الأخبار
منوعات سودانية
مازدا يعتذر عن المؤتمر الصحفي والجماهير تهاجم الاتحاد السوداني وتطالب برحيل الجهاز الفني للصقور
مازدا يعتذر عن المؤتمر الصحفي والجماهير تهاجم الاتحاد السوداني وتطالب برحيل الجهاز الفني للصقور
مازدا يعتذر عن المؤتمر الصحفي والجماهير تهاجم الاتحاد السوداني وتطالب برحيل الجهاز الفني للصقور
الجهاز الفني السوداني لصقور الجديان قبل بداية مباراة غانا


شاهد الفيديو - هدف كوميدي لحارس السودان
06-08-2013 06:46 AM

شنت الجماهير السودانية هجوماً عنيفاً علي الاتحاد السوداني لكرة القدم ، وعلي الجهاز الفني الذي يقوده الوطني محمد عبدالله مازدا ، وذلك عقب الهزيمة الكبيرة التي تعرض لها المنتخب السوداني من نظيره الغاني بثلاثة أهداف مقابل هدف في المباراة التي أقيمت مساء امس الجمعة بإستاد المريخ بأم درمان بالجولة الرابعة لتصفيات إفريقيا المؤهلة لنهائيات مونديال العالم 2014 .


وطالبت الجماهير التي تابعت المباراة من داخل الإستاد علي رغم قلتها بضرورة رحيل المدرب مازدا بعد فشله في قيادة صقور الجديان في التصفيات المؤهلة لنهائيات المونديال ومن قبلها في الوصول لنهائيات الأمم الإفريقية الأخيرة بالخسارة التي تعرض لها المنتخب أمام المنتخب الأثيوبي، بالإضافة إلي إبعاد الحرس القديم للمنتخب الذين قادوا صقور الجديان لنهائيات 2012 بالجابون وغينيا الاستوائية .


وردد الجماهير عبارة ( دايرين تغيير يالوزير ارحل ارحل يامازدا ).


ومن جانبه اعتذر المدير الفني للمنتخب السوداني محمد عبدالله مازدا للصحفيين عن المؤتمر الصحفي وعن أي تصريح عقب الخسارة الثقيلة التي بددت أمال السودان نهائيا في المنافسة.

كووورة

http://www.youtube.com/watch?v=HIHgr...layer_embedded


تعليقات 22 | إهداء 1 | زيارات 10520

التعليقات
#691670 [بريش منصور]
1.00/5 (1 صوت)

06-09-2013 10:53 AM
حينما تنهض الدول فهناك شمولية فى النهضة وفى كافة المجالات، ولكننا فى عهد الانقاذ نعانى من تردى فى كل شى، وضع مقرف والرياضة ليست مستثناء عن هذه الفوضى والتخبط فى كل شئ، فشل رياضى عطش فى بورتسودان ،حروب وتشتت وضياع،جوع وغلاء فى الاسعار،تردى أسعار العملة المحلية،هجرة الكفاءات والشباب خارج البلاد، تردى فى الخدمات الصحية والتعليمية والثقافية ووووووالخ القائمة...فما ذنبك يامازدا الا أنك أتيت فى الزمن الخطأ!!


#691548 [Mohd]
1.00/5 (1 صوت)

06-09-2013 09:28 AM
المشكلة في هذه العصابة الحقيرة (الانقاذ)

انها جابت ناسها ومسكتم الوزارات والاتحادات وتشوف وزير الرياضة ما تعرفه دا وزير واللا مأذون وشكله عمره ما شاف كورة ولا لعب كورة

ويجي ينظر بعد شوية تلقاه بقدرة قادر بقى سفير

ونفس الوزراء يتنقلوا زي الطيور من وزارة لاخرى تقول البلد مافيها غيرهم والمصيبة يكونوا دمروا الوزارة دي ومشوا للتانية وانتهوا منها وللثالث (مثل الحرامي الجاز)

يعني الناس ديل قاصدين يدمروا البلد ويلحقوها امات طه ولحقتهن

الله يدمركم في جهنم


#691114 [ناجى سرالختم]
3.00/5 (2 صوت)

06-08-2013 07:55 PM
البيسمع تعليقات المشجعين يقول السنة الفاتت لعبنا الفاينل
مازدا مدرب ممتاز وبنى فريق جيد ادى مبارة كبيرة قدام فريق ممكن يغلب فرنسا


#691026 [سوداني والسلام]
1.00/5 (1 صوت)

06-08-2013 06:03 PM
التلاتات بقت ثابته حتى لو ما لعبنا برضو حنتغلب تلاته !!!!!!!! كرهتونا الكورة زاتا ، ياخي لو ما الفريق جاهز وما عندكم لعبية وميزانية وفرو حبة قروشكم دي لحاجة مفيده !!!! على الرغم اني ما تابعت الكورة لكن عرفت النتيجة وزعلتا ، بلا يخمكم !!!!


#690985 [ابووليد]
0.00/5 (0 صوت)

06-08-2013 05:13 PM
شوفتوا لعيبةغانابعد الهدف الثالث ماتو من الضحك عمزهم ماشافوا هدف زي ده غايتو عندنا حراس ‏ ليس لهم مثيل في العالم! ! ياناس الراكوبة كيف سمحتوا للمصري اوالمتمصرن المدعو علي الفريد بسب كل الشعب السوداني من علماء واطباء ومهندسين الخ جنسيته واضحه من لغته يعني لسانهم وصلنا جوه اعلامنا !!‏


#690976 [الحقيقة]
5.00/5 (1 صوت)

06-08-2013 04:47 PM
مازدا صارت عليه فقاعة الانقاذ .. فكلما يفشل و يرمي فشله لقصر الاعداد و قلة الدعم ثم يذهب في استراحة محارب .. حتي يعود متعاقدآ من جديد كانما لم تلد حواء سواه .. و من يكابر فعليه بارشيف هزائم المنتخب المازدية ..


#690844 [moa babker]
0.00/5 (0 صوت)

06-08-2013 02:09 PM
لقد رفع العزاء وانفض المعزين من زمان وياحليل كل ماكان جميل ابتداء من سعر الدولار انتهاء
باغاني الافراح ومباريات كورة القدم


#690838 [ELSHAFYA A.ALI]
1.00/5 (1 صوت)

06-08-2013 02:03 PM
عندما مازدا قادكم لنهائيات أمم افريقيا..
نسبتم ذلك لفريقي الهلال والمريخ..وعندما فشل
نسبتم الفشل لمازدا..
مشكلة السودان في تنظيرات غير المؤهلين لذلك..
مشكلة السودان في جمهور المحللين والنقاد الذين
يتركون مهمتهم في التشجيع ويتفرغوا لمهة النقد
وتغيير اللاعبين وادخال فلان واخراج علان..
اذا اختار لكم مازدا تشكيلة المنتخب من غير
الهلال والمريخ وانهزمتم تحدثتم عن ابعاده للحرس القديم..
واذا اختار حرسكم القديم وانهزم هاجمتم مازدا لاختياره
لحرسكم القديم..
طيب اعملوا استفتاء واختاروا لاعبي المنتخب..وبرضوا حتتلطشوا..
اعطوا الخبز لخبازوا ولا تنساقوا وراء اشباه الصحفيين والفاقد
التربوي الذي دمر اخلاق مشجعي الكره في السودان..
مصيبتنا في الفاقد التربوي..لالالالالالالالالالالالالالالالالالالالا غير..


#690821 [الكابتن]
5.00/5 (4 صوت)

06-08-2013 01:49 PM
مازدا + معز محجوب = ماركة تجارية مسجلة للفشل و الثلاثيات


#690783 [khalid]
0.00/5 (0 صوت)

06-08-2013 01:04 PM
والله يا اخوانا في ظل الإحباط والفشل العام الحاصل في البلد ، كتر خيرهم انها جات على الثلاثة وكتر خير مازدا انه اتحمل مسؤلية منتخب بدون ميزانية من الدولة وبدون دعم من اي جهة، وكتر خير اللاعبين انهم جابوا روح معنيوة ولعبوا بيها قدام أضخم منتخب في القارة الأفريقية، عليكم الله اسكتوا وبطلوا وقولا الحمد لله بس، وخلو المغصة تموت لينا قلبنا ما اتعودنا ولا شنو.


#690782 [هيثم]
5.00/5 (1 صوت)

06-08-2013 01:04 PM
مازدا هو الفشل نشكي لي منو


#690729 [ضهبان]
5.00/5 (3 صوت)

06-08-2013 12:15 PM
أزمتنا في اتحادنا و هو يتمسك باعادة مازدا بعد كل فشل يلاحقه منذ فضيحة غانا قبل سنوات .. حتي صرنا ملطشة لاثيوبيا و الصومال .. كانما حواء التدريب الوطني قد عقرت ..


#690721 [kudu]
5.00/5 (1 صوت)

06-08-2013 12:09 PM
الشعب يريد مقاطعة المباريات التي يكون لاعبا فيها فريق سوداني!!


#690696 [krkasa]
5.00/5 (3 صوت)

06-08-2013 11:53 AM
وأخذناها، ثلاثات كتبت علينا ...؟؟؟..من شدة عقدة هذه الثلاثات يخيل الي احيانا ان الكرة يمكن ان تتدحرج وحدها لتكمل النصاب، "3"، اذا لم تجد من يدحرجها...؟؟!!

اذا كان في هذا البلد كل واحد مكنكش في محلو حتى مازدا ...؟؟..اللهم خلص السودان من كل مكنكش ولو كان غفير ..؟؟


#690639 [مقهور]
5.00/5 (1 صوت)

06-08-2013 11:07 AM
فشلونا


#690632 [امين]
5.00/5 (2 صوت)

06-08-2013 11:05 AM
اصلا المنتخب دخل المباراة وهو مهزوم من اتحاد السجم والرماد قبل غانا السودان اصبح مهزوم في كل حاجياته والسبب هؤلاء الكيزان المهزومون في خلقهم واخلاقهم رحم الله السودان ولاهله الصبر والسلوان


#690606 [عبدالمجيد عمر]
5.00/5 (2 صوت)

06-08-2013 10:43 AM
نحنا من المفترض ماحنتكلم عن الفشل ياشعب السوداني لان الفشل ملازمنا في كل شي ( انهيار اقتصادي - سياسي - امني- ثقافي - اجتماعي والباقي كملو براكم )


#690592 [ali alfred]
5.00/5 (1 صوت)

06-08-2013 10:32 AM
صرنا ملطشة للي يسوى واللي ما يسواش, الفرق السودانية بتروح للبهدله والشرشحه. لن يفلح السودان في شيء وسيبقوا متخلفين في كل شيء ، انما لا يعلو على السودانيين في زعيقهم ودجلهم وانتهازيتهم ومحاباتهم وفسادهم امة من الأمم. سيبق السودانيين فاشلون في كل مجالات الحياة من الرياضة,الطب, والعلمية والثقافية .لا يمكنهم التفوق الا في القتل والدماء. لا خير في أمة يقودها سفاح دارفور وقوادين المؤتمر الوطنى المهووسيين بالنساء والغلمان.


#690561 [عبدالله]
5.00/5 (1 صوت)

06-08-2013 09:50 AM
فشل في كل شئ الله يرحم السودان واهل السودان الفاتحة يا ناس على البلد


#690528 [Mohd]
5.00/5 (1 صوت)

06-08-2013 09:09 AM
مازادا قاعد يجرب في الفرق

كل سنة يشطب الفريق كللله ويجيب فريق ثاني

ومشكلته داير يجرب الناس البجيبهم في المنافسات

يلموهم ليهو قبل شهر من موعد المبارة

وبعد ما ينهزم وينفضح يغيرهم ويجيب غيرهم

وهكذا مثل ساقية جحا


#690508 [القومي]
0.00/5 (0 صوت)

06-08-2013 08:49 AM
واخيراٍعادت التلاتات ياماذدا عليك الله ده حارس الثلاثة اهداف يسال عنها


#690487 [hmamizo]
5.00/5 (2 صوت)

06-08-2013 08:01 AM
عقب الخسارة الثقيلة ؟؟؟ يعني كنتو متوقعين شنو .. كل الشعب يعلم ان لاكورة ولا اخلاق في السودان والدليل قلة الجماهير التي تابعت المباراة ؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة