الأخبار
أخبار إقليمية
جزار يهدد بالانتحار حرقاً بعد إغلاق متجره بـ(صابرين)
جزار يهدد بالانتحار حرقاً بعد إغلاق متجره بـ(صابرين)



06-07-2013 04:11 PM
كرري: منال عبد الله:

سكب جزار على جسده البنزين شارعاً في الانتحار احتراقاً بعدما أمسك بعود الثقاب لإشعاله غير أن عدداً من الأفراد كانوا بمكان الحادث لحقوا به في اللحظة الأخيرة وتمكن أحدهم من قذف العود منه بعيداً، وكشفت تفاصيل حول الحادثة التي وقعت داخل سوق صابرين بمحلية كرري عن شروع الجزار في الانتحار بإشعال النار في جسده بعدما أغلقت السلطات المختصة متجره لعدم قانونيته أثناء حملة تنظيمية بسوق صابرين، وأفادت متابعات الصحيفة أن الجزار اعترض القوة التي نفذت العملية واعتدى بالضرب على أحد الأفراد وعند تنفيذ القبض عليه من بقية الأفراد شرع في الانتحار واتخذت الشرطة بقسم غرب الحارات إجراءات قانونية ضده بجريمة الشروع في الانتحار تحت طائلة المادة (133) من القانون الجنائي، ودونت ضده بلاغات أخرى تحت طائلة المواد 77/69/99 من ذات القانون والمتعلقة بجرائم الإزعاج والإخلال بالسلام العام واعتراض الموظف العام أثناء قيامه بوظيفته توطئة لتقديمه للمحاكمة.

اخر لحظة


تعليقات 12 | إهداء 0 | زيارات 4858

التعليقات
#690797 [هيثم]
5.00/5 (1 صوت)

06-08-2013 01:23 PM
بلد مافيه رجال واقفين يتفرجوا على قطع الرزق مهما كانت المسببات في طرق وأساليب أفضل من إهدار كرامة الرجل وإذلاله الله ينتقم منك يا البشير


#690701 [beskanof]
0.00/5 (0 صوت)

06-08-2013 11:58 AM
ياجماعة الخير الماقانوني شنو البطبقو في جزار طيب قول بيضبح كيري تعال شارع الوادي عندنا كيري بتاع الحليه ذاتو بيشتري منو تقريبا ولا تكون في علاقه تانيه لانو الزول ده خرفانو علي الشارع والحقيقه تقال انضف من خرفان الصادر
الله يكون في عون الجزار ده لانو بقت ليهو جرائم من مافي وانا بنصو بعد ماينتهي من المحاكمه يجي شارع الوادي ويضبح علي كيفو والتواصل عبر الراكوبه عشان نديهو السكاكين


#690406 [ALI]
4.00/5 (1 صوت)

06-08-2013 02:12 AM
يا جماعة كلام المعلقين يحير, حتي لو الحكومة عملت عمل صاح برضو غلط. الجزار دا ما عندو أوراق قانونية لفتح الجزارة , معناها إنو هذا الجزار بيذبح بطريقة غير قانونية وغير صحية(كيري). لو اليوم الجزار دا تسبب في تسمم أو قتل ناس بسبب تصرفو الغير صحي كان نسمع من المعلقين السبب الحكومة لانو مافي مراغبة من الحكومة علي الجزارين.


#690388 [mohd]
5.00/5 (1 صوت)

06-08-2013 01:17 AM
هو يا خوانا جزار شغال في حتة اسمها صابرين


يعني كملوا الصبر ذاته

بعد كده لاحقنه يا كيزان يا اولاد الحرام ؟

الله يورينا فيكم يوم اسوأ من يوم عاد


#690369 [عود العشر]
0.00/5 (0 صوت)

06-08-2013 12:44 AM
واللة كلام ميتة وخراب ديار محلية وناس الشرطة


#690321 [ناصح]
5.00/5 (1 صوت)

06-07-2013 11:25 PM
والله أمر هؤلاء الكيزان غريب لا يتركوك تعبش ولا يخلوك تموت


#690312 [حمد]
5.00/5 (1 صوت)

06-07-2013 11:10 PM
اعتراض موظف عام اثناء اداء واجبه، كلام فضفاض وقيل كلام ميت ، الموظف العام دة الجزار بيدفع مرتبه من عرقه عشان يسهل ليه اموره ، الحاصل ان الجزار بيدفع مرتب الموظف العام دة عشان الموظف العام يتسلط عليه وعلى المواطنين المساكين الما عندهم ضهر. يا هو دة حكم ام فكو (على وزن اب تكو) اى بدون قانون يضبط الوظيفة العامة. نفس الوضع بينطبق على عمر البشير وبقية كبار الحرامية ديك طبعا كمان القانون فى بلد وهم فى بلد. الموظف العام دة ذاته زول مسكين ساكت لكن لأنها جبانة هايصة بيحاول هو كمان يحاكي الكبار ويكبّر كومه ويستغل شوية السلطة العنده عشان يعذب الناس .
والشكية لاب ايدا قوية فى الانقاذ وفعايلها فى عباد ربك.


#690304 [هدهد]
5.00/5 (1 صوت)

06-07-2013 10:55 PM
لعنة الله على الظالم انى حل المواطن اصبح فى قهر وغليان وانتحار . نظام متسلط متجبر لا يفلحون الا فى رصد المخالفات وسرقة اموال المواطنين بالباطل .


#690209 [الشرانى]
0.00/5 (0 صوت)

06-07-2013 07:37 PM
يمكن مخالف ويمكن بضبح اى حاجة, ولازم الواحد يعرف الحقيقة


#690140 [الفراهيدي]
5.00/5 (1 صوت)

06-07-2013 05:41 PM
أشكوهم لله رب العالمين ، طبعاً غفلوا محلك عشان نشتري من سوبر ماركت مصعب ، وولد الزبير ، ودكان وداد بابكر


#690115 [علي دينار]
5.00/5 (1 صوت)

06-07-2013 05:05 PM
يا الله مع صابرين


#690096 [اقبضو السفاح الهارب من العدالة الدولية]
0.00/5 (0 صوت)

06-07-2013 04:28 PM
يا عيني عليكم يا ناس الشرطة ويا ناس المحلية تركتم الفعل وتريدون ان تحاكمو صاحب رد الفعل ... السؤال الذي يفرض نفسه لماذا شرع الجزار في الانتحار وانتاء حياته طالما ليست لديك اجابة على السؤال هو الذي دفع الجزار المسكين لانهاء حياة البؤس الذي صنعتموه في الوطن الفضل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة