الأخبار
أخبار إقليمية
سلفاكير يعلن موقفه من قرار البشير اليوم.. عبر إلى السودان ستة مليون برميل من النفط.
سلفاكير يعلن موقفه من قرار البشير اليوم.. عبر إلى السودان ستة مليون برميل من النفط.
سلفاكير يعلن موقفه من قرار البشير اليوم.. عبر إلى السودان ستة مليون برميل من النفط.


06-10-2013 05:53 AM

لندن: مصطفى سري
يتوقع أن يعلن رئيس دولة جنوب السودان سلفا كير ميارديت قرارات مهمة اليوم خلال مؤتمر صحافي ردا على القرارات التي أصدرها نظيره السوداني عمر البشير بغلق الأنابيب الناقلة لنفط جنوب السودان، وقد عبر حتى أمس ما يقارب 6 ملايين برميل من النفط بما قيمته 580 مليون دولار، في وقت أعلنت فيه جوبا عن دخول القوات المسلحة السودانية منطقة الكويك في أعالي النيل في أول خرق لاتفاق الترتيبات الأمنية بين البلدين، بينما تراجعت الخرطوم خطوات عن قرار البشير وأمهلت جارتها الجنوبية 60 يوما لمعرفة ما إذا كانت لا تزال تدعم متمردي الجبهة الثورية أم توقفت.

وقال برنابا مريال بنجامين وزير الإعلام والبث الإذاعي في جنوب السودان، لـ«الشرق الأوسط»، إن رئيس البلاد سلفا كير ميارديت سيعلن موقف حكومته من قرار نظيره السوداني عمر البشير أول من أمس بغلق الأنابيب الناقلة لنفط جنوب السودان إلى الموانئ السودانية، وأضاف أن حكومته في حالة انعقاد مستمر لمتابعة الموقف عن كثب وستصدر قراراتها اليوم في المؤتمر الصحافي الذي سيعقده سلفا كير في مقره بجوبا، مشيرا إلى أن الحوار والاتصالات مع الخرطوم ما زالت مستمرة، وقال: «نحن لم نخطر رسميا بإعلان الخرطوم غلق النفط لأن بيننا اتفاقية للتعاون وهناك آليات للشكاوى في مختلف المجالات الأمنية والسياسية والاقتصادية لم تستخدمها الخرطوم»، وتابع: «نحن تقدمنا بشكوى للآلية المشتركة والتابعة للاتحاد الأفريقي حول توغل القوات المسلحة السودانية إلى داخل أراضينا في منطقة الكويك في أعالي النيل في أول اختراق لاتفاق الترتيبات الأمنية»، وقال: «هناك أكثر من ثلاثة آلاف من قوات ميليشيا جونسون أولنج إلى أعالي النيل تم تسليحها من قبل الخرطوم»، لكنه عاد وقال: «اتفاق التعاون المشترك بين السودان وجنوب السودان وراءه الاتحاد الأفريقي وبقرار مجلس الأمن الدولي 2046»، وأوضح أن بلاده ستجري اتصالاتها مع المجتمع الدولي والاتحاد الأفريقي للخطوات التهديدية من الخرطوم.

وقال بنجامين إن الخرطوم لم تتحوط من أن إغلاق النفط فورا سيحدث آثارا بيئية مدمرة في المنطقة بتسربه إلى مياه النيل خاصة من الآبار المنتجة في منطقة فلوج في أعالي النيل، وأضاف أن النفط المنتج الذي عبر إلى السودان وصل إلى نحو 6 ملايين برميل بما قيمته 580 مليون دولار، مشيرا إلى أن استمرار تدفق وتصدير النفط عبر السودان سيستفيد منه البلدان اقتصاديا، وقال إن بلاده وضعت تحوطاتها في حال إصرار الخرطوم على الاتجاه لإغلاق النفط، وأضاف: «ندرس الآن الآثار البيئية التي قد تنجم من إغلاق النفط وأجرينا اتصالات مع الشركات والجهات المهتمة بالبيئة وخلال ثلاثة أيام سنرى نتائج تلك الاتصالات»، مؤكدا أن زيارة رئيس جنوب السودان إلى الخرطوم ما زالت قائمة وسيصل إلى بورسودان لمشاهدة تصدير النفط، وتابع: «حتى الآن لم يصل إلينا إخطار بإلغاء الزيارة، لذلك فهي قائمة كما تم الاتفاق على قيامها من قبل».

من جهته، قال فيليب أقوير الناطق باسم جيش جنوب السودان، لـ«الشرق الأوسط»، إن الجيش السوداني توغل إلى داخل أراضي جنوب السودان في منطقة الكويك التي تقع في الحدود الشمالية لبلاده في ولاية أعالي النيل المتاخمة لمنطقة النيل الأبيض السودانية، وأضاف أن التوغل يعد خرقا واضحا للاتفاقيات الأمنية بين البلدين والتي تقضي بانسحاب كل طرف لمسافة 10 كيلومترات داخل حدوده في المنطقة المتعارف عليها بالمنطقة الآمنة منزوعة السلاح.

إلى ذلك، كان رئيس جنوب السودان سلفا كير ميارديت قد ترأس اجتماع مجلس وزراء حكومته بحضور نواب من البرلمان القومي وعدد من المستشارين، إلى جانب قيادات عسكرية رفيعة، وسيعقد كير مؤتمرا صحافيا لبلورة الموقف الرسمي والنهائي لحكومته إزاء توجيهات نظيره السوداني بإغلاق أنابيب نفط جنوب السودان عقب اتهامات دفعت بها الخرطوم لجوبا بدعم المجموعات المسلحة التي تشن حربا على الحكومة السودانية.

الشرق الاوسط


تعليقات 49 | إهداء 0 | زيارات 33591

التعليقات
#693465 [حسن سليمان]
0.00/5 (0 صوت)

06-11-2013 04:00 AM
اهلي واحبتي بالجنوب لا تؤاخذونا بما يقول ويفعل الم..ن منا


#693435 [ali alfadoul]
0.00/5 (0 صوت)

06-11-2013 02:13 AM
شباب دا الرابط لصفحة حسبو نسوان على الفيس بوك,, اعملو شير

https://www.facebook.com/pages/%D8%AD%D8%B3%D8%A8%D9%88-%D9%86%D8%B3%D9%88%D8%A7%D9%86/421155367983036


#693383 [سفيان]
0.00/5 (0 صوت)

06-11-2013 12:17 AM
وهذا غريب
image


#693339 [ابو اسيل]
0.00/5 (0 صوت)

06-10-2013 10:56 PM
اعتقد من ناحيه انسانيه حكومة جنوب السودان لا يمكن ان تقاتل وتضيق على شعب النيل الازرق وجبال النوبه لانه انسان من اجل مصالح اقتصاديه مع السودان!!! الحكومه السودانيه لا تفرض على الجنوب ان يقاتل الى جانبهاوهى اقسمت بالعشرة بان تنهى التمرد قبل الخريف واللوارى تقيف !!!!!


#693240 [ابن السودان البار]
0.00/5 (0 صوت)

06-10-2013 08:07 PM
خليهم يعيشا علي الاغاسة الطير ديل........بلاش جنوب هنا دي وابارهم يشوفو ليهم حل ليها او يستخدموها ابار صرف صحي............


ردود على ابن السودان البار
[Al-Shaygi] 06-10-2013 11:02 PM
بئس الفهم....

United States [سعاد صالح التني] 06-10-2013 10:39 PM
نعمل شنو مع الفاقد التربوى وأولاد وبنات المايقوما كلاب الرقاص في جهاز المخابرات؟؟؟؟؟؟؟


#693237 [حقنة]
4.00/5 (3 صوت)

06-10-2013 07:54 PM
الصراع بين دولة الجنوب والشمال عبارة عن صراعات شخصية بين سلفا والبشير وبقية الساسة المخبولين من الدولتين وشعب الدولتين برئ من هذا ويكن الود لبعضه لذلك :
اقترح على ساسة البلدين ان يجتمعوا فى ميدان عام كل بساطوره ( على طريقة الحاج ساطور) وكل واحد يصفى حساباته مع الاخر.
اتمنى من الله ان يهلكهم جميعا ويريح الشعبين الشقيقين منهم ومن خبلهم وهلوستهم.
امييين


#693217 [سوداني وافتخر]
5.00/5 (11 صوت)

06-10-2013 07:22 PM
عثمان ابو صالح
سيدي الرئيس ، بوصفك صاحب المِلك الحُر لهذه الرقعة من اﻻرض المعروفة
جغرافياً والموسومة في اﻻطالس و جميع الخرائط بإسم )السودان ( و ﻷنك
عندك شهادة بحث بإسمك مع انك ﻻ تحتاج الي مثل هذه الشهادات و اﻻوراق
الثبوتيه و تصريحاتك الرصينه تؤكد ملكية هذه اﻻرض لكم و من قبلك كانت
)جنازة بحر ( و مثال لذلك يا عوض أقفل البلف دا( مثلك مثل عمنا حاج النور
عندما ترتؤي نعاجه و أغنامه و ينادي ابنه ود بت الشول والذي لوقت قريب
لجهلي كنت أظنه مجرد راعٍ يعمل لديه : هااا جنا اقرع البهائم دي عشان ما تخمج
العَلوق و افرز البَهم منها، سيدي الرئيس الشواهد كثيرة و في كل خطاب القيته
علينا يوجد ما يؤكد ذلك - و بالمناسبة انت حكمت زهاء ربع القرن من الزمان 24
سنة ، اي ما يربو علي ال288 شهراً او قل قرابة ال9,000 يوماً و تحدثت الي
الجماهير و البرلمان و الموتمرات و اللجان و ما ﻻ يقل عن 5000 مره و رقصت
في كل هذه المناسبات بمعدل نصف ساعه في كل مناسبة و عقب كل خطاب
بمجموع ساعات الرقيص 2500 ساعه و بلغة الشهور تساوي اربع شهور متصلة
و ربما ينافس هذا الرقم مجموع ما رقصته تحية كاريوكا وساميه جمال و نعيمه
عاكف و جميع راقصات شارع الهرم منذ عهد الملك فاروق اﻻول الي اﻻن و هذا
لعمري فخراً لنا جميعاً و ضعف هذه اﻻرقام قضيتها وانت تشنف اذاننا بالدرر
النفائس و الحِكم الغوالي .. كيف ﻻ وانت الخطيب المفوه المحنك.. ينحني أمامك
جميع الخطباء من لدن قس بن ساعده مروراً بمارتن لوثر و سنغور و تشرشل
الي المحجوب و زروق والشريف حسين الهندي و يدل هذا علي تفانيك في خدمة
ضيوفك ) الشعب السوداني ( والترويح عنهم خِطاباً و رقصاً .. و أتقدم لك بوافر
الشكر واﻻمتنان نيابة عن ضيوفك الثقﻼء المعروفين مجازاً في قنوات اﻻخبار
العالميه بإسم ) الشعب السوداني( و اقول لك لقد تحملتنا كثيراً.. و اثقلنا عليك..
و مراراً جرحنا مشاعرك المرهفه الرقيقة.. و اتعبناك بالمسير في خيالك كلما
هتفنا سير سير يا البشير ، سيدي الرئيس ﻻ ترمي باﻻً الي المعارضين
والمرجفين والمندسين الخؤنه المآرقين الذين ينادون بالحرية والديموقراطيه
والعداله اﻻجتماعيه اي حرية اكثر من اننا ﻻزلنا احياء و نتنفس و نحن في أرضك
و اي ديموقراطيه اكثر من تركت لنا الخيار بين ان نموت او نموت و اخيراً سيدي
الرئيس كتبت هذا الخطاب او قل اﻻعتذار و انا انتظر مواصﻼت الشنقيطي و اﻻن
مجبر علي ان اقيف عند هذا الحد .. تقبل اعتذاري و أسفي علي جحودنا و نكراننا
لجمائلك التي طوقتنا بها
.. و اخيراً أتمني ان اكون غير مخطئ حينما قلت اننا ضيوفك الثقﻼء لربما انت
تملك هذه اﻻرض بإنسانها و أنعامها ، والله من وراء القصد و انت ادري بذلك ﻷنك
وكيله في هذه البﻼد


ردود على سوداني وافتخر
[omda omda] 06-11-2013 12:02 AM
realy y are sudanese

[التاج محمد احمد] 06-10-2013 10:55 PM
خطاب جياش يدل على امكانيات هائله من مخزون لغوى مؤثر

[nagatabuzaid] 06-10-2013 08:27 PM
حقا سودانى اصيل عبرت عن دواخلنا حفظك الله وازال غمتن


#693213 [radona]
5.00/5 (1 صوت)

06-10-2013 07:18 PM
الحساب ولد
ال6 مليون برميل جات فيها 4700000 برميل مويه تمت معالجتها يعني الصافي 3300000برميل بيعوها وادونا رسوم عبورها حسب الاتفاق .. اللعب في الحساب ما بينفع .. كان تصفوالمويه وتجيبوه صافي وكان دي طريقتكم بترولكم ده ما بينفع معانا ولا بخارج شوفو لكم خط تاني


ردود على radona
United States [سعاد صالح التني] 06-10-2013 10:37 PM
تماما مثل ماقالوا مشكلتنا في المرحله الحاليه هاتكون مع البهايم الفاقد التربوى وأولاد وبنات المايقوما الشغالين في جهاز أمن الرقاص .


#693208 [حرية]
5.00/5 (3 صوت)

06-10-2013 07:11 PM
رئيس ورل وأهبل وحكمة الله هي الجابتو رئيس للسودان لأمر كان مقدرا, قد يكون هذا الأمر المقدر تجزأة السودان الي دويلات أو بلد لا تتوقف فية الحروبات أو بلد تسود فية العنصرية والجهوية والقبلية الي الأبد,أو بلد مسلم فاسق لا يوجد من الاسلام الا أسمه .


#693167 [صابر]
0.00/5 (0 صوت)

06-10-2013 06:28 PM
رد على أبو محمد وناصح
هل سمعتم بأن الدول تفرض ضريبة بيئة (وكبيرة كمان) على السفن التي تمر بمياهها الإقليمية محملة بالنفط؟ هل سمعتم بتلوث زيت في حياتكم؟ وهل النفط الذي يخرج من البئر يمكن إعادته لها مرة ثانية بسهولة وبأي الوسائل؟ بالنسبة إلى أبو محمد أنا لا أريد أن أدخل معك في مهاترات لكن شكلك من الكليبة الإلكترونية. وبعدين عربي جوبا تتحدثه أو تتحدث مثله شريحة معتبرة من مواطني السودان الفضل. فضلا إذا احترم هذه الفئة.


#693059 [مقهور]
4.49/5 (7 صوت)

06-10-2013 03:55 PM
أين عمر الكضاب مدعي الشرع الاسلامي من الإسلام :
يحكى ان سيدنا عمر بن الخطاب رضي الله عنه كان يتابع ابابكر الصديق امير المؤمنين سرا فلاحظ ان ابوبكر يخرج من المدينة بعد صلاة الفجر فتبعه فى يوم سرا خرج الحبيب ابوبكر وخلفه عمر حتى اذا دخل خيمة ومكث فيها ماشاء الله له ان يمكث وخرج بعدها
فدخل سيدنا عمر فاذا بامراءة عمياء كسيحة وفقيرة ومعها بنات فقال لها من انت قالت انا امراءة توفى عنى زوجى وترك لى بنات كسيحة وعمياء فقال لها من الشيخ الذى خرج قالت هو شيخ ياتينا يوميا يكنس لنا ويحلب لنا الشاة ويصنع لنا الطعام ولا ادرى من هو
فبكى عمر وقال لقد اتعبت الخلفاء من بعدك يا ابابكر


#693030 [ابونضال]
4.97/5 (8 صوت)

06-10-2013 03:22 PM
صدقونيل الزوبعة دي من اجل تمرير قرار رفع الدعم عن البترول والسكر وبعدين يمر البترول كما كان ...انتظروا وشوفو البحصل شنو.....


#693010 [nagatabuzaid]
4.74/5 (11 صوت)

06-10-2013 02:59 PM
الشهادة لله سلفاكير وحكومة الجنوب على درجة عالية من الفهم والرصانة والدلوماسية يستحقوا

عليها بليون تعظيم سلام للناس العظام خسرانين ولا كسبانين ماديا ما يهم المهم كسبوا احترام


الجميع ما عدا الجداد (الجداده ما عندها عقل يذكر ) يا خسارة من شاء الله ان يكون رئيسنا

ورمز سيادتنا برااااااااااااكم سمعتوه اقترح ان تخصص له دجاجة تقرصه كلما فك اللجام لزوم

التنبيه ويطلق عليها الدجاجة (القراصة ) كان ممكن نقترح المدام كمرافقة لاداء المهمة لكن

هى ما بتفرق بين السمح ولا الشين من الكلام تفكيرها كله فى كم هربت من اموال وكم فيلا ستشترى

ممن كانوا اغنياء وجار عليهم الزمان الزوجة الصالحة كان يمكن ان تكبح زمام زوجها وتجعله

عظيما ومحترما لكن يا كافى البلاء مسحت الشوية الكانوا فى .

كلام موجه لمستر نافع ان كان لابد لك ان تحصى وتحبس انفاس الناس وتكتمها وتتجسس عليها عن

طريق الجداد الالكترونى كان عليك فحص نوع الجداد من ناحية الجودة والادب والسلوك

ما تلقط سااااااكت كل عاطل وعاطلة وبتاعين الشوارع والبلطجية اللفظية والفاقد التربوى

والاخلاقى والملاقيط اللميم وارميم صحيح كل هذا ينطبق عليكم فى حكومتكم لكن جدادكم مفروض

يعكس صورة على اقل تقدير مقبولة والحقيقة لله فى شوية مؤدبين وفاهمين يبدو عليهم اولاد

ناس وتربية رجال والمحيرنى اولاد الناس ديل بقوا جداد كيف والمصيبة الادهى فى واحدين

البعد بينهم وبين العلم والفهم والثقافة بعد السماء للارض بل يسيران على خطين متوازيين لا

يلتقيان ابدا ومفتكرين نفسهم مثقفين وبفهموا فى البلاغة وكان سالوهم ماهى البلاغة يقولوا

شتائم نافع والبشير وعوارتهم هى البلاغة بالله عليك يا نافع ناسك ديل اساءة ليكم مثلما انتم

اساءة للسودان صلحهم شوية علشان تقنعونا باصولكم المضرية الاندلوسية محتاجين كورسات

موازية لكورسات التجسس يعن يتجسسوا بادب هسه الجاسوس المؤدب بتعرفوا جاسوس ؟ بالله ديل

الواحد منهم من قولة تيت يتعرف ولدك


ردود على nagatabuzaid
[nagatabuzaid] 06-11-2013 12:16 PM
اوووووووووووووووووووووووووووووووووووو نوارة تمام موية النار دى من مطبخ الامير ؟؟؟؟؟ وتانى ما حارد عليك لانك مؤدبة جدا ولا زلت على موقفى احترامى لناس يجعلنى لا ارد لكى لا امسهم بسببك ومن ردودك فى موضوع ماضى ظهرت سطحيتك امشى اقرى وفهمى الزى فهم سلفاكير عاجبنى وان عدت لن اعود يا اختى انت بتاعة موية نار اما ردودى القاطعة قلبك دى حتشوفيها كل يوم واى قليل ادب بنط ليه فى حلقه وان اختفيت شوية بس لانى فى هذين الشهرين حاكون مشغولة شوية ما بالطبيخ للامراء وانت برضوا مطبخ الامير محتاج ليك

European Union [كرري] 06-11-2013 02:57 AM
لا لا يا nagatabuzaid المرة دي شترتيها شترة يغني عليها الشاعر
وسلفاكير دا حا يلحق امات طة لانة لا يهتم بي شعبة ولا يهتم حتي باقرب الناس ليهو وهذا السلفقة كير يعيش حالة عدم ثقة لذلك هو يتخبط
كالذي اصابة المس اما ما يتعلق بدعمة للمتمردين فانا بقوليك يا
nagatabuzaid
sorry هذة المرة والرجاء تصحيح معلوماتك واحب اختم بشئ بسيط
يا اخت nagatabuzaid سلفاكير بيدفع في فواتير قديمة اتمني تكون
الفكرة وصلت تحياتي

United States [نوارة] 06-10-2013 11:44 PM
من غير كلام كتير يظهر سلفاكير فهمو ذي فهمك تردحي ذي المجنونة في الداخلة والمارقة مكتمه الناس النفس سلفاكير يبيع النفط ويشتري لجبهة الثورية اسلحة وشعبو ميت جوع
ومعليش ذي معلق ليك واحد قبل كده وقال ليك الفهم قسم يانجاة ياهو قدر فهمك وبالله نقطينا بسكاتك بدل ماناطة في الحلق ذي شوكة الحوت
المي حار نحنا مابنخاف منو نحنا عند موية نار عديل كدي مش مويه حاره

United States [انداندي] 06-10-2013 11:40 PM
دا كلام شنو وبعدين يا مدام انسينا من سلفاكير وجنا الطير وبيض السحالي
اراك قد زكرتي سيدنا محمد صلي الله علية وسلم وانا في اعتقادي هو اشرف واعظم من ان نقحمة او نشبههة باي كائن كان وثم ثانيا ماذا تقصدين بان محمد صلى الله عليه وسلم شاء الله ان
يتزوج ماريا القبطية المسيحية. انا لا افهم ما هو المغزي من هذا التشبية علي
كل حال الرجاء ابعاد القران الكريم والانبياء عن المهاترات السياسية
وفكونا من الفزاعة التي تسمي المؤتمر الوطني اصبحت كالعصا يلوح
بها كل من يخالفة الاخرون في الرأي ..........................................
انا شخصيا لا احترم هذا القشاركير واتمني انو ما يفتحو ليهو الانبوب
مدي الحياة عشان بترولو دا يخلطو مع الزبالة ويطرطش بيهو مساكن
جوبا

[nagatabuzaid] 06-10-2013 09:40 PM
لك التحية يا كتاحة انا ما بشكر سلفاكير ولا بعيبه وما بقدر اقول ساعد الحركات المسلحة ولا ما ساعده يدونا ادلة واثباتات لكن طريقته واسلوبه رصين حتى وان كان سواها ارجع يا كتاحة لزمن الصغر والان بين الصغار بتلاحظ طفل او طفلة فى التعامل مع بعضهم واحد يكون كوراك لعلاع ورجاغ شكاى ويقوم الدنيا ويقعده والتانى بيكون هادىء ويبتسم بالله يا كتاحة منو البكسب الجولة ؟؟؟؟؟؟؟ وفى واقهنا السياسى رئيسنا كثير الهياج والبرطعة كثير الاعتذار ويا كتاحة كيف حكمت على سلفاكير انه غبى ؟؟ ان قلت لى غتيت اقول ليك اااااى ما بكشف اوراقه وما بشتتها زى حقنا ولك التحية

اخبرتك مرة ان اسم (كتاحة ) ده ملكية فكرية لى اطلقته على صغار عفاريت يوم الخميس والجمعة والسبت بكتحونا كتاحة محببة علشان كدة كان كتحتنى انا متعودة على الكتاحة المهذبة واسلوبك مهذب والفاعم دائما بيدلى بوجهة نظرة بطريقة تعكس ابعاد شخصيته مرحب بك كتاحة لكن ماجدادة

[nagatabuzaid] 06-10-2013 08:53 PM
سلفاكير مسيحى يعنى كتابى ارجع للكتاب والسنة وتعلم نهج الاسلام مع الكتابيين سيدنا

محمد صلى الله عليه وسلم شاء الله ان يتزوج ماريا القبطية المسيحية وانجب منها ابراهيم توطيدا

للعلاقة بين الكتابيين نوارة انت عارفة معنى كتابيين ؟؟ امشى ذاكرى حبيبتى شايفة ثقافتك وكان باريتى جداد الانقاذ يتدخلى الكوش ولمراعاتى لاشياء معينة ما عايزة ادخل معاك فى كلام ما بتقدريه وقد يمس ناس احترمهم انت فاهمة كلام الطير مع الباقير ؟؟ طيب انا بقول ليك (جنى قعونج ما يلعب بالمى حار ) علشان بحصل ليه شنو؟؟؟؟؟؟؟؟؟
واكرر ليكم انت ومسلم تااانى كلام الطير مع الباقير سلفاكير هادىء ورصين وفاهم وبلعب دبلوماسية جد ويخليكم نوارة ومسلم وكل الجداد بكبيركم تلغلغلوا وتورجغوا والناس تضحك على السودان لانكم نموذج سىء وهو يكسب الجولة لانكم منتهى البلادة ودائما الجعجاع العلاع بيخسر الجولة حتى وان كان على حق وتاااانى يجى يرجع ويعتذر للما بعرف الله يا مسلم اسال نفسك كم مرة سواها وخجلنا وانت يا طيرة فى الباقيرة راجعى نفسك وما تفوتى حدك وان عدتم عدنا

[كتاحة] 06-10-2013 08:22 PM
يا نجاة ابو زيد سلفاكير شنو الفاهم !

دا غبائه لا يقل بأي حال من الاحوال عن غباء بشكيرنا المشروط

United States [نوارة] 06-10-2013 08:05 PM
والله ياخي مسلم ((كلام الطير في الباقير)) نقول شنو الله يجيب الصبر

[lمسلم] 06-10-2013 06:49 PM
الشه
ادة لله سلفاكير وحكومة الجنوب على درجة عالية من الفهم والرصانة والدلوماسية يستحقو
اولا اسال نفسك هل سلفا بعرف الله ولا بعبد الله ياخي دا راجل اغلف ساكت


#693003 [علي دينار]
0.00/5 (0 صوت)

06-10-2013 02:55 PM
يعني اخر الورقة عندكم الأنابيب


#692935 [ثورة التغيير]
5.00/5 (2 صوت)

06-10-2013 02:01 PM
فى كل مرة يوجه البشير جام غضبه على دولة الجنوب, تصعد الى السطح النعرات العنصرية و الشوفينية و الكراهية البغيضة من الشماليين دون تفكر فى من هو السبب فى دمار بلادهم و تمزقها, شىء واحد يجب واحد يجب أن يعلمه هؤلاء و بشيرهم أيضا, ما يطالب به البشير لحماية نظامه من المستحيل تحقيقه, و التحرك نحو ازالة نظامه لا يمكن وقفه سوى كان من دولة الجنوب أو غيرها.


#692929 [شوك كتاد]
5.00/5 (7 صوت)

06-10-2013 01:55 PM
ارجو واتمنى ان تحل هذه المشاكل عند زيارة الرئيس سلفا للسودان .
الاثنين بيوتهم من زجاج
ما عندنا مصلحة نخلى جنوب السودان لسيطرة تجار يوغندا
او نقل البترول عن طريق كينيا
يا ابنائى فى كل العالم الاقتصاد هو الذى يوجه السياسة وليس العكس
اوقفوا حروب السودان و جنوب السودان كلها عبثية. مدمرة للموارد على قلتها


#692927 [Wahid]
4.88/5 (6 صوت)

06-10-2013 01:53 PM
شوف حكومة الجنوب الوليدة بتتصرف بعقلانية وهدوء بعيد من العنترية بما يليق لموقعهم السياسي. الفرق واضح... لان نحن عندنا دايما الكلام..ز والترفع في كل شئ... وهم الان اظهروا انهم يفهمون اللعبة افضل من المؤتمر الوطني... أه أه يابلد


#692900 [المشتهي الكمونية]
3.79/5 (8 صوت)

06-10-2013 01:35 PM
البشير الأبله دائما يتصرف كأي سوقي بالإنفعالات وردود الأفعال ، وهو أضحى مشهورا بالحماقة والرعونة وكثيرا ما ورط نفسه وعصابته في كثير من المواقف المضحكة ، فما أن يصدر موقف معين من هنا أو هناك إلا وتجده يرغي ويذبد ويمارس أقصى درجات العوارة والعبط وأحيانا يورط نفسه وجماعته بالحليفة بالله أو بالطلاق على أن يعمل كذا أو كذا وبعدها يضطر بعض العارفين بطباعه من عصابته إلى البحث عن مخرج من الورطة التي أوقعهم فيها ، يعني بإختصار صار البشير يمثل دور عبيط الفيلم بإمتياز ،،، وبالأمس خرج وزير إعلامه ليبدأ معالجة الورطة التي أوقعهم فيها هبنقة القصر فألمح إلى أنهم يمكن أن يسمحوا بتصدير النفط إذا ثبت لهم توقف الجنوب عن دعم الحركات المتمردة ، وسوف تأتي التنازلات وإعادات النظر والانبطاحات تباعالمعالجة حماقات الورل الرئاسي وسوف تروا يا قراء الراكوبة كيف أن موقف الحكومة سوف يتحول 360 درجة تجاه الموفقة على مرور البترول هذا إن لم يكن لجنوب السودان رأي آخر تجاه المهازل المستمرة التي تصدر من قبل التنبل المسمى مجازا بالسيد الرئيس


ردود على المشتهي الكمونية
[المحسي] 06-10-2013 07:43 PM
تقصد 180 درجة, لانو 360 درجة دي ما تحول!!!!!


#692890 [المهمش]
0.00/5 (0 صوت)

06-10-2013 01:25 PM
لو ماقفلتوهووقلتم عايزنو يطرشق الانابيب ماعلينا الاافراغه علي الارض ونديه شختةوعينك متشوف الا النور


#692877 [ابوبشبش]
5.00/5 (1 صوت)

06-10-2013 01:15 PM
ياخي خليهم يدعموا الحركات المسلحة وانتوا ادعموا المعارضة عندهم ودقة بدقة هو منو عارف حكاية انو الجنوب بدعم المعارضة بعدين نحن ما خسرانيين حاجة ندعم معارضتهم بفلوس البترول لقايت ما تصقت حكومة سلفااو تموت حكومة المجانيين دي بعديين وقفوا البترول بتعطيل لاجراءات وليس بالجعير يعني ما تخلوه ينساب عادي ولمن الجماعة يقولوا الحاصل شنو قوليهم عشان المعارضة بتاعت الشمال مايجيها دعم وناس معارضة الجنوب لوطلبوا مننا دعم نقوليهم انسياب البترو لماماشي كويس يعني ادعاء الغبا ما اصلوا انتو اغبا اغبياء التاريخ في هذا العالم الغبي وشعب السودان الغبي وناس الحكومة الاغبياء الغبيانيين الله مخير بيهم


ردود على ابوبشبش
United States [ود قلبا] 06-10-2013 02:31 PM
انتا زول اهبل بس وكلامك كلو خارم بارم ، ياناس الراكوبة ارحمونا من الهبل ده


#692873 [ودالدكيم]
4.75/5 (5 صوت)

06-10-2013 01:12 PM
تواريت خجلاً وبعض زملاء العمل.ومن جنسيات غير سودانية.وأنا بأرض المهجر.تابعوا معي خطاب الرئيس (الراقص)بربكم هل هذا الرجل يصلح أن يكون رجل دولة.وهل المفردات اللغوية تشير وتؤكد.بأن هذا المعتوه نال قسطاً من التعليم.هذا زمانكي يامهازل فامرحي.الزعيم المحجوب مصنفاً سياسياً والرئيس الراقص سياسياً ورئيس البلد.لك الله ياسوداننا الحبيب


ردود على ودالدكيم
European Union [سناريست] 06-10-2013 03:08 PM
ودالدكيم والله هذا الإحساس ينتابنا جميعاً في بلاد الغربة،، الإنقاذ وكلابهالم يجروا لنا إلا الخزي والمزلة وأصبحت سيرة وسمعة السودان في لسان كل من هب ودب... وفقدنا هيبتنا.. أغبي رئيس
في تاريخ البشرية ... وأحقر وأسواء وأفسد حكومة لا بارك الله في الكيزان


#692871 [الجوكر]
5.00/5 (3 صوت)

06-10-2013 01:09 PM
مرض أوكامبو بدأ ينهش فى عقل البشير ولذلك نراه يتصرف كالذى أصابه مس من الجن،،،


#692826 [ناجي علي]
3.00/5 (2 صوت)

06-10-2013 12:32 PM
هذا رد طبيعي يا سلفا شوف ناس كينيا و اشباهكم كي يناصروكم و يمرروا لكم البترول بالطريق الصعب عكس الجاذبية و فوق المرتفعات و بين القبائل الافريقية المتناحرة فالطريق الكيني آمن و سريع مالكم و مال وجع الراس مع منكورو ديل ياخي!!!!!!!!!!!!!!!!!


ردود على ناجي علي
United States [كاك] 06-10-2013 03:46 PM
ناجي اوع تكون صدقتك قفل الانابيب !!!!!البسير توجيه هو اغلاق الانابيب فورا ثم تراجعت الحكومة باعطاء مهلة 60 يوم وبعد ال60 جيكون 180


#692805 [محمد]
3.00/5 (1 صوت)

06-10-2013 12:15 PM
إقتباس :
إلى ذلك، كان رئيس جنوب السودان سلفا كير ميارديت قد ترأس اجتماع مجلس وزراء حكومته بحضور نواب من البرلمان القومي وعدد من المستشارين، إلى جانب قيادات عسكرية رفيعة، وسيعقد كير مؤتمرا صحافيا لبلورة الموقف الرسمي والنهائي لحكومته إزاء توجيهات نظيره السوداني بإغلاق أنابيب نفط جنوب السودان عقب اتهامات دفعت بها الخرطوم لجوبا بدعم المجموعات المسلحة التي تشن حربا على الحكومة السودانية.

من الذي أعطاك الحق بأن تطلق عليها أنابيب نفط جنوب السودان؟؟؟


ردود على محمد
United States [محمد] 06-10-2013 06:52 PM
السيد KRKASA عند بناء خط الأنابيب من الحكومة الصينية كانت للسودان في ذلك الوقت وعند الإنفصال آلت الأنابيب والمصافي لشمال السودان وليس للجنوب هذا حسب الإتفاق عليك الرجوع للإتفاقية ولاتتطاول بالإدعاء وليس المطلوب منك أن توضح لي ماهو الغرض من الأنابيب.

United States [krkasa] 06-10-2013 05:47 PM
كنت اعتقد بانك ترمي من وراء هذا السرد والترتيب المؤسسي الى اتباع المؤسسية من قبل حكومة الجنوب في الترتيب من اجل عقد مؤتمر صحفي ومن خلاله اصدار القرارات ..؟؟..وليست بالاسلوب الهبنقي الذي تمارسه حكومتنا الرشيدة ..؟؟..ولكنك وللاسف لا تختلف عنهم كثيرا..!!..الحكومة الصينية قامت بباء هذا الخط من اجل بترول الجنوب وليس لضح مياه النيل الى بورتسودان.

[واحدة من الهامش] 06-10-2013 03:51 PM
نعم انابيب جنوب السودان لانها من واردات بترول جنوب السودان


#692796 [البرمكي]
3.00/5 (2 صوت)

06-10-2013 12:09 PM
ياريت لو نبني جدار بيننا وبين الجنوب
لا علاقات ولا جن احمر
عشان نعرف قيمة مواردنا
والعاجبو الجنوب يمشي في 60
والما مقتنع أنو الرزق بي يد الله وحده يراجع عقيدته
صلحو علاقتكم مع ربكم وشوفو لو في حاجة (اي حاجة)تقيف في طريقكم
المعتمد علي سلاح السلاح بيخذله
والمعتمد علي نظام بيخذله
والمعتمد على أمريكا برضو بتخذله
أصحو ياناس
القوي الله
والقادر الله
والرازق الله
في زول بيدي الروح؟؟؟


ردود على البرمكي
United States [الصادق] 06-10-2013 05:17 PM
كمكلي اسلامي

European Union [ماجد النور] 06-10-2013 02:46 PM
باخي انت البرامكة وانت في وادي...طلعت كمكلي ساكت


#692795 [ابوعبد الله]
5.00/5 (2 صوت)

06-10-2013 12:09 PM
افضل قرار يصدره الئيس


ردود على ابوعبد الله
European Union [تمساح الدميرة] 06-11-2013 12:09 AM
قرار قوى ومن رئيس قوى واللى ما عاجبه ياكل تبن


#692780 [عبدالكريم الاحمر]
5.00/5 (1 صوت)

06-10-2013 11:58 AM
ما عارف المعلقين ديل بيفكروا كيف ياخي الحكومة دي ماعايزة القروش دي تنقطع منهم بديل اعطوا الجنوب مهلة 60 يوم للتفكير ولكن كمان مش معقول نصدر ليهم البترول عشان تستمر الحرب مين ح يتضرر من الحرب غير الشعب الغلبان مافي زول في الحكومة سيتضرر ..الجنوبيين ديل هم جاين عشان شعبهم ولا جاين عشان يعمولوا مكايده للبشير و الله مرمي الله ما بترفع


#692705 [شليل]
4.49/5 (7 صوت)

06-10-2013 10:57 AM
بكل أسى يتفرد هذا الرجل بقرارت مصير اهل السودان دون اي اعتبار لحجم الضرر الناتج عن تلك القرارات الهمجية و تاتي الجوقة لتراقص الرجل و تصور له تخريفاته بأنها قرارات شجاعة ترفع من هيبة الدولة !! بينما الدولة في حالة هذيان لا يضاهى.
ما الذي علينا فعله لكبح هذا الفلتان ؟؟ يجب على القوى الشعبية أفراداً و تنظيمات التخلي عن المشاكل الثانويةو الإعتصام معاً لإسقاط هذا النظام و إلا فلنستعد لما هو آت بالتاكيد سيكون وقعه أكثر كارثية من الطوفان.


ردود على شليل
United States [سامر المدنى] 06-10-2013 01:48 PM
هو ده الكلام الفى محله


#692692 [دافوري]
4.68/5 (8 صوت)

06-10-2013 10:49 AM
الظاهر في الامر ان الرئيس عمر البشير اصبح غير لايق ليكون رئيسا للبلاد ، فالرجل اصبح غير مبالي لما يقول ولا يحاسب نفسه في الكلام وخاصة عندما يصعد المنبر ويكبر حوله بعض الهمج من الناس فهو يتفاعل سلبا وينتفخ وتبختر ولا يري احدا الانفسه لذالك يقول كل شئ دون ان يفكر ، فانا اوجه الشعب بان رئيسكم مثل الطفل المدلع امام والديه فلا تتجمعوا امامه في اللقاءات الجماهرية لتزيدوا من حاته النفسية فيتخذ قرارات قد لاتصب في مصلحتكم انتم كمواطنين .


#692673 [صابر]
4.50/5 (8 صوت)

06-10-2013 10:39 AM
منذ اليوم فصاعدا سيكون بالنسبة لي لقب بشبش الجديد "ديل العدة".
طبعا ديك العدة بتصرف برد الفعل وأي خطوة تؤدي لدمار. قرارات كبرى مثل هذه القرارات يتخذها البشير على الهواء ملوحا بعصاه مهددا وتصريحاته لا يستشير فيها حتى جماعته لذلك هو يقول قفلوا الخط منذ يوم الأحد (أمس) 9 يونيو وحكومته المتعطشة للدولارات تقول نعطي جوبا مهلة 60 يوما. وبعدين البشير وجماعته ما عندهم شغلة بالبيئة وأساسا لا يعرفون شيء عن البيئة والدليل على ذلك بيع كل ميادين الأحياء والحدائق العامة لتشييد كتل من الأسمنت. أما التلوث بزيت النفط الذي سيؤدي إليه الإغلاق المفاجئ لأنبوب النفط لم يسمعوا به. الله يكون في عون الشعب السوداني الفضل.


ردود على صابر
[ابو محمد] 06-10-2013 05:06 PM
ياصابر لا بتعرف ديك العده ولا يتفهم بشئون النفط ... ولا حتي بتفهم المكتوب شنو
كان لازم الراكوبة تكتب بعربي جوبا ...لكن سوف نصبر عليك حتي ترعويييييييييييي

United States [ناصح] 06-10-2013 01:56 PM
طيب يا خبير البيئة البروف صابر قد تكون معلوماتي الجيوسياسية والايكلوجية والايكونوموكية ضحلة جدا او اكاد لا أفقه في تلك الامور ولاني انسان بيسط لم انل قدرا كافيا من التعليم أسال سؤال بسيط جدا أين كانت تلك البيئة عندما أقلق الاأشقاء في الجنوب الأنبوب أم قد كان ذلك غير مفاجئي

United States [kala] 06-10-2013 01:14 PM
يابليييييييد النفط عشان يقيف داير 60 يوم , انت مفكترو ماسورة وبقفلوها زي مواسيركم دي؟

European Union [wad aldosh] 06-10-2013 11:44 AM
My brother sabir i like what you just said and this is very good point

United States [ابو ابراهيم] 06-10-2013 11:16 AM
واضح ايها الصابر أنك ليس سوداني فلماذا تدخل نفسك في شئوننا؟ أكيد أكيد سمعت بي حكاية ديك العدة دون أن تعرف معناها فنحن شعب لا نبدأ بالغلط ولكن من يغلط علينا نرد له الصاع ألف صاع وليس صاعين وليكن بعدها ما يكون.


#692631 [Kantoosha Khamis]
4.75/5 (7 صوت)

06-10-2013 10:07 AM
قرارات البشير دائماً تنبنى على الحماقة, اللا علمية, عنترية و ذندقة ليست عليها ما يشير الى نظرة مثققف, ناهيك عن انها قرارات مسؤؤل كرئيس جمهورية, لا يهمه ما تؤدى اليه هذه القرارات, حتى لو يموت الشعب السودانى باكمله. قرف.


ردود على Kantoosha Khamis
United States [الصوت] 06-10-2013 03:00 PM
طيب يا ود ابراهيم اسرائيل ما دقتك جوة بيتك ما سمعنا منك الا ( وااي ) ومصر ما زالت منبطحة في مثلث حلايب و اعالمها بيشتم فيك صباح و مساء وما سمعنا منك ( بغم )واذا كان الجنوب يحكمه امباشي باقي ليك البحكمنا ده بيختلفعنه في شيئ ؟؟؟

United States [ابو ابراهيم] 06-10-2013 11:21 AM
يا كنتوش نحن السودانيين لا يفرق معنا كثيراَ أن نموت أو نحيا طالما نرد عل من يغلط علينا. هل فهمت؟ وهل التعامل مع الجنوب الذي يحكمه أمباشي يحتاج لمثقف ؟؟ حاجة عجيبة؟؟؟؟؟؟؟؟؟؟


#692629 [بريش منصور]
4.50/5 (4 صوت)

06-10-2013 10:07 AM
التعامل(بردود الأفعال)هذا ما عودنا عليه نظام الانقاذ متشخصنا فى شخصية البشير، فكلما برزت مشكلة هنا أو هناك خرج علينا هذا الرجل ملوحا بعصاه بقررات لو إجتمع لها الكونجرس الامريكى لأخذت الكثير من وقته،ولكنه لا يكلف نفسه عناء الانتظار ولو لساعات حتى يستشير معاونيه ومستشاريه وهم كثر،ولكنهم غثاء كغثاء السيل وذلك أنهم لم يتم إختيارهم لمهنيتهم ولكن المسألة لا تعدو ترضيات وأوضح مثال لذلك إبنى الصادق المهدى والمرغنى،ورغم أننا نعيش عصر العولمة وعصر التقنية ولكن هذا البشير وزمرته يعودون بنا الى الوراء حيث القرون الوسطى، وماهؤلاء المستشاريين والمعاونين الذين يكتظ بهم القصر الجمهورى الا عالة على هذا الشعب المغلوب على أمره، وما هذه القرارات غير المدروسة الا زيادة فى معانة هذا الشعب ،فإلى متى يتعلم الإنقاذيون وإلى متى يظل هذا الشعب يعانى نتيجة هذه الأخطاء الفادحة والتى أولها وليس اخرها قرار انفصال الجنوب، والى متى نصبر على امثال هذا البشير الأرعن ووزير دفاعه المختل عقلياووزير خارجيته تاجر الاسمنت والسيخ ووزير استثماره الطفل المعجزة الذى يضحك ويتضاحك بسبب ودون سبب.


#692627 [كرهان الدنيا]
4.97/5 (14 صوت)

06-10-2013 10:04 AM
الحاجة التفقع المرارة .. لما تشوف حكومة الجنوب الوليدة تتعامل مع الأحداث بهدوء كيف .. ونحن العجل حقنا القاعد في راسنا ربع قرن ليومك ده ما أتعلم كيف يصدر قرارات ..


#692626 [alnasr]
0.00/5 (0 صوت)

06-10-2013 10:04 AM
ماهو موقفكم من دعم حكومة الجنوب للمتمر دين انتم الان متحيزين


ردود على alnasr
United States [الصوت] 06-10-2013 03:08 PM
وما هو موقفك من دعم حكومتنا لمتمردي الجنوب من امثال جونسون اولنيج وغيره ؟؟؟؟ انت الان متحيز .

United States [nagatabuzaid] 06-10-2013 01:54 PM
والله يا الناصر ان هناك ما يؤكد ان حكومة الجنوب تدعم الحركات المسلحة وبالحقيقة

والبرهان والدليل الحى لكنا اول من يقف معها لانها حكومة بلدنا ولا زالت غصبا عننا ابينا

ام رضينا الى ان ياذن الله بزولالها لكن حكومتنا كذااااااااااااااااااااابةخلقت كذابة

معجونة بالكذب تطلق الكذبة وتصدقها ولذلك لا ولن نصدقها ولا شىء يجعلنا نتحيز ضد بلدنا

ان صدقت معانا وملكتنا الحقائق كنا سنقف معها سدا منيعا ضد اى مهدد للسودان وليس لها

حبا فى السودان وليس حبا فيها


#692606 [منور]
4.94/5 (6 صوت)

06-10-2013 09:48 AM
بهذا التصرف الساذج اثبت وبما لايدع مجا للشك انه انه يحكم السودان بسياسة الذرائب ويقرر فيها كما يشاء كما يقرر الراعى فى قطيعه اى شة يذبح واى شاة يهدى! !!!!!
اين هم طراطير مايسمى بالبرلمان هم ايضا من ضمن القطيع يخافون بطش وعنجههية الراعى.
الى اين ياسودان???????


#692602 [السودانى الجنوبى]
5.00/5 (4 صوت)

06-10-2013 09:46 AM
والله يا عمك البشير دا حسى شكلو داير يخرب وش ويحنكنا حقنا انت يا اب دقن ارفع حديد جامد لانو السياسه دى كانت لى جون قرن اما انت خليك ابو عضلات ارفع حديد والبس قط وانت ماشى السودان عشان عمك بش بش دا يلاوز

والحق اهلنا فى الشمال مهما كان ديل مننا بس لونهم فاتح ونحنا لونا غامض الشقل كان انفجر اول حاجه 500مليون دولار فى الباباى والاثار الجانبيه بتضر بى المساكين الشمالين لانو صاحبك دا اقل غبار بشيله ماليزيا


ردود على السودانى الجنوبى
United States [ود قلبا] 06-10-2013 02:44 PM
هههههههههههههههههههههههههههههههههههه


#692578 [المهاجر]
5.00/5 (1 صوت)

06-10-2013 09:19 AM
الله غالب


#692562 [Nagi]
4.00/5 (3 صوت)

06-10-2013 09:08 AM
كم عدد الافراد في القوات المسلحة السودانية حتي تفتح علي نفسها جبهات اخري. اللبيب بالاشارة يفهم


ردود على Nagi
United States [الصوت] 06-10-2013 03:12 PM
بالمناسبة يا بت خليلي هو اجدادنا انتصروا في كرري ؟؟؟؟؟

United States [ود قلبا] 06-10-2013 02:47 PM
انتا الجيش خلى اولاد الغبش كيف ؟ يوم الحارة الراجل الذين بنعرف .

United States [nagatabuzaid] 06-10-2013 02:07 PM
ما تخاف فى جيوش ليبية وتشادية ومن متمردى مالى وجيش الرب ( مصر رفضت جابوا من ليبيا) وافغانستان وممجاهدى اسلام والسلفية الجهادية والمدسوس كتير
كمان فى الدفاع الشعبى منهم من قضى نحبه نسال الله لهم الرحمة لانهم ذهبوا صادقين وفى نيتهم الشهادة نساله ان يكتبها لهم ومنهم من فتح الله بصيرته وانسلخ ومن من بقى وربنا يحفظهم كابناء لنا طيب كمان فى جداد ده جهاده بالكمبيوتر منهم اولاد الناس بناكفوا بادب ومنهم قليلين ادب بتاعين كو ش وقمامة وفضلات .... يعلموك كيف تتكلم ويعلموك البلاغة اها ديل ياسيدى ما عندهم قدرة على القتال جهادهم من على الكرسى محليا والمصيبة فتفوتة مخ ما عندهم

[منال خليلى] 06-10-2013 12:50 PM
ان تنصروا الله ينصركم ويثبت اقدامكم ، وكم من فئه قليله غلبت فئه كثيره ،وما النصر الا من عند الله ، وماتقول لى جيش ولا ماجيش ، وسلاح وما سلاح اقرى تاريخ الامه السودانيه واسال الانجليز عن كررى وغيرها كتييييييييييييييييير ، ولو كنت سودانى ما اظنك محتاج يذكروك بى اجدادك ، واحنا والله بننتصر حمرة عين ، وكدى اقنعنا بالمنطق وشوف البيحصل شنو ن وفى النهايه احنا مع السودان وامن السودان ومصلحة السودان وعزة السودان وشرف السودان ، وما بنرضى بالحقاره .


#692548 [مظفر سيد احمد عثمان]
4.75/5 (6 صوت)

06-10-2013 08:56 AM
مايبدر من حكومة الجنوب ينم عن رشد وعقلانية فائقة فى التعامل مع الاحداث السياسية عكس نظام البلطجية الذى اثبت انه عبارة عن مجموعة من الافراد الموتورين والمرضى النفسيين الذىين يؤكدون للعالم كل يوم انهم لايمكن ان يرتقوا لمستوى المسئولية التى تفرضها المناصب التى يتولونها ، بهذة القرارات اثبت عمر البشير انه ليس اهلا لتولى خلوة او دكان وبذلك وجب على الشعب السودانى التحرك سريعا لخلع هذة العصابة التى تعمل بشكل واضح للاضرار بمصالح الشعب السودانى وعلاقاته الخارجية


ردود على مظفر سيد احمد عثمان
United States [ناصح] 06-10-2013 02:02 PM
نرجع ونقول العيب ليس في الريس وحدة وانما العيب فينا نحن ان تركنا مثل هؤلاء الحمقى يحكموننا عقدين ونصف من الزمان أين هذا الشعب السوداني معلم الشعوب الثورات مم ان الأمر فقد شعارات


#692547 [ahmed]
3.44/5 (8 صوت)

06-10-2013 08:56 AM
دايرين واحد يرصد لنا قرارات البشير الهوجاء وعدد مرات تراجعه عن تلك القرارات لتقديمها لموسوعة جينيس بإعتبار البشير
١- اكثر رئيس راقص في العالم
٢- اكثر رئيس يصدر قرارات حمقاء
٣- اكثر رئيس يتراجع عن قراراته
٤- اكبر جاعورة في العالم


ردود على ahmed
[nagatabuzaid] 06-10-2013 02:11 PM
5 _الرئيس الاكثر دموية فى العالم ومرشح لجائزة نوبل للسلام
6 _ رئيس اكبر حكومة مكونة من البلطجية فى العالم


#692543 [Mabek chol bol]
4.60/5 (9 صوت)

06-10-2013 08:55 AM
البشير قال لنا نشرب البترول..لكن الواضح ان هم حيشربوا البترول..!! كيف لان انابيب البترول ستنفجر حال اغلاقه من طرف واحد خاصة في منطقة فلوج..ودونيا امطار ..والموية بتجري ناحية الشمال...يعني النيل الابيض سيكون اسود..!!


ردود على Mabek chol bol
United States [نوارة] 06-10-2013 05:00 PM
ههها احسن تصدروا بالجرادل والبستلات والبراميل الشفع بستلات والنساء جرادل والرجال براميل واتفكوا مننا انتو مش كونتوا دولتكم وقلتو قبر في الجنوب ولاقصر في الشمال يلا خلاص ده جنوبكم وبترولكم ونحنا الانابيب والميناء عندنا عندنا اشياء كثيرة ممكن نستغلها فيها والحمد لله بس اختونا

United States [ود قلبا] 06-10-2013 02:51 PM
حلم الجعان عيش ، قبلى كده الجنوب قفل من عندو الحصل شنو . ما البترول ده مااااااااااااادايرنو .


#692512 [ود الشمال]
2.00/5 (4 صوت)

06-10-2013 08:28 AM
يقول برنابا مريال بنجامين وزير الإعلام والبث الإذاعي لحكومة العصابات الحاكمة في الجنوب ، نحن لم نخطر رسميا بإعلان الخرطوم غلق النفط لأن بيننا اتفاقية للتعاون وهناك آليات للشكاوى في مختلف المجالات الأمنية والسياسية والاقتصادية لم تستخدمها الخرطوم،
سذاجة لا حدود لهُ انتم تخرقون الاتفاقيات والسودان يشتكي عليكم ، يعن توسل لكم ، كلا انتم لا تفهمون في الاتفاقيات والعهود مفاعله الرئيس السوداني ، معاملة يليق بكم ، وانتظروا القادم اكثر ،
ثم يقول هذا المتحدث بأسم العصابات الحاكمة في الجنوب ، أن استمرار تدفق وتصدير النفط عبر السودان سيستفيد منه البلدان اقتصاديا ،
يا برنابا مريال بنجامين وزير الإعلام والبث الإذاعي حكومتك لا يفهم في الاستفادة بين الطرفين حكومتك يفهم فقط في القتل والتدمير وليست حكومة بناء واستقرار ،
ويقول قائد فرق موت حكومة العصابات الحاكمة في الجنوب ، فيليب أقوير إن الجيش السوداني توغل إلى داخل أراضي جنوب السودان في منطقة الكويك التي تقع في الحدود الشمالية لبلاده في ولاية أعالي النيل المتاخمة لمنطقة النيل الأبيض السودانية، وأضاف أن التوغل يعد خرقا واضحا للاتفاقيات الأمنية بين البلدين والتي تقضي بانسحاب كل طرف لمسافة 10 كيلومترات داخل حدوده في المنطقة المتعارف عليها بالمنطقة الآمنة منزوعة السلاح.
أيه الفيليب أقوير ، تسليحكم للحركات المتمردة في السودان لم يكن خرق للاتفاقيات الأمنية ، أم حلال عليكم وحرام علي غيركم خرق هذه الاتفاقيات، انتم لا تفهموا في العهود والاتفاقيات ، تفهموا في لغة الغاب فقط لغة القوة ، وبدأ حكومة البشير يتعامل معكم بلغتكم الذي تفهمون فيه .


ردود على ود الشمال
United States [ود الشمال] 06-10-2013 10:10 PM
لا أعلم سبب زعل هؤلاء الأخوة المسمي [السودانى الجنوبى] والمسمي [Wad abyei] والمسمي [nagatabuzaid] والمسمية [نوارة] وكلهم من أبناء دولة جنوب السودان من مداخلتي ، هل هو ظناً بأني أسئت للإخوان مواطني الجنوب ، لو كان قصدهم كذالك ، فأن فهم لي خاطئ ، لأن شعب الجنوب هم إخوان لنا نحن أبناء السودان ، ولا يمكن أن يسئ احد من أبناء السودان لإخوانهم من مواطنين دولة الجنوب ، وإن كان زعلهم علي غيره علي حكومتهم المارقة ،فلا داعي توتروا انفسكم ، فهذا حقائق ، وهل انا أخطاءة بحديثي علي حكومة العصابات الحاكمة في جنوب السودان ، قبلي قال زعيم الحركة الشعبية في دولة الجنوب ، المقتول بيد زعيم العصابات الحاكمة في الجنوب سلفا كير جون قرنق ، إن سلف كير لا يفهم في السياسة ولكنه يفهم في العسكرية فقط ، يعني يفهم كيف يقتل ويشرد ، هذا قول زعيم الحركة الشعبية في الجنوب جون قرنق ، اذاً أنا لم أتي بشيء من عندي . ولا داعي للزعل من مداخلة أنا ذكرت الحقائق فيه عن هذا الدموي سلف كير .

United States [نوارة] 06-10-2013 05:03 PM
ياسلام بقتي ياست نجاة بوليس سري ونحن ماعارفين انتي مالك ومالوا ذي مانتي بتردحي وتكوركي ذي المانصيح في الداخل والمارق هو كمان عندو راي والله عجب ياست نجاة

[nagatabuzaid] 06-10-2013 02:23 PM
انت من وين يا زول ومن ياتوا جهة ؟ الجنوبيين معروفين والشماليين معروفين مننا من لا يتفق مع الحكومة ومن الجنوب ايضا من لا يتفق مع حكومته مننا من يوالى الحكومة ومنكم من يوالى حكومتكم فى الجنوب عندنا مسلحين ضد الحكومة وا يضا مسلحين ضد حكومة الجنوب نعرف بعضنا نختلف ونتفق وهكذا لكن انت منوا وليه تكتب ود الشمال وتكتب بلهجة الجنوب ممكن تكتب ود جنوب معارض لحكومته وكل انسان حر فى نفسه وله خياراته ويكتب ما يكتب لكن انت غريب واسلوبك يدل على انك لست جنوبى انت واحد من مطاليق نافع العب غيرها

United States [Wad abyei] 06-10-2013 01:29 PM
من اين شمال تقع يا ود الشمال هل. تعرف بان هنالك أسلحة سودانية دخلت جنوب السودان ومعها قائد اسمه جونسن اولنج؟ لا تعلم ، سوف أريك كيف وصلت الي حكومتنا ، اولا هناك مأجورين خونه من ابناء جنوب السودان موجودين في قلب العاصمة السودانية ، هذه. الخونة يستخدمهم رئيسكم بشير في القتال مع الجبهة الثورية وايضا. في ولاية جنقولي فهل هذا يعتبر. شنو في رأيك ،اما بالنسبة. لحكاية الاسلحة السودانية الموجودة معنا هنا فهي حكاية لابد. ان تسمعه كويس هذا الرجل الذي يدعي. جونسون أوليج. هو قائد المتمردين. لقد استخدمته. الخرطوم اكثر من مرة. لمهاجمة قواتنا. في ولاية أعالي النيل الذي يتبع لها هذا القائد، وعندما كلف. مهمة اخري تم تسليحه بكامل العتاد لكي يأتي ويضرب به أهله المواطنين المساكين فقبل الامر ولكن تفاجأ الخرطوم بعد ذلك. عندما سمع ان هذا القائد سلم نفسه لجيش. جنوب السودان ، ولقد قال لحكومة جنوب السودان بانه كان يرتكب أخطاء كثيرة في حق الجنوب فلقد أتي ذمن لكي يقف مع أهله وليست. مع البشير الذي لا يهمه أرواح المساكين. هل هذا يعتبر دعم لثوار الجنوب ام ماذا والأدلة موجودة معنا فلا تتحدث وانت لأتعرف شي ،

United States [السودانى الجنوبى] 06-10-2013 12:08 PM
يا ود الشمال ولا اليمن انت موش عندك عربيه بتوديك وتجيبك انت مالك ومال مريال بعدين مريال ضرب لى عوض الجاز وعوض الجاز قال ما جاو اخطار رسمى يعنى الكان بسوى بش بش دى كاميرا خفيه دى الحاله المعروفه للبشير لمن يسمع كواريك الشعب وزغاريت الرجال بتاعين الموتمر الوطنى اى بقو بزغرتو طوالى بجيهو الدستور بتاع الشيخ الطيب مصطفى وبنبح وينطط جديد عليك ما جديد علينا

بعدين بتقول حكومتنا حومه قتل وتدمير حسى البقتل والبدمر منو ولا علشان طلعت ود الشمال ما لاقيت القتل ولا التدمير الله كان يرضى عليك ويطلعك فوراوى ولا نوبه عشان تعرف حاجه ع الاقل كان طلعت راجل من الابطال ديل ؟

بالنسبه للحركات خلاص الكتاب وقع ليها بتكون نفسه من عده وعتات يعنى بتسمع كلامك واعدو لهم من قوه ورباط الخيل بتلمو وتجى بيهو لحضن امها بس ما عليكم انتو الا تشيلو هم الجبهه الثوريه لانو سلفا خلاص حايعلن دعمــــه بالكامل للحركات المتمرده زى ما بتقولو بس دى حركات تحرير وحاتعترف بيها قريب ميه يوم اليوم بى خمسين مليون دولا قسمه على 500مليون والله الا تجرى مصر كدارى قرريبه مع الشماليه


#692501 [ودفور]
4.75/5 (5 صوت)

06-10-2013 08:20 AM
القائد سلفاكير معروف بالحكمة والتريس وليس كالبشير الهاهجم الذي يطاره ارواح الابرياء من دارفور
لعنات الشعب السوداني اللهم ارينا فية قدرتك


#692494 [osama dai elnaiem]
5.00/5 (10 صوت)

06-10-2013 08:15 AM
قرار البشير احادي المصدر سيعني في الاساس الغاء وزارة الاستثمار لان المستثمر مهما كان سيتعظ من تصرفات البشير ولا يضع بيضه في سلة السودان ليحيق به ما حاق ببترول الجنوب وانابيب ومنشات البترول الاخري بالسودان التي صرفت عليها مليارات الدولارات واستجلبت من اجلها عشرات الشركات فاذا بتلويحة عصا من البشير تصبح سرابا بعد عين وتصل قيمتها الي صفر فالمستثمر العادي له ردة فعل وحساسية مفرطة علي كل فعل مماثل فما بالك ان يصدر الفعل من راس الدولة وراعي الاستثمار الاول وحامي الدستور --- بالنسبة للجنوب اعتقد ان موسم رحلتهم عكس اتجاه السودان الشمالي قذ اذنت به عصاة البشير وهو يلوح بها مودعا ركبهم ومستغنيا عن اي تعاون او تراحم مع دولة الجنوب وهي دعوة لهم بمواصلة بناء خطوط انابيب مع اي دولة او شخص اخر او حتي مع الشيطان يسهل لهم التعاون معه بدلا عن البشير واقطاعيته التي يملكها منفردا-- لا خير في اهل السودان ان لم نقلها صريحة ان افعال البشير حالة مرضية يجب تجريد الرئيس فيها من قبل البرلمان من كل صلاحياته وعرضة علي كونسلتو من الاطباء للبت في قواه العقلية!-- بالنسبة للمستثمرين الاخرين من شرق اسيا سيكون لهم حديث وهو الان يتبلور علي نار هادئة واعتقد ان مقعدهم سيكون مع الجنوب حيث الطعام الدسم والقول الطيب والعلاقة الحميمة مع امريكا والتي يزورها الان الرئيس الصيني.


#692459 [ركابي]
4.88/5 (9 صوت)

06-10-2013 06:45 AM
وقال بنجامين إن الخرطوم لم تتحوط من أن إغلاق النفط فورا سيحدث آثارا بيئية مدمرة في المنطقة بتسربه إلى مياه النيل خاصة من الآبار المنتجة في منطقة فلوج في أعالي النيل.....

ناس الانقاذ ديل مدمرين وكارثيين ..ديل ماعندهم حل كلو كلو ..ياالهي ارحمنا برحمتك


ردود على ركابي
Hong Kong [زول نصيحة] 06-10-2013 09:57 AM
لماذا لم يقل بنجامين كلامه هذا عندما أمر سلفاكير بإغلاق النفط ياركابي؟؟؟؟؟؟!!!!!!!!


#692450 [أأه يا بلد]
4.00/5 (5 صوت)

06-10-2013 06:10 AM
ما لم تصلكم شكوى أو بلاغ من حكومة الخرطوم
فليس عليكم حرج
بس أحسبوا قروشكم كم
عمر البشير ده زول مجنون
و مستهتر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة