الأخبار
أخبار إقليمية
فيديو- البشير: القرار مدروس ولا تراجع عنه، أسيادهم لقونا مرين والله ،،ما بنتلاك ولا بنتبلع. الناس تمشي كلها للمعسكرات..أو ترق كل الدماء.
فيديو- البشير: القرار مدروس ولا تراجع عنه، أسيادهم لقونا مرين والله ،،ما بنتلاك ولا بنتبلع.  الناس تمشي كلها للمعسكرات..أو ترق كل الدماء.


ما دايرين زول مظلوم ولا عندنا زول مهمش ولا عندنا زول عشوائي
06-09-2013 04:05 AM
لندن: مصطفى سري الخرطوم: أحمد يونس

وجه الرئيس السوداني عمر البشير وزير نفط بلاده عوض الجاز بإغلاق أنابيب نفط دولة جنوب السودان اعتبارا من اليوم، وقال إن السودان لن يتأثر بقفل الأنبوب، متهما جوبا بمواصلة دعم متمردي الجبهة الثورية التي تقاتله في مناطق (دارفور، جنوب وشمال كردفان والنيل الأزرق) بهدف إسقاط نظامه.

وكان السودان وجنوب السودان قد وقعا اتفاقيات تعاون بينهما في سبتمبر (أيلول) الماضي في أديس أبابا، لكن الاتفاق واجه عراقيل عند التنفيذ، مما دفعهما لتوقيع اتفاق في مارس (آذار) الماضي عرفت باسم (مصفوفة تنفيذ اتفاقيات التعاون)، ومن بينها سحب جيشي البلدين بـ10 كلم جنوبا وشمالا وخلق منطقة عازلة على الحدود، واستئناف ضخ النفط الجنوبي ونقله عبر الأنابيب إلى الموانئ السودانية على ساحل البحر الأحمر، وقد وصل نفط جنوب السودان إلى السودان الأسبوع الماضي ويتوقع أن يصل ميناء بورسودان خلال الأيام المقبلة.

وقال البشير أمام حشد جماهيري بثه التلفزيون الرسمي أمس بمناسبة افتتاح محطة كهرباء جديدة لمدينة في شمال الخرطوم إن جنوب السودان بعد أن أعطاها السودان استقلاله عض بدولة كاملة من ثروات وموارد وأرض، وأضاف: «لكن الجنوبيين عضوا اليد التي مدت لهم بعد كل ذلك»، وقال إن وزير النفط السوداني عوض الجاز كان قد أمهل جوبا أسبوعين لتمرير نفطها إلى موانئ التصدير، وتابع: «أنا أوجه عوض الجاز بأن يأمر شركات النفط بإغلاق أنابيب النفط من يوم غد الأحد – اليوم»، وقال إن دولة الجنوب إذا أرادت أن تصدر نفطها عبر دولة كينيا أو إثيوبيا فهذا خيارها، وأضاف: «لن يمر نفط الجنوب من السودان مرة أخرى حتى لا يستفيد العملاء والمرتزقة من عائداته»، مشيرا إلى أن القرار مدروس ولا تراجع عنه، وقال: «لقد عرفونا بذلك كما عرفنا الغرب في أوروبا والولايات المتحدة ووجدوا أننا لا يمكن ابتلاعنا»، ووجه بفتح معسكرات التدريب لقوات الدفاع الشعبي، وقال: «كل يد تمتد إلى السودان سوف يتم قطعها وأي من يطول لسانه على السودان سيتم قطعه ومن يرفع عينه على السودان سنفقأها له».

الشرق الاوسط

البشير يأمر باغلاق انابيب النفط بواسطة sudanihor


http://www.youtube.com/watch?v=tjzxkwxSgkc

البشير يوجه وزارة النفط باغلاق انبوب نفط الجنوب اعتبارا من الغد


الخرطوم ( سونا ) وجه المشير عمر البشير رئيس الجمهورية وزير النفط بمخاطبة الشركات العاملة في نفط جنوب السودان باغلاق الانبوب الناقل لبترول الجنوب اعتبارا من يوم الاحد .
واوضح سيادته لدي مخاطبته الاحتفال الجماهيري الحاشد الذي اقيم بمنطقة الشلعاب بمناسبة افتتاح كهرباء قري شمال بحري ان القرار الخاص باغلاق انبوب نفط الجنوب جاء بعد دراسة متأنية لكل تبعاته وآثاره المتوقعة .
وذكر البشير انه كان قد أمهل دولة جنوب السودان لوقف ممارساتها التي وصفها بالخرقاء في التعامل مع السودان في اشارة منه ( لدعم التمرد) مبينا أن السودان لن يسمح بتصدير نفط دولة الجنوب لاستخدام عائده في دعم المتمردين والمرتزقة ضد السودان .
وقال ان السودان سيمضي في قراراته بعد دراستها ولن يهمه أن يتم تصدير نفط الجنوب عبر كينيا او أي دولة أخري مشيرا الي أن السودان كان يأمل أن يكون هناك حسن جوار مع دولة الجنوب لكنها رأت غير ذلك .
كما دعا البشير الشباب الى الإنخراط في صفوف الجهاد ووجه بفتح معسكرات القوات المسلحة والدفاع الشعبي اعتبار من الغد . وقال نحن لا بنتلاك ولا بنبتلع ومضى يقول نحن منحنا الجنوب دولة كاملة الدسم بكل الخدمات والمال لكنهم اختاروا أن (يعضوا) اليد التى (مدت) لهم .
وقال رئيس الجمهورية موجهاً حديثه للخونة والمارقين (البرفع عينو على السودان بنقدها ليهو والبرفع أصبعوا أو لسانوا ح نقطعو ليهو) والبجينا بالخير بلقانا نحن يانا ذاتنا لا تبدلنا ولا اتغيرنا) .
واكد البشير اننا كلما إفتتحنا مشروعاً تنموياً فان ذلك يغيظ الاعداء لكننا ماضون في الوفاء بحقوق المواطنين ونحمد الله أننا غادرنا أيام المسـغبة (الكهرباء جات أملوا الباغات) معلناً عن توصيل الكهرباء لمنطقة أبو دليق من مدينة شندي مباشرة .


تعليقات 78 | إهداء 1 | زيارات 17245

صفحة 1 من 212>
التعليقات
#692444 [الحقيقة مرة زي الدواء]
0.00/5 (0 صوت)

06-10-2013 04:56 AM
في بداية السبعينات كانت الكور ليست متوفرة واللعب كان يتم بكورة الشراب (ندور لشراب ونحشو الشراب بقماش حتى ينتفخ ويصبح مدور مثل الكرة) وبعدين حضرت اسرة مغتربة نهائيا للسودان وكان ابنها- عمره انذاك 9 سنوات - لديه كرة حقيقية واولاد الحلة فرحوا وصاروا ياخذون الكرة من الولد ويتمرنوا بها وطبعا كان فرضا عليهم ان يلعبوا الولد معهم بحكم انه صاحب الكرة - المشكلة كانت ان الولد كلما واحديزعله او يلعب معه بخشونة او عمل معه فاول او ما شات له الكرة يذهب ناحية الكرة ويشيلها ويغادر الميدان - بحجة ان الكرة ملكه - وبعدين الاولاد كلهم يذهبوا له ويترجوه ويبوسوا على راسه ويقولوا له انت على حق بس رجع الكورة علشان نكمل التمرين - المهم صاحبنا يتراجع وتاني بعد يومين ثلاثة يكرر نفس الكلام حتى احيانا كانوا يحتالو عليه وياخذوه عند المرمى ويخلوه يشوت ويسجل قووون - والعجيبة ان الولد دا كان عندما يكلموه بالمنطق ويحاولوا اقناعه بارجاع الكرة للميدان بحجة انها ما صنعت الا ليلعب بها كان يجلس ممسكا بالكرة ويقول لهم لا لا دي زينة وعاجباني

يا جماعه هل هناك فرق بين تصرفات بطل رميتنا وبين ريسنا قدس الله سره؟؟؟؟


#692442 [الحقيقة مرة]
0.00/5 (0 صوت)

06-10-2013 04:47 AM
القرار مدروس
____

كل مرة نتسرع ونظلم الراجل يعني الرئيس مبيت النية ليهو شهرين وفي النهاية زهج قام لم المستشارين والخبراء والحكماء والعقلاء واهل الخير والصلاح والمعنيين بالشان العام طبعا واستفتاهم في الامر هل يقطع الاعناق ام يقطع الارزاق فاشاروا عليه جميعا متفقين بان العدل يستوجب قطع الاثنين معا بس دا كل الموضوع ما في داعي الناس انفعلو ساي ونفسم اقوم كدا كل مرة


#692433 [adil a omer]
0.00/5 (0 صوت)

06-10-2013 03:55 AM
حماده وابوهو معانا ولا برانا !! ولا حارسين جبهة كافورى

لن نحارب حربكم فلتحاربوها لوحدكم


#692428 [adilnugud]
0.00/5 (0 صوت)

06-10-2013 03:15 AM
هل المقصود البترول ام ابيي ..................


#692378 [الاشعرى]
1.00/5 (1 صوت)

06-10-2013 12:01 AM
سجم امك وانا خائف ترجع من قرارك ولم منتظر الجنوبيين يتخلو عن اصدقاء الامس امشي ارقص
الحل الوحيد هو اسقاط نظام الحرامية ديل بعدها العلاقات لبن
انتم ناس كلكم حرامية والجبهة الثورية هي الخلاص من هولاء الظلمة


#692366 [ود الابيض]
0.00/5 (0 صوت)

06-09-2013 11:46 PM
والله ياجماعة البترول دا جهجهتوا معاكم شديد خلاص..
هسع البترول دا ذنبوا شنو
عمل ليكم شنو عشان تلعبوا بيهو كدا


#692360 [ابوعبدالله]
0.00/5 (0 صوت)

06-09-2013 11:32 PM
اول مرة في حياتي اقول سير سير سير سير يابشير


#692359 [WasWas El Khanas]
0.00/5 (0 صوت)

06-09-2013 11:31 PM
إن الذين يرقصون الآن هما من يتحدثون بإسم الإسلام ! فماذا قدموا ؟ لم يقدموا إلا التفكير والتخوين والكذب وإخلاف الوعود واحتقار الحقيقه وبيع الوهم للناس .. بغبائهم المعهود






هذا البشير مثل العاهرة يتدلل اسد على شعبه وفي الحرب نعامه


#692305 [المقهورة]
5.00/5 (1 صوت)

06-09-2013 10:00 PM
أكيد القرار دا ماخدو براك ولو إني عارفة مخ البهايم المعاك ما بفرق عنك كتير.
كونك قررت قفل البلف ولا حلجو (زي مخك) ما مهم، نحن محصنين وما عدنا
نتفاجأ، لكن عندي كلمتين ليك يا المنطط عينيك. شوف يا البشير.. إنت استقويت،
ومعاك عصابتك عديمي الضمير البكره كل واحد منهم حيتبرا منك ويتركوك لوحدك،
وزي ما حاصل حسي بدوا يتسربوا وتبروا منك واحد ورا التاني.. افتكرت إنو
شعبك ضعيف، مارست عليهو الضغوط عشان يركع وتستمر إنت في الحكم، نزلت
فيهو شتايم، بهدلت كرامة البلد وذليت سودان العز والكرامة.. سفيت ما خليت..
اتحبست في السودلن وما قدرت تمشي أبعد من دول الجوار.. أصلو الدول دي
سمحت ليك عشان خاطرنا يا الما مقدرنا. إنت عارف العالم كلو ما بحترمك
ولكن ما زال لسانك سليط.. إنكارك لضعفك وهوانك، ونفسيتك المعقدة خلتك،
تتوهم إنك رئيس فعلاً وساويت نفسك برؤساء العالم الليهم وزنهم والبقدروا
شعبهم يا وهم.. إذا كان عندك ذرة عقل وكرامة أقعد مع نفسك، وما تنسى تاخد
علاجك، شوف شنو السويتو في البلد دي وناسا الطيبين..أسال نفسك..كيف كان حال
السودان لما جيت وقلت ما عاجبك وكيف هو الآن؟؟ أوعك تقول لي مشاريع
التنمية والنهضة.. 24 سنة في أفقر بلد لا تملك مقومات التنمية يمكن أن تعمل
أكثر باستخدامها الأمثل للقروض الما أحسنت إنت استخدامها وبالرغم من وفرة
مواردنا الطبيعية.. أنا قصدي إنك تشوف كيف دمرت البنى التحتية للمشاريع
العملاقة الكانت موجودة قبل ما تجي.. ما تنسى تشوف وتتفكر في الإنت عملتو
في الحالة الإقتصادية والإجتماعية والسياسة والأمنية والعسكرية الآن وما كان
عليه الوضع في السابق؟؟ برضو ما تقول لي والله الحالة السياسة كانت في
وضع لا يحسد عليهو.. لو حسبت معاي عدد سنين الديموقراطية المرت
على السودان من 56، غير الفترات الإنتقالية، ما بتزيد عن 10 سنوات.. هي
الحكومات الديكتاتورية أدتا نفس عشان تنضج وتقوى وتعمل؟ على كل حال إنت
لما جيت، وكان يوم أسود من الكحل، كان السودان في كل حياتو الإقتصادية
والأمنية والتعليمية والسياسية والإجتماعية أفضل بكتييييير من الحاصل اليوم..
يعني خربت السودان وقعدت على ⅔ تله بعد ما فصلت الجنوب وفي الطريق
أبيي.. بعد دا كلو ما عايزنا نتمرد عليك؟؟ شوف.. كدي نجيبا ليك من
الآخر.. سوف يسقط نظامك.. وتحاسب حساباً عسيراً على العملتو في
بلدي.. ويوما حتقول الروب.. وتعض أصابع الندم في إنك ما مشيت
لاهاي عل القليلة كان أكلت وشربت ولبست ونمت ودافعت عن نفسك
واتعاملت بطريقة أحسن من الحنعملا فيك .. أصلو الظالم والمفتري
بتكون نهايتو مُرة..


#692256 [حليم - براغ]
5.00/5 (4 صوت)

06-09-2013 08:16 PM
بيقول المثل الأحمق عدو نفسه!! لكن حماقة البشير الوغد ودتنا وودت السودان في ستين الف داهية.. والسودان أصبح ما فيه رجال .. رحم الله رجال القوات المسلحة الشرفاء الذين ضحوا بارواحهم فداء لهذا الوطن..والخزي والعار للأحزاب الاقطاعية الطائفية ممثلة في الأوغاد الصادق والميرغني لعنة الله عليهم .. وإنت يا البشير الموت لاحقك لاحقك .. وعذاب الأخرة في إنتظارك يا مجرم يا خارج عن دين محمد


#692193 [كاظم الغيظ]
5.00/5 (3 صوت)

06-09-2013 07:02 PM
قالوا السودان في ذمة الله لكن البكا وين ونشيل الفاتحة مع منو؟


#692141 [ابو محمد]
5.00/5 (2 صوت)

06-09-2013 06:04 PM
عندما فرات خبر احتمال اغلاق البشير لانبوب النفط خطر ببالي ان هذا المجتمع الدولي خطير جد و ذلك بوضع البشير في موضع لا يحسد عليه بسبب عدم تنفيذه لبنود الاتفاقيات مع الجنوب و بالتالي تخيلوا معي ما هي القرارات التي سوف تصدر ضد البشير


#692134 [مع العدالة]
5.00/5 (3 صوت)

06-09-2013 05:59 PM
يااخوانا البشير قال نحنا ما(بنتلاك )بالله شوفوا الزول دة اكتر من اللواكة دى عايز تعمل فينا شنو ده انتو (لايكننا لواكة)ارجو عدم ابدال الحروف


#692080 [كوجاك]
5.00/5 (3 صوت)

06-09-2013 04:53 PM
القرار مدروس ههههههههههههه

ياهو زي دراستكم للمشروع ( الحماري ) بتاعكم ههههههههههههههه


#692066 [nagatabuzaid]
4.50/5 (4 صوت)

06-09-2013 04:31 PM
ماشاهدت الفيديو ومن سنين كان فتحت التلفزيون لقيت فىه المخلوق ده او واحد من عصابته بقفلوا وعلاقتى مع قنوات السودان زى علاقتى بقنوات اسرائيل لكن من الراكوبة فهمت انه دعا الى التجنيد ودعا المواطنين المساكين الى الجهاد واقولها عدييييل البزعل والبرضى اى ام تسمح لابنها بالتجنيد تكون جايباه من المايقوما واى اب يسمح لابنه بالتجنيد يكون عايز يتخلص منه واكون كررت نغسى اذا قلت ليكم فليتقدم المجاهدين ابناء الحكومة وابناء علماء السلطان فليخرجوا سنسير خلفهم ونقدمهم هاتفين حيا على الجهااااااااااااااااااد


#692048 [الحقيقة مرة]
5.00/5 (2 صوت)

06-09-2013 04:12 PM
مزيد من الذل مزيد من الظلم مزيد من الغضب يا الله


#692021 [mano]
5.00/5 (3 صوت)

06-09-2013 03:26 PM
مبروك عليكم يا الجبهة الثورية خطتكم الف نجحت ميه مية والفارة بلع الطعم وارمو لي قدام والزبيحة صارت جاهذة للذبح وانتو طلعتو عباقرة في مروادة الخصم ورميه في الفخ بافففففففففففففففففففففففففففففففففففففففففففففففففففففففو عليكم


#692012 [بومدين]
5.00/5 (3 صوت)

06-09-2013 03:10 PM
قــارن أخـي الـمـواطــن ..
بين خـطـابات .. وهـسـتريا .. أدولــف هــتلــر !!.
وبين خـطـابات .. وهــستريا .. ونـهـيـق ســفـاح الســودان ..
تأمــل أخـي الـمـواطـن .. فـي مـصـير هــتلـر .. ومـآلـه ؟؟.
ومـصــير ألـمـانيا النازيه .. بـعــد الـحــرب ؟؟؟.
قــارن أخــي الـمـواطــن ..
بين خـطـابات .. وجــنون .. الـدوتشــي مـوسـلـيني !!.
ونـبـيـح .. مــجــرم الـجـنائيه الـدولـيه ؟؟؟
تـأمـل .. مـصــير مـوسـلـيني .. متأرجــح عـلـي حــبل الـمشــنقـه .. مـعـلـقـا مــن رجــلـيه !!!.
ومـصـــير إيـطـاليا الـفـاشــيه .. بـعــد الـحــرب ؟؟؟؟.
فـقـط قــارن .. وتأمـــل !!!!!.


ردود على بومدين
[nagatabuzaid] 06-09-2013 04:12 PM
ان شاء الله نفس المصير


#691999 [خالد حسن]
5.00/5 (6 صوت)

06-09-2013 02:58 PM
العنقالي البشير
ام اقول الحمار البشير
ام التور البشير
كلها صفات تنطبق علي الشخص المتحدث في الفيديو .. شخص يتحدث بلاتفكير وهذا حال الحمار والتور كلهم لايستعملون عقولهم والعنقالي يستعمل عضلاته اكثر من عقله
والظاهر ابوكرشوله وجعت النظام شديد والدليل تهوره وخطاب العنقالي البشير الذي لايفكر في عواقب قراراته العنقاليه
وكالعاده بكره العنقالي يلحس كلامه .. قد عودنا هذا العنقالي انه لاكلمة له ولايفي بمايعد
بلا ياخدك يابشير ياحمار


ردود على خالد حسن
[مسلم تاني] 06-09-2013 05:54 PM
اخي مسلم هل نسيت ان هذا الشخص المعني قد وصف الانسان الذي كرمه الله على سائر المخلوقات وصفه بالحشرة فما قولك ؟؟ وقد وصف الشعب السوداني بشذاذ الافاق فما قولك ؟؟وزبانيته يحقرون الشعب السوداني ويصفونه بالشحادين فما قولك ؟؟

[مسلم] 06-09-2013 03:27 PM
من اسلوبك في الكتابه يتضح مدي قصر افقك وجهلك لمقامات الرجال انت مفلس ونسيت ان الله هو الوهاب الرزاق عسي ان يذهب ان يبدلنا الله خير منه او ان يذهب غورا فلا يستطيعون له طلبا وان ذلك ليس علي الله بعسير فقد هزه ارضيه لمده ثانيه وتصح خاويه علي عروشها اتقي الله في نفسك وفي دينك وفي و طنك


#691935 [ركابي]
5.00/5 (4 صوت)

06-09-2013 01:50 PM
واضح جداً انو قرارات حكومة الانقاذ مدروسة بعناية والدليل الحالة المتردية الوصل ليها السودان ولسه الجاي اسوأ واسوأ ...اغلاق انابيب النفط لن يجفف مصادر تمويل الجبهة الثورية بل بالعكس حيزيد حالة الاغلبية الصامتة سوء والناس ماحتتحمل وحتنفجر بركان غضب يطيح بالانقاذ


#691884 [ناصح]
0.00/5 (0 صوت)

06-09-2013 01:00 PM
والله في مثل هذه المواقف ارى ان الصمت خير


#691871 [المشتهي الكمونية]
3.46/5 (7 صوت)

06-09-2013 12:48 PM
قال : (البرفع عينو على السودان بنقدها ليهو والبرفع أصبعوا أو لسانوا ح نقطعو ليهو)
دا رئيس جمهورية ولا عتالي في سوق ليبيا ، معقول الزول الأبله البهيمة الحمار دا حاكم السودان ليهو ربع قرن؟ ، والله مصيبتنا كبيرة خلاص


ردود على المشتهي الكمونية
European Union [المشتهي الكمونية] 06-09-2013 05:55 PM
أعتذر وبشدة لعتالة بلادي يا بت أبوزيد ، بالطبع هم يعملون عتالة لأنهم لا يسرقون مثل رئيسنا الكبش وحتى الكباش تستحق الاعتذار لأنها لا تسب أو تشتم أحدا ، عفوا يا عتالة بلادي لأني شبهتكم بهذا التبيعة السوقي الذي نستحى ونموت خجلا من كونه رئيسنا لربع قرن ، اللهم هون علينا وأعنا على مصابنا

United States [nagatabuzaid] 06-09-2013 03:03 PM
اسمع يا المشتهى الكمونية تعتذر وبشدة لاى عتالى فى سوق ليبيا او سوق ام دفسو ا ديل

احرار خدمة يمين وعرق جبين لا سرقوا لا نهبوا لا خطفوا ورجال اولا د رجال لا ردحوا لاشتموا

لا رقصوا لادخلوا حلقة ظار يشتغلوا صباح حتى المساء علشان ياكلوا اطفالهم لقمة حلال هوى يا

المشتهى الكمونية سمعت ليك عتالى بتلفظ بالفاظ رئيسك ده ؟؟؟ دى الفاظ بتتقال فى محلات

معينة منها بيوت الصول نصر زماااااان فى الحارة التاسعة الله يرحمك يا الطيب محمد الطيب

عنده كتاب مفروض الجيل ده يقراه لان متنفذى حكومة الانتكاس اعادوه على ارض الواقع

United States [حاتم أب تفة] 06-09-2013 02:17 PM
لو كان حمار قاعد في مكانو ده، كان اتعلم ألف باء السياسة.. لكن ده زول عسكري وكوز في نفس الوكت، نسأل الله السلامة..!


#691835 [من كمبو كديس]
5.00/5 (3 صوت)

06-09-2013 12:06 PM
يعني علّي وعلي اعدائي ..

الجنرال لاحت له بوارق (لاهاي) بقرب سقوطه فقال (مافارقه)
بعد 100 يوم بترول الجنوب سيمر عبر السودان ، عندما تكون انت و (جازك ونافعك) مخفورين الى لاهاي .


ردود على من كمبو كديس
United States [بت كمبو سبعة قاطي خشم القربة] 06-09-2013 03:42 PM
النفط لن يمر وترد امواله رصاصة في صدورنا واهدار دم وارواح الشمال الذي هو من تعب واخرج النفط نكره الكيزان وحكومة الفساد لكن لن نستخف باروحنا ودمائنا لاجل اناس كل مايعرفونه هو لغة الحرب اسال الله الخلاص من حكومة الشمال وحكومة الجنوب التى لاتفكر بنهضة وتاسيس الدولة مع ان البترول هو عائد دخلها الوحيد ويالاسف في مصرة لانفاقه في السلاح والموت بدل المدرسة والمستشقي


#691829 [عكر]
5.00/5 (3 صوت)

06-09-2013 12:03 PM
كان غلبك سدها وسّع قدّها ..


#691817 [ابو نور]
5.00/5 (2 صوت)

06-09-2013 11:51 AM
بنى وطنى البسطاء تصبحون على وطن يامن غرر بكم بذريعة واسم الدين اتركوا البشير الاخرق السارق اللص وجماعته يذهبون الى جهادهم المزعوم وهم لهم منفعة فى ذلك يريدون الحفاظ على سلتطهم و كرسيهم ولو على حساب جماجمكم او اراقة دمائكم بعدم اذلكم وافقركم تذكروا كيف ياخد منكم الجبايات والضرائب ويرفع يده عن الصحة فيموت اهلكم وانتم تشاهدونهم لان العلاج بقروش وهو واهله يتعالجون خارج البلادوهو نفسه بين الله فيه المرض فسافر الى السعودية طالبا العلاج لان خدمات العلاج والصحة انهارت يدرس اهل النظام فى المدارس الخاصة وابناءكم يطردون من اجل رسوم التعليم لان دولة البشيررفعت يدها عن التعليم من اجل ان يكونوا اولادم جهلةويخدموهم هم وابناهم وانتم ان يذهب اولادكم الى الحرب والجهاد باسم الدين ضد ابناء وطنكم الاخريين انتم فى نظرهم سذج واغبياء والاخريين المظلوميين هم اعداء الدين وعنصريين اعوا الدرس وافهموا اللعبة حتى تصبحون على وطن


#691793 [شوكة الحوت]
4.50/5 (4 صوت)

06-09-2013 11:31 AM
شارف مسلسل "أبالسة الانقاذ" التركي على النهاية، وفرفرة بشبش هي الدليل القاطع على ذلك. بالأمس كان سعيدا باستئناف ضخ البترول، واليوم سعيد كذلك باغلاق الضخ. وأنا بيك تعاستي مؤكدة، وبلاك سعادتي مؤكدة، ليه يا عبيط تعمل كدة؟


#691774 [اي حد والسلام]
5.00/5 (6 صوت)

06-09-2013 11:13 AM
اظرف تعليق قرأته:
اقفل البلف يا عوض....عليه العوض ومنه العوض


#691763 [سودانية]
4.00/5 (4 صوت)

06-09-2013 11:04 AM
(الكهرباء جات أملوا الباغات) كدي التفت لدارفور تلقاها غارقة في ظلام من فترة طويلة ولا ياربي انت ما رئسيهم ولا هي ما في السودان


ردود على سودانية
United States [عربي وبضع افريقي] 06-09-2013 12:34 PM
والله درار فور والغرب عموماً جنة الله في أرضه من حيث المناخ والطبيعة وتستاهل أكثر من كهرباء ، لكن أولادها اختاروا للتغيير الوسيله الخطأ لان كل الشركات التي تقوم بالتنميه في كل بلد معلوم انها في المقام الاول تسأل عن الأمان لانجاز مهمتها لذلك أرضاً سلاح أبناء دارفور ودعوا بلدكم تنمو وتزدهر واسقطوا الحكومة بالطرق السلمية يمكن البعض يقول دا جداد طاشي لكن هل الحرب أتت أكلها ؟ سؤال ليس بريء .


#691758 [ودالدكيم]
5.00/5 (4 صوت)

06-09-2013 11:00 AM
والله عندما أستمع لكلام الرئيس الراقص.تمر بخاطري كلمة قالها الزعيم الراحل المحجوب.في كتابه (الديمقراطية في الميزان)عندما قال أن يكون عسكري رجل دولة كالذي يحاول اقناعي بأن باستطاعة المحامي اجراء عملية جراحية في المخ.الرجل أمس يتحدث كالكلب المسعور.لك الله ياسودان رئيسك بشبش


ردود على ودالدكيم
[nagatabuzaid] 06-09-2013 03:08 PM
ياسلام يا ود الدكيم يا سلام الله يرحم المحجوب وامثاله من الرجال العلم والحكمة وانت

والله تعليقك من اعظم التعليقات وحقيقة صدق الراحل المقيم المحجوب


#691754 [البذئ]
5.00/5 (5 صوت)

06-09-2013 10:54 AM
كان يا البشير قرارتك كلها مدروسة سجم القرارات و سجم الدراسة و سجم البيقرر و سجم السودان و سجم الشعب الفضل و سجم البيدرسوا معاك القرارات دى وانا بقول الدراسة و التعليم اتطوروا كده ليه فى السودان و الله يا البشير انت المحاكمة كتيرة عليك الراجل ده بستحق الاعدام مئة مرة......ياخى الشعب السودانى متحمل قرفك الله يقرف يومكالى يوم الدين


#691745 [سن ألفيل]
5.00/5 (4 صوت)

06-09-2013 10:43 AM
من الذي درس ذلك القرار هل الغبي نافع ام الحاقد علي عثمان ام الابله عبدالرحيم ام الحاج ساطور . الامر ومافيه الطمع ثمن مرور النفط مابجيب حقو ولا يساعد في تنمية الاقتصاد المتعثر دائما وذلك للفت الانظار عن رفع الدعم عن المحرقات البترولية في مقبل الايام القادمة والخداع ان ذلك نتيجة وقف تصدير نفط الجنوب وتلفيق تهمة دعم الجبهة الثورية حتى يتجنب نظام الانجاس المظاهرات التي بدأت في بعض مدن السودان من الضائقة المعيشية الصعبة


#691741 [Zingar]
3.00/5 (2 صوت)

06-09-2013 10:39 AM
سجمك يا أب جاعوره وداد حتطلقك.


#691736 [Zingar]
5.00/5 (3 صوت)

06-09-2013 10:36 AM
عوض الجاز يكون بقفل فى البلف ويكبس لأب جاعوره دين مكعب من جوبا لحد حوش ود بانقا.


ردود على Zingar
[Peace And Light] 06-09-2013 02:34 PM
you really cracked me up....hahahahahahhah4


#691728 [واحد]
5.00/5 (1 صوت)

06-09-2013 10:29 AM
الحقونا الدولار 7,500 وماشي لي 8000


#691717 [محمد احمد]
0.00/5 (0 صوت)

06-09-2013 10:23 AM
هل نحن معشر السودانيين لدينا خلل فى فهمنا وتقديرنا لابسط الاشياء ؟؟
هل نحن فى عالم التقدم التكنلوجى وثورة الاتصالات ؟
هل نحن فى زمن احترام حقوق الانسان والحيوان والاقليات والاديان والعادات والتقاليد ؟؟
هل نحن ندرك مانقولة ونقيم مانفعلةمن تصرفات وافعال .
هل لدينا نقص فى الانتماء وماهو المعيار للوطنية ؟
هل نحن شعب عظيم يتقدمنا اقذام ؟
هل السرقة والفساد والمحاباة من ثوابت شخصيتنا ؟
هل نحن دويلة فى غابة مفتوحة القوى وصاحب النفوذ من مال وسلاح هو صاحب القرار فى نهب البلد وبالتالى تصبح البلاد والعباد من ممتلكاتة ؟
هل نحن شعب غير مؤهل لتكوين دولة والعيش بسلام مع كل مكوناتة ؟
هل الفشل فى مثقفينا وكوادرنا ومتعلمينا ؟
هل مفهوم الدولة والحكم بعيد كل البعد من تفكيرنا ؟
لماذا نلوم وننقدونستنكر ونولول ونحن سلبيين حتى النخاع ؟
لماذا هذا الغبث والكوارث والقتال والاقتتال ونحن الشعب المعروف بتسامحنا ؟
لماذا لاتكون هناك مؤسسات ومراكز وتجمعات تقيم الانسان السودانى نفسيا ؟
لماذا كل هذة العنتريات من راس الدولة ووزرائة فى الشتائم والتقليل من الاخرين ؟
اوليس احترام الانسان وتوفير ابسط متطلبات الحياة من واجب الدولة ؟
لماذا رؤساءنا هكذا كثرة فى الكلام وقلة فى الافعال ؟
اقترح بتكوين جمعية او رابطة او اتحاد لدراسةمشكلة الانسان السودانى من خيرة المثقفين واصحاب الخبرة ؟
كفى الانسان السودانى المغامرات العسكرية واصحاب النفوس الضعيفة ؟
الم ياتى الزمان ليعيش المواطن السودانى فى امن وامان ؟


#691713 [الله جابو]
3.00/5 (2 صوت)

06-09-2013 10:20 AM
عليكم الله هسه العوير منو عبد الرحيم ولا الرئيس ؟


ردود على الله جابو
United States [ابوهانى] 06-09-2013 01:55 PM
انت والزبانيه

European Union [البذئ] 06-09-2013 10:43 AM
الاتنين معا ......مافى خيارات لانو السوال صعب


#691703 [مقهور]
5.00/5 (1 صوت)

06-09-2013 10:15 AM
«لن يمر نفط الجنوب من السودان مرة أخرى حتى لا يستفيد العملاء والمرتزقة من عائداته»
كضاااااااااااااااااااااااااااااااااااااااااااااااااااااااااااااااااااب
بكرة الدولار بزيد وبترجع في كلامك يا سكران (كلام الليل الذي يمحوه النهار)...


#691675 [krkasa]
5.00/5 (4 صوت)

06-09-2013 09:56 AM
لقد اغاظ البشير عودة اكبر الفصائل التي كان يعول عليها في زعزعة الجنوب. عاد الى حضن الجنوب ومعه كل الاسلحة الثقيلة والخفيفة وبرفقته 3 الف مقاتل ..؟؟ وبمركبات وزي القوات المسلحة السودانية فكان هذا التشنح والانفعال .


#691659 [المثقف جدا]
1.00/5 (1 صوت)

06-09-2013 09:45 AM
الجبهة الثورية
فى جنوب كردفان
هو تمرد النوبة
النوبة من القبائل السودانية البسيطة
بسيطة جدا وتقاد من اذنها
وكلنا يعرف سلوك وعادات واعراف النوبة
ولها عادات غربية وتعتبر عاداتها بالنسبة لشمال واواسط السودان
من الاشياء التى تعيب الشخص
اما بالنسبة لهم فهى فروسية وذكاء
ويفتخرن باشياء يعتبرها الاخرون عيبا
ولكن فى النهاية نحترم عاداتهم وحياتهم التى اختاروها
ولكن من الخطأ محاولة فرضها على الاخرين فى سودان جديد
لانها لا تقبل من الاخرين حتى قيام الساعة
لذا تنفخ الجبهة الثورية فى قربة مقدودة


ردود على المثقف جدا
[freedom fighter] 06-09-2013 07:38 PM
النوبه احرار وهم اهل البلد الحقيقيين وثقافتهم قادمه انشاء الله لكن اسال نفسك ماهي ثقافتك.
مشكلتم كبيره العرب والله ما بقبلوا بالعروبه الذي تدعونه,الرطاني معروف افريقي والله يحترم في كل بقاع الدنيا قال عرب قال .

[الطريفى] 06-09-2013 03:09 PM
بالله النوبه دخلهم شنو فى الموضوع ، وانت عادات وتقاليد النوبه لو ما عاجباك امشى الجزيره العربيه يا عبيد ، لانو البلد دى حقت النوبه ، وبالمناسبه يوم الاثنين الاسود بيتكرر لو انت مصر تبرطع لان الكلام البتقول فيهو انت ما قدرو والنوبه لما يصلوا الحكم ما ح يرحموا من استفزاهم ايا كان ، وانت لو مالى يدك بالرقاص ده زمانك فات وغنايك مات .

United States [حاتم أب تفة] 06-09-2013 02:23 PM
رئيس البلد: الرقاص..!
وزير الدفاع: عبد الرحيم أب ريالة
وزير الخارجية: تاجر الأسمنت... إلخ
فعادي يعني لمن يكون الزيك ده، مثقف جداً..!

[إسباليتا] 06-09-2013 12:34 PM
ممكن توضح لنا بعض هذه العادات ؟ واي البساطه تقصدها ؟ والله ليس هنالك شئ يعيب سوى ثقافتك يااامدعي الثقافة ؟ عقلية الثقافة السودانية من أمثالك هم للأسف حكموا السودان منذ إستقلاله الى يومنا هذا ؟ لكن أصبر شوية ستأتيك ( بساط القوم ) حينما ستعرف من أحق بالحكم منكم ؟

[من الجبال] 06-09-2013 12:03 PM
و كان العرب فى الجاهلية اذا أعجب بفارس من الفرسان يعتزل أحدهم زوجته و يدعو هذا الفارس للمبيت مع زوجته حتي اذا حملت من هذا الفارس عاد الي حياته الطبيعية معها و اذا انجبت المولود نسبه الى نفسه و كان هذا عرفا مقبولا لديهم و الهدف منه انجاب ولد نبيل و شجاع. فهل تنكر هذا الشئ؟ ارجع الى تاريخ العرب قبل الاسلام.

United States [khairbarakat] 06-09-2013 10:39 AM
قدر ثقافتك ياعرور

[سودانية] 06-09-2013 10:31 AM
شايفاك محروق اليومين دي شديداحسن تخلي الكتابة عشان تروق لانو الجبهة دي حتكون قااااااعدة

European Union [عطوى] 06-09-2013 10:22 AM
وحالتك مثقف جدا ؟؟؟ ثقافة العنصرية يا عنصرى يا .... واضح يا حفيد الاتراك انك معقد من نفسك التنوبة اسيادك واسياد السودان كلووو .. ولو عادات النوبة مش عاجباااك امشى فتش جدك العباس الافتراضى يا مسخ ...


#691650 [صابر]
4.50/5 (3 صوت)

06-09-2013 09:39 AM
مع نفسك يا شبشب
الله يسلمنا من لسانك


#691647 [المقهورة]
5.00/5 (3 صوت)

06-09-2013 09:35 AM
(الكهرباء جات أملوا الباغات)
يعني بتخفف في دمك؟ ياخي روح اتلهي. وفر جعيرك وريح
حلقومك ليوم الجقلبة. يوم يشيلوا منك عصايتك ويقوموا باللازم


ردود على المقهورة
[Mohd] 06-10-2013 07:23 AM
البشكير دا بذكرني التيوس البجيبوها للغنم يا هارون الرشيد يجيبوا التيس يختوه في الزريبة مع الغنم ويقعد يعمل فيها عنتر ويلبل والغنم تصيح

التيس = البشير

الغنم = البهائم الواقفين وبسمعوا فيهو ديل

اكيد راكبهم ومطلع عينهم

قوم تبع

United States [هرون الرشيد] 06-09-2013 10:58 PM
انا في المضوع كله مستغرب لحاجة واحدة الناس الواقفين بسمعوا وبصفقوا ديل هبل زيوا ولا خايفين على مصالحهم كل ما يمشي لى جهة تلقى كوم ( هؤلاء لا يوصفون بالمجموعات ) قداموا بهللوا وبكبروا وللاسف العالم حيفتكر السودانيين كلهم امثال هؤلاء المطبلاتية منكم لله ( العزاء لكم جميعا )


#691630 [ابوايمن الحلاوى]
5.00/5 (6 صوت)

06-09-2013 09:19 AM
(سيدى الرئيس) اقولها لانها ذات معيار دولى للقدسيه والتجله!! وماعلينا يابشبش!!! يمين الله الشعب لو عارف انك وطنى وغيور على امنه وعلاجه وتعليمه وتوفير غذائه ولو احسستنا يوم واحد انك نزيه وليس بسارق لقوت الشعب الذى اغدغته على اهلك واحبابك ومطبليك قسما بالله لكان الشعب عند رهن اشارتك وحتى لوولعت لينا الجمر صدقنى لاطفأناه بارجلنا!!! بس يوم واحد شوف حال اشقائك قبل عشرين سنه وكل نسابتك وابناء الحوش وودبهاى وصراصر وحتى عمك صديق والله العظيم قبل 18 سنه كنا بنركب معاه البوكس م81 من الحله للحصاحيصا ودكتور عبدالله زملاؤه مازالوا بالهفوف (السعوديه) واليوم وين سعادة اللواء؟؟؟ وعباس واخوانه !! لقد اورثتهم الحرام يابشير واسلكتهم طرق السمسره واللف والعمولات ويكفى مشروع الحكومه الالكترونيه!!!! وفوق ديل كلهم نصبت علينا ذات البسمه الملهلبه والخدود التى اكتنزت نعومه ونضاره متفوقه بالترطيبه على اميرات الخليج !!!واتقوا النار ولو بشق تمره!! لكن الظاهر انكم مامهتمين ولامكترثين لضمة القبر وطقطقة الضلوع !! هناك مابتنفع بطاقة الطين الوطنى ولاانك من الحاشيه ؛ والبنفع الا من اتى الله بقلب سليم ... وجميعكم الى مزبلة التاريخ.....


#691629 [abubaker]
5.00/5 (3 صوت)

06-09-2013 09:18 AM
يا جماعة الراجل دا جنى / انشا الله البترول ما يجي هو من المستفيد من البترول في السودان خلاف ناس الجبهة يالبشير امشي انت وناسك وحاربو ربنا يكشف التاس الكلوا البترول وقروشة


#691618 [cour]
5.00/5 (3 صوت)

06-09-2013 09:13 AM
مطرب الهب هب عمر البشير رئيس السودان قال قرارة مدروس بعناية سبحانك يا رحمان يا رحيم


#691603 [عمكم البهمكم]
4.88/5 (4 صوت)

06-09-2013 09:06 AM
باكر عمكم الدولار بصل عشرة ألف... الله يكضب الشينة


#691602 [cour]
5.00/5 (5 صوت)

06-09-2013 09:06 AM
اللة يكون فى العون المشير مجرم دولى ممكن جدا يتخذ قرار بهلوانى يامرة بقطع رقاب الشعب . اعتقد قد آن اوان عرض الرئيس لمصحة عقلية .


ردود على cour
[kala] 06-09-2013 12:01 PM
القرار دا شكلو غايييييييييظك ,ظاهر في ردك


#691583 [ابولين]
3.00/5 (3 صوت)

06-09-2013 08:52 AM
تسلم يا البشير قرار صائب وكان من المفترض يكون من اول

عدم تصدير البترول الا بعد طرد الحركات المسلحة
تسليم قادتها الي السودان والاسلحة
حل مشكلة الحدود
ترحيل الدينكا من ابيي الي الجنوب وتمكين المسيرية من ارضهم
اي تهديد في المستقبل ولو من طائر متجه من الجنوب الي الشمال تعتبر الاتفاقية لاغية
وبعد التاكد ان لا مهدد من الجنوب بعد ذلك تفتح الحدود والتجارة ويتم تصدير البترول
فتح المعسكرات للدفاع عن البلد وحماية العرض والدماء وسحق الاعداء , ومستعدين للرجوع الي السودان ودخول المعسكرات والموت لتاديب الحركة الشعبية والجبهة العنصرية . وانا متاكد ان الراكوبة لا تسمح بالنشر ولكن اذا هاجمت الحكومة ورفعت من شان عرمانها وبقانها المتردية والنطيحة سوف يتم النشر


ردود على ابولين
United States [نقطة ، سطُر جديد] 06-10-2013 08:54 AM
ابو لين

اللِين ده من شنو ياربي ؟

United States [kala] 06-09-2013 12:04 PM
والله ياابو لين كلامك صاححح مية المية وشوف الناس ديل ردوليك كم واحد ! احييك والله وانا برضو متاكد ان الراكوبة لن تنشر كلامي !!!!!!!!!

United States [سودانية] 06-09-2013 10:38 AM
ههههههههه بتحلم خليك نايم نومك

United States [Zingar] 06-09-2013 10:31 AM
يا ابولين إنت يظهر عليك حشاش بدقنك.

بالمناسبه الكلام التحت ده بتاع رئيسك الأجرب.
(وأي من يطول لسانه على السودان سيتم قطعه)
إنتهى

أمشى يا ابولين كلم الزباله بتاعك ده قول ليهو إن شاء الله يكون قطعت لسان أيمن نور من لغاليغوا,

European Union [عطوى] 06-09-2013 10:29 AM
انت يا ابو لين وكت قلبك موجوووع على السودان عفيناااك من ابوكرشولا وغيرها بس انت اركز فى الخرطووم واحرسنا جينك جاينك انت وتمساح دميرتك بس اراهن بانك اوزل واحد حتششت وتخلى (لين)لقوات الجبهة الثورية بس اطمئن بانو شباب الجبهة الثورية جايين عشاان الاطفال والمساكيين فلين حتكون فى الحفظ والصون يا مرتزق يا مريض ...
بس ابقا راجل وما تهرب والعجلة دورت والمرة دى حيكون فى شغل عمركم ما شفتو يا عنصريين ويا كيزان ....

United States [تمساح الدميرة] 06-09-2013 09:52 AM
فعلا , والجنوبيين واولاد اخواتهم عايزين يدعموا المرتزقة ويعملوا قلاقل وينهبوا المواطنين هواتفهم وعايزين البترول يمر................!!! اكلوا تبن وبرسيم


#691579 [ربيع عبدالباقي]
5.00/5 (3 صوت)

06-09-2013 08:49 AM
الريس عندو انفصام في الشخصية كلما يشوف ناس مجتمعين يبدأ يهطرق بكلام فارق لا فائدة منة سوي تدمير البلاد والعباد وزيادة فساد


#691566 [ودالبلد]
5.00/5 (2 صوت)

06-09-2013 08:37 AM
البشير يدعو الشباب الى الإنخراط في صفوف الجهاد ووجه بفتح معسكرات القوات المسلحة والدفاع الشعبي اعتبار من الغد!!!!!
الرد : أبيييييينا ، وما ماشين ، ونحن هاهنا قاعدون. أمشي وسوق معاك (ود نافع) و(ودالطاهر) و(أبساطور) (وأصحاب البيبيونات والشرطان الحمراء) وسلموا على (القرود) و(الشجر).
كلام نهائي : لن نقاتل أخواننا السودانيين، انتهى.


ردود على ودالبلد
[البذئ] 06-09-2013 10:45 AM
استنفار تنادونا و استثمار تجلونا

نحن مستعدين للاستثمار و جاهزين. لكن استنفار يفتح الله


#691559 [mansour]
5.00/5 (3 صوت)

06-09-2013 08:33 AM
ياجماعه معترضين ليه علي راي البصيره ام حمد ما انتو تراكم بتهتفو سير سير اهو دا السير والراي السديد اي قائد اهوج وقعنا فيهو اللهم الطف بنا ياكريم اللهم رحماك بهذا الشعب المغلوب علي امره


#691556 [shaban]
4.75/5 (3 صوت)

06-09-2013 08:32 AM
(( ان القرار الخاص باغلاق انبوب نفط الجنوب جاء بعد دراسة متأنية لكل تبعاته وآثاره المتوقة)) من الذي أو الذين أجروا هذه الدراسة المتأنية ؟؟ وكم استغرقت من وقت ؟؟!!.. وماذا قالت الدراسة المتأنية ؟؟!!وما هي الآثار المتوقعة من جراء اغلاق أنبوب نفط الجنوب ؟؟!!..ما مصير كميات النفط التي في طريقها الي الجيلي ثم بورتسودان ؟؟!! مافي أي قرار مدروس دا خمج وهوج وهوس سياسي ساكت خوفا من اسقاط النظام من الحكم .. اعادة ضخ نفط الجنوب عبر الشمال واللسع ماوصل الجيلي خليك من بورتسودان ما كان بقرار مدروس ؟؟؟!!! يا أهلنا في قري شمال أحسن ليكم تصبروا على ظلامكم من كهرباء ثمنها أرواحكم .. البشير مصر تمشوا الحرب تموتوا عشان هو يبقي في الحكم ..
نناشد الجهات المختصة والمعنية في المجتمع الدولي بالتدخل السريع والقاء القبض على كل المطلوبين أمام المحكمة الجنائية الدولية قبل أن يرتكبوا المزيد من الجرائم الفظيعة باقحام أهالي قري الأبرياء في حروبات جاهلية رعناء ..


ردود على shaban
United States [ناصح] 06-09-2013 12:26 PM
يا شعيان الريس قرارة مدروس فعلا ألم يكن قرار انفصال الجنوب مدروس وكان الحزب المرتب المنظم بيقول ان السودان بعد الانفصال سيكون رخيا سخيا وامنا في كل اجزاءه الا ترى الترف الذي يعيش فيه 95% من سكان السودان والبقية يعيشون في ضنك لأنهم هاجروا وتركوا الوطن الرخي والسخي ثم ألم يكن سد مروي مدروسا ليوفر الطاقة الكهربائيو ومنذ افتتاحة لم يقطع التيار الكهربائي بالمرة والقطوعات النادرة بسبب تلاعب المعارضة بالاسلاك الكهربائية


#691553 [Amin]
5.00/5 (4 صوت)

06-09-2013 08:30 AM
إلا الحماقة أعيت من يداويها



حياة الشعوب ، ومعايشها وارزاقها يجب أن لا يزج بها في الصراعات السياسية.



من يومكم - وخليك من الغرب - لا إستسغناكم ، ولا إتبلعتوا لا إتهضمتوا


#691550 [بدون مجاملة]
5.00/5 (3 صوت)

06-09-2013 08:29 AM
شكراً لكم أنقذتمونا فارحلــــــوا

ولتسرعوا لا تُمهلوا أو تَهملـــوا

شكراً لكم عن حالنا لا تسألــــــوا

والحالُ مشؤوم إذا لم ترحلـــــوا

فامضوا إلى ثكناتكم واستعجلـوا

الويلُ ثم الويلً إن لم تفعلــــــــوا

الشرُّ كل الشرِّ أن تتمهلــــــوا

**

إنقاذكم جلب الشقاء لشعبكـــــم

فجنى المصائبَ فوق ما يتحملُ

فالجوعُ في أحشائه متمكـــــــنٌ

والعرْيُ في أجساده يتجـــــولُ

والأمن أفلت حبلُهُ وزمامـــــــهُ

والنهبُ فوق ربوعه يتغــــــولً

والشعبُ أصبج كله في عسْــرةٍ

ما عاد إلا سائلٌ يتســـــــــــوّلُ

الداءُ يقرضه وينخر عظمــــهُ

والحاكمون تشحّموا وترهلــوا

شعبٌ تمرّغ في المكاره والأسى

ويحي له فهو الضعيفُ الأعزلُ

**

عامان قد مرّا وأردف ثالــــثٌ

الويل لو طال الزمـــان الأرذل

ماذا استفاد الشعبُ من إنقاذكم

قولوا لنا أو لا تقولوا وارحلوا

فرحيلكم هو مطلبٌ مستعجلٌ

وبقاؤكم في الحكــمِ لا يتحمّلُ

**

ولعلكم أنقذتمــــو أرواحــــــكم

من ماردٍ بجنوبنا يتغـــــــــوّلُ

أعياكمو في الحرب حتى لذتمو

بالحكم والسلطان كيلا تقتلــــوا

فلتنزلوا يا سادتي ولتخجلــــوا

**

بشريعةٍ سمحاء قلــــتم جئتمـــــو

بحليةٍ خرقاء قـــــد أقبلتمـــــــــو

وجموعكم كم كبــــروا كم هللوا

والكل صار بذقنـــه يتسربــــــلُ

لينين كان بلحيــــةٍ من قبلكــــــم

وكذا النصارى أطلقوا واسترسلوا

وبنو اليهود كذلكم أبقوا اللحــــى

وعنوا بها ما قصروا أو أهملوا

ماذا أفدتم باللحـــــــى يا سادتي

قولوا لنا أو لا تقولــوا وارحلوا

فرحيلكم هو ما نـــرومً ونأملً

لا نبتغي إلا إمامـــــــاً يعدلُ

لا نبتغي إلا إماماً نـــــرتجي

منه الرخاء به المفاسد ترحلُ

**

باسم الحجاب حجبتمو عوراتكم

لخداع شعبٍ في السذاجة يوغلُ

أم بالزواج قصدتمو تخــــديره

فيم التكاثر والمعيشة تثقـــــــلُ

فيم التكاثر والمساكن أصبحت

قفراً بساحتها المجاعة تنزلُ


ردود على بدون مجاملة
[nagatabuzaid] 06-09-2013 04:19 PM
احسنت


#691549 [ودالبلد]
5.00/5 (3 صوت)

06-09-2013 08:28 AM
يا بشير يا سبب كل مصائب الوطن ، أنت لسه في (غيك) القديم ؟؟؟ شعارات الكيزان بتاعة (ترق كل الدماء) والكلام (الهايف) الكنت (بترقص) على أنغامه ، الشعب السوداني (الصابر) و(المظلوم) لن يتأثر به ولن ينصاع لكم ولن يصبر عليكم بعد اليوم فاليوم جاء (يوم الحساب) ولا شئ غير الحساب. عشت يا سودانا وطناً شامخاً عزيزاً والعزة لله ورسوله وللشعب السوداني البطل والله أكبر


#691547 [محسن]
5.00/5 (3 صوت)

06-09-2013 08:28 AM
- ما أن يقف البشير امام حشد من السذج عاد الى فجاجته .. و جعجعته .. و عبطه .. و كلامه الفارغ ...
- و ظل على الدوام ( يبل ما يقول و يشرب مويتو )
- فإنتفخت بطنه من كثرة ما ( بلَ و شرب ) من هراء و كذب ..
- سيظل يشرب حتى (ينفقع).
- هو اراجوز ليس اكثر .. ربما اقل ...


ردود على محسن
United States [نقطة ، سطُر جديد] 06-10-2013 08:50 AM
سيد منو يا kala؟

يسِدّ نِيتك من الاكل والشراب يا ضبّ

United States [kala] 06-09-2013 12:06 PM
هههههههه سذج ؟ البشير سيدك


#691542 [قهران من القرف]
1.00/5 (1 صوت)

06-09-2013 08:23 AM
كلام الرئيس صااااااااااااح نحن ضد الكيزان ليوم ا لدين لكن كمان ماممكن انت تدعم تمرد عشان يخرب البلد اي نحن مع المعارضه لكن ماعايزين تدخل اجنبي لدوله عشان تدعم وتخرب وهي كل موارده بتجي عن طريقنا يا جماعة فكرو في الوطن اهم شي ماتخليكم ضد الانقاذ حتى لو الكلام دا مافي صالح الوطن الجنوب من انفصا نيتو معروفه وداعم تمرد وساعي وراء خراب السودان فكرو بالعقل مش الزول عشان معارض يكون ما مع مصلحة البلد انا في راي اول مره يتخذ قرار صح ماممكن دولة في الاعلام معانا ومن وراء تطعن من الخلف وهي لسه شافعه ماحبت ناويه للخراب دي لمن تقوى بتشوفو بعدين


ردود على قهران من القرف
United States [نقطة ، سطُر جديد] 06-10-2013 08:48 AM
عليك الله ياقهران خلّيك في قهرك وقرفك ده ...
نقطنا بي سُكاتك

[سودانية] 06-09-2013 11:00 AM
ياخي وكان تشاد ومصر و اثيوبيا وايران والصين و روسيا والقائمة تطول ديل شنو سودانيين مية المية


#691529 [ودامبعلو]
5.00/5 (1 صوت)

06-09-2013 08:12 AM
بااله عليكم ده بنفع شيخ اندايه خليكم من رئيس؟
وله الحوش البهتفوا اااه نستاهل والله
انشاء الله ! هو فضل حاجه ما سواها عشان ندعيكم بيها

تستاااهلووا


ردود على ودامبعلو
United States [البذئ] 06-09-2013 10:50 AM
يا ود امبعلوا كده ما ظلمت شيخ الانداية ياخى حرام عليك شيخ الانداية قادر يعمل كنترول على السكارى اللوائق... عمر البشير ما قادر يعمل كنترول على وزراهو و مساعدينه و الشعب الصاحى ياخى اعتذر لشيوخ الاندايات...

اللجنة القومية لحماية الاندايات


#691527 [shah]
5.00/5 (2 صوت)

06-09-2013 08:09 AM
هذا الرجل ينبح كالكلب السعران لعنة الله تغشاه.


#691526 [Muonyjang Africa]
5.00/5 (1 صوت)

06-09-2013 08:09 AM
بدل تهديدات وغفل انسياب بترول الجنوب عبر اراضي السودانية، احسن ان يسحب سفيره بدولة جنوب السودان ويطرد سفير جنوب السودان من السودان.


#691518 [Almo3lim]
4.88/5 (4 صوت)

06-09-2013 08:04 AM
محتوى خطاب البشير بالرغم من المبررات التي حاول أن يضفيها حوله يمثل نفس النهج الإرتجالى الذي يؤكد حاكمية (الفرد) المطلق الذي ينزل أراءه تنزيلا في شكل قرارات خاطئة في مجملها، طائشة في مرددوها عشوائية في شكلها تنزل دون ترتيبات مسبقة كأنها (الوحي) !!!

الجديد ليس هو خطاب البشير و لا محتواه لكن الجديد و المهم هو (ظهور) البشير أو عودة (ديجانقو) بعد أن فشلت كل حملات التحشيد ضد الجبهة الثورية بالرغم من تصدي كل (حارقي البخور) قارعين طبول الحرب و دون أن يغير ذلك في الموقفشيئا و كلنا يعلم بأنها باءت بالفشل فلذا كان من الضروري أن يعاود (ديجانقو) الظهور مصديا لمهمة التحشيد بنفسه مستدرجا(السذج) الذين تستميلهم الخطب الحماسية بغض النظر عن محتواها أو مردوداتها (المهم الرجالة) و يستغل بذلك حماسهم ليدفع بهم لأتون الحرب التي لا ناقة لهم فيها
و لا جمل و بالتالي يستمد النظام قوة من بعد ضعف ...( ظهور تكتيكي) ..

ما أستغرب له هو تلك الصيحات و التكبيرات تأييدا لخطاب لم يكن فيه إلا الخطل و الحديث العدائي و كأن الرجل ما أوتي ذرة من (الحكمة) ليجر شعبه كل يوم لحرب جديدة و :انه وليَّ عليهم ليدمرهم و يدمر البلد..!!!!؟

لن تمر إلا فترة بسيطة و سترتفع أسعار السلع و ينهار الجنيه السوداني تماما بسبب إضافة فاتورة حرب جديدة مع دولة الجنوب هذه المرة مضافا إليها فاتورة حربهم مع الجبهة الثورية هذا غير دماء الشباب التي لم يفكر هذا (الأناني المستبد) في حفظها و عندها سيعلم هؤلاء الهتيفة من المضللين و السذج إلى إي منزلق كانوا يساقون ..


ردود على Almo3lim
United States [عطوى] 06-09-2013 10:41 AM
يا مسلم الصيحات البتسمع فيها دى كلها (مشكلة نفسية) يعانى مها 60% من السودانيين عندما يقف امام اى شخص يعتبر مهم يتم تاييده فورا فى كل ما يقول وعندما يتفرقوون تجدهم يتغالطون ؟؟؟

او الحقيقة وهى انو السودانيين جبناء جدا جدا وكل واحد واقف بيقتكر انو فى امنجية جمبو براقبو فوقو ؟؟؟ فلازم يكورك مع المكوركيين وغير كدا معررووف انو الحشود التى درج الكيزان على حشدها افرزت حاجات ما تخطر على بالك ؟؟؟

كثييير واكثرهم عبارة عن شااذين جنسيا يهرولون لاماكن الحشود لممارسة هواياتهم المريضة واسال اى زول .. وتجدهم الاكثر صراخا لاسباب معروفة .. ايام كنا فى الثانوية ويتم شحننا لاحتفالات الانقاذ فى التسعينات كنا نفرح عشان نزوغ من الحصصص ؟؟ ولكن المفاجاة بانك تجد نفسك وسط جيش من (المتحرشين) لدرجة تشك بان كل من فى الحشد هم منحرفيين سبحان الله هذه هى بلاوى المتطرفيين والهموسيين ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة