الأخبار
أخبار إقليمية
رئيس حزب غد الثورة المصري د. أيمن نور : مقرف تعبير مستعجل اعتذر عنه
رئيس حزب غد الثورة المصري د. أيمن نور : مقرف تعبير مستعجل اعتذر عنه
 رئيس حزب غد الثورة المصري د. أيمن نور  : مقرف تعبير مستعجل اعتذر عنه


سلميلي أوي أوي على السودان وكل حبايبي السودانيين
06-13-2013 08:09 AM
حوار: نادية عثمان مختار

عند اتصالي برئيس (حزب غد الثورة ) المصري د.أيمن نور جاءني الرد سريعاً بصوت أنثوي ـ أظنها سكرتيرته الخاصة ـ وكان ردها مهذباً عندما أخبرتها أنني من صحيفة (السوداني) وأريد نور في حديث، فسألتني بلطف (بخصوص إيه) فقلت لها: "أظنك عارفة كلامه القالوا وزعل منو السودانيين ونحنا عايزن نسمع منو" وقبل أن استفيض في الشرح أعطت الهاتف لنور الذي جاء صوته مُرحباً، فقلت له: "نريد منك توضيحاً لعبارة (مقرف) التي أثارت لستياءً لدى الشعب السوداني فحادثني قليلاً ثم طلب مهلة لدقائق للرد على أسئلتي واستأذنني في قفل الهاتف ومعاودة الاتصال بعدها فظننته قد (زاغ) من حواري ب،(لطافة) كما يقول المصريون؛ إلا أن الرجل عاد ورد على أسئلتي بكل أريحية.
العبارة التي قلتها على الهواء مباشرة ووصفت فيها موقف السودان من مسألة بناء سد النهضة بـ (المقرف) هل تعرف حجم الاستياء واللغط الذي أثارته في الشارع السوداني؟
أولا يعد معلوماً جداً مدى محبتي الكبيرة للسودان وللشعب السوداني، ولي صداقات وطيدة وقوية على المستوى الرسمي وعلاقات على المستوى الشعبي مع مواطنين يمثلون لي وبداخلي ذات محبة ومعزة المواطن المصري، وذلك لاعتبارات كثيرة نعرفها، منها الأخوة والمصلحة المشتركة و..
مقاطعة.. إذن ومن الذي قصدته بعبارة ( المقرف)؟
كنا في اجتماع مغلق، والتعبير الذي ورد مقصود به (ردة الفعل الرسمي) السوداني وذلك بشأن مسألة بناء سد النهضة الإثيوبي، وللحقيقة لم أقصد أبداً الإساءة للسودان البلد الذي أحبه كثيراً. لا يمكن أن أسيء للشعب الذي أكن له كل إعزاز وتقدير واحترام .
ولكن هل ـ وأنت الرجل السياسي ـ أعجزتك العبارة للحد الذي تستخدم فيه وصفاً كهذا حتى لو كان المقصود الموقف الرسمي؟
قصدت وما زلت عند موقفي من أن موقف السودان الرسمي كان أقل من توقعاتنا، ومما يجب أن يكون عليه، ولكن تعليقي والعبارة التي وردت على لساني ليس لها أي علاقة بالسودان كدولة وبلد حبيب وكشعب أعتز به. وفعلاً العبارة لم تكن موفقة ولم أكن أقصدها بالشكل الذي جاءت عليه عبر ذلك الاجتماع، وأقدم كامل اعتذاري عنها بشدة للسودان ولكل مواطن سوداني وصل له هذا المعنى الذي لم أقصده أبداً في دولة السودان الجارة العظيمة.
قلت إنك لم تكن تعلم أن الاجتماع مذاع على الهواء مباشرة، فهل هذا مبرر لاستخدام هكذا مفردات؟
نعم الاجتماع كان مغلقاً ولم أكن أعلم ببثه على الهواء مباشرة، ولكن بالتأكيد إن ذلك ليس مبرراً. ولكن في إطار الاجتماعات المغلقة يحدث أن تكون هناك بعض العبارات التي فيها قدر من التجاوز، وأكرر هذا ليس تبريراً لكنه تعبير مستعجل أعتذر عنه.
هل ترى أن اعتذارك سيكون مقبولاً لدى السودانيين؟
ما زلت أتطلع لتوضيح المواقف بصورة أكبرَ وأوضحَ، وعازم على تسجيل زيارة قريبة للسفارة السودانية بالقاهرة والالتقاء بسعادة سفير السودان في مصر للاعتذار بشكل رسمي ولتأكيد خالص المحبة للشعب السوداني العظيم .
هل يمكن أن تزور السودان يوماً بعد الذي حدث رغم اعتذارك؟
السودان بلدي وأهله أهلي، وبالتأكيد سأزوره عندما تتاح الفرصة وتسمح الظروف بذلك، وسأكون سعيداً جداً بهذه الزيارة بالتأكيد .
قلت في لقاء تلفزيوني إنك تحب السودان وإنك تنتمي للحزب (الاتحادي) ؟
نعم أنا اتحادي، ووحدة مصر والسودان جزء من تراثنا وبيننا الكثير من أواصر الروابط العلاقات المتينة والطيبة .
البعض يرى بأن وراء بث الاجتماع (المغلق) على الهواء مباشرة مؤامرة حاكها (الأخوان) ضد القوى السياسية المصرية لإظهارها بموقف التخبط والضعف السياسي ما رأيك ؟
لا أعتقد أن ما حدث يشكل نوعاً من المؤامرة ولكن يمكن أن نسميه إهمالاً و....
مقاطعة.. إذا لم يكن الرئيس مرسي ومجموعة الإخوان في الاجتماع على علم ببثه على الهواء فلماذا كانوا الأكثر تحفظاً في الحديث؟
والله أظن أن مسألة البث المباشر كانت حسب ما فهمنا أنها خطأ غير مقصود.
ولو كانت مقصوداً؟
أتمنى أن يكون غير مقصود.
كيف تنظر للعلاقات السودانية المصرية في ظل هذا الشد والجذب وشحن الرأي العام السوداني سلباً و ..
قاطعني قائلاً: "معليش" لدي اجتماع الآن ولكن لي عودة للحديث كثيراً عن العلاقات بيننا والسودان الذي نحبه ونحترم شعبه. وعبرك وصحيفتكم (السوداني) أقول لك: (سلميلي أوي أوي على السودان وكل حبايبي السودانيين).

السوداني


تعليقات 57 | إهداء 0 | زيارات 7006

التعليقات
#696621 [إسلمنا الله من أرفك.]
0.00/5 (0 صوت)

06-14-2013 12:59 PM
إسلمنا الله من أرفك.


#696353 [shreef]
5.00/5 (2 صوت)

06-14-2013 02:42 AM
عليك الله نحنا ما بنستاهل البحصل لينا ده انتي نفسك صحفيه لو كان عندك ما عايز اقول شوية عقل لكن خليها فهم ولا احساس بالعزه ولا الكرامه بتجري تتصلي على واحد اهبل متفرعن زي ده ... عايزاهو يقول ليك شنو يعتزر مثلا والله نحنا في غنى عن اعتزارو ورايو المريض في موقفنا الفيهو مصلحتنا ما بهمنا ما بمثل لينا اي حاجه ولو انتي كصحفيه وبتعرفي واظنك افكتري ده سبق صحفي كان اقلو تعيدي خطابو من الاول وقراءة طريقة تفكيره وفهمه العلى قدرو بالنسبه لاثيوبيا او السودان انا متأكد كان حاتفكري كتير في السبق العبطي الشرفتينا بيهو .
وطبعا المشرفننا كتار واحد منهم سفير الهم والغم بالقاهره .
حاجه اخيره
اقوى رد فعل على تطاول المدعو ايمن ظلام رئيسة حزبو الحاره .


#696334 [كارهـ المصاريا]
5.00/5 (2 صوت)

06-14-2013 01:40 AM
لا نقبل اعتذار من يظن ويحلم ان السودان جزء من مصر

قال لم اكن اظن ان الاجتماع مذاع علي الهواء
ودا اثبات حقيقي للقرفنا سواء ان كان شعبي اورسمي
وحتي لو تحبنا كما ادعية نفاقا نحن مازلنا في موقفنا نكرهكم كره اعمي للكل المصرين علي السواء

استاذة : لقد اخطأت بحقنا عندما اتصلت بهذا المتعجرف
اقول غدا ستعرفونا ايها المصريون فبعد صمتنا كلام وهدؤنا دوما يسبق عواصف لايمنعها سدكمم العالي


#696320 [الغالى]
5.00/5 (1 صوت)

06-14-2013 01:02 AM
يا أيمن نور
أنت مقرف
وبلدك مقرف
والمقابلة دى مقرفة

إذا كنت مستاء من حديثي
نحن مستائين أكتر مما قلت
ويا نادية ما كان العشم تدى فرصة
لشخص مقرف زى دا


#696292 [zoal 2010]
5.00/5 (1 صوت)

06-13-2013 11:38 PM
هسي دي معناها .... " عليييييك الله اعتذرلينا يا ايمن نور"....
اخطأتي يا نادية ... كان مفترض انك تكتبي رايك في هذه المهاتفة


#696243 [انصاري]
5.00/5 (3 صوت)

06-13-2013 10:26 PM
وقولولي ليهو الشعب السوداني بيقول ليك سلمي ع الباتنجان!!


#696170 [ركابي]
5.00/5 (2 صوت)

06-13-2013 08:21 PM
انته كفته(خفته) لا محشي


#696155 [khaid mustsfa]
4.44/5 (5 صوت)

06-13-2013 07:52 PM
المتمصرينين السودانيين لاتهمهم كرامة السودان والاساءات التي طالت السودان من الخفافيش المصريه
كل همهم ا ن تنعم المحروسه بخير ونعيم السودان ,,
لاراْي لهم في احتلال مصر لحلايب ولم ىيتفوهوا بكلمه عندما ذبحت قوات الامن المصري اخواننا في ميدان مصطفي محمود
والتزموا الصمت الرهيب عندما قتلت الطبيبه رحاب علي يد زوجها المجرم ولم يدافعوا عن القتيله عندما سلطت اجهزه الاعلام المصريه الفاتيه غضبها علي القتيله ووصوفوها باداره وكر للدعاره وانها مصابه بالايدز

وهاهي ناديه مختار التي تهيم حبا وعشقا لمصر تمنح ايمن نور الفرصه لكي يكذب علينا بحديثه عن حبه للسودان واهله ومصر والسودان حته واحده وان لي اصحاب في امودرمان كما ينطقها المصريون ,,كلام مكرر ومجوج ويفتقد المصداقيه ولا يثير شعره من شعر جلدنا

عارفه يا استاذه ناديه هذه المقابله مع ايمن نور جعلتنا نتمسك بموقفنا الذي لاغبار عليه ان مصر والمصريين لامستقبل لهم في سودان الغد بعد زوال حكم سفلة الانقاذ وان كل السودانيين المتمصرينيين سيمنحوا خيار البقاء في السودان مع الالتزام بولائهم التام للسودان او مغادرة السودان لمصر من غير عوده ولك ان تختاري استاذه ناديه


#696150 [twto]
5.00/5 (3 صوت)

06-13-2013 07:45 PM
معقولة نمشي ليه ونتصل عليه عشان يعتزر لينا اصصصصصصصصصصصصصلو لا بنتصلح لا بنتعلم من الايام!!!


#696111 [ابيره]
5.00/5 (3 صوت)

06-13-2013 06:21 PM
فعلا موقف السودان مقرف من زمان مفروض نقول باي باي لمصر مالو أثيوبيا ...عيال عم نذكركم بقول النوبي مصر والسودان ( 66 حته)60 مليار مترمكعب ماكفاكم ربما بتسقوا الأهرامات يا عيال النييييييييييييييييييل.


#696102 [ابيره]
4.50/5 (2 صوت)

06-13-2013 06:07 PM
فعلا موقف السودان مقرف من زمان مفروض نقف مع أثيوبيا ونقول للمصريين بي باي ونذكركم بقول النوبي مصر والسودان 66 حته مالو أثيوبيا عيال عم 80مليار متر مكعب ماكفاكم يمكن بتسقوا الأهرامات ياعيال النيييييييييييييييييييل.


#696065 [mohamed eltahir hagahmed]
5.00/5 (2 صوت)

06-13-2013 05:11 PM
نحن من نهين انفسنا حتى لو صدقنا انه عايز يعتذر من المفروض هو من يتصل وينشر اعتذاره وارجو ان لا نفرط فى حق الشعب والوطن نكاية فى الحكومةويعنى ايه ايمن نورده ايه القرف ده


#695976 [omermhmood]
5.00/5 (6 صوت)

06-13-2013 03:19 PM
الإضينه دقو وأعتذر له......زول شتمك تتصل عليه تقول ليهو قاصد شنو الله يقرفكم صحفيين......


#695965 [سن ألفيل]
5.00/5 (2 صوت)

06-13-2013 03:04 PM
المشكلة الهلفوت الاسمو ايمن نور عايز يعمل فيها ديفدكاميرون


#695963 [علي دينار]
5.00/5 (3 صوت)

06-13-2013 03:03 PM
الكلام في الاول فكر كويس , كلنا الاحباش


#695950 [سوداني غيور]
5.00/5 (5 صوت)

06-13-2013 02:50 PM
اولا الهبلة دي بتقول اجاب بكل اريحية!! و كأنه بتفضل علينا بكلامه
ثانيا كلام ايمن نور عن موقف السودان المقرف جاء في اجتماع كان يظن
انه مغلق, و هنا مربط الفرس ففي مثل هذه الاجتماعات يتحدث الناس بدون
تحفظ عادة و يخرجون ما يعتمل في عقولهم الباطنة. و هذاالمصري يعتقد
في قرارة نفسه ان السودان و السودانيين مربوطين بالقرف. لذلك استخدم
كلمة مقرف و كان يمكن ان يستخدم اي كلمة اخري مثل موقف متخاذل او جبان
او غير متوقع.. و وصف الموقف يعني وصف صاحب الموقف..و لايمكن ان يعتقد
اننا اغبياء و يقول انه يقصد الموقف الرسمي.. انت تشتم الحكومة و الشعب
السوداني كله..و هذه ليست اول مرة يشتمنا فيها احد المصريين و لا اظنها
ستكون الاخيرة اذا لم يكن لدينا رد فعل رسمي و شعبي قوي عليها
و البغيظ انو في اخر الحوار بيسلم علي حبايبو السودانيين؟!؟ منتهي الاستخفاف
و الاستهبال..
اعتذارك غير مقبول... يحيا السودان و تحيا اثيوبيا و يحيا سد النهضة


#695855 [كرري]
5.00/5 (5 صوت)

06-13-2013 01:17 PM
يا اخت نادية عثمان مختار لقد شرعت في قراءة المقال ولكن لم اكملة ليس لركاكة الموضوع ولكن لثقل
دم المستضاف عزرا اختي نادية عثمان مختار الا ترين اننا كسودانيين صحفيين وقراء قد افردنا مساحة
لهذا الايمن نور لا يحلم بها حتي ولو حاكم مصر فمالنا نثبت في مخيلة
المصريين سياسيين وعامة باننا شعب ساذج .
فعندما صرح المستقرف كان يعني ما يقول فلماذا نركض وراءة مستفسرين عما اذا كان ما قالة من قلبة ام هي مراهقة سياسية,
عزيزتي نادية عثمان مختار نحن شعب اكبر من يستفزنا شخص
كايمن نور نقطة اخر السطر


#695830 [سودانيه ولكن]
1.00/5 (1 صوت)

06-13-2013 12:58 PM
اسمعو هنا ياعواليق المعاارضه ياناس االاداره ولاخره المره التانيه مادايرين تنشرو تعليقى خلينا ها ليكم ياوسخ


#695815 [سودانيه ولكن]
3.00/5 (2 صوت)

06-13-2013 12:51 PM
يا للعااااااااااااااار ليه اللصيق ده ماهى الشتيمه لزقت


#695810 [سوداني]
5.00/5 (1 صوت)

06-13-2013 12:47 PM
الناس دي مالا زعلانه كده. الزعل دا ماتفشو في الحكومه دي ؟


#695797 [ابولين]
0.00/5 (0 صوت)

06-13-2013 12:37 PM
اعتزار مقبول ربنا يغفر الخطاء , ولكن لا يجعلنا نفرض في مصالح البلد والتكرم بمقدرات البلد الي ايه جهته ما


#695788 [ياسر محمد طيب الاسماء عثمان]
5.00/5 (1 صوت)

06-13-2013 12:31 PM
بسم الله الرحمن الرحيم
الاخت نادية
السؤال ده الفائدة المرجوة منو شنو؟
(البعض يرى بأن وراء بث الاجتماع (المغلق) على الهواء مباشرة مؤامرة حاكها (الأخوان) ضد القوى السياسية المصرية لإظهارها بموقف التخبط والضعف السياسي ما رأيك ؟
الانسان الغير مهذب يكون كذلك في الغرف المغلقة او الهواء الطلق لان هذه سجايا وتظهر لا اراديا والامثله واضحة في كثير من الساسة


#695767 [ابوايمن الحلاوى]
5.00/5 (2 صوت)

06-13-2013 12:12 PM
اى مصرى جربوع ممكن افتيك فى ماتريد!! والرد خبرة افلام ومسلسلات.. وهى محفوظه للكل..والندم والاعتذار مابفيد فى شىء معنى ومقصود... والمصيبه بكره التافه دا اكون فى الخرطوم وتحت ضيافة الحكومه والحساب على الشعب..وهكذا اصبح السودان...


#695750 [عد بى الى النيل]
4.00/5 (3 صوت)

06-13-2013 11:54 AM
الحسنة فى المنعول زى الشرا فى القندول


#695746 [ودالشريف]
5.00/5 (3 صوت)

06-13-2013 11:53 AM
لو كان دا سعودى او اى خليجى اعتذر كان تلاقى كسير الثلج والعقد اتفكت .. عجبا .. اعتذار مقبول رغم حفلة الشتائم هذه ودورك مقدر جدا استاذه ناديه لأنك تعبتى فى الموضوع ووصلتى لأحد اضلاع المعارضه المصريه فلايجوز لاحد قاعد فى التكييف وبيشرب كباية شاى يضيع مجهودك ببعض الكلمات شكرا لك


ردود على ودالشريف
European Union [محجوب عبدالمنعم حسن معني] 06-13-2013 06:12 PM
ده الكلام المفيد يا حبيب ربنا يكثر من امثالك


#695730 [الممكون وصابر]
5.00/5 (3 صوت)

06-13-2013 11:37 AM
إتصالك مقرف (مأرف)


#695728 [one]
5.00/5 (3 صوت)

06-13-2013 11:36 AM
انت ياصحفية الهناء فاكرة نفسك مشيتى تكحليها؟أها عميتيها وجبتى لينا أهانة تانية ,وعايزين منك الإعتذار منك أنتى وفى نفس الصحيفة ,قال صحفية قال.عالم وهم.


#695724 [ود البقعه]
5.00/5 (3 صوت)

06-13-2013 11:34 AM
ايمن نور يا صرصور يا مهبول اهديك هذه الابيات لكي لا ترينا وجهك الزبول






وجهك يا ايمن نور فيه طول *** وفي وجوه الكلاب طول
فأين منك الحياء قل لي *** يا كلب والكلب لا يقول
مقابح الكلب فيك طرّا *** ويزول عنها ولا تزول
والكلب وافٍ وفيك غدر *** ففيك عن قدره سُفول
وقد يحامي عن المواشي *** وما تحامي ولا تصول
وأنت من أهل بيت سوء *** قصتهم قصة تطول
وجوههم للورى عظات *** لكن أقفاءهم طبول
تستغفر الله قد فعلنا *** ما يفعل المائق الجهول
ما إن سألناك ما سألنا *** إلا كما تسأل الطلول
صمتٌ وعيبٌ فلا خطاب *** ولا كتاب ولا رسول
وجه طويل يسيل فوه *** أحسن منه حرٌّ يبول
مستفعلن فاعلن فعول *** مستفعل فاعل فعول
بيت كمعناك ليس فيه *** معنى سوى أنه فضول


#695713 [عماد الغبشاوي]
4.50/5 (3 صوت)

06-13-2013 11:26 AM
نادية عثمان من الذين يعشقون مصر والشعب المصري واعتقد انها كانت مقيمة لفترات متقطعة في مصر . ولكن هذا ليس مبررا ان تعمل مقابله مع هذا المافون .


#695679 [زرياب]
5.00/5 (5 صوت)

06-13-2013 10:56 AM
الأستاذة نادية .... بعد التحية
ألا تتفقين مع كثير من الإخوة بأنه ما كان ينبغي لك الاتصال علي هذا المعتوه الذي أثار حفيظة كل السودانيين ؟ لأنك سعيت للقاء أيمن نور كخبط صحفي وانك تكلمت مع من وصفنا بالمقرفين ؟وبالتالي أظهرت اننا الحلقة الأضعف حيث انك وفي سبيل السبق الصحفي أسأت للشعب السوداني ... بمعني انك نقلت اعتذاره للسودانيين .... بأي صفة ؟ هل كما قال أحد المتداخلين لأنك عشت في مصر؟ عيب يا استاذة ولا يشبهك هذا الأمر ولا أي سوداني أو سودانية ... وكما طالبت الأخت الغاضبة فأنت مطالبة بالاعتذار للسودانيين عن هذا الحوار ...لأن الصحيح هو أن يسعي ايمن نور للصحافة القنوات السودانية للاعتذار وليس العكس كما حدث .... سؤال أخير ... كيف كان شعورك وانت تستعدين لعمل هذا الحوار ؟
( يا شنا) كلمة نوبية تعني ( يا للعار )...


#695674 [احمد]
0.00/5 (0 صوت)

06-13-2013 10:52 AM
والله كلامك صاح هى كان بقت على الموقف هينه هى الحكومه زاته مقرفه


#695671 [احمد بشير]
5.00/5 (4 صوت)

06-13-2013 10:50 AM
الصحفية نادية
نحن في غنى عن البحث وراء هذا المنافق لنعلم ماهو قصده خلف الاساءة للشعب السوداني ومحاولة الفهلوة في الكلام دي مرفوضة ياايمن ولو انك تقصد الموقف الرسمي فهو صادر من مواطن سوداني اولا واخيرا ومهما كان سوء من صدر منه هذا الموقف فنحن لا نرضى بإهانة موقفه والا كنا سلمنا عمر البشير للجنائية


#695668 [مصالح]
5.00/5 (5 صوت)

06-13-2013 10:48 AM
المصرين عشان المصلحة يمكن يبيع امه وبعدين انتي يا نادية مابتعرفشي بعد الحوار يمكن او اكيد قال ايه المقرفه التاني انتي كمان


#695639 [يحيي العدل]
5.00/5 (4 صوت)

06-13-2013 10:29 AM
إعتذارك ما بفيدك


#695634 [جركان فاضى]
1.00/5 (1 صوت)

06-13-2013 10:27 AM
الرجل كلامه واضح ويقصد ان الحكومة السودانية ردها كان مقرفا.....لماذا نغضب من اى كلمة تقال لنا من شعب مصيره مصيرنا ؟ فاذا اخطأ الرجل لماذا لايتم الجلوس معه واقناعه بأن موقف السودان غير مقرف ويعتذر وينتهى الامر ببساطة؟علينا كأمة تقبل النقد حتى لو اتى بالفاظ قاسية من صديق او غير صديق والعمل على الرد عليه بالمنطق المطلوب فاذا كنا مخطئين فلماذا لانعترف بخطئنا...فهل عندما تنتقد اليابان صديقتها امريكا نقدا لاذعا تغضب امريكا؟وهل عندما ينتقد الاتحاد الاروبى امريكا اشد الانتقادات تغضب امريكا وتقوم قيامتها؟لاعيب فى النقد حتى لو كان بالفاظ جارحة ولكن العيب فى عدم وجود المنطق الذى نقنع به الاخرين..... وهل غضب الشعب السودانى يمثل الرد الامثل على الدكتور نور؟


ردود على جركان فاضى
European Union [كركبه شديده] 06-14-2013 01:16 AM
يا صديقي جركان فاضى ... لك التحية
المسألة ليست تعليق أيمن نور ... لوصفه موقف السودان بأنه مقرف .
القضية هي بإختصار تراكم إستفزاز من قبل الإعلام المصري في نفوس الشعب السوداني أدى الى هذه المواجهة الحادة . و الاعلام المصري يعتبر السودان محافظة أو قل قريه من قرى مصر .و لك مني كل الود .

[جركان فاضى] 06-13-2013 01:45 PM
يا ابوعمر الشخص الذى لديه ثقة فى نفسه لاتهمه الالفاظ بل يهمه المنطق ولكنك لن تفهم هذا الكلام

United States [أبو عمر] 06-13-2013 11:39 AM
يا جركان يا فاضى أيها المصرى الخبيث يعنى عايز تكرر الاهانة وتقول أيوة إنتو مقرفين ، الكلمة مغززة و بذيئة وفيها عدم حياء مبالغ فيه وما تصدر إلا من مصرى عينه قوية و بعدين كونه ما إتفقت معاك يا أيمن نور أكون بهذا الوصف ، وليه دائما داير تجرنى معاك لمشاكلك ولامن إحتاج ليك ما ألقاك مين البستاهل هذا الوصف المقرف ؟؟

United States [one] 06-13-2013 11:22 AM
انت كلك على بعضك (فاااااااااااااااااااضى).


#695615 [ابو ملاذ]
4.75/5 (3 صوت)

06-13-2013 10:17 AM
وانا بقول ليك يا ايمن ضلام ماعاوزينش اعتزار المقرف دا ولا يهمنا ان تكون اتحادي لان زعيم الاتحاديين عميل عنديكم (محمد عثمان الميرغني ) اكبر عميل وجاسوس مصري يحمل الجنسية السودانية يتأمر ويترأس علي غوغاء ورجرجة ومأجوري كلهم بإسم الاتحادي ... حاور فطير من صحفية فطيرة وكسارة تلج (حسين خوجلي نموذجا ) هذه النادية معروفة بكسير الثلوج مثل احمد البلال الطيب ..... اعوذ بالله من اعلامنا


#695597 [oخضرعابدين]
5.00/5 (1 صوت)

06-13-2013 10:09 AM
بلطجة سياية وفهلوة كلام انه يقصد الكل ويهرب عبلا الجزاء انهم بياعين كلام فقط يجب ان يفهم الشعب السوداني العقلية المصرية جيدا خلاص انتهي زمن التبعية


#695583 [عبد الله]
5.00/5 (2 صوت)

06-13-2013 10:00 AM
الدكتور ايمن نور
الشعب السودانى فوق الذى ذكرت ولا يمكن ان نتجاوز حديثك بهذه السهوله . الشعب السودانى شعب طيب ولكنه لا ينسى ..حتى لو كنت تقصد الموقف الرسمى فان الرسمى قد يمثل الشعبى ايضا .. ولدينا مثل سودانى يقول ( الاضينه كفتو واتعضر ليهو ) بعنى انك يمكن ان تضرب الاهبل وتعتذر له .. لا يا دكتور فقد مضى زمن الانحناءه وزمن الخديويه .,..ولا تنسى مواقف السودان الايجابيه مع مصر فى احلك الايام ولا اود ان اذكر ولو واحده من المواقف السودانيه الكثيره نحو مصر الشقيقه .. ونحن لن نسئى للشعب المصرى كرد فعل على قولك .. وكل ما اقوله لك الشعب السودانى لا ينسى والتاريخ لاينسى وسوف نبقى نحن ( المقرف ) السند لشعب مصر ونحمى ظهره من كل كابوس قد يطل عليهم . وسلملى اوى اوى على شعب مصر العظيم .


#695579 [كربيش]
5.00/5 (4 صوت)

06-13-2013 09:58 AM
إقتباس (أقصد أبداً الإساءة للسودان البلد الذي أحبه كثيراً. لا يمكن أن أسيء للشعب الذي أكن له كل إعزاز وتقدير واحترام )

كل المصريين يقولون نحب الشعب السوداني لكن لم نجد منهم غير النكد والتعالي ونحن فاتحين المأسورة ضان ابقار وما خفي اغطم .ومطارنا عوضة وصالة

زمن مصر تقود العرب وافريقيا بالكلام انتهى .الزمن الحالي كل شعوب الدنيا تبحث عن مصالحها


#695571 [الغاضبة]
5.00/5 (6 صوت)

06-13-2013 09:51 AM
سلميلي أوي أوي على السودان وكل حبايبي السودانيين
06-13-2013 07:09 AM
حوار: نادية عثمان مختار

الصحفية نادية عثمان، أنا المواطنة السودانية ------------- وأغضبني جدا ان تحاوري هذا الرجل وتعبريه وتديه أكبر من حجمه وهذا في حد ذاته يمثل إهانة لي كمواطنة سودانية وأطالب باعتذار منك على ما لحقني من ضرر.....


#695522 [ابوسروال]
4.25/5 (3 صوت)

06-13-2013 09:12 AM
انت اكبر مقرف ومخرف وحثالة بشر !
انت ومرسي والعيرة هالة صدفي وشبيه الرجال الابراشي والعجوز المخرف ابراهيم حجازي وسمير غانم وسعد العوير الاصغر وبنات الليل هالة سرحان كلهم حثالة البشر _


ردود على ابوسروال
United States [ابو فلكه] 06-13-2013 02:31 PM
هييع عافي منك ياسراويلو


#695498 [مصعب خليفة]
5.00/5 (1 صوت)

06-13-2013 08:55 AM
ههههههههههههههه لا لا لا يعني خلاص بي معني كلامو دا ما كان بقصد شي يا ساده يا كرام بجد اذا دا موقفكم بجد موقفكم مقرف جدا لانو بجد المصريين اقرفونا بي قلت ادبون علي السودان والشعب السوداني


#695491 [hmamizo]
4.50/5 (5 صوت)

06-13-2013 08:49 AM
فقلت له: "نريد منك توضيحاً لعبارة (مقرف) عليك الله هسي دي دايره ليها توضيح ؟؟ بعدين من ادب الاعتزار مفترض يتصل هو بالصحافة السودانية والقنوات الفضائية وموتمر صحفي يعتزر موش تتصلي انتي عشان يوضح ليك عبارة مقرف ؟؟ عفوآ هذا حوار مقرف ؟؟


#695490 [خالد]
4.50/5 (3 صوت)

06-13-2013 08:48 AM
اه يا اولااااااااااد النييييييييييييييييييييييييييييييل


#695486 [ميل]
5.00/5 (1 صوت)

06-13-2013 08:43 AM
رئيس حزب وغد الثورة السافل والمقرف قلتَ لي بلاي؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة