الأخبار
أخبار إقليمية
والي الجزيرة : المؤامرات علي البلاد تستهدف كل التكوينات ونهب ثروات المواطنين
والي الجزيرة : المؤامرات علي البلاد تستهدف كل التكوينات ونهب ثروات المواطنين
والي الجزيرة : المؤامرات علي البلاد تستهدف كل التكوينات  ونهب ثروات المواطنين


06-15-2013 07:59 AM
م(سونا) أعلن البروفيسور الزبير بشير طه والي الجزيرة ان المؤامرات علي البلاد متواصلة ومتوسعة وتستهدف المجتمع بكل تكويناته واثارة النعرات العنصرية ونهب ثروات المواطنين وتفكيك الروابط الاجتماعية وتسريح القوات المسلحة والسلطة القضائية وتمزيق كل البلاد المسلمة .
وقال والي الجزيرة في تصريح (لسونا) ان هذه المؤامرات تدار بدعم وسند من الصهيونية العالمية وقوى البغي والاستكبار وباستخدام الحركات العنصرية المسلحة وبعض دول الجوار كاليات لانفاذ المخطط .
واضاف ان كل هذه المخططات التأمرية التي استهدفت ابو كرشولا وام روابة والسميح والله كريم تم اعدادها والتخطيط لها وتمويلها وتسليحها من قبل عام مضى .
وأكد البروفيسور الزبير بشير طه ان الرد علي هذه المخططات برفع درجات اليقظة والحيطة والحذر والاستعداد للمواجهة والتصدي لكل من يعتدي علي عقيدتنا وبلادنا وطمس هويتنا الثقافية واستغلال مواردنا واستمرار الدعم والسند للقوات المسلحة بالمال والرجال .


تعليقات 15 | إهداء 0 | زيارات 1354

التعليقات
#697867 [ود نفاش]
0.00/5 (0 صوت)

06-15-2013 11:53 PM
عن اذنكم اريد ان استفرغ لانى اصبت بحالة غثيان
ولا تعليق


#697800 [عصمتووف]
0.00/5 (0 صوت)

06-15-2013 10:02 PM
ان المؤامرات علي البلاد متواصلة ومتوسعة وتستهدف المجتمع بكل تكويناته واثارة النعرات العنصرية ونهب ثروات المواطنين وتفكيك الروابط الاجتماعية

البركة فيكم انتم خليتم حاجة للاعداء كان نهب ثروات قشيتوا خزائن باطن وفوق الارض من كله خضار معادن سائلة وجامده خزائن بيت المسلمون عادمة ابو النوم سكنت وبنت فيها هوام الارض يا شخيبر الكلب بالله كلم الحكومة تتوصي بينا شوية


#697630 [سعاد صالح التني]
0.00/5 (0 صوت)

06-15-2013 05:19 PM
فعلا كلامك مليون في الميه صاااااااااااح

لكن قل لي بربك من الذى تآمر علي الشعب السوداني ونهب ثرواته منذ 1989 وقتل شبابه وشرد من بقي منهم قيد الحياة ورمل نسائه وشلع وباع مشاريعه وممتلكاته وأذل رجاله ومكن أولاد وبنات الحرام والفاقد التربوى علي رقاب العباد ومن ومن ومن ومن ومن ومن ومن ومن الخ؟

الم تكونوا أنتم ياوالي الجزيره ؟ لماذا ترمي اسرائيل وامريكا بالباطل ؟

حتي محاكمتكم ياوالي الجزيره وايقاع أشد العقاب بكم لن يشفي غليل أحد !!!!
لذلك فالكلام في هذا الموضوع سيظل سابق لأوانه الآن علي الأقل ومتروك في النهايه لتقدير كل مواطن ومواطنه في الشعب السوداني ولكل كل الحريه في أن يشفي غليله كيفما يرى أو ليعفو!!!!!!!!!!!!!


#697578 [lahib al shooq]
0.00/5 (0 صوت)

06-15-2013 03:54 PM
انتو خليتو حاجه ينهبوها 23 سنه بتنهبو وتجو تقولو مؤامرات ع البلاد يا حرامية


#697532 [حسن سليمان]
0.00/5 (0 صوت)

06-15-2013 03:12 PM
وأنتو خليتوا للمواطنيين ثروات؟؟ ولا بتقصد ثروات الكيزان


#697531 [سودانى Not منفرج الأسارير]
0.00/5 (0 صوت)

06-15-2013 03:12 PM
يا كبير الفلاسفه يا سقراط زمانك وافلاطونه ..الحمدلله الذى جعل لك من المفهوميه ما تصل به
بعد ربع قرن من الزمان الى معرفة تواصل المؤامرات على السودان واستهدافو ..هل من مستهدف له اكثر من نظامكم هذا؟؟ وكفى !!انه لشيء عجيب !!حتى العمّه ما ماك عارف تلفّهاعلى رويسك الخالى الذهن.
الله يسألك السودان قبل الثلاثين من حزيران كان كدا؟ انتو اتعلمتو وين؟ وفهمتو شنو؟ وقريتو كدا!! والله كل من شاء لهم حظهم العاثر ان تكون انت وامثالك قد جلستم الى حلقات درسهم فى اى مرحلة تعليميه يقسمون بالله انهم اسفوا ولا يزالون وما ينفكون يأسفون على كل لحظة عملوا فى مدارس انتم كنتم من تلاميذها...
الجزيره اللى سخريات القدر خلتك تبقى "مدير" او "محافظ" او "حاكم" فيها وقعدت على كراسى كانو قاعدين عليها المديرين "الماهجنقلا" المستر بريدن و حسن على عبدالله وسليمان وقيع الله...وسخريات الزمان اللى اجلستك على كرسى سير دوقلاس نيوبولد وسير جيمس روبرتسون (كان تبقى سمعت بيهم) وعلى كرسى وديع حبشى.. واخر الخبر قالو اخدت ليك وقتا كنتj قاعد على كرسى كان يجلس عليه L. C. Wilcher ونصر حاج على.. فى اعلى مؤسسات التعليم قدرا ومكانة..
آخر المطاف السودان يصل الى هذا الدرك ألأسفل !! لآ تعليم .. لآ صحه.. لا زراعه .. لا امان ..هوانتو ثروات المواطنين خليتو فيها حاجه!! وصحيح كل اناء بما فيه ينضح .. والفيك بدّربو ... كووووولو ما عندكم كذب وافك ونفاق ونهب !!! روح .. الله يخزيكم ويخزى اهلكم..ويورينا فيكم قدرتو..


#697405 [Mohd]
0.00/5 (0 صوت)

06-15-2013 01:04 PM
المواطنين خليتوا لهم حاجة انتوا ؟

مديونين وباعوا بيوتهم وباعوا اي شي بسبب ضرائبكم وتدميركم لمشروع الجزيرة ونهبه


خليهم يجوا حبابهم عشرة ينهبوا يعملوا الدايرنه المهم انتوا تغوروا في ستين داهية دنيا واخرة


#697333 [abuawaab]
0.00/5 (0 صوت)

06-15-2013 11:38 AM
يا اخونا نحن مواطنون بدون ثروه


#697332 [gameel]
0.00/5 (0 صوت)

06-15-2013 11:37 AM
1/ طيب لي شنوا اي ورقة حكومية لازم تسألو الزول عن (قبيلتو) شنو .. قال اثارة النعرات العنصرية
2/ هو المواطنين الشرفاء عندهم ثروات .. قال نهب ثروات المواطنين
3/ الناس دي عايشة في بلاد غير المسلمين واهو عايشين في أمان زول سائلم مافي .. قال التصدي لكل من يعتدي علي عقيدتنا


#697296 [دم محمد عبد السلام]
0.00/5 (0 صوت)

06-15-2013 10:48 AM
وانت فاتورة غسيلك الجاف 2 مليون في الشهر- نعم الوساخة في- لكين 2 مليون يابروف؟ يوماً ما ستجف دمائكم علي الجلاليب الطرية ولن يُجدي الغسيل الجاف...


#697250 [ابوايمن الحلاوى]
0.00/5 (0 صوت)

06-15-2013 10:12 AM
حاميها حراميها!!! ونرحب باى نظام جديد ومالها الصهيونيه ليه مانستفيد منها زى بقية الدول العربيه مصر الاردن الخليج المغرب وووووووووو وانت جعجاع بتاع نوبه وشوف ليك شغل فى خلاوى ودالفادنى!!!!


#697237 [ali alfred]
0.00/5 (0 صوت)

06-15-2013 10:01 AM
اللهم لا اعتراض على قدرك وقضاءك فالمعتوه يبقى معتوها حتى لو وضعنا في رأسه عقلا جديدا ولكن أن يكون بهذا الشكل فهذه قمة المعضلة.لا أعلم من أين لك كل هذه الجرأة للإسهاب والإطناب في الحديث عن مكونات الشعب السودانى,المؤامرات.من يطلع على تاريخ المؤتمر الوطنى من البداية وحتى الآن يكتشف أنه ما قدم لنا غير التخلف والتزمت والعصبية والطائفية والدمار.هل ما زلتم تعتقدون أن الناس ما زالوا أغبياء لتصديق شعاراتكم الخرقاء و إدعاءاتكم الخشبية البالية؟موقفكم يانتن صار اوطى واجرامكم ستحاسبون عليه,أفسدت هذا الجيش وجعلت منه عصابات مجرمة لقتل الشعب السودانى لمصلحة رئيسك سفاح دارفور.ان فشل النظام على كل الاصعدة وحتى الكذب منها دليل ساطع على قرب نهايته.


#697196 [سيد احمد الشايقي]
0.00/5 (0 صوت)

06-15-2013 09:34 AM
خلاص ياناس التآمر اقيفو خلو الزبير ينهب براهو نشوف حدو وين . والله يا شيخ الزبير انت واحد من الناس العود راجيك وان طال الزمن.


#697164 [ضل الفيل رجع]
5.00/5 (1 صوت)

06-15-2013 09:05 AM
واللهى عمك دة ذكرتنى قصة حاج البصل مع عامل قماير الطوب - يحكي ان فى احد الايام سطى اللصوص علي دكان عمنا حاج البصل و ما خلوا شي لعمك و فى الصباح وهو يجلس امام الدكان و قد تمكن منه الغضب اذا به يفاجأ بعامل القماير يساله ان يبيعه علبة بنسون فكان رد عمك (انت البارح خليت فيهو سجارة عامل عينيك الحمر ديل) -فدحين صاحبك ده بي عمتو الذي بتاعين قهوة الزيبق خلى ثروة فى الوطن


#697138 [البذئ]
5.00/5 (2 صوت)

06-15-2013 08:19 AM
ونهب ثروات المواطنين؟؟؟؟؟؟؟؟؟؟؟؟ هل المواطنين لهم ثروات و نحن المواطنين اخر من نعلم؟
وتفكيك الروابط الاجتماعية؟؟؟؟؟؟ يا راجل حرام عليك قول كلام غير كده بلاش كذب؟

وتسريح القوات المسلحة والسلطة القضائية وتمزيق كل البلاد المسلمة؟؟؟ بالغت والله انت زول كريه و كذاب.

وتسريح القوات المسلحة ؟؟؟؟؟ يعنى شارون هو الاحال الجيش للصالح العام و طرد الكفاءات من القوات المسلحة؟و شارون هو الاسس الدفاع الشعبى؟ شارون هو الاعلن الجهاد على السودانيين فى الجنوب و الغرب و الشرق؟ و شارون هو من اسس عرس الشهيد؟؟؟؟؟شارون هو من جلب بنات الحور الى الجنوب و جعل الشجر يرقص على انغام الموسيقى الاسرائيلية؟؟؟؟ بلاش عوارة معاك يا بروفيسور يا فاشل؟؟؟؟هل شارون هو من دمر مشروع الجزيرة و دمر الخطوط البحرية و نتينياهو هو من باع خط هيثروا؟ و اسحق شامير هو الذى دمر الخدمة المدنية بحجة تمكين اليهود على الوظائف الحكومية فى الخرطوم يا الزبير الشعب ساكت ايوه لكن ما عندو قنبور بالحجم ده يا الزبير بشير اليعازر ...... يعنى تعملوا عمائلكم دى كلها و ترموها فى اسرائيل؟؟؟؟ اسرائيل لو عايزة تدمركم بتجى بالباب عديل ذى ما عملت فى اليرموك؟؟؟؟؟ قوم لف يا رجل يا كريهه و كذاب انت و الطيب مصطفى الشعب السودانى بيكرهكم لتعاليكم عليه.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة