الأخبار
أخبار إقليمية
الصحف العربية تكتب : 'الدفاع بالنكاح' اختراع سوداني جديد لدعم الجيش
الصحف العربية تكتب : 'الدفاع بالنكاح' اختراع سوداني جديد لدعم الجيش
الصحف العربية تكتب : 'الدفاع بالنكاح' اختراع سوداني جديد لدعم الجيش


06-01-2013 11:19 AM
مثقفون ينتقدون دعوة الشيخ دفع الله لتعدد الزوجات بعد ترويجه لختان النساء ومهاجمته مستعملي الواقي الذكري.


الخرطوم - خاص


أثارت تصريحات شيخ سوداني حول دعم تعدد الزواجات للجيش جدلا كبيرا في البلاد، حيث اتهمه البعض باختزال مشاكل البلاد في النساء والشهوات.

وطالب النائب بالبرلمان السوداني الشيخ دفع الله حسب الرسول النواب الآخرين بالتعدد وعدم الاكتفاء بزوجة واحدة، حسب صحيفة "الراي العام" السودانية.

وقال البرلماني السوداني "نحن أمة مستهدفة والجيش يحتاج إلى دعم" ، موضحا أن "التعدد سنة النبي محمد".

وأضاف الشيخ أن "عدد الرجال فوق سن الخمسين بالسودان 7 ملايين، وإذا تزوج هؤلاء سيضيفون 35 مليونا من الرجال".

وأوضح "هذا العدد يفتح أميركا وليس كاودا" في إشارة إلى مدينة كاودا، معقل الجبهة الثورية التي تحارب السلطات السودانية جنوب كردفان.

وأكد الكاتب الطاهر ساسي بصحيفة "السوداني إن الشيخ دفع الله يتفه مشاكل السودان القضية ويختزلها في "أفخاذ النساء".

وأضاف في مقال بعنوان "الدفاع بالنكاح": "عندما شرعت وزارة الصحة في تنفيذ برنامج مكافحة ختان الإناث، اعترض دفع الله بالنص القبيح 'البنت الما مختونة معفنة'، وعندما إحتلت قوات الجبهة الثورية أب كرشولا (منطقة جنوب كردفان) قال دفع الله مبرراً 'لعب البنات لكرة القدم تسبب في إحتلال أب كرشولا'، وبعد أن أخرجت القوات المسلحة تلك القوات من أب كرشولا، نهض دفع الله مقترحاً 'تعدد الزوجات هو الحل الأفضل لدعم القوات المسلحة ورفدها بالرجال'.

ويشتهر دفع الله بآرائه الغريبة والمتطرفة ضد النساء، حيث شن قبل أشهر هجوما على بعض الفنانين والمشاهير على خلفية تبنيهم لحملة إعلامية مضادة لختان الإناث، واتهمهم بمخالفة السنة النبوية الشريفة، مشيرا إلى أن عدم ختان النساء يؤدي لإصابتهن بالسرطان!

واستنكر الكاتب الفاتح جبرا دعوة دفع الله إلى تعدد الزوجات ومطالبته وزارة الصحة بمنع جمعيات تنظيم الأسرة من الترويج لاستخدام الواقي الذكري.

وتساءل جبرا في مقال بصحيفة "الخرطوم" عن سبب تغاضي "ممثل الشعب وحارس مكتسباته والمدافع عن حقوقه (دفع الله) ما آل إليه حال المواطنين من بؤس وضياع جراء السياسات الإقتصادية المتهورة الفساد الذي عم البلاد واختراق اسرائيل لأجواء السودان وقتلها للمواطنين الأبرياء".

وكان الرئيس السوداني عمر حسن البشير دعا في وقت سابق إلى تعدد الزوجات حتى يتضاعف عدد سكان السودان البالغ حاليا ثلاثين مليون نسمة، مشيرا إلى أن البلاد بحاجة إلى المزيد من البشر لتحقيق التنمية.

ميدل ايست أونلاين


تعليقات 65 | إهداء 0 | زيارات 15749

التعليقات
#686160 [أحمد أبزغولي]
0.00/5 (0 صوت)

06-03-2013 02:25 AM
هذا الرجل مصاب بداء الهوس الجنسي0


#685923 [الكوز الفى الزير التحت الراكوبه]
0.00/5 (0 صوت)

06-02-2013 06:59 PM
لا أرى أى غرابه تستدعى كل هذا الهجوم على شخص طالب بتعدد الزوجات للمستطيعين من أجل زياده عدد السكان لأن معظم الدول فى العالم تضع استراتيجياتها للنمو والنهضه بحساب النمو السكانى واذا كان النمو السكانى لا يتناسب مع خطط التنميه وكميه الموارد الطبيعيه المتوفره فأنها تلجأ للتجنيس لسد النقص .


ردود على الكوز الفى الزير التحت الراكوبه
United States [abdo] 06-03-2013 12:28 AM
ياخي كوز يكسر راسك ، هي الحكومة قادرة تقوم بواجباتها تجاه عدد المواطنين الآن من تعليم وعلاج وتوفير فرص عمل وتسهيل سبل العيش الكريم لهم عشان تقوم تقترح لينا مثل هذه المقترحات المنحطة لزيادة عدد السكان ؟؟؟؟ وسيب الفلسفة الفارغة قال شنو استراتيجية نمو وخطط تنمية ؟ الله يقلع شيخك ده ومريديه يارب !


#685873 [علاء]
0.00/5 (0 صوت)

06-02-2013 05:58 PM
عزيزنا الشيخ دفع الله اصبر واحتسب يكفيك حبك للرسول (ص)


#685730 [biko]
5.00/5 (1 صوت)

06-02-2013 02:52 PM
والله انت عايز يختنو لسانك الاعفن من البظر الشميتو.ياراجل استحى
على دمك .رجل دين قال..


#685715 [حداثة صالح]
0.00/5 (0 صوت)

06-02-2013 02:28 PM
لاحول ولا قوة الله بالله ...عشان لي يوم الدين ما حنتقدم 200 سنة حتكونو عايشين زي دا


#685630 [عدي]
5.00/5 (1 صوت)

06-02-2013 01:07 PM
خلينا من الزوجات الجدد البنادي بيهم دفع اتحدى اي عضو في البرلمان بان لدية ابن ذهب العمليات رغم مروور 25 سنة علي الحرب في الجنوب ونحن مشينا 3 و4 مرات وهم يهتفون مخلف الحيطان يطالبون بالتعدد /ياسبحان الله الله يرحمك يا سودان اذا كان هذة قوادك


#685535 [عجرفة]
4.50/5 (2 صوت)

06-02-2013 11:58 AM
والله الدلوكة دفع الله ده ما عارف الشغلة مهدية ولا تركية
يقولو ليهو حاجة يقوليك النسوان ومعروف اكتر حاجة
يحبها انصار السنة الاكل النضيف والنسوان ويعدون ذلك
استعدادا للعدوء والله فعلا دة زمن ((الدلاليك))اهههههه


ردود على عجرفة
[الحقاني] 06-02-2013 11:49 PM
القال ليك دفع الله انصار سنة منه تنصل سنونك دا كوز من زمن كانو اخوان ماتعاين للدقن والعزبة ساكت بعدين ديل ماصبروا في البرمان على الكودة انصار سنه نص كم ما حا يصيروا على اي انصار سنة


#685533 [صديق عوض]
4.50/5 (2 صوت)

06-02-2013 11:55 AM
دا انتو مافهمتو دا دايركم تكونو منشغلين سمايات طوالي


#685493 [عمار]
5.00/5 (2 صوت)

06-02-2013 11:23 AM
الشيخ دا محروم حناااااااااااااااان ..


#685425 [جاكوما]
5.00/5 (2 صوت)

06-02-2013 10:25 AM
الله ليك يا السودان ............. من برلمان الختان.............الزول دا شايت وين يا مان


#685409 [ودالجزيرة]
5.00/5 (2 صوت)

06-02-2013 10:06 AM
هذا زمانك يامهازل فأمرحي


#685395 [جركان فاضى]
5.00/5 (2 صوت)

06-02-2013 09:54 AM
البسمع كلام هذا الشيخ المنافق يقول اولاده حاربوا فى ابوكرشولا. له اربعة نسوان غير المطلقات ومراح من الاولاد ولايشاركون فى الدفاع عن الوطن فلماذا يطلب من الشعب ان يزيد نسله ليكون قوة عددية بشرية تدافع عن الوطن؟


#685310 [ابو عشه]
5.00/5 (1 صوت)

06-02-2013 08:07 AM
الشيخ الجليل دفع الله جكس ما ممكن نقضيها عرفي


#685263 [عباس تحت اللباس]
5.00/5 (1 صوت)

06-02-2013 04:49 AM
البنجكس بيهو م لاقينو وحق خروف العرس سرقه م بنجيبو ي خ حق التمباك م ف تقول نعرس وكمان نعددهن هوي النيه ل النار شبعونا وشغلونا والله نجب جيش الصين الصين شنو الكره الارضيه م سمعت بيهو نشتغل فحول بس كل شهر تلقه واحده شايله كرشه وع الداياااااات راس


#685258 [عباس تحت اللباس]
5.00/5 (1 صوت)

06-02-2013 04:29 AM
هوي النيه للنار والعديله بتشيل اخته نحن شعب معظم شبابو لا كل شبابو عاااااااااطل وحق مصاريفوا م بقدر يوفرها وابسط شي حق التمباك م عندو نان كيفن نعرس وكمان تعدد هي الواحده م قادرين نعرسه خلوها نصرف عليه اتعددو انتو الحاكمين ديل ولا ادونا نعرس واحده بس حرم الجيش كل بجي مننا خلاص غلبتكم طظ فيكم واحد واحد من رئس المحليه ل عمر البشير


#685256 [عباس تحت اللباس]
0.00/5 (0 صوت)

06-02-2013 04:28 AM
هوي النيه للنار والعديله بتشيل اخته نحن شعب معظم شبابو لا كل شبابو عاااااااااطل وحق مصاريفوا م بقدر يوفرها وابسط شي حق التمباك م عندو نان كيفن نعرس وكمان تعدد هي الواحده م قادرين نعرسه خلوها نصرف عليه اتعددو انتو الحاكمين ديل ولا ادونا نعرس واحده بس حرم الجيش كل بجي مننا خلاص غلبتكم طظ فيكم واحد واحد من رئس المحليه ل عمر البشير


#685239 [tariq]
5.00/5 (2 صوت)

06-02-2013 02:57 AM
قال رسول الله صلى الله عليه وسلم : " إن الله لا يقبض العلم انتزاعا ينتزعه من الناس، ولكن يقبض العلم بقبض العلماء، حتى إذا لم يبق عالما، اتخذ الناس رؤوسا جهالا، فسئلوا فأفتوا بغير علم، فضلوا وأضلوا "


#685206 [سانتو]
4.00/5 (1 صوت)

06-02-2013 01:02 AM
الغريبة اى زول فيهم تحدث حديث رسمى فى التلفزيون او الراديو او مؤتمر يقول كلام ما راكب عدلو حتى ذلك الصحفى الهندى فهو لا يختلف عن الاخرين مثلهم واكثر
والذى قاله يعد من اجد النظريات الحديثة يضاف لهبالتهم الدفاع بالنظر والدعاء والدفاع بالترع وبالنكاح وجلد كديس وتحت جزمتى وجثة وراسو كبير ولحس الكوع وعواليق الاخيرة دا قالو صلاح قوش


#685199 [ود الجزيره]
5.00/5 (3 صوت)

06-02-2013 12:55 AM
هو إنتوا خليتوا فينا حيل لي اكثر من مرا لحستوا البلد دي براكم وبقيتوا تعرسوا ٣ و٤ نسوان ونحن بي هنا عرس ما معرسين وإن عرسنا خايفين واحده ما نقدر عليها الله إنعلكم الدمرتونا الله يدمركم


ردود على ود الجزيره
United States [abdo] 06-03-2013 12:33 AM
أرقد يا عيش
فضي نارك يا محارب ولا هات البندقية


#685195 [سفرج]
5.00/5 (2 صوت)

06-02-2013 12:46 AM
يا جنرال التنميه دي لو كانت بتتحّقق بالعدد والزياده السكانيه لكانت مصر في مقدمه الدول
سكان الدول الاسكندنافيه (اكثر الدول المتقدمه في العالم ) لاتبلغ مجتمعه نصف سكان السودان .

هكذا يفّكر رئيسنا .. وهكذا تعتقد (حكومتنا) .. والله الرماد كالنا !!!!!!!!


#685182 [عنبر عمر الطيب]
0.00/5 (0 صوت)

06-02-2013 12:29 AM
شهوة الفرج و ( المال ) ما مهم حلال وللا حرام . قال يزيد فى التنمية قال . طلبنا انك تشبع ال 30 مليون . ولو شبعوا براهم بيزيدوا العدد , بس كيف يشبعوا !!!!!


#685176 [ساخر]
5.00/5 (3 صوت)

06-02-2013 12:21 AM
ههههههههههههههههههي مغرزه حسبو نسوان دا حلو حلاه
بالله ما يخجل هذا المرتزق


#685083 [محمود العبيد]
5.00/5 (1 صوت)

06-01-2013 09:13 PM
لما لم يتحدث عن قتل الابرياء من قبل النظام والاعتقالات خارج القانون ومسؤلية النظام عن الاحتراب القبلي في دارفور .....الخ


#685067 [حسان]
4.75/5 (3 صوت)

06-01-2013 08:49 PM
ما تضيعوا زمن مع ( حسبو الشتت قصبو ) .


#685023 [ململة]
0.00/5 (0 صوت)

06-01-2013 07:20 PM
يلا يا شباب شرفو لينا لقب للراجل دة. اقتراحاتكم.
أنا بقترح ليكم اسم. نسميهو شيخ عيفونة


ردود على ململة
United States [زول دقرى] 06-02-2013 12:33 AM
الزول دا خلاص تمت تسميته من قبل دفع الله فجاينا، لانو اهتمامو كلو بالفجاينا.. و للذين لا يعرفون معني فجاينا vagina فهى تعنى بالعربى الفرج..الصبر مفتاح الفرج هههههههههه


#685017 [jst me]
0.00/5 (0 صوت)

06-01-2013 07:07 PM
(مشيرا إلى أن البلاد بحاجة إلى المزيد من البشر لتحقيق التنمية).
هههههه لذيذة واللة.....!


#684970 [أبوالكجص]
3.00/5 (1 صوت)

06-01-2013 05:24 PM
طالما أن في البرلمان والسلطة تنفيذية أمثال هؤلاء فالرماد كال خشومنا على قول أخونا الصحفي صلاح عووضة.


#684956 [الساخر]
5.00/5 (9 صوت)

06-01-2013 05:09 PM
شيخنا الجليل دفع الله المندفع المدفوع له باذن الله....اما بعد فقد اعجبت بفكرتك ايما اعجاب وبما انني من شباب اليوم الذين لا يسطيعون توفير مصاريف الزواج فيا شيخ شوف لي واحدة من بنات الجماعة اياهم مرطبة كدا وعرسا لي وبوعدك اني ان شاء ال بعد 30 سنة (اطال الله عمرك) حاوفر ليك الاتي : 1/عدد (5) دبابين 2/ عدد (3) سواقين 3/عدد (2) فنييي دفاع بالنظر ...وذلك لرفد الجيوش حتى تظل حامية الحمى ولتبقى الحكومة التي (تدفع) لك وتجعلك (مدنفعا) (اندفاعا) (لدفعنا) نحو حافة الجنون. ملحوظة (لا امانع انك تشوف للوالد وزيرة بايرة كدا ) وجزاك الله عنا خير الجزاء


ردود على الساخر
United States [الفاتح ود احمد] 06-02-2013 11:09 AM
هههههههههههههههههههههههااااايا.. جميلة ,,حلوة,,عجيبة.


#684911 [Nagi]
0.00/5 (0 صوت)

06-01-2013 04:07 PM
ونعم الشياخة دا شيخ شنو دا


#684871 [ديجانقو]
4.50/5 (5 صوت)

06-01-2013 03:34 PM
ياشيخنا هموم الوطن اكبر من ختان الاناث وبلاش مراهقه الشيوخ دى اتكلم فى حاجات تهم الناس وبعدين ياخى ربنا خلق الانثى على هذه الهيئه انت داعيه ولا دايه


#684867 [بحري نفر]
0.00/5 (0 صوت)

06-01-2013 03:30 PM
الشيح اللطح دا طلع لينا مين وين ؟؟


#684814 [Wahid]
5.00/5 (2 صوت)

06-01-2013 02:36 PM
هو رئيسك لديه أمراتين وواغلب وزراء المؤتمر الوطني لديهم اكثر من امراة عملوا شنو....


ردود على Wahid
European Union [مواطن حر] 06-02-2013 07:07 PM
ده غير ألمحظيات في دبي


#684811 [سودان زمان]
5.00/5 (5 صوت)

06-01-2013 02:34 PM
وكان الرئيس السوداني عمر حسن البشير دعا في وقت سابق إلى تعدد الزوجات حتى يتضاعف عدد سكان السودان البالغ حاليا ثلاثين مليون نسمة، مشيرا إلى أن البلاد بحاجة إلى المزيد من البشر لتحقيق التنمية.))



ولو ماجابو عيال ..... يبقى الحل شنو ؟؟؟
ولو جابو بنات ........يبقى الحل شنو؟؟؟؟
وهل ننتظر كل السنين دى لتحرير كاودا
ثم نحررها من منو ؟؟؟ من الكفار ؟ ولا من اسرائيل ؟ ولا من قوى البغي والعدوان ؟ ولا من الامريكان
انا ماشايف احد ممن سبق ..انا شايف فيها سودانيين مسلمين بصلو الصبح حااااااااضر


ردود على سودان زمان
United States [حركة نابض] 06-02-2013 01:45 AM
والله انت سودان الغد
كلامك صح


#684800 [osman]
5.00/5 (3 صوت)

06-01-2013 02:27 PM
من اللذي اتخب هذا الارجوووز ويمثل اي جهة ..... لكن لاالومك بل الووووم الجهله والمتخلفييين اللذين اعطوووك الفرصة كي تظهر في البرلمان .... وللا اقوول ليك البرلمان اصلا مامافع وهو يشبهك تماما لان البرلمان زباله وانت زبال ........ تخلو العرب يتريقو علينا حسبنا الله ونعم الوكيل فيكم


#684794 [ali alfred]
5.00/5 (3 صوت)

06-01-2013 02:21 PM
هؤلاء الرعاع مهووسيين بالنساء والغلمان وذبح الانسان.


ردود على ali alfred
European Union [جاد كريم] 06-02-2013 01:28 PM
لايك جدا"

United States [الفاتح ود أحمد] 06-02-2013 11:12 AM
100% ..أحيييك ,فلقد إختصرت وصفهم بأبلغ ما يكون الكلام,,,وصااااااف.


#684791 [saami]
5.00/5 (6 صوت)

06-01-2013 02:20 PM
لا تلوموه اذا رئيسه يتحدث باتفه العبارات.. تحت جزمتى... والدايرنا اطلع لينا بره الشارع... وابلوها واشربوها.. والغرباوية اذا..... رك... جعلى ما شرف ليها.. وشذاذ افاق.. والحس كوعوا ..مادام ده لغة رئيسهم فعلامه اللوم على الشيخ المعتوه .. الشيخ ده شكلو بتناول فياجرا حولت مركز تفكيره من العقل الى منطقة بين الفخذين


ردود على saami
European Union [maged] 06-01-2013 07:32 PM
والله عفيت عنك ياسامي هذا الشيخ اللطح انحصرتفكيره مابين الفخذتين سبحان الله


#684789 [الجعلي]
0.00/5 (0 صوت)

06-01-2013 02:20 PM
اذا كان في البرلمان امثال دفع الله فكيف سوف يتطور السودان
وتعدد الزوجات ليس من دفع الله انما هو مباح من رب العالمين بس طريقة طرح الموضوع بهذه الكيفية والمبررات هو المشكلة .. وهل كل الذين سوف يولدون سوف يتم تسجيلهم بالجيش ولماذا يحارب الجيش الان المفروض انت يا سعادة النائم اقصد النائب دفع الله ان تشوف وين المشكلة وتعمل على حلها اذا كان عندك افق لاستعاب المشكلة وحلها


#684752 [أبوفاطمة]
5.00/5 (1 صوت)

06-01-2013 01:48 PM
ياكافي البلاء ... انت ياشيخنا عايز الموضوع ده يستمر لحدي ما الشفع البلدوهم بعد اجازة الفتوي يبقوا جياشه .. فال الله ولافالك .. شيخ ضلالي همك كله في ....


#684738 [خالد حسن]
5.00/5 (1 صوت)

06-01-2013 01:39 PM
شيخ الدجل ده فاضحنا بجهله المركب
بعد الانقاذ ان شاءالله مختوا في ساحاه علامه بدون هدوم ومل سوداني يجي يظعط ليه دقنه
ويتف علي وشه القبيح ده
قبحك الله يا اباجهل


#684736 [سوداني قرفان]
5.00/5 (1 صوت)

06-01-2013 01:35 PM
يا اخوانا مادام الرئيس غبي وجاهل يعني حيكون في واحد من العصابه عندو مثقال زره من الذكاء


#684714 [عبد الله دودو]
5.00/5 (1 صوت)

06-01-2013 01:20 PM
مشكلتنا اكبر من النكاح ومن النسوان رجل برلماني يتحدث عن النساء وعن الختان وعن الزواج وينسي القضية الاساسية مازال المسؤلين يتحدثون عن اشباع غرائزهم الجنسية


#684703 [كناري]
5.00/5 (1 صوت)

06-01-2013 01:13 PM
عطاله وعدم شقل وضيق في المعيشه وقال عاوز يزيد الناس كمان ...........منكم لله ياظلمة


#684697 [الله يقرفكم]
5.00/5 (2 صوت)

06-01-2013 01:07 PM
لماذا كل شئ مرتبط بالمرأة ..
ولماذا دفع الله هذا الي الان موجود اصلا ..
ياخي نحن بلد علم وعلماء مافي زول رشيد يقول للزول ده اسكت وامسك خشمك ده عليك ياخي ده شنو الواقع القرف ده ..
ياخي اللباغة سمحة والادب سمح .. ورجل الدين اللسانو عفن ده اخير منو عفنة الادبخانة يادفع الله ..
( ده مــــــــــــــــــتا اسلوبي لكن دي الكلمات الممكن يفهمه دفع الله عشان كده كتبته ليه بالمفردات دي )


ردود على الله يقرفكم
United States [الطلع زوط] 06-01-2013 09:47 PM
اضحكني معلق يقول الدفاع بالبظر


#684694 [ابوهاني]
5.00/5 (1 صوت)

06-01-2013 01:04 PM
من هو هذا الشخص الذي اسمه دفع الله هذا ظهر في الآونة الاخيرة وصار يفتي بأشياء غريبة على المجتمع السوداني هذه المهازل في هذا الزمن الغريب .


#684678 [إبن السودان البار ***]
4.50/5 (2 صوت)

06-01-2013 12:45 PM
في أفلام أيام زمان كان كل فلم فيه واحد يمثل دور العوير ( السنيد ) وأخونا دفع اللة الآن يجيد هذا الدور في برلمان الهنا والمنا للبشير وكيزانه ؟؟؟ ولا بد للصحف من دفع أتعاب له لأنه أصبح من الذين يروجون لها بإطلاق فرقعات صحفية مثيرة وأفكار مضحكة وعجيبة تزيد في مبيوعاتهم كما كان يفعل الرئيس إيدي أمين الذي خدم صحف الفضائح المسائية بلندن ؟؟؟ والتي تأسف ناشريها كثيراً علي رحيله من الدنيا ؟؟؟ وقريباً بعد الثورة دفع الله هذا سوف يتم إدخاله مصحة عقلية لإعادة تأهيله ومعالجته من إدمان الشم ؟؟؟


#684672 [أبو وعد]
0.00/5 (0 صوت)

06-01-2013 12:31 PM
وكان الرئيس السوداني عمر حسن البشير دعا في وقت سابق إلى تعدد الزوجات حتى يتضاعف عدد سكان السودان البالغ حاليا ثلاثين مليون نسمة، مشيرا إلى أن البلاد بحاجة إلى المزيد من البشر لتحقيق التنمية.

وهو الرئيس الدعا إلى التعدد وطبقو عمليآ لم يزيد على الثلاثين مليون ولا بواحد حتى !!!


ردود على أبو وعد
United States [الفاتح ود أحمد] 06-02-2013 11:16 AM
لا ده سغال عكس ,إبادة جماعية,, حرب ,, جوع ,, مرض ,, جهل.... قرض شديد.


#684645 [أبو علي الحضرمي]
0.00/5 (0 صوت)

06-01-2013 12:03 PM
لا بارك الله في شعب همه فقط إشباع رغباته الجنسية


#684635 [ابو ايمن ودالضو]
0.00/5 (0 صوت)

06-01-2013 11:53 AM
شوف الحلاوه واللهلبه دى !! اذا كان زى العسل دا نحن ممكن نعمل جيش اكتر من الصين ؛؛ والله البيبى زاتوا مايتم 9 شهور كان تشوفى اخوه طلع زوووووت....


ردود على ابو ايمن ودالضو
United States [الجعلي] 06-01-2013 02:24 PM
ههههههههههه.... انا غايتو من حسه عاوز الاتنين البيمين والاتنين البشمال .كده العدد اربعة والله اكبر نبداء من الان واحسبوا ليا بعد 18 شهر استلموا 16 ولد الولاده تيمان


#684629 [قاسم]
5.00/5 (4 صوت)

06-01-2013 11:49 AM
هذا الرجل (كاراكتير) يمشي على قدمين. اقترح لأعضاء المجلس الوطني إسقاط عضويته بالاجماع. انه يجعل من مجلسهم اضحوكة في السودان وحول العالم.


#684620 [انصاري]
5.00/5 (1 صوت)

06-01-2013 11:39 AM
((وكان الرئيس السوداني عمر حسن البشير دعا في وقت سابق إلى تعدد الزوجات حتى يتضاعف عدد سكان السودان البالغ حاليا ثلاثين مليون نسمة، مشيرا إلى أن البلاد بحاجة إلى المزيد من البشر لتحقيق التنمية.))

***؟؟؟!! " هل تعدد الزوجات يعني بالضرورة الإنجاب"!!؟؟


ردود على انصاري
United States [جاد كريم] 06-02-2013 01:37 PM
وهل يعني بالضرورة انجاب ذكور !!؟؟
وهل يعني بالضرورة الانتظار 18 سنة عشان يجندوهم لفتح كاودا !!!؟؟


مهزلة


#684611 [ابو علي]
5.00/5 (6 صوت)

06-01-2013 11:33 AM
ده شكله ماشي في خط اللمبي ابورياله الدفاع بالنكاح على وزن الدفاع بالنظر , هذا زمانك يا مهازل فامرحي . حكومه و برلمان رئيسه رقاص ماذا تتوقعون منهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة