الأخبار
أخبار إقليمية
حكومة جنوب السودان تؤكد انسياب النفط عبر الاراضى السودانية
حكومة جنوب السودان تؤكد انسياب النفط عبر الاراضى السودانية
حكومة جنوب السودان تؤكد انسياب النفط عبر الاراضى السودانية


06-10-2013 05:05 PM
قال وزير الاعلام بجنوب السودان؛ برنابا مريال بنجامين؛ في تصريح لسودان راديو سيرفس يوم الاثنين من جوبا انه حتي الان لم يتم ايقاف بترول الجنوب الذي في طريقه الي ميناء بورتسودان.
واضاف بان النفط الحالى داخل انابيب البترول فى الأراضى السودانية تقدر بقيمة 580 مليون دولار، سيتم منها دفع حصة السودان والشركات الأخرى. وقال "انسياب البترول لايزال مستمراّ وما سوف يصدر الي بورتسودان هو بترول جنوب السودان؛ وسوف يباع في السوق الخارجي والعائد "القروش" من هذا البترول ملك لجنوب السودان؛ وسيدفع للسودان نصيبه وللشركات كذلك"
وأكد برنابة أنه " لا يزال انسياب البترول مستمراً الى بورتسودان لم يتوقف حتي الان وهو بترول جنوب السودان؛ ولذا يقولون انهم يريدون ان يوقفوا بترول جنوب السودان في الاراضي السودانية ولكن بعد 60 يوما وليس الان."

وكان الرئيس عمر البشير يوم السبت وجه وزير النفط السوداني بإغلاق انابيب البترول بحجة ان حكومة الجنوب مازالت تدعم المتمردين، غير أن حكومة الجنوب نفت ذلك، فقد قال الناطق الرسمي باسم جيش جنوب السودان العقيد فيلب اقوير في تصريح لسودان راديو سيرفس يوم الاثنين من جوبا ان اتهامات محمد عطا لا اساس لها من الصحة؛ مضيفا ان حكومة السودان تريد ان تبرر فشلها فى القضاء على المتمردين- علي حد قوله. وقال " في الاساس هذه اتهامات باطلة ليست لها اي اساس من الصحة. هذه الاتهامات محاولة تبرير لدولة شمال السودان عدم مقدرتها على هزيمة المعارضة المسلحة في الشمال"

وتابع اقوير" نحن لا يمكننا ان نساعد هذه الحركات لإنه اساسا اقتصاديا نحن كجيش جنوب السودان لانملك شئ"
واضاف أقوير " ليست لنا أى مصلحة في تغير النظام في الخرطوم او في استمرار الحروب في دولة الشمال".


سودان راديو سيرفرس


تعليقات 17 | إهداء 0 | زيارات 9542

التعليقات
#694058 [الكجور]
0.00/5 (0 صوت)

06-11-2013 03:08 PM
ياجماعة، والكلام موجه لانس الكلس والكوز الفي الزير الزول ده يقصد بكلامه انه حكومة جنوب السودان بتعرف البروتوكولات وبمعنى آخر انه وزير الاعلام في اي بلد هو لسان الحكومة الناطق وبالتالي ناس الجنوب دائما بيتركوا تصريحات الدولة لوزير اعلامهم بعد الاتفاق التام على ما سيقال، ولكن بالمقابل نحن ولاننا ما عندنا شيء بيتأجل لبكره كل شيء حار حار وبدون دراسة وعشان كده وزير اعلامنا مرتاح كتير لأن الريس دائما بقوم بالواجب.


#693899 [العدالة تعني حب الوطن]
0.00/5 (0 صوت)

06-11-2013 12:58 PM


#693617 [بريش منصور]
0.00/5 (0 صوت)

06-11-2013 08:43 AM
الراجل أبوعصايا ده ماقال خلاص أوقفنا النفط وأقفلنا البلف للأبد...طيب الجماعة الجنوبيين بيقولوا النفط ماااااشى وما وقف...هو الريس ده كلامه كله بقى فاااارغ..يا ربى عشان متابع أبورياله (السواق الخاص)وفى رواية أخرى وزير الدفاع!!! هو ده شنو!!!


#693548 [الشاعر]
4.00/5 (1 صوت)

06-11-2013 07:46 AM
سلفاكير مغلوب على امره فهو طايع لاسياده من الامبرياليه والصهيونيه العالميه بدعم المتمردين لتفتيت السودان لكن نقول للحكومه فتح الانبوب على اجسادنا خليكم على موقفكم...لماذا لم يعمل الجنوب على مساعدة الشمال والتنسيق معه للقضاء على المتمردين ان كان يريد خيرا حقا للسودان كما فعلت تشاد وانتم الان دوله مثلكم ومثل اثيوبيا واريتريا ومصر وليبيا...الخ لازم ترجعوا لحضن افريقيا وتحترموا قرارات الاتحاد الافريقى والانتماء الافريقى وترك التبعيه فهذا عيب كبير فيكم ياجنوبيون انتم تحبون اسيادكم اكثر من انفسكم ونحن احفاد الذين قاتلوهم بالعصى والحراب من اجل العزه والكرامه نحن لانحتاج لاى كان لحل مشاكلنا فاجلسوا تحت مظلة افريقيا واحترموا افريقيا واعملوا من اجل افريقيا فنحن بلد عربى افريقى ومثالا للتعايش العربى الافريقى والناتج هو (الزول) هذا الشخص المتسامح الطيب فانهضوا بانفسكم وضعوا الثقه فى انفسكم واعلموا انكم كنتم دوله واحده والتسامح هنا من الفضل الواجب على الطرفين...والاسلام هو قمة الحضاره بمايحمله من خلق واخلاقيات يعلم بها الغرب غير غيره ولكن الحقد والكراهيه والانانيه تمنعهم من ان تؤول هذه الشعارات الى غيرهم...مثال بسيط الم تكن الرشوه فى الغرب كافيه لاسقاط هرم السلطه فالاسلام حرم الرشوه قبل 1500 عام انا اتكلم عن الاسلام وليس عن الشىء الحاصل فى السودان.


#693476 [ابوكلام]
0.00/5 (0 صوت)

06-11-2013 03:44 AM
(اني اسمع جعجعه ولا اري طحينا ).... (السواي ما حداث )وهناك امتال كثيره اخري تنطبق علي حال البشير الذي كل افعاله عباره عن كلام دون افعال واوامره لمن هم تحته في الهرم الوظيفي هي فقط حبر علي ورق وخجبـــــي


#693395 [radona]
0.00/5 (0 صوت)

06-10-2013 11:43 PM
اولا النفط مازال ينساب دي تجاوب عليها الحكومة السودانية .. اين الحقيقة ؟
ثانبا مسالة دعم الحركات المسلحة في السودان الحكومة السودانبةوحكومة الجنوب تعلمانه دعم اسرائيلي امريكي ولكن عبر دولة الجنوب .. وهنا المحك !!!
لذلك على الحكومه السودانيه تهيئة نغسها لحروب طويلة الاجل وباسلحة غير تفليدية
المهم الثبات على الموقف وعدم الرضوخ للقرار 2046 او الضغوط بواسطة مجلس الامن او المحكمة الجنائية لان بذلك السودان سيخسر الحرب وسيخسر مزيد من اراضيه ولان المفاوضات تعني نيفاشا جديده


#693372 [جحا]
4.50/5 (3 صوت)

06-10-2013 10:58 PM
يا ريس طالما قفلت انابيب البترول اقفل معاك كمان بلف الموية وامن الكهرباء لانو اصلا ماشين السعودية وما اظن نرجع قريب....الشعب


ردود على جحا
[المطوع] 06-11-2013 05:31 PM
عم جحا لم تتوفق في الاختيار .. السعودية الناس الفيها مارفين منها جاي تعمل شنو اختار بلد تاني امشو ليهو حالياً افضل دول الاغتراب جمهورية جنوب السودان الملكية حاولو اسبقونا انتو ونحن لاحقنكم لا بد

United States [هاشم صديق] 06-11-2013 02:55 AM
يارب موت الشعوب كلها في يوم واحد عشان الرؤسا يرتاحوا


#693361 [كاظم الغيظ]
5.00/5 (1 صوت)

06-10-2013 10:25 PM
مافي أي بلف اتقفل وده كله سيناريو وجعري ودراما لزوم تمرير زيادة الأسعار يللا انكربوا وأسألوا الله أن يلطف بكم والشهر الكريم على الأبواب


#693348 [شوك كتاد]
0.00/5 (0 صوت)

06-10-2013 10:06 PM
ليست لنا أى مصلحة في تغير النظام في الخرطوم او في استمرار الحروب في دولة الشمال".
ليست لنا أى مصلحة في تغير النظام في جوبا او في استمرار الحروب في دولة الجنوب"
حروب عبثية.


#693326 [freedom fighter]
0.00/5 (0 صوت)

06-10-2013 09:36 PM
قبل يومين ما قالو للجاز اقفلو الجديد شنو الظاهر عليهم اتراجعوا يا جماعه عليكم الله دي حكومه بتحدثو زي الحريم لما يقعدن في الجبنه اي واحده بتتكلم علي كيفا,حالة انفعال وتخبط كلام شارع ما مدروس. الخرابه عليكم يا كيزان.


#693312 [صابر]
0.00/5 (0 صوت)

06-10-2013 09:06 PM
رد على أنس الكلس
شكلك ما عاوز تفهم، وبعدين يا الكلس ما تمشي تجاهد بدل جهادك لكلتية "الكي بورد". لو عاوزني أعيد ليك الكلام تاني بعبارة أخرى ممكن : ديك العدة أي البشير يقول ولا ينفذ تصريحاته، يعني بترول الجنوب متدفق حتى الآن ولمدة ستين يوما قادمة، يعني يا الكلس عوض الجاز لم ينفذ أوامر ديك العدة وقال للجنوبيين سنسمح لبترولكم يتدفق لمدة شهرين. ودا كلو عشان الدولارات الما حا تشوف منها إنت ولا الشعب السوداني الفضل شيء. طيب كدا فهمت؟ وبعدين عبارة "الفرق في المستوى البرتوكولي" أعني بها أن تصريحات خرطومنا صادرة من أعلى قمة في السلطة أي ديك العدة وتصريحات جوبا من وزير الإعلام الناطق الرسمي باسم الحكومة. إذا ما فهمت بعد دا خلي المسئول من الكتيبة الإلكترونية يديكم درس عصر عشان تقدروا تردوا على الناس.


#693288 [سمبلة]
5.00/5 (4 صوت)

06-10-2013 08:35 PM
بالغتوا يا ناس الراكوبة ما لقيتوا صورة اظرف شوية من كده ،،، حرام عليكم ما نحنا بنوم اخرالليل والكوابيس النحنا فيها بالنهار كفاية علينا ،،،،،،،


ردود على سمبلة
[هدهد] 06-11-2013 04:45 AM
وهل هنالك صورة اظرف واهم من رئيس البلد يا سنبلة ؟؟؟


#693284 [U S A]
5.00/5 (2 صوت)

06-10-2013 08:31 PM
من الأفضل لدولة الجنوب أن تصدر النفط عن طريق كينيا مهما كلفها الأمر وأن تعمل جاهدة على بناء تحالفات استراتيجية مع أوغندا وكينيا واثيوبيا ، لأن دولة الانقاذ دولة فاشلة في كل المجالات فلن تجنوا منها أفضل مما يجنيه شعب السودان من جوع وفقر ومرض النخبة الموجودة في شمال السودان منذ الاستقلال لم تورث الشعب غير الفشل ثم الفشل


#693281 [عبده الطاهر]
0.00/5 (0 صوت)

06-10-2013 08:26 PM
خلى ربنا والله الكل يعلم الكضاب منو


#693243 [عنقالي]
0.00/5 (0 صوت)

06-10-2013 07:14 PM
قال الناطق الرسمي للجنوب "نحن لا يمكننا ان نساعد هذه الحركات لإنه اساسا اقتصاديا نحن كجيش جنوب السودان لانملك شئ" الناطق الرسمي نفى أن يكون الدعم مباشر من حكومة الجنوب لعدم الاستطاعة المادية ولكن لم ينفي أن تكون هنالك جهات خارجية تقدم الدعم عن طريق دولة جنوب السودان.


#693180 [الرفاعى]
2.50/5 (5 صوت)

06-10-2013 05:41 PM
والله الجنوبين ديل اكذب ماخلق الله قاتلهم الله


ردود على الرفاعى
United States [كاك] 06-10-2013 11:39 PM
الجنوبين يكذبوا ينططوا ما لنا شغل ولايعنينا ذلك في شيئ اصلا ما مسلمين لكن العيب حكومتنا ديدنها الكذب وقف التدفق في المرة الاولي واحد قال خروج البترول ما له اثر اقتصاديا يطلع واحد ثاني يقول تدهور الاقتصاد بسبب خروج البترول ولمان استؤنف التدفق هللوا وكبروا وقالوا الدولار حيصل 3الف ثم لمان البشير امر الجاز بقفل الانابيب فورا قالوا ده قرار سليم وما في أي تاثير في الاقتصاد ولمان قررت الحكومة بتدفق البترول لمدة 60 يوم قالوا ده قرار حكيم ببغاوات ليس إلا

[كيدهم] 06-10-2013 08:20 PM
يا نقطة سطر جديد الظاهر من كلامك انت ما سوداني لان السودانيين كلهم مكحلين بالشطة عارف ليه ولا نوريك ؟؟؟؟؟؟؟؟؟

United States [نقطة ، سطُر جديد] 06-10-2013 07:06 PM
قاتلك الله انت وبشيرك ونافع

كلام الوزير كله صحيح، ولو ما عاجبك اشرب من البحر او اتكحّل بالشطة

[مراقب] 06-10-2013 06:29 PM
والله الكذابين الكيزان مش الجنوبيين


#693178 [صابر]
5.00/5 (6 صوت)

06-10-2013 05:39 PM
طيب نصدق مين ديك العدة أم وزير إعلام حكومة جنوب السودان؟
أكيد حا نصدق السيد الوزير لأن جماعة الخرطوم محتاجين للدولارات مثلهم مثل جماعة جوبا. الفرق بين المدينتين أن الخرطوم تتخبط وتطلق التصريحات "المدروسة" وهي تعلم أنها لن تنفذها حتى لو كانت على لسان ديك عدتها وجوبا ترد على لسان الناطق الرسمي باسم الحكومة (شوفو الفرق في المستوى البروتوكولي) بعد أن تلقت المعلومات الأكيدة من الخرطوم؟
ديك عدتنا فقد المنطق.


ردود على صابر
United States [انس الكلس] 06-10-2013 07:21 PM
والله ما فهمنا شئ

[الكوز الفى الزير التحت الراكوبه] 06-10-2013 06:22 PM
يا صابر والله اجتهدت عشان اعرفك قاصد شنو برضو ما فهمته حاجه .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة