 01:53 AM
المدعو سراج
علي مااعتقد لا مجال لى امثالكم بعد طيلة هذه السنوات العجاف فانتم مستنسخين من ذلك الهم الجاسم على صدر السودان .
من يكون هولاء المحتفى بهم و من تكون انت الم تكون انت احد ازرع ابراهيم شمس الدين


#682160 [Jedo]
5.00/5 (3 صوت)

05-30-2013 01:53 AM
هسي الزول دة عايز يقول شنو بالضبط؟ ارغى وازبد لكن مافهمت منو شي
زي مابقولو تحدث كثيرا لكنه لم يقل شيئا


#682159 [شجن]
5.00/5 (2 صوت)

05-30-2013 01:52 AM
والله ي سعادة الرقيب ضيعت لى زمنى على الفاضى لو كان سكت أحسن ليك عموما أوضحت لنا م لم نعرفة عنك، والقطر صفر بس أنت جهز نفسك لحفلة الرقيص الجماعى


#682154 [سودان]
5.00/5 (2 صوت)

05-30-2013 01:45 AM
"الغالبيه منهم... ضمن مشروع صهيوني" =" مهما وقفت مدافعا عن المستضعفين ... لن يرضو ولن يقبلو بك "

"ولا توليت منصبا حيث ضنو عليا بذلك" = "اننا قدنا خط الاصلاح منذ عام 93"

"الا فلا يجهلن احد علينا فنجهل فوق جهل الجاهلينا" = "نحن ساده الدنيا واساتذه البشريه"

" لاوليك" -"ذدتم" = "فانا محاضر للاعلام"


#682153 [Dokom]
5.00/5 (3 صوت)

05-30-2013 01:44 AM
يا أخي ود سراج، السلام عليكم
من يرى خطابك بتمعن لا يخالجه شك أن الهدف من تحرككم هو قطع الطريق على الجبهة الثورية من الوصول إلى السلطة، إذ لم تتحركوا بجد إلا بعد أن أحسستم أن الجبهة أضحت مهددا حقيقيا لسلطة المركز. مشكلة الاسلام السياسي في السودان، وهي بلا شك أكبر خسارة يمكن أن تقع على السودان، أن فئام الناس مثلي لم يعودا يصدقون كل من يرفع شعار الاسلام نظرا لما رأينا من مآسي وإخفاقات الانقاذ. وأنا أجزم، والعلم عند الله، أن غالبية الناس لن يصوتوا لمن يرفع شعارا إسلاميا كائنا من كان. إذ كيف يستقيم أن نصدق أناسا يظنون أن "خج" الانتخابات عبادة، ما الفرق بينهم وبين من أنتجوا "الغاية تبرر الوسيلة". بالنسبة لل floaters يستوي السائحون وغير السائحين من دفاع شعبي، ومؤتمر شعبي، وأنصار سنة، ومؤتمر وطني ومن لف لفهم. لماذا نجرب المجرب ونتوقع نتائج مختلفة؟


#682151 [هاشم صديق]
4.50/5 (4 صوت)

05-30-2013 01:37 AM
الله يجزيك كل خير ويسدد خطاك يا رجل فكلمة الحق امام السلطان الجائر ليست سهلة عند الله وانت داخل السودان كانك قلتها امام رقاصنا


ردود على هاشم صديق
Hong Kong [واحد] 05-30-2013 04:32 AM
وينو الحق ده ؟ ديل زعلانين عشان ما أدوهم = حقهم = ديل كتلو ودقو المعارضين وباقي الشعب ال ما كيزان وأمنوا الوضع الحاكم وعايزين حق شغلهم , اما حق الشعب فهم عاوزين يبلعوه مع البالعين


#682150 [انصاري]
5.00/5 (3 صوت)

05-30-2013 01:37 AM
وَهَمستَ بدفء برئتيها الباردتين...

أيقتلكِ البردُ ؟

انا .... يقتلني نِصفُ الدفئِ.. وَنِصفُ المَوقِفِ اكثر

سيدتي نحن بغايا مثلكِ....

يزني القهر بنا..والدينُ الكاذِبُ.. والفكرُ الكاذبُ ..

والخبزُ الكاذبُ ..

والأشعارْ ولونُ الدَمِِ يُزَوَّرُ حتى في التَأبينِ رَمادِياً

ويوافقُ كلُّ الشَّعبِ أو الشَّعبُ وَلَيسَ الحَاكِمُ اعْوَر

سيدتي كيفَ يَكونُ الانسانُ شريفاً

وجهازُ الأمنِ يَمُدُ يَديهِ بِكُلِّ مَكانٍ

والقادم أخطر

نوضعُ في العصارَةِ كي يَخْرُجَ منا النفطْ

نخبك .... نخبك سيدتي

لمْ يَتَلَوَّثْ مِنْكِ سِوى اللَّحْمِ الفَاني

فالبعضُ يَبيعُ اليَابِسَ والأخضر

ويدافِعُ عَنْ كُلِّ قَضايا الكَوْنِ

وَيَهْرَبُ مِنْ وَجهِ قَضِيَّتِهِ
(من أشعار شاعر المقاومة مظفر النواب)

*** يا سيدي، تبايع او تبيع، لايهم فالمعنى واضح في عصر السمسمرة والسنسرة، والامارة والتجارة، فالدين يا مولاي، اصبح سلعة مفروشة علي قارعة الطريق، تُشترى وتباع؛ علي قفا مايشيل، والمايشتري يتفرج، ونباح وصياح هي لله هي لله...؟!!. ومن يجعر اكثر يهبر أكبر.. وما لدنيا.... نحن للبنك فداء، الفلم دة دخلناهوا قبل كدة!!!، نحن الغبش البنعلق في راكوبتنا، ما عندنا حق السفر لاحد الاحجار المقدسة، او مديريات الباقي من وطن كان اسمه السودان، وتتكلم براحتك وتمجد قادة حاجة كدة سموها إنقلاب !!؟؟ ناس ود، و، ود بقرشوا ليهم حقوق مابعد الانقلاب اي ما بعد الخدمة؛ تصدق وعندهم معجبين زي معجبين الحوت الله يرحموا بتكلموا بصوت عالي تحت حماية وحراسة أمن الدولة إسم النبي حارسكم؛ دة شعراً ما عندنا ليه رقبة!!" بعدين الرتبة ما مشكلة مع التمكين هكذا علمتنا السنين رقيب ام اديب لافرق المهم المكنة، تصدق في رقيب بمكنة عميد!!... لكن أعتقد الشاعر الثائر قد جسد المحال كلسان الحال، في واقع الحال الذي يغني عن المآل،، ودابراهيم ود ابرك ود الشيخ ود شككو... ماذا قدموا... جيش يقاتل شعبه ويقود الانقلابات، ارني معركة واحدة خاضها هذا الجيش ضد الاجنبي، منذ ثورة 1924. لك خيارك ولنا مانختار في اطار إحترام عقول بعضنا البعض! إبليس الآن يبتسم لأن الشيطان يعظ في هذا الزمن المـأزوم


#682148 [العمرو ما بايع البشير]
5.00/5 (2 صوت)

05-30-2013 01:36 AM
تعرف يا اسامة لو كنت انت او من تحتفي بهم من دارفور او كردفان او النيل الازرق وكنت من اتقى عباد الله واكثر وحرصا وجهادا على نصرة دينه وقلت كلامك ده كان لحقوك امات طه

سبق من اخوانكم في الحركة الاسلامية داؤود بولاد وخليل ابراهيم احسبهم اكثر جهادا منك في وجه سلطانك الجائر وما حرقتك الا الآن قتل آلاف من المسلمين الابرياء في دارفور وما سمعناك تجعجع بس عشان سجنو كم نفر من اهلك ايام معدوده وفكوهم قامت دنياك ولم تقعد
عنصري وستين عنصري كمان والعدل او حتى الدفاع عن النفس عندما يأتي من العبيد فهم خونة ومأجورين وعملاء وحاقدين كمان
قوم لف انت وود ابراهيم بتاعك


#682137 [أبوبسملة]
5.00/5 (2 صوت)

05-30-2013 01:21 AM
هههههههههههههههههههههه والله مازدتناإلا يقيناأيهاالرقيب !!! جنس محن الله يهون وينفخ الروح فى هذا الشعب المبتلى بكم


#682136 [kordofani]
0.00/5 (0 صوت)

05-30-2013 01:20 AM
we have enough of talking and empty words.and you represent yourself only.
we have one goal and only one Omer and his governement should be exterminated..
and if the sudanese army forces want to protect omer to hell both of them


#682135 [ابو امين]
5.00/5 (2 صوت)

05-30-2013 01:19 AM
انت وغيرك مسئولون عن مساوي هذا النظام وسف تحاسب علي ذلك أن سرقت أو لم تسرق . ونحن لانتحدث عن إصلاح بل نتحدث عن اقتلاع قبيلة بني كوز لا اعتقادنا الجازم بأنكم لن تأتوا إلا بالمزيد من بيوت المايقومة يا أوغاد


#682134 [ودالعمدة]
5.00/5 (1 صوت)

05-30-2013 01:19 AM
"حجرالطير" +حجرالعسل - "حوش بانقا" =........
شوفوا هذا الناقص - ....
:
:
:
:
:
:
:
:
وشوفوا هذا الذائد+
وباكر أوريكم الضرب والقسمة...
وعجبي يا سودان !!!!!!


#682132 [loae]
3.00/5 (2 صوت)

05-30-2013 01:15 AM
لن يرضو ولن يقبلو بك لان الاجنده التي تحكمهم لاتمت لاخلاق وقيم شعب السودان في التسامح والتواصل ان اجندتهم الخارجيه لاتمت لاجنده المناضلين الشرفاء

لا فض فوك ... هولاء الذين ذكرت تحركهم العنصرية لا الوطن ... أعمتهم القبليةفلا يفرقون بين البشير و السودان ... ليس هذا فقط بل يزعمون أن كل شمالي انقاذي ... انها العنصريه أخي سراج(اسم علي مسمي) نسوا ما فعله البشير بالشمال ... الفرق أننل لا نقتل إخوتنا في القوات المسلحة(الغبش الكاتلو ديل اهلنا و اخوانا ومحاولة تصويرهم بغير ذلك سيطيل امد الانقاذ). وفقكم الله اخي سراج.

الرجاء نشر تعليقي هذا ودمتم


#682131 [المتجهجه بسبب الانفصال]
5.00/5 (4 صوت)

05-30-2013 01:15 AM
اذا لم تختلط علي الامور بسبب السودان الذي اصبح كالتنور فأسامة سراج خريج الهند جبلبور اقتصاد وكان يلقب بالحسم الثوري كان بعثيا وانضم للاتجاه الاسلاموي وكان كلاما ومتأثرا بكتابات ولغة سيد قطب وكما قال فهو لم يعمل في أي منصب رسمي في عهد الانقاذ ،، وهذا صحيح لأنه لن يمنحه الانقاذيون أي منصب لأنه رجل دغري وما بقبل اللف والدوران ،، هذا من حيث شخص أسامة سراج ،،،، أما من حيث طرحه الذي ختم به مقاله في الشأن العام فاقول لك يا أسامة يا خوي الجنوب لم ينل استقلاله بالسلم وانما جاءت نيفاشا بعد حوالي 30 سنة من الحرب على فوهات البنادق فالمسألتين لا تتجزآن بهذا الطرح التسطيحي،، وهذه ليست دعوة لاستمرار الحرب بقدر ما هي تذكرة لأهل المؤتمر الوطني بترك العنجهية قبل فوات الاوان ، لأن الجنبيون يا أسامة سراج يا خوي بدأت قضيتهم بشعار التهميش وانتهت بالاستقلال بعد أن غض الساسة الطرف عن وضع حل جاد لمشكلة التنمية وتوزيع السلطة في الجنوب،، وهي نفس المطالب التي ترفعها الحركات المسلحة في دارفور وجبال النوبة والنيل الازرق والكثير من السودانيين في الوسط والشمال والشرق دون رفع سلاح لأسباب على الاقل في الوقت الراهن،، أما وصفك لهم بالعمالة للخارج فهو نفس الوصف الذي كان يوصف به الراحل جارانج بالعمالة لاسرائيل ولكن اتضح العكس بعد أن تعرف الناس على جارانج وأنه رجل وحدة ونهضة لسودان عظيم فتم اغتياله ،، مضى العمر يا اسامة سراج يا خوي وكنت أحسب أن فترة الشباب انتهت وجاءت فترة النضوج والنظر الى الامور بتدبر ومعرفة من الذي يقف عقبة في سبيل تطور السودان واستقراره لمجرد الاستئثار بالسلطة على حساب الارض التي اصبحت تباع للاجنبي ويطرد منها بنيها اما تهجيرا قسريا او طوعيا،،،


ردود على المتجهجه بسبب الانفصال
European Union [قلبي على وطني] 05-30-2013 10:50 AM
والله اكثر ما عجبني في حديثك هو عدم تعصبك لرأيك وانك بذلك نطبقين بأن الاختلاف لا يفسد للود قضيةفعلا ... ويا ريت كل الناس او معظمهم في مستوى هذا الفهم واحترام الرأي والرأي الاخر .. وصدقيني هذا ما نفتقده في سوداننا الحبيب وكل واحد يدعي انه الافضل وهو المستنير والاجدر بالحكم دون غيره ... غير مهم اتفق او اختلف معك في الرأي لكن واضح انك انسانة واعية ومتحضرة ومن النادر ان نجد امثالك من المعلقين الموضوعيين .. فلك مني مليون تحية.

United States [Abu] 05-30-2013 05:23 AM
Utterly fabulous you have addressed the issue, at least this how I see it. What did attracted me the most, that you named yourself with someone who is (suffering from the secession), and this have drawn my attention to which part you belongs? If it’s the South, this is the ultimate, due it means that you’re still knotted to the other part, and if you’re from the North, this means you have felt the pressure from this separation. At any rate, we all still are tussled against so many odds, which must be cunningly handled, and the trajectory this filthy regime has led us, and mutated that place in unscrupulous manners in every aspect; I can’t see any light at the end of the tunnel! The way you have spoken to the writer, I am afraid it’s a bit late, and I doubted very much if they (regime) could apprehend. Insidious is the least you could call them, and sure you can’t expect much from a totalitarian regime. In respect to what this gentleman wrote in his response, honestly I care more than the less, and his defense leitmotif is worthless, and sure to too late, especially if he’s educated abroad as one of the comments stated? This sure means he didn’t learn anything!! Sure another waste !!


#682130 [[email protected]]
5.00/5 (3 صوت)

05-30-2013 01:13 AM
والله حيرتني؟ طيب وريناالنضال السلمي دا كيف مع الجماعه ديل!!


ردود على [email protected]
[Rebel] 05-30-2013 02:57 AM
* و الله.. و الله يا اليكس انت اظرف زول. و انا بضحك لامن دفقت "البوش". هسه البوش ده نجيبوا من وين الساعه دى؟
* لكن يا خوى فى ظنى النضال السلمى يعنى زى ما تقول نشيل مكرفون و معاهو فيديو و نمشي ود النوره و ألآ ام سياله فى كردفان: و نعيط و نعيط و نعيط سير سير يا البشير. تراه ناس سراج اخوي ديل كانوا بسووا كدا زمان قبل انقلابهم مع ود ابراهيم... و هسه رسلوهم حجر العسل قالوا ليهم المره دى قولوا كدا. وكدا.. كدا..كدا.. ورا.. ورا..ورا..ورا. ما تشيل معاى يا اليكس الغنيه دى!! اها ده النضال السلمى القالو ليهم. لكن تلحق تشيل عصايه ساكت فى ايدك بجيبوا خبرك.

بس قول الله اجيب الحلو من هاو لى لاو


#682125 [خالد حسن]
4.63/5 (4 صوت)

05-30-2013 01:10 AM
كما انك تنزع عنا الوطنيه وتتهمنا بالعماله للصهيونيه والغرب وكأن الوطنيه حكرٌ عليكم انتم الكيزان
من اعطاك الحق ان تتهم الاخرين بالعماله ؟
هذا ديدن الديكتاتوريين والمتسلطين الذين يتبعون نهج ( لا أُريكم إلا ما أري)
فانت لاتختلف في نهجك عن البشير الذي ظل طوال 24 عاما لايعترف بالآخر
فكيف تريد ممن يحمل السلاح ان يضعه والكيزان لايتفاوضون إلا مع من يحمل البندقيه؟
وحال المعارضه السلميه خير شاهد علي هذا .. فهل نالت المعارضه السلميه حقوقها وماتطالب به من حريه وانتخابات نزيهه طوال نضالها ضد حكم الكيزان؟
وهل نال الجنوب حقوقه الابعد ان حمل السلاح؟ وهل كان سينال استقلاله لو كان نضاله سلميا؟
انت لاتملك اجابات علي هذه الاسئله اذن لايحق لك ان تطالب الاخرين ان يضعوا السلاح لانك لاتملك ان تضمن لهم حقوقهم بالسلم


#682124 [كوكو]
5.00/5 (3 صوت)

05-30-2013 01:07 AM
متين تصل قوات الجبه الثورية الخرطوم يا جماعة؟ والله اتو ادونا السلاح دا وشوفونانحن بنحاسب الاغتصبوا نساءنا كيف؟


#682119 [خالد حسن]
4.82/5 (5 صوت)

05-30-2013 01:00 AM
ممكن توضح لينا متي واين وكيف ذادت القوات المسلحه عنا وعن وطننا؟
واي حرب خاضها جيشها علي غير الشعب؟
عشان مايكون انشاء ساكت ..
نحن ماضد الجيش لكن نرفض ان يكون الجيش اداة في يد المتلسطين يضرب به المعارضين والمطالبين بحقوههم
ونرفض ان يكون الحاكم عسكري
ونرفض ان يستولي عناصر الجيش علي السلطه بقوة السلاح
نريد جيشا يحمي الثغور مش يلهب الظهور بالسياط
متي يعي عساكر الجيش الدروس وهم ظلوا يحكموننا لمدة 47 عاما
اين اوصلونا ؟؟ الجواب هو حالنا اليوم حروب لاتنتهي ودمار اقتصادي واخلاقي وتعليمي
الجيوش لم تُصنع لتحكُم وانما لتحمي


#682116 [جاكوما]
4.94/5 (5 صوت)

05-30-2013 12:57 AM
اراك مازلت تغازل فى النظام وتحلم بتطبيق شريعته التى هى حق اريد بها
باطل . فأنت جزء من هذا النظام وإن لم تتلوث بالمال الحرام . فالنظام باطل
وما بنى على الباطل فهو باطل. اما الحركات المسلحة فقد لجأت للسلاح بعد ان
اوصد النظام امامها كل سبل النضال السلمى . واودعهم غياهب السجون. وقد قال
قادة هذا النظام من اراد السلطة فليأخذها بقوة السلاح. فلماذا اصبح السلاح الان
محرما عليهم. هذا النظام يا اخى لا يحفظ عهدا وينقض بالليل ما اتفق عليه بالنهار
وهو يخدع البسطاء برفع شعار تطبيق شرع الله الذى هم بعيدون عنه كل البعد
ويخدعهم بأن البلاد مستهدفة من قبل اسرائيل والصهيونية . ولعمرى لو انفقت اسرائيل
مائةعام لما حققت ما حققته الانقاذ من تقطيع الوطن وضياع اجزائه وهوان شعبه
وتركه للجوع والفقر والمرض . فكل فاشل يرمى اخطاءه وفشله على شماعة اسرائيل
والصهيونية وقوى الاستكبار..
اخى سراج عد الى حظيرتك معهم مادامت هذه هى افكارك عن النضال والمناضلين . ووالله
ماضيع الوطن إلا امثالك من يمسك العصا من وسطها , ويعارض متى تقاطعت مصلحته
الشخصية مع مصلحة هؤلاء الزبانية. او عد والتحق مع زمرة ود ابراهيم الذى هو ايضا
جزء لا يتجزأ من هذه الطغمة . ولو قيض الله له ان ينجح فى قلب نظام الحكم فلن يكون
افضل منهم فهم من طينة واحدة ..


#682115 [ramy]
4.50/5 (4 صوت)

05-30-2013 12:57 AM
اعتقد والله اعلم انو تعليق الشايقي النجيض دا اكتر حاجة زعلت الرعديد مدعي الشرف والوطنية دا
عافي منك والله يا الشايقي

672325 [الشايقي]

يا سبحان الله انا في الغنم والبهائم الببشروا وبتراقصوا قدامو ديل !!والله لو جاهم نافع وقال ليهم نحن طبقنا الشريعة ونحن ما ادراك من خرافاتو ديك كان نفس الغنم والبهائم دي شبكوا نفس النغمة اللللللللللله اكبر !!
الحاجة التانية الجعجاع الرعديد البجعر دا ليه محتمي بقبيلتو عشانم يقول كلامو دا عندهم موش كان لو فعلا نحن في دولة عدل ومساواة ممكن يقول كلامو دا في ام درمان مثلا ...وشنو الخلى البشير وعصابته ظلمة في هذا اليوم ؟؟موش الشرفاء بتكلموا عن ظلم وجور وفساد هؤلاء من سنة 89 انت زاتك يا البتجعر كنت من الناس البغتالو والبعذبو وبنكلوا وبطاردو الشرفاء البتكلمو الحق بدون خوف او وجل من لومة لائم !!
وبعدين يا ود حجر العسل ايه البخلى ضابط من ناس حجر يتكلم عن ظلم الحكومة وانت ضابط متهم بمحاولة انقلابية على الحكومة بقوة السلاح يتكلم بكامل الحرية ويخاطب اهله بساوند سستم بصدى عالي وفي نفس الوقت يمنع مني اركو يخاطب اهله في نيالا عن ظلم البشير او التوم هجو يخاطب ناس سنار او على محمود يخاطب اهلو في ارقو او عقار يخاطب اهلو في الرصيرص ؟؟؟ اليست هذه هي قمة العنصرية وقمة التعالي العرقي الخلت الثوار يشيلو السلاح ويقاتلو الظلم ؟؟
اقول كلامي دا وانا من اقصى الشمال ... ولكني سوداني احب كل السودان او ما تبقى منه وكل الشعب السوداني الاصيل باستثناء الكيزان والكوزات والموالين لهم ..
وحاجة اخيرة موش ضباط رمضان كانو اشجع منكم يا جعجاعين والمحتمين بقبائلكم ونساوينكم وهم بواجهو الموت بتحدي وثبات بدون ما يولولوا جنس ولولتكم الخائبة البيها تم العفو عنكم ولا قايلننا من الدراويش البتغشوهم ديل ؟؟


#682113 [اللباد]
4.75/5 (6 صوت)

05-30-2013 12:57 AM
يا زول إنتو عملتوا فيها أبهات الرجالة و قلتوا عايزين تقلبوها و جيتوا في أقل من ثانية إسترحمتوا كما النساء. خليك في إسترحامك و عفو ولي نعمتكم البشير و أقعدوا من سكات>>>>> يا حليل الرجال الكانو بيهتفوا من على أعواد المشانق عشان يفدوا أوطانهم و مواطنيهم


#682110 [كركـــــــــــاب]
4.82/5 (5 صوت)

05-30-2013 12:56 AM
*انتهت ضجة الحركات الاسلامية رضيت ام لا
*نحن كنا فى الاول بنعمل على اسقاط الاسلاميين بالعمل السلمى
*لكن الان تغيرت تكيكات اللعبة عشان تأخذ حقك تقلعو قلع .شغل عين
*تقول بانك لا تمثل المؤتمر الوطنى وكان هذا افضل لك ولكنك تمثل اوضع المجمتعات المدنية
*نحن مساكين فعلا لان ذى امثالكم حكمنا 25 سنة ودخول الحمام ليس كخروجة .لا تقعنا بانك طيلة الفترة دى كنت نزية .....
*كيف لك تصفنا بالجهلاء وتريد ان يناصرك الناس وهذا يدل على حسن تربيتكم .
*نحن نعرف مسبقاً بان الجمعات الكيزانية.الواحد يشرب كوب القهوة ويفتش الراكوبة ونحن بنفشا فيكم
*معارضتك للنظام لن تشفع لك بان تكون واحداً من الوطنيين لقد تلطخت يداك بالدم والفساد المالى والادارى
*ارجع لحظيرة الكيزان انت وشيخك الكبير الترابى لقد سقط الكيزان فى الحياة السودانية

((الحملة الشعبية لابادة الكيزان ))


ردود على كركـــــــــــاب
United States [Abu] 05-30-2013 05:57 AM
Mr. Karkaba, first of all for those scams to review and read our beloved ALRAKOBA is sure an honour to them, which they don’t deserve, and if there’s a way we could abrogate them from such a privilege, sure we would do. Amputating this gang is the ultimate, which imputing to all this havoc; and I hope this time the people of Sudan will be able to eliminate this group once and for all and sure at the top of the list that creature (Al-Torabee)

United States [مارووووش] 05-30-2013 02:02 AM
كركاب مطر بدون سحاب
وكمان سلوقة بلا تيراب
ده الكلام ولا بلاش
الحملة القومية لابادة الكيزان
دي زي كتالين الكلاب زماااااان
هههههههههههههااااا


#682105 [karkaba]
4.50/5 (2 صوت)

05-30-2013 12:47 AM
كل المصايب يقولك الصهيونية وينكرون نماما انهم هم من يصنعها


ردود على karkaba
[Rebel] 05-30-2013 03:08 AM
* لا..لا يا كركبه. ما تظلم الجماعه ديل: هم هم ثم هم الصهاينه ذاتهم!! و على الطلاق الصهاينه ما بسووا زى شغلهم دا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة