الأخبار
أخبار إقليمية
الكاروري يدعو لمقاطعة شراء الملابس من (سعد قِشرة)
الكاروري يدعو لمقاطعة شراء الملابس من (سعد قِشرة)
 الكاروري يدعو لمقاطعة شراء الملابس من (سعد قِشرة)


06-04-2013 06:48 AM
الخرطوم: رقية يونس
دعا المفكر الإسلامي د/ عبدالجليل النذير الكاروري إلى ضرورة مقاطعة شراء لبس الشباب من سوق سعد قشرة، وعزا ذلك إلى أنه كلما سأل أحدهم من أين أتيت بهذا اللبس فيجيب (من سعد قِشرة)، وأضاف على الرغم من أنه لبس طويل ومستور إلا أنه كاسٍ عارٍ يظهر المفاتن والعورات.
وطالب الكاروري لدى حديثه في "منتدى المعرفة" أمس بضرورة أن تحاكم التجربة الحكومية على أساس العدالة الاجتماعية باعتبارها المحك الرئيسي في الإسلام، وأقر أن الحكومة أخفقت في توفير السيولة على الرغم من توفيرها للسلع التي تعمل على زيادة التنمية، مؤكداً حدوث نهضة اقتصادية في البلاد، ومن بركاتها ظهور (البترول والذهب)، وعاب على الدولة عدم المحافظة على جنوب السودان الذي انفصل. مؤكداً أن مشكلة القمح في مصر ليس لديها حل سوى السودان، مشيداً بتجربة الزكاة وتطبيقها الصحيح في البلاد ما جعلها دولة مثالية، وأرجع ذلك إلى أنها تجمع 15 ألف رأس من إناث الأبل وتردها إلى ملاكها، داعياً إلى ضرورة الفصل بين السلطتين ـ الدين والدولة ـ بصورة مثلى، باعتبار أن الدين يعتمد على الإمامة التي يثني عليها ولا تهدد بالنزع، وأن الدولة تعتمد على الحكم المهدد بالنزع ولا يثني عليه، لتشخيص مصلحة النظام، وانتقد أشخاصاً ـ لم يسمهم ـ في الحركة الإسلامية أرادوا دمجها في الحكومة ليصبحوا في مناصب السلطة بعيداً عن الإرشاد والهداية.

السوداني


تعليقات 32 | إهداء 1 | زيارات 9842

التعليقات
#688420 [lahib al shooq]
1.00/5 (1 صوت)

06-05-2013 01:45 PM
يااخى نحنا مالنا ومال مصر كنا اوليلاء عليهم ياخى امشي شوف ليك غرفه واقعد فيها بدل الخرف البتقول فيهو ده .. بالله عليكم الله ده شيخ موضوع سعد قشره ده ما همانى بقدر موضوع القمح فى مصر وحلو فى السودان اذا كان ديل شيوخنا مش السودان ليهو حق يكون بلد فاسد وظهور المثلييين وباقى العفن ده كلو بسبب هؤلاء المتاسلمين راسك تقول فيهو قش


#688119 [nawal]
1.00/5 (1 صوت)

06-05-2013 09:08 AM
أي شيخٍ هذا الذي يريد فصل الدين عن الدوله هذا يعني إنه يطالب بالعلمانيه والانكباب على الدنيا ، والانشغال بشهواتها وملذاتها ، وجعلها هي الهدف الوحيد في هذه الحياة ، ونسيان الدار الآخرة والغفلة عنها يا شيخ إتقي الله فينا! هل يستحق أن يقال عنه مفكر إسلامي وهل كل من لبس عمامه هو مفكر إسلامي .


#688042 [زول من كمبو كديس]
1.00/5 (1 صوت)

06-05-2013 04:50 AM
فصل الدين عن الدولة،الزول ده جادى ولا كلام خرف؟
افصل الدين عن الدولة،ولو فى خيالك واحد مرة،
جرب و شوف الوطن كيف حا يصبح وطن و يسع الجميع،
دولة الحقوق و المواطنة،الجميع متساوين فى الموطنة،الحقوق و الواجبات،
وطن يسع الاسود و الابيض،الدينى و اللا دينى،الجنوبى و الشمالى، البجاوي ،الجعلى،الزقاوى،الشايقى،الغرابى،النوبى و النباوى،وطن يسع المسيحى و المسلم،يسع للصغار و الكبار،..وطن لا يوجد فيه موطئ قدم للعنصرية،لا دينية،لا عرقية،لا جهويه لا جندرية،لا مكان للدكتاتورية و الشموليه،و الولاءات العمياء الممزوجة بحالة اللا وعى،وطن و مواطنين اسياد نفسهم،لا يدينون لبيوتات و لا يألهون غيرهم،وطن يختار فيه الشعب من يوليه،يحاسب كل من تلاعب بثقة الناس فيه،و الفيصل يكون القانون،و لا للمحابا لا للمحسوبية ،العبئ الثقيل على دولة الموطنة حا يكون مراكز و معسكرات إعادة تأهيل امثالكم حتى تعودا صالحين للحياة الحضرية و لتفادى حالات التفلت من المهوسين جنسيا و عنصريا،حتى لا تمتلئ السجون بمرتكبى جرائم الإغتصابات و المتحرشين بالاطفال و لنوجد بيئة صالحة للمواطنين للتعايش و آمنة من كل المهددات الإجتماعية الشاذة،للحفاظ على النسيج الإجتماعى صحيح و معافى ..وطن للجميع ،حلم ،سودان جديد،فجر جديد،لا فيه سيد لا مسيود،لا عبد لا معبود غير الواحد الاحد،
جرب و افصل الدين عن الدولة،و لو فى خيالك واحد مرة..


#688003 [بت ملوك النيل]
1.00/5 (1 صوت)

06-05-2013 01:13 AM
ده مفكر!!!!

دايرنا نمشى عرايا

عشان دفع الله يلقى موضوع

دى تلقاها عند الغافل

بمشى و بمشى و كان راجل الحقنى

عشان اوريك المكشن بلا بصل

والله انت طاعم بشكل!!!!!!!!!!!!!!!


#687968 [omer ali]
5.00/5 (1 صوت)

06-05-2013 12:12 AM
ابتلانا رب العباد بشيوخ يعيشون ويقبعون في مراهقة ارزل العمر لاحيث لهم سوي النساء وطهورتهم وملبسهم وكشف عوارتهم ودلكتهم وخمرتهم

وزاد الطين بله اهتمام هذا المراهق المعتوه الكاروري باسعاد ورفاهية الشعب المصري ووعدهم وكرر وعده بمنحهم ارض السافل اي الشماليه ليستوطنوا فيها وانه لا حل لمشاكل مصر سوي زراعة القمح في السودان

لم اسمع لهذا الشيخ المعتوه يتحدث عن حل مشكلة العطش في شرق وغرب السودان وحلولها
لم يتطرق هذا المراهق السبعيني لمشاكل الجوع وسؤ التغذيه في كل اطراف السودان وبالذات في شرقنا الحبيب وانتشار وباء السل الرئوي
لم يذكر شئ عن معسكرات اللاجئين ومعاناتهم في دارفور وتشاد
لم يناقش هذا الندل زيادة عدد الوفيات بين اطفال السودان بامراض يسهل وعلاجها والحل الناجع لها

وماذا عن مشكلة البطاله وسط خريجي الجماعات في السودان

وماذا عن مشكلة غلاء المعيشه وعيشة الضنك التي يرزح تحتها شعبنا والتفكك الاسري الذي نتج عن ضنك العيش
كل هم هولاء الاقزام وشغلهم الشاغل لهم هو النساء واسعاد مصر وشعبها علي حساب شعبنا وارضنا وعرضنا
لعنة الله تخشاك يا كاروري ,,,اللهم يارب العباد سلط علي هذا الكاروري وامثاله كل غضبك وارنا فيهم شدة باسك وجبروتك في الدنيا قبل الاخره
امين يارب


#687948 [???]
5.00/5 (1 صوت)

06-04-2013 11:36 PM
الامو عريانه مابلبس خالتو


#687820 [ابو نصر الشمالي]
5.00/5 (1 صوت)

06-04-2013 07:43 PM
بس لما نلهط زيكم ح نشتري من ماليزيا ياشيخ


#687765 [ياسر]
5.00/5 (1 صوت)

06-04-2013 06:21 PM
لماذا لاتقول امنعوا استيرادها او اوقفوها في الميناء؟ السبب معروف لأن معظمها يدخل بدون جمارك تحت مسميات الزواج الجماعي الخيري أو المنظمات الانسانية الكيزانية وهي معفاة من الجمارك ياحاااااج اتق الله


#687706 [حسون الشاطر / دنقلا]
0.00/5 (0 صوت)

06-04-2013 04:57 PM
و هو مالو الثقيل ده , يلبسوا شنو وألا مايلبسوا حتى , خليك يا شيخ في حركاتك دي لامن تنقلب و تقوم تنطط و تبلع كلامك .

يجب على تجار سعد قشرة مقاضاة هذا الشيخ الخرف , عشان يتأدب و ما يقول كلام فارغ و زي مابيقول المثل دق القراف خلي الجمل يخاف ( عشان شيوخ الدين يتأدبوا ويبطلوا قلة الأدب ) ولسسسسة ما جاكم بتاع الختان والعفنة والستعداد للحرب بالنكاح , شيخ سفاهو وقباحة وبلادة .


#687686 [سوداني يغلي]
5.00/5 (2 صوت)

06-04-2013 04:31 PM
من قال انت مفكر اسلامي ؟ كاذب 100% // أنت بينك وبين المفكر الإسلامي خطان متوازيان ،،، نام ولا توهم نفسك !!!


#687670 [أبوالكجص]
3.00/5 (1 صوت)

06-04-2013 04:19 PM
مخرف ....... يعني لو الناس سمعو كلامك وقاطعوا الشراء من سوق سعد قشرة فمثل هذه الملابس ممكن يلقوها في سوق تاني ... شكلك كدا يا كاروري عايز ليك موضوع لزوم الجرجرة والتطويل لإلهاء الناس عن قضايا أكثر أهمية من هذا الموضوع السطحي. يعني بالواضح كدا داير تجدد هذه المقاطعة كل فترة من سوق لي سوق.


#687588 [Emesary]
2.00/5 (1 صوت)

06-04-2013 02:55 PM
فصل الدين عن الدولة دي مش ياهو العلمانية ؟ طيب يا (ابو الكر) قاعد مع الجماعة ديل ليه مش الاحسن ليك تلحق الجبهة الثورية قبال ما ناس نافع يحسوا بعلماني قاعد وسطهمويقوموا يعدموك الحياة ؟ واللا الكلام دا من تداعيات التصعيد الاخير وحوامة الجماعة حول الخرطوم !!!


#687563 [سلافة]
0.00/5 (0 صوت)

06-04-2013 02:27 PM
وما سألت نفسك قبل الله يسألك قروش البترول والدهب دى مشت وين؟
وهل نال اصحاب الحق من المسلمين الذن يموتون كل يوم بالسرطان وامراض سوء التغذية والفشل الكلوى نصيبهم؟
هل نال فقراء المسلمون الذين يبيتون واطفالهم جوعى ( هل جربت ذلك يا فضيلة الشيخ؟) نصيبهم من تلك الثروات؟
هل تحققت العدالة الاجتماعية لتثنى على مؤسسة الزكاة التى يعرف الجميع ان معظم ما تحصله يذهب للعام لين عليها ودعم القنوات الفضائية الوهمية التى يملكها ناس المؤتمر الوطنى؟

هل عندك خبر بالمواطنين الذين يعيشون او في الحقيقة يموتون فى المعسكرات فى السودان وخارجه بعد ان دمرت قوات الحكومة واحرقت قراهم ومحاصيلهم؟ هل عوضتهم الدولة او مؤسسة الزكاة ولا (العوض) على الله؟!

هل سمعت بالحديث: الساكت عن الحق شيطان اخرس؟
ولا ياهو دة (حقك)؟


#687520 [ابوايمن الحلاوى]
0.00/5 (0 صوت)

06-04-2013 01:45 PM
الزول دا يمين الله خرف تب ؛ساب طريق الله وبقى افتش فى عورات الناس وراء الهدوم!! عجبى لهذا المطوع....


#687517 [ابوايمن الحلاوى]
5.00/5 (1 صوت)

06-04-2013 01:43 PM
هووووووووووى يامطوع احسن ليك خليك مع جماعتك ومحل ترطيبتك ؛ كدى صور لينا اولادك و خلينا نشوف لابسين من وين؟؟؟ ونحن الحواته نلبس زى ماعايزين وزى ماحلقتو لينا تعالو لبسونا!!. مسخره وافتاء خرف فارغ. وانت لو غضيت طرفك كما يامرك دينك اكيد ماتحشوف العورات.. ولو كترتو حنعمل زى ماعملت المصريه والتونسيه ومن راقب الناس مات هما::::::


#687508 [wallo]
0.00/5 (0 صوت)

06-04-2013 01:31 PM
وفي عبايات وملابس شرعية بيشتروها برضو من سوق سعد قشرة، ولا داير الناس تشتري ملابسها من الواحة مول؟


#687500 [النور]
5.00/5 (3 صوت)

06-04-2013 01:24 PM
لو كان السودان في وضع طبيعي لما سـمع أحد بهذا الكاروري ولكن البلد في مصـيبة والمصائب تتيح لمثل هذا السافل أن يتكلم وينفث هزرا وقذرا!! قبحك الله يالص يادنئ..


#687455 [أبوهاني]
0.00/5 (0 صوت)

06-04-2013 12:38 PM
إنت ياالكاروري أولادك بشتروا الملابس من أين أكيد من أوروبا ياخي حتى المساكين البشتروا من سعد قشرة تحاولوا تحاربوهم وتمنعوهم من الشراء ياخى ما حرام عليكم إلى متى في النفاق والتضليل باسم الدين خلاص الناس ضاقت منكم ومن أفعالكم .


#687439 [osama dai elnaiem]
5.00/5 (1 صوت)

06-04-2013 12:25 PM
(ومن بركاتها ظهور (البترول والذهب)-- وماذا بشان اغتصاب الاطفال وتزايد سكان ( ملجا المايقوما)وصراع الاخوان في كراسي الحكم الي حد اشهار السلاح وتحريك الدبابات واتساع رقعة الحرب حتي وصلت امروابة------ شيخنا الحقيقة لا تتجزا فاما ان تقولها كاملة او لتصمت عنا جزاك الله خير!


#687370 [الهمبريب]
0.00/5 (0 صوت)

06-04-2013 11:28 AM
كلام الطير فى الباقير اخوانا الزول دا فاكر نفسو هو مهاتير محمد؟-استمعت ليه فى خطبه جمعه كدا على الاذاعه-بصراحه عندو مشكله فى مخرج حرفى القاف والغين بيخلط بيناتهم مثل عامه المتحدثين مع انو خطيب مسجد


#687368 [هبهانة]
5.00/5 (1 صوت)

06-04-2013 11:26 AM
هو الشباب لاقينى ياكلوا لمن يمشوا يشتروا من سعد قشرة ولا إحتمال قاصد بى الكلام دا وداد ولا اولاد نافع ولا منو ياربى؟


#687305 [سوداني]
5.00/5 (1 صوت)

06-04-2013 10:30 AM
دجل الخرف بيعمل اكتر من كده


#687274 [Mohd]
5.00/5 (8 صوت)

06-04-2013 10:03 AM
(القمح في مصر ليس لديها حل سوى السودان)

وماذا عن مشكلة جوع الشعب السوداني في عهدكم المشئوم ايها الشيخ الحقير ؟

مالك ومال مصر هل نحن مسئولون عن مصر يا وضيع يا ذليل؟

وماذا عن شراء وداد بابكر للماركات العالمية ومن ماليزيا وابراج خليفة في دبي ؟

دا بتسميهو شنو في فهمك يا بو عقل نص كم ؟

عينكم في الفيل وتطعنوا في ضله

تطعنك حربة تدخل من راسك وتمرق بسرتك


ردود على Mohd
United States [حقنة] 06-04-2013 07:47 PM
هههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههاااا
هههههههههههههههههههههههههههههههههههههههههههههههههههههه
والله عجبنى موضوع الحربة ؟؟ دى حربة عايزة ليها وحشى جديد

[زرياب] 06-04-2013 07:15 PM
تطعنك حربة تدخل من راسك وتمرق ( بسرتك )...... كان تنزل شوية كمان لانه يستحق عود القذافي واطول منه بخمسين سم


#687240 [عبود حمزة]
0.00/5 (0 صوت)

06-04-2013 09:20 AM
الكاروري تقول مركب دش..كلام كتير و ملخبط و بعدين ايه المعني من محاربة عالم كبير في مقام الكاروري لسوق صغير مثل سعد قشرة..لماذا لا يوجه تعاليمه للحكومة لتكف عن اصطياد البشر و بتر انشطتهم السياسية و الاقتصادية....


#687231 [المتجهجه بسبب الانفصال]
5.00/5 (1 صوت)

06-04-2013 09:12 AM
داعياً إلى ضرورة الفصل بين السلطتين ـ الدين والدولة ـ بصورة مثلى، باعتبار أن الدين يعتمد على الإمامة التي يثني عليها ولا تهدد بالنزع، وأن الدولة تعتمد على الحكم المهدد بالنزع ولا يثني عليه، لتشخيص مصلحة النظام، وانتقد أشخاصاً ـ لم يسمهم ـ في الحركة الإسلامية أرادوا دمجها في الحكومة ليصبحوا في مناصب السلطة بعيداً عن الإرشاد والهداية.



الكلام ده لو قالوا أي واحد تاني مش مؤتمر وطني كان قامت عليهو الدنيا،،،، أما عبارة تشخيص مصلحة النظام فمعلومة من أين جئت بها يا شيخ،،،، أما حثك الشباب على عدم الشراء من سعد قشرة غير مقنع تبريرك له ويدل على قصور في فهم الحالة الاقتصادية التي قلت انها ازدهرت ببركة البترول الذي نسأل الله أن ينجدنا ويلحقنا في المرة القادمة بعد إعادة ضخه الذي ما وصل حيث خذلتنا بركته في المرة السابقة ولم نرى منه الا العداوات وتكويش فئة محددة لطلمبات البنزين وشركات البترول القطاعي وانت عارف كدة ،،،،

________
وانتقد أشخاصاً ـ لم يسمهم ـ في الحركة الإسلامية أرادوا دمجها في الحكومة ليصبحوا في مناصب السلطة بعيداً عن الإرشاد والهداية.


الكاروري هنا يحاول ان يلمح إلى ايجاد منصب المرشد الأعلى لثورة الانقاذ الوطني بدليل إيراده عبارات ( مصلحة تشخيص النظام)، و ( الدين يعتمد على الإمامة التي يثني عليها ولا تهدد بالنزع، ) و (دمجها في الحكومة ليصبحوا في مناصب السلطة بعيداً عن الإرشاد والهداية))، ورغم صحة ما أورده في الامامة الا أنه مجرد نقل من آخرين ليس جديرا بتبنيه،،،، لأن الفكرة الحقة يعيشها صاحبها ولا إمامة لساكت عن الحق ومؤيد لكذب الدولة وعنفها ،،، والله اعلم


ردود على المتجهجه بسبب الانفصال
United States [Almo3lim] 06-04-2013 08:14 PM
حريف و الله يا متجهجه (لقطها) !!!!!

مصلحة تشخيص النظام (جمهوري إسلامي سودان) ...

هي خطاهم وراء الشيعة تكشفها الأيام مهما أجتهدوا في (إخفاءها) ..

لعنة الله على المنافقين ..


#687205 [حاتم أب تفة]
5.00/5 (2 صوت)

06-04-2013 08:48 AM
المُفكّر الإسلامي؟!!!!!!!!


ردود على حاتم أب تفة
European Union [سلافة] 06-04-2013 02:30 PM
سبحان الله !
اى واحد قارى ليه كم كتاب وحافظ ليه كم حديث (ضعيف) بقى مفكر، ما نحنا هاملين اى زول يفكر لينا!

الله هونينى


#687189 [Artukaatand]
5.00/5 (3 صوت)

06-04-2013 08:27 AM
إلى متى يظل مثل هؤلاء المهرجون يستغلون وسائل فى توصيل الدجل والهرطقة بدل توصيل المعرفة
لعمرى لم اسمع بمصنع ملابس فى سعد قشرة ولكن نعلم أنها تطورت قليلا لتصبح من سوق عشوائي إلى سوق منظم قليلا.
لو كنتم تأخذونها من الأغنياء لترد إلى الفقراء لما كان أصبحت السودان بها أكثر من 90٪ تحت خط الفقر وبالمناسبة هذه تقرير الصندوق النقد الدولى ولا حاتقول السودان مستهدف فى إسلامه.
المصيبة الأكبر قال مفكر اسلامى قال.


#687188 [مشتهيه العرس ياحسب الرسول]
4.94/5 (8 صوت)

06-04-2013 08:20 AM
اشتريت تلاته اسكرتات وعبايتين من سوق سعد قشرة و3بلوزات من سوق 6 واشتريت تموت تخلي من سوق ليبيا و3 طرح من السوق الشعبي الخرطوم واشتريت عراريق دموريه لي الحاج من المرحوم كان قدرك هل اتصدق بالعبايات والاسكرتيات بتاعت سعد قشرة واشتري غيرهم من المول ولاكيف ماتجنوننا والله بعد نجيكم ام فكو يفككم الله انشاالله


ردود على مشتهيه العرس ياحسب الرسول
United States [زول من كمبو كديس] 06-04-2013 08:13 PM
انا ذاتى مشتهى العرس يا بت عمى،بس الله غالب،ناس مثنى و ثلاث و رباع ديل ما خلو لينا حاجة نعرس كيف؟كوشو على القروش و بقو ينقوا فى النسوان، وانحنا نتفرج بس.

European Union [مجنون ليلى] 06-04-2013 02:51 PM
ما تقولي كمان ظاهرة التعري في العالم اليومين ديل شغالة قرش ونص ...هههههههه

الله يعرس ليك يا اختي ويديك ولد الحلال يسترك وتستريهو ويرزقكم رزق حلال وعيال كتار ..

وانصحك بترديد هذا الدعاء صباح مساء ( اللهم انى أعوذ بك من بواري وتأخر زواجي وبطئه وقعودي واسالك أن ترزقنى خيراً مما استحق من الزوج ومما آمل وان تقنعه وأهله بى وتقنعني واهلى به)

قولي امين


#687182 [سوداني كردفاني]
5.00/5 (1 صوت)

06-04-2013 08:08 AM
هذا اكبر منافق وضلالي لدية كثر من منزل في الشجرة وبطريقة غير مشروعة‎ ‎


#687160 [بابا]
5.00/5 (1 صوت)

06-04-2013 07:24 AM
حديث مولانا اعلاه عن فصل الدين عن الدوله او السياسه عموما هو جيد نسبه لاستغلاله للوصول لمصالح معينه بقصد التكسب او اي من المصالح الدنيويه لكن يا مولانا كونك تذكر محل معين توجه الناس بمقاطعته ياما جاهل ياما عندك محلات في سعد قشره القصد منها الترويج العكسي
وعلي تجار سعد قشرة رفع دعوة قضائيه ضدك
قايل الناس بهناك ما بدفعوا للدولة


ردود على بابا
[الصوت] 06-04-2013 11:13 AM
على العكس يا بابا - ابشروا يا ناس سعد قشرة وناس سوق ستة وسوق ليبيا بكثرة الزبائن - هؤلاء الناس حينما يزمون مكان ما فهذا انه ضرب مصالحهم الخاصة في مقتل ، والكاروري هذا معروف بأنه صاحب محلات تجارية (( راقية )) يعني عالية التكلفة لذلك كون سعد قشرة وغيره من الاسواق الطرفية الرخيصة التكلفة - ولنفس المادة - تهدد مصالحه فهذا لا يجوز (( شرعاً )) خاصة وان المولات التي يروج لها بطريقة مبطنة ثيابها تكسوها الحشمة ويلفها الوقار من كل صوب وجنب.


#687156 [ابوطلال]
5.00/5 (2 صوت)

06-04-2013 07:18 AM
وانت البخليك تعاين للمفاتن والعورات شنو يا شيخنا خليك فى دينك وخلى الاقتصاد لعلماؤه


#687153 [ود الدمازين]
5.00/5 (2 صوت)

06-04-2013 07:08 AM
زهايمر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة