الأخبار
منوعات سودانية
طبيب سودانى اوقف الدورة الدموية 19 دقيقة وكللت العمليه بالنجاح
طبيب سودانى اوقف الدورة الدموية 19 دقيقة وكللت العمليه بالنجاح
 طبيب سودانى اوقف الدورة الدموية 19 دقيقة وكللت العمليه بالنجاح


06-15-2013 07:35 AM
كندا: محيي الدين شجر:

حاورت آخر لحظة الطبيب السوداني الذي نال الجائزة الملكية بكندا بعد نجاحه في ايقاف الدوره الدمويه لمدة 19 دقيقة

لمريض يبلغ من العمر 82 عاما ويعاني من تسرب في الشريان الاورطي

كانت اخر لحظة سباقة في اجراء حوار مع استشاري جراحه القلب والاوعية الدكتور محيي الدين محمد محيي الدين الذي يعمل هذه الايام بالمستشفى الملكي بكندا و الذي شرف السودان مؤخرا بنيله جائزة رفيعة من المستشفى الملكي بكندا في انجاز طبي سوداني لاجرائه عملية قلب معقدة اوقف خلالها تدفق دم المريض لمدة 19 دقيقة ,لضمان نجاح العملية .

وقد تحدث دكتور محيي الدين خلال هذا الحوار عن تفاصيل هذه الجراحة الدقيقة وامكانية اجرائها في السودان كما اشار الى معلومات مهمة للغاية حول الجائزة التي نالها ...تابعوا الحوار .

شروط منح هذه الجائزة الرفيعة وكيفية التنافس للحصول عليها؟

هذه الجائزه تمنح من قبل لجنة في الجامعة الملكية بكندا (مغيل) وتعلن في احتفال كبير بفندق ضخم وحضر الاحتفال المدير التنفيذي لجامعه مغيل وعميد كليه الطب ورؤساء الاقسام

تفاصيل العملية التي نلت بموجبها الجائزة ؟

بالنسبة لهذه العملية للعمليه فهي معقده جدا نسبه لان المريض عمره ٨٢ سنة ويعاني من تسرب من الشريان الاورطي داخل الصدر وتضخم كبير في الشريان الاورطي ويحتاج الي تغيير كل الشريان الاورطي الخارج من القلب وشرايين الرقبة والشريان النازل الى البطن

ولاجراء هذه العملية لابد انك توقف تدفق الدم في الجسم تماما وحتى لاتموت الاعضاء لابد انك تبرد الجسم تبريداً شديداً جدا لتقلل تاثير عدم تدفق الدم والاوكسجين الى الاعضاء.

وكل ذلك لابد ان يتم في زمن وجيزحتى لا يحصل تلف للاعضاء الحيوية في الجسم

كم استغرقت العملية ؟

العمليه استمرت لاكثر من سبع ساعات والمريض الحمدلله بحاله جيدة

هذا بصوره مختصرة وهذه العمليه تتم في اكبر المراكز لانها عملية معقدة وتحتاج الى تدخلات مختلفة

هل مثل هذه العمليات يمكن ان تتم في السودان ؟

يمكن ان تتم في السودان بعون الله ونحن ماشاء الله اولادنا يسدو عين الشمس بقليل من العناية والدعم والرعاية المستمرة لهذه التخصصات النادره وتحفيز الكوادر وجلب المعدات الخاصة يعني تهيئة المناخ المناسب والتدريب المستمر.

هل اجريت عمليات مماثلة ؟

خلال الشهر الماضي اجريت اربعة عمليات لزراعه القلب وفي اخر عملية كان المتوفي والمتبرع عمره 26 سنة تعرض لحادث حينما سقط من السلم وتدحرج لانه كان يكتب في رسائل عبر الموبايل فتوفي فقمنا بزرع قلبه لمريض اخر ولهذا انا دائما احذر الناس من التحدث عبر الموبايل او ارسال رسائل منه اثناء القيادة

كيف كان اثر هذه الجائزة عليك ؟

وقع هذه الجائزه علي كان جميلا لانني دعيت للاحتفال ولم اكن انوي الذهاب لانني بطبعي احب ان اكون دائما في المستشفي وغرفة العمليات وما كنت اعلم بشي ولكنهم اصروا علي واخرجوني من العملية ولكن انا فرحت اكثر بفرح السودانيين وكلامهم عن فوز سوداني بهذه الجائزة وبتعليقاتهم وكلامهم الطيب في الانترنت عبر الفيس بوك ومنتدى سودانيز اون لاين وملتقى الاطباء السودانيين وموقع روايات وقصص سودانية وغيرها من التعليقات الجميلة والتي تدل على طيبة واخلاق الشعب السوداني وحبهم للخير للاخرين .

كلمه اخيره اشكر صحيفة اخر لحظة واشكر الاخ الصديق مصطفي ابو العزائم والاستاذ علي فقيري وجميع العاملين باخر لحظه والشكر موصول لكل الشعب السوداني واتمني من الله ان يجعل بلدنا من احسن البلاد ونتمكن من توحيد جهودنا حتى نستطيع ان نقدم بلداً متطوراً ومزدهر اًللاجيال القادمة

المستشفي الملكي. كندا
اخر لحظة


تعليقات 11 | إهداء 0 | زيارات 9339

التعليقات
#710224 [nazik]
1.00/5 (1 صوت)

06-30-2013 10:19 PM
كل الشكر والتقدير من دكتور محي الدين للمشاعر الجميلة والكلمات الطيبةوالشكر منو لي ادارة موقع الراكوبة بصفة خاصة لافراد مساحة له والدكتور مستعد للتواصل مع كل شخص يحتاج للمساعدة الطبية او الاستشارة الطبية في ما يتعلق بامراض القلب متعكم الله بالصحة والعافية ودا ايميل دكتور محي الدين للتواصل [email protected]


#697726 [sliman]
3.00/5 (2 صوت)

06-15-2013 07:46 PM
اولا التهنئه موصوله لشخص الدكتور محي الدين الذي شرفنا بانجازه المميز, فقط هناك تعليق علي تفاؤله البعيد عن الواقع بامكانية النجاح في تنفيذ مثل هذه العمليات في السودان لأن الجهات الحاكمه لن تسمح بمثل هذه النجاحات في السودان الا اذا كان المرضي ممن يهم الحكام امرهم وبالطبع يمكنهم ان يعالجوا مرضاهم خارج البلاد اما الشعب السوداني فهذه الحكومه غير مستعده لتوفير ما ينفعه ويحسن معيشته وصحته وبيئته وامنه طالما هم مستمتعون باملاكه .


#697715 [سخانه]
2.25/5 (6 صوت)

06-15-2013 07:33 PM
ةالله الكنديين ديل باقى لى 19 دقيقه دى عندهم طويله الزمن عندهم ليهو قيمه طيب رايهم شنو فى دكتور تسبب فى وقوف دم شعب باكمله 25 سنه باقى لىكان نصبه ملك عدييل


#697679 [A.a]
3.00/5 (3 صوت)

06-15-2013 06:35 PM
نحن في السودان نعمل بالطاقه الشمسيه بدون دم


#697574 [كوز كنافه]
5.00/5 (1 صوت)

06-15-2013 03:49 PM
السودان والله ضحكتوني عشان يجئ واحد كوز في عمر أولاده يفرض عليه تعليمات وعشان هو يقولون له فلان ده مادفع القروش طلعه من العملية او خلال آخر لحظة للعملية يجد كل الاصطاف طلعو عزاء لواحد عامل معهم خليك بعيد دي بلد ناسها طيبين أي وبلدك لكن الناس الفوق ديل خليهم علي الله فترنا من الشكية


#697537 [وحيد]
5.00/5 (2 صوت)

06-15-2013 03:17 PM
كل الكوادر هاجرت وهاهى تعطى للشعوب علمها لانهاتقدر الانسان كم من طبيب هاجر الان الخليج يعج بامهر الاطباء السودانين وكل يوم يتفوقون ويبرعون فى مجالاتهم ........اما الوطن فلك الله ايها المواطن المغلوب عللى امره


#697508 [Elnadi]
5.00/5 (2 صوت)

06-15-2013 02:47 PM
هذا دليل قاطع بان الطبيب السودانى مميز وله القدرة على التميز فى أى مكان وزمان ويعتبر هذا الطبيب عملة وخبرة نادرة ..... وكم من أمثال هذا الطبيب هاجروا من السودان؟؟؟؟؟؟


#697363 [alnileabdalla]
5.00/5 (2 صوت)

06-15-2013 12:19 PM
الله اوفقك واسدد خطاك وان شاء الله مزبداُ من العمليات الناجحة ورفعت راس السودان عالياُ وترجع بالسلامة الي بلدك السودان وتدوم فخراُ له .


#697282 [ابوايمن الحلاوى]
5.00/5 (1 صوت)

06-15-2013 10:37 AM
ياخوى لابتم فى السودان ولا حاجه!! خليك قبلك هناك ونحن هنا اهو دواس مع ناس مامون حميده وابوسن .. ومرات العلاج يصيب ومرات بتاع تخدير اتكلم فى الجوال وافوت بيك؛؛ ولاحقنه منتهية الصلاحيه تشلك !!!وتخبط واهمال باسهاب ولارادع لاحد...واخونا ابوسن الخواجات طلعوا السماء وبعدين زحلقوه....


#697262 [mohmd]
5.00/5 (5 صوت)

06-15-2013 10:21 AM
قال يمكن أن تتم في السودان ياأخي الكريم الحكومة دي موقفة دم الشعب السوداني 24 سنة ما لك علينا!


#697225 [mohamed]
5.00/5 (1 صوت)

06-15-2013 09:53 AM
الله يوفقك يا دكتور و يزيد من أجرك و يمتعك بالصحة والعافية انشاء الله وقت الدكتور السوداني بيبقي مكرم و مرفوع الرأس داخل بلدو نحن كل الشعب السوداني بصوت عالي بنقول تعال لوطنك نحن عايزنك ما تشيل هم
انت عزيز ومكرم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة