الأخبار
أخبار إقليمية
ود القبائل..!!..في أشد مراحل السودان حساسية. د.نافع يتحدث عن سكان السودان الأصلاء.!!
ود القبائل..!!..في أشد مراحل السودان حساسية. د.نافع يتحدث عن سكان السودان الأصلاء.!!
 ود القبائل..!!..في أشد مراحل السودان حساسية. د.نافع يتحدث عن سكان السودان الأصلاء.!!
مالك عقار تعود أصوله الى مملكة الفونج..والحلو الى قبائل النوبة


06-15-2013 12:16 PM

شمائل النور



خطاب مساعد الرئيس نافع علي نافع أمام تشريعي الخرطوم وبالرغم من الافادات الوفيرة التي أدلى بها نافع المكررة أو المتوقعة،حيث لا جديد في كل المعلومات الواردة بالنسبة لخطط الجبهة الثورية إن كانت "أ" أو الخطة "ب" أو الطابور الخامس،أو الأحزاب التي فضلت أن تُبقي رجلاً في الداخل وأخرى في الخارج..لكن الجديد كلياً والذي يبدو أنهم باتوا لا يجدون حرجاً من قوله وإعلانه بكل شجاعة وأمام الإعلام،الجديد هو حديثه حول أن الجبهة الثورية تخطط لتحرير السودان من أبناءه الأصلاء، بحسب ما نقلت صحيفة "الشرق الأوسط"...الأصلاء تعني أنه يقصد أصحاب الملك الحقيقي للسودان وهكذا يُفهم،في إشارة أكثر من واضحة بمن يقصد الأصلاء،هذا الخطاب المهم يأتي في أشد مراحل السودان حساسية،وأي كلمة تخرج هي رصاصة بالمقابل على روؤس الأبرياء الذين يتحملون حصائد الألسن.

قبل أيام تحدث أحد ما عُرف بـ "السائحون" بمنطقة الجزيرة،حيث سجل إقرارات حول سياسات العنصرية والقبلية التي اتبعها نظامه السابق وكيف أنهم استثمروا في هذا الجانب،وإن كان هذا السائح غير صادق في قوله ،فرضاً، فإن الواقع يصرخ ويئن من سيادة القبيلة فوق كل شيء،وما يحدث الآن هو نتيجة سياسات ممنهجة انتهجت على مر العقود،لم تتشظى البلد على أثرها فقط،بل أن الأمن الاجتماعي الآن ذاته بات في خطر،وليس سياسيا أو أمنياً وعسكرياً فالمعركة بين الأصلاء والدخلاء ستحرق المجتمع بأكمله،وهي تسير نحو الاتجاه،لذلك لابد من رشيد عاقل يوقف هذه اللا مسؤولية،وينقذ ما تبقى..نافع يظن أنه والذين معه هم أبناء هذا البلد الأصلاء،وما سواهم مجرد دخلاء،أو أي صفة أخرى،ليته اكتفى باستهداف الدين والشريعة،هذه الاسطوانة المملة،فليس في البلد أصيل وغير أصيل،وهذه لا تحتاج إلى كشف مستندات وخطة "أ" أو "ب" بل أن السودان بالرجوع للتاريخ قد يتحول الأصلاء إلى دخلاء والدخلاء إلى أصلاء،هكذا هي حقائق التاريخ والجغرافيا.

القبيلة المتفشية في الخطاب الرسمي حصدنا منها ماهو يحدث الآن،فقد بلغ الحال أن استمارات خدمية عديدة "يتحكر" فيها إسم القبيلة مثله مثل أي بيانات أساسية ومهمة وعليها ينبني قرار،بلغ الحال أن استمارات التقديم لكثير من الوظائف تتطلب أن تكتب إسم قبيلتك،وهذا كله معلوم.

الأسبوع الماضي اتصل بي أحد القراء وهو في حالة ذهول،حيث أن استمارة الفحص الجنائي المتعارف عليها بـــ أورنيك "8" الذي استلمه أحد أقاربه وهو بصحبته مطلوب فيه إسم القبيلة ضمن البيانات الأساسية في الاستمارة،والحق ليس لدي علم إن كان إسم القبيلة مطلوب من قبل أم أنها "قيمة مضافة"، فإن كان في الأصل موجود في الاستمارة فهذه كارثة،وإن كان أمر حديث فعلى الدنيا السلام...السودان ملك لجميع أبنائه لا أصلاء ولا دخلاء،تتصارعون كيفما تشاؤون،تقتلون بعضكم،تصفون بعضكم،تقتلعون الحكم من بعضكم،لكن آخر الأمر الوطن لجميع السودانيين،ملكية هذا البلد خط أحمر،تخطيه ربما يكنسه من الوجود.


[email protected]






تعليقات 58 | إهداء 0 | زيارات 19447

التعليقات
#698683 [علي عبداللطيف]
0.00/5 (0 صوت)

06-17-2013 01:00 AM
الا يكفي ان نكون (سودانيين) وبس ؟؟؟
هذه الدعاوى (القرووسطيه) لم نسمع بها في اركان الدنيا الاربع التي ذهبنا اليها
حتى في بلاد (العرب) نفسها .
ما الذي أتى بهذا (القُبح) الي بلادنا (المتسامحه) ؟؟؟؟؟


#698662 [اورو]
0.00/5 (0 صوت)

06-17-2013 12:12 AM
البلد دي اسود عبد اصفر عربي احمر حلبي وبقية الالوان حسب مزاج الناظر


#698620 [isic]
0.00/5 (0 صوت)

06-16-2013 11:09 PM
لﻷسف النظام الحالي سيزول لامحال ولكن بهذه العنصرية الواضحة حتى ﻷطفال المدارس أقسم لكم بالله اﻹنتقام سيكون فظيع فظيييييييييييييييييع ياعالم يابجم .


#698590 [زاهراحمدا]
5.00/5 (2 صوت)

06-16-2013 09:58 PM
الى كل عنصرى لا ىوجد فى هذا العصر دولة مكونة من عرق واحد تجمعنا المواطنة السودان لكل السودانيين


ردود على زاهراحمدا
United States [زاهد] 06-16-2013 11:29 PM
اتفق معك السودان لكل السودانيين ولكن
بعد ان يتم احقاق الحق واعطاء كل ذي حق حقه ومحاسبة عسيرة لكل من شارك في ظلم الاخرين ونهب مال المغلوبين وقتل الامنيين وقهر المستضعفين وبعد ذلك تمكين المهمشين في القبل الاربعة شاء من شاء وكره من كره . الثمن المستحق والتضحيات المطلوبةاكبر مما يثصوره احد
تغيير شامل يقلب موازين الوعي الجماعي المضلل الذي يعيشه الجميع وتبقى الحقيقة المرة وهي الدواء العلقم الذي سيشفي من هلوسات الصفويين والمستلبين الى غير رجعة واخر العلاج الكي
مرحبا بجيل معافى او الحرب حتى الفناء ولا نامت اعين الظلمة


#698528 [مسطول راكب فيل]
0.00/5 (0 صوت)

06-16-2013 08:35 PM
شوووط شووط سيجارة
ابو السطلة زاتو الجنا ده جاب الخدرا دي من وين قلتليك جيب الحمرا يا جن
...
الناس دايرة تجرنا عرب ديل بدل الغرب مالهم ياخي جربناك وخزلتنا خلي غيرك يوهمنا بوهم تاني اصلاو ادمنا التبعية
الواحد لما يغلبو قبول الغير عربي في نظره ينسجو حولو الاساطير عشان يقدر يهضموه الشوكة الماقدر يستوعبها اخونا داك
يقوليك اصلو القبيلة دي فيهم عروبة لانو بني حمير وبنى كلاب كان منهم واحد طشا وجاء بالغلط في الحتة الفلانية بعد فقد الجي بي اس بتاعو في خرتاية المعزة السافر بيها من تعز لمدينة قرطبة واستقر وهكذا صارت كل القبيلة لها نسب بالعرب وبالتالي هو مننا في فهمه حيث انه النسب القدسي الذي حتى يكاد يداني الشعب المختار من بنى اسرائيل
ياعبودة اخوي فتح عينك
اكان عاجبك اللون اللون بقى حقن واقرب حلبية
حتقولي لا لا لون شنو اللون مازايل بس نحنا جوة عرب
يعني شنو الجديد
يعني عرب وكده
ولسانك ده مالو كتر من اهلك البهناك
المصريين ديل واللبنانيين مختلفين اللهجة عشان الاختلاط
يعني اختلاطك بالاصلاء عندنا ديل خلاك فصيح زي ده؟
الناس الاصلاء ديل كان ما فصيحين لسانك البدوي ده ماكان انعدل اضافوا ليك
طيب ياخي الناس دي جيناتا صلحت الجين اللغوي عندك
احمد ربك ما مشيت مصر كنت هسع مع اولاد بمبة وهأو وهأو كنت تهوهي
مصر يا اخت بلادي
مجد العرب ياخوي ماتخزينا
مجد العرب ده ياتو في السودان اوع يكون قصدك
ااااي
ااااي ؟ ياخوي مجد العرب عارفنو عند اهلو ومجد الحبشة كمان عارفنو ومجدك ده ما بنتما الا باخوانك ديل
هسع في ذمتكم الهواء ده مش بتحرك من المنطقة ذات الضغط العالي للمنطقة ذات الضغط المنخفض؟ واللون الداكن بمزج اللون الفاتح؟
الدم ده بمزج البحر؟
ولا كانت في هجرات تعدت الثلاثين مليون بشر حاليا
هسي المزج التاني منو ؟ هو العالم ده ماكلو شخبط لخبط
ولا شمس السودان دي غيرت لون العرب اسمر
اسمر بفرق؟
ماعندنا سمر من قبل تصل بميناء عيزاب مع ابن بطوطة
اييييي دق جرس وقول حاقدين علينا
هو انت عندك شنو مديدتك والناس لحسوها القال ليك تدلقها منو هرمونات زايده ؟

لكن ياخونا اهلك ديل قروشهم كتيرة خلاص ما تزعل


#698500 [اب ضكر]
0.00/5 (0 صوت)

06-16-2013 07:39 PM
البلد دي حسب معلوماتي تنتمي لجامعة الدول العربية اثنيا فترة طويلة بعد تغليب احد السنتنا وهو لساننا العربي وتغليب البداوة على المدنية مع اغفالنا عن التاريخ والجغرافيا لحين لمصالح ركضنا وراءها حتى اوردتنا المهالك
ماذا استفدنا من انتماءنا لجامعة الدول العربية فقد فاقت سؤتها محاسنها العصبية والاخلاق السيئة وامراض العرب الجاهلية وحروب اختلط الاسلام فيها بجنس العرب في اسفاف وانحطاط تاريخي نحو هاوية نهاية الازمنة باحثين معهم عن عز مسلوب وحلم منكوب مصيرهم بيد عدوهم وعدوهم هم انفسهم ومن بني جلدتهم حتى وكأنها سجية فيهم فقبلنا بوعثاء السفر وقبلنا الايادي ونشرنا البسمات ولم نفرق بين الدين والاثنية في مسيرة دموية مخالفة لتاريخنا المسالم لنصبح ابرع الببغاوات واعرب من الاعراب حتى اذا دخلو جحر الضب دخلناه ظنا منا انه لا رشاد الا بهم ولا سؤدد الا من وراء اعقابهم وانهم النجاة من المستعمر ونخطب ود قوم اصبحوا كاليهود فعرفنا القوم في دواهي لا ناقة لنا فيها ولا بشاري فأخطأنا من ظننا انهم سر التطور والنماء فوجدناهم في امر مريج وقلب شريد كثيرين اخلاط اصابتهم الامراض المستعصية والرزايا المستحكمة مباني شاهقة وصدور شتى
الدين له امة نحن منها ولا تلزمنا امة غيره خاصة التي تدمر ولا تعمر تتامر اكثر مما تتساند بأسها بينها شديد والحكمة ضالة المؤمن
معذرة فعندما يجهر اناس ليل نهار بقصد او بدون قصد للاساءة للآخرين فنحن نقل له "تنحى جانبا" انت لست النموذج الصالح الذي يرتقي بارضنا ولا شعوبنا مرحبا بك في العيش المشترك ولا تهمنا اوراقك البسيطة امام تراكمنا التاريخي المتآخي من كل الاهل الأصلاء
وعلاقتنا مع الجميع خارج حدود هذا البلد ليست الا للمصلحة اما غير ذلك فسوري
لا تفيدنا الدعاوي الباطلة مهما اقامت من حجة يدحضها التاريخ لكي ترفع من قدر النازح المستوطن ضد الاصلاء اصحاب الارض وقد تبين خطورتها على الجميع
انتهى زمن الشيخ والتمسح باقدام البدو وغيره من الاخلاط مع احترامنا لكل احد
فليس لاحد اي رغبة في العيش بزمان غير زمانه ولا مكان غير مكانه
سودان وفقط
نصالح من نشاء ونعادي من نشاء حسب مصالحنا
ومرحبا بجامعة الدول العربية عندما تكون على قدر ضالتنا
نرتقي معا اهلا بكم والتاريخ لا يرحم الخونة ولا يسجل لهم موطئ قدم
نستفيد من العالم من حولنا بالعقل وبدون عواطف خارجة عن حدود المكان لكي نعيش بدون ضوضاء
اما ترهات العشائرية والانتماءات اللامنطقية فلا تبنى دولة
هذا البلد الذي كان فيدراليا قبل العالم اصبح عشائريا قبليا يسبح حول نفسه بدون مركز جامع
لا تبخسو الناس الذين خلقم رب الناس


ردود على اب ضكر
[عبد الهادى مطر] 06-16-2013 09:12 PM
تسلم أيدك وقلمك يالضكر


#698440 [مخلص]
5.00/5 (1 صوت)

06-16-2013 06:29 PM
يا جماعة الخير انا حزين لاستعراض بعض المعلقين لموضوع العنصرية بهذا الجهل بالتاريخ و الجعرافيا بسبب كراهيتهم للكيزان.
يا اخوانا حسب بعض المؤرخين الخوجات و ارجو الرجوع للموقع(http://www.occasionalwitness.com/) يعتقدون بان سكان السودان الاصليين هم القبائل حول النيل فى الشمالية (النوبيين)اما الذين ينتمون للثقافة العربية و الاسلاميه فى الشمال قد جاءوا عبر مصر. الذين ينتمون للثقافة العربية فى غرب السودان قد جاؤا عبر مرتانيا و المغرب. سكان جبال النوبة اغلبهم قد جاء من غرب افريقا و قليل منهم فى منطقة الدلنج قد جاء من شمال السودان. اذن بهذا التحليل التاريخى ارجو ان لا يدعى احد بانه اكثر سودانية من الاخر لان السودان بحدوده الجغرافية قد عرف فى زمن الاستعمار و ان حدود دولة السودان الذى نتحدث عنها الان قد وضعت قريبا. قبل الاستعمار كانت الحدود الجغرافية مفتوحة لجميع القبائل من افريقيا و الشرق الاوسط فاى سودان نتحدث عنه نحن الان ؟
يجب ان يعلم الجميع ان 90% من الشعب السودانى يكرهون هؤلاء اللصوص و دائما اللص ذكى جدا و يستعمل ادواته باحتراف و يبدو ان اغلب المعلقين لا يعلمون ذلك. الكيزان يمتازون بالذكاء و الخبث و نحن نمتاز بالغباء و العاطفة القاتلة .
العنصرية داء اجتماعى وليس سياسى و كل ما فعله الكيزان بخبثهم ان استغلوه فى السياسة و قد نجحوا و الا لما حكمونا 24 سنة و نحن نظل نجعج منذ ذلك التاريخ . علينا ان كنا فعلا واعيين ان نسبح عكس تيارهم و ان نبنى كمثقفين جدار اجتماعى لحماية نفسنا من هذا الداء الفتاك و الا( فليضع ابو حنيفة رجله) كما يقال فى المثل ان كان هذا هو نوع تفكيرنا. و على الكيزان ان يستعدوا لحكمنا عشرون عاما اخرى لاننا غير جديرين. و ارجو ان لا يحلم بعضنا بان القوة او الدمقراطية سوف تنزع داء العنصرية من جسدنا الاجتماعى.


ردود على مخلص
United States [باحث في الانسانيات] 06-16-2013 09:22 PM
معلومات تستند على مصدر واحد مارأيك في اعراق السودان القديم والتي تدعمها معظم المصادر وبعدين لا تتجاهل القدم التاريخي لوجود هذه الشعوب مقارنة مع الجميع حيث لا يعرف بالتحديد نهاية امتداد هذه الحضارات بالضبط حول النيل من الجنوب وحتى منتصف مصر القديمة وبعض من ليبيا حيث الماء هو ابسط وسيلة مواصلات لتسافر من الجنوب وحتى اقصى الشمال!
مرحبا بك حيث توقف مدوني التاريخ حائرين في هذه البقعة من الارض التي حازت على لقب ممالك النوبة مهرجلي التاريخ التي جابت المرض لمؤرخي اليونان والرومان وحتى رحالة العرب الذين فشلو في تحديد اسم دنقلا من دمقلة التي عرفوها ودونوها دون بقية المدن وهي البقعة الوحيدة التي نالت مئات الاوصاف من الرحالة العرب دون تحديدها بالضبط وابن بطوطة وغيره دليل على ذلك
في هرجلة اكتر من كده؟؟؟؟؟؟؟؟؟؟؟؟؟؟؟؟؟؟؟؟؟؟


#698437 [ا لكهف]
0.00/5 (0 صوت)

06-16-2013 06:23 PM
ابليس خرج من الجنة لانة تكبر علي خلق اللة و اللة جميع ما خلق ربي اخوتي فاحزروا من هذة الفتنة ليس هنالك مخلوق افضل من مخلوق الا ما فضلة ربي


#698431 [سوداني اصيل سيد الاسم]
0.00/5 (0 صوت)

06-16-2013 06:14 PM
مافعله المستعمر في افرقيا بدا ينهار
الاتفاقيات والمعاهدات التي كانت في صالح معاوني المستعمر اصبحت غير معترف بها كاتفاقيه مياه النيل مع مصر وبقيه الدول واتت في صالح المصرين الذين عاونو المستعمر في دخول السودان وافريقيا امراض السودان كلها تعود للحكم المصري في عهد محمد علي وترجع ايضا للدوله المهدي الذي ساعد في انتشار تجاره الرق وساعد في تجهيل السودانين واظنه انا عميل للانجليز الذين كافؤ ابنائه فيما بعد هو من ساعد في انتشار الرق هناك اشياء كثيره لا يخوض السودانين فيها ففي معظم القبائل تجد جماعه يقال لهم ديل عبيد القبيله الفلانيه ماكان ذنبهم الا لانهم لم يعتنقو دعوته التي كان يراها وكانها. منزله من السما وهناك الكثير الكثير هناك من خانو اوطانهم وصورهم التاريخ ابطال وهناك من عملو في العلن كمناضلين وهم اعوان المستعمر الذي اورثهم الحكم يتداولونه فيما بينهم


#698417 [ابن البادية]
0.00/5 (0 صوت)

06-16-2013 05:56 PM
كتبة ليلة تعقيب طويل وشكرتنى الراكوبة وقالت سوف تنزله لا حقا ولا أدري هل قطفته ذئاب الغابة الى تنهشنا كل يوم في ظلام الليل مع سريان قانون الغاب


#698392 [الشاعر]
5.00/5 (1 صوت)

06-16-2013 05:13 PM
اسمعوا يا ناس قبل فوات الاوان...نحن عرب وافارقه خلونا نستفيد من انتمائنا العربى ثم الافريقى خليكم ناس اذكياء ديه ميزه خصانا بها الله لماذا لم نستفيد منها نحن بلد كوكتيل والكوكتيل فى الاكل اطيب اكل وكذلك فى المشروب لماذا نحول الكوكتيل القبلى الى احقاد توبوا وارجعوا لرشدكم انتم فى نعمه لكن لن تعرفوها حتى تدخل عليكم النقمه بعدين تقولوا ياريت ويا حليل ايام زمان ...حيث لا ينفع الندم.


#698380 [نبيل صالح]
0.00/5 (0 صوت)

06-16-2013 04:59 PM
يا جماعة سبب البلاء في هذا البلد العروبيين امثال الطيب مصطفي الذي يتباكي اليوم علي اتحاد السودان ومصر والمؤامرة التي عصفت بمشروع الوحدة في الوقت الذي سن فيه قلمه الاسن ضد اخواننا في جنوب السودان ... وكرس للانفصال من اجل اشباع نفسه المريضة والامارة بالدمار ,لن نقول باننا لسنا بعرب لان الرسول (ص) قال كل من تحدث العربية فهو عربي او كما قال ولكننا ايضا افارقة , بل في الحقيقة نحن اقرب للملامح الافريقية والثقافة الافريقية اكثر من العربية , وعموما هذا المنبر ليس معتركا لاثبات الهوية , بل نريد القول بان من حق كل سوداني ان يحلم بحكمه والتمتع بخيراته وتسمية شوارع عاصمة البلاد برموزه التاريخية ...وليس كما درج الانقاذيون العروبيون تعريب كل ما هو سوداني وتجاهل الثقافات والاثنيات الاخري بشكل متعمد ... واذكر عندما انشئت شركة سودابت الاسم الجديد للبريد والبرق انهم طرحوا اعلانا يطلبون فيه تصميم شعار للشركة وكانت الشروط الا يخرج الشعار من الموروث والثقافة العربية ... (ومن يشك في حديثي فليراجع هذا الاعلان)متناسين بان هناك ثقافات وحضارات اقدم من العربية لا زالت شعوبها تعيش علي ظهر السودان من اقصي جنوبه الي شماله وغربه وشرقه .... الا تعتقد ايها الذي اطلق عليك نافعا ونحن نري فيك عكس المسمي بأن هذه الممارسة وما تفوهت به فمك من عبارة من عنصرية بان السودان يحكمه اناسه الاصليين يدفع كل من يفكر في الاصلاح بالكفاح المدني الي الخروج والانضمام الي الحركات المسلحة بالرغم من عدم قناعته بالوسيلة العسكرية لتغيير السلطة ... الا يشجع حديثك الكراهية بين ابناء الوطن الواحد .... اذهبوا ... اذهبوا قبل ان يحترق السودان بمفاهيمكم الصدئة .


#698376 [الواسوق]
5.00/5 (1 صوت)

06-16-2013 04:52 PM
صحيح انو الرجل عنصري ومستفز لكنه لم يقل ما نسب اليه بل قال "هم يزعمون انهم سيحررون الخرطوم من سكانها غير الاصلاء" في اشارة خبيثة الى الشمالين والبحب ممكن يرجع للفيديو
http://youtu.be/A3FOPLA1XXA
الثابت اهانتو للجيش واشك انو حيعتذر لانو ماخد ضوء اخضر من البشير في قول ما قاله والخطاب امام المجلس التشريعي ركز على هدفين سياسين: الاول وزي ما قال نافع هو المواجهة العارية مع المعارضة وخطة المائة يوم عبر التخوين والاتهام بالعاملة مع الخارج واسرائيل والثاني الاستنفار بسبب ضعف مقدرات الجيش ودا الدخل نافع في مأزق. اللافت للنظر انو ظل نافع يؤكد خلال ال38 دقيقة انو المعركة هذه المرة حااااسمة. الكلام دخل الحوش


ردود على الواسوق
United States [السفروق] 06-16-2013 09:45 PM
هو نفس المعني الاخ الكريم
>>>>>يزعمون انهم سيحررون الخرطوم من سكانها غير الاصلاء

راجع من جديد واقرا العبارة من الاتجاه المعاكس ستجد المعني واحد وهو معنى نتن من كل الاتجاهات


#698212 [الله جابو]
5.00/5 (2 صوت)

06-16-2013 01:06 PM
يا اخوة العنصرية ليست عند نافع فقط وانما كل القوم الانقاذيون من شاكلتة وقد اوضحت جزءا منها في مقال ارسلته للراكوبة من قبل ولم ينشر بعنوان الانقاذ بين عنصرية الممارسة واتهام الآخر
*لقد اتضحت الرؤية الحقيقة لعنصرية الانقاذ ومنسوبيها منذ فترة طويلة ولكنهم كانوا خجولين في اظاهر تلك العنصرية طالما بعدت الشقة بين معارضيهم و ومدي قربهم من كراسي السلطة و نعيمها , فما ان يصرح معارض من ذوي الاصول النيلية ,الاوسلطوا علية سيف الردة و الكفر والخروج عن الملة اعلاميا بواسطة علماء السلطان او مكيفاتي الرأي العام من ارزقية الصحافة وقنوات تضليل الرأي التلفزيونية , اما ان كان ذاك المعارض من ابناء الهامش من درافور او كردفان او النيل الازرق او الشرق فسوف يوصم بالعنصرية ويتم اطلاق بالونات التهويل والترهيب بان الوطن مهدد في عروبته طالما هؤلاء المهمشيين اتقي وانقي اسلاما و اطهر سريرة منهم ولا يمكن الشك في اسلامهم ولكن عليهم الا يسألوا الكانزين رحيق دمهم( منذ الاستقلال) بأنهم شركاء في الماء والكلاء المباح , والمأوي والنار, كما ابدع في وصف ذالك الشاعر المغيب قصرا ابوذر الغفاري وحين تجلي حب الوطن فية شعرا فقال :
سبحانك اللهم ما انزلتنا سهوا لنحيا هكذا سهوا
ونصعد هامشيا ننزوي في لوحك المحفوظ
والاجل المسمي والاذل
و بلغ اسمي سودانويتة التي يعتز بها كل من ليس في نفسة عقدة النقاء العروبوي فقال ذاك الغفاري :
الكل يخرج من داوخله ويشدو
بالتي في القلب- يا وطني – تغني للذين تعفروا
في راحتيك وبايعوك بان لا
الا التوهج في ترابك
او رضابك
او كتابك
او علي دين البنفسج شاطروك الجرح والخبز النقي وكرنفالات النضال
يا قادمة
بري تحية عاشقيك
وكابري جهرا شراهة كانزيك
واشهري صوت الغفاري يا صبية
ما اتيناك فرداي
كي نرد الصاع صاعا
انما جئناك جمهرة وساعة
كي نقيم الارض عرسا للجميع
وزفة المأوي لاولاد الحلال .
هذا الغفاري جًسد السودان الذي يعرفه جيل ما قبل الانقاذ التي يدعي نافعهم انهم بقايا الاندلس والصحابه وهو يدري انة في سلسلة السلم العرقي العربي في القاع , فلنتركه في احساسه بمركب نقص العروبة الذي يتشابي له بسلمه الذي في خده لنري بقية احفاد ابناء ابو جهل والوليد بن المغيرة بماذا يتقيأون من اصناف العنصرية التي قال عنها المصطفي دعوها انها منتنة :
1- مستحيل نقبل تاني يكون نائب الرئيس غرابي قاصدا بتاني الخليفة عبد الله التعايشي , قالها احد النافزين الان عندما تم ترشيح الدكتور علي الحاج ليكون نائب اول للرئيس خلفا للزبير محمد صالح.
2- كيف ترهنون عروبة السودان ل محمد الامين خليفة وعلي الحاج ليقودا وفد التفاوض مع الحركة الشعبية – الطيب سيخه – كتاب المحبوب عبدالسلام – الحركة الاسلامية السودانية دائرة الضوء خطوط الظلام
3- نحن نحب الغرابي البسيط ولا نستسيق الغرابي المثقف المستنير – قالها وزير في عهد نميري توفي- قالها لدريج – كتاب – السودان النهضة او الانهيار- دكتور شريف حريرو تيرجيت تيفيت.
4- كردفان خط الدفاع الاول عن عروبة السودان- د غازي صلاح الدين عند ظهور الحركات المسلحة الدارفورية .
5- الاثيوبي المسيحي اقرب الينا من الجنوبي المسلم – د غازي صلاح الدين للسفير الامريكي – تسريبات ويكيليس.
6- علي المؤتمر الوطني تركيز جهدة من تنمية و خدمات في المثلث دنقلا –سنار- كوستي – ورقة اقتصادية طلبت من وزير المالية السابق عبد الرحيم حمدي قدمها في مؤتمر الحزب الاقتصادي –لم يقل الحزب بانها لاتمثل رؤيتة - فعرفت بمثلث حمدي.
7- انتم تريدون تكملوا طريق الانقاذ الغربي عشان الغرابة يملوا ليكم الخرطوم – قالها وزير العدل السلبق سبدرات لدكتور علي الحاج في وجود ابراهيم منعم منصور.
8- الحزام الاسود الذي يطوق الخرطوم – دكتور حسن مكي واصفا تجمعات النازحيين والقاطنيين في المناطق الطرفية حول الخرطوم.
9- ربما اصبح آخر رئيس عربي للسودان – الرئيس البشير معربا عن تخوفة للمبعوث الامريكي اندرو ناتسيوس .
10- هنالك ضغوط دولية لتغيير تركيبة الحكم في البلاد – صلاح قوش في كسلا عندما اعلنت الحركة الشعبية عزمها لترشيح سافاكير لرئاسة الجمهورية في الانتخابات الرئاسية.
11- السودان مستهدف في هويتة العربية والاسلامية – النائب الاول علي عثمان طه عند زيارتة لمصر.
12- الجعلي كان ركب الغرباوبة دي شرف ليها – الرئيس البشير لمسؤل رفيع بلجنة التحقيق الوطنية في ازمة دارفور - كتاب الخندق لفتحي الضوء.
13- الانقاذ آخر حكومة للجلابة لانها جاءت متحزمة بمعاني عزيزة عندهم وهي الاسلام والعروبة والقوات المسلحة – دكتور عبدالله علي ابراهيم واصفا رؤية القوم للانقاذ.
14- الرئيس يصف الجنوبيين بالعبيد وكان يطلق علي دكتور علي الحاج بالفريخ - الترابي في ندوة بالقاهرة .2011
15- انها سيئة للغلية وتسعي لا نتزاع السودان من هويتة العربية والاسلامية – قطبي المهدي ( الذي يحمل الجواز الامريكي) معلقا علي توقيع بعض القوي السياسية المعارضة علي وثيقة الفجر الجديد مع الجبهة الثورية – الرأي العام فبراير 2013 .
16- حشرات – الحشرة الشعبية دي ما دايرين بترولها ده يمر بعندنا ,اصلوا ديل ماينفع معاهم الا لغة العصاء – الرئيس البشير في حديثة الشهير عند استرداد هجليج –مما جعل علي كرتي ينتقد تصريحات الرئيس داخل البرلمان .
17- قوش لرويتر 2004 بانهم قصفوا القري بدار فور وسلحوا القبائل العربية و كان ذلك خطأ - بعد ان عزل واراد ان يفوز في الانتخابات مترشحا عن المؤتمر الوطني في الدائرة (5) مروي لم يجد من الكلامات غير استثارة ادني ما في انسانية قومه وهي الموروثات البيولوجية من هتك اعراض نسائهم فقال لهم مخاطبا ناس دارفور عندما يقابلونا في خلال اللقاءات يقولون لنا سنتأتي الي مروي ونغتصب نساؤكم .
18- ديل ما بشبهونا الخال الرئاسي الطيب مصطفي صاحب منبر الكلام الفارغ واصفا ابناء الجنوب قبل الانفصال في صحيفتة الانطلاقة ( من البنت المطلوقة )وفي عموده ظفارات خراء وليس زفرات حري .
كل ماذكرسابقا لايخرج كما قال دكتور منصور خالد الا من اشخاص سخفاء العقول مصابون بالخوف المرضي الذي ينتابهم من الاختراق الفكري و الاستنارة التي بدت تنداح في انسان الوطن الذي اصبح يعرف حقوقة واضحي يطالب بها, غير ان اطلاق وصفة العنصرية علي مجموعات سياسية ذات مطالب سياسية واقتصادية واجتماعية معلومة هو محاولة للاستئصال المعنوي للواقع .والاستئصال المعنوي لايلغي الواقع هاكذا عبر عنها الدكتور منصور خالد في كتابة تكاثر الزعازع تنافض الاوتاد متسائلا ما الذي يجعل الجنوبي ( قبل الانفصال) والفور والبجة والنوية الذين يمثل مجموعهم ما يقارب ثلثي اهل السودان تكتلا عنصريا ويجعل ما عداهم كيانا قوميا . كان ذلك قبل مجئ مايو عندما وصفوا بتلك الصفة تجمع الاحزاب الاقليمية ( مؤتمر البجه , جبهة نهضة دارفور , حركة سوني , الحزب القوي السوداني والاحزاب الجنوبية ) و انعدمت البصيرة عند قادة الاحزاب الطائفية قتها والتي كانت تمثل النخب النيلية وريثة الحكم من المستعمر فلم ياخذوا بما جاء علي صفحات جريدة الرأي العام 6/1/1969 علي لسان السيد ابيل الير الناطق باسم تجمع الاحزاب القليمية وقتئذ حين قال حكيم الجنوب (ان كانت الاحوال في غرب السودان وشرقة رديئة فان السخط والتبرم سيجتاحانهما قريبا وقد ينقلب السخط والتبرم الي تعبير اكثر عنفا مما نراه الان في جنوب السودان ) . وقد كان فما هو رأئ اجيالنا الان في ساستنا بعد ان يقرأ الواحد منهم تاريخنا القريب وينظر الي حاضرنا فيري مهمشون يسألون حق صمتهم سنين فلا مجيب ولامعين, فبعضهم ترجم سخطه وتبرمه انين في معسكرات النازحين والبعض الأخر اشعلها حربا ضغين فاتعظوا يا اجيال الحاضر من الحريق الذي يأجج ناره تباغضا عرقيا الان حزب المؤتمر الوطني بين السودانيين
الله جابو


ردود على الله جابو
[APU MUSTAFA] 06-17-2013 12:56 AM
نزيدك ال (18) عمر البشير في القضارف بعد انفصال الجنوب عايزين دولة عربية اسلامية ؟؟؟؟؟؟

[شكوكو] 06-16-2013 06:06 PM
أحييك بشدة يا أخوي


#698186 [سوداني]
0.00/5 (0 صوت)

06-16-2013 12:28 PM
ياجماعة نحن هجين بين العرب والزنوج ولو ما عرب اللسان العربي جانا من وين ما تقولوا الدين الاسلامي ما الاندونيسين اكبر امة اسلامية ولسانهم ماعربي وياجماعة الما عاحبه نحن عرب يشرب من البحر يعني اللبنانين ولا السورين عرب كدي شوفوا اشكالهم عيون زوق وشقر والوانهم بيضاء فاقعة دي اشكال عرب مافي عرق عرب نقي الكل مخلوط الليبين والجزائرين والمغاربة عرب مخلوطين بالبربر والفلسطينين واللبنانين والسورين والعراقين عرب مخلوطين بالغساسانة والفينقين والارمن والاشورين والبابلين والاتراك حتي اسم سوريا ما اسم عربي اسم اشوري ولبنان اسم سيرياني والعراق اسم اكادي ومصر اسم سامي وحتي المصريين الفراعنة كانوا سمر والمصريين الاسي خليط من الهكسوس والاغريق رومان والارمن والاتراك والالبانين وخلونا من النعوت البطلقها علينا العرب


ردود على سوداني
United States [شكوكو] 06-16-2013 06:14 PM
نحن سودانيين يا الاسمك سوداني ودا الأهمم !!!!
سوداننننننننننني وبس .
يهمني انو اقول انا سوداني بعيد عن اثارة النعرات العقية والقبلية
وليه ما سميت نفسك عربي ؟؟؟
يا اخوانا نحن في زمن العالم اصبح قرية صغيرة بسبب تطور وسائل الإتصال (مسموع او مرئي او مقرووء).
ليه نحن ماشين للضيق ؟؟؟
انا سوداني اجمل وأشمل وهذا ليس فيه تقليل من عرقيتك او قبيلتك ،والما بفتخر بانه سوداني دا ماعندو وجود اصلا سوا كان عربي او زنجي او اي عقر آخر.
وإذا كلامي دي ما مقنع خليك مع الطيب مصطفى

United States [هبهانة] 06-16-2013 04:25 PM
ههههههها
انتا ما سودانى سمى نفسك ود العرب
والسودانين عرب مخلوطين بالأفارقة
امشى افحص الــDNA بتاع كل السودانين حتلقى دم الزنوج فيهم اكثر من العرب دا اذا بقا فى
وبعدين انتا بتنكر الزنجية الواضحة فيك كسودانى ليه ما عافه؟
مع انها واضحة فى لونك وسحنتك وانفك الافطس وشعرك الاجعد وما تقول لى انا انفى زى السيف لازم تكون فيك واحده من الصفات دى.


#698140 [abuwaraga]
5.00/5 (2 صوت)

06-16-2013 11:35 AM
إلتحقت بالجامعة سنة 91 وكان معاي في الغرفة 7 آخرين واحد من الحصاحيصا وآخر من أمبدة وثالث من الحليلة وواحد من الشوافة في النيل الأبيض وآخر من مدني الجميلة وواحد فلاتي من الدمازين . إلي يومنا هذا لم أعرف قبيلة أي منهم لأنه لم يكن مهمافي ذلك الوقت أن تعرف . الآن لو ركبت البص لازم تسأل جارك في الكرسي من قبيلته وبعد داك تتعمال معاه علي هذا الأساس . نحن يا جماعة ماشين لي وراء .


ردود على abuwaraga
United States [عبدو] 06-16-2013 06:15 PM
كلام جميل وسليم مائة بالمائة


#698015 [عكير الدامر]
5.00/5 (1 صوت)

06-16-2013 09:49 AM
اعتقد ان الكثيرين من الذين يكتبون هنا في هذا الموضوع "يختفون الكلام ختف". اقول لهؤلاء اذهبوا واستمعوا جيدا للفيديوعلي اليوتيوب وبعدين تعالوا نتجادل حول من قال ماذا.اقولها لكم واضحة نافع لم يقل سكان السودان الاصلاء اي يعني نفسه بل قال "من غير سكان السودان الاصلاء كما يقولون" اذن من هم الذين" كما يقولون" هذه. الرجاء الاستماع للفيديو جيدا.


#697988 [بت ملوك النيل]
2.88/5 (6 صوت)

06-16-2013 09:24 AM
الاصلاء هم

رطانة الشمال نوبة محس دناقله

رطانة كردفان نوبة

رطانة الشرق هدندوه

رطانة الغرب فور زغاوع مساليت و و و

القبائل النيليه دينكا شلك نويرو و و

وديل كلهم القامت الحضاره عليهم

ومنهم جاء اسم السودان الذى نعتز به كثيرا


ردود على بت ملوك النيل
United States [طاووس] 06-16-2013 06:17 PM
يا اخ سوداني واضح انك مستلب او متضايق وانا متفهمك لانو من حقك
بس اقرا لقبك ده وشوف بقبل وين
لصحرا الربع الخالي ولا النيل؟
بعدين
الاسلام ده للناس ولا عندك كلام تاني؟
ومنو اتحضر عرب الحجاز من اسوا الجاهليات الاولى والتي للاسف لا نراها ذهبت من الجينات
اهلو الرعو فوق ما تلخبط
اسال والبسال ما بتوه
اما عرب (السودان) ديل فليس لهم دور رئيسي
لانو الجماعة نزحو بعد اعتناق البلد الاسلام والرعية على دين ملوكهم لو تعرف ذلك بعدين انت قايلهم جو لابسين القفطان وعمامة السلطان وحاملي دكتوراه في الفقه؟
بس شكرا لنشر الصوفية التي لا اعرف مكانها من الاعراب
ناس جاية نظام مغتربين للسودان بدون نظام اقامة للعيش الكريم
وبعد مئات السنين ياتي جيل ينسى الماضي
احمد ربك الاسلام اداك ارض ترسي فيها مؤخرتك بحق اخوة الدين وثم اخوة الانسانية
وباختصار لا يستوي الاصلي والنازح في اي مكان
انت قايل الناس دي لمن تقول نحن الاصل بتعنصروا؟
بقولوا ليك ولغيرك نحن هنا يا بريش
وبحقهم

[سوداني] 06-16-2013 02:25 PM
اها و البقيين ديل ماعندهم حضارة ولا وطن؟؟؟ مايكفيك الاسلام الجابو ليك ده حضارة؟؟

United States [مدحت عروة] 06-16-2013 01:06 PM
وانت قايلة القبايل التانية عرب خالصين ؟؟؟؟؟
عاينى لاشكالهم ما كلهم فيهم دم هذه القبائل الرطانة بس هم نسوا الرطانة وعاملين فيها انهم عرب صافين!!!!!!!!
والله مساكين وشكلهم عندهم عقدة والعرب ذاتهم بيقولوا عليهم انهم افارقة!!!!! حالتهم تحنن!!!!!!
فعلا نحن نعتز باننا سودانيين وكفى وتانى مافى كلام!!!!!!!!!!!!!!

[nagatabuzaid] 06-16-2013 12:34 PM
تمااااااااااااااااااااااااام يا بت ملوك النيل


#697925 [saleh]
3.00/5 (2 صوت)

06-16-2013 03:47 AM
حديث نافع من يستمع اليه يظن انه نابع من موقف قوي , ولكن من يدقق يعرف انه حديث شخص يائس يحاول التعلق باخر قشه لأنه قبل يومين اطلق رصاصة الرحمه علي القوات المسلحه التي دمرها ومن معه بأيديهم , وحكم بعدم جدوي الاعتماد علي الامن , وهو يعرف تماما ان قوات المرتزقه المسماه بالدفاع الشعبي انما هي للمباهاة والاستعراض ليس الا ولتخويف من لا يعرف حقيقتها , والان يحاول جر البلاد لفتنه طائفيه مهدوا لها منذ اسيلاءهم علي السلطه , لذلك فان الامور تتطلب درجه عاليه من الوعي والا ضاع ما تبقي من هذا الوطن .


#697919 [ابن البادية]
0.00/5 (0 صوت)

06-16-2013 03:23 AM
السودان أرض هجرات الشعوب من أقصى حلفا الى نمولي وكايا في الحقيقة تداخلت فيه المجتمعات على درجة لا يمكن للمرء ان يتصورها ولكن لم يكتبوا المؤرخين السودانيين حقائق الناريخ والمجتمعات السودانية كما ينبغي نسبة لواقع حقيقة متأصل فيهم وأقول كذب كل من يدعي أنه الأصل والأخر الفرع وكذلك عاوز أقول معظم قيادات الاخوان والو طنى هم ليسوا بالاننماء الأصيل للقبائل السودانية التى يتحدثون عنها باستمرار وقدر ما سئلت أبناء المناطق السودانية الأخرى عن شخص ما وجدت فيه طق وشق ولم أجد أى أنسان سالم العرق وان العرق دساس حتى المتحدث وبالمناسبة دي لا يظن نافع أنه من أبناء أدريس كلا وكلا وكلا ، وعليه ان يعلم عن الجعليين معروفين على مر التاريخ السودانى عدم الأساءة للأخرين ويمتازون بصفات الكرم والشجاعة والفروسية وأي انسان خرج من هذه الصفات عليه ان يبحث عن حقيقة نفسه وكذلك اقول لم يحكم السودان أى رئيس منهم من فترة استقلاله الى اليوم وتعيش أثنيات شتى بالمناطق التى تسمى ديار جعل و ما عدا ذلك نجدهم بمناطق المغاوير والمتمة وجزء بمدينة شندى والدامر والمنطقة الواقعة تجاه جبل على ووكما تبقى الغالبية العظمى الأصيل بمناطق سنار وكردفان وحول الخرطوم ( الكلاكلة ) وغيرها وأما حديث نافع عن الأصل لا جدوى منه ، اذا كان يتحدث عن مسألة الانسان القديم بالسودان أعتقد بعض سكان جبال النوبة
أنهم أقدم الشعوب السودانية وكذلك الزغاوة والتنجر والفونج والداجو والبيقو ونفر أخر


#697865 [؟؟؟؟؟؟؟؟؟؟؟؟]
3.00/5 (2 صوت)

06-15-2013 11:50 PM
الاصلاء دي القشة التي قصمت ظهر البعير العربجي


#697862 [قصي]
3.00/5 (2 صوت)

06-15-2013 11:42 PM
التعليقات ممتعه عديييل والله عيوني تعبو. اهه اقول ليكم والله الاولاد المجندين قسرا ضد النظام ما في شئ بعبيهم الا هذا الوهم الذي ان لم نتداركه جميعنا لهدم دولتنا . كا ان العقلاء من مثقفينا عليهم واجب كبييير في مجابهة هذا الكابوس المحدق بنا .هل تعلمون ان اسواء نتائجه ان الاختلاط بيننا ربما يتوقف زواجا وجوارا رغم تاكدي من اننا نتشابه في كل شمائلنا وقيمنا وفضائلنا والله بجد نحن شعب كريم فقد خالط مختلف اجناس السودانيين ولم اجد اي اختلاف يذكر .هل تعلمون ان جدتي المسنه كانت تقيم في دارفور وانا واهلي في وسط السودان والله كان القيم علي علاجها ذلك الاخ الكريم ابن الكريم وكان يخبرنا للعلم فقط بعد ان يقوم بكل علاجها . لم اسمع كلام نافع ولا اظن ان يبلغ حمقه ان يعني في كلامه الجانب العرقي .لست مدافعا عنه ولكن هذا ظني. هناك بعض الاخوه يشعرون بالدونيه هذه حقيقه وعب\لاجها يكمن في الرجوع الي الدين والتعليم فكلنا لادم وادم من تراب .


ردود على قصي
[قطار الليل] 06-16-2013 02:28 AM
....والله بجد نحن شعب كريم فقد خالط مختلف اجناس السودانيين ولم اجد اي اختلاف يذكر.....

ياخوي انتو ياتو شعب الخالطو السودانيين؟؟؟

اوع يكون الشعب الذي يظن كل صيحة عليه هو العدو؟

ويعني شنو توقفو الزواج؟

نكحتو ونكحوكم تاني في جين جديد من جينات الوهم ما حصلناهو؟

وقفو عشان تزيد امراض التخلف العقلي اكتر من كده

هههههه

يا شعب الغفلة اخاف عليك من نهاية احلامك وبداية كوابيسك التي لن تنتهي

كثر الكارهون وقل المحبون

وضاقت الارض بما رحبت

النزوح من جديد؟


#697851 [Ali]
5.00/5 (2 صوت)

06-15-2013 11:22 PM
أنا شخصيا درست في تاريخ السودان دخول العرب الي السودان أنا عايز اعرف انه دخل معانا ولا كان أصلا موجود مع أصحاب الصور الموجودين في أعلي المقال


ردود على Ali
[ABO ALKALAM] 06-16-2013 01:42 PM
يا كبشور سلام زكرتني باسم واحد صديق من ايام المدرسة اسمه ايضا كبشور كوكو

ياخي الزمن داك ماكان اخترعوا الاندكروزرات الناس الجيهة قالوا ان اليابان

اخترعتها لانهم وصلوا للحكم وهي السيارات الوحيدة المناسبة لتستوعب مؤخراتهم

الضخمة

[كبشور] 06-16-2013 02:04 AM
انت قايل عتقاء الرق من موالي العباسيين وبغايا الاندلس ديل نزحو للسودان راكبين لاندكروزرات
امة سقط لقط ولك في الرحل من القديم نظرة خاطفة عن ماضي التشرد في القبل الاربعة
لقد تم التعديل من نزوح الغجر الى دخول العرب
يكفيك شر المقطعين يا مان
الفقر الضارب العضم ما بمرق بالساهل بس حقد على البشرية
هذا ما جناه الاجداد
المجهولون؟
في اي ارض تركوني؟ ههه
في زول اصيل بمرق من بلدو يسكن بلد الناس كما مقطع وفاقد بوصلة
المعايش جبارة


#697837 [مع الحق]
3.00/5 (2 صوت)

06-15-2013 10:54 PM
التحية ليك يام شمائل لاختيارك الموضوع الحساس الذي يمس شرف السودان للسودانين وانتي من اسمك يعني بتشمل شمائل السودان


#697835 [omer]
0.00/5 (0 صوت)

06-15-2013 10:43 PM
يا استاذه استمعي مرة اخري للخطاب لتعرفي الحقيقة


#697825 [Mohamad jbra]
1.00/5 (1 صوت)

06-15-2013 10:35 PM
هذا الموضوع اجتذب كثيرا من المعلقين بسبب حساسيته لكن يجب ان نعى جميعا ان السودان بلد يسع الجميع بمختلف اعراقهم والوانهم ودياناتهم والوانهم (لافرق بين عربى ولاعجمى ولا اسود ولاابيض الا بالتقوى)
ان ما قاله ضار على ضار قاتله الله وماحمله خطابه من عنصرية وجهل اعمى لا يقصد به الازرع الفتنه بين ابناء الوطن الواحد ليشغلوهم بهذا الفتنه ويفرقو جمعهم يضعف وحدتهم فى وجه الظلم اخوان واخواتى لا تنشغلوا عن لب القضيه الا وهى اجتثاث هذا النظام الفاشى من عروقه ولكن نقول له ولا امثاله من الجهويين والقبليين لقد ولى زمن الجهل نحن اوعى وادرى باساليبكم القذره لذا لا داعى ان نعلق على حديث جاهل احمق والا قد نكون فعلا قد وقعنا فى فخ العنصريه الذى نصبه ضار على ضار لذا فوتوا عليه هذه الفرصه.


#697801 [مواطن حر]
0.00/5 (0 صوت)

06-15-2013 10:02 PM
وصلنا منعطف خطير ... ألمقال ده كمين عنصري


#697798 [محمد حمدون]
0.00/5 (0 صوت)

06-15-2013 09:57 PM
الى ابناء الوطنى الشرفا ء هكذا السودان ان حديث النافع على نافع هو اصدق حديث يلتفظة النظام فى هذه المرحلة الساسة هذا يدل على لا مجال للتصويف الحديث بالاستعارات والمجاز اللغوى هكذا انكشف المستور والاستخطاب بالمكشوف بتقسيم ابناء السودان الى الاصلاء من الدرجة الاولى و الدخلاء من الدرجة الثانيةهذا يعتبر استخطاب الحيقيقى للنقب النيلية لابنائه الاصلاء ليدركوا هذة المرحلة يعتبر مصيرية بالنسبة لهم لا مجال اخر الاستخطاب باى مبدا دينية او وطنية او حزبية لا يجدى ,هكذا التاريخ يعيد نفسه عندما قالوا الاشراف لخليفة عبدالله نحن اولى بالخلافة منك لاننا الاشراف وابناء النيل اكثر حضارة من ابناء الغرب هكذا كانت الصراع بين ابناء النيل وابناء الهامش وانتهت الصراع لصالح ابناء الغرب بتولى الخليفة السلطة ويعتبر اول سلطة حديثة فى تاريخ السودان وعرفت الدولة المهدية الثانيةوالان يتكرر المشهد والايام حبلى بالمشاهد.


#697788 [الممغوص]
0.00/5 (0 صوت)

06-15-2013 09:40 PM
قبل عشرة سنة فى واحد من اهلنا قدم للشرطة نسبتو فى الشهادة السودانية كانت عالية وكان زول ممتاز فى كل شى و نجح فى المعاينات قالوا ليهو الباقى ليك الفريق الحضيرى ...انقروا لمن دخل على الحضيرى قال ليهو شنو....سالو من قبيلتو زولنا قال لى الحضيرى انا كاهلى الحضيرى قالو امشى شوف ليك غنم اسرح بيها...من اليوم داك انا كرهت السودان والجيش السودانى والشرطة وقريبنا اعلاه الذى نصحه الحضيرى بان يسرح بالغنم الان خبير فى الكمبيوتر واخذ الجنسية الهولندية....


#697752 [nagatabuzaid]
4.71/5 (7 صوت)

06-15-2013 08:31 PM
ما اسم دولتنا ؟ اسمها السودان اذن الجماعة الفوق فى الصورة ناس عقار هم اهل السودان والنوبيين والنوبة واهل دارفور وللعلم الفور فيهم مجموعات نزحت من الجزيرة العربية بشمال افريقيا واستقرت وتمازجت انظروا لملامح بعض بطون الفور الانف كالسيف يقطع رقبة نافع والفم ايضا انظروا وتاملوا سلالة على دينار وبعض قبائل دارفور وفدت من افريقيا وملامح نافع والبشير ليست اجمل منهم نحن فى القبائل مميزين ولا زلنا وسنظل مميزين مهما ورجغ حملة الدكتوراة كدى اسالكم فى سودانى نصيح بقول انا سلالة الاندلس ؟؟ طيب اعبر البحر الاحمر وشوفليك قبيلة انتسب ليها كان ما خلوك تحلب الغنم طوالى طيران الاندلس يعنى عربى مخلوط بدماء الفرنجة الزرقاء بس بوين ؟؟؟؟


ردود على nagatabuzaid
[nagatabuzaid] 06-16-2013 12:48 PM
لك التحية يا كررى ويا ابو الكلام انت داخل شمال مالك ؟ اختك دى الهى انا اعتز بسودانيتى اعتزاو ما بعده اعتزاز وحاملة جينات السودان المختلفة وبحب السودان موت بكل قبائله وحتى البتناكف معاهم فى الراكوبة بحمل لهم كل الود البزعلنى شنو ا ان كنت سوداء لا ازعل بل اعتز وان كنت بيضاء لا افتخر وان كنت سمراء ما احلى ذلك ما يزعل وينكر سودانيته الا متخلف جاهل لا اصل له

European Union [كرري] 06-16-2013 03:55 AM
يا اخ [ABO ALKALAM لكن سيجارتك قوية وشكلها مزروعة بي
موية ابار شايفك نجرت الموضوع ودخلت شمال وعرجت برة الخط
اضغط فرملة وحدد اتجاهك ثم واصل الرحلة ...........هنا القاهرة

United States [ABO ALKALAM] 06-15-2013 09:45 PM
ياختي لاتزعلي نفسك وتبقي زي ناس الحكومة اي زول ازرق يتزوج فتاة فاتحة اللون

او بيضاء سيكون اولادهم لونهم مختلف واي زول احمراني يتزوج فتاة زرقاء سيكون لونهم مختلف

ياختي سيدنا بلال ماهو لونه واوباما رئيس امريكا ماهو لونه وماهو لون والدته انها شديدة

البياض وماهو لون والده انه شديد السمرة وهذه الأشياء لم تؤثر لاعلي تعليمه

ولا علي مكانته ولا علي رزقه الموضوع في السودان ان السياسيين دايرين

يستلبوا اكتر مايقدروا من مصالح واراضي واموال باسم القبيلة والقبيلة منه براء


#697745 [صريح اللهجة]
2.00/5 (1 صوت)

06-15-2013 08:14 PM
لا حياء في امر الوطن مع الحقائق التي تتجلى كل يوم ولحظة ولا حياء من توجيه اصابع اللوم للجميع لان الجميع في قفص الاتهام
كل يوم تزداد ضرورة تحديد هوية هذا البلد
ولا اعتقد ارساء نظام للديمقراطية في هذه البلاد سوف يزيل الاحتقانات والتوجهات الانفصالية الاقتتالية المستقبلية بسبب عدم حل معضلة الهوية السودانية (التي يجادل البعض بانها هي الهوية الجامعة التي ستحل كل المعضلات في نظام ديمقراطي اساسه القانون)
وبعيدا عن الاحلام الوردية التي يعيشها البعض من محاولة تخفيف الوضع الماثل من محاولة لوم الحكومة الحالية واتهام الكيزان وشيطنتهم بصنع (مشكلة الهوية) و (مشكلة التهميش).
فكل من له راية اليوم وضد الحكومة وكل من له مصلحة ضيقة لا يرى فيها غير مشكلة اليوم باليوم يدعوا الجميع لاسقاط الحكومة بدعوى التهميش والوضع الاقتصادي المتردي وهي لا محالة الى فناء لعوامل اكبر من الجميع ردها.
فلا اعتقد ان هوية السودان ابتدات مشاكلها الان بل بدات تتبلور ببطء منذ مايعرف بالاستقلال ومن قبل الاستقلال ولا تعتبر الانقاذ الا اعظم تجلياتها.
وعبرت عن شعور طبقي لقى مناصريه الذين سددوا ضربات خفية من خلاله مع تعزيز قبلي لمناطق معينة على الاخري (مشكلة التهميش) التي عاني منها (الجميع)
ومع الانقاذ وصلت (مشكلة الهوية) لذروتها والتي ناصرها جميع من يهمهم الامر في تحقيق مصالحهم مع توجه الانقاذ العروبي المتخفي بالدين الاسلامي وعانى منها الاصلاء الذين يعتبرون جزء من المشكلة في عدم احراز توازن لصالحهم على الرغم من الالة الاعلامية والسياسية الداخلية والخارجيةالضخمة الموجهة ضدهم.

فيتضح لك ان هناك ثلاث مشاكل بالخصوص:
1. مشكلة (التهميش) التي يعاني منها الجميع وهي يمكن اصلاحها بالديمقراطية وآليات التنمية.
2. مشكلة (الهوية) التي تناصر فيها الحكومة الحالية الهوية العربية للسودان والتي يناصرها بعض المهمشين وغير المهمشين ( ممن يفيدهم الانتماء العروبي على الافريقي واستغلال الفرصة بهدف تغليب كفة العروبيين على من لا يرى مصلحة من ذلك) وهذه لاتصلحها الديمقراطية ولا نظام المواطنة لان النسيج الاجتماعي (علاقة الجميع بالجميع والبعض بالبعض) ستختل بالتوازن مع الاخذ بالإعتبار الحق التاريخي لغير مدعي العروبة بدون تحيز (الهوية العربية الصرفة للسودان اثنيا لا يمكن قبولها من الطرف الاخر) وهي حقيقة لا يمكن تجاوزها بسبب الجغرافيا والتاريخ


فالكيزان ليسوا هم وحدهم من يلام في النهاية على صنع مشكلة الهوية (التي يحاول البعض مزجها بمشكلة التهميش) بل هم ابراز حقيقي لعلة كبير في السودان اليوم يجب حلها بدون عواطف وبدون ضبابية حيث انتهى زمن الغفلة وعلى الجميع تحمل المسئولية وقبول التضحيات الجسام في اعطاء كل ذي حق حقه من اجل العيش في مجتمع امن مسالم غير مصاب بامراض فردية عصابية وجنون عظمة وتخلف رجعي يقعدنا في ذيل الامم مع فشل لكل المكونات في اداء الاستخلاف الانساني على الارض بالحياة الكريمة مما يبشر بفشلنا امام الامم والشعوب في الدنيا ويوم العرض على خالقها اذا بقت للشعوب فيها بقية لان المستفيد اليوم هو الخاسر الاكبر غدا والنظام زائل ويبقى العدل ثم الناس


ويبقى السؤال الكبير: هل تحل الجغرافيا المشكلة ام هو التاريخ الذي يحلها؟

عذرا للإطالة


ردود على صريح اللهجة
[ثوري] 06-15-2013 10:41 PM
اتفق معك ان هناك مشكلتين هم اس المشاكل في الوقت الحالي الدقيق كما اوضحت

مشكلة التهميش
مشكلة الهوية

اخي الكريم شكرا لك بتوضيح الفاصل الدقيق بين الاثنين وهو الصحيح ان ليس كل مهمش يعاني من مشكلة هوية فالاصلاء ليس لديهم اي وهم نحو انتمائهم لغير بلدهم الحقيقي الام تتبقى مشكلة اقناع المهمش الذي يقاتل ليل نهار ولو فنى كل من سواه ليدعي فخرا من وراء البحار بعد ان اعجزه فخر الانتماء لارض جعل الخالق فيها نهرا من انهار الجنة يجري كيف يشاء رغم انهم يعرفون في انفسهم ان السودان ده هو افريقي وكل من ينتمي للسودان يعرف موقعه الجغرافي والانتماء الحقيقي له وهو في قمة الهرم الحضاري الافريقي التليد لمن يفقه فكيف يكون السودان غير افريقي ولو امتلا ببنى الروم وبنى فارس والهند وبنى قحطان وعدنان وتابى الارض ويابى النيل العظيم سليل انهار الجنة العظام الا ان يكون افريقياً ارتضى ارضها ينبع من وديانها وبحيراتها ويجرى فيها معانقا اهله من قدم الزمان بين اهله وعشيرته..لقد انتهى زمن الطوابير الخامسة التي باعت الناس الوهم في الشعب المختار من وراء البحار وتمايزت الصفوف ونتمنى ان يعي الجميع ذلك وان يختار الجميع الهوية التي تؤمن مستقبل الجميع لان البلد واحدة من اراد الحياه والاستمرار وغير ذلك فالطوفان


#697710 [حقنة]
5.00/5 (3 صوت)

06-15-2013 07:23 PM
رغم الوقاحة وسوء الادب فى حديث هذا المسخ الدميم الذميم المدعو ضار على ضار ارى من الحكمة عدم تناول احاديثه وسمومه فى وسائل الاعلام خاصة احاديثه العنصرية .
انا ادعو ادارة صحيفة الراكوبة بعدم نقل احاديث هذا الكلب المسلط الوضيع فى صحيفتنا القراء مما يزيد تأجج نار الخلافات العنصرية المنتنة بين المعلقين والملاحظ او المتتبع للمواضيع العنصرية التى نقلتها صحيفة الراكوبة بقصد كشف عنصرية حكومة الفجار اثارت نقاشات وتراشقات عنصرية حادة بين القراء وهذا ما ترمى اليه حكومة الفجار من نشر للعنصرية والخلافات القبلية بين ابناء الشعب السودانى الواحد فيجب ان ننتبه ونفوت عليهم الفرصة.
مشكلة العنصرية الان اصبحت معضلة تؤرق مضاجع كل السودانين الحادبين على الوطن المكلوم بنفس القدر الذى يؤرقهم فى ظل وجود حكومة الفجار المنتنة واصبحت المشكلة مزدوجة وتتمثل فى ازالة حكومة الفجار وازالة اثارها الفاسدة وتركتها الوسخة وهذايتطلب اضعاف المجهود المطلوب لازالة حكومة الفجار .
من هذا المنطلق اوجه دعوة صادقة بالا نكون ادوات للحكومة تستغلنا لنشر العنصرية البغيضة وان نترك كل حديث او تعليق عنصرى يعمق المشكلة ونحاول ان نكرس جهودنا لرتق النسيج الوطنى ونجعل مجهودنا المبذول لنبذ العنصرية والقبلية والتفرقة اضعاف المجهود الذى نبذله لازالة حكومة الفجار ونستغل وسائل الاعلام والصحف لاسيما صحيفتنا الراكوبة والفيس وتويتر وخطب الجمعة والندوات واركان النقاش بالجامعات واماكن التجمعات فى المناسبات الاجتماعية والتجمعات الرياضية والمواصلات والمسارح والمداخلات فى القنوات الفضائية كل هذا لقبر وردم العنصرية واذا لم نفعل ذلك واطحنا بحكومة الفجار تشتت السودان وامتلأ حروبا عنصرية طاحنة لا تبقى ولا تزر. اذا فليكن شعارنا كنس الحكومة والعنصرية من اجل سودان موحد آمن قابل للنهوض والتطور.


ردود على حقنة
United States [ادروب عطشان] 06-16-2013 08:47 PM
شكرا حنقه تسلم البطن الجابتك سوداني حكيم اتفق معك 100% لولا ان اسم في شهاده الميلاد ادروب لكنت اخترت اسما اخر ولكن قرنت اسمي بالعطشان حتي ابعد من الخط الاحمر ويمكنني ان اقول ادروب يؤيتياي وتعني العطشان عموما هي اسماءنا التي لايمكن ان نغيرها وان رمزت لعرق معين ولكن نحن في الاخر سودانيين ونرفض الجهويه والعنصريه شكرا حقنه فأنت حقنه مضاده للجهويه والعنصريه


#697709 [ابو كريم]
5.00/5 (2 صوت)

06-15-2013 07:23 PM
للبقاء في السلطة بأي ثمن لعبوا على وتر الدين 23سنة وقد انكشف خداعهم امام الشعب السوداني وبعد فشلهم الآن قد بدأو باللعب على وتر العنصرية والقبلية.... الطامة الكبرى!
هذا الاسلوب الخسيس لايصدر الا من اشخاص جبناء امثال نافع الخسيس الوضيع
لعنة الله عليهم اجمعين ...... نهايتهم قربت انشاءالله


#697682 [radona]
5.00/5 (2 صوت)

06-15-2013 06:38 PM
بدون تشنج
وبموضوعية كما وبمنتهى الديمقراطية
ماهي مواصفات ابناء البلد الاصلاء
وماهي مواصفات ابناء البلد غير الاصلاء
وكيف تفرق بينهما
ومازلت ازمة الهوية باقية
ومازال الاصرار في الفشل في ادارة التنوع العرقي والثقافي وعدم قبول الاخر
سادتي ..
ليس هنالك حل الا بتواضع السودانيين جميعهم حكاما ومحكومين ومتمردين لكتابة دستور دائم يرسي قواعد المواطنه والحقوق والواجبات .. الدولة عبارة عن حقوق وواجبات


#697640 [بابا]
5.00/5 (1 صوت)

06-15-2013 05:32 PM
قول احنا حبش قول احنا تشاديييين قول احنا جنوبي سودانييين قول احنا جينا من الواق واق
شهادة ميلادي انتا ما معترف بيها
طيب كدي نضع الكورة واطه
قول انا من اصل يهودي قول جاي من بلدان الاستكس بكس قول اي شئ يجي في بالك
دا كدا انتا احسن مني والدولة تضع حساب ليك اولا علشان تقدم ليك خدمات؟؟؟ (او تحميك :) )
لاحظ العرق هنا ما شفع للبشر
طيب الدين طبعا ما انتو التجوا تقولوا بوحدنا لانكم والدين كالخط المستقيم لا يلتقيان الا اسما واكل مال البلد باسمه واظهار التدين تلقي الواحد ما بصلي الا يوم يكون ضيف علي مكان دي ما بنحاسب عليها احنا طبعا
طيب نجي للعروبه دي ما بتوحد زول لانها اساسا قائمه على جهويه
كما قال دكتور جون قرنق انحنا السودانويه وحدها توحدنا))
كل من يحمل الجنسيه السودانيه هو سوداني حتي ولو حصل عليها عبر قانون الجوازات بالاقامه او او او
الرجاء الحذر لهذا الاهبل (نافع الما نافع) فهو يقوم بذرع قنابل الفتنه والجهويه ولا يعمل ان جل ابناء السودان نقشوا وهماته وكذبه الله يهديك يا ابوي وتثوب لرشدك وتكفي المؤمنين شر القتال والارواح البريئه
حسبنا الله ونعم الوكيل


#697618 [إبن السودان البار ***]
5.00/5 (8 صوت)

06-15-2013 04:41 PM
قصص وطرائف عن العنصرية:
*انتشرت كريمات التبييض الرديئة في السودان بشكل مخيف وأغتني منها عدد كبير من تجار الجبهة الذين في عهدهم تمكنت عقدة اللون من الكثير من شابات السودان وخاصةً ان القنوات الفضائية السودانية لا توظف الا ذوات البشرة الفاتحة ؟؟؟ علماً بأن الجمال لا يقاس بدرجة لون البشرة ؟؟؟ وأجمل امرأة في العالم الآن هي المغنية الزنجية بيونسي ؟؟؟
*عقدة اللون عند البعض تدفعهم الي الوثوق في الطبيب الأردني او المصري حتي وان كان السوداني اكثر كفائةً والدليل انه السودان يدفع حوالي 2 مليار دولارسنوياً للعلاج بالخارج ؟؟؟ والكتور ابوسن أخصائي الكلي العالمي مشهور ومقييم بالخارج اكثر من بالسودان ؟؟؟ هل رأيتم اثيوبي او كيني يتعالج بالأردن او مصر ؟؟؟
*احد المستبعدين من نسباء الأسرة الحاكمة بالسعودية كان لاجئاً بابوظبي وكان يؤجر جزء من بيته لعزابة سودانيين وتعلم اللهجة السودانية بأختلاطه وصداقته معهم ؟ وكان يحب ان يجالسهم و يتناكف معهم دائماً ؟ وفي احد المرات قال انتو السوادنة كلكم اولاد حرام ؟؟؟ ولما قيل له كيف الكلام دا ؟؟؟ اجاب وقال لما دخل العرب السودان ما كانوا يتزوجوا السودانيات السمر وكانوا يعتبروهم أموات ( جمع أمة) يحلون لهم دون زواج ؟؟؟ وفي مرة أخري تفاخر له أحدهم وقال له نحن في بلدنا السيد علي الميرغني الجده النبي رد عليه أخونا السعودي غاضباً خسي !!! ( يعني عيب تقول كدا)!!! هل النبي كان أسود ؟؟؟ كمان عايزين تنسبوا نفسكم لأهل البيت ؟؟؟
* في مصر يطلق علي السودانيين والنوبة المصريين من جنوب مصر برابرة ؟؟؟ والنوبة لا يقلدون وظائف كبيرة وحتي في افلامهم لا يمثلوا الا في دور طباخ او سفرجي او بواب ؟؟ وهذه هي الوظائف الي يشغلونها وفي الواقع ومنطقتهم شمال السودان مهمشة من الحكومة المصرية ؟؟ وبالرغم من ان التاريخ يقول انهم اصل الحضارة الفرعونية التي يتفاخر بها المصريين الأصولهم عربية وليس فرعونية ؟؟؟
*في حادثة بيروت الشهيرة شتمت الشرطة السودانيين بلونهم وعنصرهم وقالت لهم كمان لبستوا ملابس وبقيتوا أوادم ؟؟؟
*ويحكي انه في بيروت وفي احد الأندية العائلية الراقية طردت بنت السفير السوداني من حوض السباحة لأنه الأطفال اللبنانيين الآخرين اشمأزوا من لونها ؟؟؟
*عند اصطفافنا امام لجنة البعثات الي اوربا كان هنالك بعض الجنوبيين فهمس احد الذين يعتبرون انهم مميزين باللون الأخضر! اي من الجنس الآري !! وقال العبيد ديل ماشين معانا وين ؟؟؟ ديل حا يتعبوا مع الخواجات ؟؟؟ ومن الصدف العجيبة ان هذا الشخص اول واحد أكل علقة نظيفة وشتايم عنصرية رغم لونه الأخضر الذي يفخر به وكنا في زيارته في المستشفي ملفوفاً بشرائط ناصعة البياض تباينت مع لونه الأخضر لتؤكد زونجويته؟؟؟ وكان معنا في زيارته الأخوة الجنوبيين الطيبين ؟؟؟
* احدي زميلات بنتي وهي في عمر 7 سنوات قالت لبنتي يا سودانية ؟؟؟ فشكت بنتي الي ! فقلت لها بكرة قولي ليها يا فلسطينية ؟ زودتها بنتي حبتين وقالت لها يا فلسطينية يا معفنة ؟؟؟ غضب والدها وأشتكي الي ؟ فقلت له يا اخي دول اطفال حا نعمل معاهم ايه ؟؟ رأت بنتي في التلفزيون مذبحة صبرا وشتيلا عندما هاجم اليهود الفلسطينيين ونكلوا بهم ذهبت ثاني يوم بنتي وقالت لزميلتها الفلسطينية انتوا كعبين عشان كدا بيقتلوكم ؟؟؟ غضب والدها وأشتكي الي مرة أخري وأجبته بنفس الجواب الأول ؟؟؟ الطفل مرآة لوالديه وبالتأكيد ان هذه الطفلة عرفت ان كلمة سوداني شتيمة في عرفهم من والديها ؟ ولا يفل الحديد الا الحديد ؟؟؟
* في الأحفاد الثانوية المدرسة العظيمة لآل بدري الكرام أدخل ابن السفير النيجيري معنا رفض كل الطلاب الجلوس بجانبه ( الفلاتي) وما هي الا أيام وأختفي من المدرسة ولم نسمع عنه شيء ؟؟؟
* الأميركان لا يميزون بين درجات الألوان وعندهم يا ابيض يا ملون فحكاية أسمر او أخضر او قمحي دي ما بتمشي عليهم وحتي في الأبيض هنالك ال (WASP) اي WHITE ANGLO-SAXON PROTESTANT أي ابيض انجلوساكسوني وبروتستانتي وهذا هو أميز سلالة عندهم والباقي درجة تانية ؟؟؟ محافظ بنك السودان كان في طريقه لأميريكا في مهمة رسمية وكان يجب عليه مليء الفورم الخاص بأذن الدخول ومن ضمن فقرات الفورم ذكر لون البشرة ؟ وكان لونه في الواقع قمحي فسألني قريبي الذي عهد له بملأ الفورم ماذا يكتب من لون ؟ قلت له أكتب أسود ؟؟؟ قال لي ولكن لونه ليس بأسود ؟ فتوصلنا لأن نكتب شوكولاتي ( CHOCOLATE ) وهو اقرب لون الي لونه الواقعي ؟؟؟ وهم يريدون ان يكتب (COLOURED) أي ملون ؟؟؟
* في المانيا وفي مدينة ميونخ عندما وقعت حادثة تفجيرات الفلسطينيين في الأولومبياد أعتقلت الشرطة التي توفي منها عدد كبير ليصابوا بحقد شديد ضد العرب اعتقلت كل واحد عنده جواز سفر يفتح بالمقلوب اي كل الجوازات العربية ؟؟؟ وبعد أن فتح الشرطي الألماني الحاقد جوازي ونظر الي قال لي اسود وكمان عربي ؟؟؟
* في المعهد الفني بالخرطوم سابقاً كان هنالك استاذ انجليزي متزوج من جنوبية غاية في الجمال والرشاقة ولهم طفلان غاية في الجمال عيونهم خضر وشعرهم مجعد وأشقر اللون ولونهم قهوة باللبن ؟؟؟ وكانت توصل زوجها صباحاً الي المعهد مردوفاً في موتر الفسبا وتذهب الي السوق لشراء لوازمها ؟؟؟ وكان الطلاب ومعظمهم من القري والأقاليم ينظرون الي هذا المشهد بأستغراب ويقولون الخواجة دا ما لقي غير الخادم دي ؟؟؟
* يحكي ان علي الحاج سارق ميزانية طريق الأنقاذ ذهب ليخطب بنت احد العوائل الحلفاوية بنت جميلة ولونها فاتح ومعه وفد من الوسطاء الذين بادروا بالأطراء علي الوزير علي الحاج وقالوا لوالدها ان سعادة الوزير رجل متدين وورع ومنذ ان كان طالب كان يؤذن في مسجد جامعة الخرطوم وكانت والدتها تسترق السمع خلف الباب ؟؟؟ فتحت الباب غاضبةً وقالت للوسطاء والله لو كان يؤذن في مكة ما يأخدا ؟؟؟
* احد الطلاب السودانين أخضر اللون ربطته علاقة غرامية مع حسناء سويدية من أسرة ميسورة أخذته معهاعلي حسابها في زيارة الي سوريا لشراء مشغولات ذهبية ؟؟؟ وبعد ان عادوا سألناه كيف كانت الرحلة ؟؟؟ قال ياخي السوريين ديل عجيبين عندما نمر في بعض المناطق البعض يطلق عيارات نارية في الهواء ويقول يا عيب الشوم !!! يا عيب الشوم ؟؟؟ وفي بعض الأماكن يزفنا الأطفال ويصيحون عبدو عبيد لونه أسمر سنونه بيض ؟؟؟ دخلوني في اضافري وندموني علي اليوم المشيت فيه سوريا ؟؟؟
* في العراق حكي لي طالب انه في بعض المطاعم الجرسون يشوف لونك داكن يطنشك ؟؟؟ ونفس الطالب جلس في مدرج المحاضرات بجانب بعض الطالبات كما يفعل العراقيين ؟ أمره المحاضر بأن يجلس في مكان آخر أي ليس بجانب البنات ؟؟؟ هذه التصرفات الممعنة في العنصرية لا يمكن ان تحدث في اوربا او اي بلد غير في البلاد العربية ؟؟؟
* رئيسنا الهمام المتمسك بالعروبة تقاطيعه زنجية وخاصةً شفاهه الغليظة وفي جيناته حب الرقص الذي يميز القبائل الأفريقية ( هرامبي )


ردود على إبن السودان البار ***
[nagatabuzaid] 06-15-2013 08:01 PM
الله يديك العافية اسلوبك كده كانك شوقى بدرى ذكرتنى خالى الله يرحمه ولده طلع فى نافوخه

يسافر امريكا وهم ولدين فقط عويناته البعاين بيهم الولد اصر والاب رفض بشدة واثناء

النقاش قال ليه اسمع ما يعجبك لونك وشعرك ده انت تنط البحر المتوسط ولا المحيط متجه للشمال

انت عبد عدييل ما تتفاصح اخيرا الولد درس فى السودان والان محامى ما شاء الله نفس الولد

الشقى ده ايام الجماعة ديل استولوا على الحكم يادوب وكان قانون الطوارىء وحراسة على كبرى

الحرية مشوا شلة من الاصدقاء للعشاء فى وسط الخرطوم ورجعوا عابرين كبرى الحرية متجهين

الى الخرطوم 3 لموا فيهم عسكر الطوارىء قالوا ليهم تبيتوا هنا وجلسوا قلبهم ميت

يتسامرون مع العسكر واخذ قائد المجموعة يوجه ليهم اسئلة انت جنسك شنوا ( كانت عنصرية

قبلية من اولها ) فكانوا الشباب يردون شايقى دنقلاوى حلفاوى ما بعفرف شنو جاء الدور

على زولنا رد غرباوى فقهقه الضابط قائلا ها غرباوى قال منعجبا ناسيا ان السودان مثل

حلاوة ماكنتوش فيه كل الالوان سبحان الله يا ناس الانتكاس

United States [عطوى] 06-15-2013 07:07 PM
ههههههه والله انت لزيز خالص بس اكتر حاجة بضحكنى هى كلمة اخضر دى هههه والله دى اغرب كلمة يمكن يوصف بها لون بشرى بس نقول شنو ديل السودانييين اهل العجب والعجاب ..


#697616 [ذاكرالدبن]
5.00/5 (1 صوت)

06-15-2013 04:38 PM
كل السودانيين شاركوا فى الثورة المهدية وطردوا الإنجليز برة البلد ..... وقبائل الغرب هزموا الفرنسيين وما خلوهم يدخلوا السودان .. أهلنا فى الشرق أولاد عثما دقنة منعوا الإنجليز ما يدخلوا السودان عن طريق البحر الأحمر ...... الما نافع دا ناصر الإنجليز وأصبح ليهم جندى أبادوا الأنصار ... ورونا يا عالم منو الأصيل ؟؟؟؟؟؟؟


#697604 [علي دينار]
5.00/5 (1 صوت)

06-15-2013 04:21 PM
الثور لمة يوقي يكتر السكاكين , شنو هي الطابور الخامس ؟ القبيلة و لا العدد زائد _^..^_


#697593 [SESE]
0.00/5 (0 صوت)

06-15-2013 04:09 PM
تنازلنا عن الوطن يوم رضينا بهويات بديلة مستمدة من عالم الوهم فليس هناك ارسخ من الوطن وبعده تأتي كل الهويات ومن ينتمى لغير الوطن فهو منافق فاقد الاهلية وان لم تجعنا المواطنة فلن تجمعنا اية هوية اخرى كما قالها الراحل الدكتور جون قرنق طيب الله ثراه غصبا عن من يرضى ومن لم يرضى......


#697560 [نصرالله]
5.00/5 (2 صوت)

06-15-2013 03:40 PM
اريد ان افهم -- كيف يكون هذا العنصري النتن لحد الثمالة يحمل شهادة دكتوراه -- كيف يكون هذا النتن كان طالبا في جامعة الخرطوم من يصدق ان شخصا كان يدرس الطلاب في الجامعات وهو بهذه الصفات العفنة بل كيف اصدق ام مثل هذا العنصري النتن يؤدي الصلوات الخمس ولم تنهه من هذه البذاءات ولم تطهره -- لمن يسجد هذا العفن ليلا ونهارا ولمن يتبع هذا الذي يعمل ليل نهار على تفريق عباد الله هل هو يتبع نبى الامة الذي ظل يدعوا وما زال دينه يدعو لمكارم الاخلاق وجمع الصف -- من اي مدرسة تخرج هذا الجهلول --- ام هو مجرد انسان جبان طيش الخوف قلبه فصار لا يهتدي ولا يعرف الى الحق سبيلا وهو يقود ابناء شعبنا المساكين الذي يعتقدون في تدينة -- فعليهم ان يقفوا مع تنزيل ربهم ومع حديث نبيهم ليعرفوا الى اين يقودهم هذا الغبي الجبان.


ردود على نصرالله
United States [nagatabuzaid] 06-15-2013 08:03 PM
بسجد للشيطان ديل بافعالهم هم والاسلام على خطين متوازيين لا يلتقيان ابدا


#697556 [مسلم ليس كاسلام البشير]
5.00/5 (1 صوت)

06-15-2013 03:35 PM
احزن كثيرا عندما اري الواقع الذي نشاهده ونراه في مجتمعنا من تفشي العنصريه في المجتمعات التي تدعي نقاء العرق ويصفون غيرهم حسب اللون والشكل انهم عبيد وفروخ وقراقير وهم في نظرةم ان اللص هو اسود البشره وعندما يرتكب احد خطا يقول ليك دا ود عرب وكانهم معصمون ان. الخطا. واذا اتصفت مراءه بصفه شينه يقول ليك خادم ولأ بت عرب اي عنصريه اكثر من هذه عنصريه


#697539 [اليتيم]
0.00/5 (0 صوت)

06-15-2013 03:21 PM
الله خلقنا في السودان ونموت فوقها ونبعث منها ان شاء الله
.السيارات الفارهة والامارات الطويلة ودولارات في بنوك والبطن المنفوخ
لن تغير شئ من اصل الانسان


#697499 [shah]
5.00/5 (1 صوت)

06-15-2013 02:41 PM
ما هى قبيلة نافع الأصيل وعلى خده الايمن شلوخ مختلفة عن تلك التى بالأيسر؟


ردود على shah
European Union [كرري] 06-16-2013 04:09 AM
الاخ [نصرالله] اراك قد خرجت خارج الموضوع واصبحت تغردخارج
السرب ..لقد قرأت جل التعليقات ولم يقم احد بالاساءة لاي قبيلة اما انت
فقد قمت برفس النوبيين ثم الجعليين الا اتري ان هذة النعرة هي سببب
وجودنا علي هذة الصفحة كمعلقين مستهجنين التفرقة بين ابناء الوطن
الواحد فالرجاء ان تعي ما تكتب لان مثل هذة الافكار جديرة بان تفرخ
عنصرية ممنهجة ...................تحياتي

United States [سوداني أصلي] 06-16-2013 12:22 AM
لم يجدوا له اصل فاكتفوا برسم شعار قبيلتين مختلفتين .. مما زاد الطين بلة و عمق فيه النعرة العنصرية منذ طفولته البائسة بارض البطانة ..

[Bull] 06-15-2013 04:41 PM
دا خاطف قبيلتين علي وزن خاطف لونين, (طرف الأب والأم)

United States [نصرالله] 06-15-2013 03:53 PM
هو من النوبيين وبقايا اكسوم الحبشية يظهرون العقوق لامهم افريقيا -- هم مرضى يحتاجون لمن يداويهم -- اذا كانت فترة العبودية التي قضوها تحت بني العباس تعطيهم شهادة العروبة فهنيئا لهم بذلك -- لكننا نعرف ان جعل ما هو الا عبد اسود اطلق عليه العرب هذا الاسم تشبيها بالجعل وهو الجعران الاسود الذي يعمل على سحب القمامة خلفه في اللغة العربية الفصيحة التي فات على المستعربين معاناها -- فلن تجد جعلا في ديار العرب اصلا غير بني جعل العبد الافريقي الذي عاد بنوه بعد التحرر الى ارضهم في السودان تحت قيادة العبد كردم ومن ثم ابنه العبد سرار ومن بعده مسمار وهلم جرا


#697484 [ايمن جو جمعة]
0.00/5 (0 صوت)

06-15-2013 02:20 PM
الي اين يمضي السودان بهذة العقلية العنصرية النتنة


#697479 [جعبوري]
0.00/5 (0 صوت)

06-15-2013 02:15 PM
نحن اهل السمال السوداني اكثر من تأذي من هذا النظام شردنا وحرمنا من حق العمل هذا السودان تكدس في عوائل تحسب تحسب علي اصابع اليد ويربط بينه المصالح المشتركه في نهب اموال الشعب وتداول السلطه فيما بينهم


#697472 [صابر]
5.00/5 (1 صوت)

06-15-2013 02:03 PM
طبعا كل هذه العنصرية ليست محتكرة على نافع وحده ولكنها سياسة للنظام بأكمله ونافع يقول جهرا ما يردده الآخرين في الكواليس. ولا يستهين أحد بنافع فهو ما يزال من ثلاثة أقوى شخصيات في النظام والبشير لا يمكنه أن يضحي بنافع في الوقت الراهن ويأمن جانب الثعلب علي عثمان الذي أطاح بشيخه الساحر.
إنه لأمر مؤسف أن نمزق شملة الوطن لنبحث عن غطاء في خرقة القبلية. ولكن رب ضارة نافعة فهؤلاء الحكام العنصريون جاءوا ليحكموا باسم شرع الله وشرع الله منهم براء وسيظل الدرس الذي تعلمناه منهم محفورا في ذاكرة الأمة وفرصة للأبناء أن يعتزوا بهويتهم التعددية وألسنتهم المتباينة في ظل وطن يسع الجميع.


ردود على صابر
United States [mohmd] 06-15-2013 05:21 PM
أخي الكريم صابر كلامك عن عدم استطاعة البشير التخلي عن تافع لينفرد به علي عثمان طه ذكرني أن العرب كانت تقول في دعائها: اللهم ضبعا وذئبا أي أجمعهما في الغنم لتسلم.لأن كل واحد منهما يمنع صاحبه. لك التحية.


#697467 [مريسة ابيض]
5.00/5 (2 صوت)

06-15-2013 02:00 PM
بالله يا نافع نادى ولدك محمد ووقفوا قدامك وعاين فيهو سمج سألتك بالله بيشبه العرب فى شنو ؟ علاقتو شنوبالعرب والله نحن اولاد الهوسا اسمح واحلى منو


ردود على مريسة ابيض
United States [nagatabuzaid] 06-15-2013 08:11 PM
واضيف لزول هوساوى الهوسة لايعرفون لا مريسة ابيض ولا مريسة اسود انت اطنك ن جماعة نافع


خليك فى مريستك

European Union [زول هوساوي] 06-15-2013 05:08 PM
يمين انت ما هوساوي لانو ما عندنا اساليب زي دي ..
بالكذب داير تشبك الهوسا في موضوع مابهو علاقة.. ياخي قول يسقط البشير ونافع يروحوالجنائية لكن مالك ومال تحشر الهوسا في دة.. خليك واضح يا جميل


#697464 [سوداني اصيل سيد الاسم]
5.00/5 (5 صوت)

06-15-2013 01:56 PM
قبل زمن ليس بلبعيد كنت اركب احد الحافلات متجها للمنزل وكان بلمقعد المجاور لي. رجل عله شبهني بشخص ما اظنه لديه معه صله غربه قال لي من وين انت يااخو فقلت له انني سوداني فقال لي انا اقصد من اي جه انت فقلت له من غرب السودان وانني من قبيله الداجو فكذبني. وقال لي لا انت ود بلد انت عربي اصيل فغضبت حقيقه من عنصريته وقلت له من الاصاله في نظرك فلم يستطيع الرد وبدا يقول وهو ينظر للناس حوله نحن العرب طيبين والبجينا في حقنا بنواسيه فرددت عليه من غضبي انتم قوتكم في لسانكم فقط عموما دعونا نعترف رقم انني احمل الدمين في عروقي ولست ادعو الي العنصريه ان الشعب السوداني يحتاج الي ان يتعلم كيف يحترم الاخر يحتاج الي تربيه نحتاج لمراجعه التاريخ ومعرفه الحقايق المخفيه نحتاج لدراسه الاثار لنعرف من هو الاصيل ونعيش سويا فكلنا نراب ما كان للغرباوي خيار في ان يكون غرباوي وما كان لغيره خيار في ان يكون ما كان


ردود على سوداني اصيل سيد الاسم
[isic] 06-16-2013 11:20 PM
الناس ديل بيبحثوا عن أصلهم ﻷن العارف عزه مستريح ، كما أن لشخص مشكله لايستطيع النوم .

United States [هبهانة] 06-16-2013 02:37 PM
انا اواجه نفس مشكلتك سحنتى وملامحى تدل على أنى من الشمال النيلى رغم انى من دارفور وبالتحديد من قبائل الزرقه، كثير ما اسمع المضايقات والاهانات تطال اهلى .
ومن بعض المواقف التى مرت بى فى مكان العمل ان زميلى فى العمل علم بأنى من الغرب فقلت له انه يشبة ابن خالتى فى ملامحه فسكت ولم يرد وإنتظرنى حتا خرجت فإلتفت إلى زميلاتى وقال ان ابن خالتى (عب) وهو ود بلد أصلى، وقد صادف ان رجعت لآخذ الورق الذى نسيته فسمعت هذا الكلام باذنى.
وايضاً حضر (عميل) الى العمل وتحدث عن بعض الزملاء وقد كان مستاء منهم وقال لى (اصلا ديل جنس ما نضيف) قلتا ليهوا يعنى شنو (مانضيف) قال لى يعنى ما حُرين قلتا ليهوا وضح اكتر قام تحت تحت كدا قال لى يعنى (عبيد كدا غرابة ولا شنو ما عارف)، وبعد ان اتممت له عمله شكرنى وقال لى انتى شكلك (بت بلد) قلتا ليهوا آى بالحيل انا بت بلد قال لى طيب جنسك شنو؟ قلتا ليهوا غـــرابية.... طبعاً أُحرج إحراج شديد .

United States [سودانية] 06-16-2013 11:14 AM
صدقت اخي انهم يحتاجون الي تربيةوكلنا من ادم وادم من تراب ولكن من يفهم هؤلاء وبهم مركب نقص

United States [زنقه زنقه] 06-15-2013 04:26 PM
شكراً يا سودانى يا اصيل يا ود البلد

وفى النهاية الناس مفروض تعرف .. انو مافيش حد اختار
بلدو
ولا لونو
ولا جنسو (ذكر او انثى)
ولا حتى الزمن الاتولد فيهو

دى كلها حقت ربنا سبحانه وتعالى
تنزه وتعالى عن كل نقص

هل تعلمون ماذا كانت (جريرة) سيدنا نوح عليه السلام التى يخشى ان تغفر له
انه راى فى مرة (كلب)
وقال فى (سره) ما اقبح هذا الكلب
فقال له الله سبحانه وتعالى (هل خلقته)

هل يمكن ان نقول ان الله سبحانه وتعالي ظلمنا عندما خلقنا (سود) وسودانيين
وهل يمكن ان نقول انه (أكرم) الآخرين سوانا الذين خلقهم بيضاً ومن جنسيات اخرى ؟

ام ان هناك حكمة يعلمها هو سبحانه وتعالى

وانه ما خلقنا مختلفين الا لنتعارف ان أكرمنا عنده (اتقانا)

وقد قال كذلك انه لن يدخل الجنة من فى قلبه مثقال ذرة من كبر
هل رايت
اليس ما فيه نحن (نعمة)
ألا يكون فى قلوبنا (كبر) تجاه الاخرين

الحمد لله على ما خلقنا الله عليه
ونساله قلباً سليماً


#697455 [سلمان]
5.00/5 (1 صوت)

06-15-2013 01:47 PM
نعم الزول دا قاصد باهل السودان الاصلاء الافارقة يعني الناس القاعدين في السودان من ما الله خلقو ... يعني ما جو ماهجرين ،،،،،، الكلام واضح ،،،،،،، بعد السودان يعني للقبايل الافريقية ،،،،، طيب نحنا جدودنا جو مهاجرين يعني نمش وين ،،،، انتو عارفين الزول دا دفعو ليهو الجماعة تحت البنبر


#697453 [ابونضال]
5.00/5 (1 صوت)

06-15-2013 01:45 PM
الحمد لله الذي اظهر جدوى وضرورة الدعوة للسودان الجديد وابان للناس حقيقة المشروع الحضاري العنصري البغيض الذي اعادنا للعصور المظلمة العصور الوسطى ...عصور الطبقات الاجتماعية العنصرية...


#697436 [ابو ابراهيم]
0.00/5 (0 صوت)

06-15-2013 01:29 PM
صدقوني القبيله في عرف الانقاذ هي الكيزان فقط وليس لاحد حق في اي شئ وكل الذي يثيروه عن القبليه هو من سياستهم التي استمروا كل هذه السنين وهي سياسة فرق تسد


ردود على ابو ابراهيم
[هبهانة] 06-16-2013 01:55 PM
كلامك ما صاح قبل فتره كنتا بتناقش مع زول قال نفس كلامك دا .
العنصرية موجوده من زمان من زمن الجلابه كانوا بيمشوا جبال النوبه يتاجروا فى الرقيق واقرا كتب التاريخ السودانى القديم الغير مزور، وبدون ما نرجع للتاريخ اذا سألت اهلنا الكبار عن العبيد والسرارى والفريخ كانوا بيجوا من وين.
العنصرية فى قبل الإنقاذ كانت موجودة فى الحياه الإجتماعية فقط لكن الانقاذ ادخلت العنصرية فى السياسة ونجحت فى ذلك بتقسيم البلد.


#697422 [الاشعرى]
0.00/5 (0 صوت)

06-15-2013 01:15 PM
تاريخيا الاصلا هم ناس كردفان وجبال النوبة والنيل الازرق وار فور اما الذين يدعون انهم عرب واللة اشكالهم وبشرتهم وشعرهم وانفهم يدل انهم افارقة 100% وهم من امريكا الجنوبية
انظر الى وجة نافع وابناءة هل هنالك ملامح عربية لا واللة
الواحد تجد بشرتة سوداء ويقول ليك عربى ويقول ليك دة من الشمس
السودان مافية عربى والداير يتاكد علية بدفع 100 ولار ويفحص الحمض النووى
معروف كل القبائل العربية نازحة
والة نحن نستحى نقول عرب في بلدان الخليج
واي واحد يقول عربي لابد من استشارة دكتور نفسي
العربي يمتاز باللون الابيض والانف البارز والشعر السبيبى وهل هذه متوفرةعندنا
احسن الواحد يقول سودانى وكفى بدون قلة ادب


#697421 [ود الحرام]
5.00/5 (1 صوت)

06-15-2013 01:15 PM
اختي العزيزة هنالك مؤسسات تكاد تربطها شجرة العائلة فنجد ان بنك السودان المركزي تحول الي بنك الدناقة المركزي والصندوق القومي للمعاشات تحول الي الصندوق القومي للجعلين . بل الادهي وامر ان هنالك مدرسة حكومية (الشيخ مصطفي الامين) لن تقبل فيها الا اذا كنت من الاصلا يعني منىنهر النيل والشمالية
والله المستعان


#697409 [مجدي محمد مصطفي]
5.00/5 (7 صوت)

06-15-2013 01:06 PM
بدون دفن للرؤوس في الرمال !!!
نعم هناك من يعتقد في عقله وقلبه بأنه هو أكثر أصالة من غيره من السودانيين , وما حديث نافع الصريح الا تجسيد لواقع أعمق يعشعش فى رأس أغلب أهل الشمال الذين صور لهم بأن السودان لهم وحدهم وأن البقيه هم دخلاء وفي مقوله أخري عبيد وأخرى فرووخ و أخرى وأخرى وأخرى!!!

هذه هي مشكله السودان الاساسيه (العنصريه) (العنصريه الممنهجه)

كيف نفسر أن كل القتل والتشرد والجوع والحرمان يتمركز في مناطق بعينها!!! وكل التنميه والرخاء يتمركز أيضا في مناطق معينه!!!

الأمر له تفسير حتي في العلم , نعم العلم الواااحد ده علم الدوله الإسمها السودان , حتي ألوانه وتمركزها له دلالات سمعتها كثيرا كثيرا في اشاره لللون الأسود ووجوده في الأسفل (ال عب تحت) ...

أي انكار لهذه الحقائق الأن هو تأجيل للعلاج , لعلاج ظاهرة الإستعلاء في المجتمع السوداني , وكل يوم يمر سيؤخر التداوي , وبالتالى ستكون له عواقب وخيمه على الجميع ...

هل نسيتم حديث عبدالرحيم عن أولاد الحرام والذي يقصد به شباب دارفور ! , أم نسيتم حديث البشير عن اغتصاب الدارفوريه والشرف الباذخ بالمغتصب الجعلى!.
أم انكم نسيتم استراتيجيه حمدي للتنميه التي اجازها المؤتمر الوطني ويطبقها بدون هوداه (مثلث حمدي) !!!.

ان كنتم نسيتم فإن الأخرين لن ينسوا


ردود على مجدي محمد مصطفي
United States [نبيل صالح] 06-16-2013 05:07 PM
بس يا استاذ مجدي ... هذا المكان ليس لاثارة النعرات ... لم تصدق في حديثك ان الشماليين يعتقدون ان من يعيشون في اسفل السودان عبيد او فروخ ... ربما هناك بعض الدوائر تتعامل بعنصرية ولكن ليس باللون بل هناك من يكرس للعروبة وتلغي الاثنيات الااخري ... كما لم تصدق في الاستعلاء من قبل كل المجتمع السوداني ... اما عن حديثك عن وضع اللون الاسود في الاسفل فهذا اعتقاد اجزم بانه خاطئ وصادر من نفس مهزوزة ... انت يا مجدي اخوي بتساهم في تجزئة السودان الواحد ... ارجو ان تراجع حديثك .

[هبهانة] 06-16-2013 01:46 PM
صدقت يا مجدى محمد
رغم انو كلامك مر وما بينبلع
بس دى الحقيقه المره البناباها وننكرا ونرفضا


#697393 [سوداني وبس]
5.00/5 (1 صوت)

06-15-2013 12:53 PM
الله يكون في عون السودان واهله ويكفينا شر الفتن ماظهر منها ومابطن


#697392 [أبو الدقير]
0.00/5 (0 صوت)

06-15-2013 12:53 PM
يا لك من ناصحة شكرا لك أختنا شمائل لو كان القوم يملكون ذرة مما تملكين لما وصلنا إلى هذه الحالة من الضياع والتشرزم.


#697384 [عطوى]
5.00/5 (1 صوت)

06-15-2013 12:46 PM
يا ترى من هم الاصلاء هل هم البجا ؟ ام هم النوبة ونعنى بالنوبة نوبا الجبال ؟ ام نوبييى الشمال ؟ ام بما يسمى بمستعربة الشمال وفى حال ثبت بان المعنيون بالاصالة وابناء البلد كما يطلق عليهم فياترى من هم اسايد واولاد البلد كما يتسائل الكثيرين ؟؟؟

السؤال هو هل اولاد البلد افارقة ام عربان ؟؟؟؟ فاذا كانت الاجابة بان اولاد البلد هم مثلا الجعلية هل الجعلية عرب ام افارقة ؟؟؟؟ فقط اتسائل لانة لايمكن ان يكون هم اولاد البلد ويكونو عربا ؟؟؟؟ فماذا ياترى ؟؟؟ حقيقة لخبطة السودانييين مع الاعراق حاجة تجنن وليس لها اى حل سوى جيش من الاختصاصيين النفسانييين تابع للامم المتحدة ..


#697379 [عبد الله]
5.00/5 (4 صوت)

06-15-2013 12:35 PM
يا هو لاء الاصلاء هم الذين اوجدهم الله هنا لم يعبر اجدادهم بحرا او يفروا من قسوه سلطانهم ..الاصلاء هم هولاء ( الزرق ) والزنوج ...الاصلاء هم اصحاب الرطانات التى لن تموت يا ايها النافع ..الاصلاء هم من صنعوا ثوره 24 ...اارجع الى كتااب ماكمايكل لتعرف من هم .


ردود على عبد الله
United States [ابن البادية] 06-16-2013 06:06 PM
هل ينتمى نافع الى قبيلة الجعليين ؟ هذا سؤالى المباشر له وكذلك سؤال لكل من يدعي أنه ينتمى للقبيلة الفلانية نسب وأصالة . امسكوا الناس واحد يتلو الأخر ( ابن البادية) نحنا جدنا أدريس الاول أول حاكم في دار جعل ولكننا لا نسئ الى الناس ولا نتعالي على السودانيين نحن جزء منهم وهم جزء منا والسودان أرض هجرات من وادي حلفا الى أخر نقطة وكذب كل من يدعي الأصل والأخر فرع

United States [Struggler] 06-16-2013 03:18 PM
أرجو من السادة القـراء الضغط على هذا الرابط..

http://www.youtube.com/watch?v=MPtoSogR_zQ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة