الأخبار
أخبار إقليمية
المواطن مالك الطائرات يوضح للشرطة كيف تحصل عليها والمبلغ الذي دفعه نظير امتلاكه للطائرات.
المواطن مالك الطائرات يوضح للشرطة كيف تحصل عليها والمبلغ الذي دفعه نظير امتلاكه للطائرات.
المواطن مالك الطائرات يوضح للشرطة كيف تحصل عليها والمبلغ الذي دفعه نظير امتلاكه للطائرات.
نموذج لطائرة بدون طيار


بعد العثور على 3 طائرات بدون طيار بمنزل في أمدرمان
06-09-2013 08:10 AM
على ذمة الشروق وصحيفة الأهرام اليوم :

عثرت الشرطة، في أحد المنازل بمنطقة الفتيحاب جنوبي أمدرمان، على ثلاث طائرات من دون طيار، ذات الحجم الصغير، بعد عملية اقتحام للمنزل نفذتها قوة شرطية، الجمعة، على إثر معلومات تحصلت عليها تفيد بوجود تلك الطائرات.

وروى المواطن مالك الطائرات للشرطة - حسب صحيفة الأهرام اليوم - أنه يعمل مهندساً فى إحدى شركات صيانة الطائرات، وتحصل على الطائرات بدون طيار، بعد أن رسا عليه عطاء فى العام 2007 بشأن بيعها.

وقال أنه دفع مبلغ ألف جنيه نظير الظفر بها، فى ذلك الوقت، وأوضح أنه قام قبل أربعة أشهر بترحيل الطائرات لمنزله بــ(الفتيحاب) بغرض صيانتها.

وأكد المواطن حيازته للمستندات التى تؤكد امتلاكه للثلاث طائرات دون طيار.

وبالمقابل وجهت النيابة بإتخاذ الإجراءات الأولية، والتحري حول حيازة المواطن لتلك الطائرات.


تعليقات 57 | إهداء 0 | زيارات 36209

التعليقات
#692381 [مافى داعى]
0.00/5 (0 صوت)

06-10-2013 01:05 AM
هى ما طلعت طيارة ورق يا فارات ديل ناس الدفاع بالنظر ياجماعةبالنظر عديل انتو بتلعبوا


#692334 [خرباوي]
5.00/5 (2 صوت)

06-09-2013 11:53 PM
يعني شنو انا عمي عندة تﻻت دبابات تي 55 بحالة جيدة في غرب دارفور


#692322 [ود الرصيرص]
0.00/5 (0 صوت)

06-09-2013 11:27 PM
خبر ناقص يشبه فبركات نظام البشير.. والصورة المعروضة لا وجود لها الا في بلاد برة ..
ياخ طلبة الاسلامية ... اي والله الاسلامية عندهم طائرة بدون طيار عملوها في الجامعة مشروع تخرج..

عندما ولد صغير في الولاية من الاساس عمل ليهو تجميع من كنترول سيارة لي مرحة لي طيارة < بدون طيار> وفي الثانوي ما عارف حيعمل شنو .. يعني زي دة نتوقع يجو يداهمو بيتو ويعملو جاسوس للجنوب خاصة وانو الجنوب جنبنا .. يا خالد سعيد.. وصديق ابكر مدني.. عبد العزيز ووو وغيرهم ابعدوا النوابغ من مكان الحرب هنا في النيل الازرق عشان الطائرات بدون طيار اليعملوها الطلبة والمهندسين الصغار.. تبقى شي مألوف للجرايد الوهمية دي ..

في الرابط.. طائر بدون طيار بتاعت مدارس وكليات يعني ممكن تكون لعب اطفال

http://www.youtube.com/watch?v=0HQR1DIbDwA&feature=youtu.be


ردود على ود الرصيرص
European Union [PROF] 06-10-2013 01:07 AM
قريت يوتيوب وين يا زول ؟؟؟
بعد كلمة watch مافي اكثر من 14 حرف يعني ( feature=youtu.be& ) كلها زيادة ..

اسالو اهل الذكر .. ما تفضح ناس الرصيريص


#692306 [قصي]
0.00/5 (0 صوت)

06-09-2013 11:05 PM
والله العظيم الموضوع ده كبييير وخطير ؟ والزول ده إشتراها في مزاد يعني؟ يا ربي الدلاله بتاعتم دي كان عندها دليل بالجرس؟ وإعلان في الصحف؟ وياتو شركه البايعه بي الف دي؟ بعدين الزول ده قال عندو مستندات.
شي يحير


#692208 [مواطن حر]
5.00/5 (5 صوت)

06-09-2013 08:24 PM
طائرات بدون طيار .... ألطيار مشي ألدهب


#692207 [ود الباوقة]
0.00/5 (0 صوت)

06-09-2013 08:21 PM
هههههههههههههه قولوا تلاتة جرادات صحراويات يمكن نصدق


#692190 [de_jary]
0.00/5 (0 صوت)

06-09-2013 07:59 PM
احنا كان فى ظوباط عندنا محمد الظابط كان فى فنانين عندنا عائشة الفلاتية تعالو نتبرع طرادة طرادة نشترى بيها ضبابة نختو فى خشم تلوس علشان نحمى بيها انفسنا


#692188 [سودانى منفرج الأسارير]
3.00/5 (2 صوت)

06-09-2013 07:55 PM
السودانيين ما بيعرفو قدر انفسم وقدراتم العقليه .. الطيارات موش عملوها ناس زيهم.. فى ودمدنى فى بدايات أربعينات القرن العشرين سمعنا انو عمكم او جدكم (حسب اعمار البقرو الخبر) المرحزم محمد جادين (ابو المرحوم كبير المهندسين محمود) عمل ليهو طياره وقالو ولدو عبد العزيز دوّر مكنتا وكان عاوز يمشى بيها المدرسه ألأميريه!!


#692182 [ابو نصر الشمالي]
0.00/5 (0 صوت)

06-09-2013 07:46 PM
ياخوانا الطيارات دا حقي وانا رسلته ليه بعد عزمة المواصلات وموقف شرواني ... وحس عندي قواصة في بيت في امبدة معروض للبيع


#692157 [جدودنا زمان]
0.00/5 (0 صوت)

06-09-2013 07:17 PM
جنس دراب
يا ناس الانقاذ روسينا ما فضل فيها حتة ما ورمت من درابكم البترموا فينا دينا


#692122 [beskanof]
0.00/5 (0 صوت)

06-09-2013 06:47 PM
ياجماعه الموضوع ومافيهو انو عمك ده اصلا كا عندو تلاته هايسات والجوكيهات ضربو فيها والشوارع قفلت بعد تحويلت الموقف لي شروني عمك قال يحل المشكلتين مع بعض رفد الجوكيه وشغال الفتيحاب شروني بالجو

طيب بس بعد ماتنتهي التحقيقات الاوليه اشرحو لينا عمك ده فكرتو شنو عشان لو وقعت قريب مننا نرجعها ليهو وشكرا


#692121 [محمد]
0.00/5 (0 صوت)

06-09-2013 06:46 PM
طالما هناك فرص بيع طائرات في السوق أنا اريد طيارة براكب واحد علشان استخدمها مواصلات زهقت من الانتظار وزحمة المواصلات


#692104 [سلك]
0.00/5 (0 صوت)

06-09-2013 06:20 PM
انا عندى ركشة هههههههههههههه


#692075 [ديجانقو]
0.00/5 (0 صوت)

06-09-2013 05:41 PM
والليه اودى دباباتى دى وين وماكوك الفضاء وباتريوت وسد النهضه ضرررررررررررررررررررر كرع ثنقوش


#692056 [سيد التبش]
0.00/5 (0 صوت)

06-09-2013 05:21 PM
كان كده الواحد يقوم يلم الدبابة بتاعتو في حوش حاجة رشيدة؟


#692042 [ود زيدان]
0.00/5 (0 صوت)

06-09-2013 05:03 PM
طيارات رش ههههههههههههههه


#692016 [سلمان]
3.00/5 (2 صوت)

06-09-2013 04:19 PM
اذا كان دفاعتنا شغالة بالنظر علي حسب كلام وزير الدفاع ليه المانع شنو من وجود طيارات في الفتيحاب يعني ممكن نلقي مركبات فضائية في المنشية وكبسولة زمن في كافوري دي عشان تقوم بالجماعة


#692013 [orootod]
5.00/5 (1 صوت)

06-09-2013 04:10 PM
عادي جدا
انا عندي غواصة


#692009 [Wahid]
5.00/5 (1 صوت)

06-09-2013 04:06 PM
طيارة بدون طيار لاهداف قتالية واستطلاعيةلابد التحكم عليها يكون من بعد ومن غرفة عمليات وتكون مذودة بالاغراض اللازمة للمهمة (كميرات او كميرات واسلحة لتدمير الهدف) ولايمكن بيعها الاطلاق لهاوي او انسان عادي.. ولايمكن ان يكون سعرها 1000 جنية... لان هذا المبلغ لايغطي سعر مسامير جناح واحد... لابد في الامر شئ اخر.... وبعدين مثل هذه الطائرات يتم اطلاقها من قاعدة عسكرية بحرية او قاعدة عسكرية وليس منزل عادي.... ولايمكن جهة عسكرية مسئولة يمكن ان تضحي وتخسر لوضع طائرة بدون طيار دون حراسة وقوات شرطة عادية تداهم منزل وتتحرز عليها.


ردود على Wahid
[نزار] 06-09-2013 09:32 PM
ليه في طائرات بيدون طيار او ذات التحكوم عن بوعد للهوات واللعب

[ابن كوش] 06-09-2013 05:43 PM
دا كلام ضحيح وما بصدق كلام الظائرات في الفتيحاب الا الغوغاء وعديمي النظر. بس دا كلام علشان يشغلوا بيها الشارع العاموما عندهم اي موضوع غير خلق الخرافات والتضليل. والله حكومة بهائم.


#692004 [حقاااني]
0.00/5 (0 صوت)

06-09-2013 04:02 PM
ياشباب من الخبر الطيارات دي ما العاب اطفال وما ممكن الشرطة تمشي تداهم لعب اطفال وبقت نظرة المعارضة دي تعميكم الراجل قااااال ان شغال في شركة طيييرررااان واشتراها منهم وجابها يشتغل عليها ويطورها اولا لو كارو مش طيارة مفروض يكون عندو اوراق وترخيص ورقم تسجيل والطيارات البدون طيار نوعين نوع بيتحكم بالاقمار وما اظن ديا النوع الوارد في الخبر ونوع بالرموت وبتستخدم لعدة اغراض عسكرية وعلمية العسكرية معروفة وعلمية في تصوير التضاريس البعيدة والبراكين واماكن الغازات السامة المابيقدر يصلها انسان والبلد في حالة حرب ما مضمون اخونا دا شغال في شنو هسي ناس الجبهة لو لقوها في كاودا كان ح......افكار ام اهلو زاتو


#691989 [kashoma]
3.00/5 (1 صوت)

06-09-2013 03:43 PM
تيارات لعب ياأبوعمر الوقعت فى الثورة الحارة 17 فوق راس الحمام بتاعة لعب
والوقعت فى الدمازين ابابيل رماها عمود الكهربة والله مقص بت موسى القتلت بت ام دبو
بتعرفة


#691968 [ناصح]
3.50/5 (2 صوت)

06-09-2013 03:15 PM
للعاوز طيارة بدون في واحدة ست شاي في السوق المحلي بتبيع طيارة بدون طيار والغريبة فب واحدة على بعد شارعين منها بتبيع طيار بدون طيارة شفتو كيف التكنولوجبا متوفرة في السودان في عهد الرفاهية عهد الكيزان


#691922 [سيسينيو]
0.00/5 (0 صوت)

06-09-2013 02:39 PM
تيارة قومي سريع ودينا .... ياخي دا كلام غريب... خلاص من اليوم وانت طالع الفتيحاب تسمى بلد التيارات ... عشنا وشفنا وياما ح نشوف


#691886 [محمد عربي]
0.00/5 (0 صوت)

06-09-2013 02:02 PM
ثلاثة طائرات من دون طيار بالف جنية ؟؟؟؟؟؟؟؟؟؟ الله يخليك شوف لي معاك 10 حبت لو سمحت !!!!!! انتو جادين في الموضوع دا ؟؟؟؟؟؟؟؟؟؟؟


#691874 [وحيد]
0.00/5 (0 صوت)

06-09-2013 01:52 PM
والله شى يضحك بالجد .............................................؟


#691850 [hmamizo]
0.00/5 (0 صوت)

06-09-2013 01:21 PM
وبالمقابل وجهت النيابة بإتخاذ الإجراءات الأولية، اجراءات الأولية، ليه إجراءات اولية اذا كان مثلآ يمتلك سلاح مامرخص مسدس مثلا برضو إجراءات اولية والا الطيارة البدون طيار دي ماسلاح ؟؟ عجب إلا تكون طيارة لعب أطفال . افتحوا فيهو بلاغ جنائي عديل


#691834 [كودا]
5.00/5 (1 صوت)

06-09-2013 01:05 PM
يا سخافة عساكر السودان في بداية انقلاب الانقاذ اتمسكت في تفتيش الحزام الاخضر لانه معي منظار ميدان ودخلت في مساومة مع العساكر ان اتركها لهم ليخلوا سبيلي خاطبت العسكري بان كل الخواجات الحايمين في البلد دي معاهم احسن من دي وما في واحد بكلمه بس فصاحتكم في المواطن !!.. ثم ما هي الخطورة التي يسببهاالمنظار للامن القومي؟ رد علي العسسكريالغبي بانه لغاية الآن صادرنا اكثر من خمسين حبه مافي واحد ضرب معانا غلبة زيك كده، رديت عليه: ديل ناس تايهة ما بتعرف حقوقها المهم العملية استغرقت حوالي الساعة لغاية ما اتفكيت منهم ونصحوني مافي داعي آخد المنظار معاي تاني لانو يعتبر ملك للجيش فقط..


#691780 [بت حبوبتها]
3.00/5 (2 صوت)

06-09-2013 12:22 PM
زمان لما شفنا أثرياء أمريكا بيتنقلوا بالهيلوكوبتر الشخصي وبيقرشوه عادي في بيوتهم..قلنا سبحانك يا رب..الليلة الله يجيب لينا الأمريكان في الفتيحاب عشان يآمنوا عديل كدة..يشوفوا إننا تعدينا مرحلة تنقلنا بالهيلوكوبتر وبقت عندنا طيارات بدون طيار في البيوت !

كترت مهازلك يا بلد..الله ينجيك من الراجيك !


#691760 [panda]
5.00/5 (1 صوت)

06-09-2013 12:02 PM
ادخل الموقع
souq.com
و تجد طائرات للبيع بدون طيار صحيح صغيرة بس للى عندو فكرة ممكن يطورها و يكبرها


ردود على panda
[مراقب] 06-09-2013 12:22 PM
ذكي لكن ياباندا خليت الناس تدخل لموقع تسوق عبر النت دون أن يكون هناك ماأشرت إليه بس نفسي أعرف مدفوع ليك كم ؟ ياخي الأخلاق تدنت شديد والناس برضو تشتم في الحكومة والشعب بقى اسوأ منها


#691739 [ابو عهود]
5.00/5 (2 صوت)

06-09-2013 11:37 AM
حكومة في زنق الكلب مرة صقر اسرائيلي مرة طائر بدون طيار......... وشعب جعان و لكن جبان


#691729 [ابوايمن الحلاوى]
0.00/5 (0 صوت)

06-09-2013 11:30 AM
التصنيع الحربى قريب للفتيحاب !! وجات طياره تضرب الخرتوم ضربت حمار كلتوم ست اللبن!!واحتمال احدى صيحات وتكنلوجيا التصنيع الحربى بتاع ابو رياله.. وبعدين الصينيين امكن عامليين حاجات زى دى بتاعت لعب وكلوا شى وارد؛؛ والراجل ماتلحسوا ساكت وتكوشوا عليو لزوم اللهط والسمسره...


#691721 [Bull]
3.00/5 (1 صوت)

06-09-2013 11:26 AM
يا أخونا ما تستغربوا ساكت, الطيارة الواحدة ممكن تحملها في دفار وتدخلها في قراشك أو بيتك ولا حد شاف, هي طولها مترين ومتر للأجنحة, بس الشيء المحير أن يمتلكها شخص !! ما هي أهدافه؟
تعريجة:
أنتوا يا ناس الجبهة الثورية بقيتوا خترين- خطرين- حتى في الخرطوم بقيتوا تصينوا طائرات بدون طيار. أها تتجسسوا علي عبدالرحمن الخضر والا منو؟ دا ما بيستاهل موتر سايكل ولا ركشة.
غايتو أن لو في محل الحكومة لعينت المهندس في التصنيع الحربي.
الحكاية ما غريبة, قبلها صنع طالب جامعي عراقي طائرة قتالية بعد سقوط صدام ولقد ذاع صيته حتى الغرب أعترف به وبنبوغه. ليس في الأمر عجب.


#691720 [سوداني كردفاني]
5.00/5 (3 صوت)

06-09-2013 11:24 AM
اتروكوا الرجل ولا تقتلوا طمحه وتشغلونا في هذا العمل الهامشي في السبعينات كان في نيالا رجل اسمه ود نفاش صنع طائرة فقاموا سجنوه وقتلوا طموحه بدل يشجع انا شفتها بعيني في نيالا شارع الضعين


ردود على سوداني كردفاني
United States [nagatabuzaid] 06-09-2013 08:23 PM
والله العظيم يا كردفانى انا اشتغلت فى نيالا وبعرف ود نفاش كان بعمل العربات اللوارى للعب الاطفال وكانه فى امريكا والقطارات حقيقة انا الطيارة ماشفتها شفت العربات والقطارات والاختراعات الثانية ود نفاش ده لو كان لقى تشجيع كان بقى حاجة تانيه بالله عليك سجنوه المتخلفين ؟؟؟ المده طالت وحياك الله ياكردفانى وان شاء الله يكون ود نفاش بخير وتسلم نيالا ويسلموا اهل نيالا من كل شر

United States [سامي] 06-09-2013 01:56 PM
يجب تشجيع الصناعات الوطنية مثل الطائرات والدبابات حتي نكون دولة متطورة . يااخي الناس مالاقية تأكل طيارات يه ؟


#691701 [Zingar]
5.00/5 (5 صوت)

06-09-2013 11:14 AM
الرجاء من بعض المسطحين والمندهشين بأن لا يعتقدوا أللى فى الصوره دى واحده من طائرات بيت الفتيحاب..لأن هذه صورة Triton من شركة Northrop الأمريكيه...ولا يمكن تمليكها لأى دوله عربيه على وجه الخصوص.

كدى بس شوفوا السماء الخالى من الغبشه ده سماء فتيحاب.

آل الكلاكله آل


#691691 [murmoly]
4.75/5 (6 صوت)

06-09-2013 11:09 AM
ما كان يخليهم أربعة حسب الشرع !!!!!!


ردود على murmoly
United States [حسن] 06-09-2013 01:12 PM
الله يجازيك قطعت مصارينا يا Murmology


#691678 [SESE]
4.91/5 (8 صوت)

06-09-2013 10:57 AM
الطائرات عبارة عن لعب اطفال تطير بالريموت كنترول ولا تسبب اي ضرر إلا اذا سقطت على رأس الضحية مباشرة وهي موجودة في كل البلدان ولها اندية للهواة وهي غير مضرة وليست ذات قيمة عسكرية لذلك فهي غير ممنوعة في اي بلد في الدنيا ولكن قالوا الماشاف البحر تخلعه الترعة........


ردود على SESE
European Union [سن ألفيل] 06-09-2013 11:17 AM
تشكر كتير منو الفهم ليك الكالم ده وصحيح الماشاف البحر تخلعه الترعة مرة من المرات عدت للسودان من رحلة خارجية ولدي طفل مشاغب احضرت له لعبة عبارة عن مجسم صغير على شكل دبابة تتحرك بالرموتكنترول يازول عينك ماتشوف الا النور !!!!! رئيس الامن وقائد المدرعات وتم اعتقالي ومصادرة العبة وغايتو حكاية


#691666 [WADALTOM]
5.00/5 (4 صوت)

06-09-2013 10:49 AM
الطائرات بدون طيار يتم التحكم فيها بواسطة الاقمار الصناعية وين انتو من هذه التكنولوجيا دي امريكا تقوم وتقعد في مشاريع كهذه وتاخذ سنوات تجي تقولي في الفتيحاب والله الا يكون قاعدة آندروز الجوية نقلوها الفتيحاب وما جايبين خبرها علي الطلاق لعبة بلاستيكية ساي ماتقدرو تصنعوها والله لكن ورتووووووووونا الشطف النملة منو


#691663 [بابكر عوض الشيخ]
0.00/5 (0 صوت)

06-09-2013 10:48 AM
هذا كلام لايصدق ولا يدخل العقل أعتقد أنها طائرات لعب للأطفال أغيثونا وأقنعونا بأنها طائرات بدون طيار يا أولي الألباب وممكن تكون حمام زاجل وذلك أقرب للعقول


#691654 [Ali saleh]
0.00/5 (0 صوت)

06-09-2013 10:42 AM
حلو دي. طيب والمزاد اللي دفع فيه ال 1000 جنيه ده كان وين ؟
في البلد دي ولا في حتة تانة ؟
وأصلوا مين المالك الأصلي ؟ ومن أين تحصل عليها ؟


ردود على Ali saleh
United States [nagatabuzaid] 06-09-2013 08:28 PM
متين المزادات فى البلد دى بعلنوا عنها ماك عارفالبيع كله ام غمتى ؟؟


#691651 [محمدنيالا]
0.00/5 (0 صوت)

06-09-2013 10:40 AM
انا لغايه امس كنت مفتكر الحكايه هظار وسخريه من الكاتب ، لكن يظهر انو الحكايه فيها إنه


#691633 [khalid]
0.00/5 (0 صوت)

06-09-2013 10:22 AM
يعني الواحدة ب 333.333 جنيه عجلة رالي اغلي من كده ده كلام وراه كلام خطير لو الحكومة ما اعلنت نتيجة التحقيق ده والزول ده منو وجابها كيف ومن متين طيارة بدون طيار امتلاكها ساهل وهين كده بكرة تلقو النووي ذاتو قال طيارة بدون طيار هههههههههه دي المبالغة ذاتها


ردود على khalid
United States [nagatabuzaid] 06-09-2013 08:29 PM
خفوا على الزول شوية


#691615 [سودابي]
5.00/5 (1 صوت)

06-09-2013 10:11 AM
هع هع هع هع هع هع هع هع هع هع هع هع هع هاااااااااااااااع,,,, حلوه شدييييد يا شرطه يا عين يا ساهره


#691608 [moaen]
0.00/5 (0 صوت)

06-09-2013 10:09 AM
ثلاثة مرة واحدة كده ؟؟؟؟؟؟؟


#691600 [ابوفارس]
0.00/5 (0 صوت)

06-09-2013 10:04 AM
هههههه طائرات بدون طيار عدييييل كده ؟؟؟!!! والله حالياً من الصعب جداً ان نطلق على السودان تعريف ( دولة ) ياخي دي فوضى مبالغ فيها .. وفي كل شيىء .. اذا كان الصومال التي ليس بها حكومة لعشرات السنين لا يوجد بها مواطن يمتلك طائرات بدون طيار !! ياخي والله ما عارف اعبر زاتو اقول شنو ..


#691593 [سوداني غيور]
0.00/5 (0 صوت)

06-09-2013 09:58 AM
ده خبر حقيقي ولا قصة من الخيال


#691585 [Sabir]
0.00/5 (0 صوت)

06-09-2013 09:54 AM
نحنا وين ياعالم,,, كل شئ أصبح ممكنآ, في زمن اللامستحيل


#691558 [مراقب]
0.00/5 (0 صوت)

06-09-2013 09:33 AM
بعد الكلاشنكوف في بيوت المقتدرين وطائرات في بيوت الفتيحاب بكرة نسمع عن حاملات طائرات في أحواض سباحة ومنصات لاطلاق صواريخ ولا تعليق. يعني كيف الراجل دا أدخل هذه الطائرات الثلاث في منزلة الا اذا كان ساحر وشايلهم في جيبه.


#691533 [ABOUNOON]
0.00/5 (0 صوت)

06-09-2013 09:17 AM
الله يستر يجي يوم يكون في كل بيت دبابه أو مدفع
والله حكايه سايبه للآخر قال بصينها في البيت يعنى ركشه!!!!!


#691506 [عصمتووف]
5.00/5 (2 صوت)

06-09-2013 08:53 AM
* من اين اشتراها ومن الجهة صاحبت العطاء ** دفع الف جنية نظير الفوز بالعطاء هي طائرات ولا درداقات ** شاهدنا با المنازل لتحولت الي ورش سيارات وركشات اول مره اسمع بورش طائرات منزلية حد واحد فيكم لدية صواريخ قصيره ومتوسطة وطويلة المدي للعطاء


#691496 [أبو عمر]
5.00/5 (1 صوت)

06-09-2013 08:45 AM
والله العظيم فعلا أنتو شعب اهبل ومتخلف دي عباره عن طائرات لعب وبالتحكم عن بعد وليست كما تعتقدون مثل التي عند الدول المتقدمة والتي ستصل السودان بعد مليون سنه بالحال الشايفو ده والله يكون في العون


ردود على أبو عمر
United States [النجمة] 06-09-2013 12:38 PM
انت يا ابو عمر بتنبذ في منو هسع؟؟
في المعلقين؟
ولا كاتب الخبر؟
ولا القراء؟
ولا الشعب كلو؟؟
ولا في نفسك؟؟!! ماهو انت من الشعب او تكون ماسوداني

بعدين في نص الخبر ماموضح اذا كان طائرات حقيقية ولا لعبة

نلقاها من منو ولا من منو نحن؟

[الصلحابي] 06-09-2013 10:57 AM
ابو عمر هل تدري انه هنالك طائرات بدون طيار في مصانع جياد


#691490 [صبحي حسين]
0.00/5 (0 صوت)

06-09-2013 08:40 AM
عجيب .. عجيب .. عجيب أمرك يا بلد


#691477 [زيزو]
0.00/5 (0 صوت)

06-09-2013 08:23 AM
دا كلام غريب جدا هل يحق لاى مواطن امتلاك مايريد


ردود على زيزو
United States [اللهم اصلح حال السودان] 06-09-2013 03:10 PM
ذي ما التنقيب عن الذهب عادي كذلك البترول ووو وكل قبيلة تدخل السلاح العايزاه ... بالنسبة للطائرات يمكن تكون افراج مؤقت ( يني نظام بوبار لـ حبوبته)


#691475 [Mohd]
0.00/5 (0 صوت)

06-09-2013 08:22 AM
هههههههههه

والله بلد العجايب فعلا

عشنا وشفنا في زمن الانجاس الاوغاد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة