الأخبار
أخبار إقليمية
مؤسسة مليشيات حزب البشير تعلن جاهزيتها لتنفيذ توجيهات الرئيس بفتح جميع معسكرات الاعداد
مؤسسة مليشيات حزب البشير تعلن جاهزيتها لتنفيذ توجيهات الرئيس بفتح جميع معسكرات الاعداد
مؤسسة مليشيات حزب البشير تعلن جاهزيتها لتنفيذ توجيهات الرئيس بفتح جميع معسكرات الاعداد


06-09-2013 07:32 AM
(سونا)اعلنت مؤسسة الدفاع الشعبي استعدادها التام لانزال توجيهات المشير عمر البشير رئيس الجمهورية بفتح جميع معسكرات الدفاع الشعبي الي ارض الواقع مؤكدة جاهزيتها الكاملة للانتشار في كافة بقاع السودان دفاعا وصونا لمقدرات الوطن .
وشدد القائد العام لقوات الدفاع الشعبي لـ(سونا) ان منسوبي الدفاع الشعبي الآن هم على الخطوط الامامية في العمليات للدفاع عن البلاد ضد عمليات الغدر والخيانة التي تجري في عدة مناطق وأعلنا عن اصدار التوجيهات لكافة فروع وادارات الدفاع الشعبي بالمركز والولايات لفتح المعسكرات والعمل المكثف لاعداد القوات بصورة جيدة تنفيذا لتوجيهات رئيس الجمهورية .
وقال ان قوات الدفاع الشعبي الآن تدرك تماما حجم الاستهداف والتآمر على البلاد متعهدا بأنها ستعمل على صد أي تهديد يواجه السودان وستعمل على تأمين المناطق على الحدود مع جنوب السودان وستعمل على التصدي لمحاولات دولة جنوب السودان لزعزعة استقرار البلاد .
واعلن الاستاذ عبد الله الجيلي المنسق العام لقوات الدفاع الشعبي في تصريح لـ(سونا) عن توجههم الفوري لتنفيذ توجيهات الرئيس البشير وتجهيز القوات من المجاهدين للقتال لمجابهة التربص والاستهداف الذي يواجهه السودان، مؤكدا استمرار الدفاع الشعبي في دعم ومساندة القوات المسلحة في كل مناطق العمليات والجبهات القتالية .
وقال الجيلي إن المرحلة المقبلة ستشهد تطوراً كبيراً وتوسعا شاملا في المعسكرات وبرامج عمل الدفاع الشعبي لاسيما في تدريب وتأهيل المجاهدين عبر الدورات المتقدمة لرفع مقدراتهم القتالية وذلك لمواجهة الاستهداف الذي يتعرض له السودان .
فيما اكد عدد من منسقي الدفاع الشعبي بالولايات والمركز ان توجيهات الرئيس البشير بفتح جميع معسكرات اعداد وتجهيز قوات الدفاع الشعبي تأتي في اطار إحياء شعيرة الجهاد ومواجهة الاستهداف الذي يتعرض له السودان وتأمين الحدود مع دولة جنوب السودان والعمل على منع دولة الجنوب من تصدير الحرب الى داخل السودان .


تعليقات 8 | إهداء 0 | زيارات 2092

التعليقات
#692435 [سودانى ما منفرج الأسارير]
0.00/5 (0 صوت)

06-10-2013 04:58 AM
انتو يا جماعة الخير انّسالكم .. ألأولاد البمشو الدفاع الشعبى ديل شغالين وعندهم مسؤوليات بخلوها ويمشو
للتدريب ؟ هل برجعو ليشغلن ولا خلاص بيستمروا جنود وعساكر؟ الشي التانى ابهاتم موافقين اولادن يمشو يحاربو ولما يحاربو بيكاتلو عن قناعه كامله وبغبينه ولا بغيبونية حساس الكان مفروض يكون خليفه
ويقومو يموتو سمبلا بعد ما ظهر انّو حسب قول الترابى ان البلحق امات طه حقو راح ومات فطيس .. لا فى حور عين ولا غين..
تالتا هل كووولهم الماشين يحاربو ديل كانو اخوان مسلمين ومن متين؟؟ هل ابهاتم بايعو حسن البنا برضو ايد على ايد مع مولانا الشيخ حسن احمد البشير ؟ وفى مصر المؤمنه ولا فى كافورى يا اهل الله !!
فى الآخر اولاد الحكام برضو بيمشو للتدريبات دى ولا ديل "اكزيمتد" لأتهم بيقرو التخصصات النادره وبدربو على شؤون الحكم فى الخارج لزوم ألأستلام من ابهاتم النافذين بعد اكمالم العلام والتدريب اللازم للحكم!!


#692222 [صالة المغادرة]
5.00/5 (1 صوت)

06-09-2013 08:44 PM
تانى البمشى ليكم الجنوب منو يا تجار الدين وانكشف عنكم الغطاء بلاء يخمكم ويخم اليوم الجابكم ياسفلة يالصوص وبعد ده حرب دينية ما بتحلكم وحرب عرقية ما بتحلكم بس باقى ليكم حرب رياضية تقوموا تحرشوا الهلالاب على المريخاب وتقولوا جمال الوالى اكل المال العام ومول نادى المريخ ولما الهلالاب يملاءوا شارع العرضة جيبوا دفاراتكم وخموهم للجهاد .


#692047 [sami]
0.00/5 (0 صوت)

06-09-2013 05:09 PM
ناس المؤتمر للاوطنى يجاهدوا فى كنز المال وبناء الشاهقات وشراء الفلل فى العواصم الاجنبية والتمرق فى الحسناوات مثنى وثلاث ورباع واولاد المساكين يموتوا بالسلاح والجوع والمرض... لو عايزننا نمشى نجاهد اعملوا لينا متحرك يتكون من ابناء الوزراء والسفراء والقابضين والمتنفذين بعدها بنصدقكم .. يا مجرمين... قالوا جهاد ..كمان قالوا البلد مستهدفة يعنى اى انسان اطالب بحقوقه عندكم يعنى طابور مرتزقة .. بنفذ مخطط اجنبى... وراه اسرائيل .. انتوا والله لو الواحد دعا زوجته للفراش ورفضت لاى سبب منطقى حاتقولوا الموضوع وراه اسرئيل.. ارحمونا كفانا ضلال ونفاق باسم الدين


#691928 [ابو نور]
5.00/5 (1 صوت)

06-09-2013 02:46 PM
الى الامهات اولادكم رحاة وطحين للحروب حسب مفهوم الشرفاء والعقلاء وسندا وعونا اليكن وشهداء للنظام قبل الحرب وبعد الحرب ان ماتوا هم فطيس امهاتنا الكرام اولئك القلة هم من سرق اموال البلد و
ذل شعبها وافقره اباءا وامهات لاتتركوا اولادكم ان يكون وقود للنار الحروب واولادهم منعميين
كل ما اود ان اقوله حاجة امنة اتصبرى ولا تتركى اولادك يذهبون الى الدفاع الشعبى ويحرقون كبدك عليه


#691755 [Zingar]
4.50/5 (2 صوت)

06-09-2013 11:57 AM
الفطايس جاينك بكرعينهم يا حلو بس ابقى جهز الملاعق آسف المدافع.


#691545 [استنفار واستثمار]
5.00/5 (2 صوت)

06-09-2013 09:25 AM
صدق ادروب لما قال استنفار تجونا واستثمار تمشوا براكم

فاكرين اولاد الناس ديل لعبه في ايديهم لما يجوا يقدوا لي وظيفه تدخلوا معاهم في اسئلة عنصريه قبلتك شنو ومن ياتو منطقة ولما تشعلوا الحرب تخموا المواطنين خم بالقوة في معسكراتكم اسي وين مع الاقتصاد المتآزم ده عندكم ليهم حق العدس والخبز الناشف ولا يموتوا في المعسكرات قبل ما يقاتلوا باسمكم قالوا نواجه الاستهداف والبلد مستهدفة يمين علي ضيعتوا البلد وما قاردين تطلعوا من الزنقة اللي انتو فيها ومافي زول بصدقكم تاني امشوا للحور العين وسوقوا اولادكم معاكم نحن بنجي بالتسبيح والتكبير والتهليل والصلاة قبل ما تمشوا للشهادة حلو الديون العليكم لانه الشهيد بتكون روحه معلقة ما لم يحل دينه وانتو مش مديونين انتو ماكلين حق الملايين من البشر . الا لعنة الله عليكم .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة