الأخبار
أخبار إقليمية
اشتعال الأسعار بالجزيرة وارتفاع تذاكر السفر
اشتعال الأسعار بالجزيرة وارتفاع تذاكر السفر



06-14-2013 09:14 AM

الجزيرة: بشرى الأنصاري

كشفت جولة قامت بها(الميدان) في أسواق ولاية الجزيرة أمس عن ارتفاع متصاعد في أسعار السلع الأساسية، حيث بلغ سعر كيلو السكر(8) جنيهات ورطل الزيت(20) جنيهاً فيما بلغ سعر كيلو اللحم الضأني(80)جنيهاً وكيلو اللحم البقري(50)جنيها كما شهد سعرغاز الطهي ارتفاعاً حيث سعر الاسطوانة زنة(12)كيلووصل(60) جنيهاً فيما ارتفعت أسعار مستلزمات إعداد(الحلو مر).
وفي سياق متصل ارتفعت أسعار تذاكر السفر من وإلى ولاية الجزيرة في السوق الأسود إلى (30%) وقد برر سائقو الحافلات هذه الزيادة بارتفاع أسعار الجازولين وندرته.

الميدان


تعليقات 10 | إهداء 0 | زيارات 2932

التعليقات
#696942 [ودريس]
5.00/5 (1 صوت)

06-14-2013 10:37 PM
ناس الجزيره ملطشة الكيزان يصوتو ويصفقو ويشتغلو امنجيه نفر ما ضباط ومشروعهم دمروه و معايشهم عطلوها ووظائف ليهم مافي وماجايبين للدنيا خبر ياناس الجزيره اصحو شويه الانقاذ طلعت روحكم


ردود على ودريس
[جزيراوي] 06-15-2013 12:58 AM
ودريس الزم حدودك
الجزيرة ليست ملطشه لأحد لكنها لا تعرف الإنتهازية التي تعصف بالسودان من أطرافه.
أما كاتب المقال والميدان فقد كذبوا الكذب البواح فكيلو اللحم العجالي يتراوح في زنك اللحمه 28 جنيه إلي 32 جنيه في الملاحم البعيدة عن السوق كيلو الكبده 40 جنيه كيلو اللحم الصافي خالي عضم 40 جنيه الدجاج كيلو 21 جنيه. كيلو السكر ماركة صافي 6جنيه أنبوبة الغاز في المناقل 22 جنيه وموجود في محلات الغاز في مدني. كرتونة البرتقال 34 جنيه فيها 54 قطعه كيلو(4دسته نص) الموز 3جنيه. طبق البيض 20 ربع الجبنه البيضاء 6جنيه.كفايه وللا نزيدك من الشعر بيت.
نحنا عايشين في مدني ما عايشين في كوكب المريخ.
عالم تعمل ضغط وتكضب نص النهار.


#696931 [احمد]
0.00/5 (0 صوت)

06-14-2013 10:04 PM
ليس هكذا ينصلح الحال...الارقام المذكوره غير صحيحه تماماً..المهنيه مطلوبه..تمليك الحقيقه هو ديدن الصحافه الحره النافعه لوطنها..


#696880 [ﻭﺩ الماحي]
5.00/5 (1 صوت)

06-14-2013 08:31 PM
ي ﺍﻟﻠﻪ ﻳﺎ ﺃﻭﻟﺎﺩ ﺍﻟﺤﻮﺵ ﻭﻣﻨﻂﻘﺔ ﺟﻨﻮﺏ ﺍﻟﺠﺰﻳﺮﺓ ﺍﻧﺘﻢ ﻣﺴﺠﻠﻴﻦ ﻗﻴﺎﺏ ﺗﺎﻡ ﻣﻦ ﺍﻟﻴﻮﻡ ﻟﺎﺯﻡ ﻧﻜﻮﻥ ﺣﺎﺿﺮﻳﻦ ﻭﻋﻴﻮﻥ ﺭﺍﻛﻮﺑﺘﻨﺎ ﺍﻟﻌﺘﻴﻘﺔ ﺍﻟﺸﺎﻣﻠﺔ ﺍﻟﺠﺎﻣﻌﺔ ﺍﻟﺘﻲ ﺗﻤﺜﻞ ﻧﺒﺾ ﺍﻟﻐﻠﺎﺑﺔ ﻭﺍﻟﻤﻆﻠﻮﻣﻴﻦ .ﺍﻥ ﻇﻠﻢ ﺍﻫﻠﻨﺎ ﻧﺤﻦ ﻧﺎﺱ ﺍﻟﺤﻮﺍﺷﺎﺕ ﻟﺎ ﻳﻘﻞ ﻇﻠﻤﺎ ﻣﻦ ﻇﻠﻢ ﺃﻫﻠﻨﺎ ﺍﻟﻐﺮﺍﺑﺔ. ﻭﻛﻞ ﻣﻦ ﻇﻠﻢ ﻓﻲ ﺃﻱ ﻣﻜﺎﻥ ﻓﻲ ﺍﻟﺴﻭﺩﺍﻥ. ﻟﺎﺯﻡ ﻧﺘﺤﻰﻙ ﻭﻳﻜﻮﻥ ﻟﻨﺎ ﺩﻭﺭ ﺃﻛﺒﺮ ﻓﻲ ﻛﺸﻒ ﻫﺆﻟﺎﺀ ﺍﻟﻤﺎﺳﻮﻧﻴﻴﻦ ﺍﻟﻤﻨﺎﻓﻘﻴﻦ ﺍﻟﻔﺠﺮﺓ.ﻭﺫﻟﻚ ﺑﻠﺄﻋﻠﺎﻥ ﻋﻦ ﺃﻱ ﺣﺎﺩﺛﺔ ﺗﻘﻊ ﻓﻲ ﺃﻱ ﻣﻜﺎﻥ ﻓﻲ ﻣﻨﻂﻘﺘﻨﺎ ﺍﺍﺣﺒﻴﺒﺔ.ﻭﻟﻜﻢ ﻣﻦ ﺃﺟﻞ ﺍﻟﺘﺤﺎﻳﺎ. ﻭﺳﻠﺎﻣﻲ ﺍﻟﻲ ﻛﻞ ﺍﻫﻠﻨﺎ ﻓﻲ ﺍﻟﺤﻮﺍﺷﺎﺕ و ﺍﻟﺘﺮﻉ و ﺍﺏ ﻋﺸﺮﻳﻦ و ﺍﻟﺠﺪﺍﻭﻝ و ﺗﺤﺖ ﺍﻟﺸﺠﺮ و ﺍﻟﺤﺠﺮ و ﺍﻟﺤﻠﺎﻝ ( ﺍﻟﻘﺮﻱ) و ﻓﻲ ﻛﻞ ﻣﻜﺎﻥ .ﻭﺳﻠﻤﻮ ﻟﻲ ﻋﻠﻲ ﻧﺎﺱ ﺍﺏ ﻗﻤﺮﻱ و ﻋﻮﻳﻀﺔ ﻭﺍﻟﺒﺮﻳﺎﺏ و ﻭﺩ ﺍﻟﻨﻮﺭ و ﺍﻟﺸﺮﻳﻒ ﻣﺨﺘﺎﺭ ﻭﺍﻟﺸﺒﻮﻧﺎﺕ و ﺍﻟﺪﻭﺣﺔ و ﻭﺩ ﻳﺴﻦ و ﻭﺩ ﻧﻌﻤﺎﻥ و ﻭﺩ ﺍﻟﺤﺪﺍﺩ و ﺃﻡ ﻋﺼﺒﺔ و ﻃﺒﻘﺔ و ﺭﻭﻳﻨﺔ و ﺍﻟﻔﻮﺍﻳﺪﺓ و ﻭﺩ ﺍﻟﻌﻂﺎﻳﺎ و ﺍﺍﻡ ﺗﺮﻳﺒﺎﺕ و ﺣﻠﺔ ﺩﺍﻭﻭﺩ و ﻛﻨﺎﺑﻲ ﺍﻟﺘﺎﻣﺎ و ﺍﻟﻐﻀﻴﻀﻴﻢ و ﻭﺩ ﺍﻟﻤﻌﺎﻙ و ﻭﺩ ﺍﻟﻬﻨﺪﻱ و ﺍﻟﺰﻧﺎﻧﺪﺓ و ﻧﺴﻴﻢ و ﻛﻴﻠﻮ ﺳﺒﻌﺔ ﻭﺳﺒﻌﻴﻦ و ﺃﻡ ﺷﻂﺮ و ﺧﻮﺍﺟﺔ و ﺍﻟﻌﻘﺪﺓ و ﺍﻟﺼﻮﺍﻯﺩ و ﻭﺩ ﺷﻨﺎﻥ و ﻭﺩ ﺍﻟﻌﻂﺎﻳﺎ و ﻣﻌﺼﻮﺭﻳﻦ و ﺗﺒﺎﺧﺔ. ﻭﺇ ﺍﺍﺍﺇﺍﺃﻱ ﺧﻠﺎﺱ ﺗﻌﺒﺖ كفاي


ردود على ﻭﺩ الماحي
United States [عبد المتعال] 06-15-2013 10:49 AM
ود الماحي ماشاء الله عليك حافظالجزيره كلها اشتغلت في حملات الفيران ولا شنو


#696733 [الحوش]
5.00/5 (1 صوت)

06-14-2013 05:06 PM
الاخ ككك سلام واحترام وجمعة مباركة ودعاء مقبول
وأقسم برب الجمعة دة الحايحصل والحايحصل
وما أخذ بالقوة لا يسترد بغيرها.وحات أبوك نحن
لا أحسن من السوريين ،ولا أضعف منهم.


#696719 [خالد عثمان الرشيد]
0.00/5 (0 صوت)

06-14-2013 04:28 PM
والله حرام عليك يالبشير ديل برضو شعب سودانى ياخى كفايه قله ادب خلى الشعب السودانى يستريح فصلته الجنوب عشان الحرب تقيف والشعب يجنى ثمار السلام لكن الحرب ذادت وانتشرت الجنته ماعندك علاقه بالسياسه ياعسكرى ياوهم الله يجازيك جوعته الشعب البنات عمر ثمانيه عشر طلعن الظلط عشان ياكلن ابهاتن وشرته الشباب شى ليبيا وشى السعوديه حرام ياكلب


#696703 [ككك]
0.00/5 (0 صوت)

06-14-2013 03:50 PM
الي : أبو نور, الحوش, الدش, ومظلوووووم

أقول ليكم بطلوا الخيابة الانتو فيها دي!!! كل واحد فيكم يولول ويجلع بالكلام المابودي

ولايجيب!!! فكروا أن تغيروا الحال وتقفوا ضد الظالم وتأخذوا حقوقكم بالقوة, ولا خائفين من

الموت؟ شوفوا الشعب السوري؟؟ يازبالة وين التضحيات ونكران الذات


#696699 [ود الفاضل]
0.00/5 (0 صوت)

06-14-2013 03:43 PM
اذا ظل البشير فى الحكم حتى اجراء انتخابات جديدة ستجدوا اهل الجزيرة اكثر المصوتين للولاية الرابعة او الخامسة صدقوني ماجايبين الهم والغم والاحباط والتخازل الا اهل الجزيرة والبشير ذاتو على فكرة تربى فى الجزيرة وذلك جاء نظامة عينة ماسبقت على السودان اهل الجزيرة والمصريين مايفرقهم الا اللون لااحساس بالسودان ولا السودانيين واكثر اهل السودان انبطاع ونفاق واخر انتخبابات للبشير كان الاقيم الوحيد الذي اعطى البشير اصوات هم اهل الجزيرة 0 حتى المديرية الشمالية الذي يدعي البشير انه منها لم تعطيه الا حفنة اصوات 0


ردود على ود الفاضل
[فادي الوطن بروحه] 06-15-2013 07:43 PM
يبدوأنك يا و د الفاضل لا تزال طفلاً يافعاً في عقلك و عمرك الزمني و أرجح أنك من مواليد السبيعنات أو الثمانينات و أنت لم تسمع بمدني التي بدأ منها التحرير و الثورات ( نادي الخريجين - ود مدني )أربيعنات و خمسينات القرن الماضي و مظاهرات الطلاب التي كانت تبدأ من مدني و تتبعها بقية ( المحافظات ) و الأقاليم - الخرطوم و الأبيض هذه هي الجزيرة رائدة الثورات و التغيير رائدة الثقافة و الفن تقابة الغلم و الدين (( مطمورة و تقا السودان ) اليوم سكن الجزيرة أشكالك
يا ود الفاضل قتنكروا لها بعد أن أخذ خيرها أجلاف الشمالية ناكري الجميل مثلك فكانوا انتهازيين انضموا الي الواطي واصبحوا اذنابه يسبحون بحمده ليل نهار و أهل ابادلأصلاء الكرام لا زالوا على مبادئهم و الآن الجزيرة مرجل يشتعل لهيباً و سوف يتطاير لهيبها قريباً جداً و يشوي أمثالك من المنفرجين المخذلين ( الذين لا يعرفون كوعهم من بوعهم )

United States [عبد المتعال] 06-15-2013 10:53 AM
ياودالفاضل اها رايك شنو تاني ندي البشير ولو بعد100 سنه ابقي راجل انت اطلع


#696658 [ابو نور]
0.00/5 (0 صوت)

06-14-2013 02:28 PM
يارحمان يا لطيف انقذاهلنا من ظلم الانقاذ.وبالله ياشباب اعرف فيكم الطيب وفيكم الساذج وفيكم الغشيم وفيكم العاقل الوطنى الغيور رفقا بوالديكم الكبار الذين ضحوا من اجل كم ومن اخواتكم الائى يفقدنكم ان تعوا الدرس ولا تكونوا وقود نيران حروب الانقاذالتى تفقر وتذل اهلكم ولاتخشى فيهم اى رحمة باسعر تجارها الفاسدين وتخضعكم انتم وتسوقكم كالقطيع الى ساحة الحروب باسم الدين وتجعل من علماءها الفاسديين يصدرون الفتاوى الكاذبة من اجل تثبيت سلطانهم
استخدموا عقلوكم ولو مرة وشوفهم كيف يعشون هم وابائهم واهلهم وكيف تعشيون انتم واهلكم
شوفوا كيف يعيش اهل السلطةولكم اسوة فى ابناء عمومتم البشير امشوا شوفوا كيف يعيش على الصديق حسن البشير وهو يركب السيارة بموديل السنة ويكدس اموال ببيته والله تكفى مئات الالوف من اسركم الفقيرة.وشوف كيف يعيش واليكم الفاسد الزبير واصهاره ولكم اسوة فى صهره اللص اليسع الذى سرق اموال مايسمى امانة المؤتمر الوطن بالولايةوانشاء بها الشركات ونحن اذ نقول لكم هذا نريد منك ان تتاكدوا بنفسكم .
ياشباب اتقوا الله فى حق اباءكم وامهاتكم واسركم وجاهدوا فيهم من نار الانقاذ السكر 8 جنيه الزيت الطل 20 وكيلو اللحمة 80 ضان و60 بقرى وبرضوااستنفاروتعبئة ومعسكرات هذا وضحك واستخفاف بيكم وباهلنا الطيبيين حتى لا تصبحون على وطن


#696653 [الحوش]
5.00/5 (1 صوت)

06-14-2013 02:19 PM
اللهم بركة الجمعة الجامعة والدعوة السامعة تصرف هؤلاء الظلمة
من حكم البلاد والعباد،اللهم إرنا فيهم وفي أهلهم واطفالهم
اللهم إرنا فيهم عذابك في الدنيا قبل الآخرة .اللهم انصر
كل من يسعي لنصرة أهل بلدي ولحرق الفساد وأهله
اللهم أن كنا علي حق فاقبل دعاءنا،وان كان يرضيك
ما يفعلون يا رب العباد فدمهم فيما يفعلون.


#696594 [الدش]
0.00/5 (0 صوت)

06-14-2013 12:26 PM
لا حول ولا قوة الا بالله العلي العظيم - وده كله على ظهر المواطن المغلووووب على امره - ولسه كمان في مستلزات اخرى مع بداية العام الدراسي - حسبنا الله ونعم الوكيل في هولاء الناس الحاكمين الظلمة - ربنا يمهل ولا يهمل


ردود على الدش
United States [مظلوووووم] 06-14-2013 01:58 PM
ههههههههه والله هم يبكى وهم يضحك ...مره يقولوليك خزنه الدوله فاضية ومافيها شى ...ومره يقولو ليك القوات المسلحه ما عندها القوة للرد ومره يقولو ليك نحن ونحن ونحن وتعال شووف الرقيص والهز ....ما ليهم حق يرقصو ويهزو سماااااان ومكان اقل واحد 200كيلو وده كلو والمواطن السودانى عينو طالعه ياخى منعول ابو اليو م الخلاكم تحكمونا فيه ياحراميه ياملاعين

وين بتمشو من ربنا وين تمشو من دعوة المظاليم ...لكن وفسم بالله نحن نستاااهل يركبو فى راسنا ده من فوووق عارفين ليه ...لانو شعب جبان شعب ماعندو زره كرامه ...وولايه الجزيرة تحديدا تستاهل اكثر من كده لانو ما حصل طلعو ولا استنفرو ولا طالبو بحقوهم ولا ابدو براى وشنو تعال نوريك العجب هسى فى الايام الفاتت دى قالو محتفلين بالنصر وطلعت الحشود فى الشارع يباركو للبشير وكلابو انو رجع ابوكرشولا ...ياخى اخجلو فضحتونا قدام الشعوب اخس عليكم ياريمم

على القسم لو عندكم ضمائر واحساس تتمردو كلكم وتطلعو الشارع لوحدكم وما محتاجين ليهم فى شى نحن ناس الجزيرة والبطانه بنعرف ندبرامورنا ...بس لاحياة لمن تنادى ...والله علبه غاز مسيل للدموع كل الناس تتفرتق ...دى امه عايزة تعيش وتحقق احلامه ..

والجاى كثير وتحية منى خالصه لشعب الجنوب اللى عرف يقرر مصيرو وتحية كبيرة جدا جدا للجبه الثورية وبقول ليهم الى الامام وربنا معاكم وربنا يوفقكم وربنا ينصركم ومافى يدنا شى نقدمو ليكم غير الدعوات واخر دعوة بقول ليك فيها يالبشير ربنا ينتقم منك انت واتباعك بركه هذا اليوم العظيم ...اللهم امين اللهم امين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة