الأخبار
منوعات سودانية
الاهلي القاهري يهزم المريخ بهدفين
الاهلي القاهري يهزم المريخ بهدفين
الاهلي القاهري يهزم المريخ بهدفين


06-01-2013 12:07 AM
انتصر الاهلي القاهري اليوم على المريخ بهدفين دون مقابل في مباراة تكريم جمال الوالي بمناسبة فوزه بأكثر رئيس لديه شعبية في الوطن العربي ، وكان الرئيس عمر البشير حضر المباراة وكرم المحتفى به بوسام رفيع ، يذكر ان الاهلي القاهري وافق على الحضور الى الخرطوم مقابل 200 الف دولار.


تعليقات 22 | إهداء 0 | زيارات 3085

التعليقات
#684676 [نادر]
0.00/5 (0 صوت)

06-01-2013 12:42 PM
وتقول لى أبوكرشولا


#684356 [disco]
0.00/5 (0 صوت)

06-01-2013 06:48 AM
حسبي الله ونعم الوكيل ناس الحكومة عاوزين يمجدوا انفسهم ويصنعوا ليهم نصر من العدم بعد الهزائم الكثيرة في جميع المجالات وكل شئ على حساب الشعب السوداني ( يعملوا مؤتمرات دون فائدة صرف على الفاضي + يعملوا بطولة رياضية يخسروها + مباراة ودية برضوا يخسروها خسسسسسسسسسسسسارة والمشكلة الان العالم ضد ايران والحكومة معها ... وزمان العالم ضد العراق ونحنا معها الله يستر على الشعب السوداني


#684348 [تاتاي في الخلا]
0.00/5 (0 صوت)

06-01-2013 06:26 AM
مهرجان مخزي وتافه شكلا ومضمونا وفي كل فقراته السابقة للمباراة وبين شوطيها.

انه كذلك في فكرته وفي خليطه وخلطته وبكل معنى الكلمة، ولا أبالغ.

كان حدثا مليئا بالتهافت والخياسة والتجاوزات المريرة التي داست على شي.

أقول هذا مقسما وبلا تجني على أحد خاصة (المحتفى به).

(وكمان جابت ليها أوسمة)، كما علق ساخرا ومحقا أحد الزملاء في مكان آخر.

أما (أم التفاهات) فلقد كانت وبحق الكلمة السخيفة والمرتجفة (والمقروءة كمان) عن المحتفى به (سمح الخلقة والأخلاق)بحسبها، والتي ألقاها (مساعد رئيس الجمهورية) و (رئيس الجنة المنظمة للاحتفال) الذي هو الدكتور م ع إ، أمام الملأ في استاد النادي (المختطف) والذي وبدوره اصبح يسير سيرا حثيثا راضيا نحو محفل التفه لأنه لن يكون ذلك النادي النجم والمهيمن الجبار إذا انحاز إلى التطهر و (رضي بقسمتو) فقبل (الأحمر الوهاج) لنفسه أن يعلو على أقرانه بالمال الوسخان،

مراقي السلطة وعلاقاتها أصبحت بالفعل مرتعا لانتاج التفاهات بشكل مؤسسي يفتقر إلى البراعة والحيل (المبلوعة).


#684301 [المستقل]
0.00/5 (0 صوت)

06-01-2013 02:48 AM
كان تتبرع بالمبالغ دى لمستشفى الذرة بمدني و الذي يرأسه اخوك د.نصرالدين و هذا المستشفي في اشد الحوجة للمبالغ دى و كان تكون صدقة لعمرك اذا كان مالك من حلال


#684299 [سيد بلد]
0.00/5 (0 صوت)

06-01-2013 02:46 AM
الوالى ذى بقية أخوانو فى الله من بنى كوز بيحب الشو وكاسر رقبتو مع المصريين والعرب. إنسان موهوم. وهو إبن البشير المدلل الغلبو يلداهو من ضهرو وإبن فداسى بلد حبيبة القلب و داد. تكريم الإبن المدلل للبشير بمناسبة فوزه فى إستفتاء برنامج تلفزيونى للرئيس الأكثر شعبية فى الوطن العربي وصرف مليون دولار حتة واحده ودخول الجمهور مجانا. خبر لا يمكن أن يحدث إلا فى بلد يحكمها الكيزان. حاجة كده ذى لما واحد من ابناء الأثرياء يحتفل بمناسبة عيد ميلاد قطته السيامية ويقوم يشترى ليها طوق من الألماظ قيمتو مليون دولار. لا لا لا الناس ديل كان كدى نهايتهم قربت.


#684290 [مريخابي]
4.00/5 (2 صوت)

06-01-2013 02:26 AM
والله فريقنا بقى فرع من فروع الموتمر الوطني الله انعلكم كرهتونا نادي المريخ


#684278 [محمد جمال]
0.00/5 (0 صوت)

06-01-2013 01:56 AM
رحم الله حميد فكم وكم بصرنا بألاعيب الكيزان بقوله
يشغلك بالفارغة شان ما يقرى جناه
ويصح معناه وينقدل تبارى مدان
فهاهم يشغلونا بالأمور الإنصراقية من كرة فاشلة ومغنيين ومغنيات ليس لهم إلا كل ركيك من الغناء فتارة يأتونا يصلاح إدريس ليدمر مصانعكم ومزارعكم ويشغلكم بالكرة وتارة جمال الوالى الذى يبعثر أموالكم التى كانت بجب أن تستثمر أقلاه لمرصى الفشل الكلوى ولكنه بدلا من ذلك يستغفلكم بذهابكم للإستادات ليسرقكم هو ومؤتمره وأنتم فى غيبوبتكم فتى تصحوا من ثباتكم هذا حتى لانقول
نصحت قومى بمنعرج اللوى
فلم يستبينوا نصحى إلا ضحى الغد
اصحووووووووووووووووووووووووا
ألا هل بلغت اللهم فأشهد.


#684277 [Zingar]
0.00/5 (0 صوت)

06-01-2013 01:55 AM
الحبوب الهمبريب وين إنت...لأنه قريت تعليقك فى مكان ما ولما قريت الخبر ده وقعت من الضحك.


#684275 [سودانى اطلاقاما منفرج الأسارير]
3.00/5 (1 صوت)

06-01-2013 01:52 AM
هوّ فضل فيها حاجه يعلقو عليها .. ما كوووولها مكعّب هرجله فى هرجله فى عبث من اولها لآخرها .. ايه يعنى اكتر رئيس نادى شعبيه..So WHAT يعنى عشان يعترفو ليهو الناس بشنو .. هل لآنو اشترى التكريم بحر اموالو ..هو حر فى القروش ان كانت حقتو او حقت اخرين طالما الأخرين ديل يطربوا لسخرية اولاد بمبه من "البوابين البرابره وطيبتهم" ... 200 الف دولار للنادى ألأهلى اللى جاكم بلاعبين الصف التانى.. يعنى تمرين...الله دا ما تخافو يا مفترى!! ..لما ربنا اداك من حيث لا تعلم اما كان اولى تشترى بيها كراسى وكتب او تجعلها صدقة جاريه للشيخ الوالى وتشترى من ريعها وجبة فطور للتلاميذ فى فداسى وودالمجدوب وودبلاّل والنشيشيبه وما جاورهم من قرى.. موش كان يكون افضل لو دفعت منها ايجار سكن الطالبات اللى انطردن وباتن فى الشارع !!
زميلك الطفل المعجزه وزير الأستثمار اللى نزّل بموقع الأستوزار ومكانة الوزير الى الدرك ألأسفل لما خلى شغلو وبقى رئيس لجنة ألأحتفال بيك!! ووقف جنبك واتصور معاك...وبعدين اها لبسوك وسام الجمهوريه شنو يعنى ..النجوم زادت بيك عدد!! ولآّ يعنى المعنى الكواكب احتفلو بالقمر..اهل فداسى طلعو المريخ! ولاّ مشروع الجزيره رجع الى زمان المرحوم ابوك وعهود احمد بابكر الأزيرق وشيخ ألأمين لما كان اتحاد المزارعين ليهو هيبه..
بالله يا جماعة الخير مليون دولار قالوا انصرفت .. يعنى اتحرقت حالما الناس الوهم اللى دفعوا قروشم المقطوعه من تكلفة تعليم وعلاج اولادم صفقوا .. استفادوا شنو!! كلامك ليهم وكلام الطفل المعجزه وحتى كلام رئيس الجمهوريه الشالو الهوا افاد السودان بشنو؟؟؟ والله لا اصدق!!! اهل موسى مهمد اهمد مدارسم قفلت من شح المويه التى منها كل شيء حى وتتحرق الدلارات فى امدرمان فى مثل هذا السفه والله كووول من شارك فى هذا العبث يجب يدخلوهو مصحه ويتم الحجر عليهو...


#684271 [خالد حسن]
0.00/5 (0 صوت)

06-01-2013 01:47 AM
البشير يكرم المنتخب المصري بسياره لكل لاعب والطاقم
والوالي يحضر الاهلي ب 200 الف دولار للعب مباراه وديه ؟
وكلوا من مال الشعب المغلوب وبعد ده الناس مخدوعه وتجري ورا الكوره الماجايبه حقها والوطن مشتعل!
متي يفيق الناس من هذا التخدير والمنوم الذي تحاول الحكومه الهاء الناس به؟
لا المريخ حقق بطوله ولا منتخباتنا في عهد الفشل الانقاذي
لن تقوم لنا قائمه في مجال الرياضه او غيرها في عهد الفشل الانقاذي
افيقوا يرحمكم الله


#684249 [osman]
4.00/5 (1 صوت)

06-01-2013 01:25 AM
والله منظر محزن ماشاهدته اليوم ان يستغل المريخ من مصاصي دماء الشعب السوداني عمر البشير وجمال الوالي وعبد الباسط حمزه وغيرهم ويصرفوا مايفوق مليون دولار للمدعو جمال الوالي وانا بستغرب في كلمة دكتور اللتي اصبحت تمنح لكل من هب ودب اليس من الاولي دفع هذه المبالغ للمتضرررين في معسكرررات دارفور اومساعدة في بناء مستشفي متخصص للاطفال او حل مشكله مياه بورسودان؟؟؟؟؟ سؤااال من اللذي دفع مصروفات وتكلفة المهرجان؟؟؟؟؟ هل هو نادي المريخ؟؟؟؟ هل هي الحكومة؟؟؟؟؟ هل هو جمال الوالي؟؟؟؟ يعني عمل مهرجان لنفسو!!!!!!!! لماذا ياتي عمر البشير للمهرجان ؟؟؟؟ علما بان بكري حسن صالح كان المذيع بتاع المهرجان!!!!!! ومصطفي عثمان اسماعيل هو رئيس لجنه المهرجان !!!! والله. مؤسف ان يستغل اسم المريخ من قبل هؤلاء ............ ومايدعو للاسف هؤلاء الموجودييين هم يهتفووون ويهلللون ويكبرووون ..... اذا كانالشعب السوداني بهذا الفم فابشركم ببقاء الانقاذ والمؤتمر الوطني 23 سنة اخري....*


#684247 [osman]
0.00/5 (0 صوت)

06-01-2013 01:24 AM
والله منظر محزن ماشاهدته اليوم ان يستغل المريخ من مصاصي دماء الشعب السوداني عمر البشير وجمال الوالي وعبد الباسط حمزه وغيرهم ويصرفوا مايفوق مليون دولار للمدعو جمال الوالي وانا بستغرب في كلمة دكتور اللتي اصبحت تمنح لكل من هب ودب اليس من الاولي دفع هذه المبالغ للمتضرررين في معسكرررات دارفور اومساعدة في بناء مستشفي متخصص للاطفال او حل مشكله مياه بورسودان؟؟؟؟؟ سؤااال من اللذي دفع مصروفات وتكلفة المهرجان؟؟؟؟؟ هل هو نادي المريخ؟؟؟؟ هل هي الحكومة؟؟؟؟؟ هل هو جمال الوالي؟؟؟؟ يعني عمل مهرجان لنفسو!!!!!!!! لماذا ياتي عمر البشير للمهرجان ؟؟؟؟ علما بان بكري حسن صالح كان المذيع بتاع المهرجان!!!!!! ومصطفي عثمان اسماعيل هو رئيس لجنه المهرجان !!!! والله. مؤسف ان يستغل اسم المريخ من قبل هؤلاء ............ ومايدعو للاسف هؤلاء الموجودييين هم يهتفووون ويهلللون ويكبرووون ..... اذا كانالشعب السوداني بهذا الفم فابشركم ببقاء الانقاذ والمؤتمر الوطني 23 سنة اخري....*


#684246 [omer]
4.00/5 (2 صوت)

06-01-2013 01:24 AM
تدفعوا 200000$ ( مأتين ألف دولار ) لأولاد بمبة محتلين حلايب و تطالبون الشعب الجيعان بدفع فاتورة (النفرة الكبرى ) لتحرير أبوكرشولا من أيدى سودانية ؟؟؟؟؟؟؟؟؟؟؟ لعنكم الله دنيا و أخرى ... بعدين مين قال ليكم جمال الوالى هذا ( الطفيلى الحرامى ) هو صاحب أكبر شعبية فى الوطن العربى يا مستعربين ؟؟؟؟ أدعياء محتالين و موهومين قال عرب قال .....!!!!!!!!!!!!


#684241 [الكردفانى الاصيل]
0.00/5 (0 صوت)

06-01-2013 01:19 AM
هههههههههههها ......... قروش الحرام اضرت المريخ كثيرا ........ وكمان المابخجلو قالو دكتور جمال الوالي ؟؟؟؟؟؟؟؟؟؟؟؟؟؟؟؟؟ الاختشو ماتو .........


#684232 [بكري الصائغ]
5.00/5 (1 صوت)

06-01-2013 01:07 AM
1-
----
يذكر ان الاهلي القاهري وافق على الحضور
الى الخرطوم مقابل 200 الف دولار!!

2-
تظاهرات حاشدة بالقضارف وإغلاق طريق بورتسودان الخرطوم!!
****************************
11.04.2013-
----------
***- إندلعت تظاهرات حاشدة بالقضارف احتجاحاً على إنعدام مياه الشرب وغاز الطهي وارتفاع أسعار السلع الاساسية وإنتشار الحرائق في المدينة ، أمس 10 ابريل . وهتف المتظاهرون (الشعب يريد إسقاط النظام) ، (جوعت الناس يا رقاص) .

***- وبدأت التظاهرات في سوق المدينة وعمت عددا من أحياء المدينة خاصة أحياء (كرفس) و(ود الكبير) ، وقطعت الطريق القومي الرئيسي الخرطوم – بورتسودان . وإستخدمت الأجهزة الأمنية قنابل الغاز ضد المتظاهرين ، وتحدثت أنباء عن اختفاء عدد من ناشطي جبهة خلاص القضارف. وأكد ناشط لـ ( حريات ) ان المتظاهرون أغلقوا جزءا من الطريق البري الرابط بين بورتسودان وكسلا ومدني والخرطوم الذي يمرعبر القضارف وأحرقوا إطارات السيارات .

***- جدير بالذكر ان ولاية القضارف تشهد ضائقة معيشية حادة وحالة من الإحتقان السياسي عقب الانتخابات المزورة التي شهدتها الولاية علي منصب الوالي مؤخرا والتي اعقبها تظاهرات وحملة اعتقالات وتعذيب شرسة قامت بها الاجهزة الامنية. كما تعاني الولاية من مشاكل اقتصادية بسبب فشل الموسم الزراعي السابق بالاضافة لغلاء الاسعار الذي تسبب في التظاهرات الاخيرة.

3-
اتمني ان تقام مباراة كرة قدم كبيرة يعود دخلها لاصلاح الحال في بورتسودان المنكوبة من النظام الحالي....واسرائيل!!


#684212 [ياسلام]
4.00/5 (1 صوت)

06-01-2013 12:53 AM
اكتلوا نيم الفكة طشت وشرطوكم ب2


#684210 [Abdu]
5.00/5 (3 صوت)

06-01-2013 12:52 AM
العرف جري بان تكون مثل هذه المباريات تعادلية لكن المستغرب ليه الجدية الاكثر من اللازم من اولاد بمبة والخيابة الفايتة الحد من اولاد الوالي ان جاز التعبير بنسبهم اليه


#684203 [mohamed]
5.00/5 (2 صوت)

06-01-2013 12:47 AM
200 الف دولا ياعالم والناس جعانه ؟؟؟؟ الله يكون فى عون الشعب السودانى بس لو افهم ليه؟؟؟؟وبرضو مهزومين والله صاح فقرانيين وطغيانيين ههههههههههههههههههه


#684201 [كديس]
5.00/5 (2 صوت)

06-01-2013 12:43 AM
يكرم نفسو ومن جيبو بمليون دولار ويجيب الاهلي و بشبش عشان يوشحوا..... صحي العندو القرش يحنن ط.......


#684195 [TALLAL]
5.00/5 (2 صوت)

06-01-2013 12:38 AM
يا جمهور يارياضي خليك واعي للبعملو فيهو الكيزان ديل الهيلامنة والصرف البزخي دا كلو عشان اشغلوك من مشكلتك الحقيقية المتمثله فيهم تكريم شنو و جمال والي شنو نحن بنحتفل يوم اتحاكم جمال الوالي والارزقية الشغال ليهم ديل


ردود على TALLAL
United States [محمد جمال] 06-01-2013 01:19 AM
هنا يصح القول
يشغلك بالفارغة عشان يقرى جناه
ويصح معناه وينقدل تبارى مدان
رحم الله حميد كم بصرنا بمكايد الكيزان وهكذا هم دايما يلهون هذا الشعب العبيط بأمور إنصرافية من كورة فاشلة وغناء هابط ويلهطوا فى دمنا مرة صلاح إدريس ومرة جمال الوالى والجاى أدهى وأمر فإلى متى هذه الغيبوبة ياناس أصحوااااااااااااااااااااا
حتى لاينطبك عليكم قول الشاعر
نصحت قومى بمنعرج اللوى
فلم يستبينوا نصحى إلا ضحى الغد
فوالله نظام الإنقاذ أخطر علينا من اليهود ومن كل من يريد بنا شر الا هل بلغت اللهم فأشهد

United States [مارووووش] 06-01-2013 01:15 AM
يا طلال ينصر دينك ويرحم ميتينك ياخ
ده الكلام دي مسرحية لإلهاء الشعب عما يدور في البلاد من نهب وسلب من بني كوز
اخر الاخبار انه لاتوجد موءسسة واحدة في البلد
يوجد انهيار كامل في كل المجالات
و..........


#684188 [عجايب الزمن]
0.00/5 (0 صوت)

06-01-2013 12:27 AM
هههههههههه كل الف دولار بي هدف كان تكتروا الدولارات


ردود على عجايب الزمن
European Union [ansary] 06-01-2013 01:26 AM
يا عجائب الزمن تشابه عليك البقر ولا شنو ؟؟؟ قل كل مائة ألف دولار بهدف و ليس كل ألف دولار



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة