شيءٌ ما..!!!
شيءٌ ما..!!!
محمد نافع على نافع


06-02-2013 09:31 AM
صلاح الدين عووضة

* ويُقرأ عنواننا أعلاه بدارجيتنا (حاجة كده)..
* ثم إذا أضفنا إليه ما الإحساس به أقوى من التعبير عنه يضحي (حاجة كده ما ياها!!)..
* أو بعبارة شعبية أخرى (في حاجة غلط)..
* وأردّد في سرّي ما تنطوي عليه العبارات هذه كلها من معنى وأنا أشاهد- إسفيرياً- صورةً قيل إنها تخصّ ابن مسؤول كبير..
* فبالنظر إلى فخامة اليخت الذي يتكيء عليه سياج مقدمته (شاب ما!!)..
* وبالنّظر إلى مظاهر الجمال (السياحي) البادية من وراء اليخت لـ(ساحل ما!!)..
* وبالنّظر إلى ما يرتديه الشاب هذا من (ثياب ما!!)..
* وبالنظر إلى ما تنضح به تعابير وجهه- الشاب- من (سعادةٍ ما!!)..
* بالنظر إلى ذلكم كلّه طفقتُ أردّد في سرّي- على نحو ما ذكرت- عبارة: (لا لا، أكيد في حاجة ما ياها!!)..
* ثم أجهر بها حين أرى أن (القراصنة الإسفيريين) نسبوا ما (اختطفوه!!)- من موقع عنكبوتيٍّ ما- إلى رجل من الإنقاذيين عظيم..
* فلا يمكن أن يبعث واحد من أعلى المنادين بالتقشّف صوتاً إبنه إلى مثل (النعيم الدنيوي!!) هذا والبلادُ تعيش حالةً من الضنك هي الأسوأ في تاريخها المعاصر..
* والضنك الإقتصادي هذا- حسبما يقول صاحب التأسّي بالسلف الصالح- هو جراء استهداف (أعداء الدين!!) المتواصل لـ(دولة الشريعة)..
* وما يجعل الأمر غير مقبول أكثر هو تزامن (السياحة الخارجية!!) هذه مع مهدّدات داخلية يُستنفر لها الشباب الذين هم في مثل عمر ابن المسؤول المشار إليه..
* و(الوالد) صاحب الصوت الأعلى مناداةً بـ(التأصيل) هذا يعلم ُولا شك كيف أنّ أمير المؤمنين عمر لم يفرض (التقشّف!!) على نفسه وحسب- في عام الرمادة- وإنما على أفراد أسرته أجمعين..
* فمحض اشتهاء صغيرته الحلوى- مثلاً- كان عند عمر (جريرةً كبرى!!)؛ فكيف إذا سوّلت لأحد أبنائه نفسه (خطف رجله) إلى بلاد الروم (ترويحاً عن النفس)؟!..
* ثم كيف كان سيكون (حال) عمر إن تزامنت (الفسحةُ!!) هذه مع (حروب) مندلعةٍ في ذلكم الزمان؟!..
* للسبب هذا رفضنا نسبة (ولد اليخت) إلى (الوالد الجهادي!!) ونحن نردّد- سرّاً وعلانيةً- مقولة: (في حاجة كده ما ياها)..
* وما أسهل- في أيامنا هذه- أن (تُدبلج) صورٌ ليكون الوجه لشخص والجسد لشخص آخر..
* بل إن اليخت (الفخيم!!) هذا نفسه قد يكون لحفيد ملكة بريطانيا اُلتقطت له الصورة (المختطفة) وهو متكيءٌ على سياج مقدمته..
* والساحل (المبُهر!!) الذي يبدو من ورائه قد يكون لأحد جزر هاييتي المشهورة بـ(سحر الطبيعة)..
* والأزياء (السياحية!!) التي أُظهر الابن وكأنَّه يرتديها قد تكون لأحد أنجال الأمير الملياردير الوليد بن طلال..
* فـ(معليش) أيها القراصنة الإسفيريون..
* يصعب علينا تصديق ما حاولتم الإيحاء به إلينا..
* فهنالك شيء ما (مش مظبوط!!!!!).
آخر لحظة


تعليقات 45 | إهداء 0 | زيارات 8027

التعليقات
#686839 [مواطن حر]
1.00/5 (1 صوت)

06-03-2013 06:30 PM
ألناس "لنش" تاكلوا مالاقيه .. وألجنا ده منجعص فوق أللنش كده كيف ... ألله يرحم جدك كان راكبله حماره وببدل.


#686233 [kojo]
2.00/5 (1 صوت)

06-03-2013 08:03 AM
هذا التيس من ذاك البغل


#686222 [kojo]
4.00/5 (1 صوت)

06-03-2013 07:30 AM
يا أخوانا الما فاهم ينزل المحطة الجاية ما تعملوا لينا زحمة.


#686213 [Ali Hassan Salouka]
0.00/5 (0 صوت)

06-03-2013 07:07 AM
ياخ انت يا صلاح زول حاسد ساى لا اقل و لا اكتر


ردود على Ali Hassan Salouka
European Union [ansary] 06-04-2013 03:55 AM
يا صلاح يا صلاح يا حرف ال ( N ) هاهاهاهاهاهاهاهاهاهاها هاك أخل العوض ده


#686139 [Rebel]
2.00/5 (2 صوت)

06-03-2013 01:16 AM
* طيييب يا ابو صلاح: الصادق المهدى صاحب الأجنده الوطنيه هو فى المعارضه غير المسلحه لإسقاط النظام، و فى ذات الوقت إبنه العقيد(أح) عبدالرحمن قائد جيش الأمه لإسقاط النظام هو مساعد لرئيس الحكومه المراد إسقاطها، و الإبن الآخر من صلبه يعمل ضابط امن فى الحكومه التى يعمل والده على إسقاطها. و الإبنه من صلبه ايضا و كنيتها المنصوره سوف لن تقبل ان تكون وزيره إلآ بترشيح من الحزب الذى يعمل على إسقاط الحكومه. و مع تعديل فى الأسماء ينطبق الشئ ذاته و صفاته على الحزب الكبير الآخر: الحزب الإتحادي الديمقراطى، فهمت حاجه؟؟ و لا انا.. و لا انا..و لا انا( اداء المرحوم الفنان هاشم ميرغنى).

* تقوم تجى يا ابو صلاح تقول لينا حاجه كده.. فى حاجه كده ما ياها..حاجه غلط!!
ما هو كله كده ياخ. وكده..كده، كده.. وورا..ورا..ورا( اداء الفنان بكري ود كافوري).

* لكن المحيرنى ديل بعدين نلقى ليهم مشا..ق وين يا ابو صلاح؟


ردود على Rebel
United States [ودالحسن] 06-03-2013 08:07 PM
تعجبني والله


#686117 [فايتو الزبير نصر]
3.00/5 (1 صوت)

06-03-2013 12:18 AM
الولد طلع الدهب ربنا رزقو قال يتجدع شويه ياخوانا ماتكونو حسودين كده اسع انا زاتو ماشي الدهب و كان ربنا رزقني بمشي بتجدع زيو كده .. اهاا من اسع كلمتكم عشان بعدين ما يطلع واحد يقول ده مال الشعب مال الشعب


#686105 [الكوشى]
5.00/5 (1 صوت)

06-02-2013 11:54 PM
عوووووووووووووووووضه ولد دهههههههههههههههههههههه


#686057 [Ahmed mohd. tahir]
4.00/5 (1 صوت)

06-02-2013 10:45 PM
خليك من اليخت الفاخر والساحل الساحر..الا تري الوجه الشاب والكرش
المدورة والنظرة البلهاء وايديه المتشبثات بالتكالات الدالةعلي انعدام
الاقدام والروح الوثابة ..دا زول صحصوح ساكت والله اعلم


#685993 [حمدان الجامعي]
4.75/5 (3 صوت)

06-02-2013 08:39 PM
( مش مظبوط!!!!. )

ليه مش مظبوط يا عوضه !!!!!. كل شيء مظبوط و هذا البوست بذات مظبوط على الآخر في كل حرف وكل نقطة وفاصلها وقوسين المهم وأهم البوست مظبوط وكل حاجة (ياها ) عديل ما يا خدك شك. لكن دا زمن تبادل الأدوار الأب يرغي ويزبد بعيد عن خط المواجه وجحيم المعارك يشتم هذا وذاك والابن في المصايف يخوض جهاد فاخر جهاد الخضرة والماء والوجه


#685989 [حليم حلم ملكي]
3.00/5 (1 صوت)

06-02-2013 08:27 PM
قعلا ياعوضه في حاجة ماياها!!!!!! اولاد نافع في اسبانيا واولاد ابو الجاز في ماليزيا واولاد المتعافي!! بس بيقروا في لندن ومدارس اسامة دتوود هنا لانهو ابوهم تاجر شاطر او بقي شاطر بعد ان اصبح وزير انفاذي!! ايوه اكيد في حاجة ماياها !! وهي اننا شعب يستعبي الي يوم الدين!!! اما حكاية دودي وتسوق دبي والرياض ومنهاتن ده حلم حلم بيهو ابوزر الامين لنساء القوي الامين والذي لايسبخ في البسين بالشورت بعد ان شراء الفله من التجار المفلسين بعد تسلط الانقاذ علي الشرفاء والكادحين!!! اللهم اجعلو خير!!


#685967 [الصادق أبو روان]
5.00/5 (1 صوت)

06-02-2013 07:43 PM
سبحان الله من شابه أباه ما ظلم بحكم غربتنا الطويلة بالكاد نعرف من هو نافع ومن هو الحاج آدم لكن أول ما نظرت لهذا الشاب آكل السحت عرفت أنه يشبه أحد القتلة من النخرة والابتسامة الخبيثة الماكرة وادعاء الهبل على العباطة والنظرة الشاخصة في الرجال البلهاء في السودان فيراناصغاراً ونراه صغيراً قاتل الله من أكل قوت المساكين والغلابة ويأتي الشيخ ( الخيش ) حسبو بدعوة للتناسل لرفد الجيش وهذا الشاب أليس بقادر على حمل السلاح ؟! معازل


#685917 [MAHMOUDJADEED]
2.00/5 (1 صوت)

06-02-2013 06:49 PM
في حاجة اسمها المدح ما يشبه الذم وكلامك ده إثبات بما يشبه النفي . بطل شغل المصريين يا عوووضة !!!.


ردود على MAHMOUDJADEED
European Union [Faisal] 06-03-2013 03:20 AM
once you understand the objective why you ask.


#685902 [كرتوب]
3.00/5 (1 صوت)

06-02-2013 06:35 PM
عافي منك يا ودنافع نحن عبيد ابوك نشتغل ليكم وانتو اتفسحو


#685869 [خالد حسن]
3.00/5 (1 صوت)

06-02-2013 05:51 PM
السحسوح ابن ابوالعفين الصوره دي كان خاتيها في البروفايل بتاعه في الفيس
يعني مافي قرصنه ولادبلجه يا ابوالعفين
وليك يوم ياسحسوح انت وابوالعفين


#685826 [الصقر]
5.00/5 (1 صوت)

06-02-2013 04:50 PM
ياهو ياهو ياود عووضة من الجسم الشايلنو بالحلاوة ده اولاد الكيزان جسمهم كلو كده اسألنى منهم انا بعرفهم كويس وكان داير صور تانية بجيب ليك موبايلى مليان


#685821 [السودانية]
4.00/5 (1 صوت)

06-02-2013 04:42 PM
ياعووضة ود نافع المتفرجخ فى المركب ده محنة من محن الانقاذ

وفى محنة تانية اكثر تمحينا من

هذه وهى محنة ابو الدفاع بالنكاع

وان اردتم احصاء محن وبدع الكيزان لن تحصوها

ياربى لاتمحنا ولاتبلينا


#685815 [حاتم أب تفة]
5.00/5 (2 صوت)

06-02-2013 04:31 PM
حاجة طبيعية إنو تلت أرباع الناس ما فهمت الحاصل..!
نحنا لو كنا بنفهما وهي طايرة، ما كانو ديل حكمونا كم وعشرين سنة..!


#685800 [سودانى ما منفرج الأسارير]
4.00/5 (3 صوت)

06-02-2013 04:17 PM
يا ود عووضه:: انت ما قريت ان:All people are equal; but some are more equal than others
فالدنيا حظوظ يا اخى.. والله يرزق من يشاء بغير حساب .. ويعز من يشا ويذل من يشا.. بس ما تنسى.. وعشان ما تنسى لازم تعرف الحقيقه.. ال حقيقه .. اللى هى انّو فى النهايه كووووولو فانى والى زوال
المرحوم عبد الله الطيب جعل شعار روايته " زواج السمر..نكبة البرامكه: "وكل عز يزول .. وكل حى يموت .. وبلغة المرء قوت .. الدمار الدمار يا بغداد" حاشيه: "بلغة" تقرأ يضم الباء(موش الباءه) وسكون اللام" .. عذرا: الحاشيه دى ما ليك انت يا ابن عووضه.. هى للى حضروا مهرجان تكريم ابن الوالى وشاركوا فيهو كوولهم من صفيرم لكبيرم..
حدّق النظر - يا بن عووضه - وركّز معانا شويه .. لآنو الدفاع بقى بالنظر - هذا الشاب يا اخى ما قاعد فى يخت ابدا.. دى انت ما تشوف وما تعرف انو دى طرف "دفّة مركب" .. والساحل الشايفو وراهو دا ما هو الا "قيف" البحر على جيهة كريمه ووراهو جبل البركل الما يغبانى وانت تكون طلعتو كتير .. كيف يغباك ات كمان!!! على كووولو حال موش جايز الشاب دا ادى ما عليهو من واجب نحو وطنو ودينو ولا بد ليهو من جزاء .. شحد الله والله ادّا...وجزاهو خيرا.. والله بيدى الجنه .. لمّن قعده فى طرف "دفة مركب" الولد يا اخى بتفكّر فى قدرة ربّو وفى المويه الجاريه بالسنين..
يا ود أووضه انت مهرجان اهتفال تكريم فى القلأه االهمرا ما تشوف ومليون دولار انهرقت مع تسفيق الناس ولا هتى مدارس انقفلت اشان مويه شراب مافى .. دا كووولو ما تشوف .. بس أينك ما تشوف الا ولد عايز يقطأ بهر من حلّه ليحلأ فى مركب!!!
ابناء بمبه اللى لهفو 200 الف دولار (يرزق المساكين فى المجانين ) بيؤولو: "يا ناس يا شر بطّلو أر" وانت
بزّات "توسكوت خولص .. ومتكلمش فى السياسه".


ردود على سودانى ما منفرج الأسارير
[سم زعاف] 06-03-2013 02:18 PM
الأخ سوداني الاقتباس الصحيح من Animal Farm هو "All animals are equal but some animals are more equal than others على ما أتذكر


#685798 [هميم جابر]
4.00/5 (2 صوت)

06-02-2013 04:16 PM
عووضة يريد منكم يا شباب أن تقدموا الدليل الدامغ على أن صاحب الصورة هو ابن أحد كبار منافقي الإنقاذ! لأنه لو صار ابنه فعلاً فالوالد منافق تماماً يحض على شيء ويفعل خلافه (وليس ذلك على د.نافع ببعيد و على أي إنقاذي آخر)


#685766 [m almhasy]
5.00/5 (2 صوت)

06-02-2013 03:34 PM
يا اخوانا ال في الفى الصوره دي انا ايام الشباب حاشاه نافع وولده من كلام عووضه اللخباط كل الشعب السوداني لهم نفس الصوره سمان ومروقين الله يخلى لينا الانقاذويديم ذلها لينا


#685759 [سودانى]
4.00/5 (1 صوت)

06-02-2013 03:27 PM
يا دكتور عووضة ، احتمال الدبلجة والفبركة نعم وارد ، ولكن هل من المنطق أن نلغى الإحتمالات الأخرى ؟ ، المهندس محمد حسن عالم البوشى زميل ودفعة الشاب محمد نافع ، واجه دكتور نافع وجهآ لوجه وأمام الملأ بسوءات الانفاذ ، وسأله لماذا يوظف محمد نافع يوم تخرجه وراكب عربية بمائتان مليون جنيه ، والبوشى وزملاؤه عاطلين عن العمل ولا يجدون حق البوش ؟ . دكتور نافع لم يجاوب على استفارات البوشى الوجيهة، لذا نحيل لك استفساراته ، وعلى رأسها ، كيف لشاب مثل محمد نافع يركب عربية قيمتها 200 مليون جنيه ، وبعض دكاترة الجامعات من دفعة نافع لا تسمح لهم دخولهم بشراء عربية ب 50 مليون جنيه ؟؟؟؟؟؟؟؟؟؟؟؟؟؟ أين العدل والمساواة ؟؟؟؟؟؟؟؟؟؟؟؟ .


ردود على سودانى
[Rebel] 06-03-2013 12:32 AM
*ما تستعجل يا سودانى يا اصيل. طول بالك شويه، الناس البتسأل عنهم بقولوا ليك هم كان بعاد فى تندلتى و قربوا يصلوكم، بس معاهم ضيوف كثيره. يعنى العدل و المساواه و التحرير و العداله و قطاع الشمال. إنت الشفقه العليك شنو ياخى؟


#685731 [أبوالكجص]
5.00/5 (2 صوت)

06-02-2013 02:55 PM
رهيب يا عووضة ...

أها يا يانافع ما نسمعك توعظ تاني أصلح بيتك أول وبعد داك تعال أخطب فينا تاني (قال جهاد وحزم بطون قال ......... منافق).


#685709 [ينصر دين صلاح عووضة]
5.00/5 (3 صوت)

06-02-2013 02:13 PM
مَعْلَمَة لي درجة انو في ناس فهموك غلط ... تعيش يا معلم ..
دة فتح جديد اسمو تاكيد الشيء بما يشبه النفي.. زي تاكيد المدح بما يشبه الذم


#685708 [أبو الشمارات]
5.00/5 (3 صوت)

06-02-2013 02:13 PM
لو علمت أن راكب اليخت الفاخر هذا كان فى لندن مستأجرا لشقة تدخل فيها و تخرج شابات ساكسونيات زرقاوات الحدق حتى طرده المالك منها ... لملئت من أعاله و أفعال والده عجبا!


#685679 [ابو زينب]
5.00/5 (5 صوت)

06-02-2013 01:49 PM
ولد نافع في سواحل شرم الشيخ للتنزه والترفيه
واولاد الشعب السوداني يعذبون في معسكراتالخدمة الالزامية وابو كرشولة وما ادراك ما كرشولة
هذا يخت للترفيه والناس ما صدقت تركب الباخرة لتبحر بها من بورتسودان تجاه جدة في رحلة اغتراب قسري .


ردود على ابو زينب
United States [omer] 06-02-2013 04:52 PM
خلاص دي الصوره العاملين قيها زوبعه لو كانت جنبه شقراء كنتو قلتو شنو


#685621 [عبد الله]
5.00/5 (3 صوت)

06-02-2013 12:59 PM
مبدع يا عوضة ولا عزاء للذين لم يفهمو مقصدك بعد


#685610 [dougokoper]
5.00/5 (1 صوت)

06-02-2013 12:48 PM
أستاذ عووضه .. ليس من المنطق! أن تتساءل بأن هنالك شيئ ما خطأ.. فالمنطق أن هذا جزء من كل فبربك ما هو المنطق فيما يدور في بلادي من السياسة .,..الاقتصاد ... الصحة ... الفن .. دور علماء الدين والذين يفترض أن يقولوا الحق في وجه السلطان الجائر وما أكثرهم .. وما أكثر ما يفترض أن يقولوه .. ولكن أصبح همهم الأهم فيما يتعلق بالمتعة والشهوة .. فما رأيك أستاذي عووضه في البرلماني السبعيني الذي أشار إلى مجلس البصمة بأن مواجهة إسرائيل يكمن في الزواج الرباعي بغية التكاثر .. وإسرائيل هذه زارتنا خمسة مرات آخرها للعاصمة ولم نسمع نفير ولا خطب حماسية ولا حتى أغاني جهادية هذا إذا تركنا حلايب والفشقه وأخواتها جانباً... فهؤلاء ومثلهم في مواقع وصنع القرار يقودونا إلى المهالك فلزام على الشعب تغييرهم.


#685594 [قلام]
3.00/5 (5 صوت)

06-02-2013 12:35 PM
حريييييييييييييف يا ود عووضة


#685587 [ودتوتي]
3.75/5 (4 صوت)

06-02-2013 12:31 PM
جنك مغالطه يا ود عوضة شنو الما ياهو الزول ياهو وابوه هوط ميل


#685584 [واحد]
4.88/5 (4 صوت)

06-02-2013 12:29 PM
قمة الابداع والبلاغة
الولد في اليخت والبنت في القصر
الماياهو هو كلام ابوهو =عايز يجاهد باولاد الناس = الماياهو النافع وكلامو عن الجنه والشهاده الماياهو هو الزمان ناسنا قالوفيهو اسمع كلامك اصدقك اشوف عمايلك استغرب , كلام نافع سمعنا كلنا وعمايلو جابا لينا الانترت =الولد في اليخت والبنت في القصر =


#685582 [جااااكم]
3.00/5 (3 صوت)

06-02-2013 12:28 PM
و الشيئ العجيب و أكثر دهشة أن (صحفي ما) يظن أنه قراصنة الصحف و نقد الإنقاذ بالطريقة القديمة ذاتها و أنه (في زمن ما) كان أحد منسوبيها ، يتعب نفسه بقصة (شاب ما) خرج و تنزه في (يوم ما) في (سنة ما) في (مكان ما) ليتلقط صورته (شخص ما) و قام بنشرها لإيصال (رسالة ما) ..
أيها العووضة .. سقطت سقوطاً مريعاً و تحولت إلى (كاتب ما) ..


ردود على جااااكم
United States [فارس عبدالرحمن] 06-02-2013 05:37 PM
للاسف انت قريت الموضوع ولم تفهم المغزى

[واحد] 06-02-2013 03:17 PM
بس المشكله انو شاب ما ده ابوه مرسل اولاد الناس للحرب وبشتم وبقول للاخرين انتو ما نافعين والحسو كوعكم


#685552 [sul.dafa]
4.00/5 (3 صوت)

06-02-2013 12:09 PM
لا نقول الا حسبنا الله ونعم الوكيل


#685538 [ود الحاوي]
4.50/5 (2 صوت)

06-02-2013 11:59 AM
تص=ق او لا تصدق يا عووضة فالحال من بعضه .. فهذه جنتهم في الدنيا .. و هنالك من تقل لهم هل من مزيد .. هل من مزيد !!!!


#685526 [توفيق صديق عمر]
1.75/5 (3 صوت)

06-02-2013 11:50 AM
طيب اذا اعتبرنا انو الوجه قد تم دبلجته
طيب الاوااااااااكين ديل
برضو تم دبلجتهم


#685488 [عواد]
3.00/5 (2 صوت)

06-02-2013 11:18 AM
بلد ما فيها الهندي يقدل فيها غووضه،،،،!


#685480 [sudani]
4.88/5 (8 صوت)

06-02-2013 11:09 AM
الرائع صلاح عووضة
ودعاية زيت صباح والزوج يرد علي زوجنه البامية ماياها ويناصره اولادة بمقولة البطاطس ما مقرمشة وفيعا زيت وتردالزوجة ( المقادير ياها والبامية ياها وطريقتي ياها وبرضو كمان الزيت العادي )
اها ياصلاح
الولد ياهو والوالد ياهو واليخت ياهو والساحل ياهو بس ( وش البامية ماياهو ) دي ماسنجر عديل كده


#685477 [ابو النيل]
1.00/5 (1 صوت)

06-02-2013 11:05 AM
كسير تلج


ردود على ابو النيل
European Union [مهندس] 06-02-2013 07:54 PM
السلام عليكم و رحمة الله و بركاته


اذا كان دا فهم ابوالنيل فهم النيل يكون كيف...

امشي رجع المدرسة...

اللهم يحفظك و يرعاك

مع السلامة

[ABUSHAWARIB] 06-02-2013 01:03 PM
يا أخينا لو ماناقش ما تكحل ... بتعميها

[tarek] 06-02-2013 12:30 PM
ما فهمتو يا ابو النيل

[واحد] 06-02-2013 12:18 PM
ده ما كسير تلج ده قمة = الجضيم = لنافع . تفتكر كان الصوره مفبركه النافع ما كان فرك ناس الراكوبه وخلطهم بالخلاط

United States [الغضنفر] 06-02-2013 11:29 AM
يا ريت يا أستاذ ابو النيل تفهم ما بين السطور ثم تعلق+++++++++++


#685475 [يحيي العدل]
5.00/5 (4 صوت)

06-02-2013 11:05 AM
فظيع يا ود عووضة
وفنان بتاع إثبات بنفي النفي


ردود على يحيي العدل
European Union [كركبه شديده] 06-03-2013 05:19 AM
يحيا العدل


#685447 [ابوالمكارم]
5.00/5 (1 صوت)

06-02-2013 10:47 AM
يا ود عووضة حررررررررررررررررررام ده شكل تشبهو بانجال الوليد بن طلال الاتدرى انهم خلطة زبده بالعسل الله يحفظهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!


#685446 [حزب اللواء الابيض]
0.00/5 (0 صوت)

06-02-2013 10:46 AM
السادة موقع الراكوبة
لكم كل الود والتقدير
نأمل منكم نشر البيان الذى اصدره حزب اللواء الابيض مساء امس ولقد حاولنا ارساله من خلال الرابط الخاص براسلنا الا اننا لم نتمكن ، نتمنى ان تنشروه عبر صفحة الموقع الرئيسة ولكم فائق الشكر والتقدير

نص البيان:

بسم الله الرحمن الرحيم
حزب اللواء الابيض
بيان هام
وماذا بعد الحريق
الى جماهير الشعب السودانى الصامد والذين يتابعون تزايد جراحات الوطن وتمدد ابعادها حتى كادت ان تغطى كل الرقعة الجغرافية المعروفة له .
ان ماحدث مؤخرا من انتشار الحريق ووصوله الى مناطق واقاليم كانت تنعم بالسلام مؤخرا وماتشكل من ارهاصات الان عن انتقال هذا الحريق الى شرق السودان ومايتزامن مع ذلك من تغييب للحقائق ومايمارسه الاعلام من تدليس وقلب للحقائق جعل المواطن السودانى بعيش فى حالة من الجزع والخوف لما قد تأتى به مقبل الايام .
يرى حزب اللواء الابيض ان كل مايحدث الان يعتبر نتاج طبيعى لسياسات حكومة المؤتمر الوطنى القاصرة والتى دأبت على معالجة ازمات البلاد بصناعة المزيد منها وذلك من خلال فقدانها للرؤية الراشدة فى التعاطى مع قضايا البلاد وازماته وفقدانها الرغبة الحقيقية فى الحفاظ على تماسك ماتبقى من السودان .
ان اخفاقات نظام المؤتمر الوطنى تتجلى فى الفشل الذريع فى ايجاد المعالجات اللازمة للازمات المتتالية التى تحيط بالبلاد وامنها القومى ويقيننا انها نتجت عن الضعف والفشل الذى اصاب مؤسسات الدولة القومية واتباعها لسياسات تقريب الموالين وابعاد الكفاءات والخبرات التى تتميز بالوطنية الصادقة عن مواقع العمل العام ومواقع اسداء النصح والارشاد .
ان استمرار هذة الاوضاع على ماهى عليه الان ستقود البلاد الى التشظى والتفكك والدخول فى المجهول الذى يصعب الخروج منه .
عليه يرى حزب اللواء الابيض ان يعمل نظام المؤتمر الوطنى الحاكم الرؤى والاستماع لصوت العقل والوطن والابتعاد عن سياسة اللاحلول والمسكنات السياسية التى لاطائل منها وعليه ان يستدعى ابناء الوطن وكافة اطيافه السياسية للوصول الى ارضية مشتركة تتمثل فى تشكيل حكومة انتقالية تعمل على تحقيق تطلعات الشعب السودانى المتمثلة فى :
1/ تأسيس اركان الحكم الراشد .
2/ تحقيق العدالة الاجتماعية.
3/تحقبق العدالة الانتقالية.
4/ محاسبة المفسدين واسترداد الاموال المنهوبة .
وعاش الشعب السودانى عزيزا مكرما
حزب اللواء الابيض
الخرطوم
1/6/2013


#685406 [الدندور أبو عوه]
3.00/5 (2 صوت)

06-02-2013 10:02 AM
سبحان الله يا عووضه هنالك ملايين الصور لابناء الانقاذيين المعفنين هل هي مدبلجه أو فوتو شب هل قصور نافع وأبنائه فوتوشب هل قصر البشير ومسجد العارف بالله حسن أحمد البشير ولا ندري مدي معرفته بالله إذا بني بإسمه مسجدا جمع ماله من حرام من عرق الشعب السوداني وفجأة أصبح عارفا بالله وما أدراك عن شركات إخوان البشير وعمه عضو إتحاد المزارعين الشيوعيون صديق أحمد البشير وآمل أن لا يصبح عارفا بالله بعد مماته وأن يدفن بمقابر العارفيين بالله بقرية صراصر . وبقية العقد الفريد أحمد ابراهيم الطاهر وبكري وعبدالرحيم وأمين وما أظنه أمين في شيء ومحمد حسن ابو لبانه ومصطفي اسماعيل وشركاته بكوريا وابو الجاز وما أدارك بابو الجاز الذي جمع فأوعي والطابور طوويـــــــــــل يل يا عووضه وشوفو غيرها فالانقاذببن حراميه وأبناء حراميه وكلاب وأبناء كلاب .


ردود على الدندور أبو عوه
European Union [مهندس] 06-02-2013 08:00 PM
يا الدندور لم تفهم المغزى من المقال



الله يحفظك
مع السلامة

United States [جاااكم] 06-02-2013 12:29 PM
و لك مثلها ..

United States [ياسر المريود] 06-02-2013 11:49 AM
يا الدندور يا اخوووووي

شكلك لم تفهم المقال جيدا ... ولم تستدرك ما يعنيه الكاتب
أن الاستاذ صلاح الدين عوّوضه قصد بالضبط كل ما اشرت اليه من فساد نافع وبقية العقد الفريد امثال أحمد ابراهيم الطاهر وبكري وعبدالرحيم وأمين حسن الخ القائمة المحتشده بالفاسدين.

فهو مستغربا اكثر منك لذلك البذخ والترف الذي يرفل فيه محمد ابن نافع علي نافع ..!
ولعل استنكاره الواضح في جملة (في حاجة كده ما يّاها!!).. قصد منه مزيدا من التعرية والفضح لرموز الانقاذ جميعا ونافع (اللّميض) علي وجه الخصوص .. الذين يدعون الورع والزهد في نعيم الدنيا الزائل ..!

لقد عودنا الاستاذ صلاح الدين عوّوضه علي كتاباته الثائرة ضد الظلم والقهر .. باسلوبه الجميل السلس المميز .. فاللرجل (من اجل الوطن واهله البسطاء) ثارات وثارات مع دجالّي المشروع الحضاري .. لصوص الانقاذ

حاشية:
قد اتفق معك بشان لصوصية رجال الانقاذ ... لكن لا نتفق ابدا بشان لصوصية ابناءهم وانهم (كلاب) ... اتمني تكون فهمت ما اقصد

تقبل احترامي .. والسلام


#685398 [الفلاتى]
5.00/5 (5 صوت)

06-02-2013 09:56 AM
اما اللون والشعر فقد يكون لاحد القراصنة الصوماليين


ردود على الفلاتى
United States [abdelmageed] 06-02-2013 11:36 AM
يا جماعة الولد دا ما مواخذ هو قام لقي ابو لحف و لبع ,



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة