الأخبار
أخبار إقليمية
د. فيصل وزير الثروة الحيوانية : أنا سعيد لأن سعر الخروف بـ(مليون)
د. فيصل وزير الثروة الحيوانية : أنا سعيد لأن سعر الخروف بـ(مليون)
 د. فيصل وزير الثروة الحيوانية : أنا سعيد لأن سعر الخروف بـ(مليون)


الصحيح أن يقال إن سعر الجنيه قد هبط وليس ارتفاع سعر اللحوم
06-11-2013 12:04 PM
الخرطوم: عمر عبد السيد:

قال د. فيصل حسن إبراهيم وزير الثروة الحيوانية والسمكية والمراعي، إنه سعيد بارتفاع سعر الخروف ووصوله لأكثر من (مليون) جنيه، واعتبر أن هناك ظلماً ونسياناً من الدولة لقطاعات وزارته الثلاثة، ودافع عن الراعي والمراعي.

وقال: ليس هناك تأمين صحي ولا اجتماعي للراعي ولا للمراعي ولا توجد أية جهة تعوضه إذا خسر، وأضاف: (الناس بقولوا كيلو اللحمة بـ «50 و60» جنيهاً)، وتساءل: (كيلو السكر بي كم.. وجركانة الزيت بي كم)، ولفت إلى أن الصحيح أن يقال إن سعر الجنيه قد هبط وليس ارتفاع سعر اللحوم لأن كل المنتجات قد ارتفعت أسعارها.

وانتقد د.فيصل حسن إبراهيم سياسات الحكومة تجاه وزارته، وقال: الحكومة لا تضع الثروة الحيوانية والسمكية والمراعي ضمن أولوياتها، وأضاف: (أنا كوزير لا أعرف حتى الآن موقع الثروة الحيوانية في أجندة وأولويات الحكومة).

وكشف الوزير لدى تقديمه بياناً عن سياسات وزارته لزيادة الصادرات بمجلس الولايات أمس، عن امتلاك السودان (104) ملايين رأس من الماشية بعد انفصال الجنوب، وشكا من تحديات وعقبات تلازم الصادر، أهمها عدم وجود مسالخ ولا قوانين للتسويق ولا مدابغ حديثة، بجانب رفع الدعم عن المحروقات مما زاد تكلفة النقل البري بنسبة (25%) والجوي بنسبة (60%)، ونوه لتصدير حوالي (3.770.240) رأساً بنسبة (3%) العام الماضي، وعزا ضعف الصادر لقلة الوعي الاجتماعي لأصحاب المواشي واهتمامهم بالكم وإهمال النوع واستخدام بعضها للتفاخر وشيخوخة البعض، وقال إنّ جملة عائدات الصادر في العام الماضي بلغت (452.664.518) دولاراً من حصيلة (3.770.240) رأساً من الحيوانات الحية و(6.918.92) طنا من اللحوم و(3.858.836) قطعة من الجلود، أما في العام 2013م وحتى الآن تم تصدير أكثر من (1.682.239) رأساً من اللحوم الحية و(1.205.351) طناً من اللحوم، بجانب (4.324.103) قطع جلود.

وأقر د.فيصل بعدم وجود سياسات واضحة في التعامل مع ملف الأراضي واعتبرها واحدةً من أكبر الإشكالات خصوصاً تحديد استخدامها (سكن - مرعى - زراعة)، وقال: صرفنا أكثر من (7) مليارات لتطوير قطاع المراعي منذ انضمامنا للوزارة، وجمعنا أكثر من (50) طناً من البذور وحتى الآن لم نستلم مليماً واحداً من المالية لنثر هذه البذور على المراعي، وأشار إلى أن الإتحاد الأوروبي أوقف دعم الثروة الحيوانية السودانية منذ العام 2007م لإضعاف ثروته الحيوانية مما يؤثر على الصادر، بجانب دعمه لعدد من دول الجوار بهدف تقويتها وتربعها على عرش الصادر.

وأبان أن السودان فقد السوق السعودي كأحد أسواق الصادر منذ 2007م لجهة اشتراط السعودية مواصفات أمريكية قاسية وغير متوافرة بالسودان، وأقر بأن الدولة لا تمتلك إلا مسلخاً واحداً وبصورة رديئة ولم يهيأ منذ 1971م، وأقر بأن الدولة ليس لها استعداد لصيانته ولا لبناء مسلخ آخر، بجانب أن النقل الجوي والبحري والبري غير قادر على نقل الثروة الحيوانية مما قلل الصادر، وقال: (نحن محكومون بمواصفات عالمية والحكومة لا تساعدنا في الوصول لها).

من جانبهم، اعتبر نواب المجلس، أن الثروة الحيوانية تعتبر البديل الحقيقي للبترول، وانتقدوا الوزارة لعدم اهتمامها بالثروة السمكية، خصوصاً في ظل إنشاء وتعلية عدد من السدود، وطالبوا بتوفير معدات الصيد الحديثة وتدريب الصيادين، واعتبروا الصيد الحالي (متخلفاً).

الراي العام


تعليقات 30 | إهداء 0 | زيارات 10994

التعليقات
#695239 [نواس الانصاري]
0.00/5 (0 صوت)

06-12-2013 09:41 PM
رد عام
ياشباب الراجل المتواضع دة كلامو اظن واضح مافيهو لبس يعني نحنا زاتنا معاكم فى الجك بس يعني كان مؤتمر اوغيرو ما اظن يقدر يعمل شي


#694868 [محمد]
0.00/5 (0 صوت)

06-12-2013 01:56 PM
ناس كردفان رأيك فيهم شنو احسن حاجة الخروف يبقى بى مليون وزيادة لانوا منجات الشمالية كلها طارت السماء ليه انحنا فى كردفان منجاتنا ما تكون ليها وزنها فى السوق برافووو فيصل بالرغم من اختلافى السياسى معك


#694349 [بت حبوبتها]
0.00/5 (0 صوت)

06-11-2013 11:38 PM
نحن سعيدين لأن وزيرنا سعيد بسعر الخروف البي مليون..ودايرين وزيرنا يسعد أكتر بل ويصل قمة السعادة لذلك حنعملا ليه مفاجأة ونشتري الخروف من بكرة بي 2 مليون..شي حلو تخلي الآخرين يسعدوا !!


#694342 [مدحت عروة]
0.00/5 (0 صوت)

06-11-2013 11:29 PM
يا دكتور فيصل نحنا عارفين كل حاجة عن السوق السعودى وحكاية فقده وهو سوق كبير جدا مش للحوم فقط بل لكل المنتجات الزراعية من حبوب وبستانية وغابية الخ الخ الخ!!!!!!
لكن قول لى كيف يتطور قطاع الثروة الحيوانية بل الزراعة و الصناعات المرتبطة بهم والصحة والتعليم اللى هم اساس نهضة البلد اذا كان معظم الميزانية ذاهبة الى القطاع الامنى؟؟؟؟؟؟؟
مش كان افضل اذا كان حكومة الانقاذ دى حلت مشكلة الحكم بالوفاق والتراضى الوطنى يعنى حل سياسى سلمى عشان توفر اى مليم لتطوير القطاعات المذكورة اعلاه؟؟؟؟؟؟؟
الانقاذ او الحركة الاسلاموية يا دكتور فيصل وانت عارف الكلام ده عندها الجلوس على سدة الحكم ومطاردة المعارضة اهم شىء وخط احمر حتى ولو هلكت الثروة الحيوانية او حتى المواطن ذاته وفقد عيشه وامنه واحتلت اراضيه و استصلحت من الغير!!!!!
راعى الضان فى الخلا عارف ان الانقاذ او الاسلامويين فشلوا فى ادارة الوطن فشلا ذريعا وانظر لحال البلد الآن وحاله فى 30 يونيو 1989 من الناحية السياسية والامنية والاقتصادية والاجتماعية والاخلاقية والفساد الذى استشرى فيه!!!!!
انا لو محلك كان قدمت استقالتى احتجاجا على تجاهل الحكومة لهذه الثروة المتجددة وبذلك تكون قد قرعت الجرس!!!!!


#694322 [سودانى منفرج الأسارير]
0.00/5 (0 صوت)

06-11-2013 11:07 PM
يا اللى علّقتو كووولكم بين ماذه وقادح ومفتفت تلج .. بالله ذا كلام يقولو زول عندو دره من عقل خليهو يكون وزير مسؤول .. طيب بتقعد فى مجلس الوزرا وتمشى البرلمان و مكتبك بتأمر وتنهى وتعيّن وترفت باى صفه!! اذا انت يا سيادة الوزير ما عارف اين تقع مهام وزارتك فى مصفوفة اولويات الحكومه اللى بتصرف راتبا ومخصصاتا المتعدده.. عن اى سياسات او منجزات بتتكلم عنها وقاعد تعمل شنو!! لماذا لم تفصح عن اسباب انفراجك ألأساريرى وسعادتك بوصول سعر الخروف مليون جنيه ..هل تيمنا بكوبليه اغنية سمسم القضارف "مليون جنيه من "نعاجو" ما بفرقنّو" .. الكلام البتقول فيهو دا الحكومه عارفاهو ولا ما عارفاه..وحسّا انت تشكو بثك للشعب السودانى دا عاوزو يعمل شنو؟ يثور ويغير النظام اللى انت جزء منو .. هل انت فاكر كلامك دا حيشفع ليك عند الزلزله كان فى الدنيا كان فى الآخره!! ونقول للمعلق عن تعيينك مديره فى الدرجه التالته ما بتعرف عن ألأسماك اى شى .. يعنى حتى "تحمير السمك ما بتعرفو ..!!!
انه شيء عجييييييب يا نيكيتا!!!


#694319 [حسن]
0.00/5 (0 صوت)

06-11-2013 11:00 PM
اين انت ايها المشتهى السخينه فى انتظار وجهة نظرك فى الوزير التايه ده


#694314 [راصد متابع]
0.00/5 (0 صوت)

06-11-2013 10:52 PM
الوزيز دا اهلو ناس كردفان اتلموا عليه وما طلعتو الا رجليه..رقوه وزير اتحادي حسي يبدو ان الوزارة فلست من المال والبياطرة..يكرر نفس الاسطوانة بطاعت ما في امكانيات وما في قروش وهو يكون منسق مع الحاج ساطور ووزير الاستسقاء ويا بلد عليك السلام..اهان ديل كمان مجموعة جنجويد كردفان المضامين مع جنجويد دارفور


#694218 [samaky]
0.00/5 (0 صوت)

06-11-2013 07:54 PM
هل تعلمو ياجماعه ان هذا الوزير عين مديره للاسماك من الدرجه الثالثه لاتعرف شي عن الاسماك وكيف يتم تطوير الصيد والاسماك وصدر قرار من ديوان العداله ولم ينفذ وهنالك كفاءات في الدرجه الاولي والثانيه ولمده سنتين الاسماك بورة مشاكلز


#694167 [radona]
0.00/5 (0 صوت)

06-11-2013 06:31 PM
ليه الخروف بقى بمليون ولييييييييه
السؤال هو من يشتري هذه الخراف ... ولحم الضان تاكله ال..............
من يشتري التفاح من يشتري الموز من يشتري البرتقال من يشتري العنب من يشتري الكمثرى
من ياكل وجبتين
من ياكل الدجاح والبيض
من ياكل الفول
كل هذه تحتاج لاجوبة ومصيرنا في يوم ما ان نعرف الجواب
لان هذه السلع متوفرة على ايتها في السوق وحتما هنالك من يشتريها والا لن تكون موجوده
البعر يدل على البعير
ونحن بصدد البعران


#694109 [ابو جهينة وجزار حلتنا]
1.00/5 (2 صوت)

06-11-2013 05:02 PM
### ابو جهينة وجزار حلتنا بشير ابو فقرة :

@@@ يا بشير ابو فقرة ,كدى خت لينا بالله وزينا (اقصد وزيرنا) فيصل حسن ابراهيم فى كفة والكفة التانية خت لى فيها صحفينا فيصل محمد صالح (مسجل الماراثون العالمى فى المساسقة بين البيت ومكاتب الامن ).

@@@ وعليك الله الشحم ما تطلعو قبل الميزان , بعد داك ورينى الطالع والنازل فيهم ياتو ؟؟؟


#694104 [ادم]
5.00/5 (1 صوت)

06-11-2013 04:56 PM
الدكتور فيصل حسن ابراهيم من انزه الشخصيات اداري ووزير محنك انا شخصيا عملت معه واعرفه جيدا بس لا حياة لمن تنادي


ردود على ادم
[جركان فاضى] 06-11-2013 07:26 PM
وكيف تم اختياره كوزير فى حكومة فساد وافساد؟وماهى المعايير التى يتم بها اختيار وزير فى نظام الابادة الجماعية والحروب والفتل وتجويع الشعب ؟فالطيور على اشكالها تقع فالوزير طير وقع على اشكاله المنافقين وتجار الدين


#694080 [الكردفاني الاصيل]
5.00/5 (1 صوت)

06-11-2013 04:26 PM
تسلم يا دكتور ...... هكذا عهدناك صريح لاتخاف في الحق لومه لائم .... بس الناس دول ما بشبهوك يا دكتور ....... دول مافيا وحراميه وعنقاله وعنصريين وجهويين .... والكلام القلت ده ما برضي كلاب الانقاذ واللوبي الخفي المدور الرئيس الطرطور ........ بالجد حرام عليك وظلمت نفسك ان تكون مع ( البشير الاهبل وعبدالرحيم ابو رياله وابو عفين ............ الخ ) ..يا دكتور محتاجين ليك هنا في الولايه المنسيه ده ... الوالي العوير ده جمع كل الحراميه والمطبلاتيه حوله والفاشلين ...... ده عملوهو والي كيف ؟؟؟؟؟؟؟ يا اخي ده كشك كتير عليهو ؟؟؟؟؟؟؟؟؟؟؟؟؟؟؟؟


#694075 [heema]
5.00/5 (1 صوت)

06-11-2013 04:21 PM
وانتقد د.فيصل حسن إبراهيم سياسات الحكومة تجاه وزارته، وقال: الحكومة لا تضع الثروة الحيوانية والسمكية والمراعي ضمن أولوياتها، وأضاف: (أنا كوزير لا أعرف حتى الآن موقع الثروة الحيوانية في أجندة وأولويات الحكومة).

التعليق :

طيب مدام الحاجات دي كوووووولها مافي انته ياوزير السجم القاعدلها شنو ووزير على شنو انته جابوك عشان تنتقد ولا تشتغل يعني نحنا نستفيد شنو هسي من مقالك الفطير البائس ده طيب ماتنكشح وتغور ف ستين دهية .. ولا اقول ليك حاجه اعمل ليك حواشة ورا وزارتك وجيب ليك فيها شوية غنم وخرفان وبقر وربي وبيع ومن ريعهم غطي مخرجات وزارتك وكمان جنب ليك للبيت ولي معارفك شوية من المنتوج اللبني واللحمي

ماعارف موقع الوزارة قال ياجماعة في زول بيعرف موقع الوزارة بتاعتو يدل الزول الضايع ده عليها
حسب الله ونعم الوكيل


#694067 [سيد الاسم]
1.00/5 (1 صوت)

06-11-2013 04:15 PM
الراجل الدميم دا حكايتو شنو


#694052 [ابوايمن الحلاوى]
5.00/5 (1 صوت)

06-11-2013 04:06 PM
خلاص لهطوا كل حاجه ودمرتوا كل ركائز الاقتصاد وبعتوا الجمل بما حمل الجزيره؛التامينات الاجتماعيه الخطوط السودانيه ؛الخطوط البحريه؛ البرق والبريد والهاتف؛الاسواق الحره؛مصانع النسيج؛ المحالج؛ الفندق الكبير؛ الفلل الرئاسيه؛ اليخت الرئاسى منو الشالو ولا وين محله؟؟؟؟ وباعوا حلايب شلاتين ابو رماده وسببها الثعلب المحروق على عثمان والسبب هو ادرى!!!!! وبتاع البهائم دا مالوا كمان عاوز اداقرنا فى سمك البحر ؟؟ كمان دا عليو رسوم وضرائب ولاشنو؟؟؟؟؟ اللهم لا نسالك رد القضاء والقدر ولكن نسالك اللطف فيه...وياوزير البهائم العب حارس مرمى احسن ليك!!!


#694032 [امير أبوقنايه]
0.00/5 (0 صوت)

06-11-2013 03:51 PM
يا راجل إتق الله فالشعب السوداني لا يستحق كل هذا منكم وأتقو دعوة المظلوم وثورة الجياع


#694024 [ابوسحر]
4.00/5 (1 صوت)

06-11-2013 03:45 PM
ماكل خروف بمليون وشارب شاي بسكر والناس ما لاقية وبتشحد حق الدواء-ظظظ عجائب وغرائب؟؟؟


#694014 [ابو السارة]
2.00/5 (1 صوت)

06-11-2013 03:37 PM
الله علي الاحصاءات الدقيقة104مليون دي كيف حسبتوها؟؟؟؟؟؟؟؟؟؟


#694006 [AMJAD]
0.00/5 (0 صوت)

06-11-2013 03:31 PM
الوزير دا جنا و لا شنو؟ بيقول فى كلام خطير على حكومته , يبدو قالو ليهم اى واحد يصرح بالحقيقه التى يعرفها كل الناس , ما قالوا نحن ممكن نكون سلة غذا العالم و صرنا العالم كله ياكلنا لله حتى حكومتنا صارت ديونها 45 مليار منو البدفع الفلوس دى بعدين؟ بقينا ناكل الكلاب و لحم الحمير و الفطايس من البقر و الدجاج و على عينك يا تاجر , خروفك ابو مليون تركناه زمان و رجعنا للويكاب و السخينه , غايتو الرماد كال حمد , وين قرايتك بتاعة البيطرة راحت ؟ انت فى جامعة الخرطوم درسوك شنو؟ و لا كنت ما فاضى مع معلمكم الكبير الترابى و الفشل فى وشك ظاهر يا فاشل , قال وزير قال , انت لما كنت عندنا والى فشلت , كمان رقوك وزير , اصلو الانقاذ سياستها الرجل المناسب لتفشيل المكان المناسب , وين برامجك لاستقرار الرعاة الرحل و عمل حظائر تسمين الماشيه للحوم و الالبان ما درسوه ليك فى الجامعه عليك الله , النعجه فى استراليا بتلد 4 و كمان عاوزين يولدوها 6 يبدو ما سمعت بهذه البرامج , حدث اخوك الوالى ود الخضر البطرى الثانى اصلو الله ابتلانا بيكم و قول ليه ولايتك وسخانه و النظافه من الايمان و قاعد اشيل مننا حق النفايات عاووين نعرف وين بتمشى قروشنا


#693999 [KALAS.]
2.00/5 (1 صوت)

06-11-2013 03:25 PM
وزير جاهل لا يدرى مهامه طيب يا العشا انت جابوك و عملوك وزير عشان تضع الثروة الحيوانية و السمكية و المراعى فى الاتجاه و تعمل على تطويرها ول انت عايز تكون وزير بلا فكرة و تخطيط لوزارتك و يا السيد الوزير يجب ان تحزن لارتفاع سعر الخروف الى مليون لانو انت بلد منتج يعنى ما مستورد و معروف فى كل العالم صاحب الاقتصاد الصحيح و المسؤلين العارفين مهامهم ان المنتج المحلى يجب ان يكون ارخص من المستورد ول شنو يا وزير الخرفان؟ اذا لم تستطيع انجاز اى تقدم فى وزارتك لماذا لا تكون شجاعا و تقدم استقالتك و تعطى الفرصة لشخص اخر يمكن ان تكون لديه افكار و خطط تساهم فى تطوير و تقدم اقسام الوزارة الثلاثة و يكون المستفيد هو الشعب ، و لكن حينها لن تكون هناك فارهات لخدمة المدام و العيال و اللازم منو و عليه امسك و عضى الكرفته تمام عشان ما تطير الراحات بلاوى تبلى امثالك .


#693991 [ابو الكبش]
5.00/5 (1 صوت)

06-11-2013 03:13 PM
وهمْ× وهم× وهم


#693988 [مدني الحبيبة]
4.00/5 (2 صوت)

06-11-2013 03:11 PM
وطيب قاعد مكنكش لي في منصبك حتى هذه اللحظة ، ماتستقيل لان وظيفة وزير تعني سياسات وخطط وبرامج تنفذ ، لا ان تتحدث عن المشاكل كبقية المواطنين ، هذه الايام كل المفسدين يحاولون تبرئية الزمة بتلك التصريحات العقيمة ،


#693938 [Rio]
3.00/5 (1 صوت)

06-11-2013 02:33 PM
ده وزير معانا ده ؟ امشي كده وانت فرقك شنو من الخروف ؟


#693855 [غايتو]
0.00/5 (0 صوت)

06-11-2013 01:13 PM
فقد السوق السعودى وانخفاض الصادر عموما يفترض أن يؤثر فى اسعار اللحوم لتوفرها ودا ما حصل وما حيحصل ياسيدى الوزير / وانت بتشتكى لمن ما انت الحكومة ما انت الوزير , غايتو غريبة والله !!!!


#693844 [krkasa]
0.00/5 (0 صوت)

06-11-2013 01:02 PM
العملات ترتفع وتهبط وتستقر حسب حال حكوماتها ..؟؟..والحال من بعضو..؟؟


#693840 [ABU SHAWARIB]
5.00/5 (3 صوت)

06-11-2013 01:01 PM
ده أول وزير يقول الحقيقة

توقعوا أن يشوتوه فى التشكيلة القادمة التى تشابه تشكيلة فريقنا القومى لكرة القدم
فمجلس الاتحاد ( نوام المجلس الوطنى )هم نفسهم والمدرب ( مازدا - البشير )

والاثنين ك (البوربون ) لم ينسوا شيئا ولم يتعلموا شيئا

ومن لم يساير التطور فقد تأخر بل تأخر كثيرا


#693829 [علي دينار]
5.00/5 (3 صوت)

06-11-2013 12:54 PM
يعني هسي في السودان البعشوم بقي في خبر كان الخروف بمليون جنيه , طيب المعدات الصيد الحديثة ؟ الناس يشركو الطيور ولا شنو؟


#693824 [ALIIIIIIIIIIIIIIIIIIIIIIIIIIII]
5.00/5 (2 صوت)

06-11-2013 12:53 PM
حقو تشيل نواب المجلس ديل زاتهم وتضبحهم وتصدر لحومهم للخارج لانهم اكثر خونة خانوا الشعب السوداني حسع بكرة ينططوا ويوافقوا علي اي زيادة حاصلة


#693810 [المتجهجه بسبب الانفصال]
4.00/5 (7 صوت)

06-11-2013 12:43 PM
وأقر بأن الدولة ليس لها استعداد لصيانته ولا لبناء مسلخ آخر، بجانب أن النقل الجوي والبحري والبري غير قادر على نقل الثروة الحيوانية مما قلل الصادر، وقال: (نحن محكومون بمواصفات عالمية والحكومة لا تساعدنا في الوصول لها).


طيب ما تجدع ليهم استقالة في وشهم ما طالما كل الحاجات دي مافي ،،،


#693804 [shah]
4.99/5 (9 صوت)

06-11-2013 12:41 PM
فرحان لأن الخروف بقى بى مليون ... ما إنت ماكل لحمتك بلاش شن همك.


ردود على shah
[عبادى] 06-12-2013 12:41 AM
فى دولة الانقاذ ينخفض سعر الانسان السودانى ويرتفع سعر البهيمة علما بان الكيزان من الان سوف نطلق عليهم لقب الخرفان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة