الأخبار
أخبار إقليمية
في تصعيد لافت بالسيخ والهروات ..طلاب حزب البشير ينفذون قرار حظر نشاط طلاب الجبهة الثورية بجامعة الخرطوم.
في تصعيد لافت بالسيخ والهروات ..طلاب حزب البشير ينفذون قرار حظر نشاط طلاب الجبهة الثورية بجامعة الخرطوم.
في تصعيد لافت بالسيخ والهروات ..طلاب حزب البشير ينفذون قرار حظر نشاط طلاب الجبهة الثورية بجامعة الخرطوم.


06-04-2013 05:07 AM
الخرطوم: محمد الفاتح

أصيب أكثر من (10) طلاب بإصابات متفاوتة جراء أحداث عنف طلابي أمس بمجمع شمبات بجامعة الخرطوم بين طلاب ينتمون إلى حركة عبد الواحد محمد نور وطلاب المؤتمر الوطني.

وقال شهود عيان - إن مجموعة من طلاب المؤتمر الوطني، مسلحة بالأسلحة البيضاء والسيخ اعتدت على منبر طلابي لطلاب الجبهة الشعبية المتحدة، الفصيل الطلابي لحركة تحرير السودان، والتي يتزعمها عبد الواحد النور، وأضافوا: لقد وقعت اشتباكات بالأسلحة البيضاء في حرم كلية الزراعة بمجمع شمبات جامعة الخرطوم، مما أدي إلى جرح أكثر من عشرة طلاب من الطرفين، و أشاروا إلى احتشاد العشرات من طلاب وكوادرالمؤتمر الوطني بعد عمليات كر وفر بين الطرفين، ومحاصرة داخلية الطلاب بشمبات التى يتحصن فيها طلاب الجبهة الشعبية المتحدة، وأوضحوا أن عناصر الأمن و قوات الشرطة تتمركز خارج الحرم الجامعي بالاتجاه الغربي من الداخلية، إلا أنها لم تتدخل، وكشفوا عن اعتقال جهاز الأمن لمجموعة من الطلاب لم يعرف عددهم.

يذكر أن الاتحاد العام للطلاب السودانيين(الحكومي)، كان قد أصدر بياناً بحظر نشاط التنظيمات الطلابية التي تدعم الجبهة الثورية في الجامعات السودانية، الشيء الذي رفضه طلاب التنظيمات السياسية بالجامعات.

الميدان


تعليقات 10 | إهداء 0 | زيارات 6811

التعليقات
#688055 [الحقيقة مرة]
0.00/5 (0 صوت)

06-05-2013 06:59 AM
ان الذين يجعلون الثورة السلمية مستحيلة يجعلون الثورة العنيفة ممكنة ~ جون كيندي


#687969 [mohamed yousif]
5.00/5 (1 صوت)

06-05-2013 12:12 AM
اولا دى بداية الصوملة اللى خايفيين منها وإذا كان المؤتمر الوثنى مصر على تكبره وظلمه للاخريين إنشاءالله يبقى صومال جديد وكل قبيلة شايلة سلاحها
ثانيا حكاية الطابور الخامس دى عايزين تكسبو بيها الراى العام وتسكتوا بها الافواه المعارضة ولو رجعنا لحقيقة المعنى للطابور الخامس لوجدناكم ياناس المؤتمر الوثنى انتم الذين تنفذون خطط الاعداء وتحطمون السودان وقسمتوه وبيعتوه وللاسف تظنون انكم تحسنون عملا


#687949 [isic]
5.00/5 (1 صوت)

06-04-2013 11:37 PM
ياطلاب النشاط الطلابي حق مكفول للجميع لذا إذا هنالك إنتقائية لبعض الطلاب من ممارسة نشاطهم عليهم منع إي نشاط يقام ولو بالعنف نكرر للمرة التريليون ياطلاب وطالبات دارفور إنتقموا لأهلكم بإستخدام إي أسلوب ترونه مناسباً.


#687891 [باريس]
5.00/5 (1 صوت)

06-04-2013 09:51 PM
دور اتحاد العام للطلاب السودانيين ليس دور تفيذي في اصدار القرارات بايقاف التنظيمات الطلابية وانما تنظم النشاطات الطلابية المختلفة لكن الذي يحدث في الاتحاد العام واضح كوضوح الشمس تدخلات في حق ممارسة الطالب حقوقه المشروع من مطالبات وغيره


#687613 [nagatabuzaid]
5.00/5 (1 صوت)

06-04-2013 03:18 PM
شوفوا يا اولاد الجامعات دى المرة الثالثة والاخيرة انصحكم فيهاوبعدها لا عزاءعلى من لا

يسمع قلت ليكم اسمعوا كويس جداجداجدا تسلحوا بكل انواع الاسلحة بيضاء حمراء بنفسجى

والنارية بانواعها مع البونية والبوكس والشلوت ولا توقفوا انشطتكم الجامعة ملك السودان

والسودانيين ما ملك ابو اى واحد فيهم او اسيادهم المتنفذين لم يرثونا وماعندهم ميراث فينا


او معانا لانهم كلهم ملاقيط شى صومال وارتريا ونيجيريا وشناقيط وحلب وموريتانيا واريتريا

اضربوا من طرف لما يهبشوكم ومن قولة تيت ضرب طوالى والبنات مافى دارفورية بتقول اه ولا

سجمى زغاريد توقف الخرطوم قرون قرون حماس لاخوانكم ورعب لاولاد حلاوة قطن حتلقوهم فى خبركان

اما عن العذر بان جماعة المؤتمر الوطنى تجمعوا ده عذر خايب انتم كمان خلوا جماعة معاها

خيول اثنين ثلاثة يقتحموا موقع الاعتداء خيل يجقلبوا وجماعتكم حيجقلبوا ولا شنوا يااولاد


دارفور دى اخر وصية اوصيكم ليها تانى كان ضبحوكم قدامى ما بتلفت عليكم


ردود على nagatabuzaid
[فادي الوطن بروحه] 06-04-2013 11:58 PM
كترت الطلة بتمسخ خلق الله يا ناقة أبو زيد - خفي شوية. اقسم بالله العظيم انني لست (منهم) و اكرههم كما يكره الله الكفار فأرجو أن لا تذهبي هذا المذهب وتصفين بالجداد الالكتروني - العبارة التي أصبحت تلكوها السن بعض معلقي الكي بورد Key Board بالراكوبة و لك العنبى حتى ترضي يا أختاه.


#687610 [alwadah]
0.00/5 (0 صوت)

06-04-2013 03:14 PM
اذن يا اتحاد وانتو ما واعيين لانه كونكم تفرحو لي انه النظام اداكم مهام لا علاقه لكم بها وترتضوا تنفيذها كمان اكبر دليل علي كم هائل من الخراب سوف ياتي علي الجامعات خلاف المسالب السياسيه . ومن هسه انا ببشركم بحركه اخري مثل حركة نور . ولا اعتقد انه تخفو الاسباب عليكم . وتجربة نور لم يمضي عليها كثيرا من الزمن


#687529 [المتمرد الحر]
5.00/5 (1 صوت)

06-04-2013 01:52 PM
النظام يريد تقفيل الافوه للحركة الطلابية عشان يدارى الهزائم المتكررة فى المعارك العسكرية فالكيزان لا يجيدون شئ من الحوار


#687265 [جركان فاضى]
5.00/5 (2 صوت)

06-04-2013 09:48 AM
كفاية مظاهرات وخطابات فانت لاتستطيع اخذ حقك من الانقاذ الا بالسلاح


#687217 [ود البلد]
5.00/5 (1 صوت)

06-04-2013 08:58 AM
... ناقصين نحن ما كفاية البلد فيهو .. العنف الطلابى مرفوض مرفوض ....
المحافظة على استقرار العام الدراسى والعملية الاكاديمية له الاولوية وبعدين يجب ان نفرق بين الطلاب السياسيين والطلاب اولاد الناس الجاين للقراية وما شغالين بمن يعارض او بمن يحكم .. ديل خليهم فى حالهم .. احترام اعضاء هيئة التدريس والاداريين وان لا يمسهم مكروه او تطالهم سيخة ولا ملتوف ولا طوبة طايرة كمان الحفاظ على ممتلكات الجامعة والمرافقة العامة لانها ملك للشعب وما فى اى داعى للتخريب .. ويجب ان يكون هنالك مساحة لابدا الراى والراى الاخر .. وكمان خلو الناس تنفس شوية .. ومبدأ التناصح موجود ومهم جدا ... نسا الله ان يحفظ جامعة الخرطوم وطلابها واساتذتها وادارتها


ردود على ود البلد
European Union [جاد كريم] 06-04-2013 07:04 PM
العنف الطلابي مرفوض .. لكن النشاط السياسي مطلوب بل يعتبر من الحقوق الاصيلة للطالب الجامعى
الاولى انك كنت تدين الجناة بصورة صريحة بدل الغتغتة دي ومسك العصاية من النص ..الجناة هم الكيزان -كالعادة- بسيخهم ورصاصهم وكلابهم !!

بعد ذُلّ وهوان ربع قرن ..الناس وصلت لحقيقة واحدة: السودان للسودانيين ، مش للكيزان !
حيكون اقصاء كااامل .. وبتر كااامل لكل ما يمت بصلة للحرامية تجار الدين!!
لن يكون لكم اي مكان فى السودان .. ستفصلوا من اعمالكم وتبعدوا عن دياركم ..وسوف تتشردوا فى منافى الارض ان لقيتم من يرضون بوجودكم !!
وتأكدوا يا كيزان فى سبيل تحقيق القصاص العادل لكل الجرائم الارتكبتوها وكان ضحاياكم كل افراد وفئات الشعب السوداني .. سنذيقكم جرح بجرح .. وقتل بقتل .. وتشريد بتشريد !!
ولن يعرف قاموسنا مقولة: (عفا الله عما سلف )
الحساب والمحاسبة .. ولا غير


الا.. من آمن وتاب وعمل صالحا" للشعب السوداني الأبي

[nagatabuzaid] 06-04-2013 02:55 PM
انت زى البتتكلم عن المدينةا لفاضلة جامعة الخرطوم ياااااااااااا حليلة ويااااااااحليلة

وياااااااحليلة زمن كانت جامعة الخرطوم اكنت وكت يقولوا ليك مجلس الاساتذة انعقد

واتحاد الطلاب قرر لا تجد الا السمع والطاعة جامعة الخرطوم لمن طلعت يتقدمهم الاساتذة الاجلاء

كالبحر الهادر وقابلهم بحر هادر من جامعة القاهرة فرع الخرطوم ومن المعهد الفنى (جامعة السودان حاليا ) ومعهن العظيمات ذوات الثياب البيض سقطت الحكومة العسكرية التليعة المنيعة
الان جامعة الخرطوم اساتذتها ومديرها ونائبة مديرها مؤتمر وطنى جمعيهم اتحاد الاذناب

مؤتمر سجمى اها مالكم شنو ليكم طوالى يا طلاب تسليح بكل انواع الاسلحة ما تهبشوهم وما

توقفوا انشطتكم وما تهبشوهم كان هبشوكم اهبشوهم بمثل ما هبشوكم به مثال : جرحوكم

شلخوهم ولا تبالوا كل انواع الشلوخ الموجودة على الارض السودانية


#687163 [ود الأقالــيم]
5.00/5 (4 صوت)

06-04-2013 07:33 AM
سؤال بسييييط...لماذا لا يتوجه الطلبة الكيزان لاب كرشولا ويمنعوا الثوار من التقدم ؟ لماذا اظهار الرجالات الفارغة في ردهات الجامعات ؟ الا تريدون الحور العين يا كيزان؟؟...حيا على كرشولا حتى تتم الكرششششلة....تكبير...


ردود على ود الأقالــيم
United States [khairbarakat] 06-04-2013 07:26 PM
يا عثمان حسن أنت ما عايز الحور العين؟ خليهم طلاب المؤتمر الوطني للطابور الخامس زي ما قلت ويلا حصل الحور العين عساك تلقى واحدة لأن الماتو كثيرين أمشي كابس معاهم لو تلقى واحدة من الحور العين يلا أسرع حصل يا خبل طوووووووووووووووووووووط ... تف عليك يا مأجور

European Union [عثمان حسن] 06-04-2013 04:29 PM
الاجابه ايضا بسيطه الطلبه لن يتوجهوا لابكرشولا حتي يزدادوا علما واذا ما رفع الطابور الخامس راسه قاموا قومة رجل واحد فجعلوه عصفا ماكولا

United States [nagatabuzaid] 06-04-2013 02:59 PM
اهم انواع يا ود الاقاليم النوع العايز الحور العن ابو كرشولا طوالى


النوع العايز الجنيات بنات الشواطين والكوش ديل تخصص الجامعات



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة