الأخبار
أخبار إقليمية
خبير نظام الانقاذ ربيع عبد العاطي : الجبهة الثورية تنفذ مخططات اسرائيلية
خبير نظام الانقاذ ربيع عبد العاطي : الجبهة الثورية تنفذ مخططات اسرائيلية



05-30-2013 08:00 AM
الخرطوم: صبري جبور

قطعت القوى السياسية بأن استرداد منطقة أبوكرشولا من قبضة الجبهة الثورية يعتبر هزيمة ساحقة للخونة والمارقين وعملاء إسرائيل بالداخل والخارج، وشددت على ضرورة الاستمرار في تنظيف كل شبر بالبلاد وتطيره من دنس الأعداء وقتلة الأبرياء من النساء والأطفال في ولايات دارفور وجنوب كردفان والنيل الأزرق. وفي الوقت نفسه طالبت بأهمية استئناف الحوار والتفاوض مع (قطاع الشمال) وحاملي السلاح من أجل الوصول إلى تسوية وسلام دائم يعم البلاد، لافتة النظر إلى أن الحرب لن تفضي إلى سلام بل تقود لتدمير ثروات البلاد وتأجيج نار الصراع. وقال الدكتور ربيع عبد العاطي القيادي بالمؤتمر الوطني- إن هزيمة القوات المسلحة للجبهة الثورية في أبوكرشولا هو البداية للقضاء على كل التمرد وحاملي السلاح الذين يدعون بأنهم أصحاب قضية ويدافعون عن المواطن وحقوقه في وقت ينفذون مخططات أجنبية إسرائيلية، لافتاً النظر إلى أنهم أدوات وعملاء لتنفيذ تلك المخططات من خلال استهدافهم للأبرياء وقتلهم للأطفال والنساء، وأكد عبد العاطي على ضرورة استمرار حملة القوات المسلحة لتنظيف كل جيوب التمرد في السودان.

ومن جانبه قدم بشارة جمعة أرو الأمين السياسي لحزب العدالة التهنئة للشعب والجيش والقوات النظامية الأخرى باسترداد منطقة أبوكرشولا من قبضة المتمردين، وحث على ضرورة استئناف التفاوض مع المتمردين من أجل الوصول إلى تسوية حقيقية وسلام شامل يحقق الأمن والاستقرار بالبلاد مبيناً أن استمرار الحرب يفاقم الأزمة وتسبب في تشريد وقتل الآلاف من الأبرياء ويعطل مشاريع التنمية.وفي السياق أكد صديق يوسف عضو اللجنة المركزية بالحزب الشيوعي رفضهم لاستمرار عمليات الحرب، داعياً إلى ضرورة العمل لإيقافها والجلوس مع حملة السلاح لإنهاء النزاع في جنوب كردفان والنيل الأزرق ودارفور، وأشار إلى أن استمرار الحرب يعني المزيد من الخراب والدمار.وأكد علي نايل القيادي بالحزب الاتحادي الديمقراطي (الأصل) أن استرداد أبوكرشولا يعتبر إعادة لكرامة وعزة السودان والشعب السوداني، مشيداً بالدور الكبير الذي قامت به القوات المسلحة في هزيمة المتخاذلين والمتآمرين بالسودان، وقال نايل إنهم من أنصار التفاوض من أجل حل كافة المشاكل والوصول إلى تسوية بشأنها، وأضاف لا خيار سوى الحوار لإنهاء الحرب والقتال.

اخر لحظة


تعليقات 10 | إهداء 0 | زيارات 1660

التعليقات
#683266 [ابومحمد]
0.00/5 (0 صوت)

05-30-2013 10:00 PM
انتم ياناس الراكوبه اخبرونا عن ربيع عبدالعاطي خبير في شنو هو لو لا صله قرابته بعلي عثمان ابناء منطقه واحده ماكان في واحد سمع به واسالوه عن قطع الاراضي الت خصصت لموظفي وكاله سونا ايام كان مديرا لها هو تصرف في نصف المساحه لصالحه ووزع النصف الباقي


#682967 [JOHN]
0.00/5 (0 صوت)

05-30-2013 03:53 PM
إن تنفيذ المخططات الإسرائلية، إن وُجدت، لهو أنفع لنا من تنفيذ المخططات الإيرانية.......

والسبب أبسط من بسيط:

-إسرائيل دولة مؤسسات وقوانين، ولو سرق فيهم القوي لأقاموا عليه "الحد".......

-إيران دولة عفن زيكم، وعشان كدا إنتو كما إيران منبوذين من كل الدنيا.......وفعلاً إن الطيور علي أشكالها تقع.......

دي إمور معروفة حتي للأمي من السودانيين، وعشان كده لو تقضوا باقي عمركم كله نبيح لتسويق النفاق، ماحيصدقكم إلا من هو علي شاكلتكم.......

اللهم عليك بالكيزان المنافقين فإنهم لا يعجزونك.......

اللهم مكّنا منهم ياقوي ياعزيز.......آميييين يارب .


#682876 [الطريفي زول النصيحة]
0.00/5 (0 صوت)

05-30-2013 02:37 PM
ياخ الكلام بتاع اسرائيل و حلمها بدولة اسرائيل الكبرى ده من ما ولدونا في الدنيا دي سمعنا بيه يعني الجديد شنو عشان واحد يجي يقول ده مخطط اسرائيلي و ما عارف شنو ما اسرائيل ذاتها مقره بالكلام ده و ما داساهو انتو العملتوا شنو عشان تفشلوا هذا المخطط و لا بس دايرين تتكلموا في الاعلام و تهرونا بكلامكم المستهلك ده هروبا من فشلكم . تعرفوا الكلام ده بيذكرني كلام راجل كبير مره و نحن قاعدين في انتظار الصلاة قامت الكهربة قطعت الجماعة قالوا ديل الشيوعية القطعوا الكهرباء قام الراجل قال كان قطعت الكهربة يقولوا ليك ديل الشيوعية كان المويه قطعت يقولوا ليك ديل الشيوعية الواحد فيكم كان ظرط يقول ليك ديل الشيوعية.


#682776 [lahib]
0.00/5 (0 صوت)

05-30-2013 01:06 PM
وانتم ماذا تنفذون ...


#682716 [نهى لأ]
0.00/5 (0 صوت)

05-30-2013 12:29 PM
اذا كان الغراب مستشار قوم فلا هم وصلوا ولا وصل الغراب


#682624 [المتجهجه بسبب الانفصال]
5.00/5 (1 صوت)

05-30-2013 11:45 AM
إسرائل البتحترم شعبها وما سمعناها كتلت ليها واحد منهم بسبب رأي رغم وضعها الجغرافي الصعب ورئيسها الرجل الذي كان يسمى باليهودي المتنطع (ليبرمان) وقف قدام المحكمة لأن ابنو أخذ عطاء انشاءات بشكل غير سليم ،،، ندعوا الشعب للتعلم من التجارب الاسرائلية لأن القرآن وصفهم بأهل العلم،،، خصوصا في مجال الزراعة وممارسة العدالة والشفافية وضبط الجودة ،، من جهة أخرى ومقارنة بذلك ندعوا الحكومة السودانية لإزالة النفايات التي يتم حرقها في ميدان المولد وقدم مواطنوا الثورة الحارة الثامنة مذكرة تضرر بيئي بسببها وبعد داك يواجهوا اسرائيل صاحبة البيئة والطب النضيف وعدم اضافة بروميد البوتاسيوم في الرغيف ،،،


#682588 [isic]
0.00/5 (0 صوت)

05-30-2013 11:30 AM
إسرائيل مالها مشكلتنا معاها القدس الشريف فقط والقدس بيت الله وهو قادر يصونه من دنسهم أما الفلسطينيين هم أنفسهم عايشين على ضرائب إسرائيل وعندهم ناس في الكنست وبعدين اﻹسرائيلين بالنسبة لينا واضحين مابتلاعبوا بدين الله عشان الدنيا .


#682500 [معاويـــــــــــــــــــــــــــــــة]
0.00/5 (0 صوت)

05-30-2013 10:53 AM
والله انا بس عاوز اعرف سر اسرائيل ده شنو الناس ديل كانو شابكننا الخونه المارقين ضد الاسلام والعروبة وما الى ذلك هسع لمان خضعوا للامريكان وسلمهم ملفات كل الجماعات الارهابية التى كانت متحالفه معهم قبلو على شماعة اسرائيل وكده وهم اكبر عملاء لاسرائيل والاقاويل دى طبعا لهز مشاعر الشعب السودانى لكن يالخبير الوطنى الواطى عربد العاطى عمارتك جاها بلا انتظر بس كنت تنوم فى كراب العنقريب هسع بانى ليك 3 بنايات والكرفاب كلها ماتج طابقين انتظر بس الكلام الان واللغة بيد البندقية لا باللسان انتهى عهد الكلام الفعل الان على الارض ..............................


#682345 [ودالبلد]
0.00/5 (0 صوت)

05-30-2013 09:15 AM
الشعب السوداني (الواعي) لن يصدق (دعياتكم الرخيصة) دي ، الكذب بإسم الدين والتخويف بإسرائيل (لن يجدي نفعاً) ، الفيكم إتعرفت وشوف ليك تبرير أخر يابتاع 1800 دولار.


#682277 [karlos]
0.00/5 (0 صوت)

05-30-2013 08:07 AM
يا ربيع كرهتنا اسرائيل دى اسال منها ود عمك على عثمان الرجل الوحيد الزارها من الانقاذ بلد سمحة و فيها استقلال قضاء و ديمقراطية و فيها خبراء وطنيين بالجد جد؟


ردود على karlos
[أبوالكجص] 05-30-2013 10:52 AM
سيبك من ربيع دا ما عندو حاجة يقولا غير هذه العبارة التي يكررها متى ما ظهر في الوسائل الإعلامية (الجبهة الثورية .. المعارضة .. كل من لايتفقون معه ينفذون مخططات إسرائيل).



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة