الأخبار
منوعات سودانية
الحلنقي يمنع البلابل من ترديد أغنياته نهائياً ..!!
الحلنقي يمنع البلابل من ترديد أغنياته نهائياً ..!!
 الحلنقي يمنع البلابل من ترديد أغنياته نهائياً ..!!


05-30-2013 07:12 AM
وجه الشاعر اسحق الحلنقي بواسطة مستشاره القانوني عبد العظيم محمد النعيم المحامي إنذار قانوني إلى مجموعة البلابل الغنائية يوقفهن فيه عن التغني بكلمات أغنياته نهائياً أو ترديدها في الحفلات الخاصة والعامة وأجهزة البث المرئية والمسموعة أو إعادة إنتاجها بأي شكل من الأشكال سواء عبر شركات الإنتاج الفني أو إخراجها في أشرطة كاسيت أو إسطوانات مدمجة إلا بعد أخذ الأذن كتابة ، و إلا سيتم إتخاذ الإجراءات القانونية في مواجهتهن ضد إي إنتهاك وتعدي لمحتوى الإنذار .
وكشف الشاعر اسحق الحلنقي أن البلابل على مدى أعوام طويلة ظللن يقدمن أغنياته ويتكسبن منها ويتجاهلنه تماما وحتى حفلاتهن أو لقاءاتهن الإعلامية في الإذاعات والقنوات الفضائية لا يمنحوه مجرد حقه الأدبي ولا الحق المادي في إنتهاك فاضح لجميع حقوقه وقال الحلنقي في حديثه : لم يكن أمامي حل سوى إيقاف هذه الأغنيات نهائياً. والتي تبلغ حوالي عشر أغنيات ومنع البلابل من ترديدها خصوصا بعد أن تعاملوا معي بصورة غير جميلة بها نوع من عدم الإحترام والتقدير للأغنيات التي قدمتها لهم وساهمت في شهرتهن الفنية عقب رسوخها في وجدان الشعب السوداني .
يذكر أن الشاعر اسحق الحلنقي تعامل مع البلابل في مسيرتهن الفنية بمجموعة من الأغنيات منذ أوائل السبعينيات ساهمت في شهرتهن الفنية وأبرز هذه الأغنيات (لون المنقة –عشة صغيرة - حلوين حلاوة – البيسأل مابتوه – نلقى وين طيبة أهلنا – أحسن تسيب سكتنا – على نياتنا – سكة مدرستنا – وغيرها من الروائع ) .


صحيفة فنون


تعليقات 27 | إهداء 0 | زيارات 6498

التعليقات
#683298 [عصمتووف]
1.75/5 (3 صوت)

05-30-2013 11:02 PM
وخسارتك يا حلقني ما الفرق بينك وبين متسولي المساجد والاشارات وطلمبات الوقود البلابل هن من اوصلكن للشهرة بدون زعل من تعليقي انا عرفتك من خلالهن وغيري من الشباب واصبحن واغنياتك ثروة قومية لا قانون ملكية فكرية ولا غيره يسمح لك بالتجدع فينا وتلك الاغنيات المذكورة منذ ال70نات لماذا لم تطالب بها ومن المعروف والمعلوم بعت اغنية اصبحت ليس من حقك ان تطالب بمبالغ مادية يعنيلو اشتريت سيارة من شخص معناها كل ما يشاهدني قائدها يطالب بمبلغ مالي او اصيح باعلي صوتي او اكتب عليها بان السيارة ملك فلان بن علاني وللاسف وللحسرة معينك نضب واصبحوا يتغنوا لك الفرفير والفحيح وشنو ما عارف ادعوك من هنا اكسر قلمك و مزق دفاترك لو نزلت لهذا المستوي بالرقم من انني احبك واحب اشعارك القديمة مع احترامي وودي لك


#683198 [alwadah]
0.00/5 (0 صوت)

05-30-2013 07:44 PM
برا انزار قانونى برا جن ماعكم . حقك براه وحق امتلاك الجمهور والحفاظ على موروثه الغنائى براه . لازم الناس تعرف انه الصراع على الشى الما طلع وامتلكه الجمهور فقط . بلاش فوضه معاكم


#683116 [سودانى شديد]
3.00/5 (1 صوت)

05-30-2013 06:11 PM
صلاح ادريس قال ليك اعمل كده وللا شنو؟


#683100 [بلدى ياحبوب]
5.00/5 (1 صوت)

05-30-2013 05:52 PM
يااخوانا حقوا والقال حقوا غلب وبس


#682958 [um ahmed]
5.00/5 (2 صوت)

05-30-2013 03:44 PM
اولا الشاعر المرهف اسحاق الحلنقى لا تلوموه من حقه ان يطالب بحقوقه يمكن هو محتاج وكذلك زعلان انو البلابل ما عملن ليهو اعتبار ليه يا البلابل ما حلوه منكن وانتن تتغنن بيشعرو وتتكسبن منو ولا تعيروه ايى اهتمام .الله يديك العافيه الشاعر الجميل الحلنقى . والله لا اعرف الحلنقى شخصيا لكن الناس تكون حقانيه ولا يسيئوا شخص مطالب بحقه


#682951 [Mutabi3]
0.00/5 (0 صوت)

05-30-2013 03:36 PM
أكيد ان قونين الملكية الفكرية هي التي تحكم هكذا قضاياولكن لا أرى من اللياقة من الشاعر الحانقي ومن سبقه ان يتخذ مثل هذا الموقف أيا كانت الأسباب إذ أن هذه الأغاني ليست بأغان جديده وإنما أغاني قديمة واصبحت ملكا للشعب السوداني وليس ملكا للبلابل أو الحلنقي.من حق الحلنقي ان لا يتعامل معهم الآن أو مستقبلا ولكني أشبه موقفه هذا بموقف رجل طلق زوجته ويطالبهابان تدفع له ما صرفه عليهامأكلا وشربا ولبسافي ما مضى. يا حلنقي مثلما قولك إنك ساهمت في تألقهن فإنهن قدمن شعرك للجماهير السودانية في قالب لا تستطيع انت ان تقدمه فيه.
يا رجل وشوف غيرها.


#682893 [ابو ايمن ودالضو]
5.00/5 (1 صوت)

05-30-2013 02:49 PM
الحلنقى قمه فنيه وابداع فى الشعر الغنائى ؛عمالقة الطرب نهلوا من معين شعره وماينكره الامكابر!! وبالمناسبه الحق حق وفيها ايه لو طالب بحقوا؟ الشاعر اكل عيشوا من ممايكتب !! وبالمناسبه البلابل غنن لمايو سنة 69م وكان متوسط عمرن 21 سنه ؛ اليوم هن جلكنن وشاخن بس البركه فى مراكز التجميل!!!!! والراجل راجل ؛ والست لما تكبر بتلبس الوقار والحشمه ؛ولكن اكل العيش بقى صعب شديد ..


#682861 [المتجهجه بسبب الانفصال]
4.50/5 (2 صوت)

05-30-2013 02:22 PM
على الفنانين الذين اصبح عداد بعضهم في الحفلة الواحدة بين 7 الى 12 مليون دفع مبلغ 10% عن كل اغنية يغنونها في الحفلة لشعراء الاغاني أو ورثتهم الشرعيين ويبطلوا لف ودروان وغنى على حساب الغير ،،، لو كانوا فنانين بما تعني الكلمة ،،،


#682803 [Abu Al khair]
4.50/5 (2 صوت)

05-30-2013 01:31 PM
الامارات كانت ماسكة ليها بلاء اسمه اسحق الحلنقي
جانا وقدانا قد
انا خائف افتح التلاجة احصل الحلنقي وفي منامي احلم بالحلنقي
كل في التلفزيون يقول في كلام مكرر وممجوج
واكتشفت انه في غاية التسطيح
وليس شاعرا رومانسيا كما كنت اعتقد
كفاية يا الحلنقي احترم سنك وتاريخك وابتعد عن سفاسف الامور


ردود على Abu Al khair
European Union [TaZaki] 05-31-2013 05:36 PM
احفظ أدبك مهما كان ، مع راجل بالعمر ده


#682770 [خالد ابوخلود الخالدي]
2.00/5 (1 صوت)

05-30-2013 01:01 PM
والله سقطت من نظرنا ياحلنقي ، يعني البلابل بغنن بأغانيك ليهن قريب اربعين سنة وجاي هسا تطالب بقريشات !!!!!؟ خليهن يبدعن فهن اخر من تبقى من الوطن الجميل ، وكفاية عليك قروش قناة الشروق


#682760 [الجمبقلى]
5.00/5 (1 صوت)

05-30-2013 12:57 PM
الخواجه لما يفلس بفتش دفاتره القديمه


#682756 [عطيطو الاسوانى]
0.00/5 (0 صوت)

05-30-2013 12:53 PM
يا حلنقى حرام عليك حتى الفرح عايز تمنعوا من الشعب السودانى . ملعيش تعال على نفسك شوية وخلى الشعب يطرب . انا عارف انو الحياة بقت صعبة لكن ما للدرجة دى .


#682728 [كوز شطة]
5.00/5 (1 صوت)

05-30-2013 12:36 PM
طبعاً البلابل غنو رجعنالك بعد ما اتفرفتقو . وعندما زاد العداد فكر الحلنقي وقال دول ما رجعوش . طيب ما يصلحو الوضع شوية . ولمن فتحوا ليهو قال ليهم بأدبكم من اللحظة تاني ما تغنو اي اغنية اديتكم ليها لو عايزين تغنو انا عايز حقي كاش . والا بفتح فيكم بلاغ لدى النائم العام بتاع المشروع الحضاري .


#682719 [الوجع الخرافي]
0.00/5 (0 صوت)

05-30-2013 12:31 PM
ماذا أصاب هذا الشعب ؟؟؟

الحلنقي يقاطع البلابل ...

بعدم ترديدهن أغنياته ...

بشير عباس يقاطع البلابل ...

بعدم ترديدهن أغنياته ...

عثمان النو كذلك ...

يقاطع عقد الجلاد ...

بعدم ترديد ألحانه ...

وتستمر القائمة .....

حتى الفن ...

أسمى قيمة إنسانية ...

أدخلوا فيها البغض .. الحسد والتناحر ...

( الحمد لله على نعمة العقل والعافية ) ..


#682713 [سمير ادريس]
0.00/5 (0 صوت)

05-30-2013 12:28 PM
كل العالم عنده مقولة شهيره الكبير كبيرلكن عندنا في السودان الكبير والصغير واحد، حقيقة شي مؤسف من اسحاق الحلنقي لانه شاعر غني له افذاذ الهرم السوداني وحتي لو كان عايز فلوس كان يمشي للبلابل ويطلب منهم فلوس في جلسة هم وحدهم من غير اي شخص آخر لو رفضوا ، بعدها كان يمنعهم من غير ما يعلن في وسائل الاعلام


#682595 [واحد]
5.00/5 (2 صوت)

05-30-2013 11:32 AM
الجميع مفلس , البلابل كان ما الفلس ما رجعن غنن وحلنقي كان ما الفلس ما طالب ووردي عمره اكثر من 80% وكان مضطر يغني حتي اخر دقيقه من عمره , الفلوس عند صلاح ادريس امشي بيع ليه قصيده ولا اثنين وخلي يقول حقاتو


#682584 [ابو حفص]
0.00/5 (0 صوت)

05-30-2013 11:28 AM
بالله يا جماعة شوفو العالم وين ونحن قاعدين مع هؤلاء العواجيز الشاعر عمره فوق الستين والفنانات عمرهن فوق الستين ولسه مشتغلين بالامور الجاهلية فعلا شعب جاهلي بامتياز


#682573 [العارف بالله]
5.00/5 (1 صوت)

05-30-2013 11:24 AM
اولا يجب الاعتراف ان الحلنقي من الذين قدمو عيون الاغاني السودانيه وروائعها ولا ينكر ذلك الا مكابر. أما مايطالب به من حقه الادبي والمادي فهذا حق مشروع لكل انسان ويكفله له قانون الملكيه الفكريه إذن مالغريب في ذلك. لابد انا نكون منصفين وان نعطي كل ذي حق حقه. البلابل ايضا هم زهرة الغناء السوداني ولكن يجب ان يعترفن بحق الرجل في منتوجه الفكري وان لا يتم تجاهله مادمن يتكسبن من وراء ما كتب لهن. ولو النفوس اتطايبت العداد بكفيهم كلهم والحفلات مدورة ليها فتره.


#682491 [موسى محمد]
5.00/5 (1 صوت)

05-30-2013 10:49 AM
من حقه أن يوقفهن عن ترديد منتوجه الأدبي أو يقومن بدفع المقابل المادي لتلك الأغاني... والقال حقي غلب.


#682463 [محمدالنقر]
0.00/5 (0 صوت)

05-30-2013 10:32 AM
الزول داكل مره طاللع لينا قصه جديده كل مايشوف فنان عدادو رامى يطلع فى الاعلام ماتغو اغنياتى وكلام من النوع دا انت من السبعينيات قلت اعطيتم الاغانى لى ماطلبت فى وقتها تبيع اغانيك لانك كنت ظاهر فى الساحه ولافى حد عارفك والله لو ما البلابل وردى ماكان حد بيعبرك عالم ماتختشيش


#682459 [كتاحة]
5.00/5 (4 صوت)

05-30-2013 10:29 AM
انا بصراحة بقيت اكره هذا المتصابي المدعو اسحق الحلنقي عمرو سبعين سنة و يجلبط في شعيراته زي المراهقين و نسى قصايده الجميلة الزمان زي عصافير الخريف و بقى يكتب قصائد زي المشكلة و ما ادراك ايه .. المصيبة انو لسه مفتكر نفسو شاب و هاك يا قصايد غزل

يا راجل بعد دا استلم مصلايتك و ابقى زول اخره سااااي


ردود على كتاحة
United States [Ibrahim] 05-31-2013 05:25 PM
عمرو سبعين سنة و بجلبط في شعيراته، طيب يا خي احفظ أدبك مهما كان ، مع راجل بالعمر ده

[الطريفي زول النصيحة] 05-30-2013 03:27 PM
وعليك الله ده كان مذكر الآخره بيطالب بحقو من الغناء.تقول لي عصافير الخريف ده بقي داير عصافير القروش الناس دي جنت في حاجه اسمها قروش باي طريق ووسيلة ما بتفرق حرام حلال فيها شبهة ياخ ما تشترك في برنامج الحلم و تكسب مع الكسبومن المليون دولار ما دام هي ما فارقه معاك و الفلس وصل بيك المرحلة دي .


#682411 [ابو السارة]
0.00/5 (0 صوت)

05-30-2013 09:59 AM
لولا البلابل لما رأت النور وستكون مسيييييييييييخة عند أي مغني أخر


#682375 [ودالبلد]
5.00/5 (4 صوت)

05-30-2013 09:35 AM
الكااااااااااااااااش بقلل النقاش ، إتفقوا يابناتي وأدوا عمكم الحلنقي حقو


ردود على ودالبلد
[مدحت الهادي] 05-30-2013 10:26 AM
صدقني يا ود البلد كلامك صاح وفي محلوا وهذا الرجل القامة الأستاذ الشاعر الحلنقي يستحق الإحترام والتقدير والبلابل أتمنى أن يقدمن إعتزارهن لهذا الرجل العملاق وهذا لن يقلل من شأنهن في شيء بل يزيد من إحترامهن لأن بكل الصدق والأمانة هذا الحلنقي ليس بالرجل السهل وإنما هو الرجل السوداني الأصيل وأتمنى التوافق والإتفاق لهن وكلامك أحلى ما فيه (( إتفقوا يا بناتي وأدوا عمكم الحلنقي حقو )) كلام عقل صاح بارك الله فيك سوداني أصيل ....


#682368 [صادميم]
0.00/5 (0 صوت)

05-30-2013 09:30 AM
بنو البشر عندما يتقدمون في العمر يسمون شيوخاً او عجائز هل ينطبق ذلك على الطيور؟ البلابل مثلاً


#682355 [mada1966]
5.00/5 (1 صوت)

05-30-2013 09:22 AM
وهنا يجب احترام الشاعر الفذ الشاعر
العمﻻق.الشاعر القامه.الشاعر.
الرقم القياسي.في السودان.
ويجب من اﻻاخوات البﻻبل الﻻعتزار
الي الشاعر اسحاق الحلنقي
الذي غنا لهو جميع المطربين السودانين
لو ماجميع المطربين 90% 100.


#682349 [ممغوص]
0.00/5 (0 صوت)

05-30-2013 09:17 AM
طيب كدة انتا البلابل زاااااااااااتك يا ود يا حساااااااااااااااااااااااااااااااااس


ردود على ممغوص
United States [mada1966] 05-30-2013 03:48 PM
اللهم تكفينا شرمقص الغريب ولسعه الدبيب


#682258 [السر جعفر]
5.00/5 (1 صوت)

05-30-2013 07:27 AM
ما عدا عشة صغيرة باقي الأغاني ديل كلهم أغاني هايفة و تجاوزها الزمن ،، و الأغنيات دي كلها تمانية يعني باقي إغنيتين فقط شنو كاتبين وغيرها من الروائع
البلابل غنو رجعنالك ، وحبايبنا ، و كفى ،، حلنقي شنو ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة