الأخبار
أخبار إقليمية
الجاز: إنفاذ اتفاق التعاون مع الجنوب رهين بوقف دعم المتمردين
الجاز: إنفاذ اتفاق التعاون مع الجنوب رهين بوقف دعم المتمردين
 الجاز: إنفاذ اتفاق التعاون مع الجنوب رهين بوقف دعم المتمردين


06-01-2013 11:18 AM

رهن د. عوض الجاز وزير النفط، التزام السودان بإنفاذ اتفاق التعاون مع جنوب السودان، بما فيها النفط، بوقف جوبا دعم الحركات المتمردة بناءً على قرار رئيس الجمهورية،

فيما توقع أن يصل الإنتاج اليومي البالغ (133) ألف برميل إلى (150) ألفاً بنهاية العام (الكمية المطلوبة لسد العجز). وقال إن الكمية زادت بأيدٍ سودانية، ونوه لزيادة نسبة الاستخلاص.

وكشف الجاز في برنامج مؤتمر إذاعي أمس، عن جهود فنية لتذليل العقبات التي تسبب فيها الجانب الجنوبي، ووصف مستقبل صناعة النفط في السودان بالواعد والمبشر بالخير الوفير، ورحب بالشركاء الجدد في صناعة النفط، وأوضح أن الاستكشافات التي تمت في مربعي (8) بسنار والدندر ومربع (15) بالبحر الأحمر، أظهرت نتائج جيدة تحتاج لكشف وتطوير، وكشف الجاز عن طريقة جديدة في إنتاج الغاز، ونوّه إلى تكليف مهندسين وفنيين سودانيين لتوفير الغاز بطريقة حرق المعدوم للاستغناء عن شراء الغاز. وأعلن الجاز عن افتتاح مستودعات نفطية بالقضارف الأربعاء المقبل، يدشنها الأستاذ علي عثمان محمد طه النائب الأول لرئيس الجمهورية، ضمن الخُطة المتكاملة لإنشاء عدد من المستودعات وربطها بشبكة توفر للبلاد حاجتها من هذه المتطلبات وتصدير الباقي، وقال إن وزارته تبذل جهوداً لإنشاء مستودعات للبترول تنتظم البلاد.

وأرجع الجاز الاستهداف الذي يواجه السودان للإمكانيات التي يتمتع بها، وقال إن الإنتاج الحالي للنفط يتمركز في منطقة هجليج وما حولها وغرب كردفان مربع (6)، وأكد أن المواطن يجد صباح مساء المحروقات متوافرة بمشتقاتها (رغم كل ذلك الاستهداف والحمد لله)، وأشار الجاز إلى أنّ مربعات النفط السوداني تقع في الركن الشمالي الغربي بالقرب من الحدود السودانية الليبية في مربع (12 أ) وتعمل فيه شركة سعودية، وبجواره المربع (14) وتعمل فيه شركة كندية مع شركة (سودابت) السودانية، وهناك بغرب النيل مربع (18) وتعمل فيه شركة برازيلية وجنوبه مباشرةً مربع (11) في كردفان ثم مربع (9) في ولاية الجزيرة وولاية الخرطوم ونهر النيل ومربع (13) على ساحل البحر الأحمر ومربع (15) إضافةً لمربعات (19 - 21 - 22) داخل مياه البحر الأحمر ومربع (10) بين ولايتي القضارف وكسلا شرقاً ومربع (8) في ولاية سنار. وأبان الجاز أنه تم ترخيص (40٪) من مساحة السودان لشركات متعددة الجنسيات، وقال: بالتالي فإن الصين لم تعد المستثمر الأول للنفط في السودان، وأشار إلى أن الصين كانت الشريك الأول للسودان قبل الانفصال.

الراي العام


تعليقات 13 | إهداء 0 | زيارات 2705

التعليقات
#685544 [البرمكي]
0.00/5 (0 صوت)

06-02-2013 12:05 PM
الله يعينك الجمل ماشي والكلاب تنبح
ياريت لو كل السودانيين زيك عمل وانجاز يا ابو الجاز


#685252 [ولهان بتنمية زراعية]
0.00/5 (0 صوت)

06-02-2013 04:13 AM
ان شاء الله برميل جاز يحرقك ويحرق عصابتك وان شاء الله ابار البترول تحرق شركاتك الثلاثة عشر التي تمتلكها .. انت داير تحول السودان باكمله الي حقول بترول عشان تمشي تقعد في الفيلا الفخمة بتاعتك في ماليزيا وتدير حقول البترول السودانيه بواسطة شركاتك ؟ انت اصلك ما بتشبع ؟ انت امك لما حاملت بيك كانت بتتوحم ببابور جاز ؟ شابكنا بس بترول نفط جاز .. حتي في علاقاتنا مع الجنوب كل ما يهمك هو الاستيلاء علي النفط .. يا عوض الزفت السودان فيهو ثروة حيوانيه ( لحم وشحم وجلود ولبن وسمن وحتي كوارع وكمونية ) وثروة زراعية ( قمح وذزة وسمسم ودخن وقطن وفول وخضروات وفواكه وبلح )وثروة سمكيه( بلطي وعجالي وقرقور وحتي ملوحة ) وثروة غابية ( خشب وصمغ ونبق ولالوب وقنقليز وفحم وحتي طلح وشاف )وثروة سياحية ( مناطق اثرية ومنتجعات وحدائق حيوانات وحتي حدائق بني ادميين زيك) .. دولةالسودان ما محتاجة للنفط بقدر ما هي محتاجة لتنمية الثروات الطبيعية المتوفرة التي تتمتع بها وفي متناول يديها .. الدول المتحضرة لا تستخرج البترول في بلادها بل في البلاد المتخلفة التي يدير دفتها اغبياء امثالك .. مثال علي ذلك هولندا والدينمارك والسويد وسويسرا ............ الخ .. حتي مصر القريبة تلهث وراء مياه النيل لدرجة اعلان الحرب علي اثيوبيا بسبب سد الالفية .. انت عائش في ياتو كوكب يا غبي يا جاهل ؟ ويا السودان منو العوض وعليهو العوض !!!!


#685112 [cour]
1.00/5 (1 صوت)

06-01-2013 10:13 PM
الزول دا صورتة بذكرنى بمجنون فى حلتنا جنة يحفر الارض


#685101 [المقهورة]
0.00/5 (0 صوت)

06-01-2013 09:55 PM
أصبحتم مرتبكين ويظهر ذلك من خلال تصريحاتكم وقراراتكم الغير رشيدة
والتي لا تصب في مصلحة المواطن المغلوب على أمره. تخلوا عن المكابرة
وأعلنوا فشلكم. سلموا السلطة لحكومة انتقالية استعداداً لإجراء انتخابات
نزيهة تنقلنا لديموقراطية حقة.


#684983 [koko]
0.00/5 (0 صوت)

06-01-2013 05:38 PM
كلام فارغ
يا سفيه
الواحد كلما يكبر يكبّر كذبو معاه
بدون بترول كنَا عزيزين
الله يضوّقكن المزلّة دنيا وآخرة


#684725 [nagatabuzaid]
5.00/5 (1 صوت)

06-01-2013 01:27 PM
اتلهى كدة ربنا يلهيكم بانفسكم عن الشعب السودانى بمصيبة تخليكم لا محسوبين مع الاحياء ولا مع الاموات قادر يا كريم


ردود على nagatabuzaid
United States [nagatabuzaid] 06-01-2013 07:42 PM
لك التحية يا ابو ايمن

المخلوقات دى عذبتنا وطلعت روحنا وياهو ده سلاحى ليهم الدعا لا شايلة كلاشنكوف ولا ملتوف

ولا قنابل اعصاب الله يهد اعصابهم ( دعوة مش كدة ) والقال ليك منو الدعا ما استجاب عليك الله

يا ود الضو الحاصل عليهم ده ما من دعا الناس ؟؟

لا انبذ بس بوريهم حقائق انفسهم اذن عمايلهم نبذ لكن عندى خطوط حمراء لا اتعداها وهى

لا امس امور شخصية او الاعراض حاشا لله ولا اعير احد بخلقة الله او مرض او داء اصابه به الله

سبحانه وتعالى ولا اذكر كلام كذب يعنى ما بقطع من راسى ولانه ما فى امكانيتى الخروج الى

الشارع فبواجههم بما يعتقدون اننا اغبياء ولا نعرفه او نفهمه

عن الشمار انا لست اخت منى ابوزيد وان كان يشرفنى ذلك انا احب كل شجاع وشجاعة ممن لا يخافون الا الله وبحياد تام اكرمك الله باكرامك لى بتعليقك ودمت

United States [ابو ايمن ودالضو] 06-01-2013 04:35 PM
انتى مالك دعايه ونبازه شديد !! خليك حنينه ومال ايه!! ويابت ابزيد براك شايفه كترة دعواتنا على اليهود ماجابت فيهم خبر بل مطلعين زيتنا اكتر واكتر !!! اخلصوا النيه مع ربكم وزكوا النفوس وبعدين انشاء الله اتصلح الحال...... شوية شمار: انت اخت منى ابوزيد الصحفيه ولاتشابه فى الاسماء ؟؟؟


#684723 [عبدالرحمن]
0.00/5 (0 صوت)

06-01-2013 01:25 PM
لماذا لا تتغير هذه الأوجه الكريهة؟! متى يأتي اليوم الذي لا نرى فيه ولا نسمع عن (القشير) وعلي عثمان وصاحب هذه الصورة والمتعافي كبير اللصوص وأمين حسن عمر الذي كنا نظن خطأ أنه كوز نظيف فإذا به من أوسـخ الكيزان؟


#684654 [ابو ايمن ودالضو]
0.00/5 (0 صوت)

06-01-2013 12:09 PM
كدا ياابو ... عقدتها اوى اوى وبقت لينا كلمات متقاطعه؛؛ بالدارجى حقنا وفهم الناس البسيطه يعنى بعد كم سنه الكلام دا؟؟؟ وحيكون عندنا شنو؟ ومع المربعات المتشابكه دى الظاهر حنبقى كفلاء!! ياجدو نحن عاوزين نكون ناس حاره والمجهول لرب العالمين .. يكفى 24 سنه واتركوا فرصه لغيركم..... ويمين الله الكلام دا تخدير والجزيره ورينى محلهم عشان امشى ابيع سندوتشات وشاهى ... رحمتك يارب ....


#684633 [مجوك نكديمو]
0.00/5 (0 صوت)

06-01-2013 11:51 AM
لن نقبل بالإبتزاز. جوبا لا تساعد الجبهةالثورية ان فعلت سترون!! ولكنكم تساندون ياوياو لعرقلة شركةتوتال الفرنسية فى جونقلى وأولينج فى شمال أعالى النيل واخرين. ألم تدعوا فى يونيو 2011 إنكم ستطاردون قطاع الشمال كركور كركور. على نفسهاجنت البراقش


#684624 [Abass Hndawy]
5.00/5 (1 صوت)

06-01-2013 11:45 AM
خليك عاقل يالجاز150 الف دي نفط لمن تمشي المصفى بطلع 9% بنزين 7% جازولين والباقي فأرنست وكبريت واملاح معدنيه ببساطه الكميه الب تقولا دي ما تكفي امدر مان من النفط فعليه يتم استيراد 70% من النقص في البترول من دول الخليج وخاصه دبي .والشركات المسؤولة عن الاستيراد هي شركات اخوان عمر البشير بعد ما طار صلاح قوش .وعليه انتو محتاجين لبترول الجنوب .والشركات الكثيرة الب نقولا دي بتدفع مليارات تعويض للسكان عن الاشجار والاراضي والاختلاسات والفساد ببساطه محتاجه عشره سنين من انتاج النفط اشان ترجع راس ماله ودي خساره شديده عندي سؤال انت بقيت وزير نفط كيف وانت خريج ادأب ول اشان اسمك الجاز يعني اكان اسمك عوض حرب كان بقيت اللمبي وزير دفاع



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة