الأخبار
منوعات سودانية
السودانية منى الحاج تنتقل لمرحة جديدة في مسابقة أميرة الشعراء
السودانية منى الحاج تنتقل لمرحة جديدة في مسابقة أميرة الشعراء
السودانية منى الحاج تنتقل لمرحة جديدة في مسابقة أميرة الشعراء
منى الحاج


06-01-2013 06:40 AM


تأهلت الشاعرة السودانية مني الحاج للمرحلة الثانية من نهائيات أمير الشعراء، وكتبت مني في مدونتها على الفيس بوك «الحمد لله أولا وأخيرا، شكرا للسودان، شكرا لكل محبي الشعر والنيل، شكرا أمي، شكرا لكم أصدقائي وصديقاتي الرائعين، شكرا أساتذتي الأفاضل، شكرا لكل من صوت لي أو دعمني، شكرا لكل من هنأني، شكرا للنادي السوداني بأبوظبي، شكرا للقنصلية السودانية،شكرا لكم أهلي طيور عزة السمراء، الرائعين المغتربين بالخارج، أرجو أن أكون دوما عند حسن ظن ذوائقكم بي، تماما مثلما لم تتخل عني محبتكم، لكم جميعا مودتي وامتناني».
من قصائد الشاعرة بعد عودة أبوكرشولا :
وانحنا اهل المعالي المن قديم مشهودة
وفرسان البسالة، الفي العجاج بنقودا
والمهدي الإمام سنَّاها لينا عقيدة
ما بنرضى الحقارة ولا بنسامح سِيدا
...
ود حبوبة قال يوم زغردن أخواتو
ومن هول الشنق ما اتراجفن أُماتو
ما ترضوا الهوان، أو تتبعوا دريباتو
ولي خاطر عيون العازة قدم ذاتو
..
وبُشراك يا الوطن وأوعاك يوم تتهزَّ
أسودك ما بتهون وكتين تقوم الهزة
تفديك القلوب البي هواك تعتز
وتساقط رؤوس في شان كرامة عزة
.....
ود حبوبة : أحد ابطال السودان، ناضل الاستعمار بقوة، وتم شنقه من قبل المستعمر واستشهد وسط التكبير وزغاريد النساء.
المهدي: هو الإمام المهدي المعروف ، قائد تحرير السودان من الاستعمار.

الصحافة


تعليقات 9 | إهداء 0 | زيارات 4195

التعليقات
#685266 [كركبه شديده]
0.00/5 (0 صوت)

06-02-2013 05:01 AM
الكلمة هي نبض الشارع .. و إحساس بقضاياه....مراَة تعكس هموم الانسانية .فأين أنت من ذلك يا شاعرة البلاط و القصر .


#685242 [بله]
0.00/5 (0 صوت)

06-02-2013 03:16 AM
شتان مما بين شعراء المال والشعر من اجل ارضاء البلاط الانقاذي وبين محجوب شريف وحميد وارجوووووووووووووووووا منكم ان لا تصوتوا لها بل صوتوا ضدها كوزة لاتعرف معناة الشعب السوداني اذن بماذا تشعري تشعري بالفوز حتى لو كان على جسمان الفقراء والمضهدين والمحبوسين في بيوت الاشباح انانية


#685229 [الفكى الصينى]
0.00/5 (0 صوت)

06-02-2013 02:18 AM
عملتى قصيدة بعودة ابوكرشولا
طيب شوفى اليصوت ليك منو .......
ياكوزة تصويت ليك مافى .....عندنا السوط


#685210 [عادل احمد]
0.00/5 (0 صوت)

06-02-2013 01:04 AM
هن شاعرات المؤتمر الوطني مع زميلتها روضة الحاج شاعرة الميل اربعين كنت أظن ان الشعراء بروحهم الشفيفة ينطقون بمعاناة الشعب أين هم من شاعر الشعب الكبير محجوب شريف شاعر ( تلك مآذن ولا مخازن ) اين هم من محمد المكي ابراهيم ( سلم مفاتيح البلد سلم واكتوبر الأخضر وصلاح احمد ابراهيم والحردلو ) هؤلاء هم شعراء الوطن الحقيقين أما من تصنعهم وتفرضهم الأنظمة الفاسدة والديكاتورية فمصيرهم دوماً مزبلة التاريخ ( اما الزبد فيذهب جفاء واما ما ينفع الناس فيمكث في الأرض ) .


#685048 [ABO ALKALAM]
0.00/5 (0 صوت)

06-01-2013 08:12 PM
دي قصيدة شنو دي ومادخل حرب اهلية بالمهدي و ودحبوبة ولاهو لبن سمك

تمر هندي وخلاص بقت فصيدة


#684681 [عباس التحت اللباس]
0.00/5 (0 صوت)

06-01-2013 12:47 PM
هي اخت روضة الحاج ولا حاج ثاني


#684416 [الضعيف]
5.00/5 (1 صوت)

06-01-2013 08:46 AM
يا استاذة: ما هذا الخلط في المفاهيم.. ايه علاقة الاستعمار با ابكرشولا..

البتقاتلوا ديل سودانيين مع بعض..الجيش مؤدلج و لم يقاتل الا اهله منذ الاستقلال..

الشاعر مفروض يكون عندو رؤية اولا ويفرق بين الأشياء ولا يمزج الحقائق ويجعل من الفسيخ شربات..
هناك قضايا كثيرة ممكن تساهمي فيها وهي العنصرية والقبلية والتعليم.. وابعدي من الشياطين..اعاذنا الله واياك واياكم..


#684358 [1121]
0.00/5 (0 صوت)

06-01-2013 07:07 AM
ودابراهيم مااتشنق مالو؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة