الأخبار
أخبار إقليمية
بالأمم المتحدة..مدعية المحكمة «الجنائية الدولية» تجدد المطالبة بالقبض على البشير وثلاثة آخرين.
بالأمم المتحدة..مدعية المحكمة «الجنائية الدولية» تجدد المطالبة بالقبض على البشير وثلاثة آخرين.
بالأمم المتحدة..مدعية المحكمة «الجنائية الدولية» تجدد المطالبة بالقبض على البشير وثلاثة آخرين.


06-06-2013 05:30 AM
جددت المدعية العامة للمحكمة الجنائية الدولية، فاتو بنسودا، الأربعاء، أمام مجلس الأمن، مطالبتها بضرورة إلقاء القبض علي الرئيس السوداني، عمر البشير، و3 مسؤولين سودانيين آخرين، والتحقيق معهم بشأن مزاعم مسؤوليتهم عن وقوع جرائم حرب وجرائم ضد الإنسانية في إقليم دارفور غرب السودان.

وناشدت المدعية العامة للمحكمة مجلس الأمن ضمان امتثال السودان لقرار مجلس الأمن رقم 1593 بشان دارفور، ودعت الدول الأطراف في نظام روما الأساسي إلى القيام بما في وسعها لتعزيز التعاون وإلقاء القبض على الأفراد السودانيين المطلوبين من قبل المحكمة الجنئاية الدولية في قضية دارفور.

وقدمت المدعية العامة للمحكمة الجنائية الدولية في جلسة مجلس الأمن حول مدى تعاون الخرطوم مع المحكمة بشأن مزاعم وقوع جرائم حرب وجرائم ضد الإنسانية في اقليم دارفور غرب السودان، قدمت التقرير 17 للمحكمة بشأن تعاون حكومة الخرطوم والأطراف الأخرى أو عدم تعاونها في التحقيقات الجارية والأنشطة القضائية المتوقعة.

وقالت إن مجلس الأمن تبنى، في فبراير الماضي، قرارا أكد فيه أن الوضع في السودان لا يزال يشكل تهديدا للسلم والأمن الدوليين في المنطقة، وطالب القرار أطراف النزاع بضبط النفس، ووقف الأعمال العسكرية بجميع أنواعها، بما في ذلك القصف الجوي.

وأبدت المدعية العامة للمحكمة الجنائية الدولية عن الأسف لمواصلة بعض الأفراد المرتبطين بحكومة السودان والجماعات المسلحة في دارفور بارتكاب أعمال عنف ضد المدنيين، وإعاقة عملية السلام، وتجاهل مطلب مجلس الأمن الدولي.

وأعربت المدعية العامة عن قلقها ازاء الوضع الحالي في دارفور، ولاسيما ما يتعلق بحالة الإفلات من العقاب، والتي تجلت في عدم إلقاء القبض علي الأشخاص الأربعة الذين أصدرت المحكمة الجنائية الدولية بحقهم 5 أوامر مختلفة بإلقاء القبض، وهم: عمر البشير وعبد الرحيم محمد حسين وأحمد هارون وعلي كوشيب.

وكالات


تعليقات 13 | إهداء 0 | زيارات 7512

التعليقات
#689743 [أنسى]
0.00/5 (0 صوت)

06-07-2013 03:08 AM
على ما اعتقد أن هذا تمهيد للفت الانظار داخل الديار الامريكية إلى الاسماءالتي تطالب بها المحكمة الدولية والمتورطين في جرائم الابادة الجماعية في دارفور ، وفي هذا التوقيت الذي ابدت فيه الولايات المتحدة دعوة للحوار مع المؤتمر الوطني والتي كان من المقرر لها نهاية الشهر الماضي بحضور السيد نافع الى الولايات المتحدة للحوار والتطبيع وايجاد حلول للازمة السودانية الامريكية خرجت السيدة فاتوا لتعلن للمعترضين على زيارة نافع بدعوى انه مطلوب لدى المحكمة الجنائية تطمينات بعدم تورط هذا الشخص في جرائم الابادة الجماعية وانه ليس مجرم حرب في هذا الوقت إلى اشعار آخر على كل حال فمرحباً به في امريكا . والله اعلم


#689717 [عاصم]
5.00/5 (1 صوت)

06-07-2013 01:56 AM
يا ما تقبضوه وتريحونا منه و من هبله ده خلوه يرقص ليكم هناك في لاهاي ولا منتظرنه يقضي على الشعب السوداني كله بالفتن الداخليةوكمان بدل اربعة شيلوا ليكم خمسين واحد من ناس الحكومة ياخي اقوليكم شيلوا ناس المؤتمر الوطني كلهم حاكموا العايزنه والماعايزنهم ارموهم في البحر المتوسط و بكده ارتاح السودان كله و افريقيا ويهتف الشعب السوداني تحيا الجنائية الدولية بدل ما كل مره تجدد المحكمة الدولية بتسليم البشير يعني حايسلم نفسه براهو ماتشوفوا ليكم طريقه كل يوم مسافر بلد ما تخموه و خلاص


#689574 [المصيرو لاهاي]
5.00/5 (5 صوت)

06-06-2013 07:49 PM
طال الزمن ام قصر فان مصير البشير هو لاهاي .. وهو عارف ده كويس وما بينوم الليل .. والامريكان في مقابل تاجيل امر القبض بيستغلوه عشان يوقع ويبصـم علي حاجات كتيرة مش بس باصابعه العشرة بل بشلوفتو وقفاهو .. ولو راجل كده يمشي يمثلنا في الجمعية العامة للامم المتحدة .. او لو راجل كده يمنع اي مبعوث اوروبي او امريكي من دخول السودان .. يفلح بس في الطلاقات وهو في الحقيقة مـخـلوع من وداد بابكر ذاتها .. اسـد وسـط مليشياته وفي سـاحات الرجال نعامة وحـمار كارو ..


#689552 [عادل]
5.00/5 (1 صوت)

06-06-2013 07:31 PM
الموضوع ده انا شامي فيهو مواقف (سد النهضه) اوعك الجماعه يهددوك وانت سمعت الاجتماع وعرفتهم كيف بيفكروا


#689520 [abusafarouq]
5.00/5 (2 صوت)

06-06-2013 06:51 PM
على الشعب السودانى أللا ينتظر قرارات المحكمة الدولية والامم المتحدة لتخليص الشعب من أرهاب عمر البشير ونحن نقول كما قال عمر البشير بلو قراراتكم واشربو مويتو ذهب أكامبو مزبلة التاريخ لم يفعل بقراراته شيئا وجاءت بنسودا سوف تذهب دون عمل شيىء والشعب السودانى يدفع ثمن القرارات الدولية بطش البشير والتنكيل والغطرسة والطغيان كلما سمع قرارات دولية بالشعب هذه القرارات تصب لصالح إطالة حكم البشير وتشدده تجاه شعبه لو كان القرارات تجدى نفعا للسودانين لأوقف المحكمة تعديات البشير ضد شعبه بل زاده تسلطا وتجبرا وردات فعل ضد الشعب والقرارات تتحرك بمرسوم مقنن كلما أشتد وطأءت المعارضة ضد النظام نسمع صوت المحكمة علا كذبا ونفاقا ملينا من سماع قرار المحكمة الدولية والرئيس يتنقل ويسافر أى مكان وهو حر طليق وبإمكان المحكمة القبض عليه بوسائله المتعددة فى العالم حتى من داخل سكنه فى كافورى دى كلها لعبات ومؤامرت تحاك ضد الشعب السودانى أريد به إرهاب المسؤلين لتحقيق مأرب تقسيم السودان الى خمس دول متناثرة واللبيب يفهم بالإشارة من أسلوب حديث المدعية للمحكمة البشير وأربعة من المسؤلين (بمزاعم )فى دارفور وهل المجرمين فى حكم البشير أربعة فقط ؟. من ذهاب أكامبو لن نسمع عن ذكر دارفور بل النيل الازرق وجنوب كردفان وجنوب السودان ومنح ماتبقى من أرض السودان للجنوب والعملية كلها تحاك مؤامرة كبرى ضد أرض السودان بألية يقوده البشير وزمرته الفاشلة ده كلو كلام فى كلام بلا محكمة بلا خذعبلات ...


#689510 [ود قلبا]
1.00/5 (1 صوت)

06-06-2013 06:36 PM
فلاحتكم بس فى السودان والرئيس السودانى يا ناس المحكمة الجنائية - ما شايفين الدولة العبرية بتعمل فى شنو ولا ديل اسيادكم وفوق القانون الدولى ، ولا مرفوع عنهم الحجاب ، اسا يطلع واحد من المعلقين ويقول لى يا منتفع وياجداد الكترونى وووووووو ، ما مهم كلوا انحنا سودانيين نحل مشاكلنا برانا فى بلدنا وكفى .


ردود على ود قلبا
United States [كاك] 06-07-2013 02:39 AM
السؤال لماذااسرائيل فوق القانون لانه الطفل المدلل لامريكا ما هو المانع ان يكون السودان مدلل للامركان اوع تقول الامركان كفار حاقولك هل الصين من اهل الجماعة والسنة ولا السوفيت اخوان مسلمين هي سوء ادارة العلاقات الخارجية ولا تقل ان الامريكان ضد التوجه الحضاري ماهي التوجه الحضاري السوداني الاسلام هو السودان فيه الكعبة لا قبر الرسول عليه الصلاة والسلام

United States [ياسر ابراهيم] 06-07-2013 02:31 AM
أخي ود قلبا أرجو أن يتسع صدرك لما سوف أرد به علي كلامك : أولا نظام أي محكمة أو سلطة قانونية لا يستند ألي تأجيل محاكمة شخص مجرم انتظارا لمحاكمة مجرم أخر أرتكب نفس الجرم ، وثانيا الدولة العبرية التي تتحدث عنها فيها أرييل شارون والذي يعتبر سفاح القرن الواحد والعشرين ولكن إذا جاز لنا أن نقول أن هذا المجرم شريف أو غير ذلك فأنه بمقياس ما أرتكب شارون والبشير من جرائم يعتبر شارون أشرف من البشير لأن ببساطة لم يقتل 350 ألف من شعبه ولو افترضنا أنه قتل هذا الكم فأنهم ليسوا من شعبه بل هم أعداء له ويتربصون بشعبه الدوائر وبغض النظر أن شعبه كان يهوديا أو بوذيا ففي الأخر هم بشرا ، وهو من وجهة نظره يدافع عن شعبه ، اختلفنا أم اتفقنا معه ، ثالثا لم يطلع شارون عي الملأ ويقول ( الرقم مبالغ فيه وأنا قتلت عشرة ألاف بس) كما طالعنا المجرم السفاح البشير بظهوره علي الشاشة وقوله بكل بجاحة ذلك وعلي الملأ ، يا أخي أهون عند الله أن تهدم الكعبة حجرا حجرا من أن تقتل مسلما واحدا وهذا السفاح يعترف بلسانه أنه قتل ( عشرة ألاف وبس ؟!!) ثم يأتي هو وزبانيته ويتحدث عن الإسلام والمشروع الحضاري والاستهداف، فلذلك هذا المجرم السفاح مفترض أن يقبض عليه ويحاكم ويشنق مرتين بدل مرة واحدة لأنه أزهق 350 إلف روح مؤمنة ثم أفتري علي الله الكذب من بعد ذلك.

United States [ِإلي ( ود قلبا )] 06-07-2013 12:35 AM
حقيقة قلتها يا ود قلبا - الدولة العبرية سيدة كل العالم وهي فوق القانون الدولي ومرفوع عنها الحجاب بقوتها العسكرية والاقتصادية والعلمية وبقانونها ودستورها المحترم الذي لا يفرق بين رئيس ومواطن لو عندك كلام غير ده قولو --- هي ضربتك في بلدك أكثر من مرة وما رديت عليها ولا اشتكيتها , ولو راجل أنكر المحرقة علشان تحرقك ... بعدين عفيناك من ( جداد إلكتروني ) إنت بطة إلكترونية. بس في حكاية كلنا سودانيين دي إنت غلطان , لأنه في نظر الحكومة هناك خيار وفقوس بين مواطنيها سواء من ناحية سياسية أو من ناحية عرقية وجهوية.... الذي ينتمي للمؤتمر الوطني في نظر الحكومة هو السوداني أما المعارض فهو العميل والكافر.
فهمت يا بطة ولا لسه !!!!!

United States [nagatabuzaid] 06-06-2013 10:39 PM
كانت دولة صهيونية واحدة فى المنطقة اصبحت هناك دولتان صهيونيتان واحدة عبرية والثانية


افريقية مستعربة بالسلبطة(سلبطة ) الاولى تمارس ساديتها ووحشيتها فى شعب فلسطين


والثانية تمارس وحشيتها واجرامها وساديتها فى شعبها


#689409 [isic]
0.00/5 (0 صوت)

06-06-2013 04:17 PM
يئسنا من خيرا" فيكم ياخنازير actions speak louder than speech


#689316 [صابر]
5.00/5 (2 صوت)

06-06-2013 02:42 PM
هذه جرائم لا تنتهي بالتقادم
يعني بشبش وأبو ريالة وأحمد هارون وآخرين ما في مفر ليهم يا يسلموا أنفسهم معززين مكرمين يا يقادوا ذليلين حقيرين للمثول أمام العدالة ولن تضيع دماء الأبرياء هباء اليوم أو غدا.


#689245 [نوبي]
1.00/5 (1 صوت)

06-06-2013 01:22 PM
طز فيكم يا ناس المحكمه ! يا بتاع الرشاوي كلما تلقي مصلحتك تفك القضيه علي عكس الهواء الله يدمركم انتو والمؤتمر الوطني لن تضيع دماء اطفالنا سدي نعرف نجيب حقنا كيف


#689105 [ابن السودان البار]
3.00/5 (2 صوت)

06-06-2013 11:25 AM
انتبهوا يا اهل السودان من يمس قمة الهرم يمس اسفله...........
لا للمماس بسيادة الدولة مهما كانت طبيعة الحاكم ....................ولا رجال يجو يقبضوا عشان نوريهم الرجالة دي كيف انما اعوان المحكمة الدولية طيور ليس الا...............
بالشهمة السودانية وحرارة القلب تتكلم فينا مرة...!!!!!!!!!!!!!!!!!!!!!!!!!!!!!!!!!!!!!!!!!


ردود على ابن السودان البار
European Union [هيثم الشاعر] 06-06-2013 08:22 PM
سن ساطورك .ههههههههههه

امر القبض دا لو بالارشاد السودن كلو حيقول ياهو داك.

ودا راس بيت ما راس دوله والناس تاني ما بتتغش ليكم يا وسخ

United States [مع العدالة] 06-06-2013 04:30 PM
حرارة القلب والرجالة دى امشوا سوها للمصريين والحبش المحتلين ارضكم مش تسوها فى ابناء دارفور والنوبة والفونج العزل ...انشاء حنسلم بشيرك وكل حراميتو مش للمحكمة بل لجهنم


#689053 [البرمكي]
1.00/5 (1 صوت)

06-06-2013 10:33 AM
تعالي وجيبي اسيادك عشان تحاكموه ولا دايرين نوصف ليكم الدرب
ما لاقية ليك راجل يلمك
من سنة كم شابكننا محاكمة البشير طلعتو اي كلام
زعم الفرزدق ان سيقتل مربعا ***** فانعم بطول سلامة يا مربع


#689013 [Fato]
5.00/5 (1 صوت)

06-06-2013 09:52 AM
سوف نسلمكم المذكورين أعلاه ومعهم مجموعة كبيرة من المجرمين والذين لم يذكرهم التقرير ومشاركين فعليا فى نفس الجرائم لكن بعد أن يحاكمهم الشعب .


#688964 [المقهورة]
5.00/5 (1 صوت)

06-06-2013 08:43 AM
قريباً إن شاء الله نديهم ليكم وفوق البيعة كل شياطين
الحزب وكل واحد شايل عودو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة