الأخبار
أخبار إقليمية
فبركة اليوم : بنك السودان يضخ (350) مليون دولار بالمصارف
فبركة اليوم : بنك السودان يضخ (350) مليون دولار بالمصارف
فبركة اليوم : بنك السودان يضخ (350) مليون دولار بالمصارف


دعا لحسم فوضى إرتفاع الدولار
06-12-2013 08:00 AM

الخرطوم: هالة حمزة

ضخ بنك السودان المركزي أكثر من (350) مليون دولار لتغطية الاحتياجات الضرورية بالنقد الأجنبي، إلى جانب ضخه في الأسبوع المنصرم أكثر من (25) مليون دولار للبنوك، لمقابلة التزامات صغار المستوردين، فضلاً عن المبالغ الموجودة آنياً بالبنوك لتلبية احتياجات أولئك المستوردين، إلى جانب وجود ما يربو على الـ(10) مليون دولار طرف البنوك عبارة عن (10)% مخصصة من حساب عائد الصادر لتغطية طلبات استيراد الأدوية.
ودعا رئيس اتحاد الصرافات عبدالحميد عبدالباقي سراج الأجهزة المختصة لحسم الفوضى التي يسببها ضعاف النفوس من تجار العملة بالسوق الموازي، حماية للاقتصاد الوطني، واصفاً الأسعار الحالية للدولار بغير الحقيقية، نافياً وجود عمليات بيع وشراء للدولار بالأسعار المذكورة، والتي قال: إنها افتعلها وفرضها التجار على الواقع زيادة لأرباحهم.

السوداني

يقرأ مع هذا الخبر :

http://www.alrakoba.net/news-action-show-id-99689.htm


تعليقات 14 | إهداء 0 | زيارات 5695

التعليقات
#695207 [Almo3lim]
5.00/5 (1 صوت)

06-12-2013 08:29 PM
و خد كمان عندك تأكيد لأن الخبر مفبرك و لا يمر حتى على طفل ...
-------------------------------------------
بتاريخ 2013/06/05
http://www.alrakoba.net/news-action-show-id-101534.htm
من جانبه، حذر رئيس لجنة الطاقة والتعدين بالبرلمان عمر ادم رحمة من خطورة استمرار مصانع السكر بشكلها الحالي لكونها مهددة بالتوقف تماما، وطالب بعدم الاستعجال في تحديد نسب الشراكة «70%» للمستثمر و30% للحكومة» لحين الفراغ من تحديد قيمة الاصول.
واقر بعجز الحكومة عن توفير 800 مليون دولار للأعمال المتصلة بالتوسعة والتأهيل والتحديث لمصانع السكر بهدف الاستمرار و طالب بعدم التعويل علي الاموال التي كانت تخصم سنويا من المزارعين بهدف الإحلال، وقال ان خزانة المالية خاوية ومافيها «قرش»،
-------------------------------------------

الغريبة ان البشير في تصريحاته أول أيام أنقلاب (الشؤم) قال :

أن الأحزاب تركت خزينة الدولة خاوية ...

و االيوم أيضا خاوية ..

فماذا قدمتم للإقتصاد السوداني عبر 24 سنة ؟؟؟؟


#695153 [عادل السناري]
0.00/5 (0 صوت)

06-12-2013 07:05 PM
الكضب حبلو قصير - الكضب جحر كان ( نخوه ) حدو بتلحق -- نخوه تعني ادخال عصاه في الجحر --- الكضب ضل ضحي بيطلع النهار و بروح الضل - يوليو قريب ننتظر و نشوف .


#695144 [كاك]
0.00/5 (0 صوت)

06-12-2013 06:57 PM
والله نحنا مساكين ديل يطلعوا قرار لرفع قيمة الدولار يبيعوا في السوق وطبعا قبل القرار يلموا كل الدولار الموجود في السوق ثم يفبركوا بخبر ضخ الدولار وينزل القيمة ويشتروا كل الدولار ثم قرار يرفع قيمة الدولار ويبيعوا والساقية مدورة


#695077 [alwadah]
5.00/5 (1 صوت)

06-12-2013 04:56 PM
وبنك السودان ده وكت عنده الدولارات دي كلها . ليه طفش المستثمرين وعدم البلد الادويه بما فيها المنقذه للحياة . يعني هسه اي متضرر يفتح فيه بلاغ ولا رائكم شنو ؟ .


#694846 [أأه يا بلد]
5.00/5 (1 صوت)

06-12-2013 01:35 PM
تعبتونا وااله ،،، إذا فى سلعة كان سعرها 500 جنية
وصارت 900 جنيه يعنى الزيادة 80 % وبالمقابل زادت قيمة الدولار
من 6 الى 8 جنيه والزيادة تساوى 33 %من هو المظلوم
المستثمر ،،، المغترب المجبور على أهله ،، أي إنسان يريد
تعمير أو شراء فهو يخسر غير عملات التحويل 46 % من قيمة تحويلاته
هذا لا يحدث فى العالم ويعد سرقة رسمية بحماية الدولة


#694845 [المشتهى السخينه]
5.00/5 (2 صوت)

06-12-2013 01:34 PM
عشان كده الدولار نزل فجأة .. الدولار الواحدبقى بجنيه .. والثلاثه دولار بأثنين جنيه .. والكوم بخمسه جنيه .. علينا جااااى ..


#694836 [الاشعرى]
5.00/5 (1 صوت)

06-12-2013 01:23 PM
واللة كذابين
انت مفتكرين الناس عنها قنابير
البنك المركزى نظيف
الاقتتصاد مدرسة وعلم ونظريات وليس كذب


#694774 [محمد كرياب]
5.00/5 (1 صوت)

06-12-2013 12:33 PM
قبل اسبوع اتباعة اراضي في السعودية بمنطقة الوادي الاخضر بتكون دي قروشهم ولكن السؤال حتكفي البلد لمدة كم بالتاكيد الدولار حيرتفع بعد شهر أوشهرين المسالة مسالة وقت فقط


#694747 [ameerali]
5.00/5 (2 صوت)

06-12-2013 12:02 PM
على اليمين بنك السودان وحكومة السودان ماعندها 500 الف دولار خليك من 350 مليون دولار واحمدو ربكم ياحكومة السجم والرماد انو التجار بتصرفو بطريقتهم الخاصة وبستوردو البضائع وممشين حالهم بعرفهو كيف يجيبو النقد الاجنبي عن طريق التحاويل من دول خارجية لو ماكان كده كان السودان دا حصلت فيهو مجاعة ياسجمانييين.


#694736 [غايتو]
5.00/5 (1 صوت)

06-12-2013 11:51 AM
ضخت الأموال - نعم - السؤال لمن ؟ من هم المستفيدين . أفصحوا عن الاعتمادات وأصحابها . أعتقد أن الموضوع لعب فقط والمسنفيدون هم لوحدهم !!! غايتو الله كريم علينا .


#694698 [ABO ALKALAM]
5.00/5 (1 صوت)

06-12-2013 11:21 AM
علي الطلاق بنوك السودان كلها مافيها مش 350 مليون حتي مافيها

35 مليون دولار اشاعة رخيصة


#694642 [احمد حسن ابوكدوك]
5.00/5 (3 صوت)

06-12-2013 10:45 AM
إنها افتعلها وفرضها التجار على الواقع زيادة لأرباحهم.

تقصد منو من التجار ياأستاذ؟ لأنو الغاشي والماشي عارف انو تجار العمله كلهم من عصابة المؤتمر الواطي من كبيرهم الحمار الرقاص وأخوانه وودادو انتهاءا بكل موظفي البنوك والا نسيت فضيحة تاجر العمله قطبي المهدى يااستاذ؟


#694590 [ودالبلد]
5.00/5 (1 صوت)

06-12-2013 10:09 AM
حكومة الكيزان دي (قمة الكذب والنفاق) ، الأسبوع الماضي (ضخوا) 25مليون دولار ، اليوم ضخوا 350مليون دولار ، لاحظوا (المفارقات) !!!! القروش دي جات من وين (فجأة) ؟؟؟؟ أصلاً كانت (مدسوسة) وين ؟؟؟ وما هو سر الإعلان عن هذه الملايين في هذا التوقيت ؟؟؟


ردود على ودالبلد
United States [المجاور خور مقاديـــم] 06-12-2013 01:44 PM
ياأخوى دى فبركة عاملنها عشــان يطمنوا بيها الشعب المسكين بأنهم وقفوا البترول من الجنوب والحالة الاقتصادية زى الفل ، كل شئ عادى ومافيش أى تأثيرلبترول الجنوب، جاء مارى بعندنا ولا ماجاء كلو زى بعضه بالله عليكم ياناس ده كلام ده؟ ثم ثانيا لو افترضنا جدلا أن المبلغ المذكور(350 مليون دولار) فعلا موجود هذا يعنى بأنهم استفادوا من معاودة ضخ بترول الجنوب في الفترة الأخيرة قبل قرار الرئيس غير كده مافيش تفسير، ولا يفسروا لينا العملة الصعبةدى جات من وين؟عشان مانحتار انت وأنا والبيحصل كله نشوفوشئ طبيعي


#694524 [Mohd]
5.00/5 (3 صوت)

06-12-2013 09:18 AM
ومن اين لهذا البنك هذا المبلغ والبلد مافيها ولا سلعة واحدة تتصدر برة عشان تجيب عملة صعبة ؟


بتضحكوا على مين انتوا ؟

قال دولارات

والله دولارات دي الا تشوفوها في الصور او التلفزيونات العالمية او تطلعوا بره يا كلاب الانقاذ

او بتلقوها عند ناس معينين عارفين منو ؟

قطبي المهدي (دا عنده كل العملات فرنك ،دولار ، درهم ، ريال ، روبية ، دراخمة ، كرونة ، استرليني ، راند ، شلن ، بر ... الخ) (معرض عملات)

الجاز ( دا ايام كان وزير المالية مالي البدرون في بيته قروش بالكراتين والله العظيم كلام من زول ثقة)

المتعافن ( دا كان حتة موظف في منطقة ساجر السعودية- نواحي القصيم) والان يمتلك بالحرام اكثر من عشرين شركة ( والشركات دي طبعا دايرة مدخلات انتاج ومدخلات الانتاج دايرة عملات صعبة للاستيراد ولذلك فهو والجاز والزبير لديهم مضاربين عملات في منطقة الخليج وبريطانيا وامريكا ( يشترون لهم العملات الصعبة من السودانيين الهناك ويحولوها يجيبوا بيها مدخلاتهم من بره وطبعا لما تجي في بورسودان لا جمارك لا غيره دي حقت الجاز او المتعافن خلاص الكلام انتهى تطلع السيارة ومافي واحد جرار من الفي الميناء يقدر يفتح فمه) وكذلك ينطبق الامر على اخوة يوسف اقصد اخوة البشير الذين يمتلكون اكثر من 36 شركة ، والولاة والوزاراء واقربائهم وهلم جرا

وبرضو هي لله هي لله لا للسلطة ولا للجاه
ويجوا العبطاء المتخلفين جماعة الدفاع الشعبي والمستضعفين من الجنود يحاربوا لبقائهم للامعان اكثر في بيع البلد وتطفيش اهلها
والواحد يموت منهم يفتكر نفسه مات شهيد ويلقى نفسه في جهنم بسبب مساهمته في تكريس الفساد ومعاونته للظالمين

الحلال بين والحرام بين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة