الأخبار
أخبار إقليمية
د. مصطفي اسماعيل يدعو الي تدخل رئاسة الجمهورية لمعالجة قضية توفيق اوضاع العمالة السودانية بالسعودية
د. مصطفي اسماعيل يدعو الي تدخل رئاسة الجمهورية لمعالجة قضية توفيق اوضاع العمالة السودانية بالسعودية
د. مصطفي اسماعيل يدعو الي تدخل رئاسة الجمهورية لمعالجة قضية توفيق اوضاع العمالة السودانية بالسعودية


06-06-2013 08:10 AM
(سونا) دعا د. مصطفي عثمان اسماعيل الوزير بالمجلس الاعلي للاستثمار الي تدخل رئاسة الجمهورية ومجلس الوزراء لمعالجة قضية توفيق اوضاع السودانيين العاملين بالمملكة العربية السعودية قبل انقضاء المهلة التي حددتها السلطات السعودية مشيرا الي العلاقات الازلية الوثيقة التي تربط بين البلدين.

واوضح في كلمته امام منتدي مجلس الوزراء الذي انعقد امس بمقر الامانة العامة لمجلس الوزراء حول جذب مدخرات المهاجرين السودانيين تحت شعار " نحو توظيف ايجابي لمدخرات المهاجرين في التنمية " ان قضية توفيق اوضاع العمالة السودانية بالمملكة العربية السعودية تحتاج لتدخل من رئاسة الجمهورية بالنظر الي اهميتها وانعكاساتها علي الوضع الاقتصادي بالبلاد واضاف " لابد من الاسراع لحل هذه القضية قبل فوات الاوان ".

وكشف سيادته عن تكوين لجنة بالمجلس الاعلي للاستثمار لايجاد مشروعات استثمارية صغيرة ومتوسطة لطرحها للمغتربين السودانيين وذلك للمساهمة في خلق قاعدة للتنمية بالبلاد مشيدا بالدور الكبير الذي ظل يلعبه المغترب السوداني في دعم ملاحم العمل الوطني مشيرا الي اسهاماتهم المقدرة في مكافحة الفقر وتطوير عجلة التنمية ودعم الاقتصاد الوطني .


تعليقات 19 | إهداء 0 | زيارات 4249

التعليقات
#689746 [كاك]
0.00/5 (0 صوت)

06-07-2013 03:10 AM
IT IS TOO LATE يا ساعدة الوزير


#689455 [كمال ابوالقاسم محمد]
5.00/5 (1 صوت)

06-06-2013 05:13 PM
انت يامن وصفتنا في الرياض بالشحاتين...!!!
أنسيتم هتافاتكم يامتأسلمة ويا ترابيون..بحق الخليج والسعودية..حقبة صدام!!

لسانكم لا ينطق إلا زفارة وعفن في حق شعبكم يا مصطفى عثمان إسماعيل...الشعب السعودى الكريم...ملكا وحكومة...لم يعملوا يوما للإضرار بهذا الشعب (السودانى)الطيب المتسامح والكريم ذو الأنفة والإعتداد...مايزالون يكنون له الود والإحترام المتبادل ويقدرونه غاية التقدير..كنتم أنتم شخصيا في الموقع القيادى الثانى في منظمتكم الإرهابية...(التجمع القومى الإسلامى) والتى كان أمينها العام الإرهابي الأول حسن عبد الله دفع الله الترابي...وكنت أنت نائبه...كنتم حينها تحشدون الحشود...وتزحفون في شوارع الخرطوم تهتفون ...إضرب إضرب ياصدام...بالكيماوى ياصدام من الرياض إلى الدمام...وكان ديك صباحاتكم الرائد حينها..اللواء حاليا...يونس محمود...يعوى ويصيح مستعملا أسوأ النعوت والصفات في حق ملك كريم..وحكومة صادقة...وشعب أبي كريم....لم يتقاعس يوما في مد يد المعونة بشكل مباشر وغير مباشر...دولة أياديها البيضاء ماثلة في كل مدينة قرية وشارع وبيت ومشروع.....أين كنتم يا نطاسى السوس والضروس والأبزقة من مصالح الشعب السودانى الذى تدعو مفلسه الأكبروعنينه المنقطع المنبت...المتسرطن عمر البشير لكى يتدخل...نعم والله أنك فعلا نطاسى سوس ودود وأبزقة....فقط(هالحين) إنتبهت إالى رعاياكم من الشعب السودانى الفضل...لتلتمس من العنين المنقطع المنبت المتسرطن أن يتدخل ويلتمس النظر بعين الرأفة (للشعب السودانى الذى فضل)...بأى وجه...وبأى لسان...يطلب المتسرطن ذلك...وهو الذى كان يحرك (صعاليكه)لمحاصرة السفارة السعودية وهم يهتفون ...إضرب إضرب ياصدام...خيبر خيبر آل سعود...جيش محمد سوف يعود....وقتها ألم تكونوا تعلمون أن عشرات ...بل مئات الألوف من الأسر السودانية.. والتى بدورها مسئولة عن إعالة الملايين من أفراد الشعب السودانى الذى (جدعتوه في الخلا ..أباطو والنجم!!!).تأويها بلاد آل سعود...ويضمها في ود وحنان شعب آل سعود...ويغمرها بلا من ولا أذى كرم فياض ...من لدن مليكها...ونائبه...وحكومته والشعب السعودى الأروع والأجمل في فن التعامل مع الزول والشعب السودانى بمجمله...(خليكم يامصطفى عثمان إسماعيل...ومعكم متسرطنكم وعنينكم عمر البشير)...دعو الشعب السودانى في حال سبيله...اكفونا شرور ألسنتكم....ووساطاتكم الزائفة....ومرة أخرى...الوقت متأخر جدا جدا على تدخل حكومتكم...ولكم في حكومات دول تحتر م رعاياها مثل الهند...بنغلاديش...مصر..الفلبين...اليمن...والتى تدخلت وإلتمست مراعاة مصالح رعاياها...أما نحن...اللهم أكفنا...نطاسي السوس والدود والأبزقة...وزعماؤنا من أمثال الرئيس العنين المنقطع المنبت المتسرطن عمر البشير...وآخر كلامنا دعاؤنا اللهم أرنا فيهم وفي نسلهم ونظامهم ومحالفيهم يوما لا ينقطعون فيه من الكروب والفواجع والمحن وعجائب الأرزاء والسخط والبلاء ونحن أحياء نشهد ونسمع ونرى...ونشمت ونقول اللهم هل من مزيد...اللهم زد وبارك


ردود على كمال ابوالقاسم محمد
[mustafa] 06-06-2013 06:32 PM
الله يهديك ياكمال لزومو ايه الكلام دا الان؟ دي علاقات وسياسه دوليه تحكمها المصالح وليست احقاد بين اشخاص وتاني حاجه الفاظك نابئه وشتيمه والله يرزق من يشاء اناثا وذكورا ويجعل من يشاء عقيما او كما في الاية؟ واستغفر الله العظيم


#689436 [sudani]
3.50/5 (2 صوت)

06-06-2013 04:47 PM
هه هه هه هه ها ها ها ها

والله ضحكتني عاوزين تسرقوا شقا عمرنا

شوف يا دكتور نحنا ليس لدينا ثقه فيكم وفى كلامكم

انت لو جـــــــــــــــــــــــــادي

بيع لينا اراضي نسكن فيها او مشروعات بندفع كاش ونستلم شهادت بحث حيه سلم تستلم

والا مافيش احسن لينا قريشاتنا في يدنا وفي تكتنا

قال مشروعات عشان تبيع لي الهواء وامشي اجد قروشي فى الخلا اراضي صحراويه قديمه دي شوف غيرها

دعمناكم في الحرب وفي السلم ولما جاء البترول اكلتوهو براكم فلل وشقق ومزارع وعمارات


#689429 [جركاس]
5.00/5 (1 صوت)

06-06-2013 04:42 PM
ياجماعه هل تصدقوا انو البلاوي البتحصل للسودانين الفي السعودية دا كلو بسبب الحكومه ال بتتعامل مع ايران وانا سمعت الكلام دا من واحد سعودي ضابط في الجيش قال لي يازووووول نحن اخوان من زمان لاكن البتعملو حكومتكم دا ياهو البجيبليكم الهوا يعني لا الجوا مرتاحين ولا البرا مرتاحين وكذللك كل دول الخليج مش السعوديه بس بعتبرو ايران مهدد لا امنها فلمن السودان يتعامل مع ايران عسكريا دا يعني تعامل في الاستخبارات وممكن دا يؤدي لتجنيد سودانين للعمل استخباراتيا في الخليج فالسودانين بقو مهدد امني لكل دول الخليج كما تظن الحكومات الخليجية ودا بسبب الحكومه التافهه دي


#689391 [عدي]
5.00/5 (1 صوت)

06-06-2013 03:55 PM
مع المعزرة صحيتو متاخرين يا ناس دولتنا /الحكومية السعودية وبدون مناشدة حملت المستحيل لتوفيق اوضاع الوافدين /المشكلة عند سفاراتكم وخنصلياتكم م قادر ةتعمل شئ الله يكو نفي عونك يا سودان واله يكون في عونكم يا مغتربين


#689383 [الهلالي]
0.00/5 (0 صوت)

06-06-2013 03:46 PM
انت خايف حيجو يكابسوكم في الوظائف التي تحتلونها ام ماذا؟


#689371 [صديق]
0.00/5 (0 صوت)

06-06-2013 03:36 PM
دا طبعا بعد دكتور إشراقة الله يجزاها كل خير
قامت مخصوص لحل قضية المغتربين
جايين بعدها أشباه الرجال يدخلوا خشومم عشان ينسب الفضل إليهم

إنتو البتدخلوا فيها تف. . وها من طه ماها ، الذى . .


#689268 [mohd malik]
0.00/5 (0 صوت)

06-06-2013 01:43 PM
شى غريب تتدخل رئاسة الجمهورية تقول خلوا السودانى يشتغل بدون كفيل
وبدون اقامه كل همكم يدخل ليكم الريالات - نحن الان بنطالب المملكة تتدخل
عشن توفق اوضاعنا فى بلدنا السودان


#689124 [عبيد الله]
0.00/5 (0 صوت)

06-06-2013 11:41 AM
انا عايز واحد بس يكون اشترى من السفارة في جدة حاجة ونفعت بس . واعتقد في كل السفارات .


#689123 [عبيد الله]
0.00/5 (0 صوت)

06-06-2013 11:40 AM
والله ياجماعة أنا شخصيا اتلدغت منهم مرتين تصدقوا . مرة اشتريت كشك بسوق الحصيحيصا الشعبي ب ( 5000 )ريال ضمنها تبرع وووو من السفارة في جدة والله للآن ماعارف حقي وين ؟ مع اني مشيت محلية الحصيحيصا اكثر من ستة مرات كلها في الاجازات واضيع يوم ويومين وقروش وسفر ووو وأرجع بخفي حنين . هل الحكومة ماقادرة تنصف المظلوم ام هو لعب على الدقون ؟ شكيتك يا مصدق يا الموظف في محلية الحصيحيصا على الله انت ومن معك . والثانية برضو في السفارة في جدة قالو عندهم مزارع غرب ام درمان والقصة طويلة وفي كل لست وحدي معي اقوام الله في . برضها من بنات افكار هؤلاء القوم .


#689116 [أبوزينب]
0.00/5 (0 صوت)

06-06-2013 11:33 AM
يا دكتور ما عايزين أي تدخل في تصحيح الاوضاع برانا بنصلح وضعنا بس انت كوزير استثمار أدينا حقنا في اراضي السودان و تسهيلات في الاستيراد و التصدير و الامتيازات المطلوبة لأي عمل ناشيء و انشيء ليك جهاز دعم و متابعة و مراقبة و خلينا نعمر بلدنا. نحن بلدنا أغني من السعودية بس مسكونا ليها و اقعدوا فراجة.


#689037 [الجن المصرم]
0.00/5 (0 صوت)

06-06-2013 10:18 AM
تافهههههههههههههههههههههههههييييييييييييييييييييييييييننننننننننننننننننن ومعفنننننننننننننننيييييييييييييييييييييييينننننننننننننننننننننن دا كلاااااااااااااام للاستهلاككككككككككككككككككككك فقط مافيش مغترب استفاد منكم حاجة ,,, بكرة تقولوا مشرووووووووووووعات صغيرة وادفع الرسوم وادفع القبانه وادفع ادفع ادفع تشيلوا الفي جيبو وما تدوهو حاجة ,,, فايها المغنرب اذا عدت الى الوطن اعلم انك عدت الى عصابة تريد سلب ما اتيت به من الخارج فلا تسجل اسمك ولا تقترب منهم واعمل نايم حفاظا على مالك ورزق عيالك ولو في مظاهرة او مسيرة خليك اول المتقدمين عشان لو قبضوك تقول ليهم نحنا العائدين الذين لم يستلموا مستحقاتهم


#689027 [عبدالوهاب الشريف]
0.00/5 (0 صوت)

06-06-2013 10:01 AM
(تكوين لجنة بالمجلس الاعلي للاستثمار لايجاد مشروعات استثمارية صغيرة ومتوسطة لطرحها للمغتربين السودانيين وذلك للمساهمة في خلق قاعدة للتنمية بالبلاد.)
هذه الجمله أكثر ما عجبني في التصريح ده وعموماً نشكر دعمك وتآذرك واهتمامك بقضايانا .. هذا التآذر الذي لم نجده من جهاز المغتربين المنغلق على نفسه .. ونتمنى أن تأتي هذه اللحنه ثمارها وأن لا تكون كتلك اللجان التي نسمع جعجعتها ولا نرى طحينها.


ردود على عبدالوهاب الشريف
United States [المندهش] 06-06-2013 10:50 AM
هههههههه انت صدقت يا عبد الوهاب ياخي ديلالمشاريع القائمة وقفوها وباعوها بالله امسكها من مشروع الجزيرة مرورا بسودانير وعيييييييييييييييييك تقولي لي كلامو عجبك


#688995 [ابومحمد]
5.00/5 (2 صوت)

06-06-2013 09:30 AM
يا ابو الدكاتره , افتح للمغتربين واعطيهم امتيازات وأعفاءات لأدخال معينات الاستثمار لهم وسوف ترى ان البلاد لا تحتاج لمستثمرين يفرضون شروطهم عليكم وسوف ترى نهضه لم ترى من قبل بسبب خبرة المغتربين وما تبقى لديهم من مدخرات .


#688993 [صلاح محجوب]
5.00/5 (1 صوت)

06-06-2013 09:27 AM
ترى من هو وزير شئون المشلهتين (المغتربين سابقاً) ؟؟؟ أهو كرار أم مصطفى ومن هو الأحق بالدعوة على كل حال شكراً مصطفى عثمان لكن الدعوة متأخرة أرفدوا قنصليتكم بأعداد من ضباط الجوازات أولاً ليلحقوا الأعداد المهولة التي تكتوي بنار الشمس أمام القنصلية أولاً


ردود على صلاح محجوب
United States [mohammad saad] 06-06-2013 11:46 AM
أضم صوتي لتساؤل الأخ صلاح يا ترى من هو الكفيل (القصة بقت كفالة وكدة!!!) ما فرقت جوة البلد والا برة لازم يا مغترب يكون عنك كفيل وكما يسمونك في معاملات البنوك وغيرها (Alien) فأنت في أي مكان تحمل هذا اللقب. حسبنا الله ونعم الوكيل.


#688990 [ود القرير]
0.00/5 (0 صوت)

06-06-2013 09:23 AM
عايزين تعملو لينا كمين عشان تسرقو قوت وليداتنا ..دي تلقوها عند الغافل باذن الله


#688961 [محمد]
0.00/5 (0 صوت)

06-06-2013 08:29 AM
بعد ايه بعد ايه
عايزين يعملوا كل شئ يوم وقفة العيد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة