الأخبار
أخبار إقليمية
بيان لجنة ادارة الازمة بالجبهة الثورية : قرار البشير يكشف عجزه وعمق الازمة.. حانت ساعة إسقاط النظام
بيان لجنة ادارة الازمة بالجبهة الثورية : قرار البشير يكشف عجزه وعمق الازمة.. حانت ساعة إسقاط النظام
بيان لجنة ادارة الازمة بالجبهة الثورية : قرار البشير يكشف عجزه وعمق الازمة.. حانت ساعة إسقاط النظام


06-09-2013 09:43 PM
كعادته وفى مخاطبة على الهواء اعلن رئيس نظام الإبادة الجماعية اخطر القرارات دون ان تصدر حتى من مؤسساته الدستورية الخربة والشكلية ، وشر البلية انه قال (مدروس) فهذا قرار لم يصدر عقب إجتماع لمجلس الامن القومى او مجلس الوزراء او برلمانه المعطوب او حتى من قيادة حزبه الصورية او قيادة القوات المسلحة التى يحكم بإسمها ، وفى إستهتار تام بالإتفاقيات بين دولتى السودان ومؤسسات القرار الإقليمية والدولية من إتحاد افريقى ومجلس الامن الدولى ، وهى التى شاركت فى الوصول لتلك الإتفاقيات واصبحت ضامنه لها ووضعت آليات التحقق فى حالة اى خروقات لها .

والبشير وهو يرقص بسماجته المعهودة ، وإستفزازاته المعتادة ، و يتحدث بإسم شعب أزله واهانه وقسم بلاده وإستمر فى إرتكاب جرائم الحرب وتشريد الوطنيين من كل مؤسسات الدولة بما في ذلك القوات المسلحة التى يحكم ويشن الحروب بإسمها على كافة اقاليم وشعوب السودان . وقفز فى خطابه بشكل درامى من الحديث عن صناعة التنمية الى صناعة وإعلان الحرب والجهاد على الجبهة الثورية وتعداها لإعلان الحرب والجهاد على دولة جنوب السودان ، واصدر امراً بمنع تصدير بترولها واضعاً بلادنا وشعبنا على حافة الهاوية ، وباحثا عن مزيد من الضحايا من دولتى السودان .

كشف ذلك عن مدى عمق ازمة النظام وعجز قيادته الفاسدة التى ترى طريقها فى تثبيت كراسى الحكم لا يمر إلا بصناعة وتفريخ الازمات وإن خرجت من ازمة فإنها لا يعيش إلا باخرى . و مستقبلها يكمن فى الحروب وهى حالة لاتخطئها العين من اعراض ومظاهر انظمة الفاشية .

وفى إجتماع طارئ للجنة العمل القيادى لإدارة الازمة للجبهة الثورية قيمت قيادة الجبهة الثورية قرار المهوس ومجرم الحرب البشير والتطورات الداخلية والإقليمية والدولية والإجتماعات والإتصالات التى اجرتها قيادة الجبهة الثورية فى الإسبوع الماضى مع مبعوثى الولايات المتحدة الامريكية وكندا والتحضير لتنفيذ المرحلة الثانية من الخطة السياسية والعسكرية للجبهة الثورية وقد توصل الإجتماع لقرارات ورسائل هامة :-

إلى الشعب السودانى اولا:ً

إن النظام عاجز ويعيش ازمة عميقة وحالة إنقسام داخلية والقرار مر بإجماع سكوتى نتاج الخوف والطمع من قيادة النظام الفاسدة امام رئيسها الموتور الذى يرى ان بإمكانه إبتزاز دولة جنوب السودان والمجتمع الإقليمى و الدولى وان يدفع بالسودانيين الى حرب خارجية تغطيه لازمات النظام الداخلية ، بعد ان كشفت عمليات شمال كردفان عمق ازمته وفقدانه للتوازن و إهانته للشعب والقوات المسلحة التى يحكم بإسمها وهو فى ذلك يخطئ التقديرات فى قرآته للوضع الإقليمى والدولى وليس امام شعبنا لبناء مستقبله وإنهاء الحروب والعيش فى ظل نظام ديمقراطى يحترم إرادته وتقام على اساسه دولة المواطنة بلا تمييز ، ويحقق المصالحة والسلام العادل بين شعوب السودان سوى إسقاط النظام.

وعلينا العمل على اسقاط النظام الذى هو فى اضعف حالته وفاقد للتوازن (وافلس من فأر المسيد ) . اننا ندعو شعبنا لتصعيد نضاله بكافة الوسائل ، إن إسقاط النظام سيفتح صفحة جديدة للسلام والحرية والعدالة والديمقراطية،
إن النظام يستخدم اكثر من 70% من الموازنة العامة فى الحروب وقراره بمنع تصدير بترول الجنوب يفاقم من معاناة شعبنا فى المعيشة والخدمات ،ويؤدى لإنهيار إقتصادى شامل والدخول فى حرب سوف يدفع ثمنه شعبنا وشبابه اللذين يدفع بهم النظام للحروب ، والحل يمكن فى إسقاط النظام حتى نستخدم مواردنا فى خير المواطن وبناء مستقبل جديد.

ثانياً: الموقف من دعوة قوى الإجماع :

دعوة قوى الاجماع الوطنى لإسقاط النظام عبر عمل سلمى مدنى ديمقراطى تجد اقصى الدعم من الجبهة الثورية وندعو جماهير الجبهة الثورية للمشاركة الفاعلة وتقدم الصفوف فى اى عمل ديمقراطى مدنى سلمى يهدف لإسقاط النظام . وكذلك ندعو الجميع للتوحد تحت راية واحدة ، والخروج الى الشارع والحفاظ على الممتلكات الخاصة والعامة فى إنتفاضة لا تتوقف إلا بإسقاط النظام ، ترد الإعتبار لتجارب شعبنا فى اكتوبر 1964 وابريل 1985 .

ثالثاً: إلى شعب جنوب السودان :

العداء لجنوب السودان لوثه من لوثات المؤتمر الوطنى ولا علاقة له بشعب السودان .و الوزر يقع على المؤتمر الوطنى وحده دون غيره . و الشعب السودانى هو القادر على اسقاط نظام البشير مثلما اسقط الانظمة الدكتاتورية السابقة . واننا نعمل ونتطلع لعلاقات إستراتيجية بين شعبى السودان . ومستقبلا فان مصالح السودان تتعزز بحسن الجوار وتمتد حتى نمولى ، ومصالح دولة جنوب السودان تمتد حتى حلفا فى اطار بلديين مستقلتيين يعملان لخيرهما ولخير الجوار والامن والسلم العالمى .

رابعاً: لى دول الجوار والإتحاد الافريقى :

البشير منذ ان جاء الى الحكم شارك فى محاولة إغتيال مبارك فى اديس ابابا ونقل القتله فى طائرته الخاصة ودعم عدم الاستقرار فى كافة دول الجوار ويواصل ذلك الان فى دعمه للجماعات الإسلامية فى جنوب ليبيا ضد دولة تشاد ، وحتى بوكو حرام فى نيجريا ، ويستضيف الهاربين من مالى كما استضاف بن لادن ، وهو عبء على دول الجوار وافريقيا ونحن ندعوكم لدعم مطالب شعبنا فى السلام والديمقراطية .

خامساً: إلى لمجتمع الدولى :

ايادى البشير ونظامه فى العبث بالامن والسلام الدوليين من افغانستان حتى مركز التجارة العالمى فى نيويورك ، مروراً بتفجيرات كينيا و 11 سبتمبر وهو عمليا متحالف مع نظام طهران وحول السودان الى ساحة للصراع الدولى والإقليمى والادلة شهود فى بورتسودان ومصنع اليرموك والبحرية الايرانية الراسية فى شواطئ السودان ، والخبراء والطياريين الاجانب اللذين يشاركون فى المجهود الحربى ، وهو مطلوب للعدالة الدولية مع آخرين من زملاءه ، و قد اباد مئات الالاف ، و شرد اكثر من (6) ملايين من النازحين واللاجئين يرفض فتح الممرات الامنة لإيصال المعونات الإنسانية وهى جريمة حرب ، ودمر مجهودات المجتمع الدولى فى الاتفاق المبرم مع دولة الجنوب اكثر من مرة ، فى استفزاز صارخ لدولة الجنوب والمجتمع الدولى ، وهو لايحترم الاليات التى إتفق عليها فى التحقق عند قيام اى طرف بدعم معارضه الدولة الاخرى. فماذا ينتظر المجتمع الدولى وقد ادمن نظام البشير خرق القرار 2046 .

ان دعم مطالبنا فى الديمقراطية والسلام والمحاسبة على جرائم الحرب وحماية المدنيين منصوص عليه فى المواثيق الإقليمية والدولية.

سادساً: الجهاد والحرب الدينية :

إعلان البشير للجهاد وشن حرب دينية بإسم الإسلام على الجبهة الثورية ودولة الجنوب يجب ان يجد الادانة والرد الذى يستحقه . وهو يضر بالنسيج الوطنى السودانى قبل غيره.

سابعاً: إلى ا لقوات المسلحة :

إستخدام نظام البشير للقوات المسلحة فى حروبه الداخلية والخارجية سوف يؤدى الى انهيار القوات المسلحة . ان القوات المسلحة صاحبة مصلحة فى دعم العمل الجماهيرى الشعبى لإزالة النظام ووضع نهاية للحروب والوصول الى إجماع وطنى شامل ، وندعوها لإتخاذ الموقف الصحيح فى الوقت المناسب ، والجبهة الثورية على استعداد لدعم هذا الموقف والوصول معاً الى لنظام جديد يحقق مطالب شعبنا فى السلام والعدالة والديمقراطية .

إن نظام القيادة الفاسدة للمؤتمر الوطنى فى الرمق الآخير وتحيط به الازمات من كل حدب وصوب ولا قدرة له للخروج سوى صنع ازمات جديدة، و قد اصبح جزء من تلك الازمات وصانع لها والحل الوحيد يكمن فى إسقاطه والجبهة الثورية ستعمل مع جميع السودانيات والسودانيين لتحقيق حلم شعبنا فى إزالة النظام .


لجنة إدارة الازمة لقيادة الجبهة الثورية
الاحد9/6/2013


تعليقات 22 | إهداء 0 | زيارات 13451

التعليقات
#693378 [تمساح الدميرة]
5.00/5 (1 صوت)

06-11-2013 12:11 AM
لا , والله شطار خلاص, ولو انو الضربة القوية اللى اخدتوها فى ابوكرشولا وانتو هربان عاملة ليكم ارتجاج فى المخ


#693221 [حرية]
5.00/5 (1 صوت)

06-10-2013 07:30 PM
الرد علي محمد أحمد
هل أنت يا محمد أحمد (عبد الرازق) من العرب ألا تخاف من ربك ان كنت تتحدث العربية فكل السودانيون يتحدثون العربية وان كنت تعد نفسك عربي خالص فأذهب الي أقرب دولة عربية وقل لهم أنت عربي مثلهم فسوف تري الاستحقار والاستهزاء والشتائم التي تخلد في ذاكرتك الي يوم القيامة وتندم علي تسميتك نفسك عربي


#693152 [ابو الود]
4.00/5 (3 صوت)

06-10-2013 06:09 PM
زعلانيين انتو مالكم واية علاقتكم ببترول الجنوب؟ولا اذا عرف السبب بطل العجب؟


#693035 [abrra]
4.50/5 (5 صوت)

06-10-2013 03:33 PM
التحية أولا للرئيس الملهم ومفجر التنمية بكافة اشكاله وفي حميع نواحي الرئيس عمر البشير الما جابتو ولادة لك الود والتحية ايها الرئيس يا مهاتير السودان سير الى الامام من الوطنين الخلص من خلف وليس الهونة والمارقين والعملاء والجناء وكاتب هذا المقال واحد منهم فلك التحية ايها الرئيس عمر البشير وحفظك الله ونحن من خلفك نسير .. ولا مان معنا من الخونة والمأجورين .


#692945 [محمد أحمد]
4.50/5 (6 صوت)

06-10-2013 02:08 PM
هذه الحركات عنصرية وجهوية ويكفي أن رئيسها ياسر عرمان قاتل محترف وموتور وأي شخص آخر أفضل منه. تريدون إنتهاك الحرمات. الجنوب لم ينفصل ليؤسس دولة وإنما ليكون قاعدة لعملية تستهدف العرب والإسلام. والبشير قمة السوء ولكنه أفضل من ياسر عرمان.


ردود على محمد أحمد
United States [علي دينار] 06-10-2013 09:50 PM
ياخي انت راس دا فية قنبور ولا عوقال الحركات عنصرية وجهوية ديل جاو من وين يا اطيب مصطفي؟


#692875 [زيزو]
5.00/5 (1 صوت)

06-10-2013 01:12 PM
نظام البشير نظام فاسد وظالم ولكن السؤال ماذا تنتظرون من جماعه قامت بقتل ابناء الشعب السودانى فى شمال كردوفات هل قتلت الجبه الثوريه ناس البشير ام الشعب السودانى ونهبت من بيوت ناس البشير ام المساكين فى مناطق العمليات نقول ربنا اولى من يصلح كل واحد جارى وراء الكرسى وليس مصلحة السودان والسودانيين


ردود على زيزو
United States [فارس] 06-11-2013 12:01 AM
القاده الذين دخلوا امروابه وابوكرشولا كانوا ابناء المنطقتين ،
الذي قاد الهجوم على ام روابة هو فيصل موسى وهو من ابناء ام روابة الذين عرف عنهم رجاحة العقل والشهامة ونصرة المظلومين ووقوفه ضد سياسات المركز تجاه المواطن السودانى و كذلك الرجل الذى قاد معركة تحرير ابوكرشولا هو حسن ادم الشيخ الحاكم العسكري المعين على ابوكرشولا وهو من ابناء و مواليد ابوكرشولا ومن اسر ابوكرشولا العريقة .
فهل يمكن ان يقتل هؤلاء أهلهم وابناءهم ، كما يصور هذا (الدجاجة) وإعلام النظام .
هذا التضليل بات مكشوفاً الآن .. ابحثوا عن (جحور) هي الأجدى ، الوقت ليس للأكاذيب بل للهرب .


#692847 [adam dredy]
2.00/5 (3 صوت)

06-10-2013 12:46 PM
لكن ناس الجبهة الثورية صامدين. والى الأمام ابدا والشعب كله معهم يا كوز يا اهبل ))
والدليل علي ذلك صمودهم في ابو كرشوله حتي فني اخر فرد في قواتهم انه الصمود والتحيه الي معتمد ابو كرشوله الجديد رغم انه حكم لمدة شهر وهو ايضا صامد


ردود على adam dredy
European Union [عبد الحق] 06-10-2013 06:06 PM
ياالمهمش إنتا فعلاََ مهمش وعايش في عالم تاني خالص...

إنتا أصلو ماسمعت بمعركة إستيلاء الجبهة الثورية علي أبوكرشولا؟؟؟

ولا ماسمعت كيف عصمت وأم الحسن مرقوا من أبوكرشولا بكرامة البليلة؟؟؟

أصلو ما حصل شفت غنائم الجبهة الثورية؟؟؟

حقاََ (إنها لا تعمي الأبصار ولكن تعمي القلوب التي في الصدور).

[المهمش] 06-10-2013 04:25 PM
يا راجل اخجل قال صمدوا قال هم بعظمة لسانهم قالوا انسحبوا يعني شتتوا وطبعا شتتوا بعد ما شافوا الويل وتحية شنو لزول كل ما قام به هو زبح الابرياء والعزل من المهمشيين المغلوب علي امرهم وسرقة ممتلكاتهم حتي الجداد كان من ضمن الغنائم التي يتباهابها قادة المهمشين غوروا برا ثورية معاكم في ثوري في الدنيا فلاحتو الا في المساكين الله يرحم الثوار وبعدين انتو الهارد فشفاشكم شنو في موضوع بترول الجنوب ولا الفاطمة قاسية


#692767 [sudani]
3.00/5 (2 صوت)

06-10-2013 11:40 AM
الحاجة بالتحيرك في ناس الحركة الثورية كلامهم الما في محلة ...
نود ان نعرف ما هى قضيتهم بالضبط ؟
مالكم و مال بترول الجنوب . هل انتم جنوبيين ؟ هذا المقال المكتب من المفترض ان يكون صادر من الجنوب ..


ردود على sudani
United States [خريج متقاعد] 06-10-2013 11:55 PM
هو الجهجهنا شنو غير التفريط في (البترول) بفصل الجنوب الذي قالوا انه سوف لايؤثّر في الشمال .
البترول ده حق الشعب السوداني وما حق الجنوب ولا حق البشير ولا سلفا ولا حق امبيكي
يجب ان يعود هذا البترول ليستفيد منه الشعب في الدولتين وهذا هو المطلوب .
منطق المؤتمر الوطني هذا هو الذي ذهب بنا الى هذا المنعطف .. ولسّه .


#692750 [ضل الدليب]
4.00/5 (1 صوت)

06-10-2013 11:31 AM
اذا حلينا مشاكل السودان دول ،السماسرة ناس امبيكى يعيشوا من وين؟؟؟؟؟؟؟؟؟؟؟؟؟؟؟؟؟؟؟؟


#692688 [وداحمد]
0.00/5 (0 صوت)

06-10-2013 10:49 AM
.


#692645 [عبدوش]
4.00/5 (3 صوت)

06-10-2013 10:18 AM
هههها هذا البيان أعطاني إحساس بالولولة والعويل
حرام عليك يا عمو عمر تجهجه ناس الجبهة التورية ديل كدا لييييييه


ردود على عبدوش
United States [واحد من معسكر (كلمه)] 06-10-2013 11:50 PM
عمك (تنقو) .. بتاع الـ (بـ ...) ؟؟؟؟

[سوداني جد] 06-10-2013 12:07 PM
عمك او سيدك عمر البشير الرقاص العوير هو المجهجه. لكن ناس الجبهة الثورية صامدين. والى الأمام ابدا والشعب كله معهم يا كوز يا اهبل


#692563 [امجد النور]
3.47/5 (6 صوت)

06-10-2013 09:09 AM
يعنى بالواضح كدة هذه الحكومة بجبروتها اصبحت مصابة بهستيريا الحركات المسلحة والسؤال المنطقي ما الذي يخيف حكومة البشير بهذه الصورة وهل هذه الحكومة فاقدة للسيطرة على الوضع الأمني وهل مقدرتها على القتال اصبحت متأكلة لن تستطيع تحمل إي ضربة عسكرية موجعة. إذا كان الحال كذلك هل تستطيع الحركات المسلحة اغتنام هذه الفرصة. على اية حال يبدو اننا متوجهون الى صومال جديد وبخطوات مسرعة فألذى فعلته الجبهة الثورية خلال حربها في الفترة الاخيرة ان كشفت لنا تماما" مقدرات حكومة البشير العسكرية فما هي الا مليشيات مسلحة تحتكم على الة اعلامية ضخمة وتعتمد على دعم عسكري خارجي.


#692342 [سوداني وطني]
3.61/5 (9 صوت)

06-10-2013 12:10 AM
الله اكبر

والله ناكلا معاك موية بي فتريتا ومبروك للجنوب كل الخيرات والمعونات الخارجية

وللناس البتتفلسف زي الزول الكاتب المقال العقيم والسلبي المكتوب فوق ده يعني انت سيادتك داير شنو سلفاكير وحكومتوا الموقره بدعموا في حركات التمرد ويااااريت لو كان فيها امل والله نحن زاتوا كنا وقفنا معاها لاكن مجموعة من الصعاليق والشماشة والعجب والبضححك دايراين يقلبوا الحكم

والله البشير وحكومتوا لو يقعدوا مية سنة ويشيلوا منها الدايرنوا ما يجيونا ناس من الشارع شماشة بحلموا بي احلام الطيور وفرضا كان غلبتوا الجيش السوداني وقلبتو الحكومة نحن قاعدين (الشعب) والله بي عكاكسينا نكسر رسينكم يا وهم دايرين تخربوا البلد


ردود على سوداني وطني
European Union [تمساح الدميرة] 06-11-2013 12:16 AM
صدقنى انت ارجل من المعقبين ديل كلهم وطبعا ديل كلهم اولاد باقان ومن مخلفات الجنوبيات

United States [الشايل قنايتو] 06-10-2013 11:48 PM
عكاكيسنا دي زي (سواطيرنا) ولاّ شنو ؟؟؟؟
بالله عليك يا (الوطني) منو الشماسه هنا ؟؟؟؟

[nagatabuzaid] 06-10-2013 04:46 PM
ايه رايك الشماسة ديل سودلنيين اصليين اجرى قبال يجوك اكتب اسمك الحقيقى وارجاهم

الشماشة ديل صعبين بدليل سممتوهم من خوفكم منهم

United States [محمد احمد] 06-10-2013 02:52 PM
سوداني وطني ولا مؤتمر وطني خليك صريح وواضح يا ل......

[Hummad Ehmad] 06-10-2013 12:14 PM
قال تخربو البلد قال. هي البلد فضلتو فيها شي ما خربتوه. هو في مخرب في الدنيا اكثر منكم يا أس الدمار والخراب يا كيزان يا اولاد الكلاب

[جبرين جابر جرقندي] 06-10-2013 11:54 AM
يا سوداني يا وطني - اين هو الوطن الذي تتحدث عنه ايها الجبان الرعديد واي صعلوق غيرك مكن هذا الطاغية علينا - اما حكاية العكاكيز فانت كرئسك حاج ساطور - ما هذه اللغة المتعفنة التي تتحدث بها ايها المعتوه - وتاكلها بموية فتريته هذا هو دأبك وابناء البهوات يمتطون الفارهات وانت في الجوع والمرض والجهل والقتل والتنكيل والتهميش - هل هذه صفت انسان حر ؟ واي خراب تنتظره بعد الذي حل بالسودان والتقسيم وتدمير المشاريع الزراعية - يسألك الله اين مشروع الجزيرة اين السكة حديد اين النقل النهري اين الخطوط الجوية - امثالك لا ينفع معهم الا الذل والهوان والاستعباد ايها الجاهل الحقير !!!!!!

[ام مالك] 06-10-2013 11:50 AM
ماجوك شماشه قبل 23 سنه حكموك!! وما دول الجوار استلبي اراضيك!! عكاكي(س)م البتكسر الريسين كانت وين؟؟ مستلفنها ناس ماليزيا؟؟

[الارباب] 06-10-2013 11:26 AM
والله البشير وحكومتوا لو يقعدوا مية سنة ويشيلوا منها الدايرنوا ما يجيونا ناس من الشماشة"
أنا لله وأنا اليه راجعون
متي تم وفاة المنطق في عقلكم... معذرة علي تاخرنا بالعزاء ...والله ما عرفنا الا بعد كلامكم ده
أحسن الله عزائكم ....

United States [هبهانة] 06-10-2013 10:24 AM
والله أنتا لا سودانى ولا وطنى
(نحن قاعدين (الشعب)) انتا الشعب دا اداك توكيل عشان تتكلم نيابتاً عنوا!!!!
ومنتظر ناس الجبهة الثورية يجوك لى امشى ليهم وكسر راسهم قبلى ما يجوك .
البشير وحكومتوا خليهم يعملوا ليهم بلد براهم ويجيبوك ويحكموك براك . وحتكون برااااك انتا عارف لي؟ لانوا اولادهم زاتوا ما حيرضوا بى حكمهم . مية سنه قال !!والله نحنا يوم واحد زياده ما قادرين نستحملهم
لكـــــــــن الله فىّ

United States [أبوهاني] 06-10-2013 09:58 AM
ياخى اكتب صحيح ولغتك ركيكة وكتابة كلها خطأ راجع نفسك ثم اكتب في الصحف المنشور الذي كتبته احسب عدد الأخطاء ثم بعد ذلك علق واكتب ما تريد .

United States [نخعيه] 06-10-2013 09:48 AM
اخيييييييييييييييييييييييي(قال عكاكيس)

United States [فنجاط] 06-10-2013 05:53 AM
عكاكسينا

European Union [ابو ابراهيم] 06-10-2013 02:10 AM
المقال مكتوب من جوبا و بامر اولياء نعمتهم و حتي لما اسرائيل عدو السودان ضربت في الشرق و الخرطوم ما طلعوا بكلمة واحدة للادانة و هذا الخطاب يؤكد بان ولاء هولاء لجنوب السودان و ليس للشمال و ديل اذا وصلوا للحكم حيعطوا ابيي للجنوب و البترول يمر بلاش
اتحد اي واحد منهم يطلع و يقول ابيي شمالية او حتي القبائل الشمالية لها حق التصويت
وبالمناسبة انا مع عندي علاقة بالحكومة و عايش خارج السودان عشان اعيش اهلي
لكن بحب وطني اكثر من اي بلد تاني


#692331 [بعاين ساكت]
2.75/5 (4 صوت)

06-09-2013 11:46 PM
ارجعو لعلم السودان القديم يمكن يعمل حاجه ويجمع كل السودانين بدل ابونجمه واحده دا ...او زيدو النجوم زى امريكا...بدل ما يكون اعور وكلو الوان


#692321 [مواطن سودانى بسيط]
4.63/5 (4 صوت)

06-09-2013 11:24 PM
اقتراحات من مواطن سودانى بسيط

وبعد اسقاط العصبة لا بد من استعادة الوحدة معالجة كل اسباب الانفصال يعني استعادة الوحدة السودانية....على اسس جديدة ترضي كل الاطراف المعنية دون اقصاء احد..ولا بد من الوحدة والسودان يسع للجميع.ووضع اسس وقواعد لعبة للديمقراطية..ووضع دستور يليق بالشعب السودانى وتاريخه.واستفتاء شعبى لاجازة الدستور بنسبة لا تقل عن ثلثي الشعب السودانى..
الدستور اولا..ويليه انتخابات على اساس الدستور..
ثانيا خلال الفترة الانتقالية لا بد من البدء فى حلول جزرية لكل مناطق الهامش ووضع كل الامكانات السياسية والاقتصادية للبدء فورا فى تعويض مجذي لكل المتضررين في اطراف السودان من سياسات المركز منذ الاستقلال..والبدء الفورى فى تنمية تلك المناطق..تنمية تضع برامجها وتبدأ التنفيذ خلال الفترة الانتقالية لتواصل الحكومة المنتخبة فى تنفيذ برامج التنمية للمناطق المعنية...وتنمية تلك المناطق تعني تنمية لكل السودان..تنمية تلك المناطق تقوي النسيج الاجتماعي السودانى وتمتن الاقتصاد السودانى وكل ذلك يمكن ان تنعكس في استعادة السودان الى عافيته فى فترة وجيزة موحدة بتنمية متوازنة..'
واستعادة السودان لدوره الداخلي اولا واستعادة دور السودان فى المؤسسات الاقليمية والدولية باتباع سياسات رشيدة


#692311 [freedom fighter]
4.75/5 (3 صوت)

06-09-2013 11:15 PM
العمل المدني السلمي من حيث المبدأ هو الحل لاسقاط الطاغيه واذا فشلت صيغتنا كبيره في الجبهه الثوريه سوف يتم الحسم بالقوة العسكريه للامام للامام يا ابطال الجبهه والله نحن من ورائكم لا نامت اعين المخربيين والمفسدين.


ردود على freedom fighter
United States [امير الامير] 06-11-2013 05:46 AM
صيغتنا ؟؟؟؟؟؟؟؟؟ فعلا شماسسه


#692304 [ابن القاش]
0.00/5 (0 صوت)

06-09-2013 10:55 PM
الله يكون في عون السودان الفضل


#692298 [Daggash]
5.00/5 (8 صوت)

06-09-2013 10:45 PM
عفارم على الجبهة الثورية، وعدت وأوفت، وما زالت تعمل على تحقيق وعودها باسقاط النظام، وتعمل بجد دون كلل أو ملل بازلة الغالي والمرتخص من أجل إنقاذ هذا الشعب المسكين من قبضة الفسدة المفسدين.
فماذا فعلت الأحزاب أو قوى الاجتماع الوطني؟ كثرت اسماؤها وهان شأنها ورخص ثمنها، أفضل اسم وجدته لوصفهم هو (حشاش بدقنو)، قعقعة بلا طحين.
نريد أن نرى الصادق المهدي والميرغني والترابي وفاروق أبو عيسى أو كمال عمر وغيرهم من الحشاشين أن يخرجوا إلى الشارع يهتفون باسقاط النظام، عندها سنلحق بهم، وسنخرج معهم لاسقاط النظام، ونحن إذا خرجنا هذه المرة فإننا سنقوم بثورة لم يشهدها العالم من قبل، لأننا اكتوينا لدرجة التلاشي.


#692295 [Almo3lim]
5.00/5 (7 صوت)

06-09-2013 10:41 PM
\\\ شارك في حراك الـ 100 يوم و لو بالحضور ///

\\\ أخي في المواطنة ..أنت تستحق أفضل مما هو مفروض عليك///

\\\ لا تقبع بالمنزل فالتغير يتطلب وجودك لأنك أنت الذي سيصنع البديل///


ردود على Almo3lim
United States [الترمزي] 06-11-2013 05:49 AM
مالك عقار اير الرئىس القادم

United States [ديك] 06-10-2013 11:43 PM
يا محمد احمد ، هذا مطلب شعبي يخص كل الشعب السوداني ولايخص فاروق ابوعيسى او غيره ..
التغيير لايهدف تغيير البشير والإتيان بآخر كفاورق ابوعيسى او عرمان او الصادق المهدي او الطيب مصطفى او زعيط ،
التغيير حتى يفهمه الجميع (تغيير نظام) من شمولي متسلط فاسد إلى نظام ديمقراطي حُر ، تأتي انت او يأتي غيرك ، ويستطيع الشعب
انا وانت ان نحاسبه ، نظام بدون بيوت اشباح ، نظام بدون حروب وقتال وجهاد ودفاع شعبي وجنجويد وصراخ ورقيص وجوع ..

هذا إن لم تكن (دجاجه) .

[المهمش] 06-10-2013 10:49 PM
فاروق ابوعيسي وكل زعماء المعارضة الكرتونية ديل مامطرة بدخلو منها العدة وماعندهم موضوع ديل ستلت العرقي لو تظاهروا مابمرقن معاهم وخليهم يحلموا الحلم مجان وبرضو قاعدين يقدموا خدمة بتصريحاتهم دي بينفسوا بيها الناس شوية عشان مايطرشفوا برضو فهم

European Union [محمد أحمد] 06-10-2013 12:57 AM
نطلع مع فاروق أبو عيسى؟
جيبوا لينا ناس محترمين والبشير لن يبقى ليوم واحد. قال فاروق أبو عيسى!


#692291 [black mamba]
3.75/5 (6 صوت)

06-09-2013 10:26 PM
Omer Albasheer lost his mind revoultionary front has taught him a lessson .he is crying for help to UN and international community to come to his rescue .
you can not explain what he did by shutting down the oil .he is trying to drag south sudan into the war against revoulionaty front or at least south can give him a free hand .to committ another genocide..against the people of sudan.just like chad helped him.
the 100 days that the oppostion parties have declared to toppled the regime .sudanese people should react and take it very serious if they dream of better sudan .start the spark the rest will follow.


#692285 [مقهور]
5.00/5 (3 صوت)

06-09-2013 10:16 PM
أمبارح حلمان بي إنقلاب


ردود على مقهور
[nagatabuzaid] 06-10-2013 04:57 PM
ن شاء الله خير وزين اوعى تكون اتعشيت بوش

[Huyam Abdullah] 06-09-2013 11:13 PM
إنقلاب شنو تاني هو أصلو مقلوب لربع قرن من الزمان .... ياحليل شعب الثورة ورجال الإنقلابات... أحلام زعوط... مصير بلد بأكملها يتحكم فيها شاويش وثلاث كلاب !!!!!!


#692276 [ali alfred]
4.50/5 (9 صوت)

06-09-2013 09:47 PM
انصحكم ان تعرضوا سفاح دارفور على طبيب نفسي.الدكتاتور بطبيعته جبان وكلما تمادا بقسوته تعبيرا عن خوفه من اي خطر على مصالحه وكرسيه لذلك يبالغ في البطش وهذا يدل على عدم ثقته بنفسه وكلما تمادى في بطشه كلما تزايد خوفه,عاجلا ام اجلا لابد له من الرحيل هو مش أحسن من الدكتاتوريين الذين سابقوه إلى مزبلة التاريخ.تحية حب و احترام و تقدير لعناصر الجبهة الثورية, و سنبقى داعين بالحجة والعقل والمنطق والبينة وبكل أدب للحق في اقامة دولة القانون والمجتمع المدني الديمقراطية المدنية العلمانية التي لا تفرق بين المواطنين بناء على النسب أو الدين أو العنصر والتي تضمن المحاسبة والشفافية والتمثيل الحقيقي للشعب وتداول السلطة السلمي ووصول الأكفأ لها بغض النظر عن دينه ولونه.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة