الأخبار
أخبار إقليمية
حركة العدل والمساواة : بيان حول تفجير خط دفرة وهجليج وهرج حكومة الإبادة الجماعية.
حركة العدل والمساواة : بيان حول تفجير خط دفرة وهجليج  وهرج حكومة الإبادة الجماعية.


06-14-2013 12:31 AM
بيان حركة العدل والمساواة حول تفجير الخط الناقل بين دفرة وهجليج
حركة العدل والمساواة السودانية
بيان هام
في سيناريو رسم ليلة البارحة الموافق 12/06/2013 عقب إجتماع جمع كل من المطلوب الاول لمحكمة الجنايات الدولية الجنرال / عمر البشير ونائبة الاول علي عثمان ونافع وعوض الجاز بغية الخروج من القرار المتهور لرأس النظام والذي قضى بإيقاف ضخ بترول دولة جنوب السودان عبر الاراضي السودانية، وبعدما لم يتمكن اركان النظام من تطبيق هذا القرار الصعب دعي لهذا الاجتماع للخروج بسينايو فطير وهو تفجير الخط الناقل بين دفرة وهجليج وإتهام حركة العدل والمساواة بالأمر.
جراء هذا السلوك غير المسؤول نؤكد الآتي :
أولاً : حركة العدل والمساواة لم تفجر الخط الناقل بين حقلي دفرة وهجليج ولم تكن في المكان المذكور.
ثانياً : ليس هناك أي علاقة بين قوات حركة العدل والمساواة والجيش الشعبي لدولة جنوب السودان وبالتالي لم تتلقى الحركة أي شكل من أشكال المساعدات من قبل الجيش الشعبي.
ثالثاً : لا وجود لحركة العدل والمساواة في ولاية الوحدة ولا منطقة أبيي وما راج من هرج من قبل حكومة الإبادة الجماعية حول الموضوع لا أساس له من الصحة.
هذا ما لزم توضيحه
جبريل آدم بلال
أمين الإعلام الناطق الرسمي
13/06/2013


تعليقات 21 | إهداء 1 | زيارات 15930

التعليقات
#696714 [shms]
3.00/5 (2 صوت)

06-14-2013 03:14 PM
سلام شباب
داير اقول ليكم كلام قايتو انا مامع الحكومه وكمان ما مع الحركات المسلحة لكن أقدم نصيحه لمن اراد سودان ديمقراطي نضيف ان يعمل علي ابعاد الانقاذ من السودان وايضا ابعاد المسلحين الذين يحاربون بإسم المهمشين والله كذابين لابهمهم مهمش ولاغير مهمش هي عبارة عن تجمعات نفعية خالصة من قبل المدعين عشان يشيلو بيها قروش من المنظمات والدول المعادية للسودان او الدول المعادية للإنقاذ او التدمير إذا كان هنالك من المعارضه المسلحة والسياسة من يقول ان اولاد قادة النظام في الخرطوم حايمين حول العالم ومخلين المساكين يموتو في الحرب والله نفس الكلام بينطبق عليهم فيهم الاولادو قاعدين في الدول الغربية وبيصرف عليهم من القروش البتدفعه المنظمات دعما للحركة او للمهمشين كما يزعمون يعني الفرق شنو بتاع الانقاذ شال قروش البلد وصرفها علي اولادو يعني قروش المساكين والغلابة وبتاع العدل والمساواة برضو شال قروش الغلابه المهمشين وصرفها علي اولادو يعني نخلص الي انو كلهم مانافعين حكومة وحركات مسلحة كلكم حرامية وكلكم تجار بس بتختلفو في نوع البضاعه البتتاجرو بيها الانقاذ تتاجر بي الاسلام يعني تجار دين وانتو بتتاجرو بي الغلابة والمهمشين بس اظنكم كنتو احرف من ناس الانغاذ شوية لانو عرفتو البضاعه الماشة شنو في الغرب عشان هم البيدفعو ياخ رجاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء للإنغاذ والحركات المسلحة كلكم عشان السودان يبقي نضيف لمو قرفكم منو وعيشو فيه معززين مكرمين وخلو الشعب السوداني يختار البيحكمو منو
مع فائق احترامي لجميع الاطراف واذا في كلمه زعلت زول نرجو ان يسامحنا لانو اصلا الغرض مانزعل زول وانما الغرض نصلح السودان


ردود على shms
United States [راجي بزوغ الفجر] 06-15-2013 12:11 AM
عليك نور ما قلت و الله الا الحق

[ناصح] 06-14-2013 11:00 PM
تحليل واقعي ومنضبط من سوداني غيور على ارض الوطن كثر الله من امثالك نعم قادة ما يسمى بالانغاذ يرسلون ابناء المساكين للهلاك وينعمون بثروات البلاد وقادة الحركات المسلحة يرسلون ابناء المهمشين لاتون الحرب فيقاتل المهمش المهمش فكلاهم وقود للحرب بينما ابناء الضدين يرتعون ويلعبون باموال البلاد واموال اعداء البلاد في تعليم ومصايف وسفاهه الهم اهلك الظالمين بالظالمين واخرج المساكين منهم سالمين


#696707 [shms]
0.00/5 (0 صوت)

06-14-2013 02:55 PM
الله يرحم الوطن


#696611 [asadigyounes]
0.00/5 (0 صوت)

06-14-2013 11:46 AM
حكومة مؤتمر لا وطني تريد ان تقنع الشعب السوداني بالاكاذيب ترويج الاعلام الزايف عشان كدا تحاول ان تشوه سمعة الحركات التحررية لكن الشعب السوداني يعلم ما حصل بين علي عثمان وجاز وبشير


#696607 [حسان]
0.00/5 (0 صوت)

06-14-2013 11:36 AM
دي رساله ملتويه من الحركه لحكومة الجنوب!!! يعني لو فكيتونا عكس الهواء نحنه منقفلوا ذي حكومة الخرطوم!!!!وياسلفا خليك زكي جون قرن جر كل المعارضه لمصلحته وركلها عندما نال مايريد!!! ناس مندكورو ديله لو عايز يقلبو حكومها خليهم يقاتلو ربع قرن ذي ماسوينا بطريقتم!!! وده الحيحصل مابتفوت بااخوي واخوك!!! ومية يوم جماعة ابوعيسي كلام دكاكين ساي!!!


#696570 [ود الشمالية]
0.00/5 (0 صوت)

06-14-2013 11:02 AM
الصوارمى طلع كذاب ورمى التهم جزافا لان البلد يفتقد استخبارات ذات كفاءة
والان المسيرية تبنوا تفجير هذا الخط
وقد ازداد وجهه كلحاوغضب الله عليه
( ما يزال الرجل يكذب ويتحرى الكذب حتى يكتب عند الله كذاب )


#696546 [Daggash]
4.00/5 (1 صوت)

06-14-2013 10:35 AM
للأسف ناس المؤتمر الوطني اشتهروا بالكذب وأدمنوه حتى أصبحت كلمة الصدق عندهم جريمة يعاقب عليها الحزب كل من ارتكبها سواء قصداً أو عن غير قصد. والشواهد كثيرة: مثلاً عندما تكلم غازي صلاح الدين عن أن ترشح البشير للرئاسة مخالف للدستور، اقالوه وقصصوا أجنحته ورموه كالحذاء القديم، والدور الآن على نافع الذي قال أن الجيش أضعف من الجبهة الثورية ولا يقدر عليها.
إذاً الكذب ضالتهم والصدق عدوهم الأول، لذلك سموا بالأبالسة لأنهم كلهم كذوب، وبلا شك فإن كل الشعب السوداني سيصدق ما يصدر من الجبهة الثورية أو حركة العدل والمساواة أو حركة تحرير السودان أو حتى الحركة الشعبية في جنوب السودان، لأنهم في أسوأ الأحوال أكثر صدقاً من المؤتمر الوطني. ثم إن مثل هذه المؤامرات تشبه المؤتمر الوطني صوتاً وصورة ومظهراً ومضموناً. وبالتأكيد فإن قيام المؤتمر الوطني بتفجير الخط الناقل هو من قبل قيام صدام بحرق آبار البترول في الكويت، إنها مرحلة اليأس والقنوط ومؤشر كبير على بداية ترنح النظام فتحروا سقوطه في الأيام القليلة القادمة مع تحريكم هلول هلال رمضان.


#696463 [مراقب]
5.00/5 (1 صوت)

06-14-2013 08:31 AM
الخطة القادمة للكيزان هي اغتيال احد القياديين البارزين غير المرغوب فيهم من الاجنحة المتصارعة للسيطرة على الحزب ومن ثم اتهام الجبهة الثورية والمعارضة بانهم وراء هذا العمل الجبان والخسيس الذي لا يمت باي صلة باخلاق واداب الشعب السوداني ليبدأ بعدها بحملة المقاومة المضادة لخطة ال 100 يوم لاسقاط النظام


#696413 [Mohamed]
0.00/5 (0 صوت)

06-14-2013 06:11 AM
والله نحنا ما عارفين نصدق منو الحكومه ولا العدل والمساواة لو الحكومه ممكن لانو انتاج دفره ما بيلحق 2000 وممكن تضحي بي الخط بتاع دفره و بعدين يصلحوا لو العدل والمساواة ده احتمال اضعف لانو لو و صلوا دفره كان ضربوا وحدة التحكم الخاصه بمنطقة دفره الله يلعن الانقاذ و حراميتها و يلعن العدل والمساواة و عصابتها كلكم كيزان في كيزان وما ننسي انو مؤسس العدل والمساواة د. خليل الله يرحموا كان مساعد الترابي في ايام الانقاذ الاولى


#696411 [الحقيقة مرة زي الدواء]
5.00/5 (1 صوت)

06-14-2013 05:48 AM
اللهم دمر من دمر السودان اللهم انت اعلم بهم من اللهم اقتلهم بددا واكثر شوكتهم


#696407 [ehsan salih]
4.00/5 (3 صوت)

06-14-2013 05:24 AM
يا ناس يا أمة إيه التصرفات الصبيانية دى إذا كان عمر البشير و عصابته الكيزانية ما بهمهم السودان فهو بهمنا نحنا و إذا كان السودان مابهم الحركة الشعبية وبهمها الإنتقام فبرضو السودان بهمنا نحنا جدا جدا وفى الزمن ده ما عاد فى كبير و أمريكا قررت قرار قاطع إنها ما ح تتدخل أو تحارب مع أى زول و ح تتفرج على المسلمين يقتلوا فى بعض لغاية ما يخلصوا على بعض فبالله العقلاء الفضلوا فى السودان يشوفوا لينا مخرج من المصيبة دى.والله يكضب الشينة.


ردود على ehsan salih
United States [nagatabuzaid] 06-14-2013 02:55 PM
احسان يا حبيبة ماذكرتيه هو همنا جميعا نحن يهمنا السودان اولا واخيرا لا لينا غرض

فى هؤلاء او اولئك ونضم صوتنا الى صوتك وبقوة فليتحرك العقلاء الاصيلين من ابناء السودان

الاحرار ليجدوا لنا مخرج وجمعتك مباركة ونساله ان يبلغنا واياكم رمضان وقد وجدنا مخرجا

لك التحية


#696394 [أأه يا بلد]
5.00/5 (3 صوت)

06-14-2013 04:01 AM
قبل هذا اليوم كتبت فى تعليق أن الكيزان سيفجرون
الخط لإحداث فتنة بين الجبهة الثورية وحكومة الجنوب
وهذا هو جزء من المخطط والباقى جاي لذلك على حكومة الجنوب
تأمين منشئاتها النفطية وبناء مصفاة بالسرعة القصوى


ردود على أأه يا بلد
United States [طوف] 06-14-2013 01:33 PM
الخط الذي فجر يتبع لحقل دفرة ويصله بهجليج يعني سوداني ما جنوبي .. فهمت ولا أفهمك تاني ... التعليق بقى ذي مخلفات البطن الواحد عايز يطلعها ويرتاح ... جهل زائد تعليق بيساوي .. روث


#696386 [ابو ابراهيم]
2.50/5 (4 صوت)

06-14-2013 03:17 AM
الحكومة ماممكن تعمل من هذا العمل لان فيه ضرر كبير لها و الحركة متعودةتنكر افعالها الشينة
كيف هان لكم ان تفعلوا مثل هذا الفعل


ردود على ابو ابراهيم
[هجام] 06-14-2013 01:59 PM
الحركة متعودة تنكر ولا الناكر اللاوطني بتاعك دا هو المتعود على الكذب والنفاق ، يا خوي الناكر اللاوطني بتاعكم دا بقا زي مذيع النشرة الإخبارية يجيبوا ليهو الأوراق ويقراها بس بدون التأكد من صحة الخبر، والدليل على كذبهم المستمر هو ظهور مجموعة من المسيرية تبنت تفجير خط دفرا وأكيد الكلام دا بأكد صحة بيان الحركة ويكذب بيان الناكر اللاوطني وحكومته...

United States [واحد قرفان جدا] 06-14-2013 10:02 AM
الحكومة في سبيل التشبث بكرسي السلطة عملت وتعمل اكثر من كدا ... الم تخرب السودان كله تقسيم و تقتيل ونشر الفقر والجوع والمرض ... تحطيم مشروع الجزيرة بصورة ممنهجة ... تحطيم السكة حديد وتشريد عمال السكة حديد... تحطيم جميع مصانع النسيج في السودان وتشريد العمال والفنيين... تحطيم التعليم من الاساس الي العالي حتي صار كل خريجي الجامعات اميين لا يستطيعون المنافسة في سوق العمل العالمي الا يكفي ذلك من امثلة هؤلاء تجار دين .. كلهم فسدة وفاسدين ...عاش السودان الوطن الواحد الموحد ... والموت والعار لتجار الدين المفسدين وسلطة الفساد... والله اكبر و لا نامت اعين الجبناء.

[واحد] 06-14-2013 08:53 AM
قالولك ما نحن , اي طرف ممكن يفجر الانبوب

United States [ود التوم] 06-14-2013 07:04 AM
ياابو ابراهيم لا تنخدع للقول اللين مع شرزمة المتأمرين على الوطن والدين وهولاء يبرعون فى اجادة السيناريوهات السيئة الاخراج مثل :(قتل القتيل والمشى مع جنازته)ومع مسيرة ربع قرن نجزم باننا نعرفهم من لحن القول واخيراً اقولك السياسة لعبة غذرة جداًوالوسائط الاعلامية هى السلطة الاولى فى بلدنا هذاوليس من رأى كمن سمع.

[ما مرتاح ....وما مرتاح] 06-14-2013 06:56 AM
إخرس يا جراد الكتروني ...روح العب بعيد جمب الكوشة ياوهم!!!

United States [محمد المبارك] 06-14-2013 04:53 AM
يا ابو ابراهيم يا النائم علي حيلك اصحى شوية حكومتك العاجباك عاوزة تقفل الانبوب وداخلة ليها في ورطة عقوبات دولية وحلها الوحيد اياهو الكذب والتلفيق وبعدين الحركات المسلحة ماكانت شايفة الانيوب ده من زمان ولا ضربتوا دلوقتي عشان تساعد عمو بشة في قرار القفل وياريت تفهم انو ضرب الانبوب بيوتر العلاقة بين الحركات المسلحة ودولة الجنوب . باخي قول ليك كلام احترم بيهو عقول البشر .

European Union [طارق] 06-14-2013 03:54 AM
بالله ده كلام تقولو. و هي حكومة الفساد دي غير الخراب والدمار جابت شنو للبلد. انت منتفع ولا شنو من هذه الحكومة الفاسدة


#696379 [Nuba-tulashi]
3.25/5 (4 صوت)

06-14-2013 03:07 AM
omer albasheer wants to built up a case to justify the idiotic decision of shutting down the oil pipe line .he comes up with this stupid scenario to implicate south sudan and JEM
yesterday his vice president made a phone call to south sudan vice president Machar .trying to deceive the USA and france because their decsion has back-fire.
.


#696378 [أبو احمد]
4.75/5 (3 صوت)

06-14-2013 03:04 AM
طبعا بدون بيان لما سمعنا الخبر الكل اتفق على أن هذا عمل يشبه الإنقاذ و سوف يدفعوا الثمن قريبا.


#696370 [ms sudan]
5.00/5 (1 صوت)

06-14-2013 02:34 AM
حيرتونا معاكم نصدق منو ما عارفين


#696368 [طارق الباز]
3.44/5 (6 صوت)

06-14-2013 02:28 AM
عادى جدا يا جبريل بن بلال, ديل فجروا طيارة شمس الدين وعرسوا مرتو يعنى جات على خط الانابيب.


#696367 [سيف الدين]
4.50/5 (4 صوت)

06-14-2013 02:27 AM
من غير نفي ونفاق .. الحمدلله اصبح الشعب السوداني يعرف تماماً أساليب السياسه القذره . وانتو دمرتو مناطقكم وشرتوا اهلكم في دارفور . والبعيد شنو تفجروا أنابيب البترول .. الله يكون في عوننا


ردود على سيف الدين
United States [ما مرتاح ....وما مرتاح] 06-14-2013 06:58 AM
....ياهو ده العلموكم ليهو في حصص الجراد الالكتروني خسئت ياهذا ودارفور اكبر من خشمك العفن والايام بيننا غدا ستشرق شمس الانعتاق من أمثالكم ايتها الزبالة.


#696362 [الشايب]
4.50/5 (2 صوت)

06-14-2013 02:15 AM
من اللغة والمعنى وما وراء السطور هذه الحركة لدغت من الجنوب لأنها اسلامية أو تدعي الاسلامية وليس للحنوب مصلحة فيها !! لأنها تتعارض مع توجه أولاد قرنق واولاد سلفاكير واولاد ابيي واولاد أمريكافي التوجه وهو اسلامي كما يعلم الجميع.
هذه الحركة مكلومة بقتل قائدها - والدم رغم أنه لا يغسل بالدم- إلا أن المقتول هو شقيق قائدها !!
فهي ستقاتل كل من قتله في ميادين القتال أو في المريخ !!
نفي الحركة لتفجير الأنبوب يعني عدم رغيتها في معاداة أهل السودان ومشاركتها في معارك أبي كرشولا تعني رصدها لذلك القاتل (الجيش) والجيش في نظرها هو جيش تسميه بجيش المؤتمر الوطني. فمن يقنع (الديك) بأنه ليس (الحبة) تلك قضية تحتاج إلى علماء دين خارج منظومة المؤتمر الوطني وهم كثر. لذا في نظري لن تجلس هذه الحركة مع جماعة السيسي وقطر ووثيقة الدوحة الخ
نفي علاقة الحركة بالجيش الشعبي فيه ما فيه من مؤشرات وتحد واضح لمزاعم تشوينهاا وعسكرتها ودعمها لوجستياً !! لتقول للنظام نحن مستقلون وسنقاتلكم !!
ماذا تريد حركة العدل والمساواة ؟ زوال النظام أم الثأر ؟ أم نظام اسلامي آخر ؟ أم تشفي غليل الترابي ؟ نترك هذه لعلماء الدين السودانيين غير المنتمين للمؤتمر الوطني.
استطاع الاسلام تجاوز الفتنة الكبرى ومعركة الجمل وما بين معاويةرضي الله عنه وعلي كرم الله وجهه ولكن هل بين الانقاذيين مثل أولئك الأفذاذ الخلص الذين أخرجوا من الآيات والأحاديث ما يداوي الجراح ويهدي الأمة هذا الزخم المتزايد كل يوم ؟!! لا يوجد دين في العالم اسمه الدين العربي الاسلامي أو الدين الفوراوي الاسلامي أو الدين الزغاوي الاسلامي!! إنه الدين الاسلامي الذي يحتضن كل هؤلاء. هذا المعنى وحده يجب أن يدق الجرس في عقول الانقاذيين !! الاسلام لا يتحذب ولن يحذب ولم يحذب. أخوان ، سلفيون ، انصار سنة ، انصار المهدي ، انصار الترابي ، انصار جبهة جناح ، انصار جبهة نصف جناح ، الخ الاسلام هو تلك الفطرة الذي يولد بها كل الناس كما قال سيد الخلق عليه أفضل السلام. تلك التحذبات هي التي أطفات ألق الاسلام من قبل حتى اصبح خليفة المسلمين شحاذاً في المغرب العربي بعد أن كان حاكماً للأندلس. دعوا العلماء الركع السجود يستنصحون هؤلاء. انظروا إلى أطفالكم أيها الانقاذيون ... وقبل فوات الأوان لا تجعلوا الدين مطية للسياسة فالدين أكبر من أن يدنسة أبالسة الساسة. السودان كله سني اليست هذه كلمة جامعة؟ السودان كله سود اليست هذه كلمة جامعة؟ السودان لم يدخله الاسلام بحد السيف ؟ اليست هذه كلمة جامعة؟ السودانيون كلهم شعب طيب بشهادة خلق الله. اليست هذه كلمة جامعة؟ لماذا التشتت إذاً لولا البخل البغيض بتقاسم الثروة والسلطة مع الشمالي القريب ومنحها لحنوبيي المناطق المقفولة الذين شكوا من ذلك الظلم والبخل وانفصلوا!! العدل المفقود في قاموسكم أيها الانقاذيين هو المحرك الديناميكي للغبن فاصحوا !! فقد تألمت كثيراً من تعليق أحد الأخوة في الراكوبة وقد قال لولا الردة لنفض يده من الدين الاسلامي والعياذ بالله!! يجب أن تبدأوا من هذا اليأس الذي طبق الآفاق. فإما أن يأتي الحل على أياديكم وهذا شرف لا تدانيه كل كراسي الحكم في العالم لأنه يحقن الدماء وهي حرام وآخر ما أفتى به سيد الخلق في حجة الوداع.


#696361 [Ali]
5.00/5 (1 صوت)

06-14-2013 02:12 AM
اليوم ياتي مؤتمر وطني بفرية ربما عواقبه لا يحمده عقباه لقد طبخ مؤتمر ليل امبارح بواسطة كبيرهم عشان ما يلقى طريقة يتخارجوا من ورطة عالمية وفي نهاية اتهام يقع لجنوب قام عوض احمد جاز بتفجير جزئية صغيرة من pipe line مدروسة وكانت داخل أنبوبة فيها وقود مخلوط بماء تاركين فترة طويلة عشان حركات يأتوا يابوا الوقود عشان عرباتهم بتقيف ولكن قد علم خبر من مصادرهم ولم يتجروا حركات لأخذ وقود...... وحكومة عشان بتفرغ الانبوب عملت فرغة إعلامية بتفجير أنبوب هيهات كانت صحيحة .


ردود على Ali
[الدنقلاوي] 06-14-2013 03:51 AM
يا على انت دنقلاوي ولا ادروب ... ده عربي شنو ده (عواقبه لا يحمد عقباه) ..هه هه هه ها ..أمال إيه ,, ولا يهمك ..أديلوا في زيمبيلو ...أصلوا هو عربي بتاع ابونا


#696342 [خالد حسن]
4.25/5 (4 صوت)

06-14-2013 01:02 AM
بعملوها الابالسه ديل
فعلا ده البكون حصل فجروا الانبوب عشان يخرجوا من مأزق تصريحات ابجاعوره الغبيه
لكن سيناريو بليد يشبه تفكير اغبياء الانقاذ
كان علي الاقل يتهموا الحلو لانه اقرب للمنطقه لكنه الغباء الانقاذي


#696339 [كرار]
2.75/5 (5 صوت)

06-14-2013 12:54 AM
مافى داعى للبيان دا لأن الحقيقة معروفة لنا
وكذب عصابة الانقاذ اصبحنا نتنفسه كالهواء كل يوم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة