الأخبار
أخبار إقليمية
السفارة السودانية: الطالبات اللاتي تشاجرن مع زميلاتهن بجامعة الأزهر جنوبيات
السفارة السودانية: الطالبات اللاتي تشاجرن مع زميلاتهن بجامعة الأزهر جنوبيات
السفارة السودانية: الطالبات اللاتي تشاجرن مع زميلاتهن بجامعة الأزهر جنوبيات


05-30-2013 07:39 AM
قالت السفارة السودانية في القاهرة، الأربعاء، إن الطالبات اللاتي تشاجرن مع طالبات مصريات في المدينة الجامعية لجامعة الأزهر ينتمين لدولة جنوب السودان وليسوا سودانيات.

وقال محمد جبارة، المستشار الإعلامي للسفارة السودانية بالقاهرة، : «المشاجرة وقعت بين طالبات مصريات وطالبات من جنوب السودان، وليس لشمال السودان أي علاقة بهذا الأمر».



المصري اليوم


تعليقات 23 | إهداء 0 | زيارات 13022

التعليقات
#683534 [صبحي]
3.00/5 (2 صوت)

05-31-2013 10:12 AM
الجنوب له احترامه وللجنوبيين منا الاحترام ولكن ان نتعاطف معهم لا والف لا انا اتذكر الي الان عم احمد الرجل الطيب المكافح الذي قام الجنوبيين بذبحه !!!! في فترة هستيريا رحيل جونغرنق. انسان مسالم وليس له في السياسة , وهنالك كثير من الشواهد في ذلك اليوم الذي لاينسي تدل علي قسوة وفظاظة قلوب هؤلاء, منها حرق الطالبين داخل متجر في الفتيحاب ومقتل الصيدلي الشهير, قتلوا الابرياء ولم يمسوا الكيزان.....لا تعاطف معهم الي الابد.


#683293 [عصمتووف]
3.75/5 (5 صوت)

05-30-2013 10:48 PM
«المشاجرة وقعت بين طالبات مصريات وطالبات من جنوب السودان، وليس لشمال السودان أي علاقة بهذا الأمر».


بالرغم من الانفصال المرير والشارخ الحلق ايضا بناتنا ونتعاطف معهن فليشرب مصطفي ود دلوكة وقارعي الشتم والله طولتن رقابنا يا بنات الجنوب انتن عز ومفخره لنا وطظ في من نسبوني للاعراب غصبا عني وركبوا لي لوحة رقمها عربي جلف


#683077 [ود كترينا]
3.75/5 (12 صوت)

05-30-2013 05:37 PM
**** يا سكان ولاية الخرطوم....لاحظوا البنات أخواتنا من جنوب السودان والموجودين الآن فى الخرطوم...90% منهن طالبات جامعيات بقوا فى الشمال لاستكمال دراستهم...شهد الله هؤلاء البنات غاية فى الفهم والخلق والتعامل الراقى...شاهدت بعينى هاتين طالبات من جنوب السودان( قاتل الله الذين تسببوا فى ذلك الفصل التعسفى)...شاهدتهن فى بص الولاية ..ان كانت أى منهن جالسة وصعد الى البص رجل كهل أو امرأة عجوز ..كانوا هن أول الواقفات لتجلس العجوز أو يجلس الكهل..كان ذلك العجوز من شمال او غرب أو وسط السودان...ومجتمع الطلاب والطالبات الجامعيين والجامعيات من الاخوة والأخوات من جنوب السودان مجتمع مسالم..يندر بل يستحيل أن تشاهد طالب أو طالبة جنوبية فى مشاجرة أمام الناس...ورغم ظروفهم الصعبة وسكناهم فى أطراف العاصمة وتحملهم مشقات التنقل والسكن غير الملائم والعيش الزهيد الا أنهم يتحملون ذلك فى صبر شديد...وهم جبلوا على تحمل المشقات فى صمت...خاضت بلادهم حربا استمرت مايزيد على الخمسين عام بكل مافيها من دمار وخراب وويلات...فهم جبلوا على تحمل الصعاب...هؤلاء القوم ينتظرهم مستقبل باهر لأنهم خرجوا من رحم المعاناة...لهم لون أبنوسى محبب وفتياتهم بشرتهم ناعمة...ونظاف الملبس والمظهر...لايتعاطون التمباك ونحسدهم على صف أسنان اللؤلؤ الأبيض المستقيم...لا يسألون الناس الحافا ولا يأكلن من أثدائهن...وصحف الشمال نقلبها لنرى الجامعيات الشماليات...أفعال فاضحة...بنقو...مواليد فى المراحيض العامة...شقق مفروشة...أصحو من سباتكم...هل رأيتم جنوبية جامعية واحدة تقوم بفسخ وجهها بمركبات الكورتيزون...لآ..ألف لا...مليون لا...انها العزة والشموخ والفخر بتلك الهبة الربانية الأبنوسية......ويا أخواتى من جنوب السودان لكم تعظيم سلام...وغدا نلتقى...لعن الله الساسة ...!


ردود على ود كترينا
[nagatabuzaid] 05-30-2013 07:31 PM
سلمت وما قلت الا الحقيقة وبنات الجنوب فى عيوننا سواء فى السودان اوخارج السودان


#682949 [um ahmed]
3.50/5 (4 صوت)

05-30-2013 03:35 PM
تعبنا والناس كتبت جنس تعليقات . نعم الجنوبيين اخوانا لكن كمان ما نبقى ملكيين اكثر من الملك الجنوبيين مع انهم فى بعضهم بعلق فى الراكوبه لكن فى هذا الموضوع ولا واحد ما علق لانهم اول فاكرين انو الطالبات شماليات . سبخان الله . غايتو نحن قلبنا الطيب دا ربنا يدينا على حسب نيتنا


ردود على um ahmed
[Meek Mill] 06-12-2013 05:50 PM
يا اخت انا من جنوب السودان وساكن في القاهرة وانا عاريف ده منو ضرب الثاني لو لي الطيبة السودانيين عاما طيبين لو انتي شايفة الجنوبين ما طيبين كانو عملو انفصلو زمن نميري ما زمن بشير عشان كده انت ما بتقولي كلام الحاضر شوفي المشكلة من جزوره دكتور الاسنان نمن يقلع ســـــــــن بيقلع السن من جزور ما من فوفق


#682939 [Kunta Kinte]
0.00/5 (0 صوت)

05-30-2013 03:23 PM
طالبات جنوبيات يطلبن تلاوة القرآن ...!!!

يبدوا ان الاسلام إنتشر جنوباً رغم الانفصال ...!!


ردود على Kunta Kinte
[nagatabuzaid] 05-30-2013 07:35 PM
يا ابا جهل قالوا ليك فى جامعة الازهر ده معناه شنو ثم زد الى جهلك بالجنوب اكبر

حركة اسلامية فى افريقينا اسال ناس منظمة الدعوة الاسلامية ويعملون بالدعوة قبل حكومة

الا نفصال ومسلمين اكثر من مواطن نقادة ناحر الثور الاسود سود الله وجهه يوم تبيض وجوه وتسود وجوه


#682838 [abu sahar]
1.00/5 (1 صوت)

05-30-2013 02:04 PM
معركة في غير معترك


#682837 [عبدالله]
3.00/5 (2 صوت)

05-30-2013 02:04 PM
يا الاسمك Mohammed Fareed حتى لو كلنا واحد المفروض يفرقوا ويحددو يقولوا طالبات من دوله الجنوب السودانيه ،، مش يقولوا طالبات سودانيات ،، هسي لو كان عملوا حاجه كويسه يقولوا طالبات من دوله جنوب السودان !!!! انعل ابو الحقد والكراهيه


ردود على عبدالله
[Meek Mill] 06-12-2013 05:58 PM
يا الاسمك عبداللــــــــة انت اصل ما فاهم حاجة وعامل فيها فاهم حتي لو قالو طالبات سودانيات يعني السفارة السودانية هتعمل شنو السودان اصل بخاف من مصر زمان قبل الانفصال مش الطلبة السودانين عملو مظاهرات ماتو ما انضربو مــاتو فاهم يا طرطور السودان قال طــــــــوط عارف لو قال قده مبارك قاعد عشان الناس الزيك الجنوب قال داير انفصال وما تخاف الناس الزيك في السودان كتير


#682812 [ابو ايمن ودالضو]
3.00/5 (3 صوت)

05-30-2013 01:44 PM
هى ياجماعه تعالوا شوفوا محمد جباره قال شنو؟؟؟؟!! على الطلاق دا اول تصريح لحضرة المستشار من يوم ماعينوه .. هو فاضى لى من تكريم الفخرانى ؛ داهيه تلفك والمعاك....


#682682 [كوز شطة]
5.00/5 (1 صوت)

05-30-2013 12:11 PM
انا زاتو قلت كدة .


#682678 [Mohammed Fareed]
2.00/5 (11 صوت)

05-30-2013 12:09 PM
كلنا واحد


ردود على Mohammed Fareed
[زوول (1)] 05-30-2013 01:12 PM
فاهم والله ي محمد وبالذات لو مع الحلب ديل الما عندهم قيمة انسانية واحدة عبدة القروش


#682616 [ابوبشبش]
5.00/5 (2 صوت)

05-30-2013 11:42 AM
طيب حكاية تلاوة القران علي الطالبة الا فريقية دي شنو بعدين البنت الراقدة في المشفى دي ما اظن بتفرق بين علي ابن ابي طالب وامية ابن خلف


#682615 [isic]
0.00/5 (0 صوت)

05-30-2013 11:40 AM
ماقلت قبل اليوم المشكلة نشبت بسبب طالبه موريتانية هائجة وإجتمعن السودانيات لقراءة القراءان لتهدئتها وبدأت طالبة مصرية بتصوير الحدث بموبايل وهذا مارفضه السودانيات وبدأت المشكلة واليوم خبر جديد يأخي ( إن جاءكم فاسق بنبأ فتبينوا ).


#682594 [أبوالكجص]
5.00/5 (3 صوت)

05-30-2013 11:32 AM
حسب الخبر الذي نشر في وسائل الإعلام أن سبب المشاجرة كان أن طالبة أفريقية (أظنها من مالي) إنتابتها حالة هستيرية من دون توضيح السبب وكان من رأي الطالبات اللائي قيل أنهن سودانيات أن تقرأ عليها زميلاتها المصريات القرآن لكي تهدأ وفعلاً قامت المصريات بتطبيق هذه التوصية وعندما بدأت عملية القراءة قامت إحدى المصريات بالتصوير بالموبايل بالرغم من إحتجاج الطالبات السودانيات على ذلك وعندما أصرت المصرية على التصوير نشبت المشاجرة.

السؤال هو أننا نعرف أن أغلب الإخوة والأخوات من جنوب السودان الشقيق يعتنقون المسيحية فكيف يتفق أن يوصي مسيحي بقراءة القرآن على من يصيبه مس أو جنون أو هستيريا؟؟؟


ردود على أبوالكجص
United States [ABO ALKALAM] 05-30-2013 03:33 PM
كثير من المسيحين يعلمون ان الأسلام علي حق ولكنها المكابرة
وكان اليهود يعطسون عندما بكونون امام حضرة رسول الله حتي يفول لهم يرحمكم الله
ولكنه كان يقول لهم يهديكم الله

انهم رغم المكابرة يعلمون ان الأسلام علي حق


#682590 [محمد حسن احمد]
2.00/5 (4 صوت)

05-30-2013 11:31 AM
ديل سودانيات مؤصلات أكثر منك ياهجين تلقاك من خريجي دار المايقوما يا سافل يا واطي


#682567 [ود السرور]
5.00/5 (1 صوت)

05-30-2013 11:22 AM
عجبوني أولاد بمبه


#682553 [الافريقى]
5.00/5 (2 صوت)

05-30-2013 11:19 AM
انتو بتضحكو علينا ؟ نحن ما شفع عيال . انتو اول ذكرتو انو سبب المشكلة طالبة مالية يتلو عليها القرءان عشان عنده حالة نفسية و مهيجة طيب تلاوة القرءان برضو جنوبيات.. ياخى امشو العبوا غيرها.


ردود على الافريقى
[suliman hussain] 05-30-2013 02:17 PM
يا الافريقي نحن عندنا شنو واضح م كل شي يكتنفه الغموض عشان كدة ما تستغرب


#682445 [كتاحة]
3.00/5 (8 صوت)

05-30-2013 10:20 AM
برضو سودانيات و بنفتخر بيهم و والله بنات رجال


ردود على كتاحة
[زوول (1)] 05-30-2013 01:17 PM
يكفى كلمة سودان يا كتاحة الله يكتر من امثالك ي كتاحة وتكتح لينا الجماعة ديل وب حلبهم دييل الله اكبر عليكم يا بائعى الدين والوطن.
لك الله يا سودان


#682374 [الكعوك]
5.00/5 (3 صوت)

05-30-2013 09:35 AM
كنت قايلن بناتنا السودانيات الدقن الحلبيات....لكن برضو مبروك للجنوبيين فهم أيضا اشقاؤنا


#682343 [sharoom Kadambous]
5.00/5 (4 صوت)

05-30-2013 09:14 AM
إنتو قايلين المصريين بفرقوا بين دي طالبة جنوبية ودي طالبة سودانية؟ ديل كلهم عندهم سودانيين.زمان لما كنا بندرس في مصر أي فريق من أي دولة أفريقية ينغلب في القاهرة المصريين يقولو لينا وييي غلبناكم نحن كنا بنحاول نقول ديل ما نحن ديل كاميرنيين او خلفه لكن نسبة لعدم الفهم بقينا كل ما فريق أفريقي يجرسهم أو يغلبهم نقول ليهم وييييي غلبناكم وكمان نطلع لسانا .


ردود على sharoom Kadambous
United States [الطريفي زول النصيحة] 05-30-2013 02:22 PM
يا شروم البيقنع الديك شنو و الله ده البيتقال للسودانيين في اي بلد عربي لكن لسه الجماعة مصرين على العروبة ما دام عنتر بن شداد عربي و الغريبه عندناناس يقولوا ليك ديل عرب ساكت كنوع من تقليل شأنهم فما عرفنا هل الانتماء للعروية مفخرة ام مذمة عندهم.

United States [abdu] 05-30-2013 01:00 PM
هههههههههههههههههه والله انتو الذ ناس


#682302 [احمد]
3.00/5 (5 صوت)

05-30-2013 08:34 AM
شكرا على هذا التوضيح وانا بقول من ما سمعت بهذا الخير هل لسة فى طلاب سوداتيين فى مصر ثم ان الحادث لا يشبه السودانيات المتحضرات


ردود على احمد
[ادريس] 05-30-2013 01:58 PM
هذا كلام لا يصدر الا عن زول متخلف وعنده مركب نقص.. ألا يعرف المدعو (احمد) ان السودانيين سواء كانوا من الشمال أو من الجنوب جميعهم عند المصريين وعند العرب (صابون)!! اذا كان عمر البشير (الجويهل) يردد وبفخر بيت المتنبئ في هجاء كافور (لا تشري العبد إلا والعصا معه...إلخ) ظنا منه أنه (جعلي حر)!! مع ان البشير وأمثاله في نظر المتنبئ أتفه وأحط درجة من العبيد.. على الأقل كافور كان مشهودا له بالعلم والفهم حتى لقب بالأستاذ.. والمتنبئ نفسه يقول في مدحه : ترعرع الملك الاستاذ مكتهلا * قبل اكتهال ، أديبا قبل تأديب///يدبر الملك من مصر الي عدن * الي العراق فأرض الروم فالنوب.... فأين البشير وكيزانه اللصوص من هذا الثناء..

United States [ابوالقاسم] 05-30-2013 12:12 PM
انت انسان متخلف

United States [ود بحرى] 05-30-2013 12:04 PM
السودانيات جنوب و شمال متحضرات غصبنا عنك ,الشعب المصرى هو المتخلف ما شفت عملوا فى الدكتورة الشهيد ان شاء الله شنو وصحفهم الله يحرقك ويحرقهم .


#682294 [Khalid]
5.00/5 (1 صوت)

05-30-2013 08:28 AM
لو كان البترول عندكم بيهو علااااااااااااقة يا كيزان قسمتم حتي الشعب لك الله يا بني وطني


ردود على Khalid
[Meek Mill] 06-12-2013 06:10 PM
يا خالد هم صوتو لي الانفصال والشمال ساعدم علي التصوبت

[الحردان] 05-30-2013 12:06 PM
هم من صوتوا للانفصال !!!! وليس الكيزان .


#682263 [محمد]
5.00/5 (3 صوت)

05-30-2013 07:47 AM
نظرة المصريين هى ذات النظرة الاستعلائية سواء كانت لاهل شمال السودان او جنوب السودان
ما فصلتوه بالسياسة لن يفصل عشقنا لجنوب السودان فلتذهبوا الى الى الجحيم وليذهب معكم ارثكم النتن قال من جنوب السودان قال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة