الأخبار
أخبار إقليمية
الزبير احمد الحسن يتفقد المرابطين بالخطوط الأمامية بمنطقة سدرة العسكرية بالأبيض
الزبير احمد الحسن يتفقد المرابطين بالخطوط الأمامية بمنطقة سدرة العسكرية بالأبيض
الزبير احمد الحسن يتفقد المرابطين بالخطوط الأمامية بمنطقة سدرة العسكرية بالأبيض


06-13-2013 07:44 AM
(سونا) تفقد الدكتور الزبير أحمد الحسن الأمين العام للحركة الإسلامية السودانية يرافقه الاستاذ الضو الماحي والي ولاية القضارف ، وعدد من المسئولين بحكومة الولاية وأمناء الامانات المتخصصة بالحركة الأسلامية السودانية بالمركز والولاية بعد امس، المرابطين من القوات المسلحة والمجاهدين من الدفاع الشعبي .
وقدم الأمين العام للحركة الأسلامية السودانية التهنئة للقوات المسلحة والدفاع الشعبي لدورهم البطولي فى تحرير منطقة أبوكرشولا .
واشار الأمين العام للحركة الإسلامية السودانية أن زيارته والوفد المرافق له تجئ تجسيداً للمعاني الوطنية للقوات المسلحة والمجاهدين من الدفاع الشعبي .
وأكد الزبير أن المسيرة ماضية رغم الدسائس والمؤامرات التي تحاك ضد السودان من قبل دول البغي والاستكبار مشيرا الى ان الدولة عازمة على تطهير كل شبر دنسته يد العمالة والإرتزاق .
كما أشاد بالروح المعنوية العالية للمرابطين وهم يؤدون واجبهم الوطني للدفاع عن الأرض والعقيدة .


تعليقات 18 | إهداء 0 | زيارات 2448

التعليقات
#696216 [المرضي]
3.00/5 (2 صوت)

06-13-2013 09:38 PM
بالرغم من الدقن والشيب الزول شكله ما شادي حيله!


#696154 [nagatabuzaid]
5.00/5 (1 صوت)

06-13-2013 07:52 PM
ولده مرابض معاهم ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#696140 [علاء]
5.00/5 (1 صوت)

06-13-2013 07:27 PM
بشبش ما قال ليكم بعد جرية عصمت وأم الحسن "ألبمشي أبعد من الأبيض نحنا مامسؤولين منو".......

"وقدم الأمين العام للحركة الأسلامية السودانية التهنئة للقوات المسلحة والدفاع الشعبي لدورهم البطولي فى تحرير منطقة أبوكرشولا"

طالما منطقة أبوكرشولا محررة، يبقي من باب أولي زيارتها هي، مش الأبيض، لأنو المفروض المرابطة تكون هناك، ياسعادة الملالي.......

قال أمين عام الحركة الإسلامية قال!!!!!!!

عواليق.


#696089 [هيثم الشاعر]
5.00/5 (1 صوت)

06-13-2013 05:47 PM
تابعت الزياره التفقديه في اعلام الدفاع الشعبي (تلفزيون السودان) وهم جالسون في الارض مع من غرر بهم و هم لايتجاوزوا اصابع اليد .

يا جماعه الناس ديل انتهوا الشارع بعد كدا يوم 30 يونيو قرب و نحن في السجانه و الديم و الحله الجديده والخرطوم 3 و القوز و الرميله و جبره و الامتداد و الصحافات رفعنا شعار يا موت يا حياه و ما خايفيين من كلاب المؤتمر الوطني و اي كلب حنمسكو ضبح و حنعلقوا في اقرب عمود .



و الحاضر يبلغ الغايب


#696054 [أبوالكجص]
5.00/5 (1 صوت)

06-13-2013 04:52 PM
يا أخوانا الزبير دا وزير دفاع ونحن ما عارفين؟


#696036 [اوان]
5.00/5 (2 صوت)

06-13-2013 04:26 PM
الكيزان ما قلتو الحكاية جهاد عايزين نشوفكم قدام مالي أراكم تكرهون الجنة


#696013 [مغيوظ]
5.00/5 (1 صوت)

06-13-2013 03:57 PM
والله دي الهبالة بعينها .... احرسو المساكين الخلا والنوم في الارض والتعرض للخطر امشو يزوروهم بالنهار مش بالليل عشان يطمأنو انهم محروسين مش عشان المواطن عشان نفسهم يمشو يضربو الكندشة و ثلاث ورباع وللمساكين وعود بالحور العين... هي لله...هي لله


#695844 [انصاري]
5.00/5 (1 صوت)

06-13-2013 01:10 PM
وماهي صفة الامين العام للحركة الاسلامية لزيارة جيش!؟ الم نقل إنها مليشيا الحركة الاسلامية التي تدافع عن مصالحها الدنيوية بإسم الله!!؟؟


ردود على انصاري
[nagatabuzaid] 06-13-2013 07:48 PM
لتاكيد ان الحكومة حكومتهم وهم اسيادها


#695812 [مع العدالة]
5.00/5 (1 صوت)

06-13-2013 12:50 PM
محن والله احن سدرة بقت خطوط امامية !!!!!!!!!!بعد شوية ام درمان خطوط امامية ثم شارع اليد عبد الرحمن وشارع القصر وشارع النيل !!!!!!!!!وراكم وراكم ياكيزان


#695789 [حق]
5.00/5 (1 صوت)

06-13-2013 12:31 PM
و يتفقدهم بس و يمشي ما يرابط معاهم مش قلتو البلد مستهدفة تتدفروا في المساكين للموت و أنتو و أولادكم تحت المكيفات اتحدي واحد من العصبة المقربة دي يكون مع المخدوعين ديل يأكل بليلة و عدس ستة شهور بماهية لا تذكر و آخر الأمر ياخد ليهو طلقة في رأسو و أو يفقد رجل أو يد علي شنو يعني


#695784 [المشتهى السخينه]
5.00/5 (1 صوت)

06-13-2013 12:28 PM
والجبهة الثورية ايضا عازمة على تطهير السودان من دقون العماله والارتزاق والسفاله وتجارة الدين ..


#695617 [ابوايمن الحلاوى]
4.75/5 (5 صوت)

06-13-2013 10:18 AM
يازول هوى بلاش زندقه معاك يمين الله مافى واحد مستهدف البلد ؛انتم سبب البلاوى والمصائب الفينا؛؛ شبكتونا كم شهر هجليج هجليج وحاليا ماسكين لينا فى ابو كرشولا فكوها شويه وحاولوا صلوا فى كاوده!! ابو الزفت عديييييييل كدا.. طهروا انفسكم اولا وبالمناسبه انا شفت الصوره حسبتها معتصم احمد البشير ومعرفتنا ليك دا مالونك الاصلى ولا الترطيبه ضربت؛ وهاك الMAKE UP وPHOTO SHOP وسلم لى على الاخوان!!!!وكمان سؤال انت مع منوا؟؟؟؟؟؟؟؟؟؟؟؟؟؟؟


#695595 [ابو جهينة]
5.00/5 (2 صوت)

06-13-2013 10:07 AM
@@@ قلته شنو يا صاحب الخبر ؟؟ معليش اضانى تقيلة شوية , شنو ما سامعك !! آآى ,عرفته قلته لى الزبير حيمشى يشوف الخرفان المربطين فى الابيض , لكن بالله قول ليهو ما يفكهم عشان حيسرحو عشان الهواء هناك شديد , وكان فكاهم عكس الهواء الضحك حيشرطنا .


#695483 [مويه البطيخ فى الشتاء]
5.00/5 (2 صوت)

06-13-2013 08:39 AM
اكان بقت سدره بجبل الداير خمسه كيلو متر جنوب الرهد ابودكنه من الخطوط الأماميه معناتو الثوريه تووووووووش حتدخل الخرطوم.أركزوا واتحزموا ياكيزان.


#695449 [أبوعلي]
5.00/5 (2 صوت)

06-13-2013 07:55 AM
وهل باتت القوات السللّحة (رسميّا) جزءا من الحركة الإسلاميّة
ليتفقدها الأمين العام وكلّ هؤلاء الآخرين
من حثالة حركتهم المصنوعة إعلاميّا !؟


ردود على أبوعلي
[nagatabuzaid] 06-13-2013 07:50 PM
وهو عايز يؤكد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة