الأخبار
أخبار إقليمية
شاهد صور لآليات عسكرية حكومية إستولت عليها قوات الجبهة الثورية فى أب كرشولا
شاهد صور لآليات عسكرية حكومية إستولت عليها قوات الجبهة الثورية فى أب كرشولا
شاهد صور لآليات عسكرية حكومية إستولت عليها قوات الجبهة الثورية فى أب كرشولا


06-05-2013 06:03 PM
نشرت صحيفة حريات بعض الصور لآليات عسكرية حكومية إستولت عليها قوات الجبهة الثورية فى أب كرشولا وكما هو واضح أن تاريخ الصور يعود الى 13 /5 /2013 وكانت القوات الحكومية حاولت الدخول الى البلدة الا إنها تكبدت خسائر كبيرة ، وقال والي الخرطوم عبد الرحمن الخضر يوم 14 /5 /2013م أن الجيش السوداني وقوات الدفاع الشعبي دخلوا منطقة أبوكرشولا ثم انسحبوا منها حفاظاً على الأرواح والعتاد، مبيناً أن الجيش احتسب ثلاثة شهداء في المعركة، واحتسب الدفاع الشعبي مثلهم.

الجدير بالذكر أن قوات الجبهة الثورية إنسحبت من البلدة يوم 20/5/2013م ودخلت اليها القوات الحكومية في آخر الشهر.


الخضر: الجيش دخل أبوكرشولا وانسحب حفاظاً على الأرواح
image


http://www.alrakoba.net/news-action-show-id-98456.htm


image

image

image

image

image


تعليقات 28 | إهداء 0 | زيارات 34649

التعليقات
#690147 [مواطن]
1.00/5 (1 صوت)

06-07-2013 05:51 PM
الكلام تعبنا منه عايزين الخرطوم


#690107 [بك هكور بك فدوك]
5.00/5 (1 صوت)

06-07-2013 04:52 PM
رئيس الاتحاد يقود كتائب الطلاب,الطلاب دايرين شنو من الحرب


#690083 [امريكى]
5.00/5 (3 صوت)

06-07-2013 03:58 PM
على الجبهة الثورية ضرب الخرطوم باسرع وقت حتى يتم القبض على المجرمين والحكم عليهم ثم نشر العدل على الشعب السودانى المغلوب على امره


ردود على امريكى
European Union [الشرانى] 06-07-2013 07:24 PM
ونحن ما بنكره الا كل ما هو امريكى ,فكدى تعال لو راجل وانت مع نشالينك,عشان ترجعوا وانتو مش مظبوطين


#690073 [rasko]
5.00/5 (2 صوت)

06-07-2013 03:49 PM
كل القوة الخرطوم جوة ياكيزان بتمشو وين


#689450 [hello]
0.00/5 (0 صوت)

06-06-2013 05:10 PM
العربتين المان والتاتشرات تبع الجيش صاح لكن يا ربي الدبابه انا شفتها وييييين؟ يا اخي الله يفقع مرارتكم هسع قادننا دمرنا متهرك واستولينا هسع دي كلها قدرتكم ؟ ده انتو طلعتو اي كلام


#689426 [ود كترينا]
3.50/5 (6 صوت)

06-06-2013 04:39 PM
# فرق كبير...بين العدل والمساواة لمن دخلت أمدرمان وبين الصور الحديثة دية!
#لمن دخلو أمدرمان...كان لبسهم...واحد لابس اخضر...واحد لابس أصفر...واحد قميص لون وبنطلون لون مختلف...واحد قميص مقطع ..واحد قميص ببرة والتانى قميص جوة...واحد حفيان والتانى سفنجة كل لون من بلد..حتى السلاح كان أنواع قديمة وماركات مختلفة...لكن الآن ده جيش نظامى عديييييل...اللبس كلو واحد بكم طويل وجديد مع اختلاف بسيط فى اللون...القميص طويل وخارجى والجيوب تحت..لاحظ البوت كلو نوع واحد ولون واحد...حتى الجندى الفى الصورو الأخيرة اللابس سفنجة...البوت بتاعو تحت التاتشر!!يعنى قلعو عشان (يكشف) التشوين الفى العربية...بسم الله ماشاء الله ...يعنى أجسام ضخمة وقوية وشكلهم الناس ديل اتدرشو واتدربو فترة طويلة...وكملو كل الغزلان فى شمال كردفان وقاعدين مرتاحين!!
#المنطقة أكيد أبو كرشولا...لاحظ النيم فى وسط المدينة...والأرض الرملية وليست طينية شبيهة تماما بالأبيض...الموسم صيف يعنى التاريخ حقيقى بديل جفاف الشجر والأرض الجافة ...
# المدرعة اللونها صحراوى الفى الصورة التالتة من فوق...المدرعة لوحتها سوداء...لاحظ انو باقى العربات بتاعت الجيش لوحاتها كلها حمراء...لون لساتك المدرعة يثبت انو هى جديدة من الورقة وما اشتركت فى أى قتال بدليل لونها الصافى...المدرعة دى ناس العدل والمساواة سموها (أبو كديس)...ركز وح تشوف عيون الكديس ونخرتو وخشمو!!!وهى ايرانية...اذا عملت زووم على اللوحة حتاقى الأرقام مكتوبة بالطريقة الفارسية...مما يدل على العجلة التى تم بها تحريك المدرعات والدبابات الايرانية لحظة استلامها من المصدر...لكن...هل الدبابات والمصفحات والمدرعات هى البتكاتل؟؟وللا اقتناعك بقضيتك هو البيدفعك تحارب؟؟؟يعنى الجماعة ماقصرو سافرو من الأبيض ...سلمو العتاد للجبهة ورجعوا...!!
#هسع العربات والمدرعة والدوشكا ...دى كم مليون!!والله الناس ديل فعلا سلاحهم من الجيش...وخليهم يرقصو ويدقو الطار...ووالى الخرطوم يقول حنحكمكم لأبد الآبدين...باالشايفينو ده...بجى الخريف والكلام بيقيف...والله أكبر عليكم ياكيزان...!!


ردود على ود كترينا
European Union [كركبه شديده] 06-06-2013 11:35 PM
like .....عافي منك......ملاحظاتك قوية ما شاء الله .
وإنشاء الله يا ودكترينا الله يورينا في الكيزان ديل يوم .


#689282 [salah ismail]
5.00/5 (2 صوت)

06-06-2013 02:07 PM
هو والى ولاية الخرطوم ولا ناطق رسمى للقوات المسلحة ولا وزير دفاع و لا سمسار بعد ما باع وخصص كل الخرطوم والله عاوز اعرف شغلوا شنو ؟؟؟؟؟؟


#689192 [عبد الله]
5.00/5 (3 صوت)

06-06-2013 12:34 PM
وين ياأم الحسن...مشتاقين...إن شاء اللـه يكون رياضة الجري نفعتِك في التخسيس...

العيزومة الجاية جيبي معاك الود خدوري دا عشان ينزل لي كم كيلو جرام...

أولاد ألذينا!!!


#689184 [العنطـــــــــــج]
4.00/5 (3 صوت)

06-06-2013 12:27 PM
نوع الدعم العسكري و جهته يستنبط من "الابوات" اللابسنها عساكر الجبهه.... فهي من نوعيه جيده جدا و سعرها ما بتاع ناس مقطعين.... و ما بقدر عليهو جيش اي كلام ...... و الكلام فيهو كلام يا عوض دكام..... والله يكضب الشينه و ما تطلعو مواسير و شغالين بالوكاله!!!


ردود على العنطـــــــــــج
European Union [العنطـــــــــــج] 06-10-2013 12:09 PM
يا عبد الهادي اتهامك افتراض نمطي ساي و ما مدعوم بادله بدليل انو انا ما كوز و ضحيه زي كتيرين (شفت هسه انا ما قلت انك من ضحايا الكيزان لاني ما بعرفك شخصيا) انا مواطن و من حقي اري الاشياء بطريقتي الخاصه فاذا كنت عايز الكيزان يطيرو و بس ده رايك و حدود طموحاتك، اما انا فيقلقني جدا ان يصير السودان الي ما صار اليه العراق و كثير من الدول التي قالت لا لتسلط الامريكان و مشروع الحكومه العالميه الواحده و مركزها واشنطن حاليا و تل ابيب مستقبلا!!
و السوداني يا ابني بطبعو ما بحب التسلط و امريكا هي التسلط بذات نفسو لذلك صار السودان جزء من الشرق الاوسط و بالتالي جزء من مؤامرة الشرق الاوسط الكبير(من النيل الي الفرات) شئت ام ابيت يا مسكين!!
مشكلة السودانيين هي انهم لا يرون ابعد من اقدامهم التي اغبرها جري الارزاق في حين ان خطط امريكا و اسرائيل دائما بعيدة المدي جيلية التأثير و ما يراه السوداني اليوم سيري فقط الاحفاد نتيجته هذا هو الفرق بين تفكيري و تفكيرك يا هدهد الله ينور عليك!!

[عبد الهادى مطر] 06-06-2013 06:10 PM
الغيرة فى شنو ياالعنطج؟!!!! اذا كان انت ولا اللى خلوفك ماشالو ولا حيقدروا يشيلوا سلاح ما تحاول تقلل من قدر الرجال الأرجل من اصلك وفصلك!!!!عليك الله (الكدمول) اللابسنه الغرابة ديل تقدر تلبسه ساى فى الصيف الساخن ده؟!!!ناهيك عن تحمل سلاح؟ ياخى والله الجماعة ديل لو تعرف امداداتهم العسكرية بتحصلوا عليها كيف لما نبذت بكلمة.لانهم ارجل منهم فى السودان ربنا ما خلق زولا حيقلق أمثالهم!!!!!ياخى انت فاكرهم مقطعين ذى مليشيات حكومتك؟ كدى وجهك قلمك المتحيز ده لرفع معنويات مليشياتك أما الدعم العسكرى بتاع الرجال ديل ما تفكر فيه والشئ الوحيد اللى مفروض تفكر فيه انك كيف تبقى راجل وتحمل السلاح اما معهم او ضدهم لكن كلام التخوين اللى عمره ما قتل ذبابة دة ما بجدى، لان حكومتك العميلة ما خلت جهة تمدها بالسلاح والا هرولت اليها!!!!!أحلال على بلابله الدوح حرام على الطير من كل جنس؟!!!!!!!


#689157 [أبوالكجص]
5.00/5 (3 صوت)

06-06-2013 12:11 PM
حا نتوقع شنو أكثر من تصريح مثل هذا من الخضر أو أي مسئول آخر في هذه الحكومة. ألا نذكر أن هذا الخضر ظهر للجمهور عندما ضربت الطائرات الإسرائيلية مصنع الزخيرة بأن ماكينة لحام كانت السبب في الإنفجارات.الناس ديل ممكن يغالطوك في إسمك بعين قوية.

الحقيقة التي توصل إليها الشارع أن مسئولي الحكومة عندما يظهروا في وسائل الإعلام بمناسبة أو بدون مناسبة بقولوا أي كلام لزوم المخارجة وخلاص إتعودوا على كدا.


#689100 [Bull]
2.25/5 (3 صوت)

06-06-2013 11:22 AM
من المعروف أن كل الحركات المسلحة بـتأخد عشر عتاد وأسلحة القوات المسلحة ويخلو ليها تسعة أعشار وبعد دا كل ناس الجبهة الثورية ما قدرت تنتصر. يا ربي ليه, أظنه ظلمهم للناس وغرورهم بما نالوه.
تذكروا أن أبو قردة عندما سأله المتصفح أحمد البلال, من أين لكم بالسلاح؟ قال: من الجيش السوداني ذاتو. يعني الحكاية ما جديدة, لكن الجديد أنو الحركات دي ما ح تنتصر ولا انتصرت رغم هذا السلاح.


#689059 [سوداني أصيل جداً جداً جداً]
5.00/5 (5 صوت)

06-06-2013 10:35 AM
الله أكبر أدخلوا بها الخرطوم ... أدخلوا الخرطوم وخلصوا الشعب السوداني من هذه الفئة الضالة


ردود على سوداني أصيل جداً جداً جداً
European Union [كركبه شديده] 06-06-2013 11:50 PM
يا ود قلبا...أخير ليك أبعد من سوداني جداً ده ...إنت قايلو براهو هنا ...؟ و إنت قايل السودان ده بتاعكم براكم ...؟ الوطن للجميع
و حا نصفي أي كوز وسخان عميل . و كان ما عاجبك أمشي شوف ليك حلل مع الحرامية المعاك ديل ونحنا جاهزين في كل مدينة و قرية و النصر قريب .... و حا تشوف !!!!!!

United States [الكاهلي] 06-06-2013 11:05 PM
يا سوداني اصيل ليه كده خليت الجداد يكاكي كده ههههههههههه
انت ما عارف الناس ديل مما تجيب ليهم سيرة دخول الخرطوم بتصيبهم حالة هلعية دجاجة كااااااااك

United States [ود قلبا] 06-06-2013 06:22 PM
تعال انتا ورينا بتدخل الخرطوم كيف ؟
هو كل من حمل السلاح داير يدخل الخرطوم ؟

United States [شايقى] 06-06-2013 04:36 PM
زغاوى تشادى عفن جداً جداً جداً


#689022 [محمد أدروب]
5.00/5 (5 صوت)

06-06-2013 09:58 AM
الجيش عارف كذب قيادته و رقيصها في احتفالات لانتصارات كاذبة و الشعب عرف كذبهم منذ زمن لهذا انطمت قيادة الجيش لانهم يلمون جيدا بأن قواتهم تعلم حقيقة كذبهم فتركوا الحكاية للورلات أمثال لص القضارف والي الخرطوم و الورل الذي يشع غباء الحاج آدم....ستلاحقهم اللعنات و انهيار النظام أوشك كل واحد يقبض الكوز الجنبو لانو لبد من تطهير البلد منهم و من خبثهم


#689015 [موسى محمد]
3.50/5 (4 صوت)

06-06-2013 09:53 AM
المال في يد بخيله والسيف في جبانه


#688863 [عاصم]
4.00/5 (6 صوت)

06-06-2013 12:37 AM
ياجماعة والي الخرطوم بزيد في هبله ليه هو دخلوا شنو يبرر للجيش يعني عارفنه كذاب انسحبتوا شنو كدى اسال الفريق عصمت و حماده لحدي هسع نفسو مقطوع كر كر عليه ياريت لو كان معاهم الغبي الكضاب الخضر والي الخرطوم والله كان يزرق من ابوكرشولا لحدي الخرطوم ولحدي الليلة ما كان وقفت زرقته ابوعفينه


#688823 [الاستاذ]
5.00/5 (8 صوت)

06-05-2013 10:40 PM
انا والله فرحان جداً وما عارف ذاتى اعبر كيف بس عندى وصية بقولها لناس الجبهة الثورية ان يذيدو تماسكابيناتكم


#688808 [North Kordofan]
2.88/5 (7 صوت)

06-05-2013 09:57 PM
دا فى حد ذاتو اثبات انو دعم الجبهة الثورية يأتى من فلول القوات الكيزانية مصدر مسخرتنا(مش القوات المسلحة السودانية مصدر فخرنا)..


#688803 [Ahmed]
5.00/5 (8 صوت)

06-05-2013 09:44 PM
كلام حقيقي مأكد من لوحات العربات هههههههههه


#688792 [ابو طيرة]
5.00/5 (10 صوت)

06-05-2013 09:22 PM
غنيمة دايشة رجال ما فيكم كلام الله ينصركم علي عصابت الموتمر الوطاي


#688768 [معاويــــــــــــــــــــــــــــــة]
5.00/5 (4 صوت)

06-05-2013 08:43 PM
جيد جدا نحنا يريحنا كتير انو يتم قبض واد من الافاكين ديل بطونهم مليئة بمال الحرام ويتكلموا عبد الرحمن الخضر طبي البيطره وام الحسن الامين ديل
ياناس الجبهة الثورية التويل التانى خلوه فى قبض اللصوص وعرضهم هنا حتى تنكسر شوكتهم الابليسية


#688754 [abusafarouq]
5.00/5 (8 صوت)

06-05-2013 08:34 PM
الغريب والعجيب وزارة الدفاع أين ذهبت من بيانات العمليات العسكرية ويأتى إلينا جامع رسوم جبايات نفايات الخرطوم وضرائب ستات الشاى عبد الرحمن الخضر المتخلف عقليا بتلفيق الاحداث على المواطنين بالأكاذيب قايل عندنا قنابير فى رأؤسنا ولا شنو أم كل واحد يسمع الخبر يطلع يذيع والله أتمتى أبو ريالة يطلع يوم بس يتعتع بريالتو ويقول حاجة بالهزائم المتكررة لجيش المؤتمر الوطنى
الناس دى الحقائق أبوها أصبحو يتحرو الكذب والصرمى خالد الناطق الرسمى لأكاذيب القوات المسلحة وإنتصاراته الوهمية . بالله عليكم كم طيارة عسكرية وقعت بخلل فنى من 89 حتى الان ربما يفوق 100 طائرة كلها عطل فنى دى تكون مصيبة وكارثة كل تلك الطائرات سقطت بعطل فنى يبقى اليركب طيارة سودانية كن عسكرية أم مدنية يكون مجنون وراح ضحية فى عطل فنى رحم الله ركاب تلك الطائرات العطل الفنى ..


#688728 [Almamgoos]
4.72/5 (8 صوت)

06-05-2013 07:53 PM
حماده جرا ود المرا


ردود على Almamgoos
[nagatabuzaid] 06-06-2013 07:58 PM
بالله عليكم سوسواتكم وقولوا قولكم بعيد عن الام والاب


#688718 [Almo3lim]
4.50/5 (6 صوت)

06-05-2013 07:32 PM
مركبات عسكرية (حقيقية) و المقارنة ليست (صعبة) قارن الصور في الرابط( نفس الماركة) ...

http://www.alrakoba.net/news-action-show-id-99260.htm


#688701 [gaidar]
5.00/5 (9 صوت)

06-05-2013 07:04 PM
ما زمان قلنا لي ناس الجبهة الثورية عليكم الاهتمام بالاعلام لانه هو سلاح هذا القرن حسي الصور دي لو ظهرت في تاريخها لحصلت متغرات كثيرة في المعادلة وخاصة بعد هبوط الروح المعنوية لدى جيش النظام لذلك عليكم بالاعلام اولا وبوضع خطة اعلامية قبل الدخول في اي مواجهة ثانية لان ظهور هذه الصور حاليا لاتعني شيء بعد نهاية المعركة


ردود على gaidar
United States [أسامة الكردي] 06-06-2013 04:42 AM
لدواعي أمنية يستلزم الأمر عدم بث الصور والفيديوهات عند وقت التقاطها

[U S A] 06-05-2013 07:40 PM
كلامك ميه ميه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة