الأخبار
أخبار إقليمية
البشير يوقع نهارا وينكر ليلا.. جوبا : أولنج عاد ومعه أسلحة ثقيلة وسيارات تابعة لجيش السودان.
البشير يوقع نهارا وينكر ليلا.. جوبا : أولنج عاد ومعه أسلحة ثقيلة وسيارات تابعة لجيش السودان.
البشير يوقع نهارا وينكر ليلا.. جوبا : أولنج عاد ومعه أسلحة ثقيلة وسيارات تابعة لجيش السودان.


نحن لا ندعم الجبهة الثورية وليس لدينا إمكانيات مادية أو أسلحة نقدمها للحركات
06-08-2013 03:12 AM
لندن: مصطفى سري

رفضت دولة جنوب السودان الاتهامات التي ساقها الرئيس السوداني عمر البشير ضدها بدعم الجبهة الثورية وعدم تنفيذ اتفاقيات الترتيبات الأمنية، وهدد جوبا باتخاذ إجراءات لم يفصح عنها، فيما اعتبرت الدولة التي استقلت عن السودان قبل عامين أن مواقف الخرطوم الجديدة محاولة للتنصل من اتفاق التعاون، وتعتبر عودة الاتهامات المتبادلة نكسة جديدة بعد آخر لقاء جمع الرئيسين عمر البشير وسلفا كير في أديس أبابا في مايو (أيار) الماضي، ولقاء سابق في جوبا في أبريل (نيسان) الماضي، في وقت شددت واشنطون على وقوفها بقوة مع المقترح الأفريقي بإجراء الاستفتاء في أكتوبر (تشرين الأول) القادم في منطقة آبيي المتنازع عليها بين جوبا والخرطوم، وأكدت على أنها ستمارس ضغوطا على الجهات الإقليمية والدولية لوضع المقترح موضع التنفيذ وفي موعده.

وقال الدكتور برنابا مريال بنجامين وزير الإعلام والبث الإذاعي في دولة جنوب السودان لـ«الشرق الأوسط» إن حكومته ترفض اتهامات الرئيس السوداني عمر البشير لاتهامها بدعم الجبهة الثورية التي تقاتل الخرطوم في مناطق (دارفور، شمال وجنوب كردفان والنيل الأزرق)، معتبرا أن البشير يسعى للتنصل من اتفاق التعاون الذي تم توقيعه بين البلدين في سبتمبر (أيلول) الماضي في أديس أبابا، وأضاف (نحن لا ندعم الجبهة الثورية وليس لدينا إمكانيات مادية أو أسلحة نقدمها للحركات المتمردة على الخرطوم وسبق أن اتفق البشير وسلفا كير في أبريل الماضي في جوبا بعدم دعم أي طرف متمردين ضد الطرف الآخر)، وقال (هذه هي عادة البشير التنصل مما يتفق عليه سواء معنا أو أي جهة أخرى وتجاربنا معه كثيرة)، وتابع (لكننا نملك الدليل الموثق بدعم النظام السوداني للمتمردين ضد بلانا ولم نشأ أن نتحدث عن ذلك لأننا أردنا أن يكون هناك مناخ للحوار بين البلدين لتطبيع العلاقات).

وقال: إن أحد قادة التمرد ضد جنوب السودان الجنرال جونسون أولنج قاد عاد إلى البلاد الثلاثاء الماضي من دولة السودان بعد أن أصدر سلفا كير عفوا عاما لحملة السلاح، مشيرا إلى أن أولنج عاد ومعه أكثر من (3) آلاف مقاتل وبأسلحة ثقيلة وسيارات تابعة للجيش السوداني، وقال: إن أولنج كان يقاتل جيش جنوب السودان في مناطق أعالي النيل منذ عام 2011. وأضاف (العالم كله شاهد الأدلة عبر الفضائيات ووكالات الأنباء ولا يمكن للخرطوم أن تنكر هذه الأدلة الدامغة).

وقال بنجامين إن الحكومة السودانية ظلت توقع الاتفاقيات نهارا وتنكرها ليلا وأنها فعلت ذلك حتى مع اتفاقيات التعاون بالمماطلة في التنفيذ، وأضاف (نحن نفذنا كل ما يلينا في اتفاقيات التعاون فورا بدءا من سحب قواتنا من على الحدود لخلق المنطقة المنزوعة السلاح وإلى إعادة ضخ النفط للتصدير)، وقال: إن الاتحاد الأفريقي والمجتمع الدولي يشهدان على أن بلاده نفذت الاتفاقية في مواقيتها، وأضاف أن الخرطوم لم تسحب كل قواتها من على الحدود لنوايا أخرى تسعى لها، وكشف عن أن حكومته أبلغت مجلس الأمن الدولي والاتحاد الأفريقي باعتبارهما من شهود الاتفاقيات التي وقعت في سبتمبر الماضي في العاصمة الإثيوبية بالمواقف التي تظهر من حين إلى آخر من قبل الحكومة السودانية – على حد تعبيره – وتابع (البشير منذ أن تم توقيع اتفاقيات التعاون كان يضمر هذه المواقف المناوئة ضدنا وما زال يسعى لتخريب بلادنا بدعم المتمرد ديفيد ياو ياو في ولاية جونقلي)، وقال (ليس لدينا مواقف ضد السودان ولا نسعى لذلك على البشير أن يعود إلى تنفيذ الاتفاقيات وأن يحل قضايا بلاده مع الجبهة الثورية سلميا ويمكننا أن نساعده في ذلك وأبلغناه أكثر من مرة بأننا يمكن أن نساهم في حل أزمته مع المسلحين).

وكان الرئيس السوداني عمر البشير قد نقل إلى مجلس وزراء حكومته أول من أمس بأنه أبلغ القادة الأفارقة الذين التقاهم على هامش القمة الأفريقية الأخيرة في مايو، بموقف بلاده حيال عدم التزام حكومة الجنوب بتنفيذ الاتفاقيات التسع في مصفوفة التعاون المشترك، وقال: إنه نقل للقادة الأفارقة أن الوقائع على الأرض أثبتت أن حكومة الجنوب لم تنفذ ما وجب عليها، في الترتيبات الأمنية، وأنها لم تسحب قواتها من المناطق المتفق عليها، وهدد بإجراءات ستتخذها حينما ينقضي الأجل المحدد لإنفاذ ترتيبات المصفوفة لكنه لم يفصح عنها.

وقال المتحدث الرسمي باسم مجلس الوزراء السوداني حاتم بخيت للصحافيين إن البشير شدد في اجتماع مجلس الوزراء على أن جوبا لا تزال تدعم الحركات المتمردة وبالأدلة الواضحة والدامغة بغرض مواصلتها التخريب والإرهاب في إطار مخطط استراتيجي للنيل من مقدرات البلاد، مشيرا إلى أن المجلس وجه بحملة إعلامية ودبلوماسية لشرح موقف الخرطوم والتعريف بما سيتم اتخاذه من إجراءات جراء عدم تنفيذ جنوب السودان لواجباتها تجاه المصفوفة ومواصلة دعمها لحركات التمرد ضد السودان.

الشرق الاوسط


تعليقات 34 | إهداء 0 | زيارات 21131

التعليقات
#691373 [jini]
0.00/5 (0 صوت)

06-09-2013 01:36 AM
بكرة بشة يلقى الدولار بقى 8000 يقعد يولوب


#691318 [خالد البوشي]
4.50/5 (3 صوت)

06-08-2013 11:55 PM
ايها الشعب السوداني الفضل..ان مايقوم به المدعو عمر حسن احمد البشير المطلوب للمحكمة الجنائية الدولية بتهمة الابادة الجماعية وانتهاك حقوق الانسان السوداني والتحريض على القتل وسفك الدماء الطاهرة للمدنيين والابرياء من ابناء السودان.. اقول ان مايقوم به من تصرفات لاارادية وتخبط في صناعة القرارات انما يعبر عن الحالة النفسية وموجات الرعب والخوف من مصير صديقه السابق معمر القذافي او مشنقة صدام حسين فهو يخشى على نفسه من نفس المصير الذي تتجه نحوه الاحداث عاصفة..ولذلك فهو يامر باغلاق ومنع ومصادرة..ولكن هيهات ايها الفاسق الجبان الرعديد سيدركك الموت وان كنت في ابراج مشيدة وسيكون مصيرك مصير الظلمة على مدار التاريخ الانساني..


ردود على خالد البوشي
United States [خالد البوشي] 06-09-2013 12:11 PM
لكن فعلا ياهبالةعرفت قدر نفسك تماما- والهبالة فصلت عليك تفصيلا - وانت لم تفعل شيئا سوى تاكيدك للواقع والمثل القائل رزق الهبل على المجانين مما يؤكد بانك اهبل والراقصة عمورية البشير من المجانين

European Union [هبالة] 06-09-2013 01:38 AM
قولوا ما شئتم فلن يمر فنجان نفط عبر السودان ولو نفنى جميعا


#691290 [Wad abyei]
5.00/5 (2 صوت)

06-08-2013 11:09 PM
الرئيس بشير محله الحقيقي ما القصر الجمهوري ولكن محله في مستشفي المجانين ،ما معقول المهضرب دا يقول لشعب كامل أشربوا بترول كم ،. نحن بنشوف لينا طرق تاني، المشكلة في الانابيبك دا حتعمل بيهو شنوا انشاء الله تبل في النيل وتشرب مويتو يا و رنيك تسع


#691224 [اقار معلا]
5.00/5 (1 صوت)

06-08-2013 10:11 PM
هكذا دوما مواقفهم يتنصلون عن اي اتفاق """""" وعندما تضغط قوات الجبهة عليها تجعل من جوبا الحيطة القصيرة *


#691147 [صابر]
5.00/5 (2 صوت)

06-08-2013 08:50 PM
تعليق ديجانقو يقول "انفصل الحنوب ولكن لن نركع لاسرائيل" وحقو تقول نحتفظ بحق الرد.
إسرائيل ما محتاجة تجينا من الجنوب, استباحت أراضينا وضربت حتى قلب الخرطوم في عهد بشبش وأبوريالة، وبعدين يا ديجانقو السينما ودمرتوها، ديجانقو جبتو من وين؟
نحن مشكلتنا ما دولة الجنوب التي فصلها بشبش وجماعته، خلوهم في حالهم. مشكلة السودان هي نظام الإنقاذ الإقصائي.
رنبا ابتلى الشعب السودان بأبلد وأهبل نظام وما عارف مصلحتو وين، خليك من مصلحة البلد.


#691052 [مصطفي]
0.00/5 (0 صوت)

06-08-2013 06:37 PM
ما المقصود بماسورة قبل مانسمع بسوق المواسير كنا نسمع بفلان ده طلع ماسوره ساي مافهمتو من الصورة والجنوبين شكلم مسكو ماسورة واكلو هواءضاعو ويبقالم سنين طويله مافي طريقه مره بس الشمال


#690991 [ديجانقو]
0.00/5 (0 صوت)

06-08-2013 05:24 PM
انفصل الحنوب ولكن لن نركع لاسرائيل


ردود على ديجانقو
[الحقيقة مرة] 06-08-2013 09:02 PM
تركع كيف وانت منبرش اساسا ؟

United States [Ban Ban] 06-08-2013 07:33 PM
ومن الذي قال لك أركع لاسرائيل؟


#690867 [مردونا]
0.00/5 (0 صوت)

06-08-2013 02:30 PM
وقف المها ترات بين حكومة الشمال وحكومة الجنوب الشعب اما نة فى عنقكم قبل ما يحصل الحرب بين الطرفين لان القوة الستكبارية عاوزة كدة حتى تدخل بينكم ودة الحا يحصل والايام بتوريكم 0


#690848 [محمد حسن أحمد]
5.00/5 (1 صوت)

06-08-2013 02:13 PM
ورب الكعبة الذي ارسل سيدنا محمد بالحق أن الخنزير لأن مافعله بالسودان وبشعب السودان لا يمكن أن يعمله ابن حلال في أهله وفي شعبه وفي أمة محمد


#690819 [أيوب صابر أيوب]
4.50/5 (4 صوت)

06-08-2013 01:48 PM
بشه قال الرووووووووب من الجبهه الثوريه ...

وداير عمك سلفا إتفوهم ليهو

دي كل الحكايه


#690791 [ابوخلف]
3.00/5 (1 صوت)

06-08-2013 01:11 PM
جيش الرب مدسوس عندك وين ، عدم الفهم مشكله وكلام ذي دا بيستفيدو منو الاخرين وانت مابتستفيدي منو ، كلامك دراش. دراش دراش طوالي من مقال شهامه ، أخير الدخان والدلكه لو فيهن باقي


ردود على ابوخلف
[nagatabuzaid] 06-08-2013 10:34 PM
معقول احنا الاثنين نكون فاهمين ما كفاية فهمك ده انت فاهم بشكل ؟؟؟؟؟ كلامك كله يؤكد

انكم مدروشين اما كلماتك الاخيرة فلن ارددها لان رجل من رحم حرة لا ينطقها اطلاقا واقول

يبدو انك نسيتهم فى شقة عرسان الصافية لانه الكلمات الخاصة بمجتمع الحريم لا يرددها الا من

من كان من هذه النوعية

[nagatabuzaid] 06-08-2013 08:30 PM
مكان جيش الرب مدسوس بعرفوه سيادك انت ما عارف ولا شنو ؟؟؟ طيب لمن انت فاهم كفاية يعنى معقول انت تكون فاهم وانا اكون فاهمة ؟ يكفى انت فهمك زى فهم سيادك وفعلا اوااااااااافقك وابصم بالعشرة عدم الفهم مشكلة بدليل انك بترد بلا فهم واسيادك البحكمونا ما عندهم فهم واصبحت مشكلة السودان مستعصية اما كلامى الدراش دراش ده حيستمر لغاية ما تندرش انت واسيادك ان شاء الله ومقال شهامة واجعك لى هسه مالك عمل ليك وجع راس ؟؟؟ وبرضة حادرش شوامخ وغيرى حيدرش شهامة لمن يتادبوا عليك الله انت فاهم بس انت جدادة بلدية ونحن ليكم بالمرصاد وعبارتك الاخيره لن ارددها لانه مافى راجل من ضهر راجل من رحم حرة بيقولهم لكن اقول ليك امشى تلقاهم فى شقة عرسان شمبات تكون نسيتهم هناك ما هو البذكر الحاجات الخاصة بالنسوان بيكون من النوع ده


#690766 [wad kalkol]
0.00/5 (0 صوت)

06-08-2013 12:51 PM
انا لله وانا اليه راجعون كلما قلنا عساها تنجلى قالت الايام هذا مبتداها .الى متى سيظل رئيسي دولة السودان وجنوبه مثل الاطفال يتفقان اليوم ويختلفان غدا .والى متى سظل الشعب السودانى فى الدولتين يعانى من هذه المهزله التى جعلت العالم يضحك علينا ويتحكم بنا .الى متى سنظل ندمر هذا البلد الحبيب ونشرد رحاله ونرمل نساءه ونيتم اطفاله .اليس لاطفال بادى الحق فى العيش والتعليم والرفاهيه مثلهم مثل بقية اطفال العالم اليس لنا الخق فى الاستمتاع كغيرنا بنعم الدنيا .ام ان مسئولى الدولتين تناسوا ونسوا خقوق هذا الشعب المسكين المغلوب على امره .الى متى سنظل ندمر هذا البلد الحبيب الذى نزف من الدماء ما لم ينزفه بلد من قبله الى متى سنظل نتقاتل وفى وطننا من الخير ما يكفى شعوب العالم ونحن للاسف نتسول ونستجدى اللقمة من الاخرين .اتقوا الله فينا واذا لم نكونوا قادرين غلى خل مشاكلنا فاذهبوا واتركوها للعقلاء من اهل السودان والسودان بحمد الله ملئ بالعقلاء والفكرين *واتقوا يوما ترجعون فيه الى الله)


ردود على wad kalkol
[الانقاذ قد دنا عذابها] 06-08-2013 11:06 PM
والله باابو الليل الرجل لم يقل الا الحق فقد رمي اللوم علي الؤتمر اللاوطني ممثل في المتوه البشير والجيش اللاشعبي ممثل في سيلفا كير وكلاهما السبب في تعاسة شعبيهما الي اين الله ورسوله اعلم ولكن اقول لك السودان لديه فرصه اكبر في رمي نظام اللاوطني في مذبلة التاريخ اكثر من اهلنا بالجنوب لان ناش الشمال لهم خبره اكثر في رمي الانظمه الفاسده في مذبلة التاريخ ونسبة الوعي ايضا اكبر وهذه حقيقه يجب ان لا تغضب اهلنا بالجنوب اجارهم الله واجارنا

European Union [ابو الليل] 06-08-2013 02:10 PM
يا اخينا انت تعاين في الفيل وتطعن في ضلو ... رئيسك البشير وعصابته هم محترفي وتجار حرب .. انظر الى الحروب التي اشعلها البشير طوال 23 عاماً ، جنوب السودان ،جبال النوبة ، النيل الازرق ، شرق السودان ، دارفور ، شمال كردفان ، وحركة العدل والمساواة كانت دخلت الخرطوم ، وهناك الثوار من المناصير وسد كجبار ، اليس هذا جنوناً يفوق جنون القذافي ، على الاقل القذافي لم يشعل بلاده بمثل هذه الحروب خلال فترة حكمه الا عندما ازفت ساعة نهايته ... ولكن انظر الى بشيرك هذا ، ما زال الرجل يفكر في غزو الجنوب ........ هذا رجل معتوه ..


#690716 [المثقف جدا]
0.00/5 (0 صوت)

06-08-2013 12:07 PM
Juba now
Pay bills for those who helped her over 20 years old
Vsifaa with the foreign and Akhawajat intelligence
And her heart and interests with Khartoum
Juba play on the ropes
So as not to lose the masters
At the same time, do not lose Khartoum
But rolls on Juba that the era has ended gray
Soon
And very soon you will have the Juba dance just one hand
With the dream that Khartoum will not allow Juba
Ban relax for a long time
Because people in Juba, they open their mouths to come from Khartoum
It does not have the strength continues to suffer under your feet


ردود على المثقف جدا
United States [ابن السودان] 06-09-2013 03:15 AM
cut the road .... !!!!!
الفهم منكم إفهمنا ، يا أهل الفهم ...

United States [الثقافة والشلاقة] 06-09-2013 12:14 AM
انجليزي علب اللبن ده شنو لو جبت شكسبير ما يفهم كلمة واحدة قال شنو THE JUBA انت يالمثقف اتعلم العربي في الاول . انا عاوز اعرف المزضوع ده اجازوهو كيف


#690711 [krkasa]
5.00/5 (2 صوت)

06-08-2013 12:04 PM
عندما يَحْكُم المواسير ....؟؟!!...والحال يغني عن السؤال..؟؟


#690700 [كتاحة]
5.00/5 (2 صوت)

06-08-2013 11:58 AM
كلهم مرض كان مؤتمر وثني كان جبهة ثورية ( من الثور )

كلهم بضربوا في المواطنين العزل عشان يخوفوا الطرف الاخر

تجي الحكومة لقرية وادعة و تقتل 50 مواطنا لتخيف الجبهة ثم تأتي الجبهة لتقتل 100 مواطن لتخيف الحكومة ثم تأتي الحكومة و تقتل 200 و هكذا

الغريبة لا الحكومة لا الجبهة الثورية بضربوا بعضهم و كأنوا مهمتهم القضاء على المدنيين

اما عن الجنوب فدعمه للجبهة الثورية واضح ولا يحتاج لدليل ( اصلو نحنا عندنا قنابير يا سلفاطير )
المفروض تبقى شجاع و تعلن دعمك عدييييل للجبهة ووالله ما عيب فأنا رغم التحفظات افضل الجبهة على الكيزان لكن يبدو ان سلفاكير من نفس فصيلة البشكير جعجعة ساااي


ردود على كتاحة
European Union [TIGERSHARK] 06-08-2013 08:26 PM
صدقت ي الصوت...انا برضو شميت الريحه من اول سطر...بس ده سويسيوه لسه مابقي علي البيض...ههههههههههه..هيهيهي..كت كت كت.

European Union [الشرانى] 06-08-2013 07:41 PM
والمدعو صوت عايز منك تذم الحكومة بس؟؟ وجبهة الثيران ازفت منك ومن الحكومة والله وكنت حتسوى شنو قتلوا ابوك والا امك فى العرب والا فى ام درمان؟؟داهية فيك انت الاخر

[الصوت] 06-08-2013 02:25 PM
يا ود الحلال ما تبطبط ساكت الناس البيتصفحوا هذه الصفحة واعين جداً وما اظن ان مثلك يمكن ان يخدعهم بمسك العصا من الوسط ومحاولة التخزيل البتمارسها دي ...ريحتك يا اخوي نتتشم من اول سطر كتبته قوم امشي شوف ليك (دُنْقُر) تبيِّض فيه وبلاش تكاكي عندنا .


#690679 [الواضح ما فاضح]
3.00/5 (2 صوت)

06-08-2013 11:40 AM
من زمان ما قلتو خليهم ينفصلوا عشان نرتاح منهم ومن مشاكلهم اها حسع ارتحتو؟؟؟؟؟؟؟؟؟؟؟؟؟؟؟؟؟؟


#690678 [القدره]
0.00/5 (0 صوت)

06-08-2013 11:39 AM
اذا كان البشير الذي التزم بفصل جنوب السودان ماسوره فقادة الحركه الشعبيه وعلي راسهم سلفاكير في تقدير شعب الجنوب يطلعو شنو ؟؟


ردود على القدره
[الصوت] 06-08-2013 02:28 PM
تقصد أُلزم وليس التزم - للتصحيح فقط - بالمناسبة انتو الجداد ده الليلة الجابو علينا شنو ؟


#690665 [nagatabuzaid]
4.50/5 (4 صوت)

06-08-2013 11:28 AM
الله ريحك يا اسرائيل الايام دى قبلوا على الجنوب غلبهم اليسووا

عارفين المخلوق القدر الله ان يكون رئيسنا ده بذكرنى بطفل ضخم الجثة عبيط كنا نسميه (النجعه) كنا ننطقها بطريقة معينة ناكل فيها اللام كان يلعب مع الاولاد فى امان الله ويبنوا بيوت الطين والحيشان ويبدع الاطفال بخيالهم الخصب بس غضبة مضرية واحدة منه من اى طفل يرفس ليك البيوت ويعفصة بلعلة و وكواريك ولخبطة ويبوظ كل ما بناه هو وبقية الشفع وتصل المشلة للاهل وهو يوميا معكر مزاج الشفع اهلوا عارفينه علشان يريحوا بالهم منوا منعوه المرقة واللعب تحت الشجرة مكان تجمعهم يجى لاصحاب لاحسا كلام وهيجة امس يقول ليهم ارحكم معاى حنسوا امى وابوى يحلونى (يخلونى ) العب معاكم تانى ما بسوى كدى وتتم الوساطة النجعة تاااااانى يسويها مرت السنوات وكبرنا ورحلوا من جنبنا علشان كده كل غضبة مضرية بقول يمكن المخلوق ده يا هو زولنا ذذذذذذذذذذذتوا

نفرض ان الجنوب فعلت ما فعلت ما نحن جيش الرب مدسوووووس عندنا حاضن ومبيض والثورة الليبية كان لااابد وفجاْة ظهر بتصريح قال هو دعم الثورة ( بطل مش كدة ) وقاعد يمررالسلاح لنصر الله لضرب ثوار سوريا ( طبعا الصباح رباح غير موقفه وباع بشار ) وكمان استعان بتشاد وجماعة مالى لضرب مواطنى السودان الدارفوريين وقاعد يضرب كردفان بطيران ايران والصين وروسيا
واستعان بمصر القالت ليه لا ما كنش يتعز ما نساعدش واحد بيضرب مواطنيه
المخلوق ده غريب جدا عامل نفسه اضحوكة غبا التابا يا يمة داير يكب الزوغة من اتفاقية الجنوب يظهر الحزب بتاع سيادته وجه ليه اللوم


ردود على nagatabuzaid
United States [ابوخلف] 06-09-2013 02:36 AM
كل إناء بما فيه. ينضح ،،

United States [ivan] 06-08-2013 06:26 PM
النجعة بقا مهندس استشاري في اكبر شركة اتصالات في العالم وبالدولاااار كمان .


#690659 [ابو نور]
5.00/5 (2 صوت)

06-08-2013 11:23 AM
ايها الشعب السودانى الطيب تصبحون على وطن كل صباح مع نظام البشير الفاسد تصبحون على الم المعاناة والضياع وتشرذم البلد- راح الجنوب وراحت دافور وفى طريقهما جنوب كردفان والنيل الازرق وبعد ايام معدودة تذهب ابييى غير ماسوف عليها من نظام البشير وسوف يظهر عليكم واحد من لصوص النظام ولا احسبه يكون صاحب الوجه المقيت الذى سوده الله تعالى العدل نتيجة شر وحبث اعماله على عثمان نعم سوف يبيعون السودان كله ماعدا مثلثهم البرمودى والله هولاء الشياطين لاتاخدهم رحمة او شفقة فيكم من اجل كرسيهم وسلطانهم وحكهم الذى من اجله اتخدو الدين والاسلام ذريعة ومطية
بنى وطنى اقسم بالله ان لم تعوا الدرس من ذهاب الجنوب وفساد البشير ونظامه يوما ما لاتجدون الوطن الذى لاتصبحون فيه


#690654 [علي الجاك]
0.00/5 (0 صوت)

06-08-2013 11:20 AM
Killing 40 of the rebel forces Drug Blue Nile.

Killed 40 rebels of the so-called troop SPLA rebel's rebel Malik Agar, after they killed three of the sponsors of Arab nomads, and looting of cattle near the بوط Blue Nile, and took herders to Andcrosrat equipped with weapons Dushka, the amount of military hardware.

He had been the rebels attacked the shepherds stood the people of nomadic herders to gather on board the vehicles, "Lowry" and tracked down the perpetrators and clashed with another force of rebels of the so-called People's Army and were killed, including more than 40 rebels.

He stressed that the group sponsors took over the Land Cruiser vehicles equipped Bdochka and the amount of war materiel so-called People's Army rebels landlord after escape.


ردود على علي الجاك
[المثقف جدا] 06-08-2013 12:11 PM
Is this a Hindi film
Name film Action
From where I knew this
Have you told your cousin
Then what is the relationship SUBJECT
You shallow man


#690636 [المثقف جدا]
3.00/5 (2 صوت)

06-08-2013 11:07 AM
جوبا الان
تدفع فواتير للذين ساعدوها على مر 20 سنة
فسيفها مع المخابرات الاجنبية والخواجات
وقلبها ومصالحها مع الخرطوم
جوبا تلعب على الحبلين
حتى لا تخسر اسيادها
وفى نفس الوقت لا تخسر الخرطوم
ولكن فات على جوبا ان عهد اللون الرمادى قد انتهى
وقريبا
وقريبا جدا ستضطر جوبا للرقص لجهة واحدة فقط
مع الحلم ان الخرطوم لن تسمح لجوبا
بان تسترخى لوقت طويل
لان الناس فى جوبا يفتحون افواههم لما يأتى من الخرطوم
ومن لا يملك قوته يظل يرزح تحت قدميك


ردود على المثقف جدا
United States [هجام] 06-08-2013 12:29 PM
حالتك دي مثقف وكمان جداً وطيب لو ما كنت مثقف كان الحال يكون كيف؟؟؟؟؟؟؟؟؟؟؟؟؟؟؟؟

United States [silent] 06-08-2013 12:03 PM
انت ابو الجاعورة الصغير ولا شنو مالك بتهضرب اصبر لك شوي يا اخي حتي تعرف من هم الجنوبيين وما هي جوبا


#690626 [abou donia]
0.00/5 (0 صوت)

06-08-2013 11:02 AM
يا جنوبين حكومةً وشعباً إن كانت لكم وجود حقيقي علي الأرض نقول لكم ( الشمس لا تغطي بغربال ) وعقولكم تحررت حديثاً فإعتنو بحداثة عهده وألا سيذوبوكم من كان يحيس أنفاسكم ولاتلومن إلا أنفسكم


#690620 [جعلى كردفانى]
5.00/5 (1 صوت)

06-08-2013 10:54 AM
فصل البلاد وبقت له الحكاية حارة..
.مازال رئيس سلطة السودان يتعامل مع الجنوب ..بعقلية الحشرة الشعبية..ما هذه الغطرسة الفارغة من اى محتوى اخلاقى او سياسى او دينى قول خير ام تصمت..


#690583 [تان]
5.00/5 (4 صوت)

06-08-2013 10:20 AM
البشير وخيانة العهود والكذب والتدليس والقتل والتشريد عنده شئ عادي وهذا هو ديدن أي نظام شمولي


#690558 [سامية]
1.75/5 (3 صوت)

06-08-2013 09:48 AM
و هل كنا ننتظر من دولة جنوب السودان أن تعترف بأن الاتهامات صحيحة؟ شئ طبيعي أن تلجأ دولة جنوب السودان للانكار، المشكلة ان هناك لوبى فى دولة الجنوب هو من يقرر و الرئيس سلفا كير لا يستطيع الوقوف فى وجه هذا الوبي و هم يفعلون ما يشاءون من وراء سلفا كير و قد يكون لهذا اللوبي أجندة خفية لشعللة الأوضاع و تخريب العلاقات بين الدولتين، أما مسألة الدعم فهى حقيقة ثابتة وواضحة لكل ذي عقل و لا تحتاج الى اثبات و حتي الأطفال يدركونها.


ردود على سامية
United States [ابوعلوة] 06-08-2013 11:56 PM
كرهتنا ياالمسمي نفسك (الصوت) عامل نفسك الناطق الرسمي باسم الراكوبة ماسك ليك في لبانة وتلصق في الناس (جدادة .. جدادة والله انت اكبر بجعة) ابعد بعيد وخلينا نتفاعل مع الناس البتكتب وبتعلق بفهم بغض النظر عن اختلاف وجهات النظر. عالم تطمم البطن

European Union [TIGERSHARK] 06-08-2013 08:34 PM
تقصد الجنوب فيهو لالوب...احتمال.

United States [سامية] 06-08-2013 06:40 PM
و أنتي يا nagatabuzaid دايره ليكي دليل أكبر من مكان انطلاق هذه الجبهة الثورية، من أين تنطلق الجبهة الثورية لمهاجمة السودان؟ أليس من دولة جنوب السودان الذي يوفر لها المأوي و الدعم، و من أين لهم الرواتب التي يدفعونها لجنودهم ان لم يكن من الجنوب، و عندما يضغط عليهم الجبش السوداني الى أين يهربون أليس الى دولة جنوب السودان؟ عندما اشتد عليهم الخناق فى النيل الأزرق الى أين هربوا؟ الم يهربوا الي جنوب السودان ثم أين تقيم قياداتهم الآن؟ كلها فى دولة جنوب السودان و منها يذهبون الى الدول الأخري لشرح ما يسمونه بقضيتهم ثم يعودون الى مقرهم فى الجنوب فلا تحاولوا انكار هذه الحقيقة الواضحة وضوح الشمس.

United States [الصوت] 06-08-2013 02:37 PM
كَرْ يا دجاجة ... امشي بيضي محل كاكيتي ....قال لوبي قال ...

European Union [ali alfred] 06-08-2013 02:06 PM
شماعة دولة الجنوب لا تفيد في الوقت الحاضر.ان تنظيف البلاد من اوساخ واقذار الحكام الفاسدين يستغرق وقتا وجهدا فلا تستعجلي النتائج.

[nagatabuzaid] 06-08-2013 10:54 AM
اذكرى الادلة الواضحة والثابتة المؤكدة لديك ولاننا لسنا من لكل ذى عقل وعقولنا عقول اطفال اغبياء لا يدركون فنحن نريد اثبلت واضح بوثائق جديدة ليس بها اى دبلجة ولا معالجة باى اسلوب حينها سنصفق هى هى هى البشير صادق سلفاكير خائن .
لوبى ايه وخرابيط ايه توقعوا زى ماقالوا بالليل وتفيقوا بالنهار تنكروا هو فى لوبى اكثر منكم لوبى قال


#690549 [قلبي يا المكتول كمد]
5.00/5 (6 صوت)

06-08-2013 09:36 AM
ههههههههههههههههههههههههههههههههه ياخي ده اجمل تعليق بالصوت والصورة عمك طلعوه ماسورة ههههههههههههههههههههههههههههههههههههههههههههههههههههههههههههههههههههه
الماسورة بقت دولية


#690544 [Gabriel Unguec]
5.00/5 (2 صوت)

06-08-2013 09:31 AM
البشير شخصية لا يمكن الوثوق بها على الإطلاق و تصريحاته احياناً تخرج عن صياغ تصريحات رجل دولة. إن اتفاق التعاون بين البلدين كان لمصلحتهما اي بين السودان و جنوب السودان لكن في ظل هذا الجو الذي يحاول حكومة الخرطوم جر الجميع اليه في تقديري ما هو إلا عرقلة المسائل الجارية لإحتواء و حل قضية أبيي و الخرطوم في النهاية ستخسر لأنه وحتى الآن حكومة جوبا لم تصدر أي تصريح مماثل و لكم ان تتخيلوا إذا قبلت جوبا يوماً و قالت يلا كلاشنكوف يدق و الراجمات تغني والله ما عارف وين نقبل.


#690523 [shaban]
5.00/5 (1 صوت)

06-08-2013 09:05 AM
أجراءات شنو دايرين يتخذوها؟؟؟!!!يلغوا اتفاقية المصفوفات كلها و يقفلوا أنابيب البترول يعني مثلا ؟؟!! خلاص خليهم يجهزوا للحرب الحاسمة والقاسمة نهائيا يا ليهم ويا عليهم يعني اما هم يجتاحوا الجنوب ويعملوا الدايرنوا فيهو أو كمان الجنوب تجتاح الشمال وتكون دي نهاية حاجة اسمها المؤتمر الوطني في السودان نهائيا من كل النواحي التي يمكن ان تتخيلها ونرتاح من الخبث والخبائث ... طبعا موقف الجنوب أقوى الآن لانو المجتمع الدولي وأمريكا واسرائيل والصين كمان حتقيف معاهو هذا بجانب أن جبهته الداخلية هي الأكثر تماسك من السودان الشمالي وخاصة بعد عودة هذه المجموعات الى حضن الجنوب بكامل عتادها الحربي وبالتأكيد حتى القواعد الشعبية التي كانت محسوبة لهذه المجموعة العائده ستلتئم في صفوف السلام والوطن الجنوبي بقوة قد تساهم بصورة كبيرة جدا في هذه المواجهة المتوقعة ان حدثت وستكون كفة الجنوب راجحة في التغلب على السودان الشمالي .


ردود على shaban
European Union [TIGERSHARK] 06-08-2013 08:37 PM
الله لم يكن يوما للمجرمين نصيرا...يامسلم.

[مسلم] 06-08-2013 03:30 PM
انتم لكم المجتمع الدولي ولا امريكي اصلا ونحن لنا الله الواحد الاحد الذي لا يقهر ومن توكل علي الله فهو حسبه باذن الله ما ينتصر الا الحق


#690504 [مدثر اسحاق تمبول]
0.00/5 (0 صوت)

06-08-2013 08:35 AM
قصة الرئيس عمر البشير و الرئيس سلفاكير قصة الاب الظالم و الابن العاق و في النهاية الذي يجني ثمار هذه الخلافات الشعب السوداني سواء في الشمال او في الجنوب...
جوبا وكما قال الرئيس سلفاكير لا تملك الامكانيات لدعم الحركات التحررية لان و لو وجدت امكانيات بمثل هذه الضخامة احري لجوبا ان تسخرهافي البنية التحتية للدولة الوليدة و لتنمية نفسها فلا احد يصدق ان تقدم جوبا المال و الرجال للحركات التحرريةو هي تحتاج لكل قرش واحد لازاحة الظلام واستخدام وسائل متطورة لتوفير الخدمات الضرورية من مياه.. صحة.. امن و تعليم..
وجود بعض قادة الحركات التحررية في جنوب السودان لا لشيئ الا انهم اجبروا لذلك بعد ان فقدوا الارضية التي كانوا يقفون عليها ابان وجودهم في الشمال كمواطنين اصليين لا دخلاء حيث قامت السلطات المتسلطة في الشمال و علي المدي البعيد بتطبيق سياسة الزحزحة و ابعاد السكان الاصليين من اراضيهم و ذلك لسنها قوانين تعجيزية تساعد عدم بقاء المواطن الاصلي في السودان في ارضه فما الفرق بين السوداني و الفلسطيني الذي طردته اسرائيل من موطنه الاصلي ؟


#690499 [osama dai elnaiem]
0.00/5 (0 صوت)

06-08-2013 08:26 AM
نعيد تكرار القول بصيغة اخري انه مثلما لا يملك البشير كل الارادة علي مكونات المؤتمر الوطني المعارضة واحزاب المعارضة الرئيسية في الشمال عليه ايضا ان يتوقع بالمثل ان سيلفا لايملك ايضا كامل الارادة علي مكونات المشهد العسكري والقبلي في الجنوب بكل القبائل ومكوكها وجنرالاتها المغبونون وغيرهم من الموتورين في الجيش الشعبي وعليه تصور تلك المعادلة ذات الطرف الواحد وان يسعي للعمل مع سيلفا في ذلك الجو ليصبح السودان الشمالي واحدا من اطراف المعادلة وبتدحرج كرة الثلج تكبر دائرة سبلفا كير والبشير داخل المجتمع الجنوبي وتعمل الاتفاقات الاقتصادية كوقود يومي لزيادة اوج العلاقات بين الشمال والجنوب وتصبح مكونات الجنوب رضت ام ابت مستندة يوميا علي الذرة من الشمال والوقود من الشمال والعلاج والادوية من الشمال وهذا الاعتماد اليومي في الاحتياجات الحياتية هو الذي يشعر مكونات المجتمع الجنوبي باهمية حل كل المشاكل التي تعيق التلاقي بين الشمال والجنوب وفي مقدمتها دعم الحركات المسلحة ضد الشمال وبالعكس نكوص البشير المتوالي من تنفيذ الاتفاقات بدعوي عدم قدرة سيلفا كير في تحجيم المعارضين بالجنوب هو طلب مستحيل ويرص في صف التاخي والتازر مع المعاضين في الجنوب ويدعم موقفهم كما ان الشكوي للمجتمع الدولي في المناخ المعادي للسودان الشمالي والبشير شخصيا لا يجلب الا كوارث للسودان لان الحكم علي السودان من خلال البشير حكم سبق كل مقال وهو في غير صالح السودان وحل المشاكل في يد البشير باعتبار ان السودان الشمالي هو الاخ الاكبر في مقابل الاخ الذي يتحسس طريقه في الدنيا ومجاهلها فبدلا من مساعدته دوليا نجرره للمحاكم والشكاوي الدولية والتي تاتي اخيرا في غير صالحنا وللحقيقة موقف السودان من اتفاقات الجنوب وتاخيرهاو تاجيل تنفيذها هو من ارادة البشير فقط ولو ان الامر ترك لبرلمان كما برلمان 56/58 لسمعنا اراء عجب ولانتصر البرلمان ورايه علي راي الحكومة--- اعتقد ان البشير سار بالتسلط والعنجهية مسارا بعيدا ومثلما حطم علاقات الاخوان المسلمون مع بعضهم البعض وترك الغصة في حلق الترابي ودمر علاقات السودان مع امريكا فهو الان يتجه لا شعوريا وكما طبعه لتدمير علاقات السودان الشمالي مع توامه في الجنوب .


#690497 [ود الشمال]
2.50/5 (2 صوت)

06-08-2013 08:21 AM
يا الدكتور برنابا مريال بنجامين ، إن لم يكن حكومة البشير شريككم في السلطة سابقاً وصديقكم الآن ، ينفذ الاتفاقيات لكنتم في الغابة ولم يكن موجود دولة جنوب السودان ، يا دكتور برنابا مريال بنجامين ، التزام حكومة السودان بالاتفاقيات مع العصابات الحاكمة في الجنوب الذي جعلكم ترسلون معدات الموات الي المواطن السوداني ومحاولة تدمير مكتسبات الشعب السوداني بل محاولة تشريد وتجويع وقتل الشعب السوداني أنتم تكذبون ومرتادين الكذب ولا تحاولوا ان تشوهوا صورة السودان واهل السودان ، انتم لا عهد لكم . وإن كنتم تريدون للشعب السوداني الخير فكفوا عن ارسال آلات الموت الي شعب السوداني ، ونعلم انكم بأمكانكم ان تساعدوا في وقف القتل الذي حاصل للشعب السوداني لان لكم اليد طولا في حركات المسلحة في السودان ، الامر بيدكم ايه العصبات في الجنوب ان تساعدوا في وقف دمار الشعب السوداني ونعلم انكم لا تريدون ذالك بالاتفاقية مع حكومة البشير ..


ردود على ود الشمال
United States [ود الشمال] 06-08-2013 09:51 PM
للإخوان ،المسمي [ابو الليل] و المسمي ، [كاهليٍٍٍٍٍٍٍٍٍٍٍٍٍٍٍٍ] و المسمي ، ٍٍٍٍٍٍ[hairbarakat] أنا لم أدافع عن حكومة البشير في المداخلة المنشور أعلاه ، بل دافعت عن سيادة الدولة السودانية من التشويه ، أنسيتم إن رضينا أم أبينا اليوم حكومة البشير هي الممثلة لسيادة الدولة السودانية وهل يليق أن يهاجم سيادة الدولة السودانية من دولة أجنبية ونحن نصمد ، أم يعتقد البعض منا عدو عدوي صديقي ولكن لا ينطبق في حالة الدول الاجنبية مع دولتكم ، أم يعتقد البعض منا أن دولة جنوب السودان لا زال جزء من السودان ، لو كان يعتقدون كذالك فهو مصيبة وإن كان غير كذالك فالمصيبة أعظم ، يجب علينا ألا نربط بين معارضتنا لحكومة البشير والصمت والتطبيل لدول أجنبية تريد المساس بكرامة أهل السودان

European Union [ابو الليل] 06-08-2013 04:07 PM
يا اللي مسمي نفيستك ود الشمال ... اسمع رئيسك البشير دة مجرم حرب وابادة جماعية ويخوض الان حروب عنصرية في جبال النوبة والنيل الازرق ودارفور ، رجل يحارب شعبه لاكثر من 23 عاماً ماذا تتوقع منه ؟ الان هو يعد نهاياته المحتومة اما مقبوض عليه او مقتول في شارع المك نمر ..

European Union [كاهلي] 06-08-2013 02:35 PM
ياخي انت كيسك فاضي الحرب بين المعارضه والحكومه ما مدورة قبل ينفصلو الجماعة ديل ومنطقيا حكومتك هي العصابه الحاكمه في الشمال 24 سنه قي الفتره اميركا جاتهاثلاثه دورات حكمت كلنتون بوش اوبااما

United States [الكلس] 06-08-2013 11:15 AM
انت كمان طلعت ماسوره يا ود الشمال رايك شنو؟

United States [khairbarakat] 06-08-2013 10:59 AM
مخك مخاط وراسك قرعة فارغة بالله عليك رحمنا وا تعلق تاني لأنك خاوي وما عنك شئ


#690488 [Mabek chol bol]
5.00/5 (5 صوت)

06-08-2013 08:03 AM
انا واللة راي اعلان حرب شامل ضد البشير..لانه الزول ده راسه ماكويس..!!


#690486 [;كمونية]
1.00/5 (1 صوت)

06-08-2013 07:58 AM
منتهى السخف والاستخفاف والاهانة وعدم الحياء وقلة الادب ان يحمل مواطنو ذلك البلد
لافته تسيئ لرئيس دولة أخري بكلمات سوقية.


ردود على ;كمونية
United States [سغيل وكاره المؤتمر الوطني] 06-08-2013 09:53 PM
القمتموه حجرا يار جال
الساكن ساي
هجام
سناري
امين الشريف
الحق بين وظاهر
ودمتمت للوطن

United States [الساكت ساي] 06-08-2013 03:11 PM
والله انت تمام كمونية وكمونية جداد كمان

United States [هجام] 06-08-2013 12:39 PM
ههههههه كلمات سوقية قال ،، طيب ما رأيك في الذي يتغوط به رئيسك الذي تتباهى به مثل "الحشرة الشعبية" والكثير والكثير من العبارات التي لا تليق حتى أن يقال لها سوقية ناهيك من أن تصدر من رئيس بلد مثل السودان،، بالله عليك اتكلم في أي حاجة تانية أو حتى أمشي جاهد في أبكرشولا أو غيرها يمكن تموت شهيد وتلقى ليك حورايا لكن لا تتحدث عن ما إذا كانت الكلمات سوقية أو غير سوقية لأن رئيسك وأبو العفين بتاعكم ما خلوا كلمة في القاموس السوقي ما قالوها للشعب المناصر له والمعارض على حد سوا

United States [sinnari] 06-08-2013 12:33 PM
يا شيخ كمونيه البشير بتاعك ده مرمط سمعتنا من زمان و الله بقينا نستحي من كلمة سوداني....

United States [امين الشريف] 06-08-2013 11:05 AM
مصطلح ماسورة هو مصطلح شمالي بحت مكان النشاءة والميلاد ولاية شمال دارفور التي يتولاها المفسد المجرم محمد يوسف كبر وقد جاء هذا المصلطح كتعريف لاسم السوق الذي مارس فيه بعض النصابين الربا نهارا جهارا وعلى عينك يا تاجر بعلم ومباركة المجرم كبر وقد خسر فيه كثير من الناس كل ما يدخرون من مال واجهزة الكترونية وسيارات واثاث منزلي وبكل اسف وكعادة دجالي النظام اسموا هذه التجارة بانها بركات تنزلت على اهل دارفور والخخخخخخخخخخ وقالوا في سوق المواسير ما لم يقله مالك في الخمر - طبعا كبار التجار في هذا السوق من الذين ترشحوا في انتخابات الخج والمج الاخيرة عن حزب البشير وانفقوا فيها مالا لا يحصى ولا يعد وقد غادر البعض منهم السودان فارا باموال الكادحين وبعضهم يقبع في السجون ولا تزال القضية معلقة .... هذا بالنسبة لمصلطح المواسير اي ان التفسير الصحيح والمنطقي لهذا المصطلح يعني سوق الكذب والنفاق والنصب والغش والخداع والتضليل وهذه الصفات كلها تنطبق على هذا الاسم كما انها تنطبق بالتفصيل على رئيس المؤتمر الوثني المجرم عمر البشير وتنطبق على كل اركان حربه اذ انه طيلة العقود الماضية لم نحصد منهم سوى الغش والخداع والنفاق والمتجارة ياسم الدين والتدليس وقد بداؤا حكمهم بهذا النهج الظلامي اللا اخلاقي يوم ان قالوا لشيخهم للسجن حبيسا وذهب كبيرهم للقصر رئيسا ...
اما وصف شعب الجنوب للرئيس البشير بالماسورة فهم صادقون في ذلك لكن ينبغي اخونا كمونية والاسم لاقى محله ينبغي ان تكون عادلا ف حكمك فرئيسك الذي وصفوه بالماسورة وهو فعلا ماسورة وصف شعب الجنوب بالحشرات وصف من كرمهم رب العزة والجلال بالحشرات((ولقد كرمنا بني ادم وحملناهم في البر والبحر)) دون تمييز فالتكريم شامل للمسلم وغيره من الملل فما الذي يجعل اهانة رئيس دولة لشعب باكمله حراما بينما نعت هذا الشعل لرئيس السودان الشمالي وهم صادقون في ذلك حراما ؟؟؟؟؟؟ والله انت كمونية صالح


#690463 [المقهورة]
5.00/5 (3 صوت)

06-08-2013 06:30 AM
إذا لم أخطئ التقدير فإن القابضين على زمام الأمور يتعمدون هذا الوضع، الحروبات
في أجزاء واسعة وعدم الإستقرار الأمني داخلياً ومع دول الجوار، وذلك لصرف أنظار
الشعب عن الأوضاع المتردية والغلاء الفاحش للسلع الضرورية دون مبرر، وحتى
تتفرق بهم السبل ولا يقووا على القيام بمظاهرات للخروج على هذا الواقع وأخيراً
أسقاط النظام وما يتبعه من عواقب وخيمة تقع على رؤوس العصابة المقننة لهذا العبث.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة