الأخبار
أخبار إقليمية
وزير الدولة للاستثمار : قرار وقف ضخ بترول الجنوب اثره ايجابيا على بيئة ومناخ الاستثمار بالبلاد
وزير الدولة للاستثمار : قرار وقف ضخ بترول الجنوب اثره ايجابيا على بيئة ومناخ الاستثمار بالبلاد
وزير الدولة للاستثمار  : قرار وقف ضخ بترول الجنوب اثره ايجابيا على بيئة ومناخ الاستثمار بالبلاد


قال : الارتفاع الطفيف الذى طرا على الدولار اليوم سلوك عرضى ونفسى سيزول
06-10-2013 05:47 PM
سونا) اكد وزير الدولة للاستثمار الدكتور الصادق محمد على حسب الرسول ان قرار توقف ضخ نفط الجنوب عبر الشمال سيتاثر به الاستثمار والمستثمرين الراغبون في الاستثمار ببلد يتوفر فيه الامن .

واوضح الصادق في تصريح "لسونا" ان القرار له اثرا ايجابيا على بيئة ومناخ الاستثمار في البلاد .موضحا ان توفر الامن في السودان من المتطلبات الاساسية لإنجاح اى مشروع استثمارى بالبلاد .

وقال ان القرار الذى اتخذه رئيس الجمهورية بتوقف ضخ نفط الجنوب عبر الشمال يتفق مع روح المصفوفة الذى من المفترض ان ينفذ كوحدة واحدة وان يتزامن ضخ النفط مع النواحى الامنية وانه اذا اخل اى طرف بما يليه فإن يؤثر تلقائياعلى التنفيذ .
واشاد بالقرار مشيرا الى التداعيات التى من الممكن ان تحدث في حالة تدفق النفط وتوجيه ايراداته لدعم الحركات المتمردة وترويع المواطنين والاخلال بالوضع الامنى مشيرا الى احداث ابو كرشولا .

ووصف الارتفاع الطفيف الذى طرا على الدولار اليوم بانه سلوك عرضى ونفسى سيزول عقب إنجلاء المخاوف وتفاءل بالقرار قائلا إن تاثيره سيكون كبيرا في المستقبل القريب وسيساهم في الاستقرار الامني.


تعليقات 23 | إهداء 0 | زيارات 4490

التعليقات
#693396 [كاك]
5.00/5 (1 صوت)

06-11-2013 12:44 AM
هل في استطاعة الدكتور الصادق ان يقول غير الذي قاله مع علمه الاكيد ان الواقع عكس ما تحدث به


#693366 [Almamgoos]
5.00/5 (1 صوت)

06-10-2013 11:43 PM
كلام منطقي شديد .الشئ لمن ينقصو منو بي يذيد


#693357 [ود التوم]
0.00/5 (0 صوت)

06-10-2013 11:20 PM
المحيرنى وما محير الراجل الغريب بتاع دولة بتاع استثمار دا محترف جديد فى صفوف نادى المتأمرين وتؤكد المصادر انه يجيد ضربات الجزاء بيد انه مدافع قوى وبديل ناجح لعمكم (حسبو) الذى يرتبط معه بصلة فرابه قوية اولاً أخوان رضاعة (بدون فطامة)والقرينة الثانية هى يلتقيان فى نسبهما (بحسب الرسول)وما ادراكم بحسب الرسول وعبد الرسول ، نذكر الذى بصدده واما الثانى معلوم بان العبدلله حصريناً.

والله تعالى هو حسب نبيه والمؤمنين، كما قال: {يَا أَيُّهَا النَّبِيُّ حَسْبُكَ اللَّهُ وَمَنِ اتَّبَعَكَ مِنَ الْمُؤْمِنِينَ} [الأنفال: 64] أي: كافيك وكافي أتباعك.

ولا أحد من الخلق يكون كافياً لغيره، فالكافي هو الله وحده، وعلى هذا فلا يجوز أن يسمى أحد "حسب الرسول"، يعني: كافي الرسول، فالله هو حسب نبيه صلى الله عليه وسلم حياً وميتاً، كما قال تعالى: {يَا أَيُّهَا النَّبِيُّ حَسْبُكَ اللَّهُ} [الأنفال: 64] وقال: صلى الله عليه وسلم لما قيل له: "إن الناس قد جمعوا لكم فاخشوهم" قال: "حسبنا الله ونعم الوكيل"، كما أخبر سبحانه وتعالى بذلك في قوله: {الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَاناً وَقَالُوا حَسْبُنَا اللَّهُ وَنِعْمَ الْوَكِيلُ} [آل عمران:173].


#693347 [سعاد صالح التني]
5.00/5 (1 صوت)

06-10-2013 11:03 PM
هل رأى أحدكم الغباء والحموريه بأم عينه؟
أنظروا وتمعنوا في صورة وزير الاستثمار المنشوره مع هذا الموضوع سترون الغباوه كلها والحموريه
كلها في محياه ...تمعنوا في عيونو جيدا عليكم الله ووروني شايفين شنو؟؟؟


#693344 [التباري]
5.00/5 (1 صوت)

06-10-2013 10:58 PM
دا شنو ياناس الزول النصو نخرة والنص التأني جبهة،،،
فهمك ومنطقك عجيب والله


#693340 [عصمتووف]
0.00/5 (0 صوت)

06-10-2013 10:56 PM
انظروا الي الصوره وكتوف هذا الزير وليس الوزير مرخرخ الكتوف وفارغ العقل باختصار زي زير القطارات زمان علي جمعيات ومنظمات الحالات الخاصة الاهتمام به وزجة في قفص بعيد عن اصحاب الحالات الاخري ويكتب علي القفص ممنوع اطعامة


#693330 [مظفر سيد احمد عثمان]
5.00/5 (1 صوت)

06-10-2013 10:39 PM
والله انا متخصص فى علم الاقتصاد لكن احترت مع تفسير هذا المسمى وزير ، والله دا لايصلح ان يكون غفيرا لمخزن مع احترامى الشديد لمهنة وعمل الغفراء ، ماذا يسمى هذا الكلام الذى تفوه به هذا الوزير شارحا فيه اثار توقف دخ النفط الجنوبى ، استميحكم عذرا ايها القراء والمعلقين الاعزاء لاصف حديث هذا الوزير بأنه ناتج عن اللواط الفكرى والسياسى الذى يعانى منه ارزقية هذا النظام ومايمارسونه من عهر ودعارة سياسية ، لكم العتبى موقع الراكوبة والمتابعين والمعلقين


#693313 [عاصم]
5.00/5 (1 صوت)

06-10-2013 10:07 PM
الزول ده اسموا الصادق وكذاب كده ليه النوع ده ما بيختشي ممكن يغالطك في الشمس يقول ليك دي ما شمس ده نور الانقاذ. ياخي وينو الامن و ينو الاستقرار استثمار شنو منو المجنون البيجيكم حرامية و امن مافي و استقرار مافي و بنية تحتية مافي وغلاء فاحش و استقرار اقتصادي مافي ياوزير الهنا فهمك لاستقرار شنو وفهمك للمناخ الجيد للاستثمار شنو ولا يعني عشان جبتوا الثوار اللبيين و مليتوا بيهم الخرطوم افتكرتوا ده استقرار كدي اسال الجماعة الفوق منك ديل قوليهم بيجيكم نوم بالليل و البنوم فيهم بهلوس بالحلو واقف فوق راسه شايل سيف وجاك يا صراخ اطفالكم مستغربين منكم بتصرخوا بالليل ليه و كل يوم الصباح العيال بيسألوا الام. ماما ابوي كان بيصرخ بالليل مالو والام تقول ابوكم ده ......و تقطع الكلام و تكملوا في سرها (الدخلو المؤتمر الوطني شنو وكمان في حكومة الظالمين خلي يخم و يصر)


#693311 [ابو كلام ساكت ساي]
0.00/5 (0 صوت)

06-10-2013 10:00 PM
ده وزير شنو ده وزير معانا (زي مابقول عادل امام) هذا زيييييييييير وليس وزير .ديل بجيبوهم من وين


#693280 [almor]
4.50/5 (2 صوت)

06-10-2013 09:24 PM
السعوديين مابعرفو اقتصاد كان يقفلو البترول حقهم عشان اقتصادم ينتعش علي حسب راي الوزير الفلته


#693230 [ود امبعلو]
5.00/5 (2 صوت)

06-10-2013 07:39 PM
اتحسسو قنابيركم يا ابان قنابير انتو

الزول مالو اروش كدي زي حسب اارسول بتاع البرلمان
حسبي الله ونعم الوكيل


#693223 [انصاري]
5.00/5 (5 صوت)

06-10-2013 07:34 PM
الرئيس مبسوط مني !!؟


ردود على انصاري
[ود شيخ إدريس] 06-11-2013 01:26 AM
حلوة يا أنصاري ... هو تبع وين وياتو حزب من أحزاب الفكة الحكومية؟


#693215 [ود الحاجة]
5.00/5 (3 صوت)

06-10-2013 07:21 PM
الجماعة احتاروا عديل كده ... و السبب انه ليس لديهم امن و لا استخبارات و لا سياسة تواكب الاحداث

توقف ضخ البترول سيقلل من السيولة و من قدرتهم على ضبط الامن و شراء الفاسدين و بالتالي سيقلل من الاستثمار و يخفض قيمة الدينار ( أي الجنيه)

ضخ النفط -حسب زعمهم- سيسهل تسليح الجبهة الثورية و يالتالي تتردى المشاريع الاستثمارية و لكن السؤال المهم هو اين الامن و الاستخبارات التي من المفترض ان تقبض على المساعدات القادمة من الجنوب بالجرم المشهود و اين الجيش و اين الجنود؟


#693210 [Rebel]
5.00/5 (6 صوت)

06-10-2013 07:17 PM
* انت رجل ارزقى ثم جاهل و تشبه ناس الإسلام السياسى تماما


#693196 [رمزي]
5.00/5 (6 صوت)

06-10-2013 06:57 PM
عوجكم عديل وعديل الناس اعوج

اي تفسير هذا وقف تصدير الجنوب عبر الشمال انه ايجابي


هذا الخمج بام عينه الذي يقصده البشير والله اعلم


#693195 [اشراقة]
5.00/5 (6 صوت)

06-10-2013 06:55 PM
اختشي !


#693186 [سودانى ما منفرج الأسارير]
5.00/5 (2 صوت)

06-10-2013 06:47 PM
والله يا اللى علقتو على كلام الراجل دا انتو اكيد "ناقشين" .. انا اقر واعترف ان قدراتنا العقليه اخنى عليها الذى اخنى على لبد!! كدا فهمونا انتو فهمتو شنو؟ اعتقد انو نحن راينا كمل ..زى ود الشريف الرايو كمل.. داالحين اسرعو وجيبولينا الشلايه من دار قمل (بكسر القاف والميم) زى ما كان بيقول واحد من مارشات سوابق القرون وسوالف ألأزمان..


ردود على سودانى ما منفرج الأسارير
United States [ابوالمكارم] 06-10-2013 10:36 PM
الله ىكون في عونك وعونى انت رايك كمل وانا راى تلف والله مافهمت ... واحد من اتنين الزول ولا مكمل الفهم ودا ماظنيتو!!!!!!!!!!!!ولا هبنقاوشكلو دا الراجح وعلى رأى شبونة اعوّذ بالله


#693169 [prof]
4.50/5 (3 صوت)

06-10-2013 06:32 PM
من انت
من انت ياهذا
من انت ايها الاسطورة تمشى بقدميها بين الناس
من انت ثم من انت
من انت لقد اثيرت اعجابنا
من انت يامن عجزت امامك كل الحقائق الاقتصادية ووقفت عاجزة تتامل محياك المضى
من انت لقد اذدت بهاء
من انت ايها النور الالهى. حكمتك الاستثمارية سوف تدرس فى السربون
من انت ,انت من سوف ينقذ السودان
انت وانت وانت
لكن هذا جزء من كل
ياحسرة على السودانيين ماياتيهم من وزير الا كانوا بة يسخرون
اتعلموا من هذا الفلتة امر دنياكم فبها نجاتكم.


#693150 [ابوذر طواون]
4.97/5 (6 صوت)

06-10-2013 06:07 PM
يا وزير الدولة للاستثمار

والله الا يكون اقتصادكم دة قاطعنوا من راسكم : -

ارجو ان تشرح لي كيف يكون قرار وقف ضخ بترول الجنوب اثره ايجابيا على بيئة ومناخ الاستثمار بالبلاد؟؟
وكيف سيؤثر على الاسعار وسعر الدولار ايجابيا ايضا ؟؟؟ اكيد دة اقتصاد (البصيرة ام حمد )ليس الا !!


#693148 [الباقر]
4.97/5 (7 صوت)

06-10-2013 06:04 PM
وده جا من وين كمان هى فرقة حسب الله دى كل يوم ماشه زايده الفاهم فيكم حاجه اشرح لينا


#693145 [جدودنا زمان]
4.88/5 (5 صوت)

06-10-2013 06:01 PM
انا الما بعرف السياسات الاقتصادية بعرف انه قرار ايقاف ضخ البترول
حا يرفع الدولار للسماء
ياخ بالله كفاية لف ودوران على عقول الناس قرفنا من كذبكم الكتير
ومسيخ الله يمسخ دنياكم


#693140 [سوداني موجوع]
4.97/5 (7 صوت)

06-10-2013 05:57 PM
بلا يخممكم ..


#693139 [سوداني موجوع]
4.82/5 (5 صوت)

06-10-2013 05:56 PM
تبا لكم أيها المنافقون المنتفعون .... أسألك بالذي خلقك أي منطق هذا ... ودولارك اليوم يفوق السبعة جنيهات .... بلا يخمك ياخ ... فقعتو مرارتنا ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة