الأخبار
أخبار إقليمية
حالة الهيجان والهستيريا ..ما أشبه الليلة بالبارحة
حالة الهيجان والهستيريا ..ما أشبه الليلة بالبارحة
حالة الهيجان والهستيريا ..ما أشبه الليلة بالبارحة


06-11-2013 05:06 AM
بروفيسور/ محمد زين العابدين عثمان

حملت الأخبار الصحفية أن والى ولاية الخرطوم الدكتور عبد الرحمن أحمد الخضر قد تحدى الجبهة الثورية بدخول الخرطوم ولم يطمئن شعب ولايته أنه قد عمل احترازات أمنية تجعلهم هاديء البال لأن الإشارة لاحتمالات وصول الجبهة الثورية للخرطوم قد أدخلت الروع فى قلوب المواطنين العزل. وقال" نحن ما خايفين منهم لو جونا هنا بنلاقيهم هناك والزارعنا غير الله الليجى يقلعنا " وهذا كلام هلع إضافة الى أنه قول استفزازي قد يجعلهم فى مرحلة التحدى لغزو الخرطوم حتى ولو لم تكن لهم الفكرة من قبل وهو يعرف أن السودانى لا يرضى أن يستفز فأبن الحكمة فى ذلك؟ وفى نفس اليوم توعد وزير الحكم اللامركزى دكتور حسبو محمد عبد الرحمن باجتثاث متمردى الجبهة الثورية ومقاومتهم فى مناطق العمليات وأفصح عن مؤامرة تقودها جهات غربية تسعى لأسقاط النظام فزاد الطين بله وأضاق للجبهة الثورية قوة على قوتها فزاد مخاوف الشعب وزاد من روعه فما الذى يرتجيه مثل هذا المسئول من مثل قوله هذا؟ ومن قبله تحدث معتمد الخرطوم عمر نمر وهو رجل أمنى وصل رتبة لواء بجهاز الأمن الوطنى عن تأمين العاصمة مما يعنى أن يصدر مثل هذا القول من لواء أمن يعنى تأكيداً أن العاصمة معرضة للغزو من قوات الجبهة الثورية. هذا الحديث قد زاد الطين بلة وجعل المواطن العادى ساكن العاصمة فى خوف وهلع. هل هذه القيادات تريد ان تحمى المواطن أم تريد أن تجعله فى خوف وهلع دائم؟ هذا غير ما يثار فى أجهزة الأعلام المرئية عبر القنوات الحكومية والمتعاطفة من تهييج ودعوات الجهاد ودق طبول الحرب.

حالة الهيجان والهستيريا التى أصابت قيادات الدولة دلت على الضعف اكثر مما تدل على القوة والتماسك وهى نفس الحالة التى أصابتهم من قبل تجاه الحركة الشعبية لتحرير السودان بقيادة الدكتور جون قرنق وجيش الحركة يحتل المدينة تلو الأخرى حتى كبويتا وحملات صيف العبور تتوالى ودعوات الجهاد تشتد واعراس الشهداء تنصب وفى النهاية بعد سفك دماء خيرة شبابنا وتدمير كثيراً من البنيات الأساسية ارتضت الدولة تحت الضغوط الخارجية للجلوس للتفاوض ووصلت لأتفاق ودخل المرحوم جون قرنق رئيس الحركة الشعبية الخرطوم نائباً اولاً لرئيس الجمهورية وبطلاً قومياً أستقبل بالملايين فى الساحة الخضراء من قبل كل الشعب السودانى وخاصة شعب العاصمة القومية والنهاية فصل الجنوب فى طبق من ذهب فهل نريد ان نفعل ما فعلنا فى الجنوب مع دارفور وجبال النوبة والنيل الأزرق؟

أن هذه التصريحات وأجواء الروع التى يخلقها قيادات الدولة فى أجهزة الأعلام بتصريحاتهم المتتالية الغير مسئولة قد أدخلت الروع فى المواطن السودانى وصارت أحاديث الناس فى كل مكان وهى تصريحات ليست فى المصلحة ولها أنعكاساتها وأولها أنها توقف الأستثمارات ان وجدت كما ستوقف السياحة وهما نافذتان لجلب العملات الصعبة فى ظل أقتصاد متردى.

وللمواطن تجارب كثيرة مع قوات المعارضة والحركات المسلحة وتعلم أنها تستطيع أن تصل الخرطوم وتحتلها ولا يمكن تأمينها بالتصريحات, فقد دخل العميد محمد نور سعد عام 1976م وأحتل الخرطوم لمدة ثلاثة ايام. ودخل دكتور خليل أبراهيم وكان يمكنه احتلال الخرطوم لأن رادارات بصر وزير الدفاع لم ترصدها أو لآن زرقاء اليمامة ماتت قبل أن يستفيد منها وزير دفاعنا الهمام. هذا أذا أضفنا أن السلاح الآن بالعاصمة القومية على قفى من يشيل وأن هنالك كثير من الخلايا النائمة والمليئة بالغبن من نظام الأنقاذ.
ما دام السلاح ليس فيه منتصر ومهزوم بين الحكومة والحركات المسلحة ويستعمل من قبل الجانبين لأجبار كل الآخر للجلوس الى طاولة المفاوضات والوصول الى حل عن طريق التفاوض والوصول الى السلام , فلم أزهاق الأرواح وتخريب البنيات وأهدار الموارد والممتلكات أذا كان نهاية المطاف الجلوس للحوار؟ لم لا يكون الجلوس الآن بدلاً من مزيد من الخسران؟ أن ما قامت به الآنقاذ وما تقوم به الآن وباستفزازها للجميع قد أعطت كل المسوغات والشرعية والأعذار لكل من يريد ان يحمل السلاح فى وجه الدولة لأنها قد صارت عدوة لغالبية جماع الشعب السودانى ولا تعرف الا نفسها.
[email protected]


تعليقات 25 | إهداء 0 | زيارات 13828

التعليقات
#694467 [ehsan salih]
2.00/5 (1 صوت)

06-12-2013 07:37 AM
إذا عُرف السبب بطل العجب الراجل جاهو شمار حار من إيران وا لعراق فما قدر يستحمل نفسه من الفرحة أهه قام قعد فى الحوش و فك الكلوش.


#694420 [بديري عاشق]
0.00/5 (0 صوت)

06-12-2013 02:36 AM
ديل نسوان شهداء ابوكشولا بكره يعقد


#694402 [abusafarouq]
0.00/5 (0 صوت)

06-12-2013 01:26 AM
البشير بدل الرقص والفنجطة والعبط البعمل فيه ده كان أحسن يصالح ويعتذر للجنوبين وأهل دارفور وجنوب كردفان والنيل الازرق ويعتذل السياسة والدولة التى تأتى من بعده يدفع التعويضان لمتضررى الحروب على الاقل بعض الناس تسامحو والمامسامحين يمكن يتحاكم البشير داخليا ويقضى ماتبقى من عمر فى سجن كوبر بين نسائه وربعه وداخل وطنه أو أحسن كده يعمل نفسو عنتر ويلقى نفسو بدون أن يدرى فى لاهاى ويتحاكم هناك ويقضى باقى حياته فى سجون لاهاى فى غربة منفرد لايسمعه أحدا الا صوت الكلابيش وصراخ المعزبين وعمرو مايشوف شيىء أسمه السودان والمستغرب الشعب السودانى كله شعب متسامح وقلبه رقيق الا البشير ماندرى من أى فصيل هو أو جينة أتى منه البشير قاصى قلبه كالحجر أو أشد قسوة من الحجر يا أخى خاف ربك الذى خلقك إن لن تخف من خلق الله ما أنت بملك موت للبشر خاف الله ..


#694306 [عصمتووف]
2.00/5 (1 صوت)

06-11-2013 10:44 PM
صارت عدوة لغالبية جماع الشعب السودانى ولا تعرف الا نفسها.

بل لا تعرف حجمها الطبيعي هي كالطاؤوس نافش ذيلة بل هي المؤكد العدو الغبي المفغل النافع
يخرب عمارتهم عمارة عمارة وقصورهم قصر قصر الهي تصيبهم بجميع الامراض التناسلية خاصة دفع الله حسب الله


#694182 [طيف]
5.00/5 (1 صوت)

06-11-2013 06:56 PM
هل بردت حرقه امهات السودان بقفد ابنائهن ليقدمن شهداء اخرين .. اخجل يا رئيس من كلمه الشهاده دي ولملمو اطرافكم واذهبوا غير مأسوف عليكم .. جعلتونا شباب بلا امل ووطن بلا هويه ومستقبل مجهول لاجيال قادمه .. دمرتو كل اخلاق السوداني الاصيل بعمايلكم السوداء الله ينتقم منكم في الدنيالا قبل الاخره.


#694176 [radona]
2.00/5 (1 صوت)

06-11-2013 06:44 PM
ياناس انتو بتتكلموا كيف
شوفوا الصورة في اعلى المقال
اتخيل انت الرئيس وحواليك النسوان ديل بزغردوا ليك
مش اهيج واقفل انبوب النفط
حرم لاعلن انسحاب السودان من مجلس الامن وجامعة الدول العربية والاتحاد الافريقي ومش اقفل انبوب البترول بل اكسروا عديل كده كمان
ياجماعة حرم هيجة زي دي بنجلدوا فيها بالسوط
هع هله هله


ردود على radona
United States [Eimi] 06-11-2013 11:42 PM
ياساتر وينن النسوان ديل؟ ديل نسوان ديل ديل!!!!! وطيب لو كان في نسوان جد جد كان عمل شنو فينا اكتر من كِدة؟

European Union [جدودنا زمان] 06-11-2013 08:50 PM
قر قر قر قر


#694119 [الجقر]
4.75/5 (4 صوت)

06-11-2013 05:22 PM
البشير دا ما متربي عديل كدا وما ود ناس غير جعير وفنجطة وساقط القول ما عنده شغلة ..


#694105 [المندهش]
0.00/5 (0 صوت)

06-11-2013 04:56 PM
الله يستر


#694011 [ابوايمن الحلاوى]
5.00/5 (1 صوت)

06-11-2013 03:35 PM
الليله وسط النسوان التلاثه اتلموا ياعديلا لى ياهو بشبش ود اموا الرماده لى!!!! وعشان كدا لمن قال يابوالجاز قفل الدكان وجيب المفتاح معاو حق.. هستريا قدام النسوان عيب عيب......


#693978 [ابوعديلة]
4.50/5 (3 صوت)

06-11-2013 03:04 PM
عندما تقع الواقعة سوف يكون اولئك المتشدقون اول من يغادر هذا البلد ألى حيث تتكدس ثرواتهم التى نهبوها من الشعب السودانى . لكن والله لن نتركهم ينعمون بمليم أحمر منها وسوف نستردها ولو من حباب عيونهم . اولئك اللصوص الفجرة .


#693926 [alnileabdalla]
0.00/5 (0 صوت)

06-11-2013 02:25 PM
عندي سؤال بالجد حيرني حت بقيت انا منو اخاف للشنو السوداني يحارب سوداني كلنا شعب واحد ولو كان اي واحد ليهو مصلحة او مشكلة مع جهة معينة فيا جبهة ثورية ويا حكومة الوطن تقابلو بعيداُ عن الشعب الذي فيهو والدك وامك وعمتك وخالك .... الخ ، لا ذنب لهم في حربك وحدوو موعدكم وموتو براحتكم بعيداُ عن شعباُ مسالم وشعباُ مكارم ....


#693914 [جنى الباباي]
5.00/5 (2 صوت)

06-11-2013 02:13 PM
ولماذا يخاف المواطن الجبهة الثورية؟ فهم سودانيون مثلهم مثل المواطن الذي تشير اليه و لن يفعلوا اكثر من ما فعل نظام البشير


#693776 [سوداني يغلي]
3.75/5 (9 صوت)

06-11-2013 12:18 PM
يا البشير ويا علي ويا نافع ويا ودكرتي ويا الخضر ويا الباسم ويا الجاز (والتوابع) جاينكم جاينكم جاينكم في معقل دياركم !!!!!!


#693743 [khalid]
4.25/5 (5 صوت)

06-11-2013 11:40 AM
ملاحظة فى محلها يا بروف فهى ( حرب الخوف ) خوفهم على فقد ما نهبوه من مال وجاه وسلطان ياتى فى المرتبة الاولى والاخيرة وان تبقى شىء من السودان فاليكن معسكرات لاجئين واسواق للنخاسة العالمية هكذا هم .


#693727 [مدحت عروة]
4.50/5 (8 صوت)

06-11-2013 11:26 AM
الجهات الغربية واسرائيل لماذا تسعى لاسقاط النظام؟؟؟؟؟؟؟
عشان يجيهم نظام ديمقراطى فيه تراضى وتوافق وطنى يوحد البلد ويطفىء الحروب وتكون فيه تنمية مستدامة وشعبه اصلا بيقيف مع الحق الفلسطينى والقدس مسلمين او غير مسلمين وحتى لو حكمه علمانى سياسى ؟؟؟؟
انتو ناس الانقاذ ديل كذابين ولا جهلة ولا اغبياء ولا عارفين الكلام ده لكن عايزين يكذبوا على شعبهم؟؟؟؟؟؟؟
هو الغرب او اسرائيل لو نظام الانقاذ بيشكل خطر حقيقى عليهم وليس من خلال الحلاقيم والكوراك والذى منه غالبهم يسقطوه وهم سقطوا الاقوى منه؟؟؟؟؟؟؟
عليكم الله يا ناس شوفوا جنس الناس الحاكمننا ديل؟؟؟؟
معقول انحنا شعب غبى ودلاهة وغوغاء حتى نحكم بامثال هؤلاء؟؟؟؟؟؟؟؟


ردود على مدحت عروة
United States [رواب كرشولا] 06-11-2013 03:00 PM
اتفق معك في ان اسرائيل و الغرب لهم مصالح في بقاء نظام الافساد الانقاذي لتحكمهم فيه و ابتزازه بفزاعة لاهاي و الضغوط الاقتصادية و بالتالي تمرير اجندتهم و تمزيق البلد لاضعافه بايدي بلهاء الانقاذ .. و ما دق طبول الحرب الانقاذية الا دلالة علي وهن النظام و استقوائه بالتفاف الجبهة الداخلية بخلق عدو وهمي لاطالة عمر النظام المتهالك .. كاقصوصة حمد و النمر و ربنا يكضب الشينة .


#693642 [امجد النور]
4.50/5 (8 صوت)

06-11-2013 10:06 AM
الكيزان هم سرطان خبيث انتشر في جسد هذا الوطن الغالي والعلاج الأساسي هو الاستئصال ولأيمكن اجراء هذه الجراحة من غير دماء. النموذج الليبي هو الاقرب فلم تحرر العاصمة في البداية فقد كانت الثقل العسكري لنظام القذافي. كل ما نحتاجه هو تحرير مدينة رئيسة وذلك ليس صعب المنال إذا انضم المزيد من ابناء السودان من مختلف المناطق الى الجبهة الثورية لتعميق البعد القومي لهذه الحركة اضافة الى المزيد من العمل الإعلامي والدعم المادي للحل العسكري.


#693641 [المغفور له السودان]
4.50/5 (6 صوت)

06-11-2013 10:05 AM
كتمت
كتمت
كتمت
كتمت
اصبحت الخطابات ركيكه وسوقية لدرجة الغثيان
لكن نستاهل نحن شعب كثير الثرثره كسلان غالاط ضعيف الحس الوطنى
يحكمنا افشل وابلد خلق الله
نقراء القران ولا نعتبر ونتفكر
نقول بنحب الرسول ونحن ابعد باس منه
كان الله فى عون الجيل القادم جيل الحوت واغانى واغانى


ردود على المغفور له السودان
[انين الصمت] 06-12-2013 10:12 AM
والله يا المهندس شكلك لامهندس ولاحاجه ......امشي ياخ انتو الجبتو البله للسودان خلاص مشكلة البلد بقت محمود... ولو انت بتقول الحق ساكت 24 سنه وين من اهوال الظلم الانت بتقولو وبعدين منو العرفك اني ما بعبد الله انا بعبدو يمكن احسن منك بحن علي المسكين مطبقة الدين سلوك مش كلام ..... والاستغفار امشي انت اسغفر تتكلم عن انسان في زمة الله انت عارفو تاب ولا ما تاب .......اتقي الله رميته بالفسق يالله من هم الفاسقون انهم تجار الدين البشترو باسم الله الكذب ويكذبو ويقتلو الناس ويا كلو اموالهم ويهتكو اعراضهم .. وبعدين يجو يقولو هي لله ......والمصيبه يقولو منو البمشي النار ومنو البمشي الجنه انت عارف من الفي النار انت لو عارف بالله ورينا ....اللهم عليك بالظالمين الكاذبين الاشترو باسمك الكذب وظلمون وقهرونا وحتي صنفونا انت ارحم الراحمين اللهم كل من اسا الينا بقول اوعمل عليك به وانت ارحم الراحمين اللهم ارحم عبدك محمود فهو بين يديك اللهم لم نري منه ما راينا من غيره تجار الدين المنافقين اللهم ان كان محسن فزد في احسانه وان كان مسيء فتجاوز عن سيئاته

United States [فادي الوطن بروحه] 06-11-2013 09:39 PM
با مهندس أنت لم تكتب شء ذو أهمية حتى تخاف علبه من الحذف و في تعليقك هذا لم تفهم ما يقصده الاخ الذي رمز لاسمه بـ (( المغفور له السودان )) حين قال (( كان الله فى عون الجيل القادم جيل الحوت واغانى واغانى ) وهو أن هذا الجيل الضائع فاقد البوصلة و الهوية ما هو الا نتاج لهذه الحكومة فهو بسأل له الله أن يكون فيى عونه لبسلك الطريق القويم. فاذا ربطت ما بين السطر الآخير و الأسطر التي سبفته يستقيم المعنى لديك.

[مهندس] 06-11-2013 06:07 PM
يا انين الصمت

أسالك بالله العظيم ماذا قدم محمود غير تهيج الغرائز و الاغاني اي ابن الحلال حراااااااااااااااام من الكتاب و السنة يا رعاك الله لا تدعو الناس لسماع اغاني محمود او غيره يكفي انه مات وهو ما تاب من الغناء نوكل امره الى الله لكن الظاهر انه ما تاب من الغناء و من لم يتب فاولئك هم الفاسقون يا انين الصمت اتق الله و توب الى الله و اعرف ان الاغاااااني هي من اوردتنا الموارد يعني جيل كله محمود و اغاني و اغاني كيف ينتصر و كيف تنزل عليه رحمة الله ... ان الله لا يحابي احدا

و من هذا المنبر ادعو الله ان يجعلك من التائبين و المستغفرين بالاسحار
و اعلم ان الاغاني حرام و هل تتمنى يوم النشر و الحساب ان تبعث مع سيد الخلق و لا مع مجموعة اغاني و اغاني و محمود ...

امة تريد من يجدد لها دينها امة تائهة لا تعرف ثوابت الاسلام

قبل قليل قرأت قال احد الكتاب ان المرحوم قرنق يا اخواني من مات على غير الاسلام مأواه النار و بئس المصير

ليس هناك دين غير الاسلام و اعتقاد صحيح لا اشراك بالله العلي القدير

الرجاء من ادارة الراكوبة عدم الحدف

جزاكم الله عنا الف خير
و السلام عليكم و رحمة الله و بركاته

United States [انين الصمت] 06-11-2013 12:56 PM
والله لو انت بتعرف الحوت والله كنت حبتو ارجو ان تستمع لاغانيه وارجو ان تعرف محمود الانسان لانه انسان رائع مليان بالخير اكثر منك ماذا فعلت انت لوطنك لكنه فعل الكثير لوطنه ولجيل كامل من الشباب الذين احبوه ارجو ان تحترم محمود فهو في زمة الله وكان احسن منك ومن ناس كتيره لا هم لهم الاانتقاده ارجو ان تري تشيعة ارجوانتري هذا الرابط لتعرف لماذا نحبه
https://www.facebook.com/mahmoud.abda
اما الظلم الذي لحق بنا فان ليل الظلم مهما طول فهو قصيرومافي داعي تقول نحنا شعب كسلان ولكننا شعب محبط حتي النخاع شعب بكا من الالم ولننا شعب عظيم وحو السودانيه ما عاقره حتجيب لينا رئيس حقيقي


#693630 [elffatih]
4.50/5 (7 صوت)

06-11-2013 09:55 AM
ودى حقيقه اصبحت حكومة المؤتمر اللاوطنى عدوه لكل الشعب السودانى بالتصريحات غير المسؤوله وكل وزير يصرح على كيفيه ! وتحيه للشعب السودانى المناضل بين سندان اكل العيش ومطرقه المواصلات كأقل تعبير مما نعانيه من مظالم شتى من قبل هؤلاء الشرزمه لكن صبر جمل والله المستعان قرررررررربت تفرج ان شاء الله


#693618 [سيد احمد الشايقي]
4.97/5 (6 صوت)

06-11-2013 09:43 AM
يابروف ده اسمو نظام البصيره ام حمد


#693601 [تان]
4.50/5 (7 صوت)

06-11-2013 09:36 AM
أهل المؤتمر الوثني لايهمهم شئ غير الكنكشه في الكراسي خوفا ورعبا من الشعب وخيالهم المريض ومخهم المتعفن يقول لهم أن كراسي السلطه هي حمايتهم من المسأله وهم في ذلك واهمون وليسألو بن علي ومبارك وعلي عبد الله


#693552 [الوجع القديم]
0.00/5 (0 صوت)

06-11-2013 08:51 AM
جماع الشعب السودانى أم مجموع الشعب السودانى؟ صححنى يابرفيسور!عدوه أم عدو ؟


#693529 [المشتهي الكمونية]
4.44/5 (10 صوت)

06-11-2013 08:16 AM
كل بلاوينا بسبب الورل عمر البشير وعصابته الآثمة ، نتمنى أن تبلغ الجبهة الثورية أبواب الخرطوم وسوف نستقبلهم بالأعلام والطبول ونشترك معهم في مطاردة والقبض على كل منتسب للعصابة ، نحن في انتظاركم يا مناضلي الجبهة الثورية ، لا تتأخروا علينا ، هلموا هلموا فالجماعة قد طار صوابهم من الخوف والهلع


ردود على المشتهي الكمونية
United States [nagatabuzaid] 06-11-2013 12:39 PM
نعم كل البلاوى من عمر البشير واتباعه ومن يوالونه واصبحوا سعرانين عدييل خارج وداخل السودان لكن اقول ليك حقيقة ان لا قدر الله وبلغت الجبهة الثورية ابواب الخرطوم لن نستقبلها بالاعلام ولا بالطبول لانه عمر البشير واتباعه بالداخل حيفكوا البيرق وياروح ما بعدك روح حتى الطالقنهم لينا فى الانترنت حينسوهم الا فى حالة يكونوا اولادهم من ظهرهم
يبقى فى حاجة واحدة هى السودان ناسك ديل ياكمونية الاسرى اعدموهم سواء بالتعذيب او غيره فكيف نامنهم مادام لم يرعوا حقوق الاسير ديل لا قدر الله سيكتسحوا الخرطوم ولن يتوجهوا لمقر البشير وصحبه الكرام وان اتجهوا لن يجدوه وحيفشوا غلهم فى الشعب وان شاء الله سيجدوا الشعب سد منيع ونسال الله ان يجعل العواقب سليمة الخرطوم رمز السيادة يا كمونية ولن نتهاون البشير ومن يوالونه فى 60 مليون داهية ويبقى السودان


#693526 [ابو ابراهيم]
4.50/5 (4 صوت)

06-11-2013 08:07 AM
دا نفس الكلام القالو رئيسهم في السابق ( اعاوز يحكم فاليحمل السلاح ) واليوم كل اهل السودان يحملون السلاح


#693494 [بريش منصور]
4.50/5 (3 صوت)

06-11-2013 06:17 AM
قلت وأكرر دائماً أن هذا النظام يسير بغير رشد ولا هدى، وليست له خطط واستراتيجيات، وإنما يبنى قراراته الخاطئة دوماً على النفخ والعنتريات والرقص على الطبول وهذا لا يفيد ولايجدى، بل أن مثل هذه القرارات الهوجاء أضرت بالوطن والمواطن، فإلى متى نصبر على هذا الحال والى أين المآل.


#693490 [هدهد]
5.00/5 (2 صوت)

06-11-2013 05:52 AM
بعد ان يموت نصف هؤلاء العساكر سوف تقوم الحكومة بتوقيع اتفاقية سلام مع ثوار الجبهة اشبه باتفاقية نيفاشا فهاهو الجيش بدأ يضعف ولا يقوى على دخول معارك جديدة وفقد كثير من سلاحه ومعداته لذلك سوف نفاجأ فى اى لحظة بتوقيع اتفاقية جديدة مع الثوار ويكون نفس المسلسل السابق بعد خراب سوبا وهذه هى عادة الحكومة دائما .


ردود على هدهد
[لاهاى] 06-11-2013 01:55 PM
ثووار منو البوقعو اتفاقية مع الحكومة, و ياتو حكومة؟ مافيش حاجة اسمها حكومة فى قاموس الجبهة الثوريةبعد الانتصار عليها, بل سيكون كل افراد الشعب السودانى المساند للتغيير, كل المظلومين هم الحكومة, و الاجراءات ستكون, و مصدرها الشعب السودانى صاحب الحق المفقود, و الذى سلبته الحكومة المستهدفة بواسطةالجبهة الثورية سند الغلابة.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة